COL. III
1ši-iz-ba ša na-ma-áš-te-e
2i-te-en- ni- iḳ
3a-ka-lam iš-ku-nu ma-ḫar-šu
4ip-te-iḳ-ma i-na -aṭ-ṭal[16]
5ù ip-pa-al-la- as
6u-ul i-di dEn-ki- dû
7aklam a-na a-ka-lim
8šikaram a-na ša-te-e-im
10ḫa-ri-im-lum pi-ša i-pu-ša-am- ma
11iz-za-kar-am a-na iluEn-ki-dû
12a-ku-ul ak-lam dEn-ki-dû
13zi-ma-at ba-la-ṭi-im
14bi-ši-ti ši-im-ti ma-ti
15i-ku-ul a-ak-lam iluEn-ki-dû
16a-di ši-bi-e-šu
17šikaram iš-ti-a-am
187 aṣ-ṣa-am-mi-im[17]
19it-tap-šar kab-ta-tum i-na-an-gu
20i-li-iṣ libba- šu- ma
21pa-nu-šu [it-]ta(?)-bir -ru[18]
22ul-tap-pi-it [............]-i
23šu-ḫu-ra-am pa-ga-ar-šu
24ša-am-nam ip-ta-ša-áš-ma
25a-we-li-iš i-mē
26il-ba- áš li-ib-ša-am
27ki-ma mu-ti i-ba-áš-ši
28il-ki ka-ak-ka-šu
29la-bi ú gi-ir- ri
30iš-sa-ak-pu šab-[ši]-eš mu-ši-a-ti
31ut- tap -pi-iš šib-ba-ri[19]