ðe egtende dai ðat he waſ boren,
| [Fol. 24.] |
1200
Circumciſed he waſ, a-buten ſchoren;
ðor-of holden ðe ieuwes lay,
Circumciſed on ðe egtende day.
Arabit folc of yſmael,
| He was circumcised on the eighth day, |
1204
After him don he it al ſwilk ſel,
Quane he .xiii. ger ben old;
Of yſmael here time iſ told.
| which custom the Jews follow. |
Ðre ger woren yſaac on,
1208
Quane he waſ fro teding don;
Michel geſtninge made abraham
Quane he ðat ſune to borde nam.
Wintres forð-wexen on yſaac,
| When Isaac was three years old Abraham made a great
feast. |
1212
And yſmael waſ him vn-ſwac;
Of-ten it gan yſaac un-framen,
And yſmael pleide hard gamen;
| Ishmael often mocked Isaac, |
Sarra waſ ðor-fore often wroð,
1216
Hir waſ yſmaeles anger loð;
| which caused Sarah to be very wroth. |
Ghe bi-mente hire to abraham,
And ſumdel ligtlike he it nam
Til god him bad iſ wiues tale
1220
Liſten, and don a-wei ðat dwale.
Abraham rapede him ſone in ſped
for to fulfillen godeſ reed;
| She complains to Abraham. |
He flemede agar and yſmael
1224
In ſumertid, In egeſt ſel;
| Abraham banishes Hagar and her son. |
Bred, and a fetles wið water fild,
Bar agar wið hire and wið ðe child;
| [Fol. 24b.] |
Bi ðe deſert a-wei che nam,
1228
In ard weie and hete gram;
Wið ſwinc and hete hem wexon ðriſt,
| By the desert they took their way. |
ðe water ſleckede ðe childeſ liſt;
Tid-like hem gan ðat water laken,
| They became very thirsty. |
1232
ðo gan agareſ ſorwe waken;
Wantede ðit child faierneſſe and migt,
Hiſ moder wurð neg dead for frigt.
| The water in the bottle became spent. |