Æthelstán cyning,
eorla drihten,
boorna beáh-gyfa,
and his bróther eac,
Eadmund ætheling,
ealdor langne tir,
geslogon æt secce,
sweorda ecgum,
ymbe Brunanburh.
Bord-weal clufon,
heowon heatho-linda,
hamora lafum,
eáforan Eadweardes.
Swa him geæthele wæs
from cneo-mægum
thæt híe æt campe oft,
with lathra gehwæne,
land ealgodon,
hord and hámas,
hettend crungon.
Scotta leode,
and scip-flotan,
fæge feollon.
Feld dennade,
secga swate,
sith-than sunne úp,
on morgen-tíd,
mære tuncgol,
glád ofer grundas,
Godes candel be orht,
éces Drihtnes;
oth-thæt sio æthele gesceaft,
sáh tó setle.
Thær læg secg monig,
gárum ageted,
guman northere,
ofer scyld scoten.
Swylc Scyttisc eac,
werig wiges sæd.
West-Seaxe forth,
ondlangne dæg
eorod-cystum,
on last lægdon
lathum theodum.
Heowon here-flyman,
hindan thearle,
mecum mylen-scearpum.
Myrce ne wyrndon
heardes hand-plegan,
hæletha nanum,
thára the mid Anlafe,
ofer ear-geblond,
on lides bosme,
land gesohton,
fæge to feohte.
Fife lægon,
on thám campstede,
cyningas geonge,
sweordum aswefede.
Swylc seofen éac
eorlas Anlafes;
unrím heriges,
flotan and Sceotta.
Thær geflymed wearth
Northmanna bregu,
nyde gebæded,
to lides stefne,
litle werede.
Cread cnear on-flot,
cyning ut-gewat,
on fealowe flod,
feorh generede.
Swylc thær éac se froda,
|
mid fleame cóm,
on his cyththe north,
Constantinus,
har hylderinc
Hreman ne thórfte
meca gemanan.
Her wæs his maga sceard,
freonda gefylled,
on folc-stede,
beslægen æt secce;
and his sunu (he) forlet
on wæl-stowe,
wundum-forgrunden,
geongne æt guthe.
Gylpan ne thórfte,
beorn blanden-feax,
bill-geslehtes,
eald inwitta;
ne Anláf thy má,
mid heora here-lafum,
hlihan ne thorfton,
thæt hí beadu-weorca
beteran wurdon,
on camp-stede,
cumbol-gehnastes,
gár mittinge,
gumena gemotes,
wæpen-gewrixles,
thæs the híe on wæl-felda
with Eadweardes
eáforan plegodon.
Gewiton hym tha Northmen,
nægledon cnearrum,
dreorig daretha láf,
on dinges mere,
ofer deop wæter,
Dyflin secan,
eft Yraland,
æwisc-mode.
Swylce thá gebrother,
begen æt samne,
cyning and ætheling,
cyththe sohton,
West Seaxna land,
wiges hremige.
Læton him behindan,
hrá brittian,
salowig padan,
thone sweartan hræfn,
hyrned-nebban;
and thone hasean padan,
earn æftan hwit,
æses brucan,
grædigne guth-hafoc;
and thæt græge deor,
wulf on wealde.
Ne wearth wæl máre,
on thys igland,
æfre gyta,
folces gefylled,
beforan thissum,
sweordes ecgum,
thæs the us secgath béc,
ealde uthwitan,
sith-than eastan hider
Engle and Seaxe
úp becomon,
ofer brade brimu
Brytene sohton,
wlance wig-smithas,
Weales ofer-comon,
eorlas árhwáte,
eard begeaton.
|