Epistola Patris Petri Biardi ad Reverendissimum Patrem Claudium Aquavivam, Præpositum Generalem Societatis Jesu, Romæ. (26 Maii, 1614.)

(Transcripsit Pater Felix Martinus ex codice Latino qui Romæ in Archivis Jesu conservatur.)

ADMODUM REVERENDE IN CHRISTO PATER,

Pax Christi.

Et affectus et debitum cogunt ut ego nunc recens et multis maximisque periculis summo Dei beneficio et vestræ Paternitatis precibus ereptus, eam salutem et quoad possum ejus genibus provolutus amplectar; grato certe ao [animo] ac magno spiritu. Etenim velut aspicere me debeo ad pœnitentiam, ut spero, agendam et gratias exhibendas; tanti sunt ii casus e quibus me nunc liberatum admiror. Sed quoniam nunc forte [2] importunum foret longam rerum ȏium [omnium] historiam texere et credibile est Vestram Paternitatem multa jam ex P. Enemundo Massæo inaudivisse; omissis aliis hoc nunc solum explicabo, quonam modo post nostram ab Anglis in Nova Francia oppressionem, circumducti simus variis locis ac tandem huc in patriam restituti.