CHAPITRE VIII.
DE LEUR TESTAMENT, LEURS OBSEQUES, & ENTERREMENT, & DE LEUR RELIGION.
[126] LE malade ayant esté iugé à mort par l'Autmoin, ainsi que nous auons dit: Toute la parentée, & les voysins s'assemblẽt, & luy, au plus haut appareil qu'il peut, fait la harangue funebre: recite ses gestes, donne des enseignements à sa famille, recommande ses amis: en fin, dit à Dieu. Voyla tout leur testament: Car de dons, ils n'en font point, ains tout au contraire de nous, les suruiuants [89] en font en mourant, ainsi qu'ouyrez. Seulement faut excepter la Tabagie, parce qu'elle est vne rubrique generale qu'il faut obseruer par tout, à fin que les ceremonies soyent selon le droict.