CHAPITRE II.
[9] DES TEMPS, SAISONS, & TEMPERATURE DE LA NOUUELLE FRANCE.
[46] CES terres estant, comme nous auons dit, paralleles à nostre France, c'est à dire, en mesme climat, & mesme eleuation, par reigle d'Astrologie, elles doiuent auoir mesmes influẽces, mesmes inclinations, & temperatures: car elles ne different en cela, que cõme differẽt entre nous par exẽple Grenoble, Vienne, & Bourdeaux, Paris & Cornoaille, Marseille, & Bayõne, sçauoir est, q̃ seulemẽt vn lieu est plus Oriẽtal, que l'autre; quant au reste, il a mesme grandeur de iours, mesme aspect des estoilles, mesmes saisons, & temperature. Vray est que la nouuelle France descend trois degrez [10] plus bas vers le midy, que ne faict la nostre, laquelle s'arreste à Fontarabie, c'est à dire, au 42. degré; là où la Nouuelle franchit iusques au 39. pour le moins, & plus loin, s'il plaist à sa Majesté de ne rien rabatre de ce que son predecesseur François I. auoit acquis.