LIVRE PREMIER.
[1] § 371. Quant li rois Jehans de France eut fait ses
chevaucies et ensi reconquis en le Basse Normendie
les villes et les chastiaus dou roy de Navare que il
faisoit tenir en prison, et il fu retrais en le cité de
5Paris, il n’i eut gaires sejourné quant il entendi que
li princes de Galles, à tout son effort, estoit jà moult
avant entrés en son pays et approçoit durement le
bon pays de Berri. Ces nouvelles ne furent mies bien
plaisans au dit roy; si dist et jura que il chevauceroit
10contre lui et le combateroit, quel part que il le trouveroit.
Adonc li rois, meus et encoragiés de deffendre et
garder son royaume, fist de recief un très especial
mandement et commandement à tous nobles et
15fievés tenans de lui, que nulz, à trop grandement
fourfaire, ses lettres veues, ne s’escusast ne demorast
[2] qu’il ne venist devers lui sus les marces de Blois
et de Tourainne; car il voloit combatre les Englès.
Dont s’esmurent tout gentil homme qui mandé et
priiet en furent; car li pluiseur avoient ossi grant
5desir, pour yaus contrevengier des despis et destourbiers
que li Englès leur pooient avoir fais dou
temps [passet[255]] d’yaus combatre.
Et meismement, li dis rois, pour haster et avancier
sa besongne, se departi de Paris, car encores
10tenoit il grant fuison de gens d’armes sus les camps;
et chevauça devers le bonne cité de Chartres, et fist
tant qu’il y parvint. Si se arresta là tous quois, pour
mieus entendre et aprendre dou couvenant des Englès.
Et toutdis li venoient gens d’armes à effort de
15tous costés, d’Auvergne, de Berri, de Bourgongne,
de Loeraingne, de Haynau, d’Artois, de Vermendois,
de Pikardie, de Bretagne et de Normendie. Et tout
ensi comme il venoient, il passoient oultre, et faisoient
leur moustre; et se logoient sus le pays par l’ordenance
20des mareschaus, monsigneur Jehan de Clermont
et monsigneur Ernoul d’Audrehen.
Et faisoit li dis rois grossement pourveir et rafreschir
les forterèces et les garnisons de bonnes gens
d’armes d’Angho, de Poito, du Mainne, de Tourainne,
25et tout sus les marces et frontières par où
on esperoit que li Englès devoient passer, pour yaus
clore le pas et tollir vivres et pourveances, que il
n’en peuissent de nulles recouvrer pour yaus ne pour
leurs chevaus.
30Nonobstant tout ce, li princes de Galles et se
[3] route, où bien avoit deux mil hommes d’armes et
six mil arciers, chevauçoient à leur aise et recouvroient
de tous vivres à grant fuison; et trouvoient
le pays d’Auvergne, où jà il estoient entré et avalé,
5si gras et si raempli de tous biens, que merveilles
seroit à considerer. Mais, com plentiveus que il le
trouvaissent, il ne voloient mies entendre ne arrester
à çou; ançois voloient guerriier et grever leurs
ennemis. Si ardoient et essilloient le pays tout devant
10yaus et environ. Et quant il estoient entré en
une ville, et il le trouvoient raemplie et pourveue
largement de tous vivres, et il s’i estoient refresci
deux jours ou trois et il s’en partoient, il essilloient
le demorant, et effondroient les tonniaus plains de
15vins, et ardoient bleds et avainnes afin que leur ennemi
n’en euissent aise; et puis si chevauçoient avant.
Et toutdis trouvoient il bon pays et plentiveus; car
en Berri et en Tourainne, en Ango, en Poito et [au
Maine[256]], a une des grasses marces dou monde pour
20gens d’armes.
§ 372. Ensi chevauçoient li Englès, ardant et exillant
tout le pays devant yaus. Et fisent tant que il
vinrent assés priès de le bonne cité de Bourges, où
li arcevesques dou dit lieu pour le temps estoit, et
25doi chevalier envoiiet de par le roy de France, pour
entendre à le cité, se il besongnoit; et oil voir, car li
Englès l’approcièrent de si priés qu’il en ardirent les
fourbours. Et y eut une grande escarmuce à l’une des
[4] portes; et là furent bon chevalier de chiaus de dedens,
li sires de Gousant et messires Hustins de Vremelles.
Et y eut ce jour, et l’escarmuce durant, fait
tamainte belle apertise d’armes.
5Si s’en partirent li Englès sans aultre cose faire, et
passèrent oultre et vinrent à Yzodon en Berri, un
fort chastiel, et l’assallirent fortement et radement.
Et là se recueilla toute li hos, mès il ne le peurent
gaegnier; car li gentil homme qui dedans estoient,
10le gardèrent très bien. Si s’en partirent li dit Englès
et prisent lor chemin devers Verson, une grosse ville
et bon chastiel; mais la ditte ville estoit foiblement
fremée, et peu de gens y estoient demoret pour le
deffendre: si fu prise de force; et y trouvèrent li
15Englès tant de vins et de vivres que sans nombre. Si
y sejournèrent trois jours pour yaus rafreschir.
Là vinrent les nouvelles au prince de Galles que li
rois de France estoit à Chartres, à grant fuison de
gens d’armes, et que toutes les villes et li passage de
20dessus le rivière de Loire estoient si bien gardet
que nullement il ne poroient passer la ditte rivière.
Si eut li dis princes conseil qu’il se metteroit au retour
et passeroit parmi Tourainne et Poito, et revenroit,
tout en guerriant, ardant et essillant le pays, à
25Bourdiaus dont il s’estoit partis. Si s’ordonnèrent
pour deslogier de Vierson, quant il eurent fait leur
bon et leur talent de la ville; et avoient en ce sejour
pris le chastiel et occis la plus grant partie de chiaus
qui dedens furent trouvet; puis chevaucièrent par
30devers Romorentin.
Adonc estoient envoiiet ou pays de Berri, de par
le roy de France, troi grant baron et bon chevalier
[5] durement, pour garder les frontières et aviser le
couvenant des Englès. Si estoient cil premierement
li sires de Craam, messires Boucicaus et li Hermites
de Chaumont. Et avint ensi que cil troi signeur et
5leurs routes, où bien avoit trois cens lances, chevauçoient
sus les frontières en costiant les Englès, et les
avoient poursievois jà par six jours et n’avoient pout
trouver leur avantage d’entrer en yaus ne assallir;
car li Englès chevauçoient et se logoient si sagement
10que on ne les pooit envaïr de nul costé où on peuist
riens gaegnier: si se boutèrent un jour li dessus dit
en embusque, assés priès de Romorentin, sus un pas
qui estoit assés mervilleus et par où il couvenoit les
Englès passer.
15Ce jour s’estoient departi des routes dou prince et
de le bataille des mareschaus, et par le congiet monsigneur
Bietremieu de Bruhes, li sires de Monchident,
gascon, messires Petiton de Courton, li sires de le
Ware, li sires de Basset, messires Daniel Pasele,
20messires Richars de Pontchardon, messires Neel Lorinch,
li jones sires Despensiers messires Edowars, et
messires Eustasces d’Aubrecicourt. Et s’en venoient
tout cil chevalier bien monté, et pooient estre parmi
leurs gens environ deux cens, pour courir devant
25Romorentin. Si passèrent parmi l’embusce des François,
que onques ne s’en donnèrent garde.
Si tretost qu’il furent oultre, li François ouvrirent
leur embusque et ferirent chevaus des esporons, qui
estoient ossi monté sus fleur de coursiers et de rades
30roncins et appers. Li Englès, qui jà estoient bien
avant, sentirent l’effroi des chevaus derrière yaus:
si se retournèrent et perçurent que c’estoient leur
[6] ennemi qui les hastoient; si s’arrestèrent tout à un
fais, ensi que pour yaus attendre. Li François, qui
venoient de grant volenté et avisé de ce qu’il devoient
faire, et tout serré, les lances abaissies, s’en
5vinrent bouter en yaus de grant volenté.
A ce donc s’ouvrirent li Englès et les laissièrent
passer oultre. Et n’en y eut des leurs pas plus de
cinq ou de six de celle empainte [ruet[257]] par terre; et
puis tantost se recloirent et misent ensamble et s’en
10vinrent sus leurs ennemis. Là eut, et tout à cheval,
bon puigneis et fort estecheis des lances. Et dura li
bouteis moult longement; et y eut fait mainte belle
apertise d’armes, maint chevalier et maint escuier
d’un lés et d’aultre abatu, et puis par force relevé et
15rescous. Et dura ceste cose une bonne espasse que on
ne seuist à dire: «cilz ne cilz en aront le milleur»:
tant estoient fort entoueilliet li un en l’autre, et tant
se combatoient vaillamment.
Entrues qu’il estoient en cel estat, li bataille des
20mareschaus ala approcier; et le perçurent li François
comment elle lor venoit sus èle, en costiant un
bois; si se doubtèrent de tout perdre, ensi que il
euissent fait, se il fuissent demoret. Si se partirent
cescuns qui mieulz mieulz, et prisent l’adrèce devers
25Romorentin; et li Englès apriès, ferant, batant, sans
yaus espargnier ne leurs chevaus. Là eut grant encauch
et dur et maint homme mis à meschief et reversé
par terre.
Toutes fois la moitié et plus s’en sauvèrent et se
30boutèrent ou chastiel de Romorentin, qui leur fu
[7] moult bien appareilliés et qui trop bien leur vint à
point; car aultrement il euissent esté tout pris. Si
escapèrent, par especial, li troi baron dessus nommet
et aucun aultre chevalier et escuier qui estoient
5très bien monté. Et fu prise li ville de Romorentin,
de premières venues; car lors il n’i avoit gaires de
forterèce; et cescuns des François ossi entendi à lui
sauver et bouter ou chastiel.
§ 373. Ces nouvelles vinrent au prince que ses
10gens avoient eu rencontre. Il demanda de qui et on
li dist, et tout ensi que la besongne avoit alé, et
comment ses gens avoient rebouté leur ennemis ou
chastiel de Romorentin: «Chevauçons ceste part,
dist li princes: je les voel aler veoir de plus priès.»
15Lors s’arouta toute li hos celle part; et vinrent jusques
en le ville de Romorentin, qui jà estoit tout
plainne de leurs gens, et qui estudioient comment à
leur avantage il poroient assallir le chastiel. Là vint
li princes armés de toutes pièces, montés sus un
20coursier noir, monsigneur Jehan Chandos dalés lui;
et commencièrent à aviser et imaginer le forterèce,
et cogneurent assés que elle estoit bien prendable.
Adonc appella li princes monsigneur Jehan Chandos
et li dist: «Jehan, Jehan, alés jusques as
25barrières et parlés as chevaliers qui sont laiens, à savoir
se il se vorroient rendre bellement, sans yaus
faire assallir.» Lors se parti li dis messires Jehans
Chandos dou prince et s’en vint devant les barrières,
et fist signe que il voloit parlementer d’aucune cose.
30Chil qui estoient à la garde, demandèrent son nom
et de par qui il estoit là envoiiés. Il se nomma et dist
[8] qu’il estoit là tramis de par son signeur monsigneur
le prince. Chil à qui li dis chevaliers avoit adreciet sa
parole, vinrent à leurs mestres, et leur disent tout
ce que vous avés oy.
5Adonc avalèrent messires Boucicaus et li Hermites
de Chaumont, et vinrent as barrières. Si tretost que
messires Jehans Chandos les vey, il les salua et leur
dist: «Signeur, je sui ci envoiiés devers vous de
par monsigneur le prince, qui voelt estre moult
10courtois à ses ennemis, si com il me samble: il dist
ensi que, se vous vous volés mettre en se prison et
rendre ceste forterèce ci qui n’est pas tenable, il vous
prendera à merci et vous fera très bonne compagnie.»
—«Messire Jehan, respondi messires Boucicaus,
15grant mercis à monsigneur le prince qui nous
voelt estre si courtois; mès nous ne sommes pas
avisé ne en volenté de ce faire, ne jà ne place à
Dieu qu’il nous ait si legierement.»—«Comment,
dist messires Jehans Chandos, Boucicau, vous sentés
20vous si bons chevaliers que pour tenir ceste forterèce
à assaut contre monsigneur le prince et son effort,
et si ne vous est apparans confors de nul
costé?»—«Chandos, Chandos, respondi messires
Boucicaus, je ne me tieng pas pour bon chevalier;
25mès folie nous feroit mettre en tel parti d’armes que
vous nous offrés, et plus grant folie le nous feroit
prendre, quant il n’est encores nulz besoins. Dittes
à monsigneur le prince, se il vous plest, qu’il face ce
que bon li samble: nous sommes tout conforté de lui
30attendre.»
Ensi se departirent li uns de l’autre; et s’en revint
li dis monsigneur Jehan Chandos devers le prince et
[9] li compta, ensi que bien le seut faire, toutes les parolles
dessus dittes. Quant li princes eut oy la response
de monsigneur Boucicau, si ne l’en prisa mies
mains, et commanda toutes manières de gens à yaus
5logier pour le jour et le soir ensievant; car l’endemain
il voloit faire assallir à la ditte forterèce et assaiier
se par assaut il le poroient avoir. Au commandement
dou prince et à l’ordenance des mareschaus
obeirent toutes manières de gens, ce fu raisons; et se
10logièrent dedens le ville de Romorentin et dehors
ossi, bien et faiticement.
§ 374. Quant ce vint à l’endemain bien matin,
toutes manières de gens d’armes s’armèrent, et arcier
ossi, et se traist cescuns à sa livrée; et commencièrent
15à assallir au dit chastiel de Romorentin asprement
et durement. Là eut grant assaut et dur; et se
tenoient li arcier sus les fossés et traioient si ouniement
que merveilles, ne à painnes osoit nulz apparoir
as deffenses. Et li aucun entroient en l’aigue
20jusques au col et venoient as murs, et li aultre nagoient
sus huis et sus cloies, pils et haviaus et ars et
saiettes en leurs mains, et venoient au fons dou mur
hawer et piketer.
Là estoient li chevalier amont: li sires de Cram,
25messires Boucicaus et li Hermites de Chaumont, qui
trop bien s’acquittoient d’yaus deffendre; et jettoient
et faisoient jetter aval pières et cailliaus et pos plains
de cauch, dont il mehagnoient et bleçoient durement
chiaus qui aconsievi en estoient. Et là fu occis
30dou lés des Englès uns bons escuiers de Gascongne
et bien gentilz homs et qui eut grant plainte, qui
[10] s’appelloit Raymons de Zedulach; si estoit de le
route le captal de Beus. Si dura cilz assaus toute jour
à journée, à bien petit de repos; et se retraisent toutes
manières de gens à leurs logeis. Et entendirent li
5haitié à remettre à point les navrés et les bleciés, et
passèrent ensi le nuit.
Quant solaus fu levés, li doi mareschal de l’host
fisent sonner les trompètes, pour armer toutes manières
de gens et traire avant à l’assaut. Si s’ordenèrent
10et misent en conroy tout cilz qui pour assallir
estoient appellé et appareilliet. Là de rechief commença
uns hustins et uns assaus plus durs et plus
fors sans comparison que le jour devant; car li princes
de Galles y estoit personelment, qui les amonnestoit
15et enjoindoit de bien faire. Et disoit à le fois:
«Et comment nous durra meshui ceste forterèce?»
Les parolles de lui et la presense de lui esvertuoit
grandement toutes manières de gens d’armes et d’arciers
qui assalloient; et s’abandonnoient li aucun
20moult folement pour estre mix aloset.
Là fu occis assés priès dou prince, dou trait d’une
pière, uns moult appers escuiers de Gascongne, frères
germains au signeur de Labreth; et l’appelloit on
Bernardet de Labreth. Si en furent tout si proisme,
25dont il avoit là grant fuison, durement courouciet,
et par especial li princes; et jura adonc si hault que
pluiseur l’oïrent, que jamais ne partiroit de là si aroit
gaegniet le dit chastiel et chiaulz de dedens ossi et
mis en se volenté. Dont renforça li assaus de toutes
30pars par grant aïr, pour leur besongne avancier, et
pour tant que li princes, si com vous avés oy, en
avoit parlé si avant.
[11] Si regardèrent et imaginèrent li soutil homme
d’armes qu’il se travilloient en vain et faisoient blecier
sans raison et occire leurs gens, et que par tel
assaut que de traire et de lancier on ne les aroit jamais.
5Si ordonnèrent à aporter kanons avant et à
traire quariaus et feu grigois dedens en le basse
court: se cilz feus s’i voloit prendre, il poroit bien
tant montepliier qu’il se bouteroit ou toit des couvretures
des tours dou chastiel, qui pour le temps
10estoient couvertes d’estrain. Se par celle manière il
ne les avoient, il ne pooient veoir voie comment il
peuissent le dit chastiel gaegnier et les chevaliers qui
le deffendoient.
Adonc fu li feus aportés avant et trais par bombardes
15et par kanons en le basse court; et si prist et
monteplia telement que toutes ardirent, et entra en
le couvreture d’une grosse tour, qui estoit d’estrain,
où li troi chevalier estoient, qui ce jour et celi devant
moult d’armes fait avoient. Quant il veirent le
20feu par dessus yaus, et que rendre les couvenoit ou
là perir, si ne furent pas bien à leur aise, et vinrent
tantost aval, et se rendirent au prince à se volenté:
aultrement il ne les ewist point receus, pour tant
qu’il en avoit juré et parlé si avant.
25Ensi eut et prist li princes de Galles les dessus dis
chevaliers que vous oés, et les fist, comme ses prisonniers,
chevaucier et aler avoecques lui, et plusieurs
aultres gentilz hommes, chevaliers et escuiers,
qui estoient ou chastiel de Rommorentin, qui fu
30laissiés tous vaghes, ars et exilliés.
§ 375. Apriès le prise dou chastiel de Rommorentin
[12] et des chevaliers dessus nommés, li princes et
ses gens chevaucièrent comme en devant, ardant et
exillant le pays, et en approchant durement Ango et
Tourainne.
5Les nouvelles vinrent au roy de France, qui se tenoit
en le cité de Chartres, que li princes de Galles
malmenoit trop horriblement son pays et ardoit et
essilloit tout devant lui: de quoi li dis rois fu
moult durement courouciés, et dist qu’il y pourveroit
10de remède. Si se parti de Chartres et chevauça
vers Blois et commanda à ses mareschaus que il fesissent
haster et avancier toutes manières de gens
d’armes, et passer le rivière de Loire, car il voloit
aler combatre les Englès. Li dis rois s’en vint à Blois
15et là s’arresta, et y fu deux jours. Ses commandemens
fu fais. Dont commencièrent gens d’armes,
duch, conte, baron, chevalier et leurs routes [à] avaler
et à poursievir le roy, qui toutdis aloit avant. Car
il se parti de Blois et vint ce jour gesir à Amboise,
20et l’endemain à Loces, et là se tint pour aprendre et
entendre dou couvenant des Englès, dont tous les
jours il ooit nouvelles; car li Englès estoient costiiet
et poursievi d’aucuns [appers[258]] chevaliers de France
et de Bourgongne, qui l’en raportoient, alant et venant,
25le certainneté. Si entendi li dis rois qu’il estoient
en Tourainne et prendoient leur chemin et
leur retour devers Poito.
Lors se parti li rois de France [de Loches[259]] et vint
à le Haie en Tourainne; et ses gens avoient passet le
[13] Loire au pont à Orliens, à Meun, à Saumur, à Blois
et à Tours, et là où il pooient. Et y avoit si grant
nombre de bonnes gens, que bien vingt mil hommes
d’armes sans les autres; si y avoit bien vingt six, que
5contes, que dus, et plus de sept vingt banerès. Et
avoit là li rois ses quatre filz, qui pour le temps estoient
moult jone, monsigneur Charle, duch de Normendie,
monsigneur Loeis qui fu depuis dus d’Ango,
monsigneur Jehan ossi, depuis duch de Berri, et
10monsigneur Phelippe le mainnet, qui fu depuis dus
de Bourgongne. Si poés bien croire et sentir que là
estoit toute li fleur de France, de chevaliers et d’escuiers,
quant li rois et si quatre enfant personelment
y estoient.
15En ce temps avoient esté envoiiet en France, de
par nostre Saint Père le pape Innocent VIe, messires
Talerans, cardinaus de Pieregorch, et messires Nicoles,
cardinauls d’Urgel, pour trettier pais et concorde
entre le roy de France et ses malvoellans, premierement
20contre le roy de Navare que il faisoit tenir en
prison. Et en avoient cil esté et parlementé par pluiseurs
fois au dit roy, le siège de Bretuel durant; mès
riens n’avoient pout empetrer.
Or estoit retrès li dis cardinaulz de Pieregorch,
25apriès le departement dou siège et le prise de Bretuel,
en le bonne cité de Tours en Tourainne; et là li vinrent
les nouvelles que li rois de France se hastoit
moult pour trouver les Englès: si ques li cardinaus,
meus et encoragiés de mettre remède à ces besongnes
30et de apaisier, se il peuist, par nulle voie, ces
deux signeurs, ou de mettre y moiien et attemprance
que la bataille ne s’adreçast, se departi de Tours
[14] quoiteusement et chevauça devers le cité de Poitiers, car
il entendoit que ces deux hos y tiroient à aler, et
tant s’esploita qu’il y parvint.
Nous lairons un petit à parler dou cardinal de
5Pieregorch et parlerons dou roy de France, qui mettoit
grant entente à ce qu’il peuist trouver son adversaire
le prince de Galles et combatre, pour contrevengier
ses mautalens et les grans damages de son
royaume.
10§ 376. Nouvelles vinrent au roy de France, que li
princes de Galles se hastoit durement pour retourner
ens ou pays dont il estoit partis. Si se doubta li dis
rois que il ne li escapast, ce que il n’euist nullement
volentiers veu, tant le desiroit il à combatre. Si se
15departi li dis rois de France de le Haie en Tourainne,
et toutes gens d’armes apriès lui, et chevaucièrent à
Chauvegni; et vint là li rois le joedi au soir. Si se
logièrent grant fuison des signeurs dedens le ville de
Chauvegni, et dehors ossi tout contreval uns biaus
20prés, au lonch de le rivière de Cruese. Le venredi,
apriès boire, passa li rois de France la ditte rivière
au pont de Chauvegni, et cuidoit adonc que li Englès
fuissent devant lui, et non estoient. Toutesfois, en
lui poursievant, passèrent ce [venredi[260]] plus de
25soixante mil chevaus, et encores en passèrent assés
à Chasteleraut; et tout ensi que il passoient, il prendoient
le chemin de Poitiers.
D’autre part, li princes de Galles et ses gens ne
savoient nul couvenant des François ne pooient
[15] savoir. Bien avoient entendu qu’il estoient sur les
camps, mais il ne savoient mies justement quel part,
fors tant que il supposoient assés que il ne pooient
estre loing; car leur coureur ne trouvoient mès
5riens que fourer: de quoi il avoient grant defaute
en leur host de vivres. Et se repentoient li pluiseur
grandement de ce qu’il en avoit fait si grant essil,
entrues qu’il en estoient au large en Berri, en Ango
et en Tourainne, et qu’il ne s’en estoient aultrement
10pourveu.
Or avint ensi que ce venredi que li rois de France
et son grant host passèrent le rivière au pont à Chauvegni,
pour le foule et le presse qui si grans estoit et
pour estre logiet mieulz à leur aise, troi grant baron
15de France, loist à savoir li sires de Cram, messires
Raoulz de Couci et li contes de Joni, demorèrent ce
venredi tout le jour en le ville de Cauvegni, et une
partie de leurs gens. Et li aultre passèrent et tous
leurs harnois, excepté ce qu’il en avoient retenu
20pour leurs corps.
Le samedi au matin, il se deslogièrent et passèrent
le dit pont et poursievirent le route dou roy qui
pooit estre environ trois liewes loing, et prisent les
camps et les chemins des bruières au dehors d’un
25bois pour venir à Poitiers.
Ce samedi au matin, s’estoient deslogiet d’un village
assès priès de là li princes et ses gens, et avoient
envoiiet descouvrir aucuns compagnons des leurs,
pour savoir se il trouveroient nulle aventure, ne
30oroient nulles nouvelles des François. Si pooient estre
cil coureur environ soixante armeures de fier,
tout bien monté selonch leur afaire, car leur cheval
[16] estoient assés lasset. Entre ces compagnons y avoit
deux chevaliers de Haynau, messires Eustasse d’Aubrecicourt
et messire Jehan de Ghistellez; si se trouvèrent
d’aventure, au dehors de ce bois et en ces
5bruières dont je parloie maintenant.
Cil baron de France et leurs gens où il pooit avoir
environ deux cens armeures de fier, si tretost que il
perçurent les Englès chevaucier, il cogneurent assés
que c’estoient leur ennemi. Si misent leurs bachinès
10au plus tost qu’il peurent, et desvolepèrent leurs banières,
et abaissièrent leurs lances, et ferirent chevaus
des esporons.
Messires Eustasces d’Aubrecicourt et si compagnon,
qui estoient monté sus fleur de coursiers, veirent venant
15envers yaus une si grosse route de leurs ennemis,
et n’estoient que une puignie de gens ou regard d’yaus:
si n’eurent mies pourpos de l’attendre, et s’avisèrent
que il se feroient cacier, car li princes et leur host
n’estoient point trop loing de là. Si retournèrent les
20frains de leurs chevaus et prisent le forrière d’un bois,
et li François apriès yaus, en escriant leurs cris et en
demenant grant hustin, et les cuidoient jà avoir tous
pris davantage. Ensi que il chevauçoient en caçant,
il s’embatirent si avant qu’il vinrent sus le bataille
25dou prince, qui estoit toute arrestée au dehors d’un
bois, entre bruières et grans ronsis; et attendoient
là à oïr nouvelles de leurs compagnons: si furent
bien esmervilliet, quant il les veirent cacier.
Messires Raoulz de Couci et se banière les sievi si
30avant que il se bouta [droitement[261]] desous le banière
[17] dou prince. Là eut fort hustin et dur. Et y fist li dis
chevaliers assés d’armes, et s’i combati moult vassaument;
mès toutesfois il fu pris et fianciés prisons
des gens le prince, et ossi li contes de Joni et li viscontes
5de Bruese, sires de Chauvegni, et tout li aultre
mort ou pris, petit s’en sauvèrent: par lesquelz prisonniers
li princes de Galles et ses gens sceurent que
li rois de France les avoit adevanciés à tout si grant
nombre de gens d’armes que merveilles seroit à penser.
10§ 377. Quant li princes de Galles et ses consaulz
eurent entendu que li rois Jehans et ses batailles estoient
devant yaus et avoient le venredi passet au
pont à Chauvegni, et que nullement il ne se pooient
partir dou pays, sans estre combatu, si se recueillièrent
15et rassamblèrent ce samedi sus les camps. Et
fu adonc commandé de par le prince, que nuls, sus la
teste, ne courust ne chevauçast sans commandement
devant le banière des mareschaus. Cilz bans fu tenus,
et chevaucièrent li Englès ce samedi, de l’eure de
20prime jusques à vespres, et tant que il vinrent à
deux petites liewes de Poitiers.
Adonc furent ordonné pour courir et savoir où li
François se tenoient, li captaus de Beus, messires
Aymenions de Pumiers, messires Bietremieus de
25Brues et messires Eustasces d’Aubrecicourt. Et se departirent
cil chevalier à tout deux cens armeures de
fier, tout bien monté sus fleur de coursiers, et chevaucièrent
si avant, d’une part et d’autre, que il veirent
et cogneurent clerement le [grosse[262]] bataille dou
[18] roy; et estoient tout li camp couvert de gens d’armes.
Et ne se peurent cil dit coureur englès abstenir
que il ne venissent ferir et courir en le kewe des
François, et en ruèrent par terre aucuns et fiancièrent
5prisonniers, et tant que li hos s’en commença grandement
à estourmir. Et en vinrent les nouvelles au roy
de France, ensi qu’il devoit entrer en le cité de
Poitiers.
Quant li rois entendi que si ennemi, que tant desiroit
10à trouver, estoient derrière lui et non devant,
si en fu durement et grandement resjoïs; et retourna
tout à un fais et fist retourner toutes manières de
gens bien avant sus les camps et yaus là logier. Si fu
ce samedi moult tart, ançois qu’il fuissent tout logiet.
15Li coureur dou prince revinrent devers lui et li
recordèrent une partie dou convenant des François,
et li disent bien que il estoient malement grant gent.
De ce ne fu li princes noient affraés et dist: «Diex
y ait part! Or nous faut avoir avis et conseil coment
20nous les combaterons à nostre avantage.» Ceste nuit
se logièrent li Englès assés en fort liu, entre haies et
vignes et buissons; et fu leur host bien gardée et
escargaitie, et ossi fu ceste des François.
§ 378. Quant ce vint le dimence au matin, li rois
25de France, qui grant desir avoit de combatre les Englès,
fist en son pavillon chanter messe moult solennelment
devant lui, et se acumenia, et si quatre fil.
Apriès messe, se traisent devers li li plus grant et li
plus proçain de son linage, li dus d’Orliens ses
30frères, li dus de Bourbon, messires Jakemes de Bourbon,
contes de Pontieu, li dus d’Athènes, connestables
[19] de France, li contes d’Eu, li contes de Tankarville,
li contes de Sallebruce, li contes de Dammartin,
li contes de Mont Ventadour, et pluiseur [aultre[263]]
grant baron de France et des tenures voisines, telz
5que messires Jehans de Clermont et messires Ernoulz
d’Audrehen, mareschal de France, li sires de Saint
Venant, messires Jehans de Landas, messires Eustasses
de Ribeumont, li sires de Fiennes, messires Joffrois
de Chargni, li sires de Chastillon, li sires de
10Sulli, li sires de Nielle, messires Robers de Duras et
moult d’aultres qui y furent appellet. Là furent en
conseil et en parlement un grant temps, à savoir
comment il se maintenroient. Si fu adonc ordonné
que toutes gens se traissent sus les camps, et cescuns
15sires desvolepast se banière et mesist avant, ou nom
de Dieu et de saint Denis, et que on se mesist en ordenance
de bataille, ensi que pour tantost combatre.
Cilz consaulz et avis pleut grandement au roy de
20France. Si sonnèrent les trompètes parmi l’ost: dont
s’armèrent toutes gens et montèrent à cheval et vinrent
sus les camps là ou les banières dou roy venteloient
et estoient arrestées, et par especial li oriflambe
que messires Joffrois de Chargni portoit. Là peuist
25on veoir grant noblèce de belles armeures, de riches
armoieries, de banières et de pennons, de belle
chevalerie et escuirie, car là en estoit toute li fleur
de France; ne nulz chevaliers ne escuiers n’estoit
demorés à l’ostel, se il ne voloit estre deshonnourés.
30Là furent ordonnées, par l’avis dou connestable et
[20] des mareschaus de France, troi grosses batailles; en
çascune avoit seize mil hommes, dont tout estoient passet
et moustret pour homme d’armes. Si gouvrenoit
la première li dus d’Orliens à trente six banières et
5deux tans de pennons; la seconde li dus de Normendie
et si doi frère, messires Loeis et messires Jehans;
la tierce devoit gouvrener li rois de France. Si poés
et devés bien croire que en se bataille avoit grant
fuison de bonne chevalerie et de noble.
10Entrues que ces batailles s’ordonnoient et mettoient
en arroi, li rois de France appella monsigneur
Eustasse de Ribeumont, monsigneur Jehan de Landas,
monsigneur Guiçart de Biaugeu et monsigneur Guiçart
d’Angle, et leur dist: «Chevauciés avant plus priès
15dou couvenant des Englès, et avisés et regardés justement
leur arroi, et comment il sont, et par quel
manière nous les porons combatre, soit à piet, soit à
cheval.» Et cil respondirent: «Sire, volentiers.»
Adonc se departirent li quatre chevalier dessus nommet
20[dou roy[264]], et chevaucièrent avant et si priès des
Englès, qu’il conçurent et imaginèrent une partie de
leur couvenant; et en raportèrent le verité au roy,
qui les attendoit sus les camps, montés sus un blanch
coursier, et regardoit de fois en aultre ses gens et
25looit Dieu de ce qu’il en veoit si grant fuison, et disoit
tout en haut: «Entre vous, quant vous estes à
Paris, à Chartres, à Roem ou à Orliiens, vous maneciés
les Englès et vous soushediés le bacinet en le
tieste devant yaus. Or y estes vous, je les vous moustre;
30si leur voelliés remoustrer vos mautalens et
[21] contrevengier les anois et les despis qu’il vous ont fais;
car sans faute nous les combaterons.» Et cil qui
l’avoient entendu, respondoient: «Sire, Diex y ait
part! Tout ce [ferons[265]] nous volentiers.»
5§ 379. En ces parolles que li rois de France disoit
et moustroit à ses gens pour yaus encoragier, revinrent
li quatre chevalier dessus nommet, et fendirent
le presse et s’arrestèrent devant le roy. Là estoient li
connestables de France et li doi marescal, et grant
10fuison de bonne chevalerie, tout venu et arresté
pour savoir comment on se combateroit. Li rois demanda
as dessus dis tout en hault: «Signeur, quèles
de vos nouvelles?» Il respondirent: «Sire,
bonnes: si arés hui, se il plaist à Dieu, une belle
15journée sus vos ennemis.»—«Tèle l’esperons nous
à avoir par le grasce de Dieu, ce respondi li rois. Or
nous dittes le manière de leur couvenant et comment
nous les porons combatre.»
Adonc respondi messires Eustasses de Ribeumont,
20si com je fui enfourmés, pour tous; car il l’en avoient
priiet et cargiet, et dist ensi: «Sire, nous avons veu
et considerés vos ennemis: si poeent estre par estimation
doi mil hommes d’armes, quatre mil arciers
et quinze cens brigans.»—«Et comment gisent
25il? dist li rois.»—«Sire, respondi messires
Eustasses, il sont en très fort liu, et ne poons veoir
ne imaginer qu’il n’aient fait que une bataille; mès
trop bellement et trop sagement l’ont il ordonné. Et
[22] ont pris le lonc d’un chemin fortefiiet malement de
haies et de buissons, et ont vesti celle haie, d’une
part et d’autre, [de leurs archiers[266]] telement que on
ne poet entrer ne chevaucier en leur chemin, fors
5que parmi yaus: se couvient il aler celle voie, se on
les voet combatre. En celle voie n’a que une seule
entrée et issue, où espoir quatre homme d’armes,
ensi que ou chemin, poroient chevaucier de fronth.
Au coron de celle haie, entre vignes et espinètes, où
10on ne poet aler ne chevaucier, sont leurs gens d’armes,
tout à piet; et ont mis leurs gens d’armes tout
devant yaus leurs arciers à manière d’une herce:
dont c’est trop sagement ouvré, ce nous samble, car
qui vodra ou pora venir par fait d’armes jusques à
15yaus, il n’i entera nullement, fors que parmi ces
arciers, qui ne seront mies legier à desconfire.»
Adonc parla li rois et dist: «Messire Eustasse, et
comment y conseilleriés vous à aler et combatre?»
Dont respondi li chevaliers et dist: «Sire, tout à
20piet, excepté trois cens armeures de fier des vostres,
tous des plus apers, hardis, durs, fors et entreprendans
de vostre host, bien armés et bien montés sus
fleurs de coursiers, pour desrompre et ouvrir ces arciers,
et puis vos batailles et gens d’armes vistement
25sievir tout à piet et venir à ces gens d’armes, main
à main, et yaus combatre de grant volenté. C’est tous
li consaulz que de mon avis je y puis donner ne
imaginer; et qui mieulz y scet, se le die.»
Cilz consaulz et avis pleut grandement au roy de
30France, et dist que ensi seroit il fait. Adonc, par le
[23] commandement dou roy, sus cel arrest, se departirent
li doi mareschal et chevaucièrent de bataille
en bataille, et triièrent et eslisirent et desevrèrent à
leur avis, par droite election, jusques à trois cens
5chevaliers et escuiers, les plus rades et les plus apers
de toute l’ost, et cescun d’yaus montés sus fleur de
coursier et armés de toutes pièces.
Et tantost apriès fu ordenée li bataille des Alemans,
et devoient demorer à cheval pour conforter
10les mareschaus, dont li contes de Salebruce, li contes
de Nido et li contes Jehans de Nasco estoient meneur
et conduiseur. Là estoit et fu li rois Jehans de
France, armés li vingtimez en ses parures, et avoit
recommandé son [ainsné[267]] fil en le garde dou signeur
15de Saint Venant, de monsigneur Jehan de Landas,
de monsigneur Thiebaut de Vodenay, et ses aultres
trois filz puis nés, Loeis, Jehan et Phelippe, en le
garde de bons aultres chevaliers et escuiers. Et portoit
la souverainne banière dou roy, messires Joffrois
20de Chargni, pour le plus preudomme et le plus vaillant
de tous les aultres. Et estoit messires Renaulz
de Cervolles, dis Archeprestres, armés ens ès armeures
plainnement dou jone conte d’Alençon.
§ 380. Quant les batailles dou roy de France furent
25toutes ordonnées et appareillies, et cescuns sires
desous se banière et entre ses gens, et savoit ossi
cescuns quel cose il devoit faire, on fist commandement,
de par le roy, que cescuns alast à piet, excepté
cil qui ordonné estoient avoecques les mareschaus
[24] pour ouvrir et fendre les arciers, et que tout cil qui
lance avoient le retaillassent au volume de cinq piés:
par quoi on s’en peuist le mieus aidier, et que tout
ossi ostassent leurs esporons. Ceste ordenance fu
5tenue et fu à tout homme belle et bonne.
Ensi que il devoient approcier et estoient par samblant
en grant volenté de requerre leurs ennemis,
evous le cardinal de Pieregorch qui vient ferant batant
devers le roy, et estoit partis moult matin de le
10cité de Poitiers, et encline le roy moult bas en cause
d’umilité et li prie à mains jointes, pour si hault
homme que Diex est, que il se voelle astenir et afrener
un petit tant qu’il ait parlé à lui.
Li rois de France, qui estoit assés descendans à
15toutes voies de raison, li acorda et dist volentiers:
«Que vous plaist il à dire?»—«Très chiers sires,
dist li cardinaulz, vous avés ci toute le fleur de le
chevalerie de vostre royaume assamblet contre une
puignie de gens que li Englès sont ens ou regart de
20vous; et se vous les poés avoir et qu’il se mettent en
vostre merci sans bataille, il vous seroit plus honnourable
et pourfitable à avoir par celle manière que
de enventurer si noble chevalerie et si grant que
vous avés ci. Si vous pri, ou nom de Dieu et d’umilité,
25que je puisse chevaucier devers le prince et li
remoustrer en quel dangier vous le tenés.» Encores
li acorda li rois et li dist: «Sire, il nous plaist bien;
mès retournés tantost.»
A ces parolles se parti li cardinaus dou roy de
30France et s’en vint moult quoiteusement devers le
prince qui estoit entre ses gens, et tout à piet, ou fort
d’une vigne, tout conforté par samblant d’attendre
[25] le poissance dou roy de France. Si tretost que li cardinaulz
fu venus, il descendi à piet et se traist devers
le prince qui moult benignement le recueilla. Et li
dist li cardinaulz, quant il l’eut saluet et enclinet:
5«Certes, biaus filz, se vous aviés justement consideret
et imaginet le poissance dou roy de France, vous
me lairiés couvenir de vous acorder envers lui, se je
pooie.» Dont respondi li princes, qui estoit lors uns
jones homs, et dist: «Sire, l’onneur salve de moy
10et de mes gens, je vorroie bien encheir en toutes
voies de raison.» Dont respondi li cardinaulz et dist:
«Biaus filz, vous dittes bien, et je vous acorderai,
se je puis; car ce seroit grans pités, se tant de bonnes
gens qui ci sont et que vous estes, d’un lés et d’aultre,
15venoient ensamble par bataille, et trop y poroit
grans meschiés avenir.»
A ces mos se departi li cardinaulz dou prince,
sans plus riens dire, et s’en revint arrière devers le
roy de France; et commença à entamer trettiés d’acort
20et à mettre pareçons avant et à dire au roy, pour li
mieulz attraire à se intention: «Sire, vous ne vous
avés que faire de trop haster pour yaus combatre,
car il sont tout vostre sans cop ferir, ne il ne vous
poeent fuir ne eslongier: si vous pri que hui tant
25seulment et demain jusques soleil levant vous leur
acordés respit et souffrance.»
Adonc commença li rois de France à busiier un
petit, et ne volt mies ce respit acorder à le première
priière dou cardinal, ne à le seconde; car une partie
30de chiaus de son conseil ne s’i assentoit point, et
par especial messires Eustasses de Ribeumont et messires
Jehans de Landas, qui estoient moult secret
[26] dou roy. Mès finablement li dis cardinaulz qui s’en
ensonnioit, en espesse de bien, pria tant et preeça le
roy de France que li rois s’i assenti et donna et
acorda le respit à durer le dimence tout le jour et
5l’endemain jusques soleil levant. Et le raporta ensi li
dis cardinaulz moult vistement au prince et à ses
gens, qui n’en furent mies courouciet, pour tant
que toutdis s’efforcoient il d’avis et d’ordenance.
Adonc fist li rois de France tendre sur les camps,
10ens ou propre lieu où il avoit le respit acordé, un
pavillon de vermel samis moult cointe et moult rice,
et donna congiet à toutes gens de retraire cescun à
son logeis, excepté le bataille dou connestable et des
mareschaus. Si estoient dalés le roy si enfant et li
15plus grant de son linage à qui il prendoit conseil de
ses besongnes.
Ensi ce dimence toute jour chevauça et travilla li
cardinaus de l’un à l’autre et les euist volentiers
acordés, se il peuist; mès il trouvoit le roy de France
20et son conseil si froit que il ne voloient nullement
descendre à acord, se il n’avoient de cinq les quatre,
et que li princes et ses gens se rendesissent simplement,
ce que il n’euissent jamais fait. Si y eut offres
et pareçons pluiseurs et de divers pourpos mises
25avant.
Et me fu dit jadis des gens le dit cardinal de Pieregorch,
qui là furent present et qui bien en cuidoient
sçavoir aucune cose, que li princes offroit à
rendre au roy de France tout ce que conquis avoit
30en ce voiage, villes et chastiaus, et quitter tous prisonniers
que il ne ses gens avoient pris, et jurer à lui
non armer contre le royaume de France sept ans
[27] tous entiers. Mès li rois de France ne ses consaulz
n’en veurent riens faire, et furent longement sus cel
estat que li princes et cent chevaliers des siens se
venissent mettre en le prison dou roy de France.
5Aultrement on ne les voloit mies laissier passer:
lequel trettiet li princes de Galles ne ses consaulz
n’euissent jamais acordet.
§ 381. Endementrues que li cardinaus de Pieregorch
portoit les parolles et chevauçoit de l’un à
10l’autre, en nom de bien, et que li respis duroit, estoient
aucun jone chevalier, bacelereus et amoureus,
tant de le partie des François comme des Englès, qui
chevaucièrent ce jour en costiant les batailles, li
François pour aviser et imaginer le couvenant des
15Englès, et li chevalier d’Engleterre celi des François,
ensi que en telz besongnes telz coses aviennent.
Dont il avint que messires Jehans Chandos, qui
estoit preus chevaliers, gentilz et nobles de coer, et
de sens imaginatis, avoit ce jour chevauciet et costiiet
20sus èle le bataille dou roy de France, et avoit
pris grant plaisance au regarder, pour tant que il y
veoit si grant fuison de noble chevalerie frichement
armet et apparilliet. Et disoit et devisoit en soi meismes:
«Ne place à Dieu que nous partons sans combatre,
25car se nous sommes pris ne desconfi de si
belle gent d’armes et si grant fuison comme j’en
voi contre nous, nous n’i deverons avoir point de
blame; et se la journée est pour nous et que fortune
le voelle consentir, nous serons li plus honnourée
30gent dou monde.»
Tout en tel manière que messires Jehans Chandos
[28] avoit chevauciet et consideret une partie dou couvenant
des François, en estoit avenu à l’un des mareschaus
de France, monsigneur Jehan de Clermont.
Et tant chevaucièrent cil doi chevalier qu’il se trouvèrent
5et encontrèrent d’aventure; et là eut grosses
parolles et reproces moult felenesces entre yaus. Je
vous dirai pourquoi. Cil doi chevalier, qui estoient
jone et amoureus, on le doit et poet entendre ensi,
portoient cescuns une meisme devise de une blewe
10dame, ouvrée de broudure ou ray d’un soleil, sus le
senestre brach, et toutdis dessus leur deseurain vestement,
en quel estat qu’il fuissent. Si ne pleut mies
adonc à monsigneur Jehan de Clermont ce que il
vei porter sa devise à monsigneur Jehan Chandos, et
15se arresta tous quois devant lui et li dist: «Chandos,
ossi vous desiroi je à encontrer. Depuis quant avés
vous empris à porter ma devise?»—«Et vous la
mienne, ce respondi messires Jehans Chandos, car
otant bien est elle mienne comme elle est vostre.»—«Je
20le vous devée, dist messires Jehans de Clermont;
et se ne fust la souffrance qui est entre les vostres
et les nostres, je le vous moustrasse tantost que
vous n’avés nulle cause dou porter.»—«Ha! ce
respondi messires Jehans Chandos, demain [au matin[268]]
25vous me trouverés tout apareillé dou deffendre et
de prouver par fait d’armes que otant bien est elle
mienne comme vostre.»
A ces parolles ils passèrent oultre; et dist encores
messires Jehans de Clermont, ensi en rampronnant
30plus avant monsigneur Jehan Chandos: «Chandos,
[29] Chandos, ce sont bien des posnées de vos Englès qui
ne sèvent aviser riens de nouvel; mès quanqu’il
voient, leur est biel.» Il n’i eut adonc plus fait ne
plus dit: cescuns s’en retourna devers ses gens, et
5demora la cose en cel estat.
§ 382. Vous avés bien oy compter chi dessus
comment li cardinaus de Piregorch se mist en
painne ce dimence, tout le jour, de chevaucier de
l’un à l’autre, pour acorder ces deux signeurs, le roy
10de France et le prince de Galles; mès il n’en peut
à cief venir, et fu tous bas vespres quant il se parti
et rentra en le cité de Poitiers. Che dimence se tinrent
li François tout le jour sus les camps, et au soir
il se retraisent en leurs logeis et se aisièrent de ce
15qu’il eurent. Il avoient bien de quoi, vivres et pourveances
assés et largement; et li Englès en avoient
grant defaute. C’estoit la cause qui plus les esbahissoit;
car il ne savoient où ne quel part aler fourer,
si fort leur estoient li pas clos; ne il ne se pooient
20partir de là sans le dangier des François. Au voir
dire, il ne ressongnoient point tant le bataille que il
faisoient ce que on ne les tenist en tel estat, ensi que
pour assegiés et affamés. Le dimence, tout le jour,
entendirent il parfaitement à leur besongne, et le
25passèrent au plus biel qu’il peurent; et fisent fosser et
haiier leurs arciers autour d’yaus, pour estre plus fort.
Quant ce vint le lundi au matin, li princes et ses
gens furent tantost apparilliet et mis en ordenance,
ensi comme devant, sans yaus desroiier ne effraer;
30et en tel manière fisent li François. Environ soleil
levant, ce lundi au matin, revint li cardinaus de
[30] Pieregorch arrière en l’une host et en l’autre, et les
cuida par son preecement acorder, mès il ne peut;
et li fu dit ireusement des François que il retournast
à Poitiers ou là où il li plaisoit, et que plus il ne
5portast nulles parolles de trettiés ne d’acort, car il
l’en poroit bien mal prendre.
Li cardinaulz, qui s’en ensonnioit en espesse de
bien, ne se volt mies bouter ens ou peril, et prist
congiet au roy de France, car il vei bien que il travilloit
10en vain; et s’en vint, au departir, vers le
prince et li dist: «Biaus filz, faites ce que vous poés:
il vous fault combatre; ne je ne puis nulle grasce
impetrer d’acort ne de pais devers le roy de France.»
Ceste daarrainne parolle enfelleni et encoraga grandement
15le coer dou prince, et respondi: «C’est bien
li intention de nous et des nostres; et Diex voelle
aidier le droit!» Ensi se parti li cardinaulz dou
prince et retourna à Poitiers.
En se compagnie avoit aucuns appers escuiers et
20hommez d’armes qui estoient plus favourable au roy
de France que au prince. Quant il veirent que on se
combateroit, il s’emblèrent de leur mestre et se boutèrent
en le route des François; et fisent leur souverain
dou chastellain d’Amposte, qui estoit, pour le
25temps, de l’ostel dou dit cardinal, et vaillans homs
d’armes durement. Et de ce ne se perçut point li cardinaulz
ne ne sceut riens, se fu revenus à Poitiers;
car, se il l’euist sceu, il ne l’euist nullement souffert,
pour tant que il avoit esté trettiières de apaisenter, se
30il peuist, l’une partie et l’autre. Or parlerons un
petit de l’ordenance des Englès, otant bien que nous
avons fait de ceste des François.
[31] § 383. Li ordenance dou prince de Galles de ses
batailles estoit auques tèle comme li quatre chevalier
de France dessus nommet raportèrent en certainneté
au dit roy, fors tant que depuis il avoient ordonnés
5aucuns appers bacelers pour demorer à cheval entre
les batailles et contre le bataille des mareschaus de
France. Et avoient encores, sus leur destre lés, sus
une montagne qui n’estoit point trop haute ne trop
roste à monter, ordonné trois cens hommes à chevaus
10et otant d’arciers, tout à cheval, pour costiier à
le couverte ceste montagne, et venir autour sus èle
ferir en le bataille le duc de Normendie qui estoit en
se bataille à piet par desous celle montagne. Tout ce
estoit que il avoient fait de nouviel. Et se tenoit li
15princes et se grosse bataille ou fons de ces vignes,
tout à piet, leurs chevaus assés priès d’yaus pour tantost
monter, se il leur besongnast; et estoient fortefiiet
et enclos, au plus foible lés, de leur charoy et
de tout leur harnas: si ne les pooit on approcier de
20ce costé.
Or vous voel je renommer aucuns des plus renommés
chevaliers d’Engleterre et de Gascongne, qui
estoient là adonc dalés [le[269]] prince de Galles:
premierement le conte de Warvich, le conte de Sufforch,
25mareschaus de l’ost, le conte de Sallebrin et
le conte d’Askesufforch, monsigneur Jehan Chandos,
monsigneur Renault de Gobehen, monsigneur Richart
de Stanfort, monsigneur Edowart signeur Despensier,
monsigneur Jame d’Audelée et monsigneur Pière se
30frère, le signeur de Bercler, le signeur de Basset,
[32] messire Guillaume Fil Warin, le signeur de le Ware, le
signeur de Maune, le signeur de Willebi, monsigneur
Bietremieu de Brues, le signeur de Felleton, monseigneur
Richard de Pennebruges, messire Estievene de
5Cousenton, le signeur de Braseton, et pluiseurs aultres;
Gascons: le signeur de Labreth, le signeur de
Pumiers, messire Helye et messire Aymenion de Pumiers,
le signeur de Longuerem, monsigneur Jehan
de Graili, captal de Beus, monsigneur Jehan de
10Chaumont, le signeur de l’Espare, le signeur de
Montchident, le signeur de Courton, le signeur de
Rosem, le signeur de Condon, le signeur de Montferrat,
le signeur de Landuras, monsigneur le soudich
de l’Estrade, et ossi des aultres que je ne puis mies
15tous nommer; Haynuiers: messires Eustasces d’Aubrecicourt
et messires Jehans de Ghistelles; et deux
aultres [bons[270]] chevaliers estragniers: messires Daniel
Pasele et messires Denis de Morbeke. Si vous di pour
verité que li princes de Galles avoit là avoecques lui
20droite fleur de chevalerie, comment que il ne fuissent
pas grant fuison, car il n’estoient, tout compté,
non plus de huit mil hommes; et li François estoient
bien cinquante mil combatans, dont il y avoit
plus de trois mil chevaliers.
25§ 384. Quant cilz jones homs li princes de Galles vei
que combatre les couvenoit, et que li cardinaulz de
Pieregorch, sans riens esploitier, s’en raloit, et que li
rois de France ses adversaires moult petit les prisoit
et amiroit, si se conforta en soi meismes, et reconforta
[33] moult sagement ses gens et leur dist: «Biau signeur,
se nous sommes un petit contre le poissance
de nos ennemis, se ne nous esbahissons mies pour
ce, car la victoire ne gist mies ou grant peuple, mès
5là où Diex le voelt envoiier. Se il avient ensi que la
journée soit pour nous, nous serons li plus honnouré
dou monde; se nous sommes mort, j’ai encores monsigneur
mon père et des biaus frères, et ossi vous
avés des bons amis qui nous contrevengeront: si vous
10pri que vous voelliés hui entendre au bien combatre;
car se il plaist à Dieu et à saint Jorge, vous me
verés hui bon chevalier.»
De ces parolles et de pluiseurs aultres belles raisons
que li princes remoustra ce jour à ses gens et
15fist remoustrer par ses mareschaus, estoient il tout
reconforté. Dalés le prince, pour lui garder et consillier,
estoit messires Jehans Chandos; ne onques le jour
ne s’en parti, pour cose que il li avenist. Ossi s’i estoit
tenus un grant temps messires James d’Audelée,
20par lequel avis et conseil le dimence tout le jour li
plus grant partie de l’ordenance de leurs batailles
estoit faite; car il estoit sages et vaillans homs durement,
et bien le moustra ce jour que on se combati,
si com je vous dirai.
25Messires James d’Audelée tenoit en veu, de grant
temps avoit passé, que, se il se trouvoit jamais en besongne
là où li rois d’Engleterre ou li uns de ses enfans
fust, et bataille s’i adreçast, que ce seroit li premiers
assallans et li mieudres combatans de son
30costé, ou il morroit en le painne. Dont, quant il vei
que on se combateroit et que li princes de Galles, li
ainsnés filz dou roy son signeur, estoit là, si en fu
[34] tous resjoïs, pour tant que il se voloit acquitter, à
son loyal pooir, de acomplir son veu. Et s’en vint
devers le prince, et li dist: «Monsigneur, j’ai servi
tousjours loyaument monsigneur vostre père et vous
5ossi, et ferai tant com je vivrai. Chiers sires, je le
vous moustre, pour tant que jadis je voay que, à le
première besongne où li rois vos pères ou li uns de
ses filz seroit, je seroie li premiers assallans et combatans.
Si vous pri chierement, en guerredon que
10je fis onques de servicez au roy vostre père et vous
ossi, que vous me donnés congiet que de vous, à me
honneur, je me puisse partir et mettre en estat de
acomplir mon veu.»
Li princes, qui considera le bonté dou chevalier et
15le grant volonté que il avoit de requerre ses ennemis,
li acorda liement et li dist: «Messire Jame,
Diex vous doinst hui grasce et pooir de estre li mieudres
des aultres!» adonc li bailla il sa main. Et se
parti li dis chevaliers dou prince, et se mist ou premier
20fronch de toutes leurs batailles, acompagniés
tant seulement de quatre moult vaillans escuiers que
il avoit priiés et retenus pour son corps garder et
conduire. Et s’en vint tout devant li dis chevaliers
combatre et envaïr le bataille des mareschaus de
25France, et assambla à monsigneur Ernoul d’Audrehen
et à se route; et là y fist merveilles d’armes, si
com vous orés recorder en l’estat de le bataille.
D’autre part, ossi messires Eustasses d’Aubrecicourt,
qui à ce jour estoit uns jones bacelers et en grant
30desir d’acquerre pris et grasce en armes, mist et rendi
grant painne que il fust des premiers assallans: si le
fu ou auques priès, à l’eure que messires James d’Audelée
[35] s’avança premiers de requerre leurs ennemis;
mès il en chei à monsigneur Eustasse, ensi que je
vous dirai.
Vous avés chi dessus oy recorder, en l’ordenance
5des batailles, que li Alemant qui costioient les mareschaus,
demorèrent tout à cheval. Messires Eustasses
d’Aubrecicourt, qui estoit à cheval, baissa son glave
et embraça sa targe, et feri cheval des esporons, et
vint entre les batailles. Uns chevaliers d’Alemagne,
10qui s’appelloit messires Loeis de Recombes, et portoit
d’argent à cinq roses de geulez, et messires Eustasses
d’ermine à deux hamèdes de geulez, vei venir
messire Eustasse d’Aubrecicourt: si issi de son
conroi, de le route le conte Jehan de Nasço desous
15qui il estoit, et baissa son glave et s’en vint adrecier
au dit messire Eustasse. Si se consievirent de plains
eslais et se portèrent par terre; et fu li chevaliers alemans
navrés en l’espaule: si ne se releva mies sitos
que messires Eustasses fist.
20Quant messires Eustasses fu relevés, il prist son
glave et s’en vint sus le chevalier qui là gisoit, en grant
volenté de lui requerre et assallir; mès il n’en eut
mies le loisir, car il vinrent sus lui jusques à cinq
hommes d’armes alemant qui l’ensonniièrent et le
25portèrent par terre. Là fu telement pressés et point
aidiés des leurs, que il fu pris et menés ent prisonniers
entre les gens le conte Jehan de Nasço, qui
n’en fisent adonc nul compte; et ne sçai se il li fisent
jurer prison, mais il le loiièrent sus un kar, avoecques
30leur harnas.
Assés tost apriès le prise de monsigneur Eustasse,
se commença li bataille de toutes pars, et jà estoit
[36] approcie et commencie li bataille des marescaus.
[Et chevauchèrent avant chil qui devoient rompre
le bataille des archiers, et entrèrent tout à cheval[271]]
dedens le chemin où li grosse haie et espesse estoit
5de deux costés. Sitos que ces gens d’armes furent là
embatu, arcier commencièrent à traire à esploit, et à
mettre main à oevre à deux lés de le haie, et à berser
chevaus et à enfiller tout ens de ces longes saiettes barbues.
Cil cheval qui trait estoient et qui les fers de
10ces longes saiettes sentoient, ressongnoient et ne voloient
avant aler. Et se tournoient, li uns de travers,
li aultres de costé, ou il cheoient et trebuchoient desous
leurs mestres qui ne se pooient aidier ne relever;
ne onques li ditte bataille des mareschaus ne peut
15approcier le bataille dou prince. Il y eut bien aucuns
chevaliers et escuiers bien montés, qui par force de
chevaus passèrent oultre et rompirent le haie, et
cuidièrent approcier le bataille dou prince et ses banières;
mès il ne peurent.
20Messires James d’Audelée, en le garde de ses quatre
escuiers et l’espée en le main, si com ci dessus
est dit, estoit ou premier fronch de ceste bataille, et
trop en sus de tous les aultres, et là faisoit merveillez
d’armes. Et s’en vint par grant vaillance combatre
25desous le banière de monsigneur Ernoul d’Audrehen,
marescal de France, un moult hardi et vaillant chevalier;
et se combatirent grant temps ensamble. Et
là fu durement navrés li di messires Ernoulz, car la
bataille des mareschaus fu tantos toute desroute et
30desconfite par le trait des arciers, si com ci dessus
[37] est dit, avoecques l’ayde des hommes d’armes qui se
boutoient entre yaus, quant il estoient abatu, et les
prendoient et occioient à volenté. Là fu pris messires
Ernoulz d’Audrehen et durement navrés, mès
5ce fu d’autres gens que de monsigneur Jame d’Audelée,
ne des quatre escuiers qui dalés lui estoient;
car onques li dis chevaliers ne prist prisonnier le
journée, ne n’entendi au prendre, mès tousjours au
combatre et à aler avant sus ses ennemis.
10§ 385. D’autre part, messires Jehans de Clermont,
mareschaus de France et moult vaillans et gentilz
chevaliers, se combatoit desous se banière et y fist
assés d’armes, tant qu’il peut durer, mès il fu abatus;
onques puis ne se peut relever ne venir à
15raençon: là fu il mors et occis en servant son signeur.
Et voelent bien maintenir et dire li aucun
[que[272]] ce fu pour les parolles que il avoit eu le journée
devant à monsigneur Jehan Chandos. A painnes
vei on onques avenir en peu d’eure si grant meschief
20sus gens d’armes et bons combatans, que il avint là
sus le bataille des mareschaus de France; car il
fondoient li un sus l’autre et ne pooient aler avant.
Cil qui derrière estoient et qui le meschief veoient
et qui avant passer ne pooient, reculoient et venoient
25vers le bataille dou duch de Normendie qui estoit
grande et espesse pardevant: mès tantost fu esclarcie
et [despessie[273]] par derière, quant il entendirent
que li mareschal estoient desconfi. Et montèrent à
[38] cheval li plus, et s’en partirent; car il descendirent
une route d’Englès de une montagne, en costiant les
batailles, tout monté à cheval, et grant fuison d’arciers
ossi devant yaus, et s’en vinrent ferir sus èle
5sus le bataille le duch de Normendie. Au voir dire, li
arcier d’Engleterre portèrent à leurs gens moult grant
avantage et trop esbahirent les François; car il
traioient si ouniement et si espessement que li François
ne savoient au quel lés entendre que il ne fuissent
10consievi dou tret, et toutdis s’avançoient il et
conqueroient terre.
§ 386. Quant les gens d’armes d’Engleterre veirent
que ceste première bataille estoit desconfite, et
que la bataille dou duch de Normendie branloit
15et se començoit à ouvrir, si leur vint et recroissi
force, alainne et corages trop grossement; et montèrent
errant tout à cheval que il avoient de premiers
ordonnés et pourveus à demorer dalés yaus. Quant
il furent tout monté et bien en haste, il se remisent
20tout ensamble et commencièrent à escriier à haute
vois, pour plus esbahir leurs ennemis: «Saint Jorge!
Giane!» Là dist messires Jehans Chandos au prince
un grant mot et honnourable: «Sire, sire, chevauciés
avant: la journée est vostre, Diex sera hui en
25vostre main. Adreçons nous devers vostre adversaire
le roy de France; car celle part gist tous li fors de le
besongne. Bien sçai que par vaillance il ne fuira
point: si nous demorra, s’il plaist à Dieu et à saint
Jorge, mès qu’il soit bien combatus; et vous desistes
30orains que hui on vous veroit bon chevalier.»
Ces parolles esvertuèrent le prince si qu’il dist tout
[39] en hault: «Jehan, alons, vous ne me verés meshui
retourner, mès toutdis chevaucier avant.» Adonc
dist il à sa banière: «Chevauciés avant, banière, ou
nom de Dieu et de saint Jorge.» Et li chevaliers qui
5le portoit, fist le commandement dou prince. Là fu
li presse et li enchaus grans et perilleus, et maint
homme y eut reversé. Si saciés bien qui estoit cheus,
il ne se pooit relever, se il n’estoit trop bien aidiés.
Ensi que li princes et se banière chevauçoit en entrant
10en ses ennemis et que ses gens le sievoient, il
regarda sus destre dalés un petit buisson: si vei monsigneur
Robert de Duras, qui là gisoit mors et se banière
dalés lui, qui estoit de France au sautoir de
geules, et bien dix ou douze des siens à l’environ.
15Si commanda à deux de ses escuiers et à trois arciers:
«Metés le corps de ce chevalier sus une targe,
et le portés à Poitiers; et le presentés de par moy
au cardinal de Pieregorc, et li dittes que je le salue à
ces ensengnes.» Li dessus dit varlet fisent tantost et
20sans delay ce qu’il leur commanda.
Or vous dirai qui meut le prince à ce faire: li aucun
poroient dire que il le fist par manière de dérision.
On avoit jà enfourmé le prince que les gens le
cardinal de Pieregorch estoient demoret sus les camps
25et yaus armet contre lui, ce qui n’estoit mies apartenans
ne drois fais d’armes; car gens d’eglise, qui
pour bien et sus trettiés de pais vont et travellent de
l’un à l’autre, ne se doient point armer ne combatre
par raison pour l’un ne pour l’autre. Et pour tant
30que cil l’avoient fait, en estoit li princes courouciés
sus le cardinal et li envoia voirement son neveu
monsigneur Robert de Duras, si com ci dessus est
[40] contenu. Et voloit au chastelain d’Amposte, qui là
fu pris, faire trenchier le teste; et l’euist fait sans
faute en son aïr, pour tant que cilz estoit de le famille
le cardinal, se n’euist esté messires Jehans Candos,
5qui l’en refrena par douces parolles et li dist:
«Monsigneur, souffrés vous et entendés à plus grant
cose que ceste ne soit. Espoir escusera li cardinaulz
de Pieregorch si bellement ses gens, que vous en
serés tous contens.» Ensi passa li princes oultre, et
10commanda que li dis chastelains fust biens gardés.
§ 387. Ensi que la bataille des mareschaus fu toute
desbaretée, perdue et desconfite sans recouvrier, et
que ceste dou duc de Normendie se commença à
desrompre et à ouvrir, et li plus de chiaus qui y estoient
15et qui par raison combatre se devoient, à
monter à cheval et à fuir en voies, s’avancièrent li
Englès qui là estoient tout monté, et s’adrecièrent
premierement vers le bataille dou duch d’Athènes,
connestable de France. Là eut grant froisseis et grant
20bouteis, et maint homme reversé par terre. Là escrioient
li aucun chevalier et escuier de France, qui
par tropiaus se combatoient: «Monjoie! Saint Denis!»
et li Englès: «Saint Jorge! Giane!» Là estoit
entre yaus grandement proèce remoustrée; car il n’i
25avoit si petit qui ne vausist un bon homme d’armes.
Et eurent à ce donc li princes et ses gens d’encontre
le bataille des Alemans, dou conte de Salebruce,
dou conte Jehan de Nasço et dou conte de Nido et
de leurs gens; mès il ne durèrent point gramment,
30ançois furent il rebouté moult asprement et mis en
cace. Là estoient arcier d’Engleterre viste et legier de
[41] traire ouniement et si espessement que nulz ne se
pooit ne osoit mettre en leur tret: si blecièrent et
occirent de ce rencontre tamaint homme qui ne
peurent venir à raençon ne à merci. Là furent pris
5assés en bon couvenant li troi conte dessus nommé,
et mort et pris tamaint chevalier et escuier de leur
route.
En ce puigneis et en ce reculeis fu rescous messires
Eustasses d’Aubrecicourt par ses gens qui le
10queroient et qui prisonnier entre les Alemans le
sentoient; si y rendi messires Jehans de Ghistelles
grant painne. Et fu li dis messires Eustasses remis à
cheval. Depuis fist il ce jour tamainte apertise d’armes,
et prist et fiança de bons prisonniers dont il
15eut ou temps à venir grant finance et qui moult l’aidièrent
à avancier.
Quant la bataille dou duch de Normendie, si com
je vous ay jà dit, veirent approcier si fortement les
batailles dou prince qui jà avoient desconfit les mareschaus
20et les Alemans et estoient entré en cace, si
en furent la plus grant partie tout esbahi. Et entendirent
li aucun et priesque tout à yaus sauver, et les
enfans dou roy aussi, le duc de Normendie, le conte
de Poitiers et le conte de Tourainne, qui estoient en
25ce tempore moult jone et à petit de avis: si crurent
legierement chiaus qui les gouvrenoient. Toutesfois
messires Guiçars d’Angle et messires Jehans de Saintré,
qui estoient dalés le conte de Poitiers, ne veurent
mies retourner ne fuir, mès se boutèrent ou plus
30fort de le bataille. Ensi se partirent, par conseil, li
troi enfant dou roy, et avoecques yaus plus de huit
cens lances sainnes et entières, qui onques n’approcièrent
[42] leurs ennemis, et prisent le chemin de Chauvegni.
Quant messires Jehans de Landas et messires Thiebaus
de Vodenay, qui estoient mestre et meneur dou
5duch Charle de Normendie, avoecques le signeur de
Saint Venant, eurent chevauciet environ une grosse
liewe en le compagnie dou dit duch, il prisent congiet
à lui et priièrent au signeur de Saint Venant que point
ne le vosist laissier, mès mener à sauveté, et que il
10y acquerroit otant d’onneur, en gardant son corps,
que ce que il demorast en le bataille; mès li dessus
dit voloient retourner et venir dalés le roy et en se
bataille, et il leur respondi que ossi feroit il à son
pooir. Ensi retournèrent li doi chevalier et encontrèrent
15le duch d’Orliiens et se grosse bataille toute
sainne et toute entière, qui estoient parti et venu par
derrière le bataille dou roy. Bien est vérités que
pluiseur bon chevalier et escuier, quoique leur signeur
se partesissent, ne se voloient mies partir, mès euissent
20plus chier à morir que fuite leur fust reprocie.
§ 388. Vous avés ci dessus en ceste hystore bien
oy parler de le bataille de Creci, et comment fortune
fu moult mervilleuse pour les François: ossi
à le bataille de Poitiers, elle fu moult diverse et très
25felenesse pour yaus, et auques parelle à ceste de
Creci; car li François estoient bien gens d’armes
sept contre un. Or regardés se ce ne fu mies grant
infortuneté pour yaus, quant il ne peurent obtenir le
place contre leurs ennemis. Mais au voir dire, la bataille
30de Poitiers fu trop mieulz combatue que ceste
de Creci, et eurent toutes manières de gens d’armes,
[43] mieulz loisir de aviser et considerer leurs ennemis,
que il n’euissent à Creci; car la ditte bataille de
Creci commença au vespre tout tart, sans arroi et
sans ordenance, et ceste de Poitiers matin, à heure
5de prime, et assés par bon couvenant, se eur y euist
eu pour les François. Et y avinrent trop plus de biaus
fais d’armes sans comparison que il ne fesissent à
Creci, comment que tant de grans chiés de pays n’i
furent mies mort, que il furent à Creci.
10Et se acquittèrent si loyaument envers leur signeur
tout cil qui demorèrent à Poitiers, mort ou pris, que
encore en sont li hoir à honnourer, et li vaillant
homme qui là se combatirent, à recommender; ne
on ne poet pas dire ne presumer que li rois Jehans
15de France s’effreast onques pour cose que il oïst ne
veist; mès demora et fu toutdis bons chevaliers et
bien combatans, et ne moustra pas samblant de fuir
ne de reculer, quant il dist à ses hommes: «A piet,
à piet!» et fist descendre tous chiaus qui à cheval
20estoient. Et il meismes se mist à piet devant tous les
siens, une hace de guerre en ses mains, et fist passer
avant ses banières ou nom de Dieu et de saint Denis,
dont messires Joffrois de Chargni portoit la souverainne;
et ensi par bon couvenant la grosse bataille
25dou roy s’en vint assambler as Englès. Là eut grant
hustin, fier et cruel, et donnet tamaint horion de
haces et de espées et de aultres bastons de gerre.
Si assamblèrent li rois de France et messires Phelippes
ses mainnés filz à le bataille des mareschaus
30d’Engleterre, le conte de Warvich et le conte de
Sufforch; et ossi y avoit il là des Gascons, monsigneur
le captal, le signeur de Pumiers, monsigneur
[44] Aymeri de Tarse, le signeur de Muchident, le signeur
de Longueren et le soudich de l’Estrade. Bien avoit
sentement et cognissance li rois Jehans de France
que ses gens estoient en peril; car il veoit ses batailles
5ouvrir et branler, et banières et pennons trebucier
et reculer, et par le force de leur ennemis
rebouter; mais par fait d’armes, il les cuida bien
toutes recouvrer. Là crioient li François leur cri:
«Monjoie! Saint Denis!» et li Englès: «Saint
10Jorge! Giane!»
Si revinrent cil doi chevalier tout à temps, qui
laissiet avoient le route le duch de Normendie, messires
Jehans de Landas et messires Thiebaus de Vodenay:
si se misent à piet en le bataille dou roy et se
15combatirent depuis moult vaillamment.
D’autre part, se combatoient li dus d’Athènes,
connestables de France, et ses gens; et un petit plus
en sus, li dus de Bourbon, environnés des bons chevaliers
de son pays de Bourbonnois et de Pikardie.
20D’autre lés, sus costière, estoient li Poitevin, li
sires de Pons, li sires de Partenay, li sires de Puiane,
li sires de Tannay Bouton, li sires de Surgières, messires
Jehans de Saintré, messires Guiçars d’Angle, li
sires d’Argenton, li sires de Linières, li sires de Monttendre
25et pluiseurs aultres, li viscontes de Rochouwart
et li viscontes d’Ausnay.
Là estoit chevalerie remoustrée et toute apertise
d’armes faite; car creés fermement que toute fleur de
chevalerie estoit d’une part et d’autre. Là se combatoient
30vaillamment messires Guichars de Biaugeu, li
sires de Chastielvillain et pluiseur bon chevalier et
escuier de Bourgongne.
[45] D’autre part, estoient li contes de Ventadour et de
Montpensé, messires Jakemes de Bourbon, en grant
arroy, et ossi messires Jehans d’Artois et messires
Charles ses frères, et messires Renaulz de Cerevole,
5dis Arceprestres, armés pour le jone conte d’Alençon.
Si y avoit ossi d’Auvergne pluiseurs grans barons
et bons chevaliers, telz que le signeur de Mercueil,
le signeur de la Tour, le signeur de Calençon, monsigneur
10Guillaume de Montagut, le signeur de Rocefort,
le signeur d’Acier et le signeur d’Acon; et de
Limozin: le signeur de Melval, le signeur de Moruel
et le signeur de Pierebufière; et de Pikardie: messires
Guillaumez de Nielle, messires Raoulz de Rainneval,
15messires Joffroy de Saint Digier, le signeur de Kauni,
le signeur de Helli, le signeur de Montsaut, le signeur
de Hangès et pluiseurs aultres.
Encores en le bataille dou roy estoit li contes de
Duglas, d’Escoce, et se combati une espasse assés
20vaillamment; mès quant il vei que la desconfiture se
contournoit dou tout sus les François, il se parti et
se sauva au mieus qu’il peut, car nullement il ne
volsist estre pris ne escheus ens ès mains des Englès:
il euist eu plus chier à estre occis sus le place.
25§ 389. On ne vous poet mies de tous parler ne
dire ne recorder: «Cilz le fist bien et cilz mieulz;»
car trop y faurroit de parolles. Nonpourquant d’armes
on ne se doit mies legierement partir ne passer;
mais il y eut là moult de bons chevaliers et d’escuiers,
30d’un costé et d’aultre. Et bien le moustrèrent, car
cil qui y furent mort et pris, de le partie dou roy de
[46] France, ne dagnièrent onques fuir; mès demorèrent
vaillamment dalés leur signeur et hardiement se combatirent.
D’autre part, on veist chevaliers d’Engleterre
et de Gascongne yaus enventurer si très hardiement
5et si ordonneement chevaucier et requerre
leurs ennemis, que merveilles seroit à penser, et leurs
corps au combatre abandonner; et ne l’eurent mies
davantage, mès leur couvint moult de painne souffrir
et endurer, ançois que il peuissent en le bataille
10dou roy de France entrer.
Là estoient dalés le prince et à son frain messires
Jehans Chandos et messires Pières d’Audelée, frères
à monsigneur Jame d’Audelée, de qui nous avons
parlé chi dessus, qui fu des premiers assallans, si com
15il avoit voé, et liquels avoit jà fait tant d’armes,
parmi l’ayde de ses quatre escuiers, que on le doit
bien tenir et recommender pour preu; car il, tout
dis comme bons chevaliers, estoit entrés ou plus fort
des batailles et combatus si vaillamment que il y fu
20durement navrés ou corps et ou chief et ou viaire;
et tant que alainne et force li peurent durer, il se
combati et ala toutdis avant, et tant que il fu moult
essannés. Adonc, sus le fin de le bataille, le prisent
li quatre escuier qui le gardoient, et le amenèrent
25moult foible et fort navré au dehors des batailles,
dalés une haie, pour li un petit refroidier et esventer,
et le desarmèrent au plus doucement qu’il peurent,
et entendirent à ses plaies bender et loiier, et rekeudre
les plus perilleuses.
30Or revenons au prince de Galles qui toutdis chevauçoit
avant, en abatant et occiant ses ennemis,
dalés lui monsigneur Jehan Chandos, par lequel conseil
[47] il ouvra et persevera le journée. Et li gentilz chevaliers
s’en acquitta si loyaument que onques il n’entendi
ce jour à prendre prisonnier, mès disoit au
prince: «Sire, chevauciés avant; Diex est en vostre
5main: la journée est nostre.» Li princes, qui tendoit
à toute perfection d’onneur, chevauçoit avant, se
banière devant lui, et renforçoit ses gens là où il les
veoit ouvrir ne branler, et y fu très bons chevaliers.
10§ 390. Ce lundi, fu la bataille des François et des
Englès, assés priès de la cité de Poitiers, moult dure
et moult forte. Et y fu li rois Jehans de France de
son costé très bons chevaliers; et, se la quarte partie
de ses gens l’euissent ressamblé, la journée euist esté
15pour yaus, mais il n’en avint mies ensi. Toutesfois li
duch, li conte, li baron, li chevalier et li escuier qui
demorèrent, se acquittèrent à leur pooir bien et
loyaument, et se combatirent tant qu’il furent tout
mort ou pris. Petit s’en sauvèrent de chiaus qui
20 descendirent à piet sus le sablon, dalés le roy leur
signeur.
Là furent occis, dont ce fu pités et damages,
li gentilz dus de Bourbon, qui s’appelloit messires
Pières, et assés priès de lui messires Guiçars de Biaugeu
25et messires Jehans de Landas; et pris et durement
navrés li Arceprestres, messires Thiebaus de Vodenay
et messires Bauduins d’Ennekins; mors li dus d’Athènes,
connestables de France, et li evesques de
Chaalons en Champagne; et d’autre part, pris li contes
30de Vaudimont et de Genville, li contes de Vendôme,
et cilz de Ventadour et de Montpensé; et occis un
[48] petit ensus messires Guillammes de Nielle et messires
Eustasses de Ribeumont, et, d’Auvergne, li sires de
la Tour, et messires Guillaumes de Montagut; et pris
messires Loeis de Melval, li sires de Pierebufière et
5li sires de Seregnach. Et en celle empainte furent plus
de deux cens chevaliers mors et pris.
D’autre part, se combatoient aucun bon chevalier
de Normendie à une route d’Englès; et là furent
mort messires Grimoutons de Cambli et messires li
10Baudrains de le Huese et pluiseur aultre qui estoient
desfouchiet et se combatoient par tropiaus et par
compagnies, ensi que il se trouvoient et recueilloient.
Et toutdis chevauçoit li princes et s’adreçoit vers le
bataille dou roy; et li plus grant partie des siens
15entendoit à faire sa besongne à son pourfit, au mieus
que il pooient, car tout ne pooient mies estre
[ensamble[274]]. Si y eut ce jour fait mainte belle apertise
d’armes, mainte prise et mainte rescousse, qui toutes
ne vinrent mies à cognissance; car on ne poet pas
20tout veoir ne savoir, ne les plus preus ne plus hardis
aviser ne concevoir. Si en voel jou parler au plus
justement que je porai, selonch ce que j’en fui depuis
enfourmés par les chevaliers et escuiers qui furent d’une
part et d’autre.
25§ 391. Entre ces batailles et ces rencontres et les
caces et les poursieutes qui furent ce jour sus les
camps, en chei à monsigneur Oudart de Renti ensi
que je vous dirai. Messires Oudars estoit partis de le
bataille, car il veoit bien que elle estoit perdue sans
[49] recouvrier: si ne se voloit mies mettre ou dangier
des Englès, là où il le peuist amender, et estoit jà
eslongiés bien une liewe. Si l’avoit uns chevaliers
d’Engleterre poursievi une espasse, la lance au poing,
5et escrioit à le fois: «Chevaliers, retournés, car c’est
grans hontes d’ensi fuir.»
Messires Oudars, qui se sentoit caciés, se virgonda
et se arresta tous quois et mist l’espée en fautre, et
dist en soi meismes que il attenderoit le chevalier
10d’Engleterre. Li chevaliers englès cuida venir et
adrecier dessus messire Oudart et assir son glave sus
sa targe; mès il falli, car messires Oudars se destourna
contre le cop et ne falli pas au chevalier consievir,
mès le feri telement de sen espée, en passant sus son
15bacinet, que il l’estonna tout et l’abati jus à terre de
son cheval, et se tint là tous quois une espasse sans
relever.
Adonc mist piet à terre messires Oudars, et vint
sus le chevalier qui là gisoit, et li apoia son espée sus
20sa poitrine et li dist que il l’ociroit, se il ne se rendoit
à lui et li fiançast prison, rescous ou non rescous.
Li chevaliers ne se vei mies au dessus de sa
besongne: si se rendi au dit monsigneur Oudart
pour son prisonnier, et s’en ala avoecques lui; et depuis
25le rançonna il bien et grandement.
Encores entre les batailles et ou fort de le cace,
avint une ossi belle aventure et plus grande à un
escuier de Pikardie, qui s’appelloit Jehans d’Ellènes,
appert homme d’armes durement. Il s’estoit ce jour
30combatus assés vaillamment en le bataille dou roy:
si avoit veu et conceu le desconfiture et le grant pestilense
qui y couroit; et li estoit si bien avenu que
[50] ses pages li avoit amené son coursier. Et estoit li dis
escuiers montés et partis de tous perilz, car il trouva
son coursier fresk et nouvel, qui li fist grant bien.
A ce donc estoit sus les camps li sires [de] Bercler,
5uns jones et appers chevaliers, et qui ce jour avoit
levet banière: si vei le couvenant de Jehan d’Ellènes;
si issi très apertement des conrois après li, montés
ossi sus fleur de coursier. Et pour faire plus grant
vaillance d’armes, il s’embla de se route et volt le
10dit Jehan poursievir tout seul, ensi qu’il fist. Et
chevaucièrent hors de toutes batailles moult loing, sans
yaus approcier, Jehans d’Ellènes devant et li sires de
Bercler après, qui mettoit grant painne à li raconsievir.
Li intention de l’escuier franchois estoit bien
15tèle que il retourroit voirement, mès que il euist
amenet le chevalier encores un petit plus avant; et
chevaucièrent, ensi que par alainnes de coursiers, plus
de une grosse liewe, et eslongièrent bien otant et
plus toutes les batailles. Li sires de Bercler escrioit à
20le fois à Jehan d’Ellènes: «Retournés, retournés,
homs d’armes: ce n’est pas honneur ne proèce d’ensi
fuir.»
Quant li dis escuiers vei son tour et que temps fu,
il retourna moult aigrement sus le chevalier, tout à
25un fais, l’espée ou poing, et le mist desous son brach,
à manière de glave, et s’en vint en cel estat sus le
signeur de Bercler qui onques ne le volt refuser,
mès prist sen espée de Bourdiaus, bonne et legière
et roide assés, et le apoigna par les hans, en levant
30le main, pour jetter en passant à l’escuier, et l’escoui
et laissa aler. Jehans d’Ellènes, qui vei l’espée en
volant venir sur li, se destourna, et perdi par celle
[51] voie son cop au dit escuier. Mès Jehans ne perdi point
le sien, mès consievi en passant au chevalier sus son
braeh, telement que il li fist voler l’espée ou camp.
Quant li sires de Bercler vei que il n’avoit point
5d’espée, et li escuiers avoit le sienne, si salli jus de
son coursier et s’en vint tout le petit pas là où sen
espée estoit; mais il n’i peut onques si tos venir que
Jehans d’Ellènes ne le hastast. Et jetta par avis si
roidement sen espée au dit chevalier, qui estoit à
10terre; si l’aconsievi telement hault ens ès cuissieus que
li espée, qui estoit roide et bien acerée et envoiie de
fort brach et de grant volenté, entra ens ès quissieus
et s’encousi tout parmi les quissieus jusques as hans.
De ce cop chei li chevaliers, qui fu durement navrés
15et qui aidier ne se pooit.
Quant li escuiers le vei en cel estat, [si[275]] descendi
moult apertement de son coursier et vint à l’espée
dou chevalier qui gisoit à terre: si le prist, et puis
tout le pas s’en vint sus le chevalier, et li demanda
20se il se voloit rendre, rescous ou non rescous. Li
chevaliers li demanda son nom; il dist: «On m’appelle
Jehan d’Ellènes; et vous, comment?»—«Certes
compains, respondi li chevaliers, on m’appelle Thumas,
et sui sires de Bercler, un moult biel chastiel
25seant sus le rivière de Saverne, en le marce de Galles.»
—«Sire de Bercler [dist li escuiers[276]], vous serés mon
prisonnier, si com je vous ay dit; et je vous metterai
à sauveté, et entenderai à vous garir, car il me samble
que vous soiiés durement navrés.» Li sires de Bercler
[52] respondi: «Je le vous acorde ensi. Voirement sui
je vostre prisonnier; car vous m’avés loyaument
conquis.» Là li creanta il sa foy que, rescous ou non
rescous, il demorroit son prisonnier.
5Adonc traist Jehans l’espée hors des cuissieus dou
chevalier: si demora la plaie toute ouverte, mais
Jehans le loia et bendela bien et biel, au mieulz qu’il
peut; et fist tant que il le remist sus son coursier et
l’amena ce jour tout le pas jusques à Chastieleraut.
10Et là sejourna il plus de quinze jours, pour l’amour
de lui, et le fist medeciner; et quant il eut un peu
mieus, il le mist en une litière et le fist amener tout
souef à son hostel en Pikardie. Là fu il plus d’un an
et tant qu’il fu bien garis, mès il demora afolés; et
15quant il parti, il paia six mil nobles. Et devint li dis
escuiers chevaliers, pour le grant pourfit que il eut
de son prisonnier le signeur de Bercler. Or revenons
à le bataille de Poitiers.
§ 392. Ensi aviennent souvent les fortunes en armes
20et en amours, plus ewireuses et plus mervilleuses
que on ne les poroit ne oseroit penser ne souhaidier,
tant en batailles et en rencontres, que par trop folement
cacier. Au voir dire, ceste bataille, qui fu assés
priés de Poitiers, ens ès camps de Biauvoir et de
25Maupetruis, fu moult grande et moult perilleuse; et
y peurent bien avenir pluiseurs grandes avenues et
biaus fais d’armes qui ne vinrent mies tout à cognissance.
Ceste bataille fu très bien combatue, bien
poursievie et mieus achievée pour les Englès; et y
30souffrirent li combatant, d’un lés et d’autre, moult
de painne.
[53] Là fist li rois Jehans de main merveilles d’armes, et
tenoit la hace dont trop bien se combatoit. A le presse
rompre et ouvrir, furent pris assés priès de li li contes
de Tankarville et messires Jakemes de Bourbon, contes
5pour le temps de Pontieu, et messires Jehans d’Artois,
contes d’Eu; et d’autre part, un petit plus ensus,
desous le pennon le captal, messires Charles d’Artois
et moult d’autres chevaliers.
La cace de la desconfiture dura jusques ès portes
10de Poitiers; et là eut grant occision et grant abateis
de gens d’armes et de chevaus, car cil de Poitiers
refremèrent leurs portes, et ne laissoient nullui ens
pour le peril: pour tant y eut, sus le caucie et devant
la porte, si grant horribleté de gens abatre, navrer
15et occire, que merveilles seroit à penser. Et se rendoient
li François de si lonch que il pooient cuesir[277]
un Englès; et y eut là pluiseur Englès, arciers et
aultres, qui avoient quatre, cinq ou six prisonniers,
ne on n’oy onques de tel mescheance parler, comme
20il avint là sus yaus.
Li sires de Pons, uns grans barons de Poito, fu là
occis et moult d’autres chevaliers et escuiers; pris li
viscontes de Rocewart, li sires de Puiane et li sires
de Partenai; et de Saintonge: li sires de Montendre,
25et pris messires Jehans de Saintré, et tant batus que
onques depuis n’eut santé: si le tenoit on pour le
milleur et plus vaillant chevalier de France; et laiiés
pour mors entre les mors, messires Guiçars d’Angle,
qui trop vaillamment se combati ceste journée.
30Là se combatoit vaillamment et assés priès dou
[54] roy messires Joffrois de Cargni, et estoit toute la
presse et la huée sur lui, pour tant qu’il portoit la
souveraine banière dou roy; et il meismes avoit la
sienne sus les camps, qui estoit de geules à trois
5escuçons d’argent. Tant y sourvinrent Englès et Gascons,
de toutes pars, que par force il ovrirent et
rompirent le priesse de le bataille le roy de France.
Et furent li François si entouelliet entre leurs ennemis
que il y avoit bien, en tel lieu estoit et telz fois fu,
10cinq hommes d’armes sus un gentil homme. Là fu
pris messires Bauduins d’Anekins de messire Bietremieu
de Brues. Et fu occis messires Joffrois de Chargni,
la banière de France entre ses mains, et pris li
contes de Dammartin de monsigneur Renault de
15Gobehen. Là eut adonc trop grant presse et trop
grant bouteis sus le roy Jehan, pour le convoitise de
li prendre; et li crioient cil qui le cognissoient et qui
le plus priès de lui estoient: «Rendés vous, rendés
vous: aultrement vous estes mors.»
20Là avoit un chevalier de le nation de Saint Omer,
que on clamoit monsigneur Denis de Morbeke; et
avoit depuis cinq ans ou environ servi les Englès,
pour tant que il avoit de sa jonèce fourfait le royaume
de France par guerre d’amis et d’un hommecide que
25il avoit fait à Saint Omer, et estoit retenus dou roy
d’Engleterre as saulz et as gages. Si chei adonc si
bien à point au dit chevalier que il estoit dalés le roy
de France et li plus proçains qui y fust, quant on
tiroit ensi à lui prendre: si se avança en le presse,
30à le force des bras et dou corps, car il estoit grans et
fors; et dist au roy en bon françois, où li rois s’arresta
plus c’as aultres: «Sire, sire, rendés vous.»
[55] Li rois, qui se veoit en dur parti et trop efforciés
de ses ennemis et ossi que sa deffense ne li valoit
mès riens, demanda en regardant le chevalier: «A
cui me renderai jou? à cui? Où est mon cousin le
5prince de Galles? se je le veoie, je parleroie.»—«Sire,
respondi messires Denis de Morbeke, il n’est
pas ci; mès rendés vous à moy, je vous menrai
devers lui.»—«Qui estes[278], dist li rois?»—«Sire
je sui Denis de Morbeke, uns chevaliers d’Artois;
10mès je siers le roy d’Engleterre, pour tant que je ne
puis ou royaume de France et que je y ay fourfait
tout le mien.»
Adonc respondi li rois de France, si com je fui
depuis enfourmés, ou deubt respondre: «Et je me
15rench à vous,» et li bailla son destre gant. Li chevaliers
le prist, qui en eut grant joie. Là eut grant
priesse et grant tirich entours le roy, car cescuns
s’efforçoit de dire: «Je l’ay pris, je l’ay pris»; et ne
pooit li rois aler avant, ne messires Phelippes ses
20mainsnés fils. Or lairons un petit à parler de ce touellement
qui estoit sus le roy de France, et parlerons
dou prince de Galles et dou fin de le bataille.
§ 393. Li princes de Galles, qui durement estoit
hardis et corageus, et le bacinet en le tieste, estoit
25comme uns lyons felz et crueus, et qui ce jour avoit
pris grant plaisance à combatre et à encaucier ses
ennemis, sus le fin de le bataille estoit durement escaufés:
si que messires Jehans Chandos, qui toutdis
fu dalés lui, ne onques ce jour ne le laia, li dist:
[56] «Sire, c’est bon que vous vos arrestés ci et metés
vostre banière hault sus ce buisson: se s’i ralloieront
vos gens qui sont durement espars, car, Dieu merci,
la journée est vostre. Ne je ne voi mès nulles banières
5ne nuls pennons des François, ne conroi entre yaus
qui se puist ralloiier; et si vous rafreschirés un petit,
car je vous voi moult escauffé.»
A l’ordenance de monsigneur Jehan Chandos s’acorda
li princes, et fist sa banière mettre sus un hault
10buisson, pour toutes gens ralloiier, et corner ses
menestrelz, et osta son bachinet. Tantost furent si
chevalier apparilliet, cil dou corps et cil de sa cambre;
et tendi on illuec un petit vermeil pavillon où
li princes entra, et li aporta on à boire et as signeurs
15qui estoient dalés lui. Et toutdis mouteplioient il, car
il revenoient de le cace: si s’arrestoient là ou environ,
et s’ensonnioient entours leurs prisonniers.
Sitost que li doy mareschal revinrent, li contes de
Warvich et li contes de Sufforch, li princes leur demanda
20se il savoient nulles [nouvelles[279]] dou roy de
France. Il respondirent: «Sire, nennil, bien certainnes;
nous creons ensi que il est mors ou pris, car
point n’est partis des batailles.» Adonc li princes en
grant haste dist au conte de Warvich et à monsigneur
25Renault de Gobehen: «Je vous pri, partés de ci et
chevauciés si avant que à vostre retour vous m’en sachiés
à dire le verité.»
Cil doi signeur tantost de rechief montèrent à cheval
et se partirent dou prince et montèrent sus un
30tertre pour veoir entour yaus: si perçurent une grant
[57] flote de gens d’armes tout à piet et qui venoient
moult lentement. Là estoit li rois de France en grant
peril, car Englès et Gascon en estoient mestre et l’avoient
jà tollu à monsigneur Denis de Morbeke et
5moult eslongiet de li; et disoient li plus fort: «Je
l’ay pris, je l’ay pris.» Toutesfois li rois de France,
qui sentoit l’envie que il avoient entre yaus sus lui,
pour eskiewer le peril, avoit dit: «Signeur, signeur,
menés moi courtoisement devers le prince mon cousin,
10et mon fil avoecques mi; et ne vous rihotés
plus ensamble de ma prise, car je sui sires et grans
assés pour cescun de vous faire riche.»
Ces parolles et aultres que li rois leur disoit, les
soela un petit, mès nonpourquant toutdis recommençoit
15leur rihote; et n’aloient piet avant de terre
que il ne se rihotaissent. Li doi baron dessus nommet,
quant il veirent celle foule et ces gens d’armes ensi
ensamble, s’avisèrent que il se trairoient celle part;
si ferirent coursiers des esporons et vinrent jusques à
20là et demandèrent: «Qu’es çou? qu’es çou?» Il leur
fu dit: «C’est li rois de France qui est pris; et le
voellent avoir et calengent plus d’yaus dix chevaliers
et escuiers.»
Adonc li doi baron, sans plus parler, rompirent, à
25force de chevaus, le presse, et fisent toutes manières
de gens traire arrière; et leur commandèrent, de par
le prince et sus le teste, que tout se traissent arrière
et que nulz ne l’approçast, se il n’i estoit ordonnés
et requis. Lors se partirent toutes gens, qui n’osèrent
30ce commandement brisier, et se traisent bien ensus
dou roy et des deux barons qui tantost descendirent
à terre et enclinèrent le roy tout bas, liquelz rois fu
[58] moult liés de leur venue, car il le delivrèrent de grant
dangier. Or vous parlerons encores un petit de l’ordenance
dou prince, qui estoit dedens son pavillon,
et quel cose il fist en attendant les chevaliers dessus
5nommés.
§ 394. Si tretost que li contes de Warvich et messires
Renaulz de Gobehen se furent parti dou prince,
si com ci dessus est contenu, li princes demanda as
chevaliers qui estoient dalés lui: «De messire Jame
10d’Audelée est il nulz qui en sace riens?»—«Oil, sire,
ce respondirent aucun chevalier qui là estoient et qui
jà veu l’avoient: il est moult durement navrés et couchiés
en une litière assés priès de ci.»—«Par ma
foy, dist li princes, de sa navreure sui je durement
15courouciés; mès je le veroie moult volentiers. Or
sachiés, je vous pri, se il poroit souffrir le aporter
jusques à ci; et se il ne poet, je l’irai veoir.»
Dont se partirent doi chevalier dou prince, et s’en
vinrent devers messire Jame d’Audelée; et li disent
20ensi que li princes avoit demandet de li, et comment
il le desiroit à veoir. «Grans mercis, dist messires
James, à monsigneur le prince, quant il li plaist à souvenir
d’un si petit bacheler que je sui.» Adonc appella
il de ses varlès jusques à huit, et se fist porter
25en se litière là où li princes estoit.
Qant li princes de Galles vei monsigneur Jame, si
se abaissa sur lui, et li fist grant cière, et le rechut
doucement et liement, et li dist ensi: «Messire Jame,
je vous doi bien honnourer, car par vostre vaillance
30et proèce avés vous hui acquis le grasce et le renommée
de nous tous, et y estes tenus par certainne
[59] sieute pour le plus preu.»—«Monsigneur, respondi
messires James, je vorroie bien qu’il fust ensi, et
vous poés dire ce qu’il vous plest: se je me sui hui
avanciés pour vous servir et acomplir un veu que j’avoie
5fait, on ne le me doit pas tourner à proèce, mès
à outrage.»
Adonc respondi li princes et dist: «Messire Jame,
jou et tout li nostre vous tenons à le journée d’ui
pour le milleur de nostre costé. Et pour vostre grasce
10accroistre et que vous aiiés mielz pour vous estoffer
et sivir les armes, je vous retieng à tousjours mès pour
mon chevalier, à cinq cens mars de revenue par an,
dont je vous assignerai bien sus mon hiretage en
Engleterre.»—«Sire, respondi messires James d’Audelée,
15Diex me laist desservir les grans biens que vous
me faites.»
A ces parolles prist il congiet au prince, car il estoit
moult foibles; et le raportèrent si varlet arrière
à son logeis. Il ne pooit mies encore estre gramment
20eslongiés, quant li contes de Warvich et messires Renaulz
de Gobehen entrèrent ou pavillon dou prince,
et li fisent ce present dou roy de France: lequel present
li dis princes deubt bien rechevoir à grant et à
noble. Et ossi fist il vraiement, et s’enclina tout bas
25contre le roy de France, et le reçut et conjoy bellement
et sagement, ensi que bien le sceut faire; et fist
là aporter le vin et les espisses, et l’en donna il
meismement [au roy[280]], en signe de très grant amour.
§ 395. Ensi fu ceste bataille desconfite que vous
[60] avés oy, qui fu ès camps de Maupetruis, à deux liewes
de le cité de Poitiers, le vingt unième jour dou mois
de septembre, l’an de grasce Nostre Signeur mil trois
cens cinquante six. Si commença environ heure de
5prime, et fu toute passée à nonne; mès encores
n’estoient point tout li Englès qui caciet avoient, retourné
de leur cace et remis ensamble. Pour ce avoit
li princes fait mettre sa banière sus un buisson,
pour ses gens recueillier et ralloiier, ensi qu’il fisent;
10mès il fu tous bas vespres ançois que tout fuissent revenu
de leur cace.
Et fu là morte, si com on recordoit adonc pour
le temps, toute li fleur de le chevalerie de France:
de quoi li nobles royaumes fu durement afoiblis,
15et en grant misère et tribulation eschei, ensi que
vous orés recorder chi après. Avoecques le roy et
son jone fil monsigneur Phelippe, eut pris dix sept
contes, sans les barons, les chevaliers et les escuiers;
et y eut mors entre cinq mil et sept cens
20et six mil hommes, uns qu’autres. Quant il furent
tout ou en partie repairiet de le cace et revenu
devers le prince qui les attendoit sus les camps,
si com vous avés oy recorder, si trouvèrent que il
avoient deux tans de prisonniers qu’il ne fuissent de
25gens. Si eurent conseil l’un par l’autre, pour le grant
carge qu’il en avoient, que il en rançonneroient sus
les camps le plus, ensi qu’il fisent.
Et trouvèrent li chevalier et li escuier prisonnier,
les Englès et les Gascons moult courtois; et en y eut
30ce propre jour mis à finance grant fuison, ou recreus
simplement sus leurs fois à retourner dedens le Noel
ensievant à Bourdiaus sus Geronde ou là raporter leurs
[61] paiemens. Quant il furent ensi que tout rassamblé,
si se traist çascuns en son logeis, tout joindant où la
bataille avoit esté. Si se desarmèrent li aucun, et non
pas tous, et fisent desarmer leurs prisonniers, et les
5honnourèrent tant qu’il peurent, cescuns les siens;
car cilz qui prendoit prison en bataille de leur costé,
li prisonniers estoit siens, et le pooit quitter ou rançonner
à sa volenté.
Si poet cescuns savoir et penser que tout cil qui là
10furent en ceste fortuneuse bataille avoecques le prince
de Galles, furent riche d’onneur et d’avoir, tant
parmi les raençons des prisons, come pour le gaaing
d’or et d’argent [qui là fu trouvés, tant en vasselle
d’or et d’argent[281], et] en riches jeuiaus, en malles
15farsies de chaintures riches et pesans et de bons mantiaus.
D’armeures, de harnas de gambes et de bachinès
ne faisoient il nul compte; car li François estoient
là venu très richement et si estoffeement que mieulz
ne pooient, comme cil qui cuidoient bien avoir la
20journée pour yaus. Or vous parlerons un petit comment
messires James d’Audelée ouvra des cinq cens
mars d’argent que li princes de Galles li donna, si
com il est contenu ci dessus.
§ 396. Quant messires James d’Audelée fu arrière
25raportés en le littière en son logeis, et il eut remerciiet
grandement le prince dou don que donnet li avoit,
il n’eut gaires reposé en sa loge, quant il manda monsigneur
Pière d’Audelée son frère, messire Betremieu
de Brues, messire Estievene de Gonsenton, le
[62] signeur de Willebi et monsigneur Raoul de Ferrières:
cil estoient de son sanch et de son linage. Si
tretost que il furent venu et en le presense de lui, il
s’avança de parler au mieus qu’il peut, car il estoit
5moult foibles, pour les navreures que il avoit. Et fist
venir avant les quatre escuiers que il avoit eu pour
son corps, le journée, et dist ensi as chevaliers qui
là estoient: «Signeur, il a pleu à monsigneur le prince
que il m’a donné cinq cens mars de revenue par an
10et en hyretage; pour lequel don je li ay encores fait
petit service, et puis faire de mon corps tant seulement.
Il est verités que veci quatre escuiers qui m’ont
toutdis loyaument servi. Et par especial, à le journée
d’ui, ce que j’ay d’onneur, c’est par leur emprise
15et leur hardement. Pour quoi, en le presense de vous
qui estes de mon linage, je leur voel maintenant remunerer
les grans et agreables services qu’il m’ont
fais. C’est me intention que je leur donne et resi[g]ne
en leurs mains le don et les cinq cens mars que
20messires li princes m’a donnés et acordés, en tel
fourme et manière que donnés le mes a; et m’en desherite
et les en aherite purement et franchement,
sans nul rappel.»
Adonc regardèrent li chevalier qui là estoient, tout
25l’un l’autre, et disent entre yaus: «Il vient à monsigneur
Jame cilz dons à faire de grant vaillance.»
Si li respondirent d’une vois: «Sire, Diex y ait
part! Ensi le tesmongnerons nous où il vorront.» Si
se partirent atant de li; et en alèrent li aucun devers
30le prince qui devoit donner à souper le roy de France
et son fil, et le plus grant partie des contes et des
barons qui prisonnier estoient, et tout de leurs pourveances;
[63] car li François en avoient fait amener apriès
yaus grant fuison, et elles estoient as Englès et as Gascons
fallies, et pluiseurs en y estoient entre yaus, qui
n’avoient gousté de pain plus de trois jours avoit
5passet.
§ 397. Quant ce vint au soir, li princes de Galles
donna à souper en sa loge le roy de France, monsigneur
Phelippe son fil, monsigneur Jakeme de Bourbon
et le plus grant partie des contes et des barons
10de France qui prisonnier estoient. Et assist li princes
le roy Jehan, monsigneur Jakemon de Bourbon, monsigneur
Jehan d’Artois, le conte de Tankarville, le
conte d’Estampes, le conte de Dammartin, le conte
de Genville et le signeur de Partenay, à une table
15moult haute et bien couverte; et tous les aultres signeurs,
barons et chevaliers, as aultres tables.
Et toutdis servoit li princes audevant de la table
dou roy et par toutes les aultres tables ossi, si humlement
que il pooit; ne onques ne se volt seoir à le
20table dou roy, pour priière que li rois en fesist, ains
disoit toutdis que il n’estoit mies encores si souffissans
que il apertenist à lui de seoir à le table de si
grant prince et de si vaillant homme que li corps de
li estoit et que moustré avoit à le journée. Et toutdis
25s’engenilloit par devant le roy, et disoit bien: «Chiers
sires, ne voelliés mies faire simple cière, pour tant
se Diex n’i a hui volu consentir vostre voloir; car
certainnement monsigneur mon père vous fera toute
l’onneur et amisté qu’il pora, et se acordera à vous
30si raisonnablement que vous demorrés bon amit ensamble
à tousjours. Et m’est avis que vous avés grant
[64] raison de vous esleecier, comment que la besongne ne
soit tournée à vostre gret; car vous avés conquis au
jour d’ui le haut nom de proèce, et avés passet tous
les mieulz faisans de vostre costet. Je ne le di mies,
5ce saciés, chiers sires, pour vous lober; car tout cil
de nostre partie, qui ont veu les uns et les aultres, se
sont, par plainne sieute, à ce acordet, et vous en donnent
le pris et le chapelet, se vous le volés porter.»
A ce point commença cescuns à murmurer, et disoient,
10entre yaus, François et Englès, que noblement
et à point li princes avoit parlet. Si le prisoient
durement et disoient communalment que en lui avoit
et aroit encores gentil signeur, se il pooit longement
durer ne vivre, et en tel fortune perseverer.
15§ 398. Quant il eurent soupé et assés festiiet, selonch
le point là où il estoient, cescuns s’en ala en
son logeis avoech ses prisonniers pour reposer. Celle
nuit y eut grant fuison de prisons, chevaliers et escuiers,
qui se rançonnèrent envers ciaus qui pris les
20avoient; car il les laissoient plus courtoisement rançonner
et passer que onques gens feissent, ne il ne
les constraindoient aultrement que il leur demandoient
sus leurs fois combien il poroient paiier, sans
yaus trop grever, et les creoient legierement de ce
25qu’il en disoient. Et disoient communement ensi qu’il
ne voloient mies chevalier ne escuier rançonner si
estroitement qu’il ne se peuist bien chevir et gouvrener
dou sien, et servir ses signeurs, selonch son estat,
et chevaucier par les pays, pour avancier son
30corps et sen honneur.
La coustume des Alemans ne la courtoisie n’est
[65] mies tèle; car il n’ont pité ne merci de nul gentil
homme, se il eschiet entre leurs mains prisonniers;
mès le rançonneront de toute sa finance et oultre, et
metteront en ceps, en buies et en fers et plus destroites
5prisons que il poront, pour estordre plus grant
raençon.
Quant ce vint au matin que cil signeur eurent
messe oye, et il eurent beu et mengié un petit, et les
varlet eurent [tout[282]] toursé et apparilliet, et leur
10charoy mis en arroy, il se deslogièrent de là et cheminèrent
par devers le cité de Poitiers.
En le ditte cité de Poitiers estoit venus, le propre
nuit dont la bataille avoit esté ce lundi, messires Mahieus,
sires de Roie, à bien cent lances, et n’avoit
15point esté à le ditte bataille; mès il avoit encontré
le duch de Normendie sus les camps, assés près de
Chauvegni, qui s’en raloit en France, si com cidessus
est contenu, liquelz dus li avoit dit que il se
traisist vers Poitiers, et toute se route, et fust gardiiens
20et chapitainne de la ditte cité, jusques à tant
que il oroit aultres nouvelles: si ques li sires de Roie,
li venus dedens Poitiers, pour tant que il sentoit les
Englès assés priès, avoit toute celle nuit entendu as
portes, as tours et as garittes de le ville, et, au matin,
25fait armer toutes manières de gens, et çascun fait aler
à sa deffense.
Li Englès passèrent oultre sans point approcier,
car il estoient si cargiet d’or, d’argent, [de joiaulx[283]] et
de bons prisonniers que il n’avoient mies loisir ne
[66] conseil de assallir à leur retour nulle forterèce; mès
leur sambloit uns grans esplois pour yaus, se il
pooient le roy de France et leur conquest mener à
sauveté en le cité de Bourdiaus. Si aloient il à petites
5journées, ne il ne se pooient fort esploitier pour
le cause des pesans sommiers et dou grant charoi
que il menoient; et ne cheminoient tous les jours non
plus de quatre ou de cinq liewes, et se logoient de
haute heure. Et chevauçoient tout ensamble, sans
10yaus desrouter, excepté li bataille des mareschaus
le conte de Warvich et le conte de Sufforch, qui
aloient devant, à cinq cens armeures de fier, pour
ouvrir les pas et aviser le pays. Mès il ne trouvoient
point d’arrest ne nul rencontre; car tous li pays estoit
15si effraés, pour la grande desconfiture qui avoit
esté à Poitiers et le occision et le prise des nobles
dou royaume de France et le prise dou roy leur
signeur, que nulz ne mettoit ordenance ne arroi en
soy pour aler au devant; mès se tenoient toutes gens
20d’armes quoi, et gardoient leurs forterèces.
Sus ce chemin vint en cognissance au prince de
Galles, comment messires James d’Audelée avoit arrière
rendu et donné à quatre escuiers le revenue de
cinq cens mars que il li avoit donné: si en fu durement
25esmervilliés, et le manda une fois, si tretost que
il se fu logiés. Quant messires James se senti mandés
dou prince, il cogneut assés pour quoi c’estoit, et
se fist aporter en se litière par devant lui, car il ne
pooit aler ne chevaucier; et enclina le prince sitost
30que il le vei. Li princes le reçut assés courtoisement
et puis li dist: «Messire Jame, on nous a donné
à entendre que la revenue que nous vous avons donnée
[67] et ottriie, vous parti de nous et revenu en vostre
logeis, vous le rendesistes et donnastes tantos à quatre
escuiers: si sarions volentiers pour quoi vous fesistes
ce, ne se li dons vous fu point agreables.»
5«Monsigneur, respondi li chevaliers, par ma foy,
o il très grandement; et le raison qui me meut au
faire, je le vous dirai. Cil quatre escuier qui ci sont,
m’ont lonch temps servi bien et loyaument en pluiseurs
grandes besongnes; et encores à ce jour que je
10leur fis le don, ne les avoi je de riens remuneret
leurs services. Et se onques en leur vivant ne m’avoient
plus servi, fors ce que il fisent à le bataille de
Poitiers, si sui je tenus de tant et plus envers yaus;
car, ciers sires, je ne sui c’uns seulz homs et ne
15puis q’un homme; et sus le confort et ayde d’yaus,
je empris à acomplir le veu que de lonch temps
avoie voé, et fus, par le force et le bonté d’yaus, li
premiers assallans, et euisse esté mors et occis en le
besongne, se il ne fuissent. Dont, quant j’ai consideré
20le bonté et l’amour qu’il me moustrèrent, je
n’euisse pas esté bien courtois et avisés, se je ne leur
euisse guerredonné; car, monsigneur, Dieu merci,
tousjours ay je assés eu et arai tant com je vivrai,
ne onques de chavance ne m’esbahi ne esbahirai.
25Et se j’ai fait oultre [vostre[284]] volenté celle fois,
chiers sires, je vous pri que vous le me pardonnés, et soiiés
tous confortés que ossi enterinnement comme en devant
vous serés servis de moy et des escuiers à qui
j’ay le don donné.»
30Li princes considera les parolles dou chevalier,
[68] et que honnourablement et raisonnablement avoit
parlé; se li dist: «Messire Jame, de cose que vous
aiiés fait, jà ne vous blasmerai, mès vous en sai bon
gré; et pour le bonté des escuiers et que tant vous
5vos loés d’yaus, je leur acorde vostre don, et vous
rench sis cens mars, par le manière et condition que
devant les teniés.» Messires James d’Audelée remercia
le prince moult bellement, ce fu bien raisons; et
prist congiet assés tost apriès, et fu raportés en son
10logeis. Ensi ala dou prince, si com je fui adonc enfourmés,
et de messire Jame d’Audelée et de ses
quatre escuiers.
§ 399. Tant esploitièrent li princes de Galles et ses
routes que il passèrent sans peril et sans damage
15parmi Poito et Saintonge et vinrent à Blaives; et là
passèrent le Geronde et arrivèrent en le bonne cité
de Bourdiaus. On ne vous poroit ne saroit mies recorder
le feste et le solennité que cil de Bourdiaus, bourgois
et clergiéz, fisent au prince, et com honnourablement
20il fu receus, et li rois de France ossi. Si
amena li dis princes le roy de France et son fil en
l’abbeye de Saint Andrieu, et là se logièrent tout doi,
li rois de France d’un lés, et li princes d’autre. Si
achata li dis princes as barons et as chevaliers et as
25escuiers d’Engleterre et de Gascongne le plus grant
partie des contes dou royaume de France qui estoient
pris, si com vous avés oy, et en paia deniers tous
apparilliés; et là eut pluiseurs assamblées et questions
des chevaliers et escuiers de Gascongne et d’ailleurs
30pour le prise dou roy de France.
Toutesfois, messires Denis de Morbeke, par droit
[69] d’armes et vraies ensengnes qu’il en disoit, le calengoit;
uns aultres escuiers de Gascongne, qui s’appelloit
Bernars de Truttes, y disoit à avoir grant droit.
Si en y eut pluiseurs parolles devant le prince et les
5barons qui là estoient; et pour tant que cil doi se
contrarioient, li princes mist le cose en arrest jusques
à tant que il fuissent revenu en Engleterre, et que
nulle decleration n’en seroit faite, fors devant le roy
son père. Mais pour ce que li rois de France aidoit à
10soustenir l’opinion de monsigneur Denis de Morbeke,
et que le plus il s’enclinoit à lui que à nulz des
aultres, li princes, tout quoiement, fist delivrer au dit
messire Denis deux mil nobles, pour aidier à son estat.
Assés tost apriès le venue dou prince à Bourdiaus,
15vint li cardinaulz de Pieregorch, qui là estoit envoiiés
en legation dou Pape, si com chi dessus est dit; et
furent plus de quinze jours ançois que li princes volsist
parler à lui, pour la cause dou chastelain d’Amposte
et de ses gens qui avoient esté en le bataille de
20Poitiers, et estoit li princes enfourmés que li dis cardinaus
les y avoit envoiiés. Mès li dessus dis messires
Tallerans de Pieregorch, par moiiens que il acquist,
le signeur de Chaumont, le signeur de Monferrant
et le captal de Beus, ses cousins, fist moustrer tant
25de bonnes raisons au dit prince, que il eut voie et
accès de parler à lui. Et quant il fu par devant lui, il
s’escusa si sagement et si bellement que li princes et
ses consaulz le tinrent pour bien escusé, et revint en
l’amour dou prince comme en devant. Et passèrent
30toutes ses gens parmi raençons couvignables et raisonnables.
Et fu mis li chastellains d’Amposte à finance,
parmi dix mil frans qu’il paia.
[70] Depuis commença à trettier li cardinaulz sus le
delivrance dou roy et à mettre grandes pareçons
avant; mès je m’en passerai briefment, pour tant
que riens n’en fu fait. Ensi se tenoient et tinrent
5toute le saison ensievant jusques au quaresme, li princes
de Galles, li Gascon et li Englès en le cité de
Bourdiaus, en grant solas et en grant revel; et despendoient
follement et largement cel or et cel argent
que il avoient gaegniet et que leurs raençons leur
10valoient.
Or ne vous ay je pas dit les joies et les reviaus qui
furent ossi en Engleterre, quant les certainnes nouvelles
y vinrent de le besongne de Poitiers et de le
prise dou roy de France, et de l’avenue ensi comme
15elle y estoit avenue. Che ne fait mies à demander se
li rois d’Engleterre et la royne Phelippe, sa femme,
furent grandement resjoy; et en fist on les solennités
par les eglises, si grandes et si nobles que merveilles
seroit à penser et à considerer. Si estoient très bien
20venu chevalier et escuier qui revenoient en Engleterre,
qui à le besongne avoient esté, et honnouré
plus que li aultre.
En ce temps que la besongne de Poitiers avint,
estoit li dus de Lancastre en le conté d’Evrues et sus
25les marces de Constentin, messires Phelippes de Navare
et messires Godefrois de Harcourt dalés lui; et
[guerrioient les Normans[285]] et avoient guerriiet toute
le saison, pour le cause dou roy de Navare que li rois
de France avoit emprisonnet, ensi que vous savés. Et
30avoient tiret li dessus dit signeur et viset trop
[71] grandement comment il peuissent avoir esté en le chevaucie
dou prince; mès il ne peurent parvenir, car li
passage de le rivière de Loire avoient esté si bien
gardé de tous costés, que onques il ne peurent passer.
5De quoi, quant il oïrent dire que li princes avoit
pris le roy de France, et le verité de le besongne ensi
que elle se porta, si en furent trop grandement
resjoy; et rompirent leur chevaucie, pour tant que
li dus de Lancastre et messires Phelippes de Navare
10veurent aler en Engleterre, ensi qu’il fisent, et envoiièrent
monsigneur Godefroi de Harcourt tenir frontiere
à Saint Salveur le Visconte.
§ 400. Se li royaumes d’Engleterre et li Englès et
leur alliiés furent resjoy de la prise dou roy Jehan
15de France, li royaumes de France fu durement
tourblés et courouciés, il y eut bien raison; car ce
fu une très grant desolation et anoiable pour toutes
manières de gens. Et sortirent bien adonc li sage
homme dou royaume que grans meschiés en nesteroit;
20car li rois leurs sires et toute la fleur de la
bonne chevalerie de France estoit morte ou prise,
et li troi enfant dou roy qui retourné estoient,
Charles, Loeis et Jehans, estoient moult jone d’eage
et de conseil; si avoit en yaus petit recouvrier, ne
25nulz des dis enfans ne voloit emprendre le gouvrenement
dou dit royaume.
Avoech tout ce, li chevalier et li escuier qui retourné
estoient de le bataille, en estoient tant hay et
si blasmé des commugnes que envis il s’embatoient
30ens ès bonnes villes. Si parlementoient et murmuroient
ensi li uns sus l’autre. Et regardèrent et
[72] avisèrent li pluiseur sage homme, que ceste cose ne
pooit longement durer, ne demorer en cel estat,
que on n’i mesist remède; car encores se tenoient
en Constentin Englès et Navarois, desquelz messires
5Godefrois de Harcourt estoit chiés, qui couroient et
destruisoient tout le pays.
Si avint que tout prelat de sainte Eglise, evesques
et abbés, tout li noble signeur et li chevalier, et li
prevos des marchans et li bourgois de Paris, et li
10consaulz des bonnes villes furent tout ensamble à
un jour en le cité de Paris; et vorrent savoir et ordonner
comment li royaumes seroit gouvrenés jusques
adonc que li rois leurs sires seroit delivrés.
Et veurent encores savoir plus avant que li grans
15tresors, que on avoit levet ou royaume dou temps
passet, en disimes, en maletottes, en soussides et en
forges de monnoies, et en toutes aultres extorsions,
dont les gens avoient estet fourmenet et triboulet,
et li saudoiiers mal paiiet, et li royaumes mal gardés,
20estoit devenus; mès de ce ne savoit nulz à rendre
compte. Si se acordèrent entre yaus que li prelat
eslisissent jusques à douze bonnes personnes et sages
entre yaus, qui aroient pooir de par yaus et de tout
le clergiet, de aviser et ordonner voies couvignables
25pour çou faire que dessus est dit; li baron et li chevalier
ossi eslisissent douze autres chevaliers entre
yaus, les plus sages et les plus discrès, pour entendre
à ces besongnes, et li bourgois douze en otel manière.
Ensi fu acordé et confremé de commun
30acord: lesquèles trente siis personnes devoient estre
moult souvent à Paris ensamble, et là parler et ordonner
des besongnes dou royaume. Et toutes manières
[73] de coses se devoient raporter par ces trois
estas; et devoient obeir tout aultre prelat, tout aultre
signeur et toutes communaultés des cités et des
bonnes villes à tout ce que cil troi estat feroient et
5ordonneroient.
Et toutesfois en ce commencement il en y eut pluiseurs
en ceste election, qui ne pleurent mies au duch
de Normendie et à son conseil. Ou premier chief, li
troi estat deffendirent à forgier le monnoie que on
10forgoit, et saisirent les quins. Apriès il requisent au
dit duch que il fust si saisis dou cancelier le roy son
père, de monsigneur Robert de Loris, de monsigneur
Symon de Bussi, de Poillevillain et des aultres mestres
des comptes et consilleurs dou temps passet ledit roy,
15par quoi il rendesissent bon compte de tout ce que
on avoit levet et pris ens ou royaume par leur conseil.
Quant cil mestre consilleur entendirent ce, il ne
se laissièrent mies trouver: si fisent que sage; mès se
partirent dou royaume de France, au plus tost qu’il
20peurent, et s’en alèrent en aultres nations demorer
et faire residense, tant que ces coses fuissent revenues
en aultre estat.
§ 401. Apriès, li [troi[286]] estat ordonnèrent et
establirent, de par yaus et en leurs noms, receveurs pour
25lever et recevoir toutes maletotes, tonnieus, disimes,
sousides et toutes aultres droitures apertenans au roy
et au royaume, et fisent forgier nouvelle monnoie de
fin or, que on clamoit moutons. Et euissent volentiers
[74] veu que li rois de Navare fust delivrés de se
prison dou chastiel de Crievecoer en Cambresis là où
on le tenoit; car il sambloit à pluiseurs de chiaus des
trois estas que li royaumes en seroit plus fors et mieulz
5deffendus, ou cas que il voroit estre bons et feables,
pour tant que il y avoit petit de signeurs ou dit
royaume à qui on se peuist ralloiier, que tout ne fuissent
mort ou pris à le besongne de Poitiers. Si en
requisent le duch de Normendie que il le volsist delivrer;
10car il leur sambloit que on li faisoit grant
tort, ne il ne savoient pourquoi on le tenoit. Li dus
de Normendie respondi adonc moult sagement que il
ne l’oseroit delivrer, ne mettre conseil à se delivrance;
car li rois ses pères le faisoit tenir: se ne
15savoit mies à quel cause. Et ne fu point adonc li rois
de Navare delivrés.
En ce temps, nouvelles vinrent au duch de Normendie
et as trois estas que messires Godefrois de
Harcourt herioit et guerrioit malement jusques ens ès
20fourbours de Kem le bon pays de Normendie. Et
couroient [ses gens, qui n’estoient pas grant fuisson[287]]
deux ou trois fois la sepmaine jusques ès dis fourbours
de Kem et jusques ès fourbours de Saint Leu
le Coustentin, d’Evrues, [d’Avrences[288]], et de Coustanses,
25et si ne leur aloit nulz au devant.
Adonc ordonnèrent et misent sus li dus et li troi
estat une chevaucie de gens d’armes de bien quatre
cens lances et cinq cens autres armeures de fier,
et y establirent quatre chapitainnes, le signeur de
[75] Rainneval, le signeur de Kauni, le signeur de Riville
et le signeur de Friauville. Si se partirent ces gens
d’armes de Paris et s’en vinrent à Roem, et là s’assamblèrent
il de tous costés. Et y eut pluiseurs appers
5chevaliers et escuiers d’Artois et de Vermendois
telz que le signeur de Maunier, le signeur de Creki,
messires Loeis de Haveskierke, messires Oudars de
Renti, messires Jehans de Fiennes, messires Engherans
d’Uedins et plusieurs aultres, et ossi de Normendie
10moult de appertes gens d’armes. Et esploitièrent
tant cil signeur et leurs routes que il vinrent en le
cité de Coustanses et en fisent leur garnison.
§ 402. Quant messires Godefrois de Harcourt, qui
estoit hardis et outrageus chevaliers durement, sceut
15que li François estoient venu en le cité de Coustanses,
si les desira grandement à trouver sus les
camps, et cueilla tout ce que il peut avoir de gens
d’armes, d’arciers et de compagnons; et dist que il
chevauceroit devers yaus. Si se parti de Saint Salveur
20le Visconte; et pooient estre environ sept cens
hommes, uns c’autres. Ce propre jour, chevauçoient
ossi li François et avoient envoiiés leurs coureurs
descouvrir; si raportèrent à leurs signeurs, que il avoient
perceus bien et veus les Navarois. D’autre part ossi,
25messires Godefrois de Harcourt avoit envoiiés ses
coureurs qui avoient chevauciet un aultre chemin et
consideret le couvenant des François, banières et
pennons, et quel quantité il estoient. De tout ce ne
fist messires Godefrois de Harcourt compte, et dist
30franchement, puisque il veoit ses ennemis, il les combateroit.
Ensi meu et encoragiet ces gens d’armes
[76] d’encontrer l’un l’autre, s’approcièrent telement que
il se trouvèrent li un devant l’autre; si se ordonnèrent
li François d’un lés, et li Englès et li Navarois
d’aultre. Messires Godefrois de Harcourt mist ses arciers
5tout devant, ce qu’il en avoit, pour traire et
berser as François.
Quant messires Raoulz de Rainneval en vei le manière,
il fist toutes gens d’armes descendre à piet et
yaus paveschier et targier de leurs targes contre le
10tret, et deffendi que nulz n’alast avant sans commandement.
Li arcier de monsigneur Godefroi commencièrent
à approcier et à traire, ensi que commandé
leur fu, et à desvoleper saiettes à force de bras. Ces
gens d’armes de France, chevalier et escuier, qui estoient
15fort armé, paveschiet et targiet, laissoient traire
sus yaus, mès cilz assaus ne leur portoit point de damage.
Et tant furent en cel estat, sans yaus mouvoir
ne reculer, que cil arcier eurent emploiiet [toute[289]]
leur artillerie, et ne savoient mès de quoi traire.
20Adonc jettèrent il leurs ars jus, et se prisent à resortir
vers leurs compagnons et les gens d’armes qui estoient
logiet au lonch d’une haie, messires Godefrois
de Harcourt tout devant, sa banière en present.
Lors commencièrent li arcier françois à traire
25moult vistement et à recueillier saiettes de toutes
pars, car grant fuison en y avoit semées sus les
camps, et emploiier sus ces Englès et Navarois; et
ossi gens d’armes approcièrent vistement. Là eut
grant hustin et dur, quant il furent tout venu main
30à main; mais les gens de piet de monsigneur Godefroi
[77] ne tinrent point de conroi et furent tantost
desconfi.
Quant messires Godefrois eu perçut l’ordenance,
si se traist tout bellement et tout sagement ou fort
5d’un vignoble enclos de drues haies; et entrèrent
toutes ses gens là dedens, cil qui y peurent venir.
Quant li chevalier françois [qui là estoient[290]], en veirent
le manière, il se misent tout à piet, cil qui à cheval
estoient demoret, et environnèrent le fort et avisèrent
10comment il y poroient entrer. Si alèrent tant
autour que il trouvèrent voie, et se aherdirent entre
yaus pour entrer par là ens. Tout ensi comme il
avoient tourniiet autour des haies, en querant voie
et entrée, messires Godefrois et li sien qui ou clos
15estoient, avoient ossi tourniiet, et se arrestèrent à
ce foible lés, sitost que li François se tinrent quoi.
Là eut ferut, lanciet et estechiet et fait tamainte apertise
d’armes; et cousta as François des leurs moult
grandement, ançois que il peuissent avoir le voie et
20le passage à leur volenté. Toutes fois il entrèrent,
et fu la banière au signeur de Rainneval, toute la
première qui dedens entra, et il tantost apriès,
et chevalier et escuier après. Lors qu’il furent ou
clos, il y eut grant hustin et dur, et maint homme
25reversé; et ne tinrent mies les gens monsigneur Godefroi
conroi, ensi qu’il cuidoit que il deuissent faire
et que il li avoient prommis. Si s’enfuirent et partirent
li plus grant partie, et ne peurent souffrir les
François.
30Quant messires Godefrois de Harcourt vit ce et que
[78] morir ou estre pris le couvenoit, car fuir il ne pooit,
mès plus chier avoit à morir que à estre pris, il prist
une hace et dist en soi meismes qu’il se venderoit;
et se arresta sus son pas, piet avant aultre, pour estre
5plus fors, car il estoit boisteus d’une jambe, mès
grant force avoit en ses bras. Là se combati vaillamment,
longement et hardiement, et n’osoit nulz attendre
ses cops. Quant li François en veirent le manière
et que il donnoit les cops si grans que il le
10ressongnoient, si montèrent doi homme d’armes sus
leurs coursiers et abaissièrent leurs glaves, et s’en vinrent
tout d’un relay et d’une empointe sus le dit chevalier,
et le consievirent tout ensamble d’un cop de
leurs glaves, telement que il le portèrent par terre.
15Quant il fu cheus, onques puis ne se releva, car il fu
hastés; et n’avoit mies dalés lui gens qui y entendesissent
et qui faire ossi le peuissent. Lors s’avancièrent
aucun homme d’armes à tout espées de guerre,
fortes, dures et estroites, et li enfillèrent par desous
20ou corps, et le tuèrent là sus le place. Ensi fina messires
Godefrois de Harcourt, qui jadis amena le roy
d’Engleterre et son effort en Constentin, et moustra
passage parmi Normendie. Si furent là tout mort et
pris cil qui avoecques lui estoient; et cil qui escaper
25peurent, retournèrent à Saint Salveur le Visconte.
Ceste avenue avint environ le Saint Martin en yvier,
l’an mil trois cens cinquante siis.
§ 403. Apriès le desconfiture et le mort dou dessus
dit chevalier et le camp tout delivret, retournèrent
30li François à Coustanses, et amenèrent là leur
gaaing et leurs prisonniers, puis s’en retournèrent
[79] assés tost apriès en France devers le duch [de Normendie[291]]
que on clamoit regent, et devers les trois
estas, qui moult honnourèrent les chevaliers et les
escuiers qui en Constentin avoient esté.
5Si demora ensi ceste cose, et se tint Saint Salveur
le Visconte en avant pour englesce, et toute la terre
de monsigneur Godefroi de Harcourt, car il l’avoit
vendut après son decès au roy d’Engleterre et en
avoit eslongié et deshireté monsigneur Loeis de
10Harcourt son neveu, pour tant que li dis messires
Loeis ne s’avoit volut tourner de son costet pour
aidier à contrevengier le mort dou conte de Harcourt,
son frère, que li rois Jehans avoit fait morir honteusement
assés priès de Roem. De quoi, sitost que li
15rois d’Engleterre entendi ces nouvelles de le mort
monsigneur Godefroy, fu il moult courouciés et le
complaindi assés. Et envoia grans gens d’armes, chevaliers,
escuiers et arciers plus de quatre cens, par
mer, pour prendre le saisine de la ditte terre de Saint
20Salveur, qui vault bien seize mil frans par an de
revenue. Et fist chapitainne et gardiien pour ce temps
de le terre et des chastiaus, monsigneur Jehan de
Lille, un appert chevalier durement. Si demora ensi
ceste cose.
25Li troi estat entendirent toute celle saison as ordenances
dou royaume; et estoit li dis royaumes de
France tous gouvrenés par yaus.
Tout cel yvier ensievant, se tinrent li princes de
Galles et li plus grant partie des signeurs d’Engleterre
30qui à le bataille de Poitiers avoient esté, à
[80] Bourdiaus sus Geronde, en grans reviaus et esbatemens.
Et entendirent tout ce temps à pourveir navies
et à ordonner leurs besongnes bien et sagement, pour
emmener le roy de France et son fil et le plus grant
5partie des signeurs qui là estoient, en Engleterre.
Quant ce vint que li saisons approça que li princes
deubt partir, et que ses besongnes estoient ensi que
toutes prestes, il manda tous les plus haus barons de
Gascongne, le signeur de Labreth premierement, le
10signeur de Moncident, le signeur de l’Espare, le signeur
de Pumiers, le signeur de Condon, le signeur
de Rosem, le signeur de Courton, le signeur de
Longuerem, le signeur de Chaumont, le signeur de
Montferrant, le signeur de Landuras, messire Aymeri
15de Tarse, le captal de Beus, le soudich de l’Estrade
et tous les aultres. Et leur fist et moustra à ce donc
très grant signe d’amour, et lor donna et prommist
grans pourfis: c’est tout ce que Gascon aiment et
desirent. Et puis leur dist finablement que il s’en
20voloit aler en Engleterre et y menroit aucuns des
leurs; et les aultres il laissoit ens ou pays de Bourdelois
et de Gascongne, pour garder la terre et les
frontières contre les François: si leur mettoit en
abandon cités, villes et chastiaus, et leur recommendoit
25à garder comme lor hyretage.
Quant li Gascon entendirent que li princes de
Galles, ainsnés filz dou roy leur signeur, en voloit
mener hors de leur poissance le roy de France que il
avoient aidiet à prendre, si n’en furent mies de premiers
30bien d’acort, et disent au prince: «Chiers
sires, nous vous devons toute obeissance et loyal service,
et nous loons de vous en quanques nous poons;
[81] mès ce n’est pas nostre intention que le roy de
France, pour lequel nous avons eu grant traveil à
mettre ens ou point où il est, vous nous eslongiés
ensi; car, Dieu merci, il est bien et en bonne cité, et
5sommes fort et gens assés pour le garder contre les
François, se de poissance il le vous voloient oster.»
Adonc respondi li princes: «Chier signeur, je le
vous acorde moult bien; mès monsigneur mon père
le voet avoir et veoir. Et dou bon service que fait li
10avés et moy ossi, nous vous en savons gré, et vous
sera grandement remuneré.»
Nequedent, ces parolles ne pooient brisier les Gascons
que li princes leur eslongast le roy de France,
jusques à tant que messires Renaulz de Gobehen et
15messires Jehans Chandos y trouvèrent moiien, car il
sentoient les Gascons convoiteus; se li disent: «Sire,
sire, offrés leur une somme de florins, et vous les
verés descendre à votre requeste.» Adonc leur offri
li princes soixante mil florins; il n’en veurent riens
20faire. Finablement, on ala et trettia tant de l’un à
l’autre que uns accors se fist parmi cent mil frans
que li princes deubt paiier et delivrer as barons de
Gascongne, pour departir entre yaus, et en fist sedebte.
Et leur fu la ditte somme de florins delivrée et
25paiie, ançois que li princes partesist. Après tout ce, il
institua quatre barons de Gascongne à garder [tout[292]]
le pays jusques à son retour, le signeur de Labreth,
le signeur de l’Espare, le signeur de Pumiers et le signeur
de Rosem.
30Tantost ces coses faites, li dis princes entra en
[82] mer, à belle navie et grosse de gens d’armes et d’arciers,
et enmena avoecques lui grant fuison de Gascons,
le captal de Beus, monsigneur Aymeri de Tarse,
le signeur de Landuras, le signeur de Montcident,
5le soudich de l’Estrade et pluiseurs aultres. Si misent
en un vaissiel, tout par li, le roy de France,
pour estre mieulz à sen aise. En ceste navie avoit
bien cinq cens hommes d’armes et deux mil arciers,
pour les perils et les rencontres de sus mer. Car il
10estoient enfourmé, ains leur departement à Bourdiaus,
que li troi estat, par lesquelz li royaumes estoit
gouvrenés, avoient mis sus en Normendie et
au Crotoy deux grans armées de saudoiiers, pour aler
au devant des Englès et yaus tollir le roy de France;
15mès onques il n’en veirent nul apparant. Si furent il
onze jours et onze nuis sus mer, et arrivèrent au
douzime ou havene de Zanduich. Puis issirent li signeur
tout bellement hors des naves et des vaissiaus,
et se herbergièrent en le ditte ville de Zanduich et
20ens ès villages environ. Si se tinrent illuech deux
jours, pour yaus rafreschir et leurs chevaus. Au tierch
jour, il s’en partirent et s’en vinrent à Saint Thumas
de Cantorbie.
Ces nouvelles vinrent jusques au roy d’Engleterre
25et à le royne, que leurs filz li princes estoit arrivés
et avoit amenet le roy de France: si en furent grandement
resjoy, ce fu bien raisons; et mandèrent
tantost as bourgois de Londres, que il se ordonnassent
si honnourablement comme il apertenoit à tel
30signeur recevoir que le roy de France. Chil de le
cité de Londres obeirent au commandement dou
roy, et se vestirent par connestablies très richement
[83] et ordonnèrent de tous poins pour le roy recueillier;
et se vestirent tout li mestier de draps different li uns
l’autre.
Or vinrent li rois de France et li princes et leurs
5routes à Saint Thumas de Cantorbie, où il fisent leurs
offrandes, et y reposèrent un jour. A l’endemain, il
chevaucièrent jusques à [Rocestre[293]], et puis reposèrent
là. Au tierch jour, il vinrent à Dardeforde, et au quart
jour à Londres, où il furent très honnourablement
10receu; et ossi avoient il esté partout de ville en ville
où il estoient passet. Si estoit li rois de France, ensi
que il chevauçoit parmi Londres, montés sus un
blanc coursier, très bien arret et appareilliet de tous
poins, et li princes de Galles sus une petite noire
15haghenée dalés lui. Ensi fu il aconvoiiés tout au lonch
de le cité de Londres jusques à l’ostel de Savoie, liquelz
hostelz est hyretages au duc de Lancastre. Là
tint li rois de France un temps sa mantion. Et là le
vinrent veoir li rois d’Engleterre et la royne, qui le
20reçurent et festiièrent grandement, car bien le savoient
faire; et depuis moult souvent le visetoient et
le consoloient ce qu’il pooient.
Assés tost apriès, vinrent en Engleterre, par le commandement
dou pape Innocent VIe, li doi cardinal
25dessus nommet, messires Tallerans, cardinaus de Pieregorch,
et messires Nicoles, cardinaus d’Urgel: si
commencièrent à entamer et à proposer trettiés de
pais entre l’un roy et l’autre, et moult y travillièrent;
mès riens n’i peurent esploitier. Toutesfois, il
[84] procurèrent tant, parmi aucuns bons moiiens, que unes
triewes furent données entre les deux rois et leurs
confortans, à durer jusques à le Saint Jehan Baptiste,
l’an mil trois cens cinquante neuf. Et furent mis
5hors le triewe messires Phelippes de Navare et tout si
alloiiet, li contes de Montfort et la ducé de Bretagne.
Un peu apriès, fu li rois de France [translatés[294]] de
l’ostel de Savoie et remis ou chastiel de Windesore, et tous
ses hostelz. Si aloit voler, cacier et deduire et prendre
10tous ses esbatemens environ Windesore, ensi que
il li plaisoit, et messires Phelippes ses filz ossi. Et
tous li demorans des aultres signeurs, contes et barons,
se tenoient à Londres; mais il aloient veoir le
roy toutes fois quantes fois que il leur plaisoit, et
15estoient recreu sus leurs fois tant seulement.
§ 404. Vous avés bien oy recorder ci dessus en
ceste hystore comment li rois David d’Escoce fu pris
par bataille assés priès de le cité de Durem en Northombrelant,
dou temps que li rois d’Engleterre seoit
20devant Calais, et fu prisonniers en Engleterre neuf
ans et plus.
Or avint en celle saison, assés tost apriès que ces
triewes furent données entre France et Engleterre, li
doi cardinal dessus nommet et li evesque de Saint
25Andrieu d’Escoce s’ensonnièrent et misent en painne
de le delivrance le dit roy d’Escoce. Et tant se porta
cilz trettiés que il se fist par manière tèle que li dis
rois David ne se devoit jamais armer contre le roy
d’Engleterre ne son royaume, ne consillier ne
[85] consentir à son loyal pooir ses hommes à yaus armer pour
grever ne guerriier Engleterre. Et devoit encores li
rois d’Escoce, lui revenut en son royaulme, mettre
toute le painne et diligense qu’il poroit envers ses
5hommes, afin que li royaumes d’Escoce fust tenus en
fief et en hommage dou roy d’Engleterre; et se ce ne
voloit acorder li pays, li rois d’Escoce juroit solennelment
à tenir bonne pais et ferme envers le roy
d’Engleterre, et obligoit et alloioit son royaume,
10comme drois sires rois et hiretiers, à paiier dedens
dix ans cinq cens mil nobles. Et en devoit, à le semonse
dou roy d’Engleterre, envoiier bons plèges et
hostages telz que le conte Douglas, le conte de Moret,
le conte de Mare, le conte de Surlant, le conte de Fi,
15le baron de Versi et messire Guillaume Camois. Et
tout cil devoient demorer en Engleterre comme prisonnier
et ostage pour le roy leur signeur, jusques au
jour que tous cilz argens seroit paiiés. De ces ordenances
et obligations furent fait instrument publique
20et lettres patentes seelées d’un roy et de l’autre.
Ensi fu adonc delivrés li rois d’Escoce et se parti
d’Engleterre et revint arrière en son pays, et la royne
Ysabiel sa femme, sereur au roy d’Engleterre. Si fu li
dis rois moult conjoys de tous ses hommes et viseta
25son pays. Et puis vint demorer, entrues que on li
rappareilla le fort chastiel de Haindebourc qui estoit
tous desparés, à Saint Jehanston, une bonne ville et
marcheande, seans sus une rivière que on appelle
Taye.
30§ 405. Environ le mi may, l’an de grasce mil trois
cens cinquante sept, mist li dus de Lancastre sus une
[86] grosse chevaucie de gens d’armes en Bretagne, tant
d’Englès que de Bretons de l’ayde le contesse de
Montfort et son jone fil qui jà s’armoit et chevauçoit;
et estoient bien mil hommes d’armes et cinq mil
5d’autres gens parmi les arciers. Et se partirent ces
gens d’armes de Hainbon et s’en vinrent tout ardant
[et] exillant le pays de Bretagne, devant le cité
de Rennes. Si l’assega li dis dus tout à l’environ,
et s’i tint tout le temps ensievant à grant host et
10belle. Et le fist par pluiseurs fois assallir, mès petit
y gaegna, car dedens avoit bonne chevalerie et
bacelerie qui le gardoient et deffendoient: premiers
li viscontes de Rohem, li sires de Laval, messires
Charles de Dignant et pluiseur aultre bon chevalier
15et escuier. Et y estoit [adonc[295]] uns jones bacelers qui
s’appelloit messires Bertrans de Claiekin, qui depuis
fu moult renommés ens ou royaume de France et ou
royaume d’Espagne, pour ses grans proèces, si com
vous orés en avant en l’ystore. Et se combati, le
20siège tenant par devant Rennes, à un chevalier d’Engleterre
ossi moult renommé, qui s’appelloit messires
Nicoles d’Augourne; et fu la bataille prise par ahatie,
de trois fers de glave, de trois cops de hace et de trois
cops de daghe. Et se portèrent là cescuns des deux
25chevaliers moult vaillamment, et volentiers furent veu
de chiaus dedens et de chiaus dehors; si se partirent de
le bataille sans damage. Ensi tint li dus Henris de
Lancastre le siège devant Rennes un moult lonc temps,
et le fist par pluiseurs fois assallir, mès peu y conquist.
[87] Si estoit à ce donc messires Charles de Blois ens
ou pays, mais il ne se pooit armer, et poursievoit
moult tangrement le regent de France le duch de
Normendie, en priant que il volsist envoiier gens
5d’armes en Bretagne pour lever le dit siège. Mès li
dus de Normendie et les besongnes de France estoient
si entouellies que il ne pooit riens esploitier. Si demora
la cose en cel estat tout le temps, et se tint li
sièges devant Rennes.
10Or vous voel je recorder comment uns chevaliers
de le conté d’Evrues, appellés messires Guillaumes
de Gauville, par sa soutilleté et se hardie emprise,
reconquist le cité, le bourch et le chastiel d’Evrues,
qui se tenoit pour le temps dou roy de France, et
15l’avoit li rois conquis sus les Navarois, ensi que contenu
est ci dessus en l’ystore.
§ 406. Cis messires Guillaumes de Gauville estoit
chevaliers de foy et de sierement au roy de Navare;
et trop li desplaisoit li prise dou dit roy, et ossi faisoit
20elle à pluiseurs bourgois de le cité d’Evrues, se
amender le peuissent, mès il ne pooient nullement,
tant que li chastiaus leur fust ennemis. Si demoroit
li dessus dis chevaliers à deux petites liewes d’Evrues,
et avoit son retour en le cité chiés un bourgois qui
25dou temps passé avoit esté grandement amis au roy
de Navare, ensi que uns homs doit estre à sen signeur,
et que par nature cil d’Evrues ont toutdis
plus amé le roy de Navare que le roy de France.
Quant li chevaliers venoit à l’ostel dou dit bourgois,
30il estoit li bien venus, et buvoient et mangoient ensamble
en grant recreation; et parloient et devisoient
[88] de unes coses et d’autres, et par especial dou roy de
Navare et de se prise, dont moult leur anoioit.
Avint une fois entres les autres que li chevaliers
s’ala eslargir de parler au dit bourgois et dist: «Je
5ne sçai, mès se vous voliés bien acertes, je racquerroie
ceste cité, le bourc et le chastiel au roy de Navare.»—«Et
comment se poroit ce faire, dist li
bourgois, car li chastellains est trop fort françois;
et sans le chastiel ne nous oserions tourner, car il est
10mestres de le cité et dou bourch.» Dist li chevaliers:
«Je le vous dirai. Tout premierement, il faurroit que
vous euissiés de vostre acord trois ou quatre bourgois
de ceste ville de vostre amisté, et pourveues
vos maisons de bons compagnons tous armés, hardis
15et entreprendans. Tout ce fait [couvertement[296]], je
parferoie le sourplus à mon peril. A quèle heure que ce
fust dou jour, je seroie en agait quant li chastellains
venroit à le porte; car il y a usage de venir une fois
ou deux le jour. Je aroie tant seulement avoecques
20moy mon varlet; je venroie au chastellain et le tenroie
de parolles, et le menroie tant par lobes que il
me lairoit [entrer[297]] en le première porte et espoir en
le seconde: par couvreture je renvoieroie mon varlet,
et vous [feroie[298]] haster et issir hors ces compagnons
25pourveus et avisés de ce qu’il deveroient faire, et
approcier le chastiel. Si tretost que je oroie un petit
cor sonner de mon varlet, je m’avanceroie et occiroie
le chastellain, de ce me fay je fors assés et à
mon peril, nostre gent saudroient tantost avant; et
[89] par ensi serions mestre dou chastiel, et puis de le
cité et dou bourch, car communement li plus des cuers
s’enclinent mieulz au roy nostre signeur de Navare
que il ne facent au roy de France.» Quant li bourgois
5eut oy ensi parler messire Guillaume, se li dist:
«C’est trop bien dit, et j’en cuide bien avoir cinq ou
six de men amisté, qui nous aideront à parfaire ce fait.»
Depuis ne demora gaires de temps que li bourgois
dessus dis acquist tant d’amis couvertement [dedens
10le cité d’Evrues[299]], que il furent bien un cent tout d’un
acord. Messires Guillaumes de Gauville aloit et venoit
en le cité sans nulle souspeçon, et ne s’estoit
point armés dou temps passet avoecques messire
Phelippe de Navare ne les Navarois, pour le cause
15de ce que sa revenue gisoit toute ou en partie assés
priès de Evrues; et li rois de France, dou temps
que il conquist Evrues, avoit toutes les tières d’environ
fait obeir à lui: aultrement il leur euist tollues.
Il en avoit eu les corps [tant seullement[300]], mès les
20coers non; car toutdis estoient il [demouret[301]] Navarois,
et plus avoient obei au roy Jehan par cremeur que
par amour. Encores, se li dis rois Jehans euist esté en
France, cilz messires Guillaumes de Gauville n’euist
osé emprendre ce qu’il emprist, mès il sentoit les besongnes
25de France moult entouellies, et que li troi
estat mettoient painne à le delivrance dou roy de Navare,
et ne se pooit [faire] nullement que il ne fust
delivrés: si ques, pour avoir grasce envers lui, il li
voloit faire ce premerain service.
[90] § 407. Quant messires Guillaumes de Gauville se
senti au dessus de ses besongnes, et que li bourgois
où il se confioit le plus, li [eut[302]] dit: «Sire, nous
sommes tout pourveu, ensi que vous avés ordonné;
5esploitiés de vostre afaire, quant vous volés;» il s’arma
bien et faiticement, et puis vesti une houpelande
par dessus, et prist son mantiel encores par dessus, et
desous son brach une courte hace bien acerée, et puis
dalés lui un varlet que il avoit enfourmet de son
10afaire; [et] commença à petiier en le place devant le
porte dou chastiel, ensi que il avoit fait jadis pluiseurs
fois. Tant ala et vint en petiant, que li chastellains
ouvri le porte dou chastiel, voires tant seulement
dou guicet, et se tint là tous drois par devant.
15Quant messires Guillaumes le vei, petit à petit il
s’approça de lui en lui saluant moult courtoisement.
Li chastellains, qui nul mal n’i pensoit, se tint tous
quois et li rendi son salu. Tant fist li chevaliers
qu’il vint jusques à lui; et puis commença à parler
20d’aucunes huiseuses, et demanda au chastellain se
il avoit point oy parler des nouvelles qui couroient
en France. Li chastellains, qui desiroit à oïr nouvelles,
et qui trop peu en ooit, car il estoit là tous enfremés,
ouvri l’oreille et respondi et dist: «Nennil, dittes le
25nous, se il vous plest.»—«Volentiers, dist messires
Guillaumes. On dist en France que li rois de Danemarce
et li rois d’Irlande se sont alloiiet ensamble
et ont juret que jamais il ne [renteront[303]] en leurs
pays, car il sont sus mer à plus de cent mil hommes,
[91] si aront destruit toute Engleterre et ramené le
roy de France à Paris. Et sont li Englès en si grant
doubte [d’iaulx[304]] que il ne scèvent auquel lés aler ne
entendre pour garder leur pays; car, de grant temps
5a, est il sorti entre yaus que li Danois les doient
destruire.»
Li chastellains, qui fu tous resjoïs de ces nouvelles,
et qui legierement les crut, pour tant que il estoit bons
françois, respondi: «Et messires Guillaumes, comment
10le savés vous ces nouvelles?»—«En non
Dieu, chastellains, je le vous dirai: je les sçai par un
chevalier de Flandres qui m’en a escript le verité et
qui m’a envoiiet le plus biel jeu de eschès que je
veisse onques.» Or trouva il celle bourde, pour tant
15qu’il savoit bien que li chastellains amoit plus le jeu des
eschès que nulle cose. Si dist li [chastellains]: «Haro,
messire Guillaume, que je le veroie jà volentiers!»
Messires Guillaumes se hasta de parler et dist: «Je
le vous manderai par couvent que vous jeuerés à moy
20pour le vin.»—«Oil, dist li chastellains, mandés
le par vostre varlet, nous irons chà dedens entre ces
portes dou chastiel jewer.» Adonc s’avança li chevaliers
et dist à son varlet, qui estoit tous enfourmés
dou fait: «Va, mon varlet, va querir ce jeu des eschès
25et le nous aporte à le porte.» Li varlès se parti:
li chastellains et li chevaliers entrèrent en le première
porte.
Quant li chevaliers fu ens, li [chastelains[305]] recloy le
porte et bouta avant le verial, sans refremer. Adonc
[92] dist messires Guillaumes: «Chastelains, ouvrés nous
ceste aultre porte, vous le poés bien ouvrir sans peril.»
Li chastellains ouvri tant seulement le guicet et
fist le chevalier passer oultre, pour moustrer les chaingles
5dou chastiel; et il meismes passa ossi. Quant il
eurent là esté une espasse et que messires Guillames
avoit jà oy sonner ung petit cor, si com ordonné
l’avoit, si dist au chastellain: «Ralons, ralons oultre
ceste porte, mon varlet revenra tantost.» Adonc
10rapassa li chevaliers le second guicet, et se tint tous
quois par devant. Li chastellains volt passer apriès,
qui nul mal n’i pensoit. Ensi que il avoit mis le piet
oultre et baissoit le tieste, messires Guillaumes de
Gauville entoise celle hace que il portoit desous son
15mantiel, et fiert le chastellain en le tieste telement
que il le pourfent tout jusques ès dens et l’abat là
dou travers dou suel: ensi fu il mourdris que je vous
di, et puis vient à le première porte et le deffrume.
Li gaite dou chastiel avoit oy sonner le cornet dou
20varlet, si com ci dessus est dit, et estoit durement
esmervilliés que ce pooit estre, car on avoit fait un
ban en le ville, que, sus le poing à perdre, on ne
sonast nul cornet; et encores fu il plus esmervilliés
quant il vei gens tous armés acourir vers le porte dou
25chastiel. Si corna tantost: «Trahi! trahi!» Adonc
furent tantost tout esbahi, cil qui dedens le chastiel
estoient. Si avalèrent vers le porte et le trouvèrent
ouverte et le chastellain mort, couciet de travers, et
messire Guillaume de Gauville, le hace ou poing
30d’autre part, qui gardoit l’entrée. Si furent plus esbahi
que devant, car ossi furent tantost venu cil qui
establi estoient pour aidier à parfurnir au dit chevalier
[93] sen emprise; et entrèrent en le porte et puis en le
seconde, et reboutèrent fierement les saudoiiers. Si
en y eut pluiseurs mors et occis, et pris desquelz c’on
volt.
5Ensi fu reconquis li fors chastiaus d’Evrues par
l’emprise de monsigneur Guillaume de Gauville. Si
se rendirent tantost li chités et li ville ossi, et boutèrent
hors tous les François. Et mandèrent messire
Phelippe de Navare, qui estoit assés nouvellement retournés
10d’Engleterre et arivés à Chierebourch, liquelz
fu tous joians de ces nouvelles et s’en vint bouter à
grant fuison de gens d’armes dedens Evrues, et en
fist sa souverainne garnison pour guerriier le bon
pays de Normendie. Et se tenoient avoecques lui messires
15Robers Canolles, messires Jehans de Pipes, messires
Frikes de Frikans, le Bascle de Maruel, messires
Jehans Jeuiel, messires Fourdrigais et pluiseur aultre
appert hommes d’armes, qui depuis fisent maint
meschief ou royaume de France, si com vous orés en
20avant [recorder[306]] en l’ystore.
§ 408. En ce temps meismes prist uns chevaliers,
que on clamoit monsigneur Renault de Cervole, et
communement l’Arceprestre, une grant compagnie
de gens d’armes assamblés de tous pays, qui veirent
25que leurs saudées estoient fallies, puisque li rois de
France estoit pris: si ne savoient où gaegnier en
France. Si s’en alèrent premierement vers la ducé de
Prouvence, et y prisent et eskiellèrent pluiseurs fortes
villes et fors chastiaus, et desrobèrent tout le pays
[94] jusques en Avignon [et environ Avignon[307]]; et n’avoient
aultre chief ne chapitainne que le chevalier
dessus nommet. De quoi li papes Innocens VIe, qui
adonc demoroit en Avignon, et tout si cardinal
5avoient tel doubte d’yaus et de leurs corps que ilz
ne s’en savoient comment deduire, et faisoient jour
et nuit armer leurs familles. Et quant cilz Arceprestres
et ses gens eurent pilliet et robet tout le pays, li
papes et li collèges, qui pas n’estoient bien à segur,
10fisent trettier devers l’Arceprestre; et vint sus [bonne[308]]
composition en Avignon, et le plus grant partie
de ses gens; et fu ossi reveramment reçus comme il
euist esté filz dou roy de France, et disna par pluiseurs
fois au palais dalés le pape et les cardinaulz; et
15li furent pardonné tout si pechiet, et au partir on li
delivra quarante mil escus, pour departir à ses compagnons.
Si s’espardirent ces gens là; mès toutdis tenoient
il le route le dit Arceprestre.
§ 409. Encores en ce temps vint et se leva une aultre
20compagnie de gens d’armes et de brigans assamblés
de tous pays, et conqueroient et roboient de
jour en jour tout le pays entre le rivière de Loire et
le rivière de Sainne: par quoi nulz n’osoit aler entre
Paris et Vendome, ne entre Paris et Orliiens, ne entre
25Paris et Montargies, ne nulz dou pays n’i osoit
demorer; ains estoient toutes les gens dou plat pays
afuioit à Paris ou à Orliiens. Et avoient cil dit compagnon
fait un chapitainne d’un Gallois que on clamoit
[95] Ruffin, et le fisent faire chevalier; et devint si riches
et si poissans d’avoir que on n’en pooit savoir le
nombre. Et chevauçoient souvent ces dittes compagnes
priès de Paris, un aultre jour vers Orliiens, une
5aultre fois vers Chartres. Et ne demora place, ville
ne forterèce, se elle n’estoit trop bien gardée, qui ne
fust adonc toute robée et courue, à savoir: Saint
Ernoul, Gallardon, Bonivaus, Cloies, Estampes,
Chastres, Montleheri, Peuviers en Gastinois, Larchant,
10Milli, Chastiel Landon, Montargies, Yzières
et tant d’aultres grosses villes que merveilles seroit à
recorder. Et chevauçoient aval le pays par tropiaus,
chi vingt, ci trente, ci quarante, et ne trouvoient qui
les destournast ne encontrast pour yaus porter
15damage.
D’autre part, ou pays de Normendie, sus le marine,
avoit une plus grande compagnie de pilleurs et
de robeurs englès et navarois, desquelz messires Robers
Canolles estoit chiés et mestres, qui en tel manière
20conqueroient villes et chastiaus, et ne leur
aloit nulz au devant. Et avoit cilz messires Robers
Canolles jà de lonch temps maintenu celle ruse, et finast
très donc bien de cent mil escus, et tenoit
grant fuison de saudoiiers à ses gages, et les paioit si
25bien que cescuns le sievoient volentiers.
§ 410. En ce tempore que cil troi estat regnoient,
se commencièrent à lever telz manières de gens qui
s’appelloient Compagnes, et avoient guerre à toutes
gens qui portoient malettes. Or vous di que li noble
30dou royaume de France et li prelat de sainte Eglise
se commencièrent à taner de l’emprise et ordenance
[96] des trois estas. Si en laissoient le prevost des marchans
couvenir et aucuns des bourgois de Paris,
pour ce que cil s’en entremettoient plus avant que il
ne volsissent.
5Si avint un jour que li dus de Normendie estoit ou
palais à Paris à tout grant fuison de chevaliers, de
nobles et de prelas, li prevos des marchans assambla
ossi grant fuison de commugnes de Paris qui estoient
de sa secte et de son acord; et portoient cil caperons
10tous sannables, afin que mieulz se recogneuissent. Et
s’en vint li dis prevos ou palais, environnés de ses
hommes, et entra en le cambre dou duch, et li requist
moult aigrement que il volsist emprendre le
fais des besongnes dou royaume et mettre y conseil,
15par tant que li royaumes qui à lui devoit venir, fust
si bien gardés que telz manières de Compagnes qui
regnoient, n’alaissent mies gastant ne robant le pays.
Li dus respondi que tout ce feroit il volentiers, se il
avoit le mise par quoi il le peuist faire; mès cilz qui
20faisoit lever les pourfis et les droitures dou royaume,
le devoit faire: si le fesist.
Je ne sçai pour quoi ne comment ce fu, mès les
parolles montepliièrent tant et si hault que là endroit
furent, en le presense dou duch de Normendie,
25occis troi des plus grans de son conseil, si priès
de li que sa robe en fut ensanglentée. Et en fu il
meismes en grant peril, mès on li donna uns des caperons
à porter; et couvint que il pardonnast là celle
mort de ses trois chevaliers, les deux d’armes et le
30tierch de lois. Si appelloit on l’un monsigneur Robert
de Clermont, gentil et noble homme grandement,
et l’autre le signeur d’Esconflans, mareschaus
[97] de Campagne, et le chevalier de lois, monsigneur
Symon de Bussi: de quoi ce fu grans pités, quant,
pour bien dire et bien consillier [leur signeur[309]], il
furent là ensi occis.
5§ 411. Apriès ceste avenue, avint que aucun chevalier
de France, messires Jehans de Pikegni et aultre
vinrent, sus le confort dou prevost des marchans et
des consaulz des aucunes bonnes villes, au fort chastiel
que on dist de Alues en Pailluel, seans en Pikardie,
10où li rois de Navare estoit pour le temps emprisonnés
et en le garde de monsigneur Tristran dou
Bos. Si aportèrent li dit esploiteur telz ensengnes et
si certainnes au dit chastellain, et si bien espiièrent
que messires Tristrans n’i estoit point. Si fu par l’emprise
15dessus ditte li rois de Navare delivrés de prison
et amenés à grant joie en le cité d’Amiens, où il biellement
et liement fu recueilliés et conjoys; et descendi
chiés un chanonne qui grandement l’amoit,
que on clamoit messire Gui Kieret. Et fu li rois de
20Navare en l’ostel che chanonne quinze jours, tant
que on li eut appareilliet tout son arroy et que il fu
tous assegurés dou duch de Normendie, car li prevos
des marchans, qui moult l’amoit et par quel pourcas
delivrés estoit, li impetra et confrema sa pais devers
25le duch et chiaus de Paris.
[Si fu li dis rois de Navare amenés à Paris par monsigneur
Jehan de Pinquegni et aucuns des bourgois
de le cité d’Amiens, et y fu adonc recheus à grant
joye. Et le veirent volentiers toutes manières de gens;
[98] et meismement ly dus de Normendie le festia grandement,
mais faire le couvenoit[310]], car li prevos des
marchans et cil de sa secte li enhortoient à faire. Si
se dissimuloit li dus, au gré dou dit prevost et de
5aucuns de chiaus de Paris.
§ 412. Quant li rois de Navare eut esté une espasse
à Paris, il fist un jour assambler toutes manières
de gens, prelas, chevaliers, clers de l’université
et tous chiaus qui y vorrent estre, et là preeça et
10remoustra premierement en latin, moult bellement et
moult sagement, present le duch de Normendie, en
li complaindant des griés et des villonnies que on li
avoit fait à grant tort et sans raison; et dist que nuls
ne se vosist de li doubter, car il voloit vivre et morir
15en deffendant le royaume de France. Et le devoit
bien faire, car il en estoit estrais de père et de mère
et de droite ancisserie; et donna adonc assés à entendre
à ses parolles que, se il voloit calengier le couronne
de France, il mousteroit bien par droit que il
20en estoit plus proçains que li rois d’Engleterre ne
fust. Et sachiés que ses sermons et ses langages fu
volentiers oys et moult recommendés. Ensi petit à petit
entra il en l’amour de chiaus de Paris, et tant que
il avoient plus de faveur et d’amour en lui, que il
25n’euissent ou regent le duch de Normendie, et ossi
de pluiseurs aultres bonnes villes et cités dou royaume
de France. Mais quel samblant ne quèle amour
que li prevos des marchans ne cil de Paris moustrassent
au roy de Navare, onques messires Phelippes de
[99] Navare ne s’i peut assentir ne ne volt venir à Paris;
et disoit que en communauté n’avoit nul certain arrest,
fors pour tout honnir.
§ 413. Assés tost après la delivrance dou roy de
5Navare, avint une mervilleuse et grande tribulations
en pluiseurs parties dou royalme de France, si
comme en Biauvoisis, en Brie et sus le rivière de
Marne, en Laonnois, en Valois, en la terre de Couci
et entours Soissons. Car aucunes gens des villes
10champestres, sans chief, s’assamblèrent en Biauvoisis.
Et ne furent mies cent hommes li premier, et disent
que tout li noble dou royalme de France, chevalier
et escuier, trahissoient le royaume, et que ce
seroit grans biens, qui tous les destruiroit. Cescuns
15d’yaus dist: «Il dist voir, il dist voir; honnis soit
[celi[311]] par qui il demorra que tout li gentil home ne
soient destruit.»
Lors se cueillièrent et s’en alèrent, sans aultre conseil
et sans nulle armeure, que de bastons fierés et
20de coutiaus, en le maison d’un chevalier qui priès de
là demoroit; si brisièrent le maison et tuèrent le chevalier,
la dame et les enfans, petis et grans, et ardirent
le maison. Secondement, il en alèrent à un aultre
fort chastiel et fisent pis assés, car il prisent le
25chevalier et le loiièrent à une estache bien et fort, et
violèrent se femme et se fille li pluiseur, voiant le
chevalier; puis tuèrent la dame, qui estoit enchainte,
et se fille et tous les enfans, et puis le dit chevalier à
grant martire, et ardirent et abatirent le chastiel.
[100] Ensi fisent il en pluiseurs chastiaus et bonnes maisons,
et montepliièrent tant qu’il furent bien six
mil. Et partout là où il venoient, leurs nombres
croissoit, car cescuns de leur samblance les sievoit:
5si ques cescuns chevaliers, dames, escuiers, leurs
femmes et leurs enfans, les fuioient. Et enportoient
les dames et les damoiselles leurs enfans dix ou
vingt liewes loing, là où il se pooient garantir, et
laissoient leurs maisons toutes vaghes et leur avoir
10dedens. Et ces mescheans gens assamblés, sans chiés
et sans armeures, reuboient et ardoient tout, et occioient
tous gentilz hommes que il trouvoient, et efforçoient
toutes dames et pucelles, sans pité et sans
merci, ensi comme chiens esragiés.
15Certes, onques n’avint entre crestiiens ne Sarrasins
tèle forsenerie que ces meschans gens faisoient; car qui
plus faisoit de maus ou plus de villains fais, telz fais
que creature humainne ne deveroit oser penser, aviser
ne regarder, cilz estoit li plus prisiés entre yaus et li
20plus grans mestres. Je n’oseroie escrire ne raconter les
horribles fais et inconvignables que il faisoient as
dames. Mès, entre les aultres ordenances et villains
fais, il tuèrent un chevalier et boutèrent en un hastier,
et tournèrent au feu et le rostirent, voiant le
25dame et ses enfans. Apriès ce que dix ou douze eurent
la dame efforcie et violée, il les en vorrent faire
mengier par force, et puis les fisent morir de male
mort. Et avoient fait un roy entre yaus, que on appelloit
Jake Bonhomme, qui estoit, si com on disoit
30adonc, de Clermont en Biauvoisis, et le eslisirent le
pieur des pieurs.
Ches meschans gens ardirent et abatirent ou pays
[101] de Biauvoisis, et environ Corbie et Amiens et Montdidier,
plus de soixante bonnes maisons et fors chastiaus.
Et, se Diex n’i euist mis remède par sa grasce,
li meschiés fust si montepliiés que toutes communautés
5euissent destruit gentilz hommes, sainte Eglise
apriès, et toutes riches gens, par tous pays; car tout
en otel manière si faites gens faisoient ens ou pays
de Brie et de Partois. Et couvint toutes les dames et
les damoiselles dou pays et les chevaliers et les escuiers
10qui escaper leur pooient, afuir à Miaus en
Brie, l’un apriès l’autre, empurs leurs cotes, ensi que
elles pooient, ossi bien la duçoise de Normendie et la
duçoise d’Orliiens et fuison de hautes dames, comme
aultres, se elles se voloient garder de estre violées et
15efforcies, et puis apriès tuées et mourdries.
Tout en samblable manière si faites gens se maintenoient
entre Paris [et Noion, et entre Paris[312]] et
Soissons, et entre Soissons et Hen en Vermendois,
et par toute la terre de Couci. Là estoient li grant
20violeur et maufaiteur, et essillièrent, que en le terre
de Couci, que en le conté de Valois, que en l’eveschiet
[de Laon[313]], de Soissons et de Noion, plus de
cent chastiaus et bonnes maisons de chevaliers et
d’escuiers, et tuoient et roboient quanqu’il trouvoient.
25Mès Diex, par sa grasce, y mist tel remède de
quoi on l’en doit bien regraciier, si com vous orés
chi après.
§ 414. Quant li gentil homme de Biauvoisis, de
[102] Corbisis et de Vermendois et de Valois et des terres
où ces meschans gens conversoient et faisoient leur
foursenerie, veirent ensi leurs maisons destruites et
leurs amis tués, il mandèrent secours à leurs amis en
5Flandres, en Haynau, en Braibant et en Hesbain; si
en y vint tantost assés de tous costés. Si s’assamblèrent
li estragnier et li gentil homme dou pays qui les
menoient. Si commencièrent ossi à tuer et à decoper
ces meschans gens, sans pité et sans merci, et les
10pendoient par fous as arbres où il les trouvoient.
Meismement li rois de Navare en mist un jour à fin
plus de trois mil, assés priès de Clermont en Biauvoisis.
Mès il estoient jà tant montepliiet que, se il
fuissent tout ensamble, il euissent esté cent mil
15hommes. Et quant on leur demandoit pourquoi il
faisoient çou, il respondoient que il ne savoient,
mès il le veoient les aultres faire, si le faisoient ossi;
et pensoient que il deuissent en tel manière destruire
tous les gentilz et nobles hommes dou monde, par
20quoi nulz n’en peuist estre.
En ce temps, se parti li dus de Normendie de Paris
sans le sceu de chiaus de Paris, et toute se route, et
se doubta dou roy de Navare, dou prevost des marchans
et de chiaus de sa secte, car il estoient tout
25d’un acord. Et s’en vint au pont à Carenton sus
Marne, et fist un grant mandement de gentilz hommes
là où il les peut avoir, et deffia le prevost des
marchans et chiaus qui le voloient aidier. Quant li
prevos des marchans entendi que li dus de Normendie
30estoit au pont à Charenton et que il faisoit là son
amas de gens d’armes, chevaliers et escuiers, et qu’il
voloit heriier chiaus de Paris, si se doubta que grans
[103] maulz ne l’en presist et que de nuit on ne venist
courir Paris, qui à ce temps n’estoit point fremée.
Si mist ouvriers en oeuvre, quanqu’il peut avoir et
recouvrer de toutes pars; et fist faire grans fossés
5autour de Paris, et puis çaingles, murs et portes, et
y ouvroit on nuit et jour. Et y eut le terme d’un an
bien troi mil ouvriers: dont ce fut uns grans fais
que de fremer, sus une anée, d’enclore et environner
de toutes deffenses une tèle cité comme Paris est et
10de si grant circuité. Et vous di que ce fu li plus
grans biens que onques li prevos des marchans fesist
en toute sa vie, car aultrement elle euist esté depuis
courue, robée et essillie par trop de fois, et par pluiseurs
actions, si com vous orés ci après. Or voeil
15jou revenir à chiaus et à celles qui estoient afui à
Miaus en Brie à sauveté.
§ 415. En ce temps que ces meschans gens couroient,
revinrent de Prusse li contes de Fois et li
captaus de Beus ses cousins. Si entendirent sus leur
20chemin, si com il devoient entrer en France, le pestillence
et l’oribleté qui couroit sus les gentilz hommes;
si en eurent cil doi signeur grant pité. Si chevaucièrent
par leurs journées tant que il vinrent à
Chaalons, en Campagne, qui riens ne se mouvoit dou
25fait des villains, ne point n’i entroient. Si leur fu dit
en le ditte ville de Chaalons que la duçoise de Normendie
et la duçoise d’Orliiens et bien troi cens
dames et damoiselles et li dus d’Orliiens ossi estoient
à Miaus en Brie, en grant meschief de cuer, pour celle
30jakerie.
Cil doi bon chevalier s’acordèrent que il iroient
[104] veoir les dames et les reconforteroient à leur pooir,
quoique li captaus fust englès; mais il estoit pour le
temps triewes entre le royaume de France et le
royaume d’Engleterre. Si pooit bien li dis captaus
5chevaucier partout; et ossi il voloit là remoustrer sa
gentillèce en le compagnie le conte de Fois. Si
pooient estre de leur route environ quarante lances
et non plus, car il venoient d’un pelerinage, ensi
que je vous ay jà dit. Tant chevaucièrent il qu’il vinrent
10à Miaus en Brie; si alèrent tantost devers la duçoise
et les aultres dames qui furent moult lies de
leur venue, car tous les jours elles estoient manecies
des jakes et des villains de Brie, et meismement de
chiaus de le ville, ensi qu’il fu apparant. Car encores,
15pour çou que ces meschans gens entendirent que il
y avoit grant fuison de dames et de damoiselles et de
jones gentilz enfans, il se cueillièrent ensamble, et
cil de le conté de Valois ossi, et s’en vinrent devers
Miaulz.
20D’autre part, cil de Paris, qui bien savoient ceste
assamblée, se partirent un jour de Paris par fous et
par tropiaus et s’en vinrent avoecques les aultres. Et
furent bien neuf mil tout ensamble, en très grant
volenté de malfaire. Et toutdis leur croissoient gens
25de divers lieus et de pluiseurs chemins qui se racordoient
à Miaus, et s’en vinrent jusques as portes de
le ditte ville. Et ces meschans gens de le ville ne
veurent contredire l’entrée à chiaus de Paris, mès
ouvrirent leurs portes. Si entrèrent ens ou bourch
30si grant plenté que toutes les rues en estoient couvertes
jusques au marchiet.
Or regardés la grant grasce que Diex fist as dames
[105] et damoiselles, car pour voir elles euissent esté violées,
efforcies et perdues, com nobles que elles fuissent,
se ce n’euissent esté li gentil homme qui là estoient,
et par especial li contes de Fois et messires li
5captaus de Beus, car cil doi chevalier donnèrent
l’avis pour ces villains desconfire.
§ 416. Quant ces nobles dames, qui estoient herbergies
ou marchiet de Miaus, qui est assés fors, mais
que il soit gardés et deffendus, car la rivière de
10Marne l’environne, veirent si grant quantitet de gens
acourir, si furent moult esbahies et effraées. Mès li
contes de Fois et li captaus et leurs routes, qui estoient
tout armet, se rengièrent sus le marchiet et
vinrent à le porte dou marchié et le fisent ouvrir
15toute arrière; et puis se misent au devant de ces villains
noirs et petis et mal armés, et le banière le
conte de Fois et ceste dou duch d’Orliiens et le pennon
le captal et les glaves et les espées en leurs
mains, et bien apparilliés d’yaus deffendre et de garder
20le marciet.
Quant ces meschans gens les veirent ensi ordonnés,
comment que il n’estoient point grant fuison
encontre eulz, si ne furent mies si foursené que devant.
Mès se commencièrent li premier à reculer, et
25li gentil homme à yaus poursievir, et à lancier sus
yaus de leurs lances et de leurs espées et yaus abatre.
Adonc cil qui estoient devant, et qui sentoient les
horions ou qui les ressongnoient à avoir, reculoient
de hideur tout à une fois et cheoient l’un sus l’autre.
30Adonc issirent toutes maniè[res de] gens d’armes
hors des barrières et gaegnièrent tantost le place et
[106] se boutèrent entre ces meschans gens; si les abatoient
à fous et à mons et les tuoient ensi que bestes, et les
reboutèrent tout hors de le ville que onques nulz
d’yaus n’i eut ordenance ne conroi. Et en tuèrent
5tant qu’il en estoient tout lassé et tout tané, et les
faisoient sallir à mons en le rivière de Marne. Briefment,
il en tuèrent ce jour que misent à fin plus de
sept mil; ne jà n’en fust nulz escapés, se il les volsissent
avoir caciés plus avant.
10Et quant li gentil homme retournèrent, il boutèrent
le feu en le desoustrainne ville de Miaus et l’ardirent
toute et tous les villains dou bourch qu’il
peurent ens enclore. Depuis ceste desconfiture qui
en fu faite à Miaus, ne se rassamblèrent il nulle part;
15car li jones sires de Couci, qui s’appelloit messires
Engherans, avoit grant fuison de gentilz hommes
avoech lui, qui les mettoient à fin partout où il les
trouvoient, sans pité et sans merci.
§ 417. Assés tost apriès ceste avenue, li dus de
20Normendie assambla tous les nobles et gentilz hommes
qu’il peut avoir, tant dou royaume que de l’empire,
parmi leurs saudées paians, et estoient bien troi
mil lances, et s’en vint assegier Paris par devers
Saint Antone, contreval le rivière de Sainne. Et estoit
25logiés à Saint Mor, et ses gens là environ, qui couroient tous
les jours jusques à Paris. Et se tenoit une
fois li dus au pont à Charenton et l’autre à Saint
Mor; et ne venoit riens ne entroit en Paris de ce
costé, ne par terre, ne par yawe; car li dus avoit pris
30les deux rivières, Marne et Sainne. Et ardirent ses
gens autour de Paris tous les villages qui n’estoient
[107] fremés, pour mieulz castiier chiaus de Paris; et se
Paris n’euist esté adonc fortefiie, ensi que elle est,
elle euist sans faute esté destruite. Et n’osoit nulz
issir de Paris, pour le doubtance dou duch de Normendie
5et de ses gens qui couroient d’une part et
d’aultre Sainne, ensi que cil voloient; ne nulz n’aloit
au devant.
D’autre part, li prevos des marchans, qui se sentoit
en le hayne [et indignation[314]] dou duc de Normendie,
10tenoit à amour le roy de Navare ce qu’il
pooit et son conseil et le communaulté de Paris; et
faisoit, si com chi dessus est dit, de jour et de nuit
ouvrer à le frumetet de Paris, et tenoit en le ditte
cité grant fuison de gens d’armes et de saudoiiers
15navarois et englès, arciers et aultres compagnons,
pour estre plus à segur contre ceulz qui les guerrioient.
Si avoit il adonc dedens Paris aucuns souffissans
hommes, telz que Jehans Maillars et Symons
Maillars ses frères et pluiseur de leur linage, asquelz
20il desplaisoit grandement le hayne dou duch, se remède
y peuissent mettre. Mais nennil, car li prevos
des marchans avoit si attrais à lui toutes manières de
gens à se cordielle, que nulz ne l’osoit desdire de
cose que il desist, se il ne voloit tantost estre occis,
25sans point de merci.
Li rois de Navare, come sages et soubtilz, veoit les
variemens entre chiaus de Paris et le duch de Normendie,
et supposoit assés que ceste cose ne se pooit
longement tenir en cel estat, et n’avoit mies trop
30grant fiance en le communauté de Paris. [Si se parti
[108] de Paris, au plus courtoisement qu’il peut, et s’en
vint à Saint Denis, et là tenoit il aussi grant fuisson
de gens d’armes as saus et à gages de ciaulx de
Paris[315].] En ce point furent il bien six sepmainnes, li
5dus de Normendie à tout grant gent d’armes, au
pont à Charenton, et li rois de Navare ou bourch
de Saint Denis. Si mengoient et pilloient le pays
de tous costés, et si ne faisoient riens l’un sus
l’autre.
10§ 418. Entre ces deux signeurs, le duch de Normendie
et le roy de Navare, s’ensonniièrent bonnes
gens et bons moiiens: li archevesques de Sens, li evesques
d’Auçoirre, li evesques [de[316]] Biauvais, li sires
de Montmorensi, li sires de Fiennes et li sires de
15Saint Venant; et tant alèrent de l’un à l’autre, et si
bellement et si sagement esploitièrent que li rois de
Navare, de bonne volenté, sans nulle constrainte,
s’en vint à Charenton devers le duch de Normendie
son serourge. Et là eut grans approcemens d’amour,
20car li dis rois s’escusa au duch de ce dont il estoit
amis et en le hayne de li, premierement de le mort
de ses deux mareschaus, monsigneur Robert de Clermont
et le mareschal de Campagne, et de monsigneur
Symon de Bussi, et dou despit que li prevos des
25marchans li avoit fait ens ou palais à Paris; et jura
solennelment que ce fu sans son sceu, et eut en couvent
au dit duch qu’il demorroit dalés lui à bien et à
mal de celle emprise. Et fu là entre yaus la pais faite
[109] et confremée. Et dist li rois de Navare qu’il feroit
amender à chiaus de Paris le felonnie que il avoient
fait: parmi tant li communautés de Paris demorroit
à pais; mais li dus devoit avoir à sa volenté le
5prevost des marchans et douze bourgois lesquelz il
vorroit eslire dedens Paris, et chiaus corrigier à se
volenté.
Ces coses ordenées et confremées, et sus le fiance
de celle pais, li rois de Navare se departi dou duch
10amiablement et retourna à Saint Denis. Et li dus s’en
vint en le cité de Miaus en Brie, où madame sa femme
estoit, fille au duch de Bourbon, et donna congiet
à toutes manières de gens d’armes. Et fu adonc
priiés de aucuns bourgois de Paris, qui ces trettiés
15avoient aidiés à entamer, et de l’arcevesque de Sens
et de l’evesque d’Auçoirre, que il venist à Paris seurement,
et que on li feroit toute la feste et honneur
que on poroit. Li dus respondi que il tenoit bien
la pais à bonne que il avoit juret; ne jà par lui,
20se Dieu plaisoit, ne seroit enfrainte ne brisie, mais
jamais en Paris n’enteroit, si aroit eu plainne satisfation
de chiaus qui courouciet l’avoient. Ensi demora
la cose en cel estat un temps que point ne vint
li dus en Paris.
25§ 419. Li prevos des marchans et cil de sa secte,
qui se sentoient en le hayne et indignation dou duch
de Normendie leur signeur et qui les maneçoit de
mort, n’estoient point à leur aise et visetoient souvent
le roy de Navare qui se tenoit à Saint Denis, et
30li remoustroient bellement et doucement [le peril où
il gisoient, dont il estoit cause, car il l’avoient delivré
[110] de prison et amené à Paris[317]]. Et l’euissent volentiers
fait leur roy et leur gouvreneur, se il peuissent;
et avoient voirement consenti le mort des trois dessus
dis qui furent occis ou palais à Paris, pour tant
5que il li estoient contraire, et que pour Dieu il ne
les volsist mies fallir et ne volsist mies avoir trop
grant fiance ou duch de Normendie ne en son conseil.
Li rois de Navare, qui sentoit bien que li prevos
10des marchans et cil de sa secte ne reposoient mies à
leur aise, et que dou temps passé il li avoient fait
trop grant courtoisie, osté de dangier et delivré de
prison, les reconfortoit ce qu’il pooit, et leur disoit:
«Certes, signeur et amit, vous n’arés jà
15mal sans moy; et quant vous avés maintenant le
gouvrenement de Paris et que nulz ne vous y ose
couroucier, je vous conseille que vous faites vostre
attrait et vous pourveés d’or et d’argent telement
que, se il besongne, vous le puissiés retrouver, et
20l’envoiiés hardiement chi à Saint Denis, sus le fiance
de mi: je le vous garderai. Et en retenrai toutdis secretement
gens d’armes et compagnons, dont au besoing
vous guerrierés vos ennemis.» Ensi fist depuis
li prevos des marchans: toutes les sepmainnes, il envoioit
25deux fois deux sommiers cargiés de florins à
Saint Denis, devers le roy de Navare, qui les recevoit
liement.
Or avint que il estoient demoret en Paris grant fuison
de saudoiiers englès et navarois, ensi que vous
30savés, que li prevos des marchans et li communauté
[111] de Paris avoient retenus à saulz et à gages, pour yaus
aidier à deffendre et garder contre le duc de Normendie.
Et trop bien et trop loyaument s’i estoient
porté la guerre durant: si ques, quant li acors fu fais
5de yaus et dou dit duch, li aucun partirent et li aultre
non. Cil qui partirent, s’en vinrent par devers le
roy de Navare, qui tous les retint. Et encores en demora
en Paris plus de trois cens qui là s’esbatoient
et rafreskissoient, ensi que compagnon saudoiier font
10volentiers en telz villes et despendent leur argent liement.
Si s’esmeut uns debas entre yaus et chiaus de
Paris; et en y eut bien mors, sus les rues que en
leurs hosteulz, plus de soixante: de quoi li prevos
des marchans fu durement courouciés, et en blasma
15et villonna moult ireusement chiaus de Paris. Et
pour apaisier le communaulté, il en prist plus de
cent et cinquante et les fist mettre en trois portes en
prison; et dist à chiaus de Paris, qui tout esmeu estoient
de yaus occirre, que il les corrigeroit et puniroit
20selonc leur fourfet: parmi tant se rapaisièrent
cil de Paris. Quant ce vint à le nuit, li prevos des
marchans, qui volt complaire à ces englès saudoiiers,
leur eslargi leurs prisons et les fist delivrer et aler
leur voie: si s’en vinrent devers le roy de Navare à
25Saint Denis, et il les retint tous. Quant ce vint au
matin que cil de Paris sçeurent l’afaire et le delivrance
de ces Englès, et comment li prevos s’en estoit
acquittés, si en furent durement couroucié sur
lui; ne onques depuis ne l’amèrent tant que devant.
30Li prevos, qui estoit uns sages homs, s’en sceut
bien adonc oster et dissimuler tant que ceste cose se
oublia.
[112] Or vous dirai de ces saudoiiers englès et navarois
comment il perseverèrent. Quant il furent venu à
Saint Denis et remis ensamble, il se trouvèrent plus
de trois cens; si se avisèrent que il contrevengeroient
5leurs compagnons et les despis que on leur
avoit fais. Si envoiièrent tantost deffiier chiaus de
Paris et commencièrent à courir aigrement et faire
guerre à chiaus de Paris qui hors issoient; ne nulz
n’osoit widier des portes, tant les tenoient cil Englès
10en grant doute. De quoi li prevos des marchans en
estoit demandés et par derrière encoupés.
§ 420. Quant cil de Paris se veirent ensi heriiet
et guerriiet de ces Englès, si furent tout foursenet et
requisent au prevost des marchans que il volsist faire
15armer une partie de leur communalté et mettre hors
as camps, car il les voloient combatre. Li dis prevos
leur acorda et dist que il iroit avoec yaus, et fist un
jour armer une partie de chiaus de Paris, et en fist
partir jusques à vingt deux cens. Quant il furent as
20camps, il entendirent que cil Englès qui les guerrioient,
se tenoient devers Saint Clo: si se avisèrent
que il se partiroient en deux parties et prenderoient
deux chemins, afin que il ne leur peuissent escaper.
[Si se ordonnèrent ainsi[318]], et se devoient tout retrouver
25et rencontrer en un certain lieu assés priès de Saint
Clo. Si dessevrèrent li un de l’autre, et en prist li
prevos des marchans la mendre partie. Si tourniièrent
ces deux batailles tout le jour environ Montmartre,
et riens ne trouvèrent de ce que il demandoient.
[113] Or avint que li prevos des marchans, qui estoit
nesis de estre sus les camps, et qui riens
n’avoit fait encores, entours remontière rentra en
Paris par le porte Saint Martin. Li aultre bataille se
5tint plus longement sus les camps, et riens ne savoit
dou retour dou prevost des marchans, que il fust
rentrés en le ville; car, se il le sceuissent, il y fuissent
rentret ossi.
Quant ce vint sus le vespre, il se misent au retour,
10sans ordenance et arroy, comme cil qui ne cuidoient
avoir point d’encontre ne d’empeecement; et s’en
revenoient par tropiaus, ensi que tout lassé et tout
hodé. Et portoit li uns son bacinet en sa main, li
aultres en unes besaces; li tiers par tanison trainoit
15sen espée ou il le portoit à eskerpe: tout ensi se
maintenoient il, et avoient pris le chemin pour rentrer
en Paris par le porte Saint Honnouré. Si trouvèrent
de rencontre ces Englès ou fons d’un chemin, qui
estoient bien quatre cens tout d’une sorte, qui tantost
20escriièrent ces François et se ferirent entre yaus
de grant volenté, et les reboutèrent trop diversement;
et y en eut, de premières venues, abatus plus de deux
cens. Chil François, qui furent soudainnement pris
et qui nulle garde ne s’en donnoient, furent tout
25esbahi et ne tinrent point de conroi; mès se misent
en fuites et se laissoient occirre et decoper, ensi que
bestes, et rafuioient que mieulz mieulz devers Paris.
Et en y eut mors en celle cace plus de sept cens, et
furent poursievi jusques dedens les barrières de Paris.
30De ceste avenue fu trop durement blasmés li
prevos des marchans, de le communauté de Paris,
et disent que il les avoit trahis. Encores, à l’endemain
[114] au matin, avint que li proçain et li amit de chiaus
qui mort estoient, issirent de Paris, pour yaus aler
requerre à chars et à charettes et les corps ensepelir.
Mais li Englès avoient mis une embusche sus les
5camps: si en tuèrent et mehagnièrent de rechief plus
de six vingt.
En tel tourble et en tel meschief estoient echeu cil
de Paris, et ne se savoient de qui garder. Si vous di
que il vivoient et estoient nuit et jour en grans souspeçons,
10car li rois de Navare se refroidoit d’yaus aidier,
pour la cause de la pais qu’il avoit juret à son
serourge le duch de Normendie, et pour l’outrage
ossi que il avoient fait des saudoiiers englès que il
avoit envoiiés en Paris: si consentoit bien que cil de
15Paris en fuissent castiiet, afin que il amendaissent
plus grandement ce fourfet. D’autre part, li dus de
Normendie ossi le souffroit assés, pour tant que li
prevos des marchans avoit encores le gouvrenement
d’yaus; et leur mandoit bien et escrisoit generaument
20que nulle pais ne leur tenroit jusques à tant que
douze hommes de Paris, lesquelz que il vorroit [eslire[319]],
il aroit à se volenté.
Si devés savoir que li dis prevos des marchans et
cil qui se sentoient fourfait n’estoient mies bien à
25leur aise. Si veoient il bien et consideroient, tout
imaginet et consideret, que ceste cose ne pooit longement
demorer en cel estat, car cil de Paris commençoient
jà à refroidier de l’amour que il avoient
eu à lui et à chiaus de sa secte, et les deparloient
30villainnement, si com il estoient enfourmé.
[115] § 421. Li prevos des marchans de Paris et cil de
sa secte avoient entre yaus souvent pluiseurs consaulz
secrès pour savoir comment il se poroient parmaintenir;
car il ne pooient trouver, par nul
5moiien, merci ne remède ou duch de Normendie:
dont ce les esbahissoit plus c’autre cose. Si regardèrent
finablement que il valoit mieulz que ilz demorassent
en vie et en bonne prosperité dou leur et de
leur amis que dont que il fuissent destruit; car
10mieulz leur valoit, ce leur sambloit, à occirre que
estre occis. Si se arrestèrent du tout sus cest estat,
et trettiièrent secretement devers ces Englès qui
guerrioient chiaus de Paris. Et se porta certains acors
entre leurs parties, que li prevos des marchans et cil
15de sa secte devoient estre si au dessus de le porte
Saint Honnouré et de le porte Saint Antonne que, à
heure de mienuit, Englès et Navarois tout d’une
sorte, qui y devoient venir si pourveu que pour courir
et destruire Paris, les devoient trouver toutes ouvertes.
20Et ne devoient li dit coureur deporter homme
ne femme, de quel conversation qu’il fuissent, mès
tout mettre à l’espée, où uns signes, que li ennemi
devoient cognoistre, ne seroit trouvés as huis ou as
fenestres de chiaus de Paris.
25Celle propre nuit que ce devoit avenir, espira et
esvilla Diex aucuns bourgois de Paris qui estoient de
l’acort et avoient toutdis esté dou duch de Normendie,
desquelz Jehans Maillars et Symons ses frères se
faisoient chief. Et furent cil par inspiration divine,
30ensi le doit on supposer, enfourmé que Paris devoit
estre courue et destruite. Tantost il s’armèrent et fisent
armer tous chiaus de leur costé, et revelèrent
[116] ces nouvelles secretement en pluiseurs lieus pour
avoir plus de confortans. Et s’en vinrent Jehans
Maillars et si frère bien pourveu de armeures et de
bons compagnons tous avisés, pour savoir quel cose
5il devoient faire, un petit devant mienuit, à le porte
Saint Antonne, et trouvèrent le dit prevost des marchans,
les clés de le porte en ses mains.
Le premier parler que Jehans Maillars li dist, ce
fu que il li demanda par son nom: «Estievene, Estievene,
10que faites vous ci à ceste heure?» Li prevos
respondi: «Jehan, à vous qu’en monte dou savoir?
Je sui chi pour prendre garde à le porte et à chiaus
de le ville dont j’ay le gouvrenement.»—«Par
Dieu, respondi Jehans Maillars, il ne va mies ensi,
15mès n’estes ci à ceste heure pour nul bien, et je le
vous moustre, dist il à chiaus qui estoient dalés lui,
comment il tient les clés des portes en ses mains
pour trahir le ville.» Li prevos des marchans s’avança
et dist: «Vous mentés!»—«Par Dieu, respondi
20Jehans Maillars, mès vous, trahites, vous mentés.»
Et tantost feri à lui et dist à ses gens: «A le
mort, à le mort, tout homme de son costé, car il sont
trahitte!»
Là y eut entre yaus grant hustin, et s’en fust volentiers
25li prevos des marchans fuis, se il peuist;
mais il fu si hastés que il ne peut, car Jehans Maillars
le feri d’une hace en le tieste et l’abati à terre,
quoique ce fust ses compères, et ne se parti de lui
jusques à tant qu’il fu occis et six de chiaus qui là
30estoient, et li demorans pris et envoiiés en prison;
et puis commencièrent à estourmir et à resvillier les
gens parmi les rues de Paris. Si s’en vinrent Jehans
[117] Maillars et cil de son acord jusques à le porte Saint
Honnouré et y trouvèrent gens de le sorte le dessus
dit prevost: si les encoupèrent de trahison; ne escusance
que il fesissent, ne leur valli riens. Là en y eut
5pluiseur pris et en divers lieus envoiiés en prison;
et cil qui ne se laissoient prendre, estoient tué
sans merci. Celle propre nuit, on en prist plus de
soixante en leurs maisons, qui furent tout encoupet
de trahison et dou fait pour quoi li prevos estoit
10mors; car cil qui pris estoient, confessèrent tout le
mesfet.
L’endemain au matin, cilz Jehans Maillars fist assambler
le plus grant partie de le communauté de
Paris ou marciet as halles; et quant il furent tout
15venu, il monta sus un escafaut, et puis remoustra
generaument par quel raison il avoit occis le prevost
des marchans et en quel fourfait il l’avoit trouvé. Et
recorda bellement et sagement, de point en point,
toute l’avenue dou prevost et de ses alloiiés, et comment
20en celle propre nuit la noble cité de Paris devoit
estre courue et destruite, se Diex, par sa grasce,
n’i euist mis remède, qui les resvilla, et les avoit inspirés
de cognoistre ceste trahison. Quant li peuples
qui presens estoit eut oy ces nouvelles, si furent
25moult esmervilliet et esbahi dou peril où il avoient
esté; et en loèrent li pluiseur Dieu, à jointes mains,
de le grasce que fait leur avoit. Là furent jugiet à mort
par le conseil des preudommes de Paris et par certainne
sieute, tout cil qui esté avoient de la secte dou
30dit prevost. Si furent tout executé en divers tourmens
de mort.
Ces coses faites et acomplies, Jehans Maillars,
[118] qui très grandement estoit en le grace de le communauté
de Paris, et aucun preudomme ahers avoecques
lui, envoiièrent Symon Maillart et deux mestres
de Parlement, messire Estievene Alphons et
5mestre Jehan Pastouriel, devers le duch de Normendie
qui se tenoit à Charenton. Cil recordèrent plainnement
et veritablement toute l’avenue de Paris et
le mort dou dit prevost et de ses alliiés, dont li dus
fu moult resjoïs. Et priièrent li dessus dit au dit duch
10que il volsist venir en Paris, pour aidier et consillier
le ville en avant, car tout si adversaire estoient mort.
Li dus respondi que ossi feroit il volentiers, et se
parti dou pont à Charenton, monsigneur Ernoul
d’Audrehen et le signeur de Roie et aucuns chevaliers
15en se compagnie, et s’en vint dedens Paris où il fu
recueilliés de toutes gens à grant joie, et descendi
à ce donc au Louvre. Là estoit Jehans Maillars dalés
lui, qui grandement estoit en se grasce et en sen
amour; et, au voir dire, il l’avoit bien acquis, si com
20chi dessus vous avés oy recorder.
Assés tost apriès, manda li dus de Normendie la
duçoise sa femme, et les dames et damoiselles qui se
tenoient et estoient tenues toute le saison à Miaus
en Brie; si vinrent à Paris. Et descendi la ditte duçoise
25en l’ostel dou duch, que on dist Saint Pol, où
il estoit retrais, et là se tint un grant temps. Or vous
dirai dou roy de Navare comment il persevera, qui
pour le temps se tenoit à Saint Denis, et messires
Phelippes de Navare ses frères dalés lui.
30§ 422. Quant li rois de Navare sceut le verité de le
mort le prevost des marchans, son grant ami, et de
[119] chiaus de sa secte, si fu durement tourblés et courouciés
en deux manières. Li première raison fu pour
tant que li dis prevos li avoist esté [très[320]] favourables
et secrès en tous ses afaires, et avoit mis grant painne
5à sa delivrance. Li aultre raison estoit tèle, qui moult
li touchoit, quant il pensoit sus [ce, pour[321]] sen honneur,
car fames couroit communement, parmi Paris
et le royaume de France, que il estoit chiés et cause
de le trahison que li prevos et si alloiiet, si com ci
10dessus est dit, voloient faire, laquel cose li tournoit à
grant prejudisse: si ques li rois de Navare, ymaginans
et considerans ces besongnes, et lui bien consilliet
à monsigneur Phelippe son frère, ne pooit veoir
nullement que il ne fesist guerre au royaume de
15France, et par especial à chiaus de Paris qui li avoient
fait si grant despit. Si envoia tantost deffiances au
duch de Normendie et as Parisiiens et à tout le corps
dou royaume de France, et se parti de Saint Denis;
et coururent ses gens, au departement, la ditte ville
20de Saint Denis, et le pillièrent et robèrent toute.
Et s’en vint li dis rois de Navare à Melun sus Sainne,
où la royne Blance sa serour estoit, qui jadis fu
femme au roy Phelippe. Si le reçut la ditte dame
liement et li mist en abandon ce que [elle] avoit. Si
25fist li rois de Navare de la ditte ville et dou chastiel
de Melun sus Sainne sa garnison, et retint partout
gens d’armes et saudoiiers, Alemans, Haynuiers, Braibençons
et Hasbegnons, et gens de tous pays qui à
lui venoient et le servoient volentiers, car il les paioit
[120] largement. Et bien avoit de quoi, car il avoit assamblé
si grant avoir que sans nombre, par le pourcac et
ayde dou prevost des marchans, tant de chiaus de
Paris comme des villes voisines. Et messires Phelippes
5de Navare se tray à Mantes et à Meulent sus le rivière
de Sainne, et en fisent leurs garnisons ilz et ses gens;
et tous les jours leur croissoient gens et venoient de
tous costés, qui desiroient à pourfiter et à gaegnier.
Ensi commencièrent li rois de Navare, et ses gens
10que on appelloit Navarois, à guerriier fortement et
durement le royaume de France, et par especial le
noble cité de Paris; et estoient tout mestre de le
rivière de Sainne desous et deseure, et ossi de le rivière
de Marne, de Oize et de Aisne. Si montepliièrent
15telement cil Navarois que il prisent le forte ville
et le chastiel de Cray, par quoy il estoient mestre de
le rivière de Oise, et le fort chastiel de le Herielle, à
trois liewes de Amiens, et depuis Mauconseil que il
remparèrent et fortefiièrent telement que il ne doubtoient
20assaut ne siège. Ces troi forterèces fisent sans
nombre tant de destourbiers au royaume de France
que depuis en cent ans ne fu restoré. Et estoient en
ces forterèces bien quinze cens combatans, et couroient
par tout le pays ensi qu’il voloient, ne nulz
25n’aloit au devant, et s’espardirent tantost partout. Et
prisent li dit Navarois le bonne ville d’Eu, et assés
tost apriès le bon chastiel de Saint Waleri, dont il
fisent une très belle garnison et très forte, de quoi
messires Guillaumes Bonnemare et Jehans de Segure
30estoi[en]t chapitainne. Si avoient bien cil doy homme
d’armes desous yaus cinq cens combatans, et couroient
tout le pays jusques à Dièpe et environ le ville de
[121] Abbeville, et tout selonc le marine jusques ens ès
portes dou Crotoi et de Rue et de Moustruel sus
mer.
Et faisoient cil Navarois si grans apertises d’armes
5que on se pooit esmervillier comment il les osoient
entreprendre; car, quant il avoient espiiet et avisé un
chastiel ou une forterèce, com forte qu’elle fust, il ne
se doubtoient point de l’avoir. Et chevauçoient bien
souvent sus une nuit trente liewes, et venoient sus
10un pays qui n’estoit en nulle doubte, et ensi eschelloient
il et embloient les chastiaus et les forterèces
parmi le royaume de France. Et prendoient à le fois
sus l’ajournement les chevaliers et les dames en leurs
lis, dont il les rançonnoient; ou il prendoient tout
15le leur, et puis les boutoient hors de leurs maisons.
De le ville de Crai sur Oise estoit souverains et chapitainne
uns appers chevaliers navarois durement,
qui s’appelloit messires Fourdrigais: cilz donnoit les
saus conduis à toutes gens qui voloient aler de Paris
20à Noion, ou de Paris à Compiègne, ou de Compiègne
à Soissons ou à Laon, et ensi sus les marces voisines;
et li vallirent bien li sauf conduit, le terme que il se
tint à Cray, cent mil frans. Ou chastiel de le Herielle
se tenoit messires Jehans de Pikegni, uns chevaliers
25de Pikardie et bons Navarois; et constraindoient
ses gens durement chiaus de Montdidier, de
Amiens, de Arras, de Peronne et tout le pays de Pikardie,
selonch le rivière de Somme. Ens ou chastiel
de Mauconseil avoit environ trois cens combatans,
30desquelz Rabigos de Duri, Richars Frankelins et
Hanekins François estoient chapitainne. Cil couroient
tous les jours sans faute et pilloient tout le pays environ
[122] Noion; et s’estoient racatées à ces capitainnes
toutes les grosses villes non fremées environ Noion,
à paiier une quantité de florins [toutes] les sepmainnes,
et otant bien les abbeyes: aultrement il euissent tout
5ars et destruit, car il estoient trop cruel sus leurs
ennemis. Par tèle manière de gens demoroient les
terres vaghes et à tries, ne nulz ne les labouroit ne
ouvroit: dont depuis uns très chiers temps en naschi
ou royaume de France.
10§ 423. Quant li dus de Normendie, qui se tenoit à
Paris, entendi que telz gens d’armes essilloient le
pays, au title dou roy de Navare, et que il monteplioient
trop grossement de jour en jour, si se avisa
que il y pourveroit de remède, car par telz gens se
15poroit perdre li royaumes de France, dont il estoit
hoirs. Si envoia par toutes les cités et les bonnes
villes de Pikardie et de Vermendois, en priant que
cescune, selonch se quantité, li volsist envoiier une
somme de gens d’armes à piet et à cheval, pour resister
20à l’encontre de ces Navarois, qui essilloient ensi
le royaume de France dont il avoit le gouvrenement,
et que ce ne faisoit mies à souffrir. Les cités et les
bonnes villes le fisent moult volentiers et se taillièrent,
cescune selonch se aisement, de gens d’armes à piet
25et à cheval, d’arciers et d’arbalestriers, et se traisent
premierement par devers le bonne cité de Noion, et
droit devant le garnison de Mauconseil, pour ce que
il leur sambloit que c’estoit li plus legiers des fors
que li Navarois tenoient, à prendre, et qui plus
30herioit et constraindoit chiaus de Noion et le bon
pays de Vermendois. Si furent chapitainne de toutes
[123] ces gens d’armes et commugnes li evesques de Noion,
messires Raoulz de Couci, li sires de Rainneval, li
sires de Kauni, li sires de Roie, messires Mahieus de
Roie, ses cousins, et messires Bauduins d’Anekins,
5mestres des arbalestriers; et avoient cil signeur
avoech yaus pluiseurs chevaliers et escuiers de Vermendois,
de Pikardie et de là environ. Si assegièrent
de grant volenté Mauconseil et y livrèrent pluiseurs
assaus, et constraindirent durement chiaus qui le gardoient
10et deffendoient.
Quant li compagnon qui dedens estoient, se veirent
ensi pressé de ces signeurs de France, qui malement
les maneçoient, et il eurent bien consideré entre yaus
que longement ne se pooient tenir qu’il ne fuissent
15pris et desconfi, si escrisirent leur povreté et segnefiièrent
à monsigneur Jehan de Pikegni, qui pour le
temps se tenoit en le Herielle, à cui toutes ces forterèces
obeissoient, en priant que il fuissent conforté
et secouru hasteement, ou aultrement il les couvenoit
20rendre à meschief. Quant messires Jehans de Pikegni
entendi ces nouvelles, si ne les mist mies en oubli,
mès se hasta durement de conforter ses bons amis de
Mauconseil, et manda secretement à chiaus de le garnison
de Cray et à toutes aultres là environ, que il
25fuissent appareilliet et sus les camps en un certain
lieu que il leur assigna, car il voloit chevaucier. Toutes
manières de gens d’armes et de compagnons obeirent
de grant volenté à lui et se traisent là où il devoient
aler. Quant il furent tout assamblé, il se trouvèrent
30bien mil lances de bons combatans. Si chevaucièrent
ces gens de nuit, ensi que gides les menoient, et
vinrent sus un ajournement devant Mauconseil. Celle
[124] matinée faisoit si grant bruine que on ne pooit
veoir un arpent de terre loing. Si tretost que il furent
venu, il se ferirent soudainnement en l’ost des François,
qui de ce point ne se gardoient et qui dormoient
5à petit gait, comme tout asseguret. Si escriièrent li
Navarois: «Saint Jorge! Navare!» et commencièrent
à tuer et à decoper gens et abatre tentes et trés
et à faire un grant esparsin, car li François furent
pris sus un piet, telement que il n’eurent loisir d’yaus
10armer ne recueillier; mès se misent à le fuite, cescuns
qui mieulz mieulz, devers le cité de Noion qui
leur estoit assés proçainne, et li Navarois apriès.
Là eut grant bataille et dur hustin, et moult de
gens mors et reversés entre Noion et Oskans, et entre
15Noion et le Pont l’Evesque et tout là entours. Et
gisoient li mort et li navret à fous et à mons, sus le
chemin de Noion, et entre haies et buissons. Et dura
li cace jusques ens ès portes de Noion. Et fu la cité
en grant peril de perdre, car li aucun dient, qui
20furent là d’un lés et de l’autre, que, se li Navarois
vosissent bien, acertes il fuissent entré dedens; car
cil [de] Noion, par ceste desconfiture, furent si esbahi
que, quant il rentrèrent en leur ville, il n’eurent
mies avis de clore le porte devers Compiègne. Et fu
25pris li evesques de Noion devant les barrières et
fianciés prisons; aultrement il euist estet mors. Là
furent pris messires Raoulz de Couci, messires Raoulz
de Rainneval, li sires de Kauni et si doi fil, li Borgnes
de Rouvroy, li sires de Turote, li sires de Venduel,
30messires Anthones de Kodun et bien cent chevaliers
et escuiers. Et en y eut mors bien quinze cens et
plus. Et par especial cil de le cité de Tournay y
[125] perdirent trop grossement, car il estoient là venu en
grant estoffe et très bon arroy et riche. Et voelent
dire li pluiseur que, de sept cens que il estoient, il en
retournèrent moult petit que tout ne fuissent mort
5ou pris; car cil de Mauconseil issirent ossi, qui paraidièrent
à faire le desconfiture, qui fu l’an de
grasce mil trois cens cinquante huit, le mardi proçain
apriès le Nostre Dame en mi aoust qui fu adonc par
un samedi.
10§ 424. Ceste desconfiture enorghilli et amonta si
les Navarois et leurs routes, qu’il chevaucièrent par
tout le pays à leur volenté, et enmenèrent le plus
grant partie de leurs prisonniers à Cray, pour tant
que il y a bonne ville et forte et bien seant; et conquisent
15là très grant avoir, tant en jeuiaus comme en
prisons que il rançonnèrent depuis bien et fort. Et
en devinrent li compagnon si friche et si joli que
merveilles; et rançonnoient ces bourgois de Tournay
et d’autres villes, à selles estoffées bien et frichement,
20as fers de glaves, as haces et à espées, à jakes, à jupons
ou à housiaus, et à tous hostieus qu’il leur besongnoit.
Les chevaliers et les escuiers rançonnoient
il assés courtoisement, à mise d’argent, ou à coursiers
ou à roncins; ou d’un povre gentil homme, qui
25n’avoit de quoi riens paiier, il prendoient bien le
service un quartier d’an ou deux ou trois, ensi que
il estoient d’acord. De vins, de vivres et de toutes
aultres pourveances avoient il bien et largement, car
li plas pays leur en delivroit assés, par cause de rédemption;
30ne riens n’aloit ens ès bonnes villes, fors
en larecin et par bon sauf conduit que il vendoient
[126] bien et chier. Et cela tenoient il enterinement, excepté
trois coses, capiaus de bevenes, plumes d’osterice et
fiers de glave: onques il ne veurent mettre ces trois
jolietés ne acorder en leurs saus conduis. Si fisent cil
5de Mauconseil, depuis ceste besongne avenue, assés
plus de maulz apriès que devant, et ardirent et
violèrent le plus grant partie de le bonne abbeye
d’Oskans: dont ce fu [grans[322]] damages, et moult en
despleut as chapitains de Mauconseil, quant il le
10sceurent.
Si s’espardirent cil Navarois en pluiseurs lieus,
d’une part et d’autre le rivière d’Oise et d’Aisne. Et
vinrent doi homme d’armes appert durement, Rabigos
de Duri et Robin l’Escot, prendre par eskiellement
15le bonne ville de Velli, dont il fisent une très
bonne garnison, et le remparèrent et fortefiièrent
durement. Cil doy compagnon avoient desous yaus
et à leurs gages bien quatre cens compagnons, et
retenoient toutes manières d’autres gens, Alemans,
20Haynuiers, Flamens, Braibençons et Hesbegnons, et
leur donnoient certains saulz, et paioient de mois en
mois. Si couroient cil de Velli, cil de Mauconseil,
cil de Cray et cil de le Herielle partout où il
voloient, ne nulz ne leur contredisoit; car li chevalier
25et li escuier estoient tout ensonniiet de
garder leurs forterèces et leurs maisons. Et aloient
cil Navarois et cil Englès et chevauçoient ensi qu’il
voloient, une fois armé, l’aultre desarmé, et s’esbatoient
de fort en fort, tout ensi comme li pays fust
30bien en pais.
[127] Li jones sires de Couci faisoit bien ses chastiaus
garder et songneusement. Et en estoit, ensi que souverains
et gouvrenères de toute le terre de Couci,
uns appers chevaliers durement qui s’appelloit li
5Chanonnes de Robertsart: cesti ressongnoient plus
li Englès et li Navarois que nul des aultres, car il en
rua par pluiseurs fois tamaint jus; et ossi fist li sires
de Roie.
§ 425. Or avint ensi que messires Jehans de Pinkegni,
10qui estoit de le partie dou roy de Navare et li
plus grans de son conseil, et par quel aye et pourcach
il avoit estet delivrés, et qui pour le temps se
tenoit en le Herelle, à trois liewes priès de le cité
d’Amiens, pourcaça tant par son soubtil langage
15envers aucuns bourgois d’Amiens et des plus grans de
le cité, que il les eut de son acord, et devoient mettre
les Navarois dedens le ville. Et emplirent couvertement
cil bourgois, trahitte envers chiaus de le cité,
leurs cambres et leurs celiers de Navarois qui devoient
20aidier à destruire le ville.
Et vinrent un soir messires Jehans de Pinkegni et
messires Guillaumes de Gauville et messires Frikes
de Frikans et messires Lus de Bekisi et messires
Fourdrigais et yaus bien sept cens, tout bon combatans,
25sus le confort de leurs amis que il avoient
laiens, as portes de Amiens au lés devers le Herielle,
et le trouvèrent ouverte, ensi que ordonné estoit.
Adonc sallirent hors cil qui repus estoient ens ès
celiers et ens ès cambres, et commencièrent à escriier:
30«Navare!» Cil de le cité d’Amiens, qui furent en
grant effroy, se resvillièrent soudainnement et escriièrent:
[128] «Trahi! trahi!» et se recueillièrent entre yaus
de grant corage, et se traisent devers le porte là où
li plus grans tumultes estoit, entre le bourch et le
cité. Si gardèrent cil qui premiers y vinrent, assés
5bien le porte et de grant volenté; et en y eut, d’un
lés et de l’autre, grant fuison d’occis. Et vous di que,
se li Navarois se fuissent hasté d’entrer en le cité,
sitost que il y vinrent, il l’euissent gaegnie; mès il
entendirent ou bourch et fisent lor emprise assés
10cowardement.
Ossi celle propre nuit inspira Diex monsigneur
Moriel de Fiennes, connestable de France pour le
temps, et le jone conte de Saint Pol son neveu, qui
estoient à Corbie à tout grant fuison de gent d’armes:
15si chevaucièrent vers Amiens vighereusement, et y
vinrent si à point que li Navarois avoient jà conquis
tout le bourch et mettoient grant painne à conquerre
le cité, et l’euissent eu sans faute, se li dessus dit ne
fuissent venu si à point. Si tretost que cil doy signeur
20et leurs gens furent entré en le cité d’Amiens par
une aultre porte, il se traisent caudement là où li
perilz et la meslée estoient, et fisent desvoleper leurs
banières et se rengièrent moult ordeneement sus le
rue, sans passer le porte, car il tenoient le bourch
25pour tout conquis et perdu, ensi qu’il fu. Cilz secours
rafreschi et rencoraga durement chiaus d’Amiens, et
aluma on sus le rue grant fuison de feus et de fallos.
Quant messires Jehans de Pinkegni et cil qui estoient
30par [delà[323]], entendirent que li connestables et li
[129] contes de Saint Pol estoient d’autre part à tout grant
fuison de gens d’armes, si senti tantost que il avoient
falli à leur entente et que il pooient plus perdre que
gaegnier; si retray ses gens, au plus courtoisement
5qu’il peut, et donna conseil de retourner. Dont se
recueillièrent li Navarois et cil de lor costé tout ensamble
et sonnèrent le retrette; mais il pillièrent ançois
et coururent tout le bourch. Dont ce fu grans damages
de ce que il l’ardirent, car il y avoit plus de trois
10mil maisons et des bons hostelz grant fuison et de
belles eglises ossi perrociaulz et aultres qui tout furent
arses; ne riens n’i eut de deport, mès li feulz n’entra
point dedens le cité. Ensi retournèrent li Navarois
qui enmenèrent grant avoir, que il avoient trouvé ou
15grant bourch de Amiens, et fuison de prisonniers; et
s’en ralèrent arrière en leurs garnisons.
§ 426. Quant li Navarois furent tout retrait, li
connestables [de Franche[324]] et li contes de Saint Pol
departirent leurs gens et les envoiièrent par toutes les
20portes; et leur commandèrent, sus le hart, que il ne
laiassent nul homme vuidier hors de le ville: ensi fu
fait qu’il fu devisé. L’endemain, au matin, li connestables
de France, li contes de Saint Pol et aucun
bourgois d’Amiens, qui cognissoient le maniement
25de le ville et qui soupeçonnoient aucuns bourgois et
bourgoises de ceste trahison, s’en alèrent ens ès maisons
de chiaus et de celles où il les pensoient à trouver;
si en prisent jusques à dix sept, liquel furent
decolet tantost et sans delay publikement enmi le
[130] marchiet, et meismement li abbes dou Gart qui consenti
avoit ceste trahison et logiés une partie des Navarois
en se maison. Ossi assés tost après, par cas
sannable, en furent trahinet et justiciet en le bonne
5cité de Laon six des plus grans bourgois de le
ville. Et, se li evesques dou lieu euist esté tenus,
mal pour lui, car il en fu accusés, et depuis ne
s’en peut il escuser; mès il se parti adonc secretement,
car il eut amis en voie qui li noncièrent
10ceste avenue: si se trest tantost par devers le roy
de Navare à Melun sus Sainne, qui le reçut liement.
Telz avenues et tèles amises avenoient adonc ou
royaume de France. Pour ce se tenoient li signeur, li
baron et li chevalier et ossi les cités et les bonnes
15villes, cescuns sus se garde; car on ne se savoit de
qui garder. Et au voir dire, li rois de Navare avoit
pluiseurs amis semés et acquis parmi le royaume de
France; et, se on ne s’en fust perceu si à point, il
euissent plus de contraires fais assés que il ne fesissent,
20comment que il en fesissent assés.
En ce temps que li dus de Normendie et si frère
se tenoient à Paris, n’osoient nulz marchans ne aultres
issir hors de Paris, ne chevaucier en ses besongnes,
que il ne fust tantost rués jus, de quel costé
25que il volsist aler; car li royaumes estoit si raemplis
à tous lés des Navarois qu’il estoient mestre et
signeur dou plat pays et des rivières, et ossi des
cités et des bonnes villes: dont uns si chiers temps
en vint en France que on vendoit un tonelet de
30herens trente escus, et toutes aultres coses à l’avenant.
Et moroient les petites gens de fain, dont
c’estoit grans pités. Et dura ceste durtés et cilz chiers
[131] temps plus de quatre [ans[325]]. Et par especial, ens ès
bonnes villes de France, ne pooit nulz ne nulle recouvrer
de sel, se ce n’estoit par les menistres dou
duc de Normendie. Et le faisoient cil as gens achater
5à leur ordenance, pour estordre plus grant argent,
pour paiier les saudoiiers, car les rentes et les revenues
dou dit duc en aultres conditions estoient toutes
perdues.
§ 427. Moult acquisent li connestables de France
10et li jones contes de Saint Pol grant grasce parmi le
pays de Pikardie, dou secours que il avoient fait à
chiaus d’Amiens. Et se commenchièrent tout li chevalier
et li escuier de Pikardie à aherdre à yaus, et
disent ensi: «Nous avons en ces deux signeurs bons
15chapitainnes et gouvreneurs, pour emprendre un grant
fait et resvillier nos ennemis, qui ensi nous herient et
nous tollent no chavance.» Tant parlèrent li baron
et li chevalier et li escuier, quant il se trouvèrent ensamble,
et si s’esmeurent que, de fait et de volenté, il
20disent et acordèrent que il iroient assegier Saint Waleri
et chiaus qui dedens estoient, qui là gisoient trop
grandement à leur honneur. Et y misent li dit signeur
de Pikardie, par le conseil des dessus dis, jour et
terme de ce faire; si se pourveirent selon ce. Et le
25segnefia li connestables de France par tout les cités
et les bonnes villes de Pikardie. Si se cueillièrent cil
de Tournay, de Arras, de Lille, de Douay, de Bietune,
de Saint Omer, de Saint Quentin, de Peronne,
d’Amiens, de Corbie et de Abbeville; et se taillièrent
[132] à une quantité de gens, et les envoiièrent devers le
connestable et le conte de Saint Pol, qui se fisent
chief [et souverain[326]] de ceste entrepresure. Si s’esmurent
de tous lés chevalier et escuier. Et meismement
5de Haynau en y ala il assés, pour le cause des hyretages
qu’il tenoient ou tiennent en France. Li sires
d’Enghien y envoia. Li jones seneschaus pour le
temps de Haynau, messires Jehans [de Verchin[327]] y ala
en grant estoffe, et messires Hues d’Antoing ses cousins
10et pluiseur aultre, et vinrent mettre le siège par
devant Saint Waleri. Si estoient bien deux mil chevaliers
et escuiers, et environ douze mil aultres
gens des communautés des bonnes villes, et tout à
leurs frès; mais par especial cil d’Abbeville en furent
15trop cuvriiés, car là prendoient il le plus grant partie
de leurs pourveances.
Si se tint li sièges devant Saint Waleri un grant
temps, et y eut fait et livret tamaint grant assaut et
mainte escarmuce. Et priesque tous les jours y avenoit
20aucune cose de nouviel ou aucune apertise d’armes;
car li jone chevalier et escuier [de l’ost[328]] s’aloient
là aventurer et esprouver de grant volenté. Et bien
trouvoient à cui parler, car messires Guillaumes
Bonnemare et Jehans de Segure, appert homme d’armes
25malement, et aucun compagnon de laiens venoient
jusques as barrières de leur forterèce lancier
et escarmucier à chiaus de l’host bien et hardiement.
Si en y avoit des blechiés et des navrés à le fois des
uns et des aultres, ensi que en telz besongnes aviennent
[133] souvent telz aventures. Et pooient bien estre cil
de Saint Waleri troi cens combatans, sans chiaus de
le ville, que il faisoient combatre et yaus aidier: aultrement
il euissent mal finet. Et y fisent li signeur
5qui là estoient, amener et achariier les engiens de
Amiens et de Abbeville, et assir par devant, qui y
gettoient grandes pières de fais qui moult cuvrioient
chiaus de le ville. Et ossi cil de Saint Waleri avoient
des bons canons et des espringalles, dont il travilloient
10moult chiaus de l’ost.
En ce temps que li sièges se tenoit là et que li rois
de Navare de tous costés guerrioit le royaume de
France, ariva à Chierebourch li captaus de Beus, uns
très apers chevaliers, cousins dou roy de Navare, et
15vint adonc en Normendie en istance de ce que pour
aidier le [dit[329]] roy à parmaintenir sa guerre contre le
royaume de France, car ossi li dis rois l’en avoit
affectueusement priiet et retenu à saus et as gages à
deux cens lances. Dont, si tretos que li captaus fu venus
20en Normendie, il se mist as camps et chevauça
tant parmi le pays dou roy de Navare, que il vint à
Mantes. Là trouva il monsigneur Phelippe de Navare,
son cousin, qui li fist grant chière et le recueilla liement.
Et fu avoecques lui, ne sçai quans jours; et
25puis s’en parti il secretement à tout ses compagnons,
et puis chevauça il tant sus une nuit, parmi le bon
pays de Vexin et de Biauvoisis, que il vint à Clermont
en Biauvoisin, une grosse ville nient fremée et bon
chastiel, voires de une grosse tour que il y a et chaingles
30environ.
[134] Li captaus, ains son departement de Normendie,
avoit avisé ceste forterèce à prendre: si l’en chei si
bien que, sus un ajournement, ses gens le prisent,
emblèrent et eschiellèrent sus les villains dou pays.
5Et entrèrent li Navarois par eschiellement dedens:
de quoi, qui le ditte tour voit, on se poet esmervillier
comment ce se poet faire; car, à le veue dou monde,
c’est cose impossible dou prendre. Toutesfois, il achievèrent
leur emprise par eschielles de cordes et grawés
10d’acier. Et y entra premierement, en rampant
ensi comme uns cas, Bernars de la Salle, qui en son
vivant en eschiella pluiseurs. Et tant fisent en ceste
empainte que Clermons demora au captal de Beus,
qui le tint un grant temps, et pluiseurs bons compagnons
15dedens, qui durement travillièrent et cuvriièrent
depuis le bon pays de Vexin et de Biauvoisis,
parmi l’ayde des aultres forterèches qui se tenoient
navaroises là environ, Cray, le Herielle et Mauconseil.
Et estoit tous li plas pays à yaus, ne nulz n’aloit au
20devant. Et toutdis se tenoit li sièges des chevaliers de
Pikardie et dou pays de Kaus devant Saint Waleri.
§ 428. Ensi estoit ensonniiés et guerriiés de tous
lés li royaumes de France en toutes ses parties en ce
temps, au title dou roy de Navare. Et furent pris et
25conquis et eschiellés pluiseurs fors chastiaus en Brie,
en Campagne, en Valois, en l’eveschiet de Noion, de
Soissons, [de Senlis[330]] et de Laon, desquelz pluiseurs
chevaliers et escuiiers [de divers pays[331]] estoient chief
[135] et chapitainne. Par devers Pons sus Sainne, vers
Prouvins, vers Troies, vers Auçoirre et vers Tonnoirre,
estoit li pays si entrepris de fors guerrieurs et de pilleurs
que nulz n’osoit issir des cités ne des bonnes
5villes. Entre Chaalons en Champagne et Troies, ens
ou chastiel de Biaufort qui est de l’iretage le duch de
Lancastre, se tenoit messires Pières d’Audelée, et en
avoit fait une très belle et bonne garnison: cil couroient
tout le pays environ yaus. D’autre part, à Pont
10sus Sainne et à le fois ou fort de Nogant, se tenoit
uns très appers chevaliers de Haynau, qui s’appelloit
messires Eustasses d’Aubrecicourt, et avoit bien desous
lui cinq cens combatans: si couroient tout le
pays environ yaus. D’autre costé, en Campagne, ravoit
15un escuier d’Alemagne qui s’appelloit Albrest,
apert homme d’armes malement.
Ces trois capitainnes tenoient, en le marce de Campagne
et sus le rivière de Marne, plus de soixante
chastiaus et fortes maisons, et mettoient sus les camps,
20quant il voloient, plus de deux mil combatans; et
avoient tout le pays mis en leur subjection, et rançonnet
et robet à leur volenté sans merci. Et par especial,
cilz Albrest et se route y fisent trop de villains
fais. Si avoient pris ces gens, que on nommoit gens
25d’armes, pilliet, robet, tout ars et destruit le bonne
ville [de] Danmeri, Esparnay et le bonne ville de Vertus
et toutes les villes selonch le rivière de Marne,
jusques au Chastiel Thieri, et tout ensi environ le cité
de Rains. Et avoient gaegniet le bonne ville de Ronay
30et le fort chastiel de Hans en Campagne, et tout
pris et robet quanque trouvet y fu, et tout en amont
jusques à Sainte Meneheus en Partois. Et le plus grant
[136] chapitainne entre yaus et le plus renommet, et qui
plus souvent chevauçoit et faisoit des grans apertises
d’armes, c’estoit messires Eustasses d’Aubrecicourt.
Cils tenoit desous lui, ens ou pays de Campagne,
5Pons sus Sainne, c’estoit sa cambre, Nogant sus
Sainne, Dameri, Luci, Saponay, Troci, Arsi sus Aube,
Plansi et pluiseurs aultres forterèces.
Et plus avant, sus le marce de Bourgongne et de
Partois, se tenoient aultre guerrieur, qui s’appelloient
10Thiebaut de Caufour et Jehan de Caufour; et avoient,
au title dou roy de Navare, pris en l’evesquiet de Lengres
un très fort chastiel malement qui s’appelloit
Montsaugon. Laiens avoit bien quatre cens combatans,
qui guerrioient et cuvrioient tout le pays et couroient
15jusques en l’eveschiet de Vredun, et rançonnoient
tout, ne riens ne duroit devant yaus; ne ossi
nulz ne leur aloit au devant, mès estoient li baron, li
chevalier et li escuier tout ensonniiet de garder leurs
maisons et leurs forterèces.
20§ 429. D’autre part, par devers Soissons et entre
Laon et Rains, se tenoient aultre pilleur et reubeur, qui
desroboient et rançonnoient tout celi pays de là entours,
et parmi la terre le signeur de Couci et le conte
de Roussi; ne riens ne demeroit hors des forterèces.
25Chil doy signeur, li sires de Couci et li contes de Roussi,
faisoient bien garder, par gens d’armes qu’il avoient
retenu à leurs gages et à leurs frès, leurs chastiaus et
leurs forterèces. Et estoit li souverainne garnison de
celi pays de ces pilleurs, Velli; si l’avoient malement
30remparée et fortefiie. Et estoient bien dedens six cens
combatans: si en estoit chapitainne Rabigos de Duri,
[137] uns escuiers englès, appert homme d’armes durement.
Cilz retenoit toutes manières de gens et de compagnons
qui le voloient servir, et leur donnoit certains
gages et les paioit telement, de terme en terme, que
5tout le servoient volentiers. Cilz avoit avoecques lui
un escuier qui s’appelloit Robin l’Escot, qui estoit,
ensi que compagnon, à perte et à gagne.
Cilz Robins l’Escot, pour lui avancier et li faire renommer,
ala ens ès festes dou Noel gaegnier sauvagement
10par nuit le fort chastiel de Roussi, et prist
dedens le propre conte de Roussi, madame sa femme
et madamoiselle lor fille, et tous chiaus qui y furent
trouvés, et ossi toutes les pourveances dou chastiel,
qui estoient moult grandes: et fu avoech tout ce toute
15la ville robée. Si fist li dis Robins l’Escot de la ville
et dou chastiel une grande garnison, qui puissedi
greva durement le pays de là entours; et si rançonna
le dit conte, madame sa femme et madamoiselle leur
fille, à le somme de douze mil florins d’or au mouton;
20et se detint le ville et le chastiel tout l’ivier et
l’estet apriès, qui fu l’an cinquante neuf. Et quant li
contes de Roussi eut paiiet sa raençon, il s’en ala tenir
à Laon ou là où il li plot le mieulz. Ensi estoit li
pays foulés et desolés de tous lés, ne on ne savoit auquel
25entendre. Et en celi pays de l’eveschiet de Laon,
on ne faisoit nulz ahans de terre, dont uns moult
chiers temps en nasci de puissedi.
§ 430. En ce temps, si com je fui enfourmés, avint
à monsigneur le chanonne de Robersart une belle
30journée sus ces pilleurs, et dont il fu grandement
renommés en l’eveschiet de Laon et de Soissons: je
[138] vous dirai comment. Il avint que li sires de Pinon,
uns banerès de Vermendois, chevauçoit environ à
soixante armeures de fier, pour le doubte des rencontres,
de forterèce à aultre. Ce propre jour, chevauçoient
5cil de le garnison de Velli et cil de le garnison
de Roussi, mès point n’i estoient li chapitainne, fors
que aucun compagnon qui se voloient enventurer
pour gaagnier et couroient sus le pays; et pooient
estre troi cens, tous bien montés et apparilliés pour
10bien faire une besongne. Dont il avint d’aventure
que, assés priès de Craule en Laonnois, cil coureur
englès et navarois et gens tout d’une sorte vont aviser
sus les camps le signeur de Pinon qui chevauçoit
desous son pennon assés ordoneement et tenoit les
15camps par devers Craule. Sitost que cil compagnon
les veirent, il cogneurent que il estoient françois; si
se recueillièrent et disent: «Cil ci sont nostre.» Li
sires de Pinon et ses gens les perçurent de lonc nestre
et approcier viers yaus, et que il leur voloient trenchier
20le chemin cesti qu’il tenoient, et veoient bien
ossi que il estoient grant nombre de gens encontre
yaus, et ne leur pooient escaper nullement. Toutesfois,
bien consideré le peril et le parti où il estoient,
il disent que il chevauceroient fort à l’esporon et se
25bouteroient en le première garnison ou forte maison
françoise qu’il trouveroient: si retournèrent sus
destre en costiant Craule, et ferirent chevaus des esporons
pour yaus sauver, se il peuissent.
Quant li Navarois veirent leur couvenant, si ferirent
30ossi des esporons moult tangrement après yaus,
en escriant: «Saint Jorge! Navare!» Et estoient tout
trop mieuls monté que li François ne fuissent; et les
[139] euissent sans faute raconsiewis, ançois que il euissent
chevauciet une liewe. Or eschey ensi au signeur de
Pinon que il trouvèrent un grant fosset sus les camps,
large et parfont et plain d’aigue, enclos de fortes
5haies à l’un des lés; et n’i avoit que une estroite voie
où on peuist chevaucier. Si tretost que li sires de
Pinon se vey oultre et se route, il eut tantos consideré
l’avantage; si dist as siens: «A piet! à piet! il
nous vault miex ci attendre[332] et deffendre, et attendre
10l’aventure de Dieu, que fuir et estre mort et pris en
fuiant.» Adonc mist piet à terre, et tout si homme
dalés lui; et se ordonnèrent au devant de une roullie
bien et faiticement. Evous le route des compagnons
venue, qui bien estoient troi cens, qui ossi tantost
15vont mettre piet à terre et se appareillent d’yaus assallir
de grant manière.
Là eut, entre les gens le signeur de Pinon, un
escuier, bon homme d’armes qui se avisa d’un
grant sens, car il dist à son varlet: «Monte sus
20mon coursier [tantost[333]] et ne l’espargne point, et
chevauce devers le garnison de Pierepont. Tu trouveras
là le Chanonne de Robersart; se li contes en
quel parti tu nos as laissiés, et li di qu’il nous vigne
secourir: il est bien si gentilz chevaliers que il le
25fera volentiers.»—«Ha! sire, respondi li varlès,
or prendés que je le troeuve. Comment y pora il venir
à temps? il y a bien cinq grans liewes de ci.» Li
escuiers respondi: «Fay en ton devoir.» Adonc se
parti li varlès, qui n’osa plus riens dire, et prist sen
[140] adrèce viers Pierepont, ensi que cilz qui cognissoit
bien le pays; et laissa ses mestres ens ou parti que
vous poés oïr, assallis fierement et radement de ces
pillars de Velli et de Roussi. Li sires de Pinon et se
5route se deffendoient et combatoient très vaillamment,
et y fisent ce jour tamainte belle apertise d’armes.
Là se tinrent en bon couvenant sus l’avantage
seulement de ce fossé, de l’eure de prime jusques à
remontière, que onques ne se desconfirent ne
10esbahirent.
Or vous dirai dou varlet comment il esploita: il
chevauça tant sans cesser, car il estoit bien montés,
que il vint à Pierepont en Laonnois et jusques au
Chanonne de Robersart, et li dist l’afaire tout ensi
15comment il aloit. Li Chanonnes ne mist mies ces
nouvelles en noncalloir, mès dist que il s’en acquitteroit
à son pooir et iroit jusques sus le place où cilz
les avoit laissiés, car il savoit assés priès où c’estoit;
et fist tantos sonner se trompète et monter toutes
20manières de compagnons à cheval, et issi de Pierepont:
si pooient estre environ six vingt. Et encores,
pour mieus furnir sa besongne, il envoia un sien varlet
jusques à Laon qui n’estoit mies lonch de là, devers
le chapitainne, pour li enfourmer de ces besongnes,
25et que li Navarois chevauçoient. Si ne se volt
mies li dis Chanonnes arrester, ne attendre le secours
de chiaus de Laon; mès chevauça toutdis les grans
galos là où il pensoit à trouver les ennemis, et tant
fist que ilz et toute sa route y vinrent. Si trouvèrent
30leurs compagnons moult lassés et moult travilliés des
Navarois; et ne leur vint onques secours si à point
que cilz dou Chanonne fist.
[141] § 431. Sitost que li Chanonnes de Robersart fu
venus en le place où li sires de Pinon et li Navarois
se combatoient, il abaissa son glave et se feri ens de
grant volenté, et en abati de premières venues, ne
5sçai deux ou trois. Ilz [et] ses gens, [qui estoient frès
et nouvel[334]], reculèrent tantost les compagnons qui
estoient tout le jour combatu; et reboutèrent bien
avant sus les camps, et en ruèrent tamaint par terre.
Là fu li dis Chanonnes très bons chevaliers et y fist
10tamainte apertise d’armes; et tenoit une espée à deux
mains dont il donnoit les horions si grans et si durs
que nulz ne les osoit attendre. Que vous feroi je
lonch recort? Il desconfi là ces pillars, et en y eut
mors sus le place plus de cent et cinquante; et cil
15qui peurent escaper, furent encores rencontré de
chiaus de Laon qui les partuèrent. Et croy que
il n’en escapèrent mies, de trois cens qu’il estoient,
non plus de quinze, que tout ne fuissent mort et
pris. Ceste courtoisie fist messires li Chanonnes de
20Robersart au signeur de Pinon, dont il li sceut grant
gret, et ce fu bien raisons. Or revenrons au siège de
Saint Waleri.
§ 432. Ensi que je vous ay ci dessus dit et comptet,
li signeur de Pikardie, de Artois, de Pontieu et
25de Boulenois furent à siège un grant temps devant
Saint Waleri, et y fisent et livrèrent tamaint grant
assaut, tant par engiens que par aultres instrumens;
et travillièrent, le siège durant, grandement chiaus
de le forterèce. Ossi cil de le garnison se deffendirent
[142] moult vaillamment, et portèrent à chiaus de
l’ost pluiseurs contraires, car il estoient pourveu de
bonne artillerie, et entre yaus fuison de bons compagnons
qui venoient priesque tous les jours escarmucier
5à chiaus de l’host as barrières. Et avint entre
les aultres coses que uns appers chevaliers de Pikardie,
nommés li sires de Bauciien, estoit une fois alés
sus le marine en approçant le chastiel, pour le mieulz
aviser; si fu três [d’aventure[335]] d’un quariel d’espringalle
10qui li passa parmi le corps, et fu là mors: dont
ce fu damages, car il estoit moult gentilz homs et de
bon afaire, et fu grandement plains des barons et
des chevaliers de l’host. Li grant plenté d’artillerie
que cil de Saint Waleri avoient en leur garnison,
15grevoit plus chiaus de l’host que riens née, car on ne
les pooit assallir que ce ne fust grandement à trop
de damage.
Si se tint cilz sièges de l’entrée d’aoust jusques au
quaresme. Et se avisèrent li signeur qui là estoient,
20que point ne s’en partiroient, pour seoir un an, si
l’aroient; et puisque par assaut ne les pooient avoir,
il les afameroient. Sus cel estat se tinrent il un grant
temps, et fisent songneusement garder et gettier tous
les destrois et les passages, et tant que riens ne leur
25pooit venir par mer ne par terre. Si commencièrent
leurs pourveances moult à amenrir, car il n’osoient
issir hors pour aler fourer; et, d’autre part, nulz secours
ne leur apparoit de nul costet. Si se commencièrent
à esbahir, et eurent entre yaus avis et conseil
30que il tretteroient devers les signeurs de l’ost, le
[143] connestable de France, le conte de Saint Pol et les barons
qui là estoient, que il peuissent partir et rendre
le forterèce, salve leurs corps et leurs biens, et aler
quel part qu’il vorroient.
5Li signeur de l’ost regardèrent que Saint Waleri
n’estoit mies une garnison legière à prendre, et que
il y avoient jà esté à siège un grant temps par devant,
et petit y avoient fait: si entendirent as trettiés
des Navarois. Et se porta trettiés finablement
10que cil de Saint Waleri se pooient partir et aler quel
part qu’il voloient, leurs corps tant seulement et ce
que devant yaus en pooient porter, sans nulle armeure.
A grant dur encores peurent il finer parmi
ceste ordenance; car li contes de Saint Pol voloit
15qu’il se rendesissent simplement, ce qu’il n’euissent
jamais fait. Or ne sçai mies au quel pourfit ce fu que
li garnison de Saint Waleri se rendi sitost; mès li
aucun supposent que ce fu à l’avantage des François,
car, se il euissent encores là esté deux jours à siège,
20on les euist combatus, et espoir levés à grant damage,
ensi que on fist chiaus de Mauconseil: je vous
dirai pourquoi.
Messires Phelippes de Navare, qui se tenoit en
Normendie et qui gouvrenoit toute la terre dou roy
25son frère, le conte d’Evrues, et à qui toutes manières
de aultres gens d’armes obeissoient, liquel guerrioient
le royaume de France pour le temps, avoit
esté enfourmés de monsigneur Jehan de Pikegni que
cil de Saint Waleri estoient durement astraint et sus
30le point dou rendre, se il n’estoient conforté. De
quoi li dis messires Phelippes, meus et encoragiés de
lever ce siège, avoit fait une cueilloite et priière de
[144] gens d’armes et de compagnons, partout où il les
pooit avoir, et secretement assamblés à Mantes et à
Meulent. Si en pooit avoir jusques à trois mil, uns
c’autres. Là estoient li jones contes de Harcourt, li
5jones sires de Graville, messires Robers Canolles,
messires Jehans de Pikegni et pluiseur aultre chevalier
et escuier. Et estoient ces gens d’armes, desquelz
messires Phelippes de Navare estoit chiés, venu trois
liewes priès de Saint Waleri, quant elle fu rendue et
10que li François en prisent le possession. Et en seurent
le verité par monsigneur Guillaume Bonnemare
et Jehan de Segure qui les trouvèrent sus le chemin.
De ces nouvelles furent li Navarois tout courouciet,
mès amender ne le peurent.
15§ 433. Encores estoient li signeur de France sus
les camps et tout rengiet, ne nulz ne s’estoit partis,
mais il devoient partir et tourser tentes et trés et se
deslogoient, quant les nouvelles [leur[336]] vinrent que li
Navarois chevauçoient et estoient à mains de trois
20liewes priès d’yaus. Quant li connestables de France,
li contes de Saint Pol, li sires de Chastillon, li sires
de Pois, li sires de Biausaut, li sires de Helli, li sires
de Cresèkes, messires Oudars de Renti, messires Bauduins
d’Ennekins et li baron et li chevalier qui là
25estoient, entendirent ces nouvelles, si en furent par
samblant tout resjoy, et eurent un brief conseil sus
les camps entre yaus quel cose en estoit bon à faire:
si regardèrent pour le mieulz et pour leur honneur,
ou cas que il savoient leurs ennemis si priès d’yaus,
[145] il les iroient combatre. Adonc fu commandé de par
le connestable que cescuns se mesist en arroy et en
ordenance pour chevaucier viers les ennemis. Dont
se arroutèrent toutes manières de gens, cescuns sires
5desous se banière ou sen pennon; et chevaucièrent
ordonneement, ensi que pour tantost combatre, et
sievoient les banières dou connestable et dou conte
de Saint Pol.
Li Navarois entendirent que li François chevauçoient
10et venoient à esploit sus yaus, et estoient bien
trente mil: si n’eurent mies conseil d’yaus attendre,
mès passèrent le Somme, au plus tost qu’il peurent,
et se boutèrent ou chastiel de Lonch en Pontieu,
chevaus et harnois et quanqu’il avoient: si y furent
15moult à estroit. A painnes estoient il ens entré et
descendu, quant li François furent devant, qui les
sievoient de grant volenté; et pooit estre environ
heure de vespres. Et toutdis venoient gens et assambloient
de tous lés, qui sievoient les gens d’armes,
20car encores les communautés des bonnes villes et
des cités de Pikardie ne pooient mies sitos venir que
les gens d’armes. Si eurent conseil là li signeur qu’il
se logeroient devant la forterèce celle nuit, et attenderoient
toutes leurs gens, qui venoient l’un apriès
25l’autre; et à l’endemain il les assaudroient, car il les
tenoient pour tous enclos. Ensi que il fu dit, fu il
fait. Et se logièrent adonc toutes manières de gens
devant Lonch, à le mesure qu’il venoient.
Li Navarois, qui estoient là dedens enclos à petit
30de pourveances, n’estoient mies à leur aise, et prisent
un brief conseil et tout secret que à mienuit il
se partiroient et chevauceroient devers Peronne en
[146] Vermendois. Tout ensi comme il ordonnèrent, il fisent.
Quant ce vint environ mienuit, que li François
en leurs logeis furent tout aquoisiet, li Navarois, qui
estoient dedens Lonch en Pontieu, ensiellèrent leurs
5chevaus et toursèrent et se armèrent. Et quant il eurent
ce fait, il montèrent tout quoiement sans faire
friente ne noise, et issirent as camps par derrière et
prisent le chemin de Vermendois; et furent bien
eslongiet deux grans liewes, ançois que on seuist leur
10departement ne nouvelles d’yaus. Et chevauçoient li
Navarois ensi que messires Jehans de Pikegni les menoit,
qui cognissoit tout le pays. Les nouvelles vinrent
en l’ost que li Navarois s’en aloient et estoient
parti secretement. Adonc s’armèrent toutes manières
15de gens et montèrent as chevaus, qui cheval avoient;
et entrèrent ens ès esclos des Navarois qui s’en aloient
le grant trot. Encores en demorèrent assés derrière
pour cargier les kars et les karettes que il avoient et qui
les sievoient, et cheminèrent ensi tant qu’il fu jours.
20§ 434. Quant li jours fu venus et que on peut recognoistre
li uns l’autre, si se restraindirent li François
et attendirent pour estre mieulz ensamble. Mès
li Navarois avoient grant avantage, et bien leur faisoit
mestier, car li François estoient grant fuison; et
25se leur croissoient gens toutdis, qui se boutoient en
leur route. Et chevaucièrent ensi li une partie et li
aultre, les Navarois devant qui fuioient, tant qu’il
vinrent à Toregni. Toregni est uns petis villages
enmi les camps, qui siet hault sus un tertre dont on
30voit tout le pays environ; et est sus costière entre
Saint Quentin et Pieronne en Vermendois.
[147] Quant messires Phelippes de Navarre, messires
Robers Canolles, et li aultre furent là venu, si
trouvèrent et sentirent grant fuison de leurs chevaus
moult lassés et recreans: si se avisèrent que il
5se arresteroient là et se rafreschiroient un peu et
leurs chevaus ossi; et, se combatre les couvenoit, il
estoient ou terne: si avoient bon avantage d’attendre
leurs ennemis. Adonc se arrestèrent il tout quoi, et
se logièrent ou dit mont de Toregni toutes manières
10de gens de leur costé. Il n’eurent mies longement là
esté, quant tous li pays desous yaus fu couvers de
François et de Pikars; et estoient, que uns que aultres,
plus de trente mil.
Quant messires Phelippes de Navare et messires
15Loeis ses frères et messires Robers Canolles et messires
Jehans de Pikegni, li Bascles de Maruel et li chevalier
et li escuier de leur costé veirent les François
ensi approcier et qui faisoient samblant que d’yaus
tantost venir combatre, si issirent tantost hors de
20leurs logeis, bien rengiet et bien ordonné. Et fisent
jusques à trois batailles bien faiticement, dont messires
Robers Canolles avoit le première, messires Loeis
de Navare et messires Jehans de Pikegni la seconde,
et messires Phelippes de Navare et li jones contes de
25Harcourt, le tierce; et n’avoit en çascune non plus
que de huit cens combatans. Si retaillièrent tous
leurs glaves, à le mesure de cinq piés; et ou pendant
de le montagne où il estoient, il fisent porter par
leurs varlès le plus grant partie de leurs esporons et
30enfouir en terre, les moulètes par dessus: par quoi
on ne les peuist approcier, fors à malaise et en peril.
Et là fist messires Phelippes de Navare le jone
[148] conte de Harcourt chevalier, et leva banière, et le
jone signeur de Graville; et se tenoient tout conforté
pour attendre les François et pour tantost combatre.
§ 435. Onques li François ne peurent sitost venir
5que li Navarois ne fuissent bien ordonné et mis en
trois batailles, ce que il avoient d’arciers devant
yaus, et cescuns sires entre ses gens, se banière ou
se pennon devant lui. Quant li baron et li chevalier
de France en veirent le convenant, si se arrestèrent
10tout quoi devant yaus enmi les camps, et se misent
tout à piet, et consillièrent de premiers comment
il se maintenroient. Li pluiseur voloient que tantost
et sans delay on alast combatre les ennemis. Li
aultre debatoient ceste ordenance et disoient: «Nos
15gens sont lassé et travilliet, et s’en y a encores grant
fuison derrière; s’est bon que nous les attendons
et nous logons meshui ci. Tantost sera tart, et demain
nous les combaterons plus ordonneement.»
Cilz consaulz, par droite election, fu tenus. Et se logièrent
20li François là devant les Navarois enmi les
camps, bien et faiticement, ce fu tantost fait; et rengièrent
tout leur charoi, dont il avoient grant fuison,
autour d’yaus.
Et quant li Navarois veirent leur couvenant et que
25point ne seroient combatu, si se retraisent sus le soir
en leur fort, ou village de Toregni, et se aisièrent de
ce qu’il avoient: ce n’estoit point plenté. Et se consillièrent
ce soir que, si tretos que il seroit anuitit, il
monteroient as chevaus et passeroient le rivière de
30Somme à gué assés priès de là, et costiieroient les
bos de Bohain: il avoient bien entre yaus qui les
[149] saroient mener et conduire. Tantost, à l’endemain, il
se trouveroient à Velli, qui se tenoit pour yaus; et,
se il y estoient, il seroient escapé de tous perilz.
§ 436. Tout ensi que messires Phelippes de Navare
5et ses consauls ordonnèrent, il fisent et tinrent
en secré leur ordenance; et fisent par samblant
grant appareil de feus et de fumières, pour donner à
entendre qu’il voloient là logier le nuit. Sitost que
il fu anuitit, il fist malement brun et espès, il eurent
10leurs chevaus tout appareilliés et tous prês: si montèrent
sus et se partirent sans faire noise ne huée. Et
prisent les camps et s’avalèrent devers le rivière de
Somme, et le passèrent au plat et sus le large, à un
petit village qui là est assés priès de Betencourt. Et
15puis cheminèrent oultre vers les bos de Bohain et
les costiièrent, et chevaucièrent celle nuit plus de
sept liewes: dont il en demora assés de mal montés
que chil de Bohaing trouvèrent à l’endemain, qu’il
prisent et amenèrent en leur garnison. Et ossi li paisant
20dou pays en tuèrent aucuns qu’il escloïrent et
qui ne pooient sievir le route de leurs mestres, ou
qui avoient perdu leur chemin, car il n’attendoient
nullui.
Or vous compterai des François, comment il se
25maintinrent. Nouvelles leur vinrent, un petit devant
le jour, que li Navarois s’en aloient et estoient parti
très devant le mienuit, et pooient estre jà plus de
cinq grosses liewes loing. Quant li baron et li chevalier
de France entendirent ce, si furent par samblant
30bien esmervilliet et trop courouciet; et fisent
sonner leurs trompètes en grant haste, et se armèrent
[150] et montèrent à cheval toutes manières de gens.
Là fu demandé entre yaus quel chemin il tenroient.
Si regardèrent li signeur que de sievir les Navarois
[et] les esclos qu’il faisoient, il ne pooient pourfiter,
5mais il venroient passer le rivière de Somme au pont
à Saint Quentin; et isteroient hors d’autre part au
lés devers Lience: par ensi adevanceroient il les Navarois.
Si montèrent tantos tout à cheval et chevaucièrent
sans arroi, cescuns qui mieulz mieulz, à
10l’adrèce vers le ville de Saint Quentin; et vinrent là
droit à l’aube crevant, car il n’i avoit que deux petites
liewes. Si estoient tout devant li connestables
de France, li contes de Saint Pol ses neveus, li sires
de Saint Venant et aucun aultre grant signeur qui
15voloient faire les portes ouvrir.
Quant les gardes de le ville, qui estoient amont en
le première porte, entendirent cel effroi et oïrent
ces chevaus arutellier, et si sentoient par avis leurs
ennemis les Navarois logiés dalés yaus, si ne furent
20mies bien asegur; mais jà estoit li pons levés: si ne
leur pooit on porter nul contraire. Les gardes demandèrent:
«Qui es ce là qui nous approce de si
priès à ceste heure?» Li connestables de France respondi:
«Ce sommes nous vo amit, telz et telz, qui
25volons passer parmi ceste ville, pour adevancier les
Navarois qui sont parti et emblet de Toregni et s’enfuient.
Se vous n’ouvrés tantost, nous le vous commandons
de par le roy.» Les gardes respondirent au
connestable et disent: «Certes, monsigneur, nous
30n’avons pas les clés, elles sont en la ville devers les
jurés.»—«Or tost, dist li connestables, alés les
querir et nous ouvrés les portes.»
[151] Adonc descendirent doi homme de leur garde et
vinrent en le ville devers chiaus qui les clés gardoient,
et leur comptèrent tout ce que vous avés oy. Cil qui
oïrent ces nouvelles, furent moult esmervilliet et disent
5que il ne feroient pas cel outrage de ouvrir les
portes de Saint Quentin à tèle heure, sans le conseil
de toute le ville: si fisent les hommes de le ditte ville
esvillier et estourmir et assambler enmi le marchiet.
Anchois que ce fu fait, estoit il priès de soleil levant.
10Là fu consilliet et dit entre yaus comment il responderoient
tout d’un acord. Et puis s’en vinrent à le
porte, et montèrent cil qui respondre devoient,
amont en le porte; et boutèrent les testes hors par
les fenestres, et disent au connestable et au conte de
15Saint Pol qui là estoient tout devant: «Chier signeur,
aiiés nous pour escusé celle fois; c’est li consauls
de le communaulté de le ville que vous cinq
ou vous six, qui là estes, tant seulement y enterés, se
il vous plest, pour l’onneur de vous; et li aultre voisent
20querre voie et adrèce là où il leur plaist, car par
ci ne passeront il point.»
Quant li connestables et li contes de Saint Pol
oïrent ceste response, si en furent tout abus, et ne
leur plaisi mies bien. Et y ot là grosses parolles et
25villainnes; mais nonobstant ce, onques cil de Saint
Quentin ne se veurent abrisier ne acorder que il ouvresissent
leur porte. Si demora la cose en cel estat.
Et n’eurent mies li signeur de France qui là estoient
conseil de plus poursievir les Navarois, car il veoient
30bien qu’il perderoient leur painne. Si se departirent
tout li un de l’autre, et leur donna li connestables
congiet. Si s’en ala cescuns en son hostel au plus
[152] droit qu’il peut et sceut. Et li jones contes de Saint
Pol s’en vint en son chastiel de Bohain, si courouciés
que à painnes voloit parler à nullui.
§ 437. Ensi se desrompi ceste grosse chevaucie, li
5François d’une part et li Navarois d’autre. Che
meisme jour, vinrent il à Velli et passèrent le rivière
d’Oize à gué. Se s’i rafreschirent messires Phelippes
de Navare et ses frères et li contes de Harcourt et
messires Robers Canolles. Et puis s’en partirent, quant
10il sceurent que bon fu, et retournèrent en Normendie.
Et chevaucièrent segurement de forterèce en
forterèce, car il estoient tout mestre et signeur des
rivières et dou plat pays. Et entrèrent de rechief en
le conté d’Evrues et en l’isle de Constentin; si guerriièrent
15le Normendie comme en devant.
D’autre part, se tenoit li rois de Navare à Melun
sus Sainne, à grant fuison de gens d’armes qui guerrioient
le bon pays de Brie et de Gastinois; et ne
demoroit riens dehors les forterèces. Et messires
20Pières d’Audelée et messires Eustasses d’Aubrecicourt
se tenoient en Campagne qui destruisoient ossi tout
celi pays. Et pensoient et soutilloient nuit et jour,
yaus et leurs gens, à prendre, à embler et à eschieller
villes, chastiaus et forterèces.
25Dont il avint que cil de Chaalons en Champagne
en furent en grant peril de chiaus de le garnison de
Biaufort qui siet entre Troies et Chaalons, dont messires
Pières d’Audelée estoit chapitainne, et vous dirai
comment ce fu. Li dis messires Pières ou ses gens
30couroient priès tous les jours jusques as portes de
Chaalons et autour de le cité. Si ne pooit estre que
[153] il ne imaginassent et considerassent là où il faisoit le
plus fort et le plus foible: si jettèrent une fois leur
avis l’un parmi l’autre que, se il pooient passer le
rivière de [Marne[337]] au dessus et venir devers l’abbeye
5de Saint Pière, il enteroient trop legierement
en le cité. Si attendirent tant sus ce pourpos et tinrent
toutdis leur avis en secré, que li rivière de Marne
fu bien basse; car il faisoit malement grant secheur
de temps.
10Adonc messires Pières d’Audelée fist une assamblée
secretement de ses compagnons, car il tenoit bien
cinq ou six forterèces autour de li. Et furent [en sa
route[338]] bien quatre cens combatans: si se partirent
de nuit de Biaufort; et chevaucièrent tant que, environ
15mienuit, il vinrent au passage sus le rivière de
Marne, là où il tendoient à passer, et trop bien
avoient de chiaus dou pays meismement qui les menoient.
Quant il vinrent sus le passage, il descendirent
tout à piet et donnèrent leurs chevaus à leurs
20varlès, et puis entrèrent en l’aigue qui pour l’eure
estoit moult plate et bien courtoise, car ou plus
parfont il n’en eurent mies jusques au brail; et furent
tantost oultre, et puis vinrent le petit pas devers
l’abbeye de Saint Pière par où il entendoient à entrer
25en le cité, ensi qu’il fisent.
Bien avoit des gardes et des gais fuison espars parmi
la ville, de rue en rue et de quarfour en quarfour:
dont cil qui estoient le plus proçain de celle abbeye
de Saint Pière, qui gist tout amont au dehors de le
[154] cité, ooient clerement le bondissement des armeures
des Navarois; car ensi que il passoient, leurs armeures
sonnoient et retentissoient. De quoi li pluiseur, qui
cela ooient, s’en esmervilloient que ce pooit estre;
5car à le fois messires Pières et ses gens cessoient d’aler
avant. Et si tretost que il se rescueilloient à l’aler,
cilz sons et retentissemens revenoit à ces gardes qui
estoient en le rue Saint Pière, car li vens venoit de
ce costet, et com plus approçoient, et plus clerement
10l’ooient: c’estoit raisons. Dont disent tout notorement
entre yaus: «Par le corps Diu, veci ces larrons
englès et navarois qui viennent pour nous eschieller
et prendre. Or tos, or tos, faisons noise, esvillons
chiaus de le cité, et li aucun voisent vers Saint Pière
15à savoir que ce voelt estre.»
Il n’eurent onques sitost fait et ordonné leur besongne,
ne fait friente en le ville, que messires Pières
d’Audelée et se route furent en le court de Saint Pière;
car li muret à cel endroit n’avoient point adonc quatre
20piés de hault à monter, et boutèrent tantost oultre
le porte de l’abbeye, et entrèrent en le rue qui est
grande et large. Cil de le cité estoient jà moult effraé,
car on crioit partout: «Trahi! trahi! à l’arme! à l’arme!»
Si s’armoient et appareilloient les bonnes gens
25au plus tost qu’il pooient, et se recueilloient et mettoient
ensamble pour estre plus fort, et venoient baudement
devers leurs ennemis. Cil qui premiers y alèrent,
il furent tout mort et ruet par terre, et en y
eut grant fuison d’atierés.
30Et chei adonc si mal à point à chiaus de Chaalons
que Pières de Bar, qui avoit estet chapitainne et gardiiens
de le cité, à plus de cent lances, un an tout
[155] plain, sen estoit nouvellement partis; car il ne pooit
estre à sa volenté paiiés de ses gages. Cil de le cité,
où il y a grant communauté, s’estourmirent de tous
lés et de tous costés, et se misent fierement à deffense.
5Et bien leur besongnoit, car aultrement il
euissent estet tout mort et perdu; et reçurent jusques
adonc trop grant damage de leurs gens. Et conquisent
li Englès et li Navarois toute le première
ville jusques as pons de Marne. Oultre les pons se
10recueillièrent cil de le cité, et eurent cel avis que il
deffisent en grant haste ce premier pont, et ce leur
valli trop grandement. Là eut à ce pont lanciet, tret
et escarmuciet et fait mainte apertise d’armes. Et
trop bien assalloient et se combatoient les gens à
15messire Pière d’Audelée, et se avançoient aucun arcier
d’Engleterre qui là estoient, et passoient sus les gistes
dou pont et traioient telement à chiaus de Chaalons
que nulz n’osoit entrer en lor tret.
En celle rihote furent il jusques à hault miedi. Et
20voelent dire li aucun que briefment Chaalons euist
esté adonc gaegnie, se n’euist esté messires Oedes,
sires de Grantsi, qui avoit esté inspirés et certefiiés
le jour devant de le chevaucie des dessus dis Englès:
dont en grant haste, pour chiaus de Chaalons conforter,
25il avoit priiet et cueilliet des compagnons,
[chevaliers et escuiers, autour de lui et de son hostel,
car il sçavoit bien que dedens Chalon il n’y avoit nul
gentil homme: si monta à cheval, et en sa route[339]]
environ soixante lances [de bonnes gens[340]] chevaliers
[156] et escuiers. Si y estoient messires Phelippes de Jaucourt,
messires Ansiaus de Biaupret, messires Jehans
de Germillon et pluiseur aultre. Et esploitièrent tant,
de jour et de nuit, que il vinrent à Chaalons en
5Champagne, à le propre heure que cil Englès et Navarois,
desous messire Pières d’Audelée, se combatoient
au pont et mettoient grant entente au conquerre.
Sitos que il furent entré en le ville, il misent
piet à terre et se ordonnèrent ensi que pour tantos
10combatre, et vinrent au pont. Là fist li sires de
Grantsi desvoleper se banière et mettre devant lui, et
approça les Englès de grant volenté.
§ 438. De le venue le signeur de Grantsi furent
cil de Chaalons moult resjoy, et il eurent droit, car
15sans lui et son confort euissent il eu fort temps; et
ce rafresci et rencoraga durement chiaus de le ville.
Quant messires Pières d’Audelée et li sien veirent le
banière le signeur de Grantsi et grant route de Bourghegnons,
chevaliers et escuiers, là venus, si sentirent
20assés que il avoient falli à leur entente et que li sejourners
ne leur estoit point pourfitable. Si se retraisent
tout bellement et tout sagement petit à petit, et
prisent le voie que il estoient venu, quant il entrèrent
ens; et issirent hors par le ditte abbeye de Saint
25Pière. Si trouvèrent sus le rivage de Marne leurs
varlès qui leur avoient amené leurs chevaus; si montèrent
sus et rapassèrent le rivière sans empecement,
et retournèrent arrière à petit de conquès deviers
Biaufort.
30De leur departement furent cil de Chaalons moult
joiant, et loèrent Dieu, quant à si bonnes il en
[157] estoient escapé. Et remerciièrent grandement le signeur
de Grantsi dou secours et de le courtoisie que
il leur avoit fait, et li donnèrent tantos cinq cens
frans pour lui et pour ses gens. Et priièrent à un
5chevalier qui là estoit, de Campagne, et leur voisins,
qui s’appelloit messires Jehans de Sars, que il volsist
demorer dalés yaus pour mieulz avoir conseil et
ayde. Li chevaliers leur acorda, parmi les bons gages
qu’il li delivrèrent; et entendi à fortefiier et au remparer
10la ditte cité, là où il besongnoit le plus.
En ce temps, avint que cil de le garnison de Velli
et cil de le garnison de Roussi se cueillièrent ensamble
et vinrent prendre par force et par assaut la
ville de Sissonne, et fisent ens une grande garnison
15de toutes gens assamblés, qui avoient un chapitainne
que on clamoit Hanekin François; et estoit uns garçons
nés de Coulongne sus le Rin, et estoit si cruelz
et si austers en ses chevaucies que c’estoit sans pité
et sans merci ce dont il estoit au deseure. Ceste garnison
20de Sissonne et cil qui dedens se tenoient, fisent
moult de villains fais et de grans damages aval le
pays, et ardoient tout sans deport, et occioient
hommes et femmes et petis enfans qu’il ne pooient
rançonner à leur volenté.
25Or avint un jour que li contes de Roussi, qui avoit
l’aïr encores et le mautalent en son cuer, c’estoit
bien raisons, de sa ville et de son chastiel de Roussi
que li pilleur, nommet Englès, Alemant et Navarois,
tenoient, fist une priière as chevaliers et escuiers
30d’entour lui, et eut bien cent lances, parmi quarante
hommes à chevaus que il amena de le cité de Laon;
et eut adonc par priière le conte de Porsiien,
[158] monsigneur Gerart de Cavenchi, le signeur de Montegni
en Ostrevant et pluiseurs aultres chevaliers et escuiers.
Si chevaucièrent un jour et vinrent devers
Sissonne, et trouvèrent ces Alemans, nommés Navarois,
5qui ardoient un village: si leur coururent sus
baudement et delivrement. Cilz Hanekins François et
se route misent tantost piet à terre et se recueillièrent
bien et faiticement, et rengièrent tous leurs arciers
devant yaus.
10Là eut fort hustin et dur, d’un lés et de l’autre. Et
trop bien furent assalli chil Navarois, qui estoient gens
de tous pays; et ossi il se deffendirent trop bien et
trop vassaument. Et bien le couvenoit, car il estoient
fort requis et combatu, et euissent esté desconfi, il
15n’est mies doubte, se li bourgois de Laon fuissent
demoret; mès il se partirent à petit de fait et se misent
au retour devers Laon, dont il reçurent grant
blasme. Et li aultre demorèrent, qui se combatirent
assés longement et vaillamment: toutesfois la journee
20ne fu point pour yaus. Là fu li contes de Porsiien
durement navrés et à grant meschief sauvés. Là
furent li sires de Montegni et messires Gerars de Cavenci
pris, et pluiseur aultre homme d’armes, et li
conte de Roussi moult navrés et pris la seconde fois,
25et livrés à Rabigot de Duri et à Robin l’Escot, qui
l’emmenèrent de recief en prison en son chastiel de
Roussi. Ces deux aventures eut il sus, mains d’une
anée.
§ 439. Ensi estoit li royaumes de France, de tous
30lés, pilliés et desrobés; ne ne savoit on de quel part
chevaucier que on ne fust rués jus. Et se tenoit
[159] messires Eustasces d’Aubrecicourt en Campagne, dont il
estoit ensi que tous mestres; et avoit dou jour à l’endemain,
[quant il voloit[341]], sept cens ou mil combatans.
Et couroient il ou ses gens, priesque tous les
5jours, une fois devant Troies, l’autre devant Prouvins,
et jusques au Chastiel Therri et jusques à Chaalons.
Et estoit tous li plas pays en leur merci, d’une
part et d’autre Sainne, et d’une part et d’autre Marne.
Et fist là en ce temps li dis messires Eustasses
10d’Aubrecicourt, ou pays de Brie et de Campagne, pluiseurs
belles baceleries et grans apertises d’armes, et
rua jus par pluiseurs fois moult de chevaucies de
gentilz hommes; ne nulz ne duroit devant lui, car il
estoit jones et amoureus et durement entreprendans.
15Et y conquist très grant avoir, en raençons, en vendages
de villes et de chastiaus, et ossi en racas de
pays d’ardoir et de maisons, et en saus conduis qu’il
donnoit; car nulz ne pooit aler ne venir, marchans
ne aultres, ne issir des [cités et des[342]] bonnes villes,
20que ce ne fust par son dangier, et tenoit à ses gages
bien mil combatans et dix ou douze forterèces.
Li dis messires Eustasses amoit à ce donc très
loyaument [par amours[343]] une dame de moult grant
linage, et la dame ossi li. On le poet bien nommer,
25car il l’eut depuis à femme et à espeuse: on l’appelloit
madame Ysabiel de Jullers, fille jadis au conte
de Jullers, de l’une des filles le conte de Haynau; et
estoit la royne d’Engleterre sen ante: laquelle eut en
sa jonèce espousé en Engleterre le conte de Kent,
[160] mès il morut jones. Si estoit ceste dame jone et
avoit enamouré monsigneur Eustasce, pour les grans
baceleries et appertises d’armes que elle en ooit tous
les jours recorder. Et le temps que messires Eustasses
5se tint en Campagne, la ditte dame li envoia haghenées
et coursiers pluiseurs, et lettres amoureuses et
grans segnefiances d’amours: par quoi li dis chevaliers
en estoit plus hardis et plus corageus, et faisoit
tant de grans apertises d’armes que cescuns parloit
10de lui.
§ 440. Apriès le rendage de Saint Waleri, si com
ci dessus vous avés oy recorder, li dus de Normendie
fist une grant cueilloite de chevaliers et d’escuiers,
et estoient bien doi mil lances. Si se parti de la
15cité de Paris et s’en vint mettre le siège devant Melun
sus Sainne, où les gens le roy de Navare se tenoient,
car li corps dou roy n’i estoit point, mès se
tenoit en Normendie en le conté d’Evrues, ens ou
fort chastiel de Vernon, assés priès de le bonne ville
20de Kem, et là honnissoit tout le pays. Si estoient
chapitainne de par lui de le ville de Melun doi chevalier
navarois, dont li uns s’appelloit messires
Jehans de Pipes et li autres messires Jehans Carbiniaus.
Dedens la ville de Melun avoit, au jour que li
25dus de Normendie le vint assegier, trois roynes: li
une la royne Jehane, ante dou roy de Navare et
femme jadis au roy Charle de France; l’autre la
royne Blanche, femme jadis au roy Phelippe et soer
germainne au roy de Navare; la tierce la royne de
30Navare et soer au duch de Normendie. Li dus de
Normendie envoia là son mandement, car en personne
[161] il n’i vint mies, monsigneur Moriel de Fiennes,
connestable de France, le conte de Saint Pol,
monsigneur Ernoul d’Audrehen, mareschal de France,
monsigneur Raoul de Couci, le signeur de Rainneval,
5le signeur de Grantsi, l’evesque de Troies, messire
Brokart de Fenestrages, Pière de Bar et Phelippe
des Armoies et pluiseurs bons chevaliers et escuiers
de Pikardie, d’Artois, de Vermendois, de Bourgongne,
de Brie et de Campagne, et estoient bien troi
10mil lances.
Quant ces gens d’armes, de par le duc de Normendie
là envoiiés, furent venu devant Melun sus
Sainne, si le assegièrent tout environ, et y fisent
amener et achariier de Paris grant fuison de biaus
15engiens et d’espringalles, qui jettoient nuit et jour
dedens le forterèce. Avoech tout ce, les gens d’armes
y livrèrent pluiseurs grans assaus. Si se commencièrent
li Navarois, qui dedens estoient, à esbahir, et
plus encores les roynes; et euissent trop volentiers
20veu les dittes dames, que cilz sièges se fust deffais, à
quel meschief que ce fust. Mais les capitainnes, messires
Jehans de Pipes et messires Jehans Carbiniaus,
les reconfortoient ce qu’il pooient, et leur disoient:
«Dames, ne vous esbahissiés noient, car un de ces
25jours sera levés li sièges de par monsigneur; car il le
nous a segnefiiet qu’il ne demorront point ci longement
que il ne soient combatu.»
Li dis rois de Navare, qui se tenoit à Vrenon, assambloit
voirement et prioit gens de tous costés, en
30istance de ce que pour venir lever le siège. Messires
Phelippes de Navare, ses frères, d’autre part, prioit
et cueilloit gens de tous costés, et en avoit grant fuison;
[162] si faisoient leur amas à Mantes et à Meulent. Et
y devoient estre en celle chevaucie chil de le garnison
de Cray, de le Herielle, de Clermont, de Mauconseil
et de pluiseurs forterèces navaroises que li
5Navarois et li Englès, tout d’une sorte, tenoient là environ.
D’autre part, messires Eustasses d’Aubrecicourt
et messires Pières d’Audelée estoient tout enfourmé
de le journée; et y devoient estre ossi avoech
tout ce que il poroient avoir de gens. Li dus de Normendie
10retenoit tous les jours gens d’armes et saudoiiers
là où il les pooit avoir, car bien savoit que li
rois de Navare et messires Phelippes ses frères se
mettoient en painne de venir lever le siège et combatre
ses gens.
15Che siège pendant, et d’autre part le roy de Navare
lui pourcaçant, s’ensonnioient bonnes gens d’apaisier
et de mettre ces deux signeurs à acord; car
adonc estoient en France li doy cardinal, li cardinaus
de Pieregorch et li cardinaulz d’Urgel, et ossi aucun
20sage baron de France qui veoient le pestilence et
misère où li royaumes estoit encheus. Si fu tant alé
de l’un à l’autre et pourparlé, que journée de pais fu
assignée à estre à Vrenon; et là furent li dus de Normendie
et ses consaulz, et d’autre part li rois de
25Navare et messires Phelippes ses frères. Si se porta si
bien la journée, que pais fu faite, et devint li rois
de Navare bons françois, et le jura à estre, et mist
en sa pais jusques à trois cens chevaliers et escuiers
asquelz li dus de Normendie pardonna tous ses mautalens:
30si en excepta il aucuns des aultres que il ne
volt mies pardonner leurs meffais.
A celle pais ne se volt onques tenir ne acorder
[163] messires Phelippes de Navare, et dist au roy son
frère que il estoit tous enchantés et se desloyautoit
grandement envers le roy d’Engleterre avoecques qui
il estoit alloiiés, et liquelz rois li avoit toutdis si loyaument
5aidiet à faire sa guerre. Si se parti li dis messires
Phelippes de Navare, par grant mautalent, de
son frère, lui quatrime tant seulement; et chevauça
au plus tost qu’il peut devers Saint Salveur le Visconte,
et là se bouta, qui estoit garnison englesce.
10Et en estoit chapitainne, de par le roy d’Engleterre,
uns chevaliers englès, qui s’appelloit messires Thumas
d’Augourne, qui rechut adonc à grant joie le
dit monsigneur Phelippe de Navare, et dist qu’il
s’acquittoit bellement et loyaument devers le roy
15d’Engleterre.
§ 441. Parmi l’ordenance de celle pais, demorèrent
au roy Charlon de Navare pluiseurs villes et
chastiaus en Normendie qui estoient en devant en
debat, et par especial Mantes et Meulent, que il n’euist
20rendu pour nulle aultre garnison. Et fu adonc la pais
faite dou jone conte Guillaume de Harcourt et dou
duch de Normendie. Si y rendi messires Loeis de
Harcourt grant painne, qui estoit dou conseil et de
l’ostel le dit duc. Et par bonne confederation et plus
25grant conjonction d’amours, li dus de Normendie li
donna à femme une jone damoiselle, qui avoit estet
fille à monsigneur le duch de Bourbon et qui estoit
sereur de sa femme la duçoise de Normendie.
Ensi demora la cose en bon estat. Et se deffist li
30sièges de devant Melun sus Sainne. Et s’en partirent
toutes manières de gens d’armes, et demora la ville
[164] françoise. Nonobstant ce et la pais faite dou roy de
Navare et dou duch de Normendie, se fu li royaumes
de France ossi fort guerriiés comme il avoit esté
en devant, car les triewes estoient nouvellement fallies
5entre le royaume d’Engleterre et le royaume de
France: si ques ces gens d’armes, qui avoient fait
guerre pour le roy de Navare, tant en France, en
Pikardie, en Champagne, en Brie, en Bourgogne, en
Biausse et en Normendie, le fisent forte et villainne,
10au title dou roy d’Engleterre. Et ne se tourna onques
forterèce, pour pais qui y fust; car li compagnon
avoient apris à pillier et à rançonner gens et
pays et à chevaucier, telz deux mil en y avoit, à
dix ou à vingt chevaus, que, se il fussent chiés yaus,
15espoir alaissent il à piet.
Apriès le departement dou siège de Melun sus
Sainne, li eveskes de Troies, qui fu uns bons guerriières
et entreprendans durement, retourna en sa
cité de Troies, et avoecques lui messires Brokars de
20Fenestrages, uns appers et hardis chevaliers durement
et renommés et usés d’armes. Et estoit cilz
messires Brokars de le nation de Loeraingne, et tenoit
desous lui et à ses gages bien cinq cens compagnons,
dont il estoit aidiés et servis. Se le priièrent
25li dus de Normendie, li evesques de Troies, li contes
de Wedimont et li signeur de Campagne, que il volsist
demorer dalés yaus, pour yaus aidier à mettre
hors ces Englès qui s’i tenoient et qui nuit et jour les
guerrioient. Tant fu priiés li dis messires Brokars que
30il s’acorda à aidier à delivrer le pays de Campagne
de ses ennemis, parmi une grande somme de florins
qu’il devoit avoir pour li et pour ses gens.
[165] Adonc s’assamblèrent ces gens d’armes à Troies,
de Campagne et de Bourgongne, li evesques de
Troies, li contes de Wedimont, li contes de Joni,
messires Jehans de Chalon et messires Brokars, qui
5menoit le plus grant route; et furent bien mil lances
et quinze cens brigans. Si se traisent premierement
ces gens d’armes par devant le fort chastiel de Hans
en Campagne, que Englès tenoient et avoient tenu
bien an et demi. Sitos que il furent venu, il le assallirent
10fierement, et cil de dedens se deffendirent de
grant volenté. Si ne l’eurent mies ces gens d’armes
dou premier assaut ne dou second; mès il l’eurent
au tiers, et le conquisent par grant fait d’armes et
par bien continuelment assallir. Si entrèrent ens les
15gens messire Brokart, et y eut mors bien quatre vingt
Englès, ne nulz n’i fu pris à merci. Quant il eurent
ensi fait, il se retraisent devers Troies et s’i rafreschirent.
Et eurent conseil entre yaus que ilz se trairoient
devers Pons sus Sainne et deviers Nogant, et
20ne cesseroient si aroient ruet jus monsigneur Eustasce
d’Aubrecicourt, qui leur faisoit et au pays de
Campagne tous les destourbiers.
§ 442. Adonc se partirent ces gens d’armes de
Troies, et estoient bien douze cens lances et neuf cens
25brigans, et prisent leur chemin pour venir devers
Nogant sur Sainne. Les nouvelles estoient venues à
monsigneur Eustasse d’Aubrecicourt, qui se tenoit
adonc à Pons sur Sainne, que messires Brokars et li
evesques de Troies devoient chevaucier: de laquèle
30avenue il avoit grant joie, et moult les desiroit à
trouver. Si estoit issus de Pons à tout ce que il avoit
[166] de gens d’armes et d’arciers, et avoit mandet tous
chiaus des garnisons de là entours qui à lui se tenoient,
et yaus segnefiiet que il fuissent à telle
heure que il leur assigna, sus les camps, entre Nogant
5et Pons sur Sainne. Tout y vinrent cil qui
mandé y furent: si se trouvèrent bien quatre cens
lances et environ deux cens arciers.
Quant messires Eustasses les vei tous ensamble, si
dist: «Nous sommes gens assés pour combatre tout le
10pays de Campagne: or chevauçons ou nom de Dieu
et de saint Jorge.» Et estoit adonc li dis messires
Eustasces armés de toutes pièces, excepté son bachinet,
et chevauçoit une blanche haghenée moult bien
alant, que s’amie par amours li avoit envoiie, et
15un coursier ossi que on li menoit en diestre. Et n’eurent
gaires chevauciet li Englès, quant il oïrent nouvelles
des François; et raportèrent li coureur, de
l’une partie et de l’autre, que il avoient veus les ennemis.
Pas ne cuidoient li Englès que li François
20fuissent si grant fuison qu’il estoient; car, se messires
Eustasses l’euist sceu, il se fust mieulz pourveus
de gens qu’il ne fist; et euist eu trop volentiers messire
Pière d’Audelée et Albrest, qui [l’euissent[344]] reconforté
de quatre cens ou de trois cens combatans.
25Sitost que messires Eustasses sceut quel part li François
estoient, il recueilla toutes ses gens ensamble et
se mist en un tertre au dehors de Nogant, ou fort
d’une vigne, ses arciers par devant lui.
Evous les François tantost venus. Quant il perçurent
30les Englès arestés et mis en ordenance de bataille,
[167] il s’arrestèrent tout quoi et sonnèrent leurs
trompètes, et se recueillièrent tout ensamble et ordonnèrent
trois batailles: en çascune avoit quatre
cens lances. Si gouvrenoit la première li evesques de
5Troies et messires Brokars; la seconde, messires Jehans
de Chalon et li contes de Joni; la tierce, li
contes de Genville. Et point n’estoient encores li
brigant venu, car il venoient tout à piet: si ne
pooient mies si bien esploitier, que cil à cheval. Si
10desploiièrent cil signeur de France leurs banières et
detriièrent un petit, pour le cause de ce que il voloient
avoir leurs brigans.
D’autre part, messires Eustasses avoit pris le fort
d’une vigne, sus une petite montagne, et avoit mis
15tous ses arciers par devant se bataille. Si veoit trois
batailles desous lui, et en çascune otant de gens par
samblant, François, Campegnois, Pikars, Bourguignons
et aultres, que il avoit en se route; mès de ce
n’estoit il noient effraés, mès disoit à tous chiaus qui
20le pooient oïr: «Signeur, signeur, combatons nous
de bon corage: ceste journée sera nostre, et puis
serons tout signeur de Campagne. J’ay pluiseurs fois
oy compter que il y a eu un conté de jadis en Campagne:
encore poroi je bien tant faire de services au
25roy d’Engleterre que je tieng pour roy de France,
car il calenge l’iretage et le couronne, que par conquès
il le me donroit.» De ces parolles se resjoïssoient
li compagnon qui estoient dalés lui et disoient:
«Par monsigneur saint Jorge, sire, nous y
30metterons painne.»
Adonc appella il aucuns jones escuiers qui là estoient,
telz que Corageus de Mauni un sien cousin,
[168] Jehan de Paris, Martin d’Espagne et aultres que je
ne sçai nommer, et les fist là chevaliers, et puis ordonna
toutes gens aler à piet et retaillier cescun son
glave à le volume de cinq piés. Li François, qui veoient
5leur couvenant, les desiroient moult à combatre;
mès il attendoient leur brigans, qui point ne venoient,
pour yaus faire assallir et escarmucier contre
les arciers, pour attraire messire Eustasse et se bataille
hors de leur fort. Mès messires Eustasses ne
10l’avoit mies en pourpos; ains se tenoit franchement
sus le montagne, son pennon devant lui, qui estoit
d’ermine à deux hamèdes de geules.
§ 443. Quant messires Brokars de Fenestrages,
qui estoit hardis et outrageus chevaliers durement,
15vei que messires Eustasses ne se bataille ne descenderoient
point de le montaigne, si dist: «Alons,
alons vers yaus; il les nous fault combatre, à quel
meschief que ce soit.» Adonc s’avança il et se
bataille, et d’autre part li evesques de Troies, et
20approcièrent leurs ennemis. Messires Eustasses et se
route attendirent celle bataille franchement et le
recueillièrent as fers des glaves, telement que onques
li François ne le peurent brisier ne entrer, ne point
ne branla; mès il rompirent et branlèrent ceste des
25François. Et en y eut plus de soixante, à celle première
empainte, reversés et rués par terre; et euist
estet desconfite sans recouvrier, quant la seconde bataille
des François approça, que messires Jehans de
Chalon et li contes de Joni menoient. Ceste fresce
30bataille resvigura grandement la première et remist
ensamble, qui estoit jà toute esparse. Adonc arcier
[169] commencièrent à traire radement et fierement, et
à emploiier saiettes telement que nulz ne les osoit
approcier, ne entrer en leur tret. Adonc se hasta la
tierce bataille que li contes de Wedimont menoit,
5où moult avoit de bonnes gens d’armes, et vint sus
èle ferir sus le bataille messire Eustasse. A ces nouvelles
gens entendirent tantost li Englès de grant
volenté, et les recueillièrent fierement et roidement.
10Là eut fait mainte grant apertise d’armes. Et trop
vaillamment se combatoit messires Eustasses, car
toute li priesse estoit à lui et desous son pennon,
pour le cause de ce que il sambloit as François, et
voirs estoit, que, se on l’avoit mort ou pris, li demorant
15estoient desconfi. Et ossi toute li fleur des gens
messire Eustasse d’Aubrecicourt estoient dalés lui,
tant pour son corps et son pennon aidier à garder,
que pour leur honneur avancier. Là eurent messires
Eustasses et ses gens grant fais sus leurs bras, car par
20bon compte li François estoient bien troi contre un.
Là couvint ces nouviaus chevaliers souffrir moult
de painne, se loyaument se voloient acquitter; et
oil voir, il n’en y eut nul qui trop bien n’en fesissent
leur devoir. Là y fist messires Eustasses d’Aubrecicourt,
25par especial, tamainte grande apertise d’armes,
et se combati si vassaument que on se poroit
esmervillier de ce qu’il y fist; car, d’un glave que il
tenoit, il en versa jusques à quatre des plus vighereus,
jus par terre et navra durement; ne nulz ne
30l’osoit approcier, pour les grans apertises d’armes
qu’il faisoit.
Quant messires Brokars de Fenestrages, qui estoit
[170] fors chevaliers et durs malement, en vei le manière,
il prist sen glave entre ses poins et le lança par dessus
les tiestes de tous les aultres qui estoient entre li
et messire Eustasce, et l’avisa si bien en lanchant,
5que la glave vint cheoir droitement en le visière dou
bacinet dou dit messire Eustasse, et si roit y descendi
que li fiers, qui estoit durs, temprés et bien
acerés, rompi trois dens en le bouce dou dit chevalier.
Messires Eustasses, qui vit en l’air le cop venir,
10jetta son brach au devant, et vola la glave par dessus
sa tieste, et jà estoit si escauffés que de navrure que
il euist, il ne faisoit compte; ne on ne vey en grant
temps à chevalier faire les grans apertises d’armes que
il fist là.
15Or avoient li Englès l’avantage d’une montagne
qui moult leur valli, et estoient tout serré et mis ensamble
telement que on ne pooit entrer en yaus; il
se combatoient à piet, et li François à cheval. D’autre
part, un petit plus ensus, li archier d’Engleterre
20s’estoient recueilliet et faisoient leur bataille à par
yaus, et laissoient leurs gens d’armes couvenir. Cil
arcier qui traioient ouniement, ensonnioient grandement
les François, et en blecièrent et navrèrent pluiseurs.
En grant temps a, on n’avoit veu, si com
25je l’oy recorder chiaus qui y furent d’une part et
d’autre, bataille faire par si bonne ordenance, ne si
bien combatue, ne gens qui se tenissent si vaillamment
que li Englès fisent, [et ossi d’autre part gens
qui si asprement les requellassent que li Franchois
30firent[345]], car tout à cheval il tournioient autour des
[171] Englès pour entrer en yaus et rompre. Et li Englès
ossi, à le mesure qu’il tournioient, tournioient ossi.
En cel estat se combatirent il moult longement,
lançant li un sus l’autre. Là y eut fait tamainte prise
5et tamainte rescousse, car li Englès n’estoient c’un
petit: si se prendoit cescuns priès de bien faire le
besongne. Et si vaillamment se combatirent que pour
ce jour il n’en doient avoir point de blame; car, se
li brigant ne fuissent venu, qui y sourvinrent plus de
10neuf cens, tout fresc et tout nouviel, à tout lances
et pavais, il s’en fuissent parti à leur honneur, car
il donnoient les François assés à faire. Mais quant
cil brigant furent venu, qui estoient une grosse
route, il rompirent tantost les arciers et misent en
15voies, car leurs très ne pooit entrer en yaus, tant estoient
il fort et bien paveschiet; et ossi il estoient
durement foulé, car il s’estoient longement tenu et
combatu.
Quant messires Jehans de Chalon et se bataille
20veirent ces arciers fuir et desrompre, si tourna celle
part et fist tourner se banière et ses gens et yaus cachier
à cheval. Là eurent cil arcier fort temps, car
il ne savoient où fuir ne où mucier, pour yaus sauver;
et les occioient et abatoient ces gens d’armes,
25sans pité et sans merci. Et en fisent messires Jehans
de Chalon et li contes de Joni et leur route tèle desconfiture,
que onques piés n’en escapa que tout ne
demorassent sus le place; et puis retournèrent sus
les garçons qui gardoient les chevaus de leurs mestres
30qui se combatoient tout à piet. Si furent cil garçon
tout mort et pris; petit s’en sauvèrent. Et là perdi
messires Eustasses son coursier et se haghenée qu’il
[172] amoit tant. Entrues se combatoient messires Brokars,
li evesques de Troies, li contes de Wedimont et de
Genville, à monsigneur Ustasse et à ses gens, et
avoient pris une part de le bataille et mis les brigans
5d’autre, qui trop durement ensonnioient les Englès.
§ 444. Moult y fist, ce jour, messires Eustasses
d’Aubrecicourt, merveilles d’armes, et y fu très bons
chevaliers; et ossi furent tout cil qui avoecques lui
10estoient, et se acquittoient loyaument à leur pooir.
Et ne l’eurent mies li François d’avantage, comment
que ce fuissent bonnes gens et tout d’eslitte; mès il
estoient si grant nombre, et ossi si bien se combatirent
et si desiroient à desconfire et ruer jus les Englès,
15qu’il s’abandonnoient de corps et de volenté.
Et finablement, par le grant secours des brigans qui
leur revint, il rompirent les Englès et espardirent telement
que onques puis il ne se peurent remettre ensamble.
Et fu li pennons messire Eustasse, qui estoit
20li estandars et li ralloiance des Englès, conquis et
tous descirés, et li dis chevaliers de tous lés et de
tous costés envays et assallis et durement navrés. A
celle empainte que il se ouvrirent et espardirent, en
y eut fuison de rués par terre, de blechiés et de navrés;
25et en furent li François mestre, et prisent desquelz
qu’il veurent.
Si eschei messires Eustasses ens ès mains d’un chevalier
de desous le conte de Wedimont, qui s’appelloit
messires Henris Kenillars. Cilz fiança le dit monsigneur
30Eustasce et eut moult de painne et de soing
pour lui sauver; car li communautés de le cité de
[173] Troies le voloient tuer, tant fort le haioient il pour
les grans apertises d’armes que il avoit faites ens ou
pays de Campagne. Là furent pris messires Jehans de
Paris, messires Martins d’Espagne et pluiseur aultre
5chevalier et escuier. Et cil qui sauver se peurent, se
boutèrent ou fort de Nogant: ce fu petit, car il furent
priès tout mort et pris sus le place. Et fu laissiés
messires Corageus de Mauni entre les occis comme
mors, tant estoit il fort navrés et essannés; ne il n’avoit
10ne fu ne alainne en lui, et fu ensi oubliiés. Cilz
rencontres fu l’an de grasce mil trois cens cinquante
neuf, le vigile Saint Jehan Baptiste.
§ 445. Apriès le desconfiture de Nogant sus Sainne
dont je vous ay parlé, et que li camps fu tous delivrés,
15s’en revinrent li baron et les gens d’armes à
Troies et amenèrent là leur conquès et leur butin,
mès nulz des prisonniers il n’i amenèrent; ançois les
fisent tourner d’autre part ens ès garnisons françoises
qui estoient assés priès de là. Li chevaliers,
20qui estoit de le conté de Wedimont et qui avoit pris
monsigneur Eustasce, ne l’i eut talent d’amener, car
on li ewist tué entre ses mains, tant estoit il fort
hays de le communauté de le ville de Troies: si l’en
mena d’autre part à sauveté. Si furent grandement
25honnouré à leur retour de chiaus de Troies, li signeur
qui avoient esté à celle besongne: li evesques de
Troies premierement, li contes de Wedimont, li contes
de Joni, messires Brokars de Fenestrages, messires
Jehans de Chalon et pluiseur aultre baron et chevalier
30qui à le besongne de Nogant avoient esté. Et de
toutes gens en avoit le renommée messires Brokars
[174] de Fenestrages, chilz hardis chevaliers, pour che
qu’il avoit le plus grant carge de gens. Ensi eschei à
monsigneur Eustasse d’Aubrecicourt, et perdi le
journée, si com chi dessus est dit, et fu durement
5navrés. Mès ses mestres, qui fianciet l’avoit, en songna
ossi bien que dont que ce fust ses frères, et li
fist toutdis très bonne compagnie.
Or vous parlerons de monsigneur Corageus de
Mauni et de l’aventure que il li avint. Quant li desconfiture
10fu passée et tout li François retret, li dis
messires Corageus, qui estoit tous essannés et là couciés
entre les mors, et estoit si com demi mors, leva
un petit le chief: se ne vei que gens mors et atierés
autour de lui. Adonc s’esvertua il un petit et se assist
15sus le creste d’un fosset où on l’avoit abatu: si
regarda et vei que il n’estoit mies loing dou fort de
Nogant, dont Jehans de Segure, uns moult appers
escuiers, estoit chapitains. Si fist li dis chevaliers tant
au mieulz qu’il peut, une heure en lui trainnant et
20l’autre en lui apoiant, que il vint desous le grosse
tour de le forterèce, et puis fist signe as compagnons
de là dedens qu’il estoit des leurs. Adonc avalèrent
li compagnon tantost jus de le tour et le vinrent
querir à le barrière, et le prisent entre leurs bras et
25l’emportèrent là dedens le fort: se li recousirent,
bendelèrent et rapparillièrent ses plaies, et en songnièrent
depuis si bien que il gari.
Quant cil qui estoient demoret en le ville de Pons
sus Sainne et que messires Eustasses y avoit laissiés à
30son departement, entendirent ces nouvelles que messires
Eustasses estoit pris et tout li aultre mort ou pris,
si furent moult esbahi; et n’eurent mies conseil de
[175] plus là demorer ne detenir le forterèce, car il n’estoient
que un peu de gens. Si toursèrent tout ce que
il avoient, au plus tost qu’il peurent, et se partirent
et laissièrent Pons sus Sainne. Et ossi fisent cil de
5Trochi, de Saponay, d’Arsi, de Meri, de Plansi et de
tous les fors qui obeissoient à monsigneur Eustasse
d’Aubrecicourt en devant, ne nulz n’osa plus demorer;
et les laissièrent tous vages, pour le doubtance de
l’evesque de Troies et de monsigneur Brokart de Fenestrages,
10qui estoient grant guerrieur. Si se boutèrent
en aultre fors ensus d’yaus, mès messires Pières
d’Audelée ne se parti point pour ce de Biaufort, ne
Jehans de Segure, de Nogant, ne Albrest, de Gyé sus
Sainne.
15En ce temps, trespassa de ce siècle assez mervilleusement
ens ou chastiel de le Herielle, que il tenoit
à trois liewes priès d’Amiens, messires Jehans de
Pinkegni, si com on dist, et estrangla son cambrelent.
Et ossi morut auques ensi uns siens chevaliers
20et de son conseil, qui s’appelloit messires Lus de
Bekisi: Diex en ait les ames et leur pardoinst leurs
mesfais!
Uns telz miracles avint ossi en ce temps d’un escuier
englès, qui estoit de le route monsigneur Pière
25d’Audelée et Albrest. Il avoient chevauciet un jour
et estoient entré en un village qui s’appelle Ronay.
Et le desroboient li pillart, et y entrèrent si à point
que li prestres chantoit la grant messe. Cils escuiers
entra en l’eglise et vint à l’autel et prist le calisse où
30li prestres devoit consacrer Nostre Signeur et jetta le
vin en voies. Et pour tant que li prestres en parla,
cilz le feri de son gant, à traver se main, si fort que
[176] li sans en vola sus l’autel. Che fait, il issirent de le
ville. Yaus venut as camps, cilz pillars, qui fait avoit
cel outrage et qui portoit en son sain le calisse, le
platine et le corporal, entrues que il chevauçoit, soudainement
5il li avint ce que je vous diray. Et ce fu
bien vengance et verghe de Dieu et exemples pour
tous aultres pilleurs. Li chevaus de celui et il commencièrent
à tourniier si diversement et à demener
tel tempeste que nulz ne les osoit approcier. Et
10cheirent là en un mont et estranglèrent l’un l’autre,
et se convertirent tout en pourre. Tout ce veirent li
compagnon qui là estoient, dont il furent durement
eshidé. Et voèrent et prommisent Dieu et à Nostre
Dame que jamès eglise ne violeroient ne desreuberoient:
15je ne sçai se il l’ont depuis tenu.
§ 446. Auques en ce temps, se commencièrent à
nesir cil de Mauconseil de leur garnison, car pourveances
leur falloient, et estoient requis dou vendre
de chiaus de Noion et dou pays environ. Si le vendirent
20douze mil moutons, et s’en pooient partir,
ensi qu’il fisent, sauvement, yaus et le leur. Si s’espardirent
et se retraisent ens ès aultres forterèces de
Cray, de Clermont, de le Herielle, de Velli, de Pierepont,
de Roussi et de Sissonne. Sitost que cil de
25Noion eurent Mauconseil, il le abatirent et rasèrent
tout par terre, telement que onques depuis n’i eut
fort ne maison pour nullui logier.
Ensi estoit grevés et guerroiiés li royaumes de
France, de tous lés et de tous costés. Et vendoient li
30un à l’autre ces chapitainnes des garnisons, leurs
fors et leurs pourveances, et escangoient et
[177] donnoient sotes d’argent ensamble ossi bien comme de
leur hyretage; et quant il en estoient tanet, ou que
il leur sambloit qu’il ne les pooient plus tenir, il les
vendoient as François, pour avoir plus grant somme
5de florins.
Dont il avint que Jehans de Segure vendi le garnison
de Nogant sus Sainne à l’evesque de Troies, une
quantité de florins, et le livra, et sus bonnes assegurances
que li evesques li avoit données et acordées
10par son seellé, et loyaument il li cuidoit bien tenir.
Li dis Jehans vint à Troies et entra dedens le cité, et
descendi à l’ostel de l’evesque qui le reçut assés liement,
et li dist: «Jehan, vous demorrés dalés moy
deux jours ou trois; entrues, je vous apparelleray
15vostre paiement.»
Jehans de Segure s’i acorda legierement, qui cuidoit
estre [venus[346]] sauvement, mès non fu; car li communautés
de le ville, sitost comme il sceurent sa venue,
s’assamblèrent de toutes pars, et commencièrent
20à murmurer et à parler moult villainnement sus l’evesque,
en disant: «Comment se truffe messires li
evesques de nous, qui soutoite ensi dalés lui nos ennemis
et le plus fort pillart dou royaume de France
et qui plus y a fais de maulz et de villains fais,
25et voet encores que nous li donnons nostre argent,
pour nous guerriier: ce ne fait mies à consentir.»
Ces parolles et aultres montepliièrent si entre yaus,
que briefment il disent, tout d’une vois, que il l’iroient
tuer en l’ostel de l’evesque, ne jamais ne leur escaperoit.
30Si s’esmurent tout d’une sorte et envoiièrent
[178] grans gardes as portes, par quoi il ne s’en peuist
aler. Et puis s’en vinrent yaus plus de six mil, tout
armé à leur usage, à le court de l’evesque, et entrèrent
ens baudement. Li evesques fu tous esmervilliés,
5quant il les vei, et demanda qu’il voloient. Il respondirent
d’une vois: «Ce trahitour navarois qui
s’est boutés cheens et qui est et a esté si grans ennemis
au royaume de France, et qui plus y a fais de
mourdres et de villains fais, et emblés trahiteusement
10plus de villes, de chastiaus et de forterèces que
nulz dez aultres: si l’en donrons sen paiement, car
il l’a bien desservi.»
Adonc respondi li evesques, comme loyaus et vaillans
preudons, et dist: «Biau signeur, quelz homs
15qu’il soit ne a esté, il est chi venus sus mon sauf
conduit et bonnes assegurances. Et si savés et avés
toutdis sceu les trettiés qui ont esté entre moy et
lui, et par vostre acort et bonne volenté il se sont
passé: si seroit grant desloyauté et mauvaise trahison,
20se en celle assegurance on li faisoit nul contraire.»
Nientmains, quoique li evesques parlast ne
preeçast, ne verité leur remoustrast, il n’en peut
onques estre oys, mès entrèrent de force en sa salle
et puis en sa cambre, et quisent tant le dit escuier
25de cambre en cambre, que finablement il le trouvèrent:
si l’ochirent et detaillièrent tout par pièces.
Ensi fina Jehans de Segure, dont li evesques de
Troies et li chevalier qui là estoient, furent durement
courouciet, mais amender ne le peurent à celle
30fois.
§ 447. Je me sui longement tenus à parler dou
[179] roy d’Engleterre, mès je n’en ay point eu cause de
parler jusques à ci, car tant comme les triewes durèrent
entre li et le royalme de France, à son title
ses gens ne fisent point de guerre, mais elles estoient
5fallies le premier jour de may l’an cinquante neuf.
Et avoient guerriiet toutes ces forterèces englesces et
navaroises depuis, ou nom de lui, et guerrioient encores
tous les jours.
Or avint que, tantost apriès le pais faite dou duch
10de Normendie et dou roy de Navare, si com chi dessus
vous avés oy recorder, messires Ernoulz d’Audrehen,
mareschaus de France, retourna en Engleterre,
car il n’estoit pas quittes de sa foy de la prise
de Poitiers. Et en ce temps estoient là venu à Wesmoustier
15en le cité de Londres, li rois d’Engleterre
et li princes de Galles ses filz, d’un lés, et li rois de
France et messires Jakemes de Bourbon, de l’autre
part. Et là furent ensamble cil quatre tant seulement
en secret conseil, et fisent un certain acord de pais
20sans aultre moiien sus certains poins et articles que
il jettèrent et ordenèrent; et quant il les eurent tous
proposés, il les fisent escrire en une lettre ouverte.
Et les saiellèrent li doy roy de leurs saiaulz; et, tout
ce fait, il mandèrent le conte de Tankarville et monsigneur
25Ernoul d’Audrehen, qui estoit nouvellement
venus, et leur cargièrent ceste lettre pour aporter en
France au duc de Normendie et à ses frères et au
conseil de France.
Si passèrent li dis contes de Tankarville et li mareschaus
30le mer, et arrivèrent à Boulongne, et esploitièrent
tant qu’il vinrent à Paris. Si trouvèrent
là le duch et le roy de Navare qui nouvellement
[180] s’estoient acordé; si lor moustrèrent les lettres devant
dittes. Adonc en demanda li dus de Normendie conseil
au roy de Navare comment il s’en poroit maintenir.
Li rois de Navare consilia que li prelat et li
5baron de France et li consaulz des cités et des
bonnes villes fuissent mandé, car par yaus et leur
ordenance il couvenoit ceste cose passer: ensi fu
fait.
Li dus de Normendie manda sus un jour le plus
10grant partie des nobles et des prelas dou royaume
de France et les consaulz des bonnes villes. Quant il
furent tout venu à Paris, il entrèrent en conseil. Là
estoient li rois de Navare, li dus de Normendie et si
doy frère, li contes de Tankarville et messires Ernoulz
15d’Audrehen, qui remoustrèrent la besongne et
sus quel estat il estoient venu en France. Là furent
les lettres leutes et releutes, et bien oyes et entendues,
et de point en point considerées et examinées.
Si ne peurent adonc estre li consaulz en general dou
20royaume de France d’acort, et leur sambla cilz trettiés
trop durs; et respondirent d’une vois as dis messagiers,
que il avoient plus chier à endurer et porter
encores le grant meschief et misère où il estoient,
que li nobles royaumes de France fust ensi amenris
25ne defraudés, et que li rois Jehans demorast encores
en Engleterre, et que, quant il plairoit à Dieu,
il y pourveroit de remède et metteroit attemprance.
Ce fu toute li response que li contes de Tankarville
et messires Ernoulz d’Audrehen en peurent
30avoir. Si se partirent sus cel estat et retournèrent en
Engleterre, et se retraisent premierement devers le
roy de France leur signeur, et li comptèrent comment
[181] il n’avoient riens pout esploitier. De ces nouvelles
fu li rois de France moult courouciés, ce fu
raisons, car il desiroit sa delivrance, et dist: «Ha!
Charles, biaus filz, vous estes consilliés dou roy de
5Navare qui vous deçoit et en deceveroit telz soixante
que vous estes.»
§ 448. Ces deux signeurs dessus nommés retournés
en Engleterre, li rois Edouwars, ensi comme il
apertenoit, sceut leur response, car il li relatèrent
10tout ensi, ne plus ne mains, que il en estoient cargiet
des François. Quant li rois d’Engleterre eut entendu
ces nouvelles, il fu durement courouciés et
dist, oant tous chiaus qui le pooient oïr, que, ançois
que li yviers fust entrés, il enteroit si poissamment
15ou royaume de France et y demorroit tant que
il aroit fin de guerre ou bonne pais, à son plaisir et
à sen honneur. Si fist commencier à faire le plus
grant appareil que on eust onques veu fait faire en
Engleterre pour guerre. Ces nouvelles issirent hors
20par tous pays, si ques partout chevalier et escuier et
gens d’armes se commencièrent à pourveir grossement
et chierement de chevaus et de harnas, cescuns
dou mieulz qu’il peut, selonch son estat. Et se traist
cescuns dou plus tost qu’il peut par devers Calais,
25pour attendre la venue dou roy d’Engleterre, car cescuns
pensoit à avoir si grans biensfais de lui, et tant
d’avoir gaegnier en France, que jamais ne seroit povres,
et especialment cil Alemant, qui sont plus convoiteus
c’autres gens.
30En ceste meisme saison et environ le moiienné
d’aoust, avint que messires Jehans de Craan, arcevesques
[182] de Rains, et cil de la ditte cité et dou pays
d’environ, parmi l’ayde des chevaliers et escuiers de
le conté de Reters et aultres chevaliers et escuiers de
l’evesquié de Laon, se assamblèrent et vinrent mettre
5le siège par devant le ville et le chastiel de Roussi.
Et le constraindirent si, sus le terme de trois sepmainnes
qu’il y sisent, que cil qui dedens estoient,
se rendirent, salves leurs vies et leurs membres. Et
de ce eurent il bonnes lettres, et pooient aler quel
10part que il voloient sauvement, sus le conduit dou
dit arcevesque de Rains et dou conte de Porsiien et
dou conte de Brainne, qui là estoient. Dont il avint
que, quant il se partirent, li communautés de Rains
et cil dou pays environ, qui là estoient assamblé, leur
15vinrent au devant et en occirent et mourdrirent le
plus grant partie: de quoi li signeur furent durement
courouciet, mès amender ne le peurent. A
grant meschief peurent il sauver le chapitainne Hanekin
François, et le voloient li villain tuer entre
20leurs mains. Ensi reut li contes de Roussi sa ville et
son chastiel. Et le rendi cilz dis Hanekins, par le composition
dou dit trettiet; aultrement il n’euist point
esté sauvés.
§ 449. Apriès le rescousse dou chastiel de Roussi,
25morut messires Pières d’Audelée, de maladie, sus son
lit, ou chastiel de Biaufort en Champagne: de quoi
tout li compagnon et li saudoiier qui à lui se tenoient,
furent moult desbareté. Si regardèrent li
Englès et li Alemant et cil qui estoient d’une sorte et
30qui faisoient guerre pour le roy d’Engleterre, qu’il
ne pooient avoir milleur chapitainne que monsigneur
[183] Eustasse d’Aubrecicourt, qui estoit tous sanés de ses
plaies et en bon point. Si envoiièrent li compagnon
Faucon le hiraut, qui estoit adonc [en[347]] Campagne,
en le conté de Wedimont, parler au dit conte et à
5monsigneur Henri, dit Kenillart, mestre à monsigneur
Eustasse.
Si se porta trettiés et parlemens telement que
messires Corageus de Mauni, sus bon sauf conduit
que Faucons li impetra, vint devers les parties que li
10dit chevalier tenoient. Si fu mis à finance, parmi
vingt deux mil frans de France qu’il paia tous appareilliés;
car li compagnon des garnisons et des forterèces
de Brie et de Campagne se taillièrent trop volentiers,
et en paia cescuns sa part. Ensi fu delivrés
15messires Eustasses, et eut parmi sa delivrance son
coursier et sa haghenée que madame Ysabiel de Jullers,
contesse de Kent pour le temps, qui loyaument
l’amoit, li avoit envoiiet d’Engleterre. Et rendirent
encores li Englès as François, parmi le delivrance de
20monsigneur Eustasse, le bon chastiel d’Esconflans en
Champagne qu’il tenoient.
Quant li Englès, li Alemant et li routier, qui tout
vivoient de guerriier le royaume de France et
avoient vescut un grant temps, eurent messire Eustasse
25d’Aubrecicourt dalés yaus, si s’en tinrent à
trop bien paré, et le fisent leur mestre et leur souverain
dessus tous. Et se ralliièrent et se rassamblèrent
toutes manières de gens et de sortes à lui. Si chevaucièrent
et entrèrent en le conté de Rethers où il
30n’avoient encores esté. Et prisent et emblèrent le
[184] bonne ville de Athegni sus Esne; et trouvèrent dedens
li Englès plus de quinze cens pièces de vin, dont
il eurent grant joie. Si en fisent leur souverainne
garnison, et coururent tout le pays autour de Rains,
5et prisent et pillièrent Esparnay, Danmari, Crayone
et le bonne et grosse ville de Vertus, où il eurent
grant pourfit. Et en fisent li Englès une garnison qui
couroit tout le pays d’environ, selonch le rivière de
Marne, jusques à Chastel Thieri et jusques à le Freté
10Millon. Et venoient cil de Athegni courir tous les
jours jusques à Maisières sus Muese et jusques à
Donceri et jusques au Kesne Poulleus.
§ 450. En ceste meisme saison, avint que cilz chevaliers
messires Brokars de Fenestrages, qui avoit estet
15de l’ayde le duch de Normendie et des François
encontre les Englès et les Navarois, et les avoit aidiés
à ruer jus et desconfire et bouter hors des forterèces
de Campagne, avoit esté mauvaisement paiiés de ses
gages; et li devoit on bien, [que pour lui[348]], que pour
20ses gens, trente mil frans. Si s’en merancolia en
soi meismes et envoia certains hommes de par lui à
Paris devers le duch de Normendie, pour avoir cel
argent et pour paiier ses saudoiiers qui se complaindoient
tous les jours à lui de son paiement. Li dus
25de Normendie et ses consaulz ne respondirent mies
bien adonc à le plaisance des gens monsigneur Brokart,
et retournèrent, sans riens esploitier, arrière,
en Campagne, devers messire Brokart; et li recordèrent
ce qu’il leur pleut et parolles desquelles messires
[185] Brokars ne se tint mies pour contens. Et envoia tantost
deffiier le duch de Normendie et tout le royaulme
de France, et entra en une bonne ville et grosse que
on dist Bar sus Sainne, où à ce jour il y avoit plus de
5neuf cens hosteulz. Si le pillièrent et robèrent ses
gens, et misent grant painne et grant entente à conquerre
le chastiel; mès il ne le peurent avoir, car il
est trop malement fors, et si estoit bien gardés.
Quant il veirent que il ne le poroient avoir, si le
10laissièrent, et cargièrent tout le pillage que il avoient
eu en Bar sus Sainne; et en menèrent plus de cinq
cens, que prisonniers, que prisonnières, et se retraisent
à Conflans, dont il avoient fait leur garnison.
Mès, à leur departement de Bar sus Sainne, il l’ardirent
15et essillièrent telement que onques ne demora
estos sur aultre, que tout ne fust ars et brui.
Depuis fisent messires Brokars et ses gens plus de
damagez et de villains fais ens ou pays de Campagne,
que onques li Englès ne li Navarois euissent fait. Et
20quant il eurent tout courut et robet le pays, on s’acorda
devers yaus et eurent tout ce qu’il demandoient,
et plus assés. Si se retraist messires Brokars,
quant il fu paiiés, en Loeraingne dont il estoit partis,
et là remena il toutes ses gens, et laissa le royaume
25de France et le pays de Campagne en pais, quant il
eut fait des maulz assés.
En ceste meisme saison et en cel aoust l’an mil
trois cens cinquante neuf, mist sus messires Robers
Canolles une grande chevaucie de gens d’armes; et
30estoient bien troi mil combatans, uns c’autres. Et
se partirent, il et ses routes, des marces de Bretagne
et s’en vinrent achevauçant tout contremont le Loire
[186] et entrèrent en Berri et cheminèrent tout parmi, ardant
et exillant ce bon pays et cras de Berri, et puis
entrèrent en Auvergne.
Adonc se cuellièrent et assamblèrent, qui mieulz
5mieulz, li gentil homme d’Auvergne et de Roerge et
de Limozin et ossi li contes de Foriès qui mist sus
bien quatre cens lances. Et fisent leur amas cil signeur,
conte, baron et chevalier des pays dessus
nommés, à Clermont, à Montferra[n]t et à Rion en Auvergne.
10Et quant il furent tout assamblé, il se trouvèrent
bien jusques à six mil combatans. Si eslisirent
cil baron et cil chevalier deus souverains de toute
lor host, premierement le conte de Forès [et] le jone
conte Beraut, daufin d’Auvergne. Et chevaucièrent
15ces gens d’armes contre ces pillars de tous pays rassamblés,
desquelz messires Robers Canolles et Alle de
Buef estoient chief, pour deffendre et garder leur
pays; car li dessus dit pilleur avoient empris de passer
parmi Auvergne et venir veoir le pape et les cardinaus
20en Avignon et avoir de leur argent ossi bien
que li Arceprestres en avoit eu.
§ 451. Tant chevaucièrent cil signeur d’Auvergne
avoecques leurs routes et leurs arrois, que il vinrent
à une petite journée priès de ces guerrieurs qui se
25nommoient Englès; et veirent, d’une montagne où
toute leur host estoit arrestée, les fumières que leur
ennemi faisoient. A l’endemain, il s’adrecièrent droitement
celle part, et estoit bien leur intention que
d’yaus combatre, se il les pooient attaindre. Ce
30soir, il vinrent à deux petites liewes dou pays priès
d’yaus, dont prisent il terre et se logièrent tout sus
[187] une montagne, et li Englès estoient sus une aultre.
Et veoient cescune des deus hos les feus que il faisoient
en l’une host et en l’autre: si passèrent celle
nuit.
5L’endemain, se deslogièrent li François, et se traisent
plus avant tout à l’encontre, car il cognissoient
le pays, et s’en vinrent à heure de nonne logier sus
une montagne, droit devant les Englès. Et n’i avoit
de entre deus que une praiorie, espoir large de six
10bonniers de terre; et pooient clerement cognoistre et
veoir l’un l’autre. Quant li Englès veirent venu les
François devant yaus, par samblant il en fisent grant
chière et s’ordonnèrent tantost si com pour combatre,
et misent tous leurs arciers ou pendant de le
15montagne, devant yaus.
Li signeur de France, qui perçurent ce couvenant,
s’ordonnèrent ossi et fisent deus bonnes batailles bien
et faiticement; en çascune avoit entours bien cinq
mil hommes. Si avoit le première li dauffins d’Auvergne,
20contes de Clermont, si l’appelloit on Beraut,
et devint là chevaliers et leva banière esquartelée
d’Auvergne et de Mercueil. Si estoient dalés li messires
Robers Daufins ses oncles et li sires de Montagut.
Et là devinrent chevalier messires Henris de Montagut,
25li sires de Calençon, li sires de Rocefort, li sires
de Serignach, messires Godefrois de Boulongne et
pluiseur aultre jone escuier de Limozin, de Quersin,
d’Auvergne et de Roerge. En le seconde bataille des
François estoient li contes de Forès, messires Jehans
30de Boulongne, contes d’Auvergne, li sires d’Acier et
ses filz, li sires d’Achon et li contes d’Uzès, et ossi
messires Renaulz de Forès, frères au dit conte, et
[188] grant fuison de bons chevaliers et escuiers, qui tout
estoient en grant volenté de combatre, si com il
moustroient.
D’autre part, messires Robers Canolles et leurs
5routes par samblant moustroient que il en euissent
grant volenté ossi. Ensi se tinrent jusques au soir
l’un devant l’autre, cescuns en son fort sans lui
mouvoir, fors tant qu’il y eut aucuns jones chevaliers
et escuiers qui, pour acquerre pris d’armes, descendirent,
10par le congiet de leurs marescaus, de le montagne
ens ou pré, et vinrent jouster li un à l’autre. Et
qui pooit conquerir son compagnon, il l’en menoit;
mès pour ce ne se descendirent ne desroutèrent onques
les batailles, pour jouste ne escarmuce qui
15faite y fust.
§ 452. Quant ce vint au soir, et que li journée se
fu partie sans bataille, cescuns se retraist en son logeis,
et fisent bon get et grant. Et se traisent en conseil
li signeur de France, et se consillièrent entre yaus
20que, à heure de mienuit, il se partiroient de là et
descenderoient de leur montagne, non devers les ennemis,
mès au plain par où il estoient monté. Et
pour seulement tourniier les dittes montagnes deus
liewes, il venroient tout au plain là où les Compagnes
25estoient, et encores si matin que espoir ne seroient
il mies tout armé. Ceste ordenance fu affremée
entre yaus, et le devoit cescuns sires dire à ses gens;
et se devoient armer et partir quoiement sans faire
friente, et le fisent ensi comme ordené fu. Mès onques
30si secretement ne sçeurent ce demener que les
Compagnes ne le sceuissent tantost et par un prisonnier
[189] des leurs, si com on supposa depuis, qui sembla
et vint en l’ost monsigneur Robert Canolles et li
compta tout le couvenant des barons d’Auvergne et
quel cose il avoient empris à faire.
5Quant li dis messires Robers entendi ces nouvelles,
il se traist à conseil avoecques aucuns de chiaus de
son host, où il avoit le plus grant fiance; et regardèrent
l’un parmi l’autre, tout consideré et imaginé le
poissance des François, que ce n’estoit mies bon
10d’yaus attendre. Si fist en l’eure armer ses gens, tout
tourser, monter et partir, et chevaucier en voies et
yaus faire conduire par guides des gens dou pays
qu’il tenoient pour prisonniers et qui savoient les
adrèces et tous les chemins.
15Quant ce vint à heure de mienuit, li François s’ordonnèrent
et armèrent, ensi que avisé et devisé
avoient, et se misent en arroy de bataille, et vinrent
droit à l’ajournée sus le montagne où il cuidièrent
trouver les Englès. Mès nul n’en trouvèrent, dont il
20furent moult esmervilliet; si fisent monter aucuns
des leurs des plus appers et chevaucier par ces montagnes,
à savoir se il en oroient nulles nouvelles. Cil
raportèrent en leur host, environ heure de grande
tierce, que on les avoit veu passer, et nommèrent le
25chemin où, et qu’il s’en aloient devers Limoges et en
Limozin.
Quant li signeur et li baron d’Auvergne entendirent
ce, si n’eurent mies conseil dou plus poursievir;
car il leur fu vis, et voirs estoit, qu’il perderoient
30leur painne et que assés honnourablement il avoient
chevauciet, quant il avoient bouté leurs ennemis hors
de leur pays. Si donnèrent li signeur à toutes
[190] manières de gens d’armes congiet, pour raler en leurs
lieus. Ensi se deffist et desrompi ceste grosse chevaucie
d’Auvergne, et revinrent li signeur en leurs maisons.
Assés tos apriès, fu trettiés et fais li mariages de
5ce gentil chevalier monsigneur Beraut, daufin d’Auvergne,
à le fille dou gentil conte de Forès que il
avoit de le suer monsigneur Jakemon de Bourbon.
Or revenrons au roy d’Engleterre et à le grosse
armée qu’il mist sus en celle anée et comment il
10persevera.
§ 453. Li rois d’Engleterre toute celle saison faisoit
un si très grant appareil pour venir en France, que en
devant on n’avoit point veu le samblable. De quoi pluiseur
baron et chevalier de l’empire d’Alemagne, qui
15aultrefois l’avoient servi, s’avancièrent grandement
pour estre en celle armée. Et se pourveirent bien estoffeement
de chevaus et de harnas, cescuns dou
mieulz qu’il peut selonch son estat, et s’en vinrent,
dou plus tost qu’il peurent, par les costières de Flandres,
20devers Calais, et là se tinrent le roy attendant.
Or avint que li rois d’Engleterre et ses gens ne vinrent
mies sitost à Calais que on pensoit: dont tant de
manières de gens estragniers, le temps pendant, vinrent
à Calais que on ne se savoit où herbergier, ne
25chevaus establer. Et avoech ce, pains, vins, fuerres
et avainnes et toutes pourveances y estoient si grandement
chières que on n’en pooit recouvrer, pour or
ne pour argent. Et toutdis leur disoit on: «Li rois
venra à l’autre sepmainne.»
30Ensi attendirent tout cil signeur alemant, miessenaire,
hesbegnon, braibençon, flamench et haynuier,
[191] povre et riche, [la venue dou roy d’Engleterre[349]] de
l’entrée d’aoust jusques à le Saint Luc, à grant meschief
et à grant coustages, et à si grant dangier que
il couvint les pluiseurs vendre le plus grant partie de
5leurs jeuiaus. Et, se li rois d’Engleterre fust adonc
venus ne arrivés à Calais, il ne se seuist où herbergier
ne ses gens, fors ou chastiel, car li corps de le
ville estoit tous pris. Et si estoit encores une doubte
par aventure que cil signeur, qui tout avoient despendut,
10ne se volsissent point partir de Calais, pour
roy ne pour aultre, se on ne leur euist rendus tous
leurs despens de deniers appareilliés.
§ 454. Li rois d’Engleterre, qui ne pot avoir sitost
ses gens ne ses grandes pourveances appareillies que
15il volsist, et qui bien avoit entendu le grant nombre
de gens qui l’attendoient à Calais pour avoir grasce
et grans bienfais de lui, comment qu’il n’en euist
mies mandé le quarte partie, non le cinquime de
chiaus qui là estoient venu, mès estoient li aucun
20venu de leur volenté pour leur honneur avancier, et
li aultre par convoitise de gaegnier et pillier sus le bon
et plentiveus royaulme de France, eut doubtance de
ce que dessus est dit. Si s’avisa par grant sens, ensi
que on poet bien penser, que il envoieroit son cousin
25le duch de Lancastre à Calais, à tout grant fuison
de gens d’armes, pour lui escuser envers ces signeurs
qui là estoient venu et pour faire compagnie à yaus.
Ensi fu fait.
A l’ordenance dou roy se appareilla li dus dou
[192] mieulz qu’il peut, et fist tant qu’il vint à Calais,
environ la feste Saint Remi, à tout quatre cens armeures
de fier et deux mil arciers et Gallois. Si fu
durement bien venus et conjoïs de ces signeurs estragniers
5qui li demandèrent nouvelles dou roy. Et il
l’escusa bellement et sagement envers yaus, ensi que
bien le sceut faire, et fist descargier tout bellement
son harnas, ses chevaus et ses pourveances. Et puis
dist à ces signeurs estragnes que li sejourners là endroit
10ne leur pooit riens valoir, mès il voloit chevaucier
en France pour veoir que il y trouveroit. Si leur
pria que il volsissent chevaucier avoecques lui, et
il presteroit aucune somme d’argent à çascun, pour
paiier leur hosteulz de leurs menus frès, et leur liveroit
15pourveances si avant qu’il en vorroient cargier
sus leurs sommiers.
Il sambla à ces signeurs que ce seroit hontes dou
sejourner et de refuser le requeste de si vaillant homme
comme li dus de Lancastre estoit; se li otriièrent
20liement. Et fist cescuns refierer ses chevaus et tourser;
et puis partirent de Calais avoecques le duch
de Lancastre à grant noblèce, et s’en alèrent par devers
Saint Omer. Et pooient bien estre deux mil armeures
de fier, sans les arciers et les gens de piet. Si
25passèrent ces gens d’armes et leurs routes au dehors
de Saint Omer, mès point n’i assallirent. Et chevaucièrent
devers Betune et passèrent oultre, et fisent
tant que il vinrent au Mont Saint Eloy, une bonne
abbeye et riche, seans à deus petites liewes de le cité
30d’Arras; et là sejournèrent par l’espasse de quatre
jours, pour yaus rafreschir et leur chevaus, car il
trouvèrent en l’abbeye bien de quoi.
[193] § 455. Quant ces gens d’armes eurent sejourné
quatre jours ou Mont Saint Eloy et gasté et robé tout
le pays de là environ, il se partirent et se retraisent
par devers le rivière de Somme et par devers Bapaumes,
5pour venir vers Peronne, et ne chevauçoient
que deus ou trois liewes le jour. Si gastèrent tout le
pays sievant le rivière de Somme, tant qu’il vinrent
à une ville fremée, que on claimme Bray sus Somme.
Quant il furent là venu, il s’i arrestèrent et se misent
10en ordenance pour le assallir, car il leur sambla que
elle estoit bien prendable. Si le assallirent fortement
et durement, et y dura li assaus un jour tout entier.
Et y perdirent li Englès grant fuison de leurs gens,
car cil de le ville se deffendirent vaillamment, parmi
15le reconfort dou conte de Saint Pol et dou signeur de
Rainneval et de aucuns chevaliers et escuiers dou
pays qui s’i vinrent bouter par derrière, à bien deus
cens lances: aultrement elle euist estet prise. Et là fu
occis à l’assaut uns banerès d’Engleterre, [bon chevalier
20et[350]] hardis durement, qui s’appelloit li sires de
Carlestonne: de quoi li dus et tout li Englès furent
durement courouciet, mès amender ne le peurent.
Quant il veirent que il ne poroient gaegnier le ville
de Bray et que trop leur coustoit de leurs gens, il se
25partirent et sievirent la ditte rivière, à grant malaise
de pain et de vin, et vinrent à une ville que on claime
Cherisi, là où il trouvèrent souffissamment pain
et vin. Si passèrent là endroit la rivière, au pont
qui n’estoit mies deffais, et sejournèrent là le nuit et
30le jour de le Toussains.
[194] En ce jour, vinrent nouvelles au duch de Lancastre
que li rois d’Engleterre ses sires estoit venus et
arrivés à Calais, et li mandoit que tantost il se retraisist
vers lui à toute se compagnie. De ces nouvelles
5furent liet tout li compagnon d’estragnes pays, pour
l’esperance d’avoir monnoie, qui avoient eu grant
faute d’argent et enduré tamainte mesaise. Si se partirent
liement de là, et rapassèrent le rivière là meismes,
et se retraisent par devers Calais, là où il cuidoient
10trouver le roy d’Engleterre.
En ceste chevaucie estoit messires Henris de Flandres
à tout deus cens armeures de fier. Et de Braibant
y estoient messires Henris de Bautresen, sires de
Berghes, messires Gerars de le Heide, sires de Bautresen,
15messires Franke de Halle; de Hainau: messires
Gautiers de Mauni et messires Jehans de Gommegnies;
Hesbegnons: messires Gaudefrois, sires de
Harduemont et messires Jehans ses filz, messires Gautiers
de Hautepenne leurs cousins, messires Renaulz de
20Boullant, messires Jehans de Duras, messires Thieris
de Sieraing, messires Gautiers de Sieraing ses frères,
messires Rasses de Jumeppe, messires Gilles Sorlés,
messires Jehans de Bernamont, messires Renars de
Berghes et pluiseurs aultres. Les Alemans, les messenaires
25d’estragnes pays, ne poroie sçavoir tous nommer:
si m’en tairai atant.
§ 456. Ensi que li dus de Lancastre et cil baron
et cil chevalier s’en retournoient devers Calais, pour
trouver le roy d’Engleterre que tant avoient desiret,
30il l’encontrèrent sur le chemin, à quatre liewes priès
de Calais, à si grant multitude de gens d’armes que
[195] tous li pays en estoit couvers, et si richement armés
et parés que c’estoit merveilles et grans deduis au
regarder les armes luisans, leurs banières ventelans,
leurs conrois par ordene le petit pas chevauçant; ne
5on n’i sewist riens amender. Quant li dus de Lancastre
et cil signeur dessus nommé parfurent venu jusques
au roy, il leur fist moult grant cière et liement
les salua, et regratia moult humlement de leur service
et de ce qu’il estoient là venu de leur bonne
10volenté.
Tantost cil signeur estragne, Alemant, messenaire,
Braibençon et Hesbegnon, et tout ensamble, remoustrèrent
au roy moult bellement leur povreté et necessité,
comment il avoient leur avoir despendu,
15leurs chevaus et leurs harnas vendus, si ques peu ou
nient leur estoit demoret, pour lui servir ou quel
nom il estoient là venu, ne pour raler en leur pays,
se besoings estoit: se li priièrent que par sa noblèce
il y volsist entendre et regarder. Li rois se consilla
20assés briefment, tout à cheval, enmi les camps là où il
estoit; si leur respondi courtoisement que il n’estoit
mies bien pourveus de là endroit respondre plainnement:
«Et vous estes durement travilliet, si com je
pense: si vous alés reposer et rafrescir deux jours ou
25trois dedens Calais. Et je m’en aviserai et consillerai
encores anuit et demain plus plainnement; et vous
envoierai response tèle qu’il vous devera souffire par
raison, et selonc mon pooir.»
Ces estragnes gens n’en peurent adonc avoir aultre
30response; si se partirent dou roy et de le route
le duch de Lancastre, et s’en alèrent par devers Calais.
Quant il eurent chevauciet environ demi liewe,
[196] il encontrèrent le plus biel charoi et le plus grant et
le mieus estoffé de toutes pourveances et le mieulz
appareilliet qui onques fust veus en nul pays. Apriès,
il encontrèrent le prince de Galles si noblement et
5si ricement paret d’armes et toutes ses gens que c’estoit
grans biautés à regarder; et avoit si grans gens
en son conroi que tous li pays en estoit couvers. Et
chevauçoient tout le commun pas, rengiés et serrés
ensi que pour tantost combatre, se mestier fust, toutdis
10une liewe ou deux ensus de l’host le roy son
père; si ques leurs charois et leurs pourveances charioient
toutdis entre leurs deus hos: laquèle ordenance
cil signeur estragnier veirent moult volentiers,
et moult le prisièrent.
15§ 457. Apriès ce que cil signeur estragnier eurent
tout ce diligament regardet et consideret, et il eurent
saluet reveramment le prince, les signeurs et les barons
qui estoient avoech li, et li princes ossi les eut
bellement et courtoisement receus et conjoïs, ensi
20que cilz qui bien le savoit faire, il prisent congiet de
li et li remoustrèrent leur besongne et leur povreté,
en priant humlement qu’il volsist descendre à lor nécessité.
Li princes leur acorda liement et volentiers:
si passèrent oultre et chevaucièrent tant que il vinrent
25à Calais, et là se logièrent.
Le secont jour apriès ce que il furent venu à Calais,
li rois d’Engleterre envoia à yaus sa response par
trois souffissans chevaliers, qui leur disent plainnement
que il n’avoit mies aporté si grant tresor d’Engleterre
30que pour yaus paiier tous leurs frès et tout
ce qu’il vorroient demander, et li besongnoit bien ce
[197] qu’il en avoit fait venir, pour parfurnir ce qu’il en
avoit entrepris; mais, se il estoient si consilliet que
il volsissent venir avoecques li et prendre l’aventure
et le fortune de bien et de mal, et bonne aventure li
5escheist en ce voiage, il voloit qu’il y partesissent
bien et largement, sauf tant qu’il ne li peuissent riens
demander pour leurs gages, ne pour chevaus perdus,
ne pour despens ne damages qu’il peuissent faire ne
avoir, car il avoit assés amenés gens de son pays
10pour achiever sa besongne.
Ces responses ne plaisirent mies bien à ces signeurs
estragniers ne à leurs compagnons qui avoient durement
travilliet et despendu le leur, engagiés [leurs
jeuiaux et[351]] leurs chevaus et leur harnas, et li plus
15vendus par nécessité; et toutesvoies il n’en peurent aultre
cose avoir, fors tant que on presta à çascun aucune
cose, par grasce, pour raler en son pays. Si y
eut aucuns des signeurs qui s’en alèrent devers le roy
pour tout paraventurer, car blasmes leur euist esté
20de retourner sans aultre cose faire.
Or vous deviserons le manière de l’ordenance dou
grant appareil que li rois d’Engleterre fist faire, ançois
que il partesist de son pays, et qu’il eut en ce voiage,
dont je ne vous ay encores parlé; si ne s’en doit on
25mies briefment passer, car onques si grans ne si bien
ordonnez n’issi hors d’Engleterre.
§ 458. Ançois que li rois d’Engleterre se partesist
de son pays, il fist tous les contes et les barons de
France, qu’il tenoit pour prisonniers, departir et
[198] mettre en pluiseurs lieus et en fors chastiaus parmi
son royaume, pour estre mieulz au deseure d’yaus.
Et fist mettre le roy de France ens ou chastiel de
Londres, qui est grans et fors, seans sus le rivière de
5le Tamise, et son jone fil, monsigneur Phelippe,
avoech lui; et les restraindi et leur tolli moult de
leurs deduis, et les fist garder plus estroitement que
devant. Apriès, quant il fu apparilliés, il fist à savoir
partout que tout cil qui estoient apparilliet et pourveu
10pour venir en France avoecques lui, se traissent
apertement par devers le ville de Douvres; car il
leur liveroit nés et vaissiaus pour passer. Cescuns
s’apparilla au mieulz qu’il peut. Et ne demora nulz
chevaliers et escuiers, ne homs d’onneur, qui fust
15hettiés, de l’eage de entre vingt ans et soixante, que
tout ne partesissent: si ques priès tout li conte, li baron,
li chevalier et li escuier dou royaume d’Engleterre
vinrent à Douvres, excepté chiaulz que li rois
et ses consaus avoient ordonné et establi pour garder
20ses chastiaus, ses balliages, ses mairies, ses offisces
et ses pors sus mer, ses havenes et ses passages.
Quant tout furent assamblet à Douvres et ses naves
appareillies, li rois fist ses gens, petis et grans, assambler
en une place au dehors de Douvres: si leur
25dist que se intention estoit tèle que il voloit passer
oultre et entrer ou royaume de France, sans jamais
rapasser jusques adonc que il aroit fin de guerre, ou
pays à se souffissance et à se grant honneur, ou il
morroit en le painne; et, se il y avoit entre yaus aucuns
30qui ne fuissent de çou attendre conforté, il leur
prioit que il s’en volsissent raler en leurs maisons
par bon gret. Mais sachiés que tout y estoient venu
[199] de si grant volenté que nulz ne fu telz qu’il en volsist
râler. Si entrèrent tout en naves et en vaissiaus
qu’il trouvèrent appareilliés, ou nom de Dieu et de
saint Jorge, et arrivèrent à Calais deux jours devant
5la feste de Toussains qui fu l’an de grasce mil trois
cens cinquante neuf.
§ 459. Quant li rois d’Engleterre fu arrivés à Calais
et li princes de Galles ses ainnés filz et encores
troi de ses enfans, messire Leoniel, conte de Dulnestre,
10messires Jehans, contes de Ricemont, monsigneur
Aymon, le plus jone des quatre, et tout li signeur ensiewant
et toutes leurs gens, il fisent descargier leurs
chevaus, leur harnas et toutes leurs pourveances et
sejournèrent à Calais par quatre jours. Puis fist li
15rois commander que cescuns fust appareilliés de mouvoir,
car il voloit chevaucier après son chier cousin
le duch de Lancastre. Si se parti li dis rois, l’endemain
au matin, de le ville de Calais à tout son grant
arroy, et se mist sus les camps à tout le plus grant
20charoy et le mieulz atelé que nulz veist onques issir
d’Engleterre. On disoit qu’il avoit plus de six mil
chars bien atelés, qui tout estoient apasset d’Engleterre.
Puis ordonna ses batailles, si noblement et si
ricement parés uns et aultres, que c’estoit solas et
25deduis au regarder; et fist son connestable que
moult amoit, le conte de le Marce, premierement
chevaucier à tout cinq cens armeures de fier et
mil arciers au devant de se bataille. Apriès, sa bataille
chevauçoit, où il avoit trois mil armeures de
30fier et cinq mil arciers; et chevauçoient il et ses gens,
toutdis rengiet et sieret, apriès le connestable.
[200] Ensievant la bataille dou roy, venoit li grans charois,
qui comprendoit bien deux liewes de lonch; et y
avoit plus de six mil chars, tous atelés, qui menoient
toutes pourveances pour l’ost, et ostieus dont
5on n’avoit point veu user en devant de mener avoecques
gens d’armes, si comme moulins à le main, fours
pour cuire et aultres coses pluiseurs neccessaires. En
apriès, chevauçoit li forte bataille dou prince de
Galles et de ses frères, où il y avoit vingt cinq cens
10armeures de fier noblement montés et ricement parés,
et toutes ces gens d’armes et cil arcier rengiet et
sieret, ensi que pour tantost combatre, se mestier
euist esté. En chevauçant ensi, il ne laissassent mies
un garçon derrière qu’il ne l’attendesissent; et ne
15pooient aler bonnement non plus que trois liewes le
jour. En cel estat et en cel arroy, furent il encontré
dou duch de Lancastre et des signeurs estragniers,
si comme dessus est dit, entre Calais et l’abbeye de
Likes, sus uns biaus plains. Car encores y avoit en
20l’ost le roy d’Engleterre jusques à cinq cens varlès, à
tout pelles et cuignies, qui aloient devant le charoi
et ounioient les chemins et les voies et copoient les
espines et les buissons, pour chariier plus aise.
Or vous voeil je nommer les plus grans signeurs
25de l’ost le roy d’Engleterre et qui passèrent le mer
adonc avoecques li, ou en le compagnie le duch de
Lancastre, son cousin germain: premierement ses
quatre filz, monsigneur Edouwars, monsigneur Leonniel,
monsigneur Jehan, monsigneur Aymon; et puis
30monsigneur Henri, duch de Lancastre, monsigneur
Jehan, conte de le Marce, connestable d’Engleterre,
le conte de Warvich et le comte de Sufforch, mareschal
[201] d’Engleterre, le conte de Herfort et de Norhantonne,
le conte de Sallebrin, le conte de Stanfort, le
conte d’Askesufforch, l’evesque de Lincolle, l’evesque
de Durem, le signeur de Persi, le signeur de Nuefville,
5le signeur Despensier, le signeur de Ros, le signeur
de Mauni, monsigneur Renaut de Gobehen,
le signeur de Montbray, le signeur de le Ware, monsigneur
Jehan Chandos, monsigneur Richart de Pennebruge,
le signeur de Manne, le signeur de Willebi,
10le signeur de Felleton, le signeur de Basset, le signeur
de Carleton, le signeur de Filwatier, monsigneur
Jame d’Audelée, monsigneur Bietremieu de Brues,
le signeur de Salie, messire Estievene de Gonsenton,
messire Hughe de Hastinges, messire Jehan de Lille,
15messire Raoul de Ferrières, messire Neel Lorinch et
grant fuison d’autres que je ne puis et ne sçai mies
tous nommer.
Si chevaucièrent cil signeur ordonneement, ensi
que dessus est dit, très que il partirent de Calais et
20passèrent tout parmi Artois et au dehors de le cité
d’Arras, et [tenoient[352]] auques[353] le chemin que li dus
de Lancastre avoit tenu quant il passa premierement.
Si ne trouvoient ces gens d’armes que vivre sus le
plat pays, car tout estoit boutet ens ès forterèces. Et
25si estoit le pays, de grant temps avoit, si apovris et
si exilliés; [et[354]] meismement il faisoit si chier temps
parmi le royaume de France et si grant famine couroit,
pour le cause de ce que on n’avoit trois ans en
devant riens ahané sus le plat pays, que, se blés et
[202] avainnes ne leur venissent de Haynau et de Cambresis,
les gens morussent de fain en Artois, en Vermendois
et en l’evesquiet de Laon et de Rains. Et pour
ce que li rois d’Engleterre, ançois que il partesist de
5son pays, avoit oy parler de le famine et de le povreté
de France, estoit il ensi venus bien pourveus,
et cescuns sires ossi selonch son estat, excepté de
fuerres et d’avainne; mès de ce se passoient leur
cheval au mieus qu’il pooient. Avoech tout ce, li
10temps estoit si crus et si plouvieus que ce leur faisoit
trop de meschief et à leurs chevaus; car priesque
tous les jours et toutes les nuis plouvoit il à randon
sans cesser. Et tant pleut, en ce wain, que li vin de
celle vendenge ne vallirent riens en celle saison.
15§ 460. Tant chevauça li rois d’Engleterre à petites
journées, et toutes ses hos, qu’il approça durement
Bapaumes. Or vous dirai d’une aventure qu’avint sus
ce voiage à monsigneur Gallehaut de Ribeumont, un
très hardit et appert chevalier de Pikardie. Vous devés
20savoir que toutes les villes, les cités et li chastiel,
sus le passage dou roy d’Engleterre, estoient trop
bien gardé; car cescune bonne ville de Pikardie
prendoit et recevoit chevaliers et escuiers à ses frès.
Li contes de Saint Pol se tenoit à deux cens lances en
25le cité d’Arras, li connestables de France à Amiens,
li sires de Montsaut à Corbie, messires Oudars de
Renti et messires Engherans d’Uedins à Bapaumes,
messires Bauduins d’Ennekins, mestres des arbalestriers,
à Saint Quentin, et ensi de ville en ville et de
30cité en cité; car il savoient tout notorement que li
rois d’Engleterre venoit assegier le bonne cité de Rains.
[203] Or avint que cil de Peronne en Vermendois, qui
estoient auques sus le passage dou roy d’Engleterre,
car il et ses gens poursievoient toutdis les rivières, et
ceste [ville[355]] dessus ditte siet sus le rivière de Somme,
5n’avoient encores point de chapitainne ne de gardiien;
et se les approçoient li Englès durement,
dont il n’estoient mies bien aise. Si se avisèrent de
monsigneur Galehaut de Ribeumont, qui n’estoit encores
nulle part retenus, liquelz se tenoit, si comme
10il furent adonc enfourmé, à Tournay. Cil de Peronne
envoiièrent devers lui lettres moult courtoises, en lui
priant que il se volsist prendre priès de venir aidier
à garder le bonne ville de Peronne, à ce que il poroit
avoir de compagnons; et on li paieroit vingt
15frans tous les jours pour se personne, et cescun chevalier
desous lui dix frans, et cescune lance pour
trois chevaus un franch le jour.
Messires Gallehaus, qui desiroit les armes partout
et qui se vei priiés moult courtoisement de chiaus
20de Peronne, ses bons voisins, s’i acorda legierement,
et respondi et leur manda qu’il iroit et que il seroit
là dou jour à l’endemain. Si se pourvei au plus tost
qu’il peut, et pria et cueilla des bons compagnons
en Tournesis, et se parti de Tournay, espoir lui
25trentime; et toutdis li croissoient gens, et manda à
monsigneur Rogier de Coulongne qu’il fust contre
lui, sus un certain lieu que il li assigna. Messires Rogiers
y vint, lui vingtime de bons compagnons. Tant
fist messires Gallehaus que il eut bien cinquante lances
30de bonnes gens; et s’en vinrent logier un soir
[204] en approçant Peronne, à deux petites liewes priès des
ennemis, et en un village [sus les champs[356]] où il ne
trouvèrent nullui, car tout s’estoient boutet les gens
dou plat pays ens ès forterèces. L’endemain au matin,
5il devoient venir à Peronne, car il n’en estoient
mies lonch.
Quant ce vint apriès souper, sus l’eure de mienuit,
et que on eut ordené leur ghet, ensi que on bourde et
gengle d’armes, et il en avoient [entre iaux[357]] assés matère
10de parler, messires Gallehaus dist: «Nous serons
demain moult matin en le ville de Peronne, se nous
volons; mès, ançois que nous y entrissions, je consilleroie
que nous chevaucissions sus les frontières de
nos ennemis, car je croi assés que il en y a aucuns qui,
15pour yaus avancier ou pour le couvoitise de trouver
aucune cose à fourer sus le pays, se desroutent et
prendent l’avantage dou chevaucier matin: si porions
bien telz trouver [d’aventure ou encontrer[358]] qui paieroient
nostre escot.» A ces parolles et à ceste ordenance
20que vous oés, s’acordèrent tout li compagnon.
Et le tinrent en secret li mestre entre yaus, et furent
tout prest au point dou jour, et li cheval ensellé. Si
se misent as camps assés ordonneement, et issirent
hors de leur chemin qui tiroit pour aler à Peronne;
25et commenchièrent à variier le pays et à costiier bos
et bruières pour savoir se il veroient nullui, et vinrent
en un village où les gens avoient fortefiiet le
moustier. Là descendirent messires Gallehaus et se
route pour yaus rafreschir, car ens ou fort avoit pain
[205] et char et vin assés; et cil qui dedens estoient, leur
offrirent à prendre ent à leur volenté. Entrues que il
estoient là en le place devant le fort, messires Gallehaus
appella deux de ses escuiers, desquelz Bridoulz
5de Calonne fu li uns, et leur dist: «Chevauciés devant
et avant sus ces camps, et descouvrés le pays
devant et derière, à savoir se vous trouverés nullui;
et revenés chi à nous, car nous vous attenderons
ci.» Li doi escuier se partirent, montés sus fleur de
10coursier, et prisent les camps, et s’adrecièrent vers
un bois qui estoit à demi liewe [franchoise[359]] priès
de là.
Celle matinée, chevauçoit messires Renaus de Bollant,
uns chevaliers d’Alemagne de le route le duch
15de Lancastre; et avoit chevauciet depuis l’aube crevant
et tourniiet tout le pays et n’avoit riens trouvé:
si s’estoit là arrestés. Li doy escuier dessus nommet
vinrent celle part, et cuidièrent que ce fuissent aucunes
gens d’armes dou pays qui se fuissent là mis
20en embusche, et chevaucièrent si priès que il avisèrent
l’un l’autre. Or avoient li doy escuier françois
parlé ensamble et dit: «Se ce sont ci Alemant ou Englès,
il nous fault faindre de dire que nous soions
François; et se il sont de ce pays, tant bien nous
25nos nommerons.» Quant il furent parvenu si priès
d’yaus que pour parler et entendre l’un l’autre, li doi
escuier perçurent tantost à leur contenance que il
estoient estragnier et leur ennemi. Messires Renaulz
de Boullant parla et demanda: «A cui sont li compagnon?»
30en langage alemant. Bridoulz de Calonne
[206] respondi, qui bien savoit parler cesti langage, et dist:
«Nous sommes à monsigneur Bietremieu de Brues.»—«Et
où est messires Bietremieus de Brues? dist li
chevaliers.»—«Sire, respondi li [escuiers[360]], il n’est
5pas lonch de ci, il est chi desous en ce village.»—«Et
pourquoi est il là arrestés? dist li chevaliers.»—«Sire,
pour ce qu’il nous a envoiiés devant, pour
savoir se il trouveroit riens à fourer, ne à courir sus
ce pays.»—«Par ma foy, dist messires Renaulz,
10nennil; j’ay courut tout aval ce pays, mès je n’ay
riens trouvé. Retournés vers lui et li dittes qu’il traie
avant, et nous chevaucerons ensamble devers Saint
Quentin, à savoir se nous trouverions point milleur
marce ne aucune bonne aventure.»—«Et qui estes
15vous, sire? dist li escuiers qui parloit à lui.»—«On
m’appelle, respondi li chevaliers, Renault de Boullant;
dittes le ensi à monsigneur Bietremieu.»
A ces parolles retournèrent li doy escuier, et vinrent
au village où il avoient laissiés leurs mestres.
20Sitost que messires Gallehaus les vei, il demanda:
«Quèles de vos nouvelles? Avés vous riens veu ne
trouvé?» Il respondirent: «Sire, oil, assés par raison.
Chi dessus en ce bos est messires Renaulz de
Boullant, lui trentime espoir, et a hui toute ceste
25matinée chevauciet: si vous desire moult à avoir en
se compagnie, pour chevaucier encore plus avant
devers Saint Quentin.»—«Comment, dist messires
Gallehaus, que dittes vous? Messires Renaulz de
Boullant est uns chevaliers d’Alemagne et de le chevaucie
30le roy d’Engleterre.»—«Tout che savons
[207] nous bien, sire, disent li escuier.»—«Et comment
dont estes vous partis de li?»—«Sire, respondi
Bridous de Calonne, je le vous dirai.» Adonc li recorda
il toutes les parolles qui ci dessus sont dittes.
5Et quant messires Gallehaus les eut oyes, si pensa
sus un petit et en demanda conseil à monsigneur
Rogier de Coulongne et à aucuns chevaliers qui là
estoient, qu’il en estoit bon à faire. Li chevalier
respondirent et disent: «Sire, vous demandés aventure,
10et quant elles vous viennent en le main, si les prendés;
car en toutes manières doit on et poet par droit
d’armes grever son ennemi.»
§ 461. A ce conseil s’acorda legierement messires
Gallehaus, qui estoit desirans de trouver ses ennemis.
15Et fist restraindre ses plates et recengler son coursier,
et mist son bachinet à visière, par quoi il ne peuist
estre cogneus, et ensi fisent tout li aultre. Et fist encores
renvoleper son pennon; et puis issirent dou village
et prisent les camps. Si chevaucièrent à l’adrèce
20devers le bois où messires Renaulz de Boullant les
attendoit; et pooient estre environ soixante dix armeures
de fier, et messires Renaulz n’en avoit que
trente. Sitost que messires Renaulz les perçut sus les
camps, il se apparilla moult bien et recueilla ses gens,
25et se parti moult ordonneement de sen embusche,
son pennon tout desvolepé devant lui; et s’en vint le
petit pas devers les François qu’il cuidoit Englès. En
approçant, il leva se visière et salua monsigneur
Gallehaut, ou nom de monsigneur Bietremieu de
30Brues. Messires Gallehaus se tint tous couvers et li
respondi assés faintement et puis dist: «Alons, alons,
[208] chevauçons avant.» Dont se traisent ses gens d’un
lés et fisent leur route, et li Alemant le leur.
Quant messires Renaus de Boullant en vei le manière
et comment messires Gallehaus chevauçoit et
5regardoit de costet sur lui à le fois et point ne parloit,
si entra [en[361]] souspeçon, et n’eut mies chevauciet
en cel estat le quart d’une liewe quant il s’arresta
dalés son pennon et entre ses gens, et dist tout
en hault à monsigneur Galehaut: «Je fai doubte,
10sire chevaliers, que vous ne soiiés point messires
Bietremieus de Brues, car monsigneur Bietremieu cognoi
je assés, mais point ne vous ay encores ravisé: si
voel que vous vos nommés, ançois que je chevauce
plus avant en vostre compagnie.» A ces mos leva le
15tieste messires Gallehaus; et, en lui avançant devers
le chevalier pour lui prendre par les resnes de son
coursier, escria: «Nostre Dame Ribeumont!» et
tantost messires Rogiers de Coulongne dist: «Coulongne,
à le rescousse!»
20Quant messires Renaulz de Boullant se vei en ce
parti, il ne fu mies trop effraés, mès mist le main
moult apertement à un espoit de guerre que il portoit
à son costet, fort et roit, et le traist hors dou
fuerre. Et ensi que messires Gallehaus s’avança, qui
25le cuida prendre et arrester par le frain, messires
Renaulz li encousi ce roit espoit ens ou costé par tel
manière que il li perça tout oultre les plates et li fist
sewer oultre à l’autre lés; et puis retraist son espoit
et feri cheval des esporons et laissa monsigneur
30Gallehaut en ce parti durement navré. Quant les gens à
[209] monsigneur Gallehaut veirent leur mestre et chapitainne
en cel estat, si furent ensi que tout foursené, et
commencièrent à yaus desrouter et à entrer ens ès
gens de monsigneur Renault de Boullant, et les assallirent
5fierement: si en y eut aucuns rués par terre.
Sitost que li dis messires Renaulz eut donné le cop
à monsigneur Gallehaut, il feri coursier des esporons
et prist les camps. Là eut aucuns apers escuiers des
gens monsigneur Gallehaut, qui se misent apriès lui
10en cace [entrues que ses gens se combatoient, et
que li Franchois entendirent à iaulx grever ce qu’il
pooient[362].] Messires Renaulz, qui estoit fors chevaliers,
durs et hardis malement et bien arestés et avisés en
ses fais, n’estoit mies trop effraés; mès, quant il veoit
15que cil le sievoient de si priès que retourner le couvenoit
ou recevoir blasme, il s’arrestoit en son pas
sus l’un d’yaus et donnoit un cop si grant de son
roit espoit que cilz qui ferus en estoit, n’avoit nulle
volenté de li plus poursievir. Et ensi, en chevauçant,
20il en reversa par terre jusques à trois durement bleciés;
et, se il euist eu une hace bien acerée en se
main, il n’euist feru cop que il n’euist occis un
homme. Tant fist li dis chevaliers que il eslonga les
François et qu’il se sauva et n’i eut point de damage
25de son corps. De quoi si ennemi le tinrent à grant
proèce et tout cil qui depuis en oïrent parler; mès
ses gens furent tout mort ou pris: petit s’en sauvèrent.
Et là sus le place on entendi à monsigneur Gallehaut
30de Ribeumont qui estoit durement navrés; et
[210] fu amenés au plus doucement que on peut en le ville
de Peronne et là medecinés. De ceste plaie ne fu il
onques puis sainnement garis, car il estoit chevaliers
de si grant volenté et si corageus que pour ce ne se
5voloit il mies espargnier et ne vesqui point trop longement.
Or retourrons nous au roy d’Engleterre et
compterons comment il vint assegier le bonne cité
de Rains.
§ 462. Tant esploitièrent li dessus dis rois et ses
10hos que il passèrent Artois, où il avoient trouvé le
pays povre et desgarni de vivres, et entrèrent en
Cambresis où il trouvèrent le marce plus crasse et
plus plentiveuse; car li homme dou plat pays n’avoient
riens bouté ens ès forterèces, pour tant que il
15cuidoient estre tout asseguret dou roy d’Engleterre
et de ses gens. Mès li dis rois ne l’entendi mies ensi,
jà fuissent cil de Cambresis de l’empire. Et s’en vint
li dessus dis rois logier en le ville de Biaumès en
Cambresis, et ses gens tout environ. Là se tinrent
20quatre jours pour yaus rafreschir et leurs chevaus,
et coururent le plus grant partie dou pays de Cambresis.
Li evesques Pières de Cambray, qui regnoit pour
le temps, et li consaulz des signeurs dou pays et des
25bonnes villes envoiièrent, sus sausconduis, devers le
roy et son conseil certains messages, pour savoir à
quel title il les guerrioit. On lor respondi que c’estoit
pour ce que dou temps passé il avoient fait alliances
et grans confors as François et soustenu en leurs
30villes et forterèces, et fait ossi avant partie de guerre
comme leur ennemi; si devoient bien pour celle
[211] cause estre guerriiet: aultre response ou auques pareille
n’en raportèrent cil qui y furent envoiiet. Si
couvint les Cambrisiens souffrir et porter leur damage,
au plus bellement qu’il peurent.
5Ensi passa li rois d’Engleterre parmi Cambresis et
s’en vint en Tierasse; mès ses gens couroient par
tout à destre et à senestre, et prendoient vivres et
prisonniers là où il les pooient avoir. Dont il eschei
que messires Bietremieus de Bruwes couroit devant
10Saint Quentin: si trouva et encontra d’aventure le
chapitainne et gardiien pour le temps de Saint Quentin,
monsigneur Bauduin d’Anekin; si se ferirent yaus
et leurs gens ensamble, et y eut grant hustin et pluiseurs
reversés, d’un lés et d’aultre. Finablement, li
15Englès obtinrent le place. Et fu pris li dis messires
Bauduins et prisonniers à monsigneur Bietremieu de
Bruwes à qui il l’avoit esté aultre fois de le bataille
de Poitiers. Si retournèrent li dit Englès devers l’ost
le roy d’Engleterre, qui estoit logiés pour ce jour en
20l’abbeye de Femi, où il trouvèrent grant fuison de
vivres pour yaus et pour leurs chevaus; et puis passèrent
oultre et esploitièrent tant par leurs journées,
sans avoir nul empecement, que il s’en vinrent en
le marce de Rains. Et assega li rois d’Engleterre le
25cité de Rains, je vous diray par quel manière.
Li rois fist son logeis à Saint Bale oultre Rains, et
li princes de Galles et si frère à Saint Thieri. Li dus
de Lancastre tenoit en apriès le plus grant logeis. Li
conte, li baron et li aultre chevalier estoient logiet
30ens ès villages autour de Rains. Si n’avoient pas
leurs aises ne le temps à leur volenté; car il estoient
là venu ou coer de l’ivier, environ le Saint Andrieu,
[212] que il faisoit froit, lait et plouvieus. Et estoient leur
cheval mal logiet et mal livret, car li pays, deus ans
ou trois en devant, avoit estet toutdis si guerriiés
que nulz n’avoit labouret les terres: pour quoi on
5n’avoit nulz fourages, blés ne avainnes en garbes, ne
en estrains; et couvenoit les pluiseurs aler fourer dix
ou douze liewes loing. Si estoient souvent rencontré
des garnisons françoises, par quoi il y avoit hustins
et meslées: une heure perdoient li Englès, et l’autre
10gaegnoient.
De le bonne cité de Rains estoient chapitainne, à
ce jour que li rois d’Engleterre y mist le siège, messires
Jehans de Cran, arcevesques dou dit lieu, messires
li contes de Porsiien et messires Hughes de Porsiien
15ses frères, li sires de la Bove, li sires de Cavenci,
li sires d’Ennore, li sires de Lore et pluiseurs aultres
bons chevaliers et escuiers de le marce de Rains. Si
ensongnièrent si bellement, le siège pendant, que
onques nulz damages ne se prist à le ville; car la
20cités est forte et bien fremée et de bonne garde. Et
ossi li rois d’Engleterre n’i fist point assallir, pour ce
que il ne voloit mies ses gens travillier, ne faire navrer
ne blecier. Et demorèrent li dis rois et ses gens
à siège devant Rains, sus l’estat que vous avés oy,
25de le feste Saint Andrieu jusques à l’entrée de quaresme.
Si chevaucièrent souvent li dit Englès en grant
route pour trouver aventures, li aucun par toute le
conté de Rethers jusques à Wark et jusques à Maisières
30et jusques à Donceri et à Mouson, et logoient
ou pays deux jours ou trois et desroboient tout sans
deffense ne contredit de nullui, et puis s’en repairoient
[213] en leur host. Auques en ce temps que li rois
d’Engleterre estoit venus devant Rains, avoit pris
messires Eustasses d’Aubrecicourt le bonne ville de
Athegni sus Esne, et dedens trouvé grant fuison de
5vivres, et par especial plus de trois mil tonniaus de
vins; si en reparti le roy d’Engleterre grandement et
ses enfans: dont il li sceurent grant gret.
§ 463. Entrues que li sièges estoit devant Rains,
queroient li aucun chevalier de l’host les aventures,
10dont il avint que messires Jehans Chandos, messires
James d’Audelée, li sires de Muchident, messires Richars
de Pontchardon et leurs routes chevaucièrent
si avant devers Chaalons en Champagne, que il vinrent
à Carni en Dormois, un moult biel fort; si le
15regardèrent et considerèrent moult de priès, quant
il furent là venu: si le convoitièrent durement à assallir,
pour savoir se il le poroient prendre. Si descendirent
de leurs chevaus et se misent tout à piet,
yaus et leurs gens, et approcièrent le chastiel et le
20commencièrent à assallir radement et fortement.
Par dedens avoit en garnison deux bons chevaliers
qui le gardoient, dont li uns avoit nom messires
Edowars dou Bos, et li aultres messires Guis de
Caples et portoit d’or à une crois ancrée de sables.
25Là eut fort assaut et dur, car li chevalier et leurs
gens se deffendoient très bien, et ossi il estoient assalli
fortement et de grant volenté.
En cel assaut, s’avança telement li sires de Mucident,
uns moult riches homs et grans sires en Gascongne,
30que il fu consievois dou jet d’une pière sus
son bacinet, par lequel cop li dis bacinès fu effondrés.
[214] Et fu là abatus li dis chevaliers et mis à grant
meschief; car il morut entre ses gens, sans porter
plus avant. De le mort le signeur de Muchident furent
li aultre chevalier si courouciet que il jurèrent
5que jamais de là ne partiroient si aroient conquis le
chastiel et ceulz qui dedens estoient. Adonc se misent
il à l’assallir plus fort assés que devant. Et là eut fait
mainte grant apertise d’armes; car li Gascon estoient
tout foursené, pour le cause de leur mestre que on
10leur avoit mort. Si entroient ens ès fossés sans yaus
espargnier, et venoient jusques as murs et rampoient
contremont, les targes sus leurs testes. Endementrues,
[archiers[363]] traioient si ouniement et si roidement que
nulz n’osoit apparoir, fors en grant peril. Tant fu
15assalli et heriiet que li chastiaus fu pris, mès moult
leur cousta.
Quant li Englès en furent au dessus, il prisent les
deux chevaliers qui moult vaillamment s’estoient
deffendu, et aucuns escuiers ossi gentilz hommes; et
20le demorant il misent tout à l’espée, et malmenèrent
durement le dit chastiel de Carni, pour tant que il
ne le voloient mies tenir. Si retournèrent en l’ost
devant le cité de Rains et là amenèrent leurs prisonniers;
si recordèrent au roy et as barons comment il
25avoient esploitié.
En ce temps, entrues que on seoit devant le cité
de Rains, se resmurent haynes et grans mautalens
entre le roy de Navare et le duch de Normendie: le
raison et le cause ne sçai je mies moult bien. Mès il
30avint adonc que li rois de Navare se parti soudainnement
[215] de Paris et s’en vint à Mantes sus Sainne et
deffia le dit duch de Normendie et ses frères: de
quoi tous li royaumes de France fu moult esmervilliés
à quel title ceste guerre estoit renouvelée.
5Et adonc prist, en l’ombre de se guerre, uns escuiers
de Brouxelles, qui s’appelloit Wautre Obstrate,
le fort chastiel de Roleboise, seans sus le rivière de
Sainne, à une liewe de Mantes: liquelz chastiaus fist
depuis moult de maulz à chiaus de Paris et dou pays
10environ.
§ 464. En ce temps que li rois d’Engleterre seoit
devant le cité de Rains, par l’ordenance que vous
avés oy, avint que li sires de Gommegnies qui estoit
retournés en Engleterre devers madame le royne,
15quant li rois d’Engleterre ot renvoiiet les estragniers
à Calais, si com ci dessus est contenu, rapassa le mer
et vint en Haynau, et en se compagnie aucuns escuiers
de Gascongne et d’Engleterre, et tiroient tout
à venir devant Rains. Li jones sires de Gommegnies,
20qui se desiroit à avancier, lui revenu en Hainau, fist
une cueilloite d’aucuns compagnons; et se boutèrent
pluiseurs hommes d’armes en se route et desous son
pennon. Quant il furent tout assamblé, il pooient
estre environ yaus trois cens, uns c’autres. Si se
25partirent de Maubuege où li assamblée estoit faite, et
vinrent à Avesnes en Haynau, et passèrent oultre et
vinrent à Trelon.
Or estoit adonc li sires de Roie en garnison au
Rosoy en Tierasse, et grant fuison de bons compagnons
30avoech lui, chevaliers et escuiers; et avoit entendu,
par ses espies que il avoit toutdis sus les frontières
[216] de Haynau, que li sires de Gommegnies avoit
mis sus une carge de gens d’armes pour amener devant
Rains ou confort le roy d’Engleterre, et devoient
ilz et ses gens passer parmi le Tierasse. Sitos que li
5sires de Roie fu enfourmés de verité de ceste chevaucie,
il segnefia son afaire tout secretement as
compagnons d’environ lui, et par especial à monsigneur
le Chanonne de Robertsart, qui pour le temps
gouvrenoit le tière le [jone[364]] signeur de Couci, et se
10tenoit ou chastiel de Marle.
Quant li Chanonnes le sçeut, il ne fu mies frois de
venir celle part, et s’en vint dalés le signeur de Roie
à bien quarante lances. Et se fist chiés li sires de
Roie de ceste chevaucie. Ce fu bien raisons, car c’est
15uns grans barons de Pikardie, et estoit pour le temps
très bons homs d’armes et entreprendans et bien renommés
et cogneus en pluiseurs lieus. Si se misent
ces gens d’armes françois, qui pooient bien estre
yaus troi cens, en embusche sus le chemin où li
20sires de Gommegnies et se route devoient passer, et
avoient leurs espies tous pourveus, pour mieus avenir
à leur fait.
Or avint que li sires de Gommegnies et se route,
qui nulle cose n’en savoient et qui cuidoient passer
25sans rencontre, entrèrent en le Tierasse et ou chemin
de Rains; et vinrent un jour, à heure de tierce ou
plus matin, à un village que on appelle Harbegni. Si
eurent conseil que il se arresteroient là, pour yaus un
petit rafreschir et leurs chevaus, et puis monteroient
30sans point d’arest; et de bonne heure il venroient
[217] devant Rains en l’ost dou roy d’Engleterre. Adonc
descendirent il en celle ditte ville, et se commencièrent
à ordonner pour establer leurs chevaus. Entrues
que li compagnon s’apparilloient, li sires de Gommegnies,
5qui estoit adonc jones et volentrieus, dist que
il voloit chevaucier hors de ce village et savoir se il
trouveroit nient mieulz à fourer. Si appella cinq ou six
compagnons des siens et leurs pages, et Cristofle dou
Mur, un sien escuier qui portoit son pennon, et se
10parti de Harbegni tout radement sans point de ghet.
Or estoient cil chevalier françois et leurs gens en
embusche dehors ce village, qui les avoient poursievois
le jour devant et le nuit apriès, et tiroient que
il les peuissent trouver à leur avantage; et, se il ne
15les ewissent trouvés sus les camps, il avoient en
pourpos que d’entrer ou village et yaus resvillier;
mès li sires de Gommegnies et aucuns de ses gens
leur cheirent ensi en le main. Quant li François perçurent
chevaucier le signeur de Gommegnies si seulement,
20si furent de premiers tout esmervilliet quelz
gens ce pooient estre; et envoiièrent deux de leurs
coureurs devant, qui raportèrent que ce estoient leur
ennemi. Quant il oïrent ces nouvelles, si se partirent
de leur embusche, cescuns au plus tost qu’il peurent,
25en escriant: «Roie au signeur! Roie!» Et se
partirent li chevalier, devant messires de Roie, se
banière devant lui toute desvolepée, messires Flamens
de Roie ses cousins, messires Loeis de Robersart,
li Chanonnes de Robersart, ses frères, qui estoit
30adonc escuiers, messires Crestiiens de Bommeroie et
li aultre, cescuns son glave abaissié et en escriant:
«Roie au signeur! Roie!»
[218] Quant li sires de Gommegnies se vei en ce parti et
ensi hastés, si fu tous esmervilliés; nompourquant il
eut bon avis et hardement de arrester et de attendre
leurs ennemis. Et ne daignièrent ilz ne li sien, fuir;
5si abaissièrent leurs glaves et se misent en ordenance
de combatre. Là vinrent li François, bien monté, et
se boutèrent radement en ces Englès et Gascons où
il n’avoit mies trop grant route. Si fu, de premières
venues, li sires de Gommegnies rués jus de cop de
10glave, et n’eut onques puis espasse en le place de
remonter. Là se misent il à deffense ilz et ses gens
moult vaillamment, et y fisent tamainte belle apertise
d’armes, mès finablement li sires de Gommegnies
ne peut durer. Si fu pris et fianciés prisons, et doi
15escuier de Gascongne avoecques lui, qui trop vaillamment
et bien se combatirent et qui moult à envis
se rendirent; mès rendre les couvint: aultrement il
euissent esté mort, ensi que fu Cristofles dou Mur,
uns bons et appers escuiers qui portoit le pennon le
20signeur de Gommegnies. Briefment, tout cil qui là
estoient, furent mort ou pris, excepté li varlet qui se
sauvèrent au bien fuir, car il estoient bien monté;
et ossi on ne fist point de cace apriès yaus, car il
entendirent à plus grant cose.
25§ 465. Quant li chevalier et escuier, qui pris
avoient le signeur de Gommegnies et rué jus et ceulz
qui avoech lui estoient, [furent[365]] issu dou village, il
ne veurent mies là arrester, mès brochièrent chevaus
[219] des esporons et se boutèrent ou village dessus dit,
en escriant: «Roie au signeur! Roie!» Dont furent
tout cil qui là estoient, moult esbahi, quant il sentirent
leurs ennemis si priès d’yaus. Et estoient li plus
5tout desarmé et tout espars; si ne se peurent ralloiier
ne mettre ensamble. Là les prisent li François à volenté,
en gragnes, en loges et en fours; et y eut li
dis Chanonnes de Robersart pluiseurs prisonniers,
pour tant que li Haynuier le cognissoient mieulz que
10nulz des aultres.
Bien est verités que il en y eut aucuns qui se recueillièrent
en une petite forte maison, environnée
d’aigue, qui siet en ce village de Harbegni. Et conseillièrent
li aucun qui dedens estoient, que on se
15deffendesist, et y mettoient bonne raison et disoient:
«Ceste maison est assés forte pour nous tenir tant
que li rois d’Engleterre, qui est devant Rains, ora
nouvelles de nous; et, si tretost comme il pora savoir
que nous sommes ci appressé des François, il
20nous envoiera conforter: il n’est nulle doubte.» Là
respondirent li aultre qui n’estoient mies bien asseguret:
«Nous ne nous poons tenir, ne jour ne
heure; car ceste maison est toute plate et environnée
de nos ennemis.» Ensi estoient li compagnon
25là en debat et en estrit entre yaus.
Là vinrent li sires de Roie et li chevalier qui leur
disent: «Escoutés, signeur, se vous vos faites assallir
tant ou petit, vous serés tout mort sans merci,
car tantost vous prenderons de force»: si ques ces
30parolles et samblables esbahirent les plus hardis. Et
se rendirent tout cil qui dedens estoient, salves leurs
vies; et furent tout pris prisonnier et menet en voies
[220] en le terre de Couci et ens ès garnisons proçainnes
dont li François estoient parti. Ceste avenue avint à
monsigneur Jehan, signeur de Gommegnies, et à se
route, environ le Noël, l’an mil trois cens cinquante
5neuf: de quoi li rois d’Engleterre, quant il le sceut,
fu moult courouciés, mès amender ne le peut tant
c’à celle fois.
Or revenrons au siège de Rains, et parlerons d’une
aultre aventure qui avint à monsigneur Bietremieu
10de Bruwes, qui avoit assegiet le tour et le chastiel de
Curmici, et un chevalier champegnois dedens qui
s’appelloit messires Henris de Vaus. Et s’armoit li dis
messires Henris de noir à cinq aniaus d’argent et
crioit: «Viane!»
15§ 466. Ce siège tenant devant Rains, estoient li
signeur, li conte et li baron espars en le marce de
Rains, si com vous avés oy compter cy dessus, pour
mieulz estre à leur aise et pour garder les chemins
que nulles pourveances n’entraissent en le ditte cité.
20De quoi cilz bons chevaliers, messires Bietremieus de
Bruwes, et grant baron d’Engleterre, estoit o toute se
route et carge de gens d’armes et d’arciers, logiés à
Curmici, un moult biel chastel de l’arcevesque de
Rains: liquelz arcevesques y avoit mis dedens en
25garnison le chevalier dessus nommet et pluiseurs bons
compagnons ossi, pour le garder et deffendre contre
les Englès. Cilz chastiaus ne doubtoit nul assaut, car
il y avoit une tour quarré[e], malement grosse et espesse
de mur et bien batillie.
30Quant messires Bietremieus, qui le chastiel avoit
assegiet, l’ot bien aviset et consideret le force et le
[221] manière, et que par assaut il ne le poroit avoir, il
fist apparillier une quantité de mineurs que il avoit
avoecques lui et à ses gages, et leur commanda qu’il
vosissent faire leur pooir de le forterèce miner, et
5trop bien il les paieroit. Cil respondirent: «Volentiers.»
Adonc entrèrent cil ouvrier en leur mine et
minèrent continuelment nuit et jour, et fisent tant
que il vinrent moult avant par desous le grosse tour;
et, à le mesure que il minoient, il estançonnoient, et
10cil dou fort riens n’en savoient. Quant il furent au
dessus de leur mine que pour faire reverser le tour,
quant il vorroient, il vinrent à monsigneur Bietremieu,
et li disent: «Sire, nous avons telement appareilliet
nostre ouvrage que ceste grosse tour trebuchera,
15quant il vous plaira.»—«Bien est, respondi
li chevaliers, n’en faites plus [riens[366]] sans mon
commandement.» Et cil disent: «Volentiers.»
Adonc monta à cheval messires Bietremieulz, et enmena
monsigneur Jehan de Ghistelles avoecques li,
20qui estoit de se compagnie, et s’en vinrent jusques
au chastiel. Messires Bietremieus fist signe que il voloit
parlementer à chiaus dedens. Tantost messires
Henris de Vaus se traist avant et vint as crestiaus et
demanda qu’il voloit. «Je voeil, dist messires Bietremieus,
25que vous vos rendés, ou aultrement vous
estes tout mort sans remède.»—«Et comment? respondi
li chevaliers françois qui prist à rire. Jà sommes
nous ceens tout hetiet et assés bien pourveu de
toutes coses; et vous volés que nous nos rendons si
30simplement: ce ne sera jà.»—«Messire Henri,
[222] messire Henri, respondi li chevaliers d’Engleterre, se
vous saviés en quel parti vous estes, vous vos renderiés
tantost et à peu de parolles.»—«En quel
parti poons nous estre, sire? respondi li chevaliers
5françois.»—«Vous isterés hors, dist messires Bietremieus,
et je le vous mousterai, par condition que,
se vous volés retourner en vostre tour, je le vous
acorderai et assegurances jusques adonc.»
Messires Henris entra en ce trettiet et crut le chevalier
10englès, et issi hors de son fort, lui quatrime
tant seulement, et vint là où messires Bietremieulz
et messires Jehans de Gistelles le veurent mener.
Sitost comme il fu là venus, il le menèrent à leur
mine et li moustrèrent comment la grosse tour ne
15tenoit, fors sus estançons de bos. Quant li chevaliers
françois vei le peril, si dist à monsigneur Bietremieu:
«Certainement, sire, vous avés bonne cause; et ce
que fait en avés, vous vient de grant gentillèce: si
nous mettons en vostre volenté et le nostre ossi.»
20Là les prist messires Bietremieus comme ses prisonniers
et les fist partir hors de le tour, uns et aultres,
et le leur ossi, et puis fist bouter le feu en le mine.
Si ardirent li estançon; et quant il furent tous ars,
li tours, qui estoit malement grosse et quarrée, ouvri
25et se parti en deux et reversa d’autre part. «Or regardés,
ce dist messires Bietremieus à monsigneur
Henri de Vaus et à chiaus de le forterèce, se je vous
disoie verité.» Il respondirent: «Sire, oil, nous demorons
vostre prisonnier à vostre volenté, et vous
30remercions de vostre courtoisie; car li Jake Bonhomme
qui jadis regnèrent en ce pays, se il euissent
ensi esté de nous au deseure que vous estiés orains,
[223] il ne nous euissent mies fait la cause parelle que vous
avés.» Ensi furent pris le compagnon de le garnison
de Curmici et li chastiaus effondrés.
§ 467. Li rois d’Engleterre se tint à siège devant
5le cité de Rains bien le terme de sept sepmainnes et
plus; mès onques n’i fist assallir ne point ne petit,
car il euist perdu se painne. Quant il eut là tant estet
qu’il li commençoit à anoiier, et que ses gens ne
trouvoient mès riens que fourer, et perdoient leurs
10chevaus et estoient en grant mesaise de tous vivres, il
se deslogièrent et se arroutèrent comme en devant,
et se misent au chemin par devers Chaalons en
Campagne. Et passa li dis rois et toute son host
assés priès de Chaalons, et se mist [par devers Bar
15le Duch, et apriès[367]] par devers le cité de Troies, et
vint logier à Meri sus Sainne; et estoit toute sen host
entre Meri et Troiez, où on compte huit liewes de
pays.
Entrues comme il estoit à Meri sus Sainne, ses
20connestables chevauça oultre, qui toutdis avoit la
première bataille, et vint devant Saint Florentin, dont
messires Oudars de Renti estoit chapitainne, et y fist
un moult grant assaut; et fist devant le forterèce
desvoleper se banière qui estoit faissie d’or et d’asur
25à un chief pallet, les deux corons geronnés à un escuçon
d’argent enmi le moiienné. Et là eut grant assaut
et fort, mès riens n’i conquisent li Englès. Si y
vint li dis rois d’Engleterre et toute son host, et se
logièrent tout entour Saint Florentin, sus le rivière
[224] d’Armençon; et quant il se delogièrent, il vinrent
devant Tonnoire, et là eut grant assaut et dur. Et fu
la ville de Tonnoirre prise par force, et non li chastiaus;
mès li Englès gaegnièrent ou corps de le ville
5de Tonnoirre plus de trois mil pièces de vin qui
leur fisent grant bien. Adonc estoit dedens le cité
d’Auçoirre li sires de Fiennes, connestables de France,
à grant fuison de gens d’armes.
§ 468. Li rois d’Engleterre et son host reposèrent
10en Tonnoirre cinq jours, pour le cause des bons vins
qu’il avoient trouvés, et assalloient souvent au chastiel;
mès il estoit bien garnis de bonnes gens d’armes,
desquelz messires Bauduins d’Anekins, mestres
des arbalestriers, estoit chapitainne. Quant il se furent
15bien reposé et rafreschi en le ville [de Tonnoire[368]],
il s’en partirent et passèrent là le rivière
d’Armençon. Et laissa là li rois d’Engleterre le chemin
d’Auçoirre, à le droite main, et prist le chemin
de Noiiers; et avoit tèle intention que d’entrer en
20Bourgongne et d’estre là tout le quaresme. Et passa
et toute sen host desous Noiiers, et ne volt onques
consentir que on y assausist, car il tenoit le
signeur prisonnier de le bataille de Poitiers. Et vinrent
li rois et toute son host à giste à une ville que
25on appelle Montroyal, sus une rivière que on dist
Seletes.
Et quant li rois s’en parti, il monta celle rivière et
s’en vint logier à Aguillon sus Seletes; car uns siens
escuiers, que on appelloit Jehan de Arleston, et s’armoit
[225] d’azur à un escuçon d’argent, avoit pris le ville
de Flavegni qui siet assés priès de là, et avoit dedens
trouvé de toutes pourveances, pour vivre le roy et
toute son host un mois entier. Se leur vint trop bien
5à point, car li rois fu en le ditte ville d’Aguillon, de le
nuit des Cendres jusques au mi quaresme. Et toutdis
couroient si mareschal et si coureur le pays, ardant,
gastant et essillant tout entours yaus, et rafreskissoient
souvent l’ost de nouvelles pourveances.
10§ 469. Vous devés savoir que li signeur d’Engleterre
et li riche homme menoient sus leurs chars
tentes et pavillons, moulins, fours pour cuire et forges
pour forgier, fiers de chevaus et toutes aultres
coses neccessaires. Et pour tout ce estoffer, il menoient
15bien huit mil chars, tous atelés de quatre fors roncins
que il avoient mis hors d’Engleterre. Et avoient
encores sus ces chars pluiseurs nacelles et batelés, fais
et ordonnés si soubtieument de cuir boulit, que merveilles
estoit à regarder. Et si pooient bien troi
20homme dedens aidier, pour nagier parmi un estanc
ou un vivier, com grans qu’il fust, et peschier à leur
volenté. De quoi il eurent grant aise tout le temps
et tout le quaresme, voires li signeur et les gens d’estat;
mais les commugnes se passoient de ce qu’il
25trouvoient. Et avoech ce, li rois avoit bien pour lui
trente fauconniers à cheval, cargiés de oisiaus, et bien
soixante couples de fors chiens et otant de levriers
dont il aloit cescun jour en cace ou en rivière, ensi
qu’il li plaisoit. Et si y avoit pluiseurs des signeurs
30et des riches hommes, qui avoient leurs chiens et
leurs oiziaus, ossi bien comme li rois leurs sires. Et
[226] estoit leur hos toutdis partis en trois parties, et chevauçoit
cescune host par lui. Et avoit cescune host
avantgarde et arrieregarde, et se logoit cescune host
par lui une liewe ensus de l’autre. Dont li princes
5de Galles en menoit l’une, li dus de Lancastre l’autre,
et li rois d’Engleterre le tierce et toute le plus
grant. Et ensi se maintinrent il mouvant de Calais
jusques adonc que il vinrent devant le cité de
Chartres.
10§ 470. Nous parlerons dou roy d’Engleterre qui se
tenoit à Aguillon sus Selletes. Et vivoient il et s’en
host des grosses pourveances que Jehans de Harleston
avoit trouvé[e]s à Flavegni. Entrues que li rois
sejournoit là, pensans et imaginans comment il se
15maintenroit, li jones dus de Bourgongne qui regnoit
pour le temps et ses consaulz, par le requeste et ordenance
de tout le pays de Bourgongne entirement,
envoiièrent devers le dit roi d’Engleterre souffissans
hommes, barons et chevaliers, pour trettier à respiter
20de non ardoir et courir le pays de Bourgongne.
Si s’ensonniièrent adonc de porter ces trettiés li signeur
qui chi s’ensievent: premierement messires
Ansiaus de Salins, grant cancelier de Bourgongne,
messires Jakemes de Viane, messires Jehans de Rie,
25messires Hughe de Viane, messires Guillaumes de
Toraise et messires Jehans de Montmartin.
Cil signeur esploitièrent si bien et trouvèrent le
roy d’Engleterre si traittable que une compositions
fu faite entre le dit roy et le pays de Bourgongne:
30parmi deux cens mille frans qu’il deubt avoir tous
apparilliés, il deporta le dit pays de Bourgongne à
[227] non courir, et le assegura li dis rois de lui et des
siens le terme de trois ans.
Quant ceste cose fu acordée et seelée, li rois se
desloga et toute son host et prist son retour et le
5droit chemin de Paris, et s’en vint logier sus le rivière
d’Yonne à Kon desous Vosselay. Si s’estendirent
ses gens sus celle belle rivière, c’on dist Yone,
et comprendoient tout le pays jusques à Clamisi, à
l’entrée de le conté de Nevers. Et rentrèrent li Englès
10en Gastinois. Et esploita tant li rois d’Engleterre
par ses journées qu’il vint devant Paris et se loga à
deux petites liewes priès ou Bourch Le Royne.
§ 471. Ensi tourniant tout le pays, cheminoient
li rois d’Engleterre et ses gens qui destruisoient tout
15devant yaus; et, d’autre part, les garnisons qui se
tenoient et faisoient guerre pour lui en Biauvoisis,
en Picardie, en France, en Brie et en Campagne,
guerrioient et gastoient tout le pays. D’autre costé, li
rois de Navare, qui se tenoit sus le marce de Normendie,
20faisoit ossi moult forte guerre. Ensi estoit
guerriiés li nobles royaumes de France de toutes
pars, ne on ne savoit auquel entendre.
Et par especial, messires Eustasses d’Aubrecicourt,
qui se tenoit à Ategni sus Esne, et qui avoit là une
25grant et grosse garnison de saudoiiers et de compagnons,
gastoient, rançonnoient et honnissoient
tout le pays; et couroient toute le bonne conté de
Reters jusques à Donceri, jusques à Maisières, jusques
au Kesne Poulleus, jusques à Sathenay en le
30conté de Bar. Et gisoient et logoient ou pays, quel
part qu’il voloient, deux nuis ou trois, sans estre
[228] destourbé de nullui; et puis s’en venoient logier,
reposer et rafreschir en leur forterèce à Athegni.
Bien est verité que tout li signeur d’environ, chevalier
et escuier, le maneçoient moult fort, et assignèrent
5entre yaus pluiseurs journées pour issir as
camps et venir assegier le dit monsigneur Eustasse
en Athegni; mès onques n’en fu riens fait.
Et avint que li compagnon d’Athegni, qui ne faisoient
nuit et jour fors que soutillier et aviser comment
10il poroient prendre et embler villes et forterèces
et quel part il se trairoient pour plus gaegnier,
vinrent de nuit à une forte ville et bon chastiel qui
siet en Laonnois assés priès de Montagut, en très
fors marès. Et appelle on la ditte ville Pierepont: et
15estoient à ce donc [dedens[369]] grant fuison de bonnes
gens dou pays qui y avoient mis et attrait le
leur sus le fiance dou fort lieu. A l’eure que cil compagnon
d’Athegni vinrent là, les gettes estoient endormies:
si se misent li dit compagnon, par le couvoitise
20de gaegnier, parmi ces fors marès, à grant
meschief; et vinrent jusques as murs, et puis entrèrent
en le ville et le gaegnièrent sans deffense, et
le desrobèrent toute à leur volenté. Si trouvèrent
dedens plus d’avoir que en nul liu où il euissent
25esté; et quant il fu grans jours, il ardirent le ville et
s’en partirent, et s’en revinrent arrière à Athegni,
bien fouci de grant pillage.
§ 472. En ce temps avoit un Frère Meneur, plain
de grant clergie et de grant entendement, en le cité
[229] de Avignon, qui s’appelloit frères Jehans de Roce
Taillade, lequel Frère Meneur papes Innocens VIe
faisoit tenir en prison ou chastiel de Bagnolles, pour
les grandes merveilles qu’il disoit qui devoient avenir,
5meismement et principaument sus les prelas
et presidens de Sainte Eglise, pour les superfluités et
le grant orgueil qu’il demainnent, et ossi sus le
royaume de France et sus les grans signeurs de crestienté,
pour les oppressions qu’il font sus le commun
10peuple. Et voloit li dis frères Jehans toutes ses
parolles prouver par le Apocalipse et par les anciiens
livres des sains prophètes, qui li estoient aouvertes
par le grasce dou Saint Esperit, si qu’il disoit, desquèles
moult en disoit qui fortes estoient à croire.
15Si en veoit on bien avenir [aucunes[370]] dedens le
temps qu’il avoit anonciet, et ne les disoit mies
comme prophètes; mais il les savoit par les anciiennes
Escriptures et par le grasce dou Saint Esperit,
ensi que dit est, qui li avoit donné entendement de
20declarer tous ces anciiens tourbles, escriptures et
prophesies, pour anoncier à tous crestiiens l’anée et
le temps que elles devoient avenir. Et en fist pluiseurs
livres bien dittés et bien fondés de grant science
de clergie: desquelz li uns fu commenciés l’an de
25grasce mil trois cens quarante cinq, et li aultres l’an
mil trois cens cinquante six. Et avoit escript dedens
tant de merveilles à avenir entre l’an cinquante six
et l’an soixante dix, que trop seroient longes à escrire
et trop fortes à croire, combien que on en ait
30jà pluiseurs veues avenir dou temps passé.
[230] Et quant on li demandoit qu’il avenroit de le
guerre des François et des Englès, il disoit que ce
n’estoit riens ce que on en avoit veu, envers ce qui
en avenroit; car il n’en seroit pais ne fins jusques
5à tant que li royaumes de France seroit essilliés et
gastés par toutes ses parties et ses regions. Et tout
ce a on bien veu avenir depuis, car li nobles royaumes
de France a esté foulés, gastés et essilliés, et fu
par especial ou termine que li dis Frères Meneurs y
10metoit, l’an cinquante six, l’an cinquante sept, l’an
cinquante huit, l’an cinquante neuf, en toutes ses
regions, telement que nuls des princes ne des
gentilzhommes n’osoit moustrer contre ces gens de
bas estat, assamblés de tous pays, venus li uns
15apriès l’autre, sans nul chief de hault homme. Et
avoient le dit royaume de France sans nulle deffense,
à leur volenté, ensi com vous avés oy. Et eslisoient
souverains et chapitains entre yaus par diverses
marces, asquelz il obeissoient, cil qui se mettoient
20en leur compagnie; et faisoient certains
couvens li un à l’autre de leur roberie et pillerie et
des raençons et des prisons. Et en trouvoient tant
que li capitain en devenoient tout riche, et si riche
que sans nombre et sans mesure, dou fier avoir qu’il
25assambloient. Or revenrons nous au roy d’Engleterre.
§ 473. Li dessus nommés rois estoit logiés ou
Bourch le Royne, à deux petites liewes priès de Paris,
et toute son host contremont en alant devers le
30Montleheri. Si envoia li dis rois, entrues qu’il se tenoit
là, ses hiraus dedens Paris au duch de Normendie
[231] qui s’i tenoit à tout grant gent d’armes pour demander
bataille, mès li dus ne li acorda point;
ançois retournèrent li message sans riens faire.
Quant li rois d’Engleterre vei que nulz n’isteroit de
5Paris pour lui combatre, s’en fu tous courouciés.
Adonc s’avança cilz bons chevaliers messires Gautiers
de Mauni et pria au roy son signeur que il li
volsist laissier faire une chevaucie et envaie jusques
as bailles de Paris; et li rois li acorda et nomma
10personelment chiaus qu’il voloit qui alaissent avoeques
li. Et fist là li rois pluiseurs chevaliers nouviaus,
desquelz li sires de le Ware en fu li uns, et li
sires de Filwatier et messires Thumas Balastre et
messires Guillaumes Toursiaus et messire Thumas le
15Despensier et messires Jehans de Nuefville et messires
Richars Sturi et pluiseur aultre. Et l’euist esté
Colars d’Aubrecicourt, filz à monsigneur Nicole, se
il volsist, car li rois le voloit, pour tant que il estoit
à lui et ses escuiers dou corps; mès li dis Colars s’escusa
20et dist que il ne pooit trouver son bacinet.
Li sires de Mauni fist sen emprise et amena ses
nouviaus chevaliers escarmucier et courir jusques as
bailles de Paris. Là eut bonne escarmuce et dure,
car il y avoit dedens le cité de Paris bons chevaliers
25et escuiers qui volentiers fuissent issu, se li dus de
Normendie l’euist consenti. Toutes fois, cil gentil
homme qui estoient dedens Paris, gardèrent le porte
et le barrière telement qu’il n’i eurent point de damage.
Et dura li escarmuce dou matin jusques à
30miedi, et en y eut des navrés des uns et des aultres.
Adonc se retrest li sires de Mauni et en remena ses
gens à leur logeis, et se tinrent là encores ce jour et
[232] le nuit ensievant. A l’endemain, se desloga li rois
d’Engleterre et prist le chemin de Montleheri.
Or vous dirai quel pourpos aucun signeur d’Engleterre
et de Gascongne eurent à leur deslogement.
5Il sentoient dedens Paris tant de gentilz hommes:
si supposèrent ce qu’il en avint, que il en widièrent
aucuns jones et enventureus, pour leurs corps avancier
et pour gaegnier. Si se misent en embusche bien
doi cens armeures de fier, toutes gens d’eslitte, Englès
10et Gascons, en une vuide maison, à trois liewes
de Paris. Là estoient li captaus de Beus, messires
Aymenions de Pumiers et messires Petiton de Courton;
et Englès: li sires de Noefville, li sire de Montbray
et messires Richars de Pontchardon. Cil six
15chevalier estoient souverain de ceste embusce.
Quant li François, qui se tenoient dedens Paris,
veirent le deslogement dou roy d’Engleterre, si se
cueillièrent aucun jone signeur et bon chevalier et
disent entre yaus: «C’est bon que nous issons hors
20secretement et poursievons un petit l’ost le roy d’Engleterre,
à savoir se nous y porions riens gaegnier.»
Il furent tantost tout d’un acord telz que messires
Raoulz de Couci, messires Raoulz de Rainneval, li
sires de Montsaut, li sires de Helli, li chastellains de
25Biauvais, li Beghes de Vellainnes, li sires de Wasiers,
li sires de Wawrin, messires Gawains de Bailluel, li
sires de Vendueil, messires Flamens de Roie, messires
li Hazelés de Cambli, messires Pières de Saremaise,
messires Phelippes de Savoizis et bien cent
30lances en lor compagnie. Si issirent hors tout bien
monté et en grant volenté de faire aucune cose,
mais que il trouvaissent à qui. Et chevaucièrent tout
[233] le chemin dou Bourch la Royne et passèrent oultre,
et se misent as camps tout le froais des gens le roy
d’Engleterre, et passèrent encores oultre la dessus
ditte embusche dou captal et de se route.
5Assés tost apriès ce que il furent passé, li embusche
des Englès et des Gascons issi hors et salli avant, les
glaves abaissies, en escriant leur cri. Li François se
retournèrent qui eurent grant merveille que c’estoit
et cogneurent tantost que c’estoient leur ennemi. Si
10s’arrestèrent tout quoi et se misent en ordenance de
bataille, et abaissièrent les glaves contre les Englès
et Gascons qui tantost furent venu. Là y eut de premiers
encontre forte jouste et ruet pluiseur par terre,
d’un lés et d’autre, car il estoient tout fort monté.
15Apriès celle jouste, il sachièrent leurs espées et entrèrent
l’un dedens l’autre, et se commencièrent à
batre et à ferir et à donner grans horions.
Et là eut fait mainte belle apertise d’armes. Et
dura cilz puigneis une grant espasse et fu telement
20demenés que on ne sceuist à dire un temps: li François
ne li Englès en aront le milleur. Et par especial
là fu li captaus de Beus très bons chevaliers et y fist
de le main tamainte apertise d’armes. Finablement,
Englès et Gascon s’i portèrent si bien de lor costé
25que li place leur demora, car il estoient tant et demi
que li François.
Et là fu, dou costé des François, bons chevaliers
li sires de Campremi et se combati vaillamment
desous se banière. Et fu cilz qui le portoit occis et
30la banière abatue, qui estoit d’argent à une bende
de geules, à six merlètes noires, trois desous et
trois deseure. Et fu li sires de Campremi pris en bon
[234] couvenant. Li autre chevalier et escuier françois,
qui veirent le mesaventure et que il ne pooient recouvrer,
se misent au retour devers Paris tout en
combatant, et Englès et Gascon apriès poursievant
5de grant volenté.
En celle cace qui dura jusques oultre le Bourch
la Royne, y furent pris neuf chevaliers, que banerès,
que aultres; et se li Englès et Gascon qui les
poursievoient ne se fuissent doubté de l’issue de chiaus
10de Paris, jà nulz n’en fust escapés qu’il ne fuissent
tout mort ou pris. Quant il eurent fait leur empainte,
il retournèrent arrière devers le Montleheri
où li rois d’Engleterre chevauçoit. Et enmenèrent
leurs prisonniers asquelz il fisent très bonne compagnie,
15et les rançonnèrent courtoisement ce propre
soir; et les renvoiièrent arrière à Paris ou là quel
part il leur pleut aler, et les recrurent legierement
sus leur fois.
FIN DU TEXTE DU TOME CINQUIÈME.