VIII. Kuloskap Tewapskak tali.
M'si-te pemkemik'k kesena mem'siteyiu Wap'na‛kik, katama-te-yiu tan skat w'winakw'tonek tan elo‛kets Kuloskap. Metc-te nimi‛tase pema-kekil naka sip'wi'kok, k'tci kuspemi‛kok naka wutc'wi‛kok; Pesamk elmi-senodciwik naka elkwi-Menakwesk naka-te Mikma‛kik; petci-te Oktukumk. Nit yu asekimakwet aut wedciu Kwesolalekek tekiu Paspolik noswautesen sipok. Yut aut liwitaso "uwok'n". Et'li-kisi-thodkes nadci-nimi‛ton P'kwekmikhîk'n, meyikw-to-te mataweyik Wulastukw naka Oktukuntcik.
Kenok-lo yut'l widciyematidcil sewisiku sopekok-li: "n'k'masitahatm'n k'tak'mikw" w't'li-kiukeninya. Kwuni atlasimolti‛tit naka w'kisadcit-m'nya w'k'skakm'nya, Kuloskap etudci-weket pilwapyowâk'n; k'tciyawi kisi‛to; metcimi wutc w'skauwotaso, malemtc askemiu; makiyewus matcewusan, w't'lakan wiski wipinakw't pemihikek; wulitetpîk'n.