CHAPITRE IX.
QUEL MOYEN IL Y PEUT AUOIR D'AIDER CES NATIONS À LEUR SALUT ETERNEL.
[136] VOVS auez ouy iusques icy, quel est le naturel des terres de la nouuelle France, & les façons, arts, & coustumes principales des habitans. Or maintenant le tout bien consideré, en fin, ie croy, que le resultat de toutes les opinions, aduis, experiences, raisons, & coniectures des Sages ne pourroit estre guieres que [99] cestui-cy, sçauoir est, qu'il n'y a point d'apparence de iamais pouuoir cõuertir, ny aider solidement à salut ces Natiõs, si lon ny fonde vne peuplade Chrestienne, & Catholique, ayant suffisance de moyens pour viure, & de laquelle toutes ces contrées dependent, mesmes quand aux prouisions, & necessités temporel. Tel est le resultat, & conclusion des aduis.