CHAPITRE XXXVII. [i.e., xxxvi.]
LES RAISONS DES FRANÇOIS, PAR LESQUELLES ILS S'APPROPRIENT À BON DROICT LES TERRES DE LA NOUUELLE FRANCE, CONTRE LA PRETENSION DES ANGLOIS.
MAINTENANT, que i'ay satisfaict aux deux premieres [320 i.e., 322] parties de ma promesse, sçauoir est, que i'ay faict ma Relation du naturel des terres & des habitans de la nouuelle France: & vous ay raconté les comportemẽs des Iesuites, & les accidents, qui leur y sont suruenus; Reste la tierce, d'exposer en quoy consiste la dispute, qui est ores suruenuë entre les François, & Anglois, touchant ces contrées, & les raisons de l'vn & de l'autre party. Car le curieux Lecteur, à mon aduis, sera bien aise, d'entendre en quoy gist ce poinct cõtentieux: & les raisons qu'on apporte de part & d'autre; mesmes que cela appartient à l'honneur des François, de faire cognoistre à toutes nations à combien iustes tiltres, pertinentes raisons, & syncere conscience, nos Roys se sont faits Maistres, & ont possedé ces terres iusques à ce temps.