Hwæt we Gár-Dena,
in gear-dagum,
þeód-cy˙ninga,
þry˙m ge-frunon—
hû ða æþelingas
ellen fremedon—
oft Scy˙ld Scefing,
sceaþen(a) þreátum,
monegū mægþum,
meodo-setla of-teáh—
egsode eorl—
sy˙ððan ǽrest wearð
feá-sceaft funden;
he þæs frófre ge-bá(d),
weóx under wolcnum,
weorð-my˙ndum þáh;
oð þ¯ him ǽg-hwly˙c
þára ymb-sittendra,
ofer hron-ráde,
hýran scolde,
gomban gy˙ldan—
þ¯ wǽs gód cy˙ning—
ðæm eafera wǽs
æfer cenned,
geong in geardum,
þone gód sende
folce to frófre;
fy˙ren-þearfe on-geat,
þ¯ híe ǽr drugon,
aldor-(le)áse.
lange hwíle,
him þæs líf-freá,
wuldres wealdend,
worold-áre for-geaf—
Beó-wulf wǽs breme,
blǽd wíde sprang,
Scy˙ldes eafera,
Scede-landum in—
swa sceal (wig-fru)ma
góde ge-wircean—
fromum feo-giftum,
on fæder-(feo)rme;
þ¯ hine, on y˙lde,
eft ge-wunigen
wi(l)-ge-síþas,
þonne wig cume.
leóde ge-lǽsten,
lof-dǽdū sceal,
in mægþage-hwære,
man ge-þeón——
him, ðá Scy˙ld ge-wát
tó ge-scæp hwíle
|
fela-hror feran
on freán wæ re—
hí hy˙ne þá æt-bǽron
tó brimes faroðe,
swǽse ge-síþas,
swá he selfa bæd;
þenden wordum weóld
wine Scy˙ldinga
leóf land-fruma
lange áhte——
þær æt hýðe stód
hringed-stefna,
isig and út-fús,
æþelinges fær;
á-ledon þá
leófne þeóden,
beága bry˙ttan,
on bearm scipes,
mǽrne be mǽste:
þær wǽs mádma fela
of feor-wegum
frætwa ge-lǽded.
Ne hýrde ic cy˙mlicor
ceol ge-gy˙rwan,
hilde-wæpnum
and heaðo-wǽdum,
billum and by˙rnum
him on bearme læg
mádma menigo,
þa him mid scoldon
on flódes æht
feor ge-wítan.
Nalæs hí hine læssan
lácum teódan,
þeód-ge-streónum,
þon þá dy˙don
þe hine, æt frum-sceafte,
forð on-sendon,
ǽnne ofer ýðe,
umbor-wesende.
þá gy˙t híe him á-setton
segen (gy˙l denne,
heáh ofer heáfod—
leton holm ber(an)
geafon on gár-secg:
him wǽs geomor-sefa
murnende mód——
men ne cunnon
secgan, tó sóðe,
séle rædenne,
hæleð under heofenū
hwá þæm hlæste on-feng.
|