V. Kuloskap naka Nima‛kwsowes.
Neke pi‛tce nikaniu el-eyit Kuloskap ulwig'nuk widcikematcihi; nikt'k m'siu pil'wi weyusis'k; w'madceptakon w'siwiwi en w'madcephekwalan teki-te Uktakumkuk, meskowat nipaiyu; eli petciye Nimakw'sowes n'kotokano. W'matcephan k'tci‛kok w'ketonkalin; w'milan w'kispeson w'skinosis'l. Nit milan pilwapiyowâk'n. K'matc n'to-wihu-ketonke.
Nit-li petciye wespasa‛kiwik Ka‛kagus w'nimial Nima‛kwsowesul et'li-pastolit wiyus wikek. Ni-te nekseyiu p'sentakw't m'siu seksoltin; it'muk: "kis-wedc'wauso Kuloskap." M'si-te wen k'sēuse wikek; w't-askowa‛ton metcinen naka-te-na petciye. Nit-lo nimiyat suksoltilin tahalo-te ma‛tekweswuk naka ela‛tit k'tci-puswul. Kuloskap etutci-memhowelmet, ip'dc'l wul'mato naka w'ketmakelkeskin naka w't-enhel-temwan.
Eli-ketopoltilit-li petciye etutci-ketmakeyoltilit; nit o-ketcewi-milan weyusiswei. Nit m'sakeyowâk'n wikwa-wikwak matcewiu. Nit-lo nikaniu eli-neklatitp'n nit-te-na eli-neklat. Meskw ketcitcyatikw metci-newi neklawal. Ni-lo teke w'ketcitcyawul-li; nekat'muk w'nekananya skat widcyematikw. Eli-matcehe k't'kil peskiyautuskil. (Kenok-lo pilwiu(?) el-kwimelko k't'kil elmakεplasikil.)
Teketch nit w'kis'tolin (kesena: w'kisi‛ton ekwit'n) Kuloskap niswiu Ni ma‛kwsowes naka Noseskw w't-elianya k'tci sipok. K'sket'kwe naka w'linakw't amskowas. Ni-te na w'madcyeksinya (kesena: w'madcyelokwanya) papkiu mataweyik (kesena: metekwek). Ni-te na w'petciyanya keskepetnekil wihiu; malem w'nekwelokwanya, kenok-lo sip metc-te pi‛tceto-li nekwitcwun. Elmi-malaketcwun tekiu kas-kelokwanya kesidcwuk nawiu penapskwi‛kok naka nekiusenekiu naka kapskol etutci-dcibinakwak wetcwauwithatm'nya metcinewâk'n etas-elatkowetesk ekwit'n. Elmi-na-tcitcikw'tekwe naka akwami kesidcwun. Sip elmi-tcitcikw'tekwe akwami na sikîk'n.
Seksowâk'n petciyamkonya Nimakw'sowes naka Noseskw; ni-te na w'siktepayinya, kenok-lo Kuloskap sankeopo naka m'teaulinwinton. Nit eli-sapiyat pemit'pokak; kenok-lo aptc-te petciye kisus el-asek.
While Kuloskap stands silently on the shore, he strings up his bow; he sees the low cloud which follows her, as she goes farther and farther away.