LIVRE PREMIER.
§ [474] Li intention dou roy Edowart d’Engleterre
estoit tèle que il enteroit en ce bon pays de Biausse
et se trairoit tout bellement sus celle belle, douce et
bonne rivière de Loire, et se venroit tout cel esté
5jusques apriès aoust rafreschir en Bretagne. Et tantost
sus les vendenges, qui estoient moult belles apparans,
il retourroit en France et venroit de rechief
mettre le siège devant Paris, car point ne voloit retourner
en Engleterre, pour ce qu’il en avoit au
10partir parlé si avant, si aroit eu se intention dou dit
royaume, et lairoit ses gens par ses forterèces, qui
guerre faisoient pour lui, en France, en Brie, en Campagne,
en Pikardie, en Pontieu, en Vismeu, en Vexin
et en Normendie, guerriier et heriier le royaume de
15France, et si taner et fouler les cités et les bonnes
villes que de leur volenté il s’acorderoient à lui.
Adonc estoient en Paris li dus de Normendie et si
[2] doy frère, et li dus d’Orliiens, leurs oncles, et tous li
plans consaulz de France, qui imaginoient bien
le voiage dou roy d’Engleterre, et comment il et ses
gens fouloient et apovrissoient le royaume de France,
5et que ce ne se pooit longement tenir ne souffrir,
car les rentes des signeurs et des eglises se perdoient
generaument partout. Adonc estoit canceliers de
France uns moult sages et vaillans homs messires
Guillaumes de Montagut, evesques de Tieruane, par
10qui conseil on ouvroit en partie en France, et bien
le valoit, en tous estas, car ses consaulz estoit bons et
loyaus. Avoecques lui estoient encores doi clerc de
grant prudense, dont li uns estoit abbes de Clugni,
et li autres mestres des Frères Preeceurs, et le appelloit
15on frère Symon de Lengres, mestres en divinité.
Cil doi clerch darrainnement nommet, à le priière,
[requeste[346]] et ordenance dou duc de Normendie et
de ses frères et dou duch d’Orliiens, leur oncle, et
de tout le grant conseil de France entirement, se partirent
20de Paris sus certains articles de pais, et messires
Hughes de Genève, signeur d’Antun, en leur compagnie,
et s’en vinrent devers le roy d’Engleterre
qui cheminoit en Biausse par devers Gaillardon. Si
parlèrent cil doi prelat et li chevaliers au dit roy
25d’Engleterre, et commencièrent à trettier pais entre
lui et ses alliiés et le royaume de France et ses alliiés,
asquelz trettiés li dus de Lancastre et li princes de
Galles, li contes de le Marce et pluiseur hault baron
[d’Engleterre[347]] furent appellé.
[3] Si ne fu mies cilz trettiés si tost acomplis, quoiqu’il
fust entamés, mès fu moult longement demenés. Et
toutdis aloit li rois [d’Engleterre] avant, querant le cras
pays. Cil trettieur, comme bien consilliet, ne voloient
5mies le roy lassier ne leur pourpos anientir; car il
veoient le royaume de France en si povre estat et si
grevé que en trop grant peril il estoit, se il attendoient
encores un esté. D’autre part, li rois d’Engleterre demandoit
[et requeroit[348]] les offres si grandes et si prejudiciales
10pour tout le royaume de France, que à envis
s’i acordoient li signeur pour leur honneur. Et si couvenoit
par pure necessité qu’il fust ensi ou auques priès,
se il voloient venir à pais: siques tous leurs trettiés
et leurs parlemens durèrent dixsept jours, toutdis en
15poursievant le roy d’Engleterre. Li dessus nommet
prelat et li sires d’Antun, messires Hughes de Genève,
qui moult bien estoit et volentiers oys en le court
dou roy d’Engleterre, renvoioient tous les soirs ou de
jour à aultre leurs trettiés et leurs procès devers le
20duch de Normendie et ses frères en le cité de Paris,
et sus quel fourme ne estat il estoient, pour avoir
response quel cose en estoit bon à faire, et dou
sourplus comment il se maintenroient. Cil procet et
ces parolles estoient consilliet secretement et examiné
25souffissamment en le cambre dou duch de Normendie,
et puis estoit rescrit justement et parfaitement li intention
dou duch de Normendie et li advis de son
conseil as dis trettieurs: par quoi riens ne se passoit,
de l’un costé ne d’autre, qu’il ne fust bien specefiiet
30et justement cancelé.
[4] Là estoient, en le cambre dou roy d’Engleterre
sus son logeis, ensi comme il cheoit à point et qu’il
se logoit sus son chemin, tant devant le cité de
Chartres comme ailleurs, des dessus dis trettieurs
5françois grans offres mises avant, pour venir à conclusion
et à fin de guerre et à ordenance de pais,
asquelz coses li rois d’Engleterre fu trop durs à entamer;
car li intentions de lui estoit tèle que il voloit
demorer rois de France, comment que il ne le
10fust mies, et morir rois de France, et voloit ostoiier
en Bretagne, en Blois, en Tourainne cel esté, si com
ci dessus est dit. Et, se li dus de Lancastre ses cousins,
que moult amoit et creoit, li euist otant desconsilliet
le pais à faire que il li consilloit, il ne s’i fust
15point acordés; mais il li remoustroit moult sagement
et disoit: «Monsigneur, ceste guerre que vous tenés
au royaume de France, est moult mervilleuse et trop
fretable pour vous. Vos gens y gaagnent, et vous y
perdés et alewés le temps. Tout consideret, se vous
20guerriiés selonch vostre oppinion, vous y userés vostre
vie, et c’est fort que vous en venés ja à vostre
entente. Si vous conseille que, entrues que vous en
poés issir à vostre honneur, vous en issiés et prendés
les offres que on vous presente; car, monsigneur,
25nous poons plus perdre sus un jour que nous n’avons
conquis dedens vingt ans.»
Ces parolles et pluiseurs aultres belles et soubtieves,
que li dus de Lancastre remoustroit fiablement en
istance de bien au roy d’Engleterre, convertirent si le
30dit roy, parmi le grasce dou Saint Esperit qui y ouvra
ossi; car il avint à lui et à toutes ses gens ossi, lui
estant devant Chartres, un grant miracle qui moult le
[5] humilia et brisa son corage, car entrues que cil trettieur
[franchois[349]] aloient et preeçoient le dit roy et
son conseil et encores nulle response agreable n’en
avoient, uns orages, uns tempès et uns effoudres si
5grans et si horribles descendi dou ciel en l’ost le roy
d’Engleterre, que il sambla bien proprement à tous
ceulz qui là estoient, que li siècles deuist finer, car il
cheoient de l’air pières si grosses que elles tuoient
hommes et chevaus, et en furent li plus hardi tout
10eshidé. Et adonc regarda li rois d’Engleterre devers
l’eglise Nostre Dame de Chartres, et se voa et rendi
devotement à Nostre Dame, et prommist, si com il
dist et confessa depuis, que il s’accorderoit à le pais.
A ce donc estoit il logiés en un village assés priès de
15Chartres qui s’appelle Bretegni, et là fu li certainne
ordenance et compositions faite et jettée de le pais,
sus certains poins et articles qui ci ensievant sont
ordonné. Et pour ces coses plus enterinement faire
et poursievir, li trettieur d’une part, et d’autre grant
20clerch en droit dou conseil le roy d’Engleterre, ordonnèrent
sus le fourme de la pais, par grant deliberation
et par bon avis, une lettre qui s’appelle la
chartre de la pais, dont la teneur s’ensieut ensi.
§ [475]. «Edowart, par le grasce de Dieu roy d’Engleterre,
25signeur d’Irlande et d’Aquitainne, à tous ceulz
qui ces presentes lettres veront, salut. [Savoir faisons
que,] comme pour les dissentions, debas, descors et
estris, meus et esperés à mouvoir entre nous et nostre
très chier frère le roy de France, certains tretteurs
[6] et procureurs de nous et de nostre très chier fil
ainsnet Edouwart, prince de Galles, aians à ce souffissant
pooir et auctorité pour nous et pour lui et nostre
royaume, d’une part, et certains aultres trettieurs et
5procureurs de nostre dit frère et de nostre très chier
neveu Charle, duch de Normendie, [dalphin de
Vienne], fil ainsné de nostre dit frère de France, aiant
pooir et auctorité de son dit père en ceste partie,
pour son dit père et pour lui, soient assamblé à Bretegni
10priès de Chartres, ouquel lieu est trettié, parlé
et acordé finable pais et concorde des trettieurs et
procureurs de l’une et l’autre partie sus les dissentions,
debas, guerres et descors devant dis, lesquelz
trettiés et paix les procureurs de nous et de nostre
15dit fil, pour nous et pour lui, et les procureurs de
nostre dit frère et de nostre dit neveu, pour son père
et pour lui, jurront sus saintes Ewangiles, tenir,
garder et acomplir ce dit trettié, [et ossi le jurerons
et nostre dit filz ossi, ainsi comme dessus est dit
20et que il s’en sievra ou dit trettié[350]]: parmi lequel
acort, entre les aultres coses, nostre frère de France
et son filz devant dis sont tenu et ont prommis baillier
et delivrer et delaissier à nous, nos hoirs et successeurs
à tous jours, les cités, contés, villes, chastiaus,
25forterèces, terres, isles, rentes et revenues et aultres
coses qui s’ensievent, avoech ce que nous tenons en
Ghiane et en Gascongne, à tenir et possesser perpetuelment,
à nous et à nos hoirs et à nos successeurs,
ce qui est en demainne, en demainne, et ce
30qui est en fief, en fief, et par le temps et manière chi
[7] apriès esclarcis: c’est à savoir, la cité, le chastiel et
la conté de Poitiers et toute la terre et le pays de
Poito, ensamble le fief de Thouwart et la terre de
Belleville, le cité et le chastiel de Saintes et toute la
5terre et le pays de Saintonge par deçà et par delà la
Charente, avoech la ville, chastiel et forterèce de le
Rocelle et leurs appertenances [et appendances]; la
cité et le chastiel d’Agens et la terre et le pays d’Aginois;
la cité, la ville et le chastiel et toute la terre de
10Pieregorch, la terre et le pays de Piereguis; la cité et
le chastiel de Limoges, la terre et le pays de Limozin;
la cité et le chastiel de Chaours et la terre et le
pays de Caoursin; la cité, le chastiel et le pays de
Tarbe, et la terre, le pays et la conté de Bigorre; la
15conté, la terre et le pays de Gauvre; la cité et le chastiel
d’Angouloime, et la conté, la terre et le pays
d’Angoulesmois; le chastiel, le ville et la cité de Rodais,
et la conté, la terre et le pays de Roerge. Et se
il y a, en la ducé d’Aquitainne, aucuns signeurs,
20comme le conte de Fois, le conte d’Ermignach, le
conte de Laille, les visconte de Quarmaing, le conte
de Pieregorch, le visconte de Limoges ou aultres qui
tiennent aucunes terres ou lieus dedens les mètes des
dis lieus, il en feront hommage à nous et tous aultres
25services et devoirs deus à cause de leurs terres et
lieus, en le manière qu’il les ont fais dou temps
passé, tout soit ce que nous ou aucuns des rois d’Engleterre
anciennement n’i aions rien eu; en apriès, la
visconté de Moustruel sus mer, en le manière que
30dou temps passé aucun roy d’Engleterre l’ont tenu,
et, se en la ditte terre de Moustruel ont esté aucun
debat dou partage de la terre, nostre frère de France
[8] nous a prommis que il le nous fera esclarcir au plus
hasteement comme il pora, lui revenu en France; la
conté de Pontieu tout entierement, sauf et excepté
que, se aucunes coses y ont esté alienées par les
5rois d’Engleterre qui ont regné pour le temps et ont
ancienement tenu la ditte conté et appertenances, [en[351]]
aultres personnes que as rois de France, nostre dit
frère ne si successeur ne seront pas tenus de le rendre
à nous. Et, se les dittes allienations ont esté faites
10des rois de France qui ont esté pour le temps, sans
aucun moiien, et nostre dit frère le tiegne en present
en sa main, il les laissera à nous entierement, excepté
que, se les rois de France les ont eus par escange à
aultres terres, nous deliverons ce qu’il en a eu par
15escange, ou nous laisserons à nostre dit frère les
coses ensi alienées. Mès, se li roy d’Engleterre qui
ont esté pour le temps de lors, en avoient aliené ou
transporté aucune cose en autres personnes que ès
rois de France, et ossi depuis il soient venus ès
20mains de nostre dit frère, espoir par partage, nostre
dit frère ne sera pas tenus de les nous rendre. Et
ossi, se les coses dessus dittes doient hommage, nostre
dit frère les baillera à aultres qui en feront hommage
à nous et à nos successeurs; et, se les dittes
25coses ne doient hommage, il nous baillera un teneur
qui nous en fera le devoir, dedens un an proçain
apriès ce que il sera partis de Calais. Item, le chastiel
et le ville et la signourie de Calais, le chastiel, le
ville et la signourie de Merk, les villes, chastiaus et
30signouries de Sangates, Coulongne, Hames, Walle et
[9] Oye, avoech tières, bois, marès, rivières, rentes, signouries,
advoesons d’eglises, et toutes aultres apertenances
et lieus entregisans dedens les mètes et
bondes qui s’ensievent, c’est à savoir de Calais
5jusques au fil de le rivière par devant Gravelines,
et ossi par le fil meismes de la rivière [tout entour
Lengle, et aussi par la rivière qui va par delà Poil,
et aussi par mesme la rivière[352]] qui chiet ou grant
lay de Ghines, jusques à Fretin, et d’illuech par le
10vallée entour le montagne de Calkuli, encloant
meisme la montagne, et ossi jusques à la mer, avoech
Sangate et toutes ses appertenances; le chastiel et le
ville et tout entirement la conté de Ghines avoech
toutes les terres, villes, chastiaus, forterèces, lieus,
15hommes, hommages, signouries, bois, foriès, droitures
d’icelles, ossi entierement comme li contes de
Ghines darrainnement mort les tenoit au temps de
sa mort. Et obeiront les eglises et les bonnes gens
estans dedens les limitations de la ditte conté de
20Ghines, de Calais et de Merk et des aultres lieus dessus
dis, à nous, ensi comme il obeissoient à nostre
dit frère et au conte de Ghines qui fu pour le temps:
toutes lesquelz coses, comprises en ce present article
et l’article proçain precedent de Merk et de Calais,
25nous tendrons en demainne, excepté les hiretages
des eglises, [qui demourront as dites eglises[353]] entierement,
quel part qu’il soient assis, et ossi excepté les
hyretages des aultres gens des pays de Merk et de
Calais assis hors de le ville et fremeté de Calais
[10] jusques à le value de cent livrées de terre par an, de la
monnoie courant ou pays, et en desous, [lesquels
hiretages leur demourront jusques à le value dessus
dite et en desous[354]]; mès [les] habitations et hyretages
5assis en la ditte ville de Calais avoech leur apertenances
demorront [en demaine à nous pour en
ordenner à nostre volunté. Et ossi demorront[355]] as
habitans en la terre, ville et conté de Ghines, tous
leurs demainnes entierement et y [revenront[356]] plainnement,
10sauf ce qui est dit par avant des confortacions,
mètes et bondes dessus dittes en l’article de Calais,
et tous les isles adjacens as terres, pays et lieus avant
nommés, ensamble avoech tous les aultres isles, lesquelz
nous tenions ou temps dou dit trettié. Et euist
15esté pourparlé que nostre dit frère et son ainsnet fil
renonçassent as [dis] ressors et souverainnetés et à
tout le droit qu’il poroient avoir as coses dessus
dittes, et que nous les tenissions comme voisins, sans
nul ressort et souverainneté de nostre dit frère ou
20royaume de France, et que tout le droit que nostre dit
frère avoit ès coses dessus dittes, il nous cedast et
transportast perpetuelement et à tous jours. Et ossi
euist esté pourparlé que samblablement nous et
nostres dit filz renoncissions expresseement à toutes
25les coses qui ne doient estre baillies ou delivrées à
nous par le dit trettié, et par especial au nom et au
droit de la couronne et dou royaume de France, et
hommage, souverainneté et demainne de la ducée de
[11] Normendie, de la conté de Tourainne, des contés d’Angou
et du Mainne, de la souverainneté et hommage de
la conté et dou pays de Flandres, de la souverainneté
et hommage de la ducée de Bretagne, excepté que le
5droit dou conte de Montfort, tel qu’il le poet et doit
avoir en la ducé [et pais[357]] de Bretagne, nous reservons
et metons par mos exprès hors de nostre trettié, sauf
tant que nous et nostre dit frère de France venu à
Calais en ordenerons si à point, par le bon avis et
10conseil de nos gens à ce deputés, que nous metterons
à pais et à acord le dit conte de Montfort et nostre
cousin messire Charle de Blois, qui demande et calenge
droit à l’iretage de Bretagne. Et renonçons à
toutes aultres demandes que nous faisions ou faire
15porions, pour quelque cause que ce soit, exceptet les
coses dessus dittes qui doient demorer et estre baillies
à nous et à nos hoirs, et que nous leur transportissions,
cessissions et delaississions tout le droit que
nous porions avoir à toutes les coses qui à nous ne
20doient estre baillies: sus lesquelz coses, apriès pluiseurs
altercations eues sur ce, et par especial pour ce
que les dittes renunciations [ne se font pas de present,
avons finablement accordé avec nostre dit
frère par la manière qui s’ensuit, c’est assavoir que
25nous et nostre dit ainsné filz renoncerons et ferons
et avons promis à faire les renunciations[358]], transpors,
cessions et delaissemens dessus dis, quant et si tost
que nostre dit frère ara bailliet à nous ou à nos
gens especialment de par nous deputés, la cité et le
[12] chastiel de Poitiers et toute la terre et le pays de
Poito, ensamble le fief de Touwart et la terre de Belleville,
le cité et le chastiel d’Agen, et toute la terre
et le pays d’Aginois, la cité et le chastiel de Pieregorch
5et toute la terre et le pays de Piereguis, la
chité et le chastiel de Caours et toute la terre et le
pays de Quersin, la chité et le chastiel de Rodais et
toute la terre et le pays de Roerge, la cité et le chastiel
de Saintes et toute la terre et le pays de Saintonge,
10le chastiel et le ville de le Rocelle et toute la
terre et le pays de Rocellois, le cité et le chastiel de
Limoges et toute la terre et le pays de Lymozin, le
cité et le chastiel d’Angouloisme, la terre et le pays
d’Angoulesmois, la terre et le pays de Bigorre, la
15terre de Gauvre, la conté de Pontieu et la conté de
Ghines: lesquelz coses nostre dit frère nous a prommis
à baillier, en le fourme que ci dessus est contenu,
ou à nos especiaus deputés, dedens un an ensievant,
lui parti de Calais pour retourner en France.
20Et tantos ce fait, devant certainnes personnes que
nostre dit frère deputera, nous et nostre dit ainsnet
fil ferons en nostre royaume en Engleterre ycelles
renunciations, transpors, cessions et delaissemens,
par foy et par sierement solenelment, et d’icelles ferons
25bonnes lettres ouvertes seelées de nostre grant
seel, par [la] manière et fourme comprises en nos
aultres lettres sur ce faites, et que compris est ou dit
trettiet, lesquèles nous envoierons à la feste de l’Assumption
Nostre Dame proçainnement ensiewant, en
30l’eglise des Augustins en le ville de Bruges, et les ferons
baillier à ceulz que nostre dit frère y envoiera
lors pour les recevoir. Et, se dedens le terme qui mis
[13] y est, nostre dit frère ne pooit baillier ne delivrer
aisiement à nous ou à nos deputés les cités, villes,
chastiaus, lieus, forterèces et pays ci dessus nommés,
comment que il en doie faire son plain pooir sans
5nulle dissimulation, il les nous doit delivrer et baillier
ou faire delivrer et baillier dedens le terme de
quatre mois ensievant l’an acomplit. Avoech toutes
ces coses et aultres qui s’ensievront chi apriès, est
dit et acordé par le teneur dou trettié que nous,
10renvoiié et ramené nostre frère de France en le ville
de Calais, six sepmainnes apriès ce que il y sera venus,
nous devons recevoir, ou nos gens à ce especialment
de par nous deputés, six cens mille frans, et par quatre
ans ensievant cescun an six cens mille frans, et de
15ce delivrer et mettre en ostage et envoiier demorer en
nostre cité de Londres en Engleterre des plus nobles
dou royaume de France, qui point ne furent prisonnier
à le bataille de Poitiers, et de dix neuf cités et
villes des plus notables dou royaume de France, de
20çascune deux ou quatre hommes, ensi comme il
plaira à nostre conseil. Et tout ce acompli, les hostages
venus à Calais et le premier paiement paiiet, ensi
que dit est, nous devons nostre frère de France et
Phelippe son jone fil delivrer quittement en le ville
25de Boulongne sus mer, et tous ceulz qui avoech yaus
furent prisonnier à le bataille de Poitiers, qui ne seroient
rançonné à nous ou à nos gens, sans paiier
nulles raençons. Et pour ce que nous savons de verité
que nostres cousins messires Jakemes de Bourbon,
30qui pris fu à le bataille de Poitiers, a tousjours
mis et rendu grant painne à ce que pais et acord
fuissent entre nous et nostre dit frère de France, en
[14] quelconque estat qu’il soit, rançonnés ou à rançonner,
nous le deliverons sans coust et sans fret avoecques
nostre dit frère en le ville de Boulongne, mès
que cilz trettiés soit tenus ensi que nous esperons
5qu’il le sera. Et ossi nous a prommis nostre dit frère
que il et son ainsnet fil renonceront et feront samblablement
lors et par le manière dessus ditte les renonciations,
transpors, cessions et delaissemens, acordés
par le dit trettié à faire de leur partie, si comme
10est dit dessus. Et envoiera nostre frère ses lettres
patentes seelées de son grant seel as dis lieus et termes,
pour les baillier et delivrer as gens qui de par
nous y seront deputé, samblablement, comme dit est.
Et ossi nous a prommis et acordé nostre dit frère
15que li et si hoir surserront, jusques as termes des
dittes renunciations dessus esclarcis, de user de
souverainnetés et ressors en toutes les cités, contés, villes,
chastiaus, forterèces, pays, terres, isles et lieus que
nous tenions ou temps dou dit trettié, lesquelz nous
20doient demorer par le dit trettié, et as aultres qui à
cause des dittes renunciations et dou dit trettié nous
seront baillies et doient demorer à perpetuité à nous
et à nos hoirs, sans ce que nostre dit frère ou ses
hoirs ou aultres, à cause de le couronne de France,
25jusques as termes dessus esclarcis et yceulz [durans[359]],
puissent user d’aucuns services de souverainneté ne
demander subjection sur nous, nos hoirs, nos subjès
d’icelles, presens et à venir, ne querelles ou appiaus
en leur court recevoir, ne rescrire à ycelles, ne de
30juridition aucune user à cause des cités, contés,
[15] chastiaus, villes, terres, islez et lieus proçainnement
nommez. Et nous a ossi acordé nostre dit frère que
nous, nos hoirs ne aucuns de nos subgès, à cause
des dittes cités, contés, chastiaus, villes, pays, terres,
5isles et lieus proçains avant dis, comme dit est, soions
tenus ne obligiés del recognoistre nostre souverain,
ne de faire aucune subjection, service ne devoir à lui
ne à ses hoirs ne à le couronne de France jusques as
termes des renunciations devant dittes. Et ossi acordons
10et prommetons à nostre dit frère que nous et
nos hoirs [surserrons[360]] de nous appeller et porter title
et nommer roy de France, par lettres ou aultrement,
jusques as termes dessus nommés et yceulz [durans[361]].
Et combien que ès articles dou dit acord et trettié de
15le pais, ces presentes lettres ou aultres dependans des
dis articles ou de ces presentes ou aultres quelconques
que elles soient, soient ou fuissent aucunes [pareilles[362]],
ou fait aucun que nous ou nostre dit frère
deissions ou feissions, [qui[363]] sentesissent translation
20ou renunciations taisibles ou expresses des ressors et
souverainnetés, est li intentions de nous et de nostre
dit frère que les avant dis souverainnetés et ressors
que nostre dit frère se dit avoir ens ès dittes terres
qui nous seront baillies, comme dit est, demorront
25en l’estat ouquel elles sont à present; mais toutesfois
il surserra de en user et demander subjection, par
le manière dessus ditte, jusques as termes dessus
esclarcis. Et ossi volons et acordons à nostre dit frère
[16] que, apriès ce que il ara baillies les dittes cités, contés,
chastiaus, villes, forterèces, terres, pays, isles et
lieus dessus nommés, ensi que baillier les nous doit
ou à nos deputés, parmi sa delivrance et renunciations,
5transpors et cessions qui sont à faire de se
partie par lui et par son ainsné fil, faites et envoiiés
as dis lieus et jour à Bruges les dittes lettres, et bailliés
as deputés de par nous, que la renunciation,
cession, transport et delaissement à faire de nostre
10partie soient tenues pour faites. Et par habundant
nous renunçons dès lors par exprès au nom, au droit
et au calenge de le couronne et dou royaume de France
et à toutes les coses où nous devons renuncier par
force dou dit trettié, si avant comme pourfiter pora
15à nostre dit frère et à ses hoirs. Et volons et acordons
que par ces presentes le dit trettiet de pais et
acord fait entre nous et nostre dit frère, [ses[364]] subgès,
alliiés et adherens d’une part et d’autre, ne soit,
quant as aultres coses contenues en ycelli, empiré et
20afoibli en aucune manière; mais volons et nous plaist
que il soient et demeurent en leur plainne force et
virtu. Toutes lesquèles coses en ces presentes lettres
escriptes, nous, rois d’Engleterre [dessus dit[365]], volons,
octroions et prommetons loyaument et en bonne foy,
25et par nostre sierement fait sus le corps de Dieu et
sur saintes Ewangiles, tenir, garder, enteriner et
acomplir sans fraude et sans mal engin de nostre
partie. Et à ce et pour ce faire, obligons à nostre dit
frère de France nous et nos hoirs, presens et à venir,
[17] en quelque lieu qu’il soient. Et renonçons par nos
dis fois et sieremens, à toutes exceptions de fraude, de
decevance, de crois [prinse[366]] et à prendre, et à impetrer
dispensation de pape ou d’autre au contraire,
5laquèle, se impetrée estoit, nous volons estre nulle et
de nulle valeur, et que nous ne nous en puissions
aidier, et as drois disans que royaume ne pora estre
devisé et general renonciation [non[367]] valloir fors en
certainne manière, et à tout ce que nous porions faire,
10dire ou opposer au contraire en jugement et dehors.
En tesmoing desquèles coses, nous avons fait mettre
nostre grant seel à ces presentes lettres, données à
Bretegni dalés Chartres, le vingt cinquime jour dou
mois de may, l’an de grasce Notre Signeur mil trois
15cens et soixante.»
§ [476]. Quant ceste lettre, qui s’appelle li une des
chartres de le paix, car encores en y eut des aultres
faites et seelées en celle anée en le ville de Calais, si
com je vous en parleray, quant temps et lieus seront,
20fu jettée, on le moustra au roy d’Engleterre et à son
conseil. Liquelz rois et ses consaulz, quant il l’eurent
oy lire, respondirent as trettieurs qui de ce s’estoient
ensonniiet et en istance de bien cargié: «elle nous
plaist moult bien ensi.»
25Dont fu ordonné que li abbes de Clugni et frères
Jehans de Lengres et messires Huges de Genève, sires
d’Antun, qui pour le duch de Normendie y estoient
commis, partesissent de là, la chartre grossée et seelée
[18] avoech eulz, et venissent à Paris devers le duch
et son conseil et leur remoustrassent l’ordenance
dessus ditte et en fesissent au plus briefment qu’il
peuissent relation.
5Li dessus nommé s’i acordèrent volentiers et retournèrent
à Paris où il furent receu à grant joie. Si
se traisent devers le duch de Normendie et ses frères,
le duch d’Orliiens present et le plus grant partie dou
conseil de France. Là remoustrèrent li dessus dit
10moult couvignablement sus quel estat il avoient parlé
et quel cose fait et esploitié; il furent volentiers oy,
car la pais estoit moult desirée. Là fu la dessus ditte
lettre leute et bien examinée, ne onques n’i fu de
point ne d’article debatue; mais seela li dus de Normendie
15comme ainsnés filz dou roy de France et
hoirs dou roy son père. Et furent assés tost apriès li
dessus dit trettieur renvoiiet devers le roy d’Engleterre
qui les attendoit en son host priès de Chartres.
Quant il furent venu, il n’i eut mies grans parlemens,
20car il disent que à toutes ces coses li dus de
Normendie, si frère, leurs oncles et tous li consaulz
de France estoient doucement et benignement
acordé.
Ces nouvelles plaisirent grandement bien au roy
25d’Engleterre et à son conseil. Adonc, pour le mieulz
faire que laissier, et pour plus grant seurté, fu en
l’ost le roy d’Engleterre une triewe criée à durer jusques
à le Saint Michiel en un an à tenir fermement
et establement entre le royaume de France et le
30royaume d’Engleterre et tous leurs adherens et alliés,
d’une part et d’aultre, et dedens ce terme, bonne
pais entre les dis rois et leurs parties. Et tantost
[19] furent ordonné sergant d’armes de par le roy de
France, commis et envoiiet de par le duch de Normendie,
qui se esploitièrent parmi le royaume de
France de chevaucier et de noncier publikement ens
5es cités, villes, chastiaus, bours et forterèces, ceste
triewe et esperance de pais, lesquèles nouvelles furent
partout volentiers oyes.
Encores revenu les dessus dis trettieurs en l’ost le
roy d’Engleterre, il requisent au dit roy et à son conseil,
10que quatre baron d’Engleterre, comme procureur,
à lui venissent avoech yaus en le cité de Paris
pour venir jurer le pais en son nom, pour mieulz
apaisier le peuple: laquel cose li rois d’Engleterre
acorda moult volentiers. Et y furent ordonné et envoiié
15li sires de Stanfort, messires Renaulz de Gobehem,
messires Guis de Briane et messires Rogiers de
Biaucamp, banereth. Cil quatre signeur, à l’ordenance
de leur signeur, se partirent et se misent au
chemin avoecques l’abbé de Clugni et monsigneur
20Hughe de Genève, et chevaucièrent tant qu’il vinrent
au Montleheri.
Quant cil de Paris sceurent leur venue, par le
commandement dou duch de Normendie, toutes les
religions et li clergiés, en grant reverense et à pourcessions,
25widièrent de le cité et vinrent bien avant
sus les camps contre les barons d’Engleterre dessus
nommés, et les amenèrent ensi moult honnourablement
dedens Paris. Et encores vinrent contre yaus
pluiseur hault signeur et grant baron de France, qui
30lors se tenoient dedens Paris, et sonnèrent toutes les
cloches de Paris à leur venue. Et furent, à ce donc
qu’il entrèrent en le cité, toutes les grans rues
[20] jonchies et parées de draps d’or, ossi honnourablement
comme on pooit aviser et deviser; et ensi
furent il amené au palais qui richement estoit appareilliés
pour eulz recevoir. Là estoient li dus de Normendie,
5si frère, leurs oncles li dus d’Orliiens et
grant fuison de prelas et de signeurs dou royaume
de France, qui les recueillièrent bellement et reveramment.
Là fisent au palais, present tout le peuple, cil
10quatre baron d’Engleterre sierement et jurèrent ou
nom dou roy leur signeur et de ses enfans, sus le
corps Jhesu Cris sacré et sus saintes Ewangiles, à tenir
et à acomplir le dit trettié de le pais, si com ci dessus
est esclarcis. Ces coses faites, il furent mené ou
15palais, et là festiié et honnouré très grandement dou
duch de Normendie, de ses frères et des haus barons
de France qui là estoient. Apriès ce, il furent mené
en le Sainte Chapelle dou palais, et lor furent moustrées
les plus belles reliques et li plus digne jeuiel
20dou monde qui là estoient et sont encores, et meismement
la sainte couronne dont Diex fu couronnés
à son saintisme traveil. Et en donna li dus de Normendie
à çascun des chevaliers une des plus grandes
espines de la ditte couronne, laquèle cose cescuns
25des chevaliers prisa moult et le tint au plus noble
jeuiel que on li peuist donner. Et furent là ce jour
et le soir et l’endemain, jusques apriès disner; et
quant il prisent congiet, li dus de Normendie fist à
çascun donner un moult biel et bon coursier richement
30paré et ensellé, et pluiseurs aultres biaus jeuiaus,
desquelz je me passerai assés briefment, et dont il
remerciièrent grandement le duc de Normendie.
[21] Apriès ce, il se partirent dou dit duc et des signeurs
qui là estoient, moult amiablement, et s’en
retournèrent devers le roy lor signeur, et y vinrent
l’endemain assés matin en grant compagnie de gens
5d’armes qui les convoiièrent jusques à là, et qui devoient
ossi le roy d’Engleterre et ses gens conduire
jusques à Calais, et faire ouvrir cités, villes et chastiaus,
pour yaus laissier passer [parmy[368]] paisieulement
et aministrer tous vivres.
10 § [477]. Quant il furent parvenu jusques en l’ost le
roy d’Engleterre leur signeur, il li recordèrent com
honnourablement il avoient esté receu, et li remoustrèrent
les dignes jeuiaus que li dus de Normendie
lor avoit donnés. De quoi li rois eut grant joie et
15festia grandement le connestable de France et les
signeurs qui là estoient venu, et leur donna biaus
dons et grans jeuiaus et assés.
Adonc fu ordonné que toutes manières de gens se
deslogassent et traisissent bellement et en pais devers
20le Pont de l’Arce, [pour[369]] là passer le Sainne, et puis
vers Abbeville, pour passer le Somme, et puis aller
tout droit à Calais. Dont se deslogièrent toutes manières
de gens et se misent au chemin. Et avoient
ghides et chevaliers de France envoiiés de par le
25duch de Normendie qui les conduisoient et les menoient
ensi comme il devoient aler.
Li rois d’Engleterre, quant il se parti, passa parmi
la cité de Chartres et y herbega une nuit. A l’endemain,
[22] il vint moult devotement et si enfant en l’eglise
de Nostre Dame, et y oïrent messe; et y fisent grande
offrande et puis s’en partirent et montèrent à cheval.
Si entendi que li rois et si enfant vinrent à Harflues
5en Normendie, et là passèrent il le mer et retournèrent
en Engleterre. Li demorant de l’host vinrent
au mieulz qu’il peurent sans damage et sans
peril, et partout leur estoient vivre appareillié pour
leur argent jusques en le ville de Calais. Et là prisent
10li François congiet d’yaus qui les avoient aconvoiiés.
Si passèrent li Englès depuis, au plus bellement qu’il
peurent, sans damage et sans peril et retournèrent en
Engleterre.
Sitost que li rois d’Engleterre fu retournés arrière
15en son pays, qui y vint auques des premiers, il se
traist à Londres. Et fist mettre hors de prison le roy
de France et le fist venir secretement au palais à
Wesmoustier; et se trouvèrent en le chapelle dou
dit palais. Là remoustra li rois d’d’Engleterre au roy
20de France tous les trettiés de le pais, et comment ses
filz li dus de Normendie, ou nom de lui, avoit juret
et seelé à savoir quel cose il en disoit. Li rois de
France, qui ne desiroit aultre cose fors sa delivrance,
à quel meschief que ce fust, et issir hors de prison,
25ne l’euist jamais contredit ne mis empeecement à ces
ordenances; mès respondi que Diex en fust loés
quant pais estoit entre yaus. Quant messires Jakemes
de Bourbon seut ces nouvelles, si en fu durement
resjoys; et vint à Londres au plus tost qu’il peut
30devers l’un roy et l’autre qui li fisent grant cière.
Depuis chevaucièrent il tout ensamble et li princes
de Galles en leur compagnie; et vinrent à Windesore
[23] là où madame la royne estoit, qui moult fu resjoie de
leur venue et de la pais dou roy son signeur et dou
roy de France son cousin. Si eut là grans approcemens
d’amours entre ces parties, et donnés et rendus
5grans dons et biaus jeuiaus. Depuis fu il acordé que
li rois de France et ses filz et li baron de France, qui
là estoient pour le temps, se partesissent et se traisissent
devers Calais. Adonc prisent il congiet à la royne
d’Engleterre et à ses filles, qui moult estoit lie de le
10pais et dou departement dou roy de France. Si
aconvoia li rois d’Engleterre le roy de France jusques
à Douvres, et là le tint tout aise ens ou chastiel de
Douvres deux jours, et tous les François ossi. Au
tierch jour, il entrèrent en mer, li princes de Galles,
15li dus de Lancastre, li contes de Warvich, messires
Jehans Chandos et pluiseur aultre signeur en leur
compagnie, et arrivèrent à Calais environ le Saint
Jehan Baptiste. Si se tinrent en le ditte ville de
Calais tout aisiement, et attendirent là un terme les
20messagiers dou duch de Normendie qui devoient
aporter le finance de six cens mille frans [de France[370]].
Mais li paiemens ne vint mies si tost comme on esperoit
que il deuist venir, car il ne fu pas si tost recueilliés
des officiiers dou roy de France. Si vinrent li dus de
25Normendie et si doi frère en le cité d’Amiens, pour
mieulz oïr tous les jours nouvelles dou roy leur père
et attendre à ses besongnes et à sa delivrance. Et
entrues se coeilloit li paiemens parmi le dit royaume.
Si entendi et oy recorder adonc que messires Galeas,
30sires de Melans et de pluiseurs cités en Lombardie,
[24] fist ce premier paiement, parmi un trettiet qui se
mist avant adonc, car il avoit un sien fil à marier;
si rouva au roy de France que il li vosist donner et
acorder une sienne fille: parmi tant il paieroit ces
5six cens mille frans. Li rois de France qui se veoit
en dangier, pour avoir l’argent plus appareilliet, s’i
acorda legierement. Or ne fu mies cilz mariages si
tost fais ne acordés ne confremés, pour quoi la
finance ne fu mies si tost apparillie ne ne vint avant.
10Si couvint ce dangier souffrir au roy de France et
attendre l’ordenance de ses gens.
§ [478]. Quant li princes de Galles et li dus de Lancastre,
qui se tenoient à Calais dalès le roy de France,
veirent que li termes passoit et que li paiemens point
15ne s’approçoit, si eurent volenté de retourner en
Engleterre. Et misent ordenance [en ce[371]], et laissièrent
le roy de France en le garde de quatre moult
souffissans chevaliers, monsigneur Renault de Gobehem,
monsigneur Gautier de Mauni, monsigneur Gui
20de Briane et monsigneur Rogier de Biaucamp. Et
paioit li rois de France ses frès et les frès de ces
signeurs et de leurs gens: si montèrent grant fuison
le terme de quatre mois qu’il furent à Calais.
Or vous parlerons d’aucuns chevaliers englès, chapitains
25de garnisons, qui se tenoient en France et
estoient tenus deux ans ou trois en avant, ançois
que pais se fesist. Cil qui avoient apris à guerriier et
à heriier le pays, furent moult courouciés de ces
nouvelles, quant il eurent commandement dou roy
[25] d’Engleterre qu’il partesissent; mès amender ne le
peurent. Si vendirent li pluiseur leurs forterèces à
chiaus dou pays environ, et en reçurent grant argent.
Et puis s’en partirent li aucun; et li aucun ne s’en
5veurent mies partir ensi, qui avoient apris à pillier.
Et fisent guerre comme en devant, en l’ombre dou
roy de Navare; et ce furent cil qui se tenoient sus
les marces de Normendie et de Bretagne. Mès messires
Eustasses d’Aubrecicourt, qui se tenoit dedens
10le ville de Athegni, quant il s’en parti, le vendi bien
et chier à chiaus dou pays. Or prist il simplement
ses couvens, dont il fu depuis mal paiiés, et si n’en
eut aultre cose. Si se partirent tout cil qui tenoient
forterèces en Laonnois, en Soissonnois, en Pikardie,
15en Brie, en Gastinois et en Campagne. Si retournoient
li aucun, qui avoient assés gaegniet, en leurs
pays, ou qui estoient tanet de guerriier, et li pluiseur
se retraioient en Normendie devers les forterèces
navaroises.
20Or vint cilz paiemens de ces six cens mille florins en
le ville de Saint Omer et fu tous quois, mis et arestés
en l’abbeye c’on dist de Saint Bertin, sans porter
adonc plus avant, car li aucun hault baron de France,
qui esleu et nommé estoient pour estre ostagiier et
25entrer en Engleterre, refusoient et ne voloient venir
avant et en faisoient grant dangier. De quoi, se li
argens fust paiiés et delivrés en le ville de Calais as
Englès, et li signeur de France ne volsissent entrer
en ostagerie, ensi que couvens et ordenance de
30trettié se portoient, la ditte somme des florins fust
perdue, la pais fust brisie, et li rois Jehans de France
fust remenés arrière en Engleterre. Sus ces coses
[26] avoit bien manière et avis de regarder comment on
en peuist user.
§ [479]. Ensi demora li rois de France à Calais, dou
mois de jullet jusques en le fin dou mois d’octembre.
5Quant ces coses furent si approcies que li paiemens
premiers tous pourveus, si com chi dessus est dit,
et venu à Saint Omer cil qui devoient entrer en ostagerie
pour le roy de France, et li rois d’Engleterre
enfourmés de toutes ces coses, il rapassa le mer à
10grant quantité de signeurs et de barons et vint de
rechief à Calais. Là eut grans parlemens de l’une
partie et l’autre dou conseil des deux rois qui par
l’ordenance de le paix s’appelloient frère. Là furent
de rechief leutes, avisées et bien examinées les lettres
15qui s’appellent chartre de le pais, à savoir se
riens y avoit à mettre ne à oster ne nul article à
corrigier. Et tous les jours donnoient li doy roy l’un
à l’autre à disner, et leurs enfans, si grandement et
si estoffeement que merveilles seroit à penser. Et estoient
20en reviaus et en recreations ensamble si ordonneement
que grant plaisance y prendoient toutes
manières de gens au regarder. Et laissoient li doi
roy leurs gens et leurs consaulz couvenir dou sourplus:
siques entre yaus il fu là avisé et regardé pour
25le milleur et pour le plus grant seurté que aultres
lettres, comprendans tous les articles de le pais, fuissent
escriptes et seelées les deux rois presens et leurs
enfans. Et pour tant que li certains arrès de le pais
venoit et descendoit dou roy d’Engleterre, ces lettres
30qui furent là faites dient ensi.
[27] § 480. «Edouwars, par le grasce [de] Dieu roy d’Engleterre,
signeur d’Irlande et d’Acquitainne, à tous
ceulz qui ces presentes lettres veront, salut. Savoir faisons
que nous, pensans et considerans que les rois et
5princes crestiiens, qui voelent bien gouvrener le peuple
qui leur est subget, doient fuir et eschiewer guerres,
dissentions et discors, dont Diex est offendus, et
querre et amer, pour eulz et pour leurs subgès, pais,
unité et concorde, par laquèle l’amour dou souverain
10roy des roys poet estre acquise, li subget sont gouvrené
en transquilité et as perilz des guerres est obvié,
et recordans les grans maulz, damages et afflictions
que nostre royaume et no subget ont soustenu par
lonch tamps, pour cause et occasion des guerres et
15descors qui ont duré longement entre nous et nostre
très chier frère le roy de France, et les royaumes,
subgès, amis et aidans et alliiés d’une part et d’autre,
sur laquèle entre nous et nostre dit frère finablement
est fais bons accors, et bonne pais refourmée, et desirans
20ycelle garder [et] tenir, et perseverer en vraie
amour perpetuelment par bonnes et fermes alliances
entre nous et nostre dit frère, nos hoirs et les royaumes
voisins et les subgès de l’un et de l’autre, par
quoi justice en soit mieuls gardée et exersée, les
25drois et les signouries de l’un et de l’autre mieulz
deffendus, les rebelles, malfaiteurs, desobeissans [à]
l’un [et] à l’autre estre plus aisiement constrains à obéir
[et cesser des rebellions et excès[372],] et toute crestienté
estre maintenue en plus paisieule estat, et la Terre
30Sainte en poroit estre mieus secourue et aidie; et
[28] toutes ces coses et aultres attendans, et considerans
que nostre Saint Père le pape ait dispensé, par grant
deliberation avoech nous et nostre dit frère de France,
c’est à savoir avoec nous et tous nos subgès, tant de
5gens d’eglise comme de seculers, sus toutes les
confederations, alliances, couvenances, obligations,
liens et sieremens qui [pourroient[373]] iestre entre nous,
nostre royaume et nos subgès, d’une part, et le pays
et les bonnes villes, [gens et subgès[374]] de le conté de
10Flandres, d’autre part; comme le bien et l’effect de la
ditte pais entre nous et nostre dit frère de France,
les royaumes [et] subgès de France et d’Engleterre,
poeent estre empeeciet par ycelles, et pour ce les ait
le dit nostre Saint Père cassées, ostées, anullées et
15irritées dou tout, si comme en ses lettres et procès
sur ce fait est plus plainnement contenu: pour
consideration des cessions et causes dessus dittes, et
ossi [voulliantz[375]] acomplir, en tant comme touchier
nous poet, le dit acort fait sus les dittes alliances, si
20comme ottriié l’avons comme dit est, et [eue[376]] sur
ce très grande et meure deliberation, avons fait et
par ces presentes faisons pour nous, nos enfans, nos
hoirs et successeurs, nostre roialme, noz terres quelconques
et nos subjiz, d’une part, et le royaume de
25France, ses terres et ses subgès, d’autre part, perpetuelles
alliances, confederations, amistés, pactions et
couvenances qui apriès s’ensievent: c’est assavoir
que nous, nos enfans, nos hoirs et successeurs, nostre
[29] royaume, no terre et nos subgès quelconques,
presens et à venir, nés et à nestre, serons à tousjours
mès à nostre dit frère de France, ses hoirs, ses enfans
et successeurs, le royaume de France, ses terres et
5ses subgès quelconques, bons, vrais et loyaus amis et
alliiés, et les garderons à nostre loyal pooir, leurs
honneurs et leurs drois. Et où nous sarions ne porions
savoir leur deshonneur, leur vitupère et leur
damage, nous leur noncerions ou ferions noncier. Et
10empeecerons et greverons de tout nostre pooir leurs
ennemis [presens et advenir[377]], nés et à nestre, quelz
qu’il soient; ne nul [conseil[378]], confort ne ayde encontre
eulz ne soufferons ne ne donrons, par quelque
cause et occasion que ce soit ou puist estre, en appert
15ou en repost, ne ne dirons ne ferons; ne yceulz
ennemis, au damage et prejudisse de nostre dit frère,
ses hoirs ou le royaume de France, secretement ne
receptrons ne recevrons, ne recepter ne recevoir ferons
ou soufferons en aucune manière, en nostre
20royaume ou aultres nos terres et nos signouries; ne
par yceulz royaume et terres ou aucun d’eulz, ou prejudisce
et damage de nostre dit frère, ses hoirs successeurs,
le royaume de France, ses terres et ses subgès,
leurs dis ennemis passer ne demorer sciamment soufferons;
25ne aultrement yceulz ennemis, pour nous ou
pour aultres, en appert ou en repost, sour quelque
title ou couleur que ce soit, contre nostre frère, ses
hoirs ou ses subgès et le royaume de France et aultres
terres, ne porterons ne soustendrons; nos amis
[30] et nos alliiés à leur amour et alliances, se il nous en
requièrent, de nostre pooir enduirons. Et ne soufferons
aucuns de nos subgès ne aultres quelconques
aler ne entrer ou royaume de France ou aultres terres
5de nostre dit frère, ses enfans, hoirs et successeurs,
pour y faire guerre, damage ou offense aucune,
as gages ou au service d’autrui ou aultrement, par
quelconques cause et manière que ce soit; ançois les
empeecerons et destourberons de tout nostre pooir.
10Et, se aucun de nos subgès faisoient le contraire ou
aucune guerre villainne ou damage à nostre dit frère
ou royaume de France, par terre ou par mer, à
ses enfans, hoirs et successeurs ou subgès, nous les
en punirons ou ferons punir si grandement qu’il sera
15exemples à tous aultres. Et de tout nostre pooir ferons
reparer et radrecier tous les damages, attemptes ou
emprises fais contre ces presentes alliances, se nous
en sommes requis. Et toutes fois que nostre dit frère,
ses hoirs et successeurs aront mestier de nostre ayde,
20et il nous en requerront ou feront requerre, nous,
encontre toute personne qui puisse vivre et morir,
leur aiderons et donrons tout le bon conseil, confort
et ayde, à leurs propres frès et despens, que nous
ferions ou porions faire pour nostre propre fait et
25besongne, et sans fraude et mal engin, non contrestant
quelconques aultres alliances, amistés et confederations
que nous et nostre predicesseur avons
eues ou temps passé à quelconques aultres persones,
asquèles toutes et çascune d’icelles nous renonçons
30dou tout pour nous, nos successeurs, royaume, terres
et subgès à tous jours mès par ces presentes, reservé
toutesvoies et exepté le pape et le saint collège de
[31] Romme, et l’empereur de Romme qui ores est, lesquels
nous ne volons estre compris en ces presentes
alliances, en aucune manière. Et pour ce que les
alliances, confederations, couvenances, pactions et
5aultres coses dessus dittes et çascune d’icelles soient
plus fermement tenues, gardées et acomplies, nous
avons juré sus le saint corps Jhesu Cris sacré, et encore
jurons et prommetons par le foy de nostre corps
et en parolle de roy, les coses dessus dittes et çascune
10d’icelles tenir fermement et acomplir à tous
jours, sans les enfraindre en tout ou en [partie, en]
aucune manière, par quelconques cause et occasion
que ce soit. Et, se nous faisions, procurions ou souffrions
sciamment le contraire estre fait, ce que Diex
15ne voeille, nous volons estre tenu et reputé en tous
liex et en toutes places et en tous cas, pour faulz,
mauvais et desloyaus parjure, et encourre en tel
blasme et tel diffame comme roy sacré doit encourir
en tel cas. Par ces presentes alliances, nous n’entendons
20ne volons que aucun prejudice se face à nous
ne à nos hoirs et subgès, par quoi nous [et] eulz ne
porions et porons recepter, porter et tenir tous les
banis dou royaume de France et afuis, presens et à
venir, nés et à nestre, par quelconques cause et occasion
25que ce soit, par manière qui a esté fait et
acoustumé de faire ou temps passé. Et soumettons,
quant à toutes ces coses, nous, nos hoirs et successeurs,
à le juridition et cohertion de l’eglise de Romme.
Et volons et consentons, tant comme en nous, que
30nostre Saint Père le pape conferme toutes ces coses,
en donnant monitions et mandemens generaulz sour
l’acomplissement d’icelles contre [nous], nos hoirs et
[32] successeurs et contre tous nos subgès, soient communes,
collèges, universités ou personnes singulères
quelconques, et en donnant sentenses generaulz
d’escumeniement, de suspention et de [interdiction[379]],
5pour estre encourut par nous et par eulz, sitost que
nous et euls ferons ou attempterons, en occupant
ville, chastiel et forterèce, ou aultre cose quelconque
faisant, ratefiant ou aggrevant, en donnant conseil,
confort, faveur ou aide, celeement ou en appert,
10contre la ditte pais et ces certainnes alliances. Et
avons fait samblablement jurer toutes les devant
dittes coses par nostre très chier fil ainsné le prince
de Galles, et nos filz puisnés, Leonniel, conte de
Dulnestre, Jehan, conte de Ricemont, Aymon, conte
15de Langlée, et nos cousins, monsigneur Phelippe de
Navare, et les dus de Lancastre et de Bretagne, le
conte de Stanfort et le conte de Sallebrin, le signeur
de Mauni, Gui de Briane, Renault de Gobehem, le
captal de Beus, le signeur de Montferrant, Jame
20d’Audelée, Rogier de Biaucamp, Jehan Chandos,
Raoul de Ferrières, chapitainne de Calais, Edowart
le Despensier, Thomas et Guillaume de Felleton,
Eustasse d’Aubrecicourt, Franke de Halle, Jehan de
Montbray, Bietremieus de Bruwes, Henri de Persi,
25Nicole de Tambourne, Richart de Stafort, Guillaume
de Grantson, Jehan de Gommegnies, Raoul Spigreniel,
Gastonnet de Graili et Guillaume Bourtonne,
chevaliers. Et ferons ossi jurer samblablement, au
plus tost que faire porons bonnement, nos aultres
30enfans et la plus grant partie des prelas, des eglises,
[33] contes, barons et aultres nobles de nostre royaume.
En tesmoing de laquel cose, nous avons fait mettre
nostre seel à ces presentes lettres, données en nostre
ville de Calais, le vingt quatrime jour dou mois d’octembre,
5l’an de grasce Nostre Signeur mil trois cens
et soixante.»
§ 481. Quant ceste lettre, qui s’appelle confederation
et alliance entre le roy de France et le roy
d’Engleterre, fu grossée et seelée sus le fourme et
10manière que vous avés oy, on le lisi et publia devant
les deux rois et tous leurs enfans et consaulz qui là
estoient present. Si sambla à çascun estre belle et
bonne et grant conjonction d’amour et de pais.
Adonc se traisent d’un lés li consaulz dou roy de
15France, et consillièrent une longhe espasse ensamble
sus les renonciations que li rois d’Engleterre devoit
faire et avoit prommis à faire par le trettié de le
pais donné et ordonné à Bretegni priès de Chartres,
lui venut à Calais.
20Quant il en eurent parlé ensamble, il se traisent
devers le roy d’Engleterre et son conseil, le roy de
France present qui avoit toutdis parlé à lui, tant que
ses gens avoient consilliet. Et là requist li evesques
de Tieruane, canceliers de France et promeus à estre
25cardinaulz, au dit roy d’Engleterre que il volsist
acomplir de point en point le dit trettié de le pais
et tous les articles, à le cautèle dou temps à venir.
Li rois d’Engleterre respondi qu’il en estoit tous
desirans, mès que on li desist de quoi et comment.
30Là fu aportée la ditte chartre de le pais et leute
generalment. Et apriès ce li consauls dou roy de
[34] France requisent que une chartre auques samblable
à ceste, faisans mention plainnement des renunciations,
fust grossée pour mieus confermer leurs ordenances
et apaisier toutes gens as quelz la pais pooit
5touchier. Li rois d’Engleterre et ses consaulz l’acordèrent
legierement et volentiers. Dont furent li trettieur
et li plus grant partie dou conseil de l’un roy
et de l’autre mis ensamble. Et là fu une grosse lettre
jettée de rechief et puis escripte notablement et
10grossée sus la date de la precedent alliance et
confederation: laquèle chartre des renunciations dist
ensi.
§ 482. «Edowars, par le grasce de Dieu roy d’Engleterre,
signeur d’Irlande et d’Acquitainne, à tous
15ceulz qui ces presentes veront, salut. Savoir faisons
que nous avons prommis et prommetons baillier ou
faire baillier et delivrer realment et de fait au roy
de France nostre très chier frère ou à ses deputés
especiaus en celle partie as frères Augustins dedens
20la ville de Bruges, au jour de la feste Saint Andrieu
proçain venant en un an, lettres seelées de nostre
grant seel en las de soie, en cire vert, ou kas que
nostre dit frère ara fait les renonciations qu’il doit
faire de se partie et nostre très chier neveu son fil
25ainsné, et ycelles baillier à nos gens ou deputés au
dit lieu et terme, par le manière que obligié y sont:
desquèles lettres la teneur de mot en mot s’ensieut
ensi.
Edowars, par le grace de Dieu roi d’Engleterre,
30signeur d’Irlande et d’Acquitainne, savoir faisons à
tous presens et à venir que, comme guerres mortèles
[35] aient longement duret entre nous, qui avons
reclamé avoir droit au royaume et à le couronne de
France, d’une part, et le roy Phelippe de France
lui vivant, et après son decès entre nostre très chier
5frère son fil le roy Jehan de France, d’autre part,
et aient porté moult grans damages, non pas seulement
à nous et à tout nostre royaume, mès as
royaumes voisins et à toute crestienté; car par les
dittes guerres sont maintes fois avenues batailles
10mortèles, occisions de gens, pillemens, arsures et
destruction de peuple et perilz de ames, defloration
de pucelles et de viergenes, deshonnestemens de
femmes mariées et veves, et arsures de villes, de abbeies
et de manoirs et de edefisses, roberies et [oppressions[380]],
15guettemens de voies et de chemins, justice
en est fallie et la foy crestiienne refroidie et
marchandise perie, et tant d’autres malefisces et horribles
fais s’en sont ensievoit qu’il ne poeent estre dit,
nombret ne escript, par lesquèles nostre dit royaume
20et li aultre royaume par crestienneté ont soustenu
moult d’afflictions et de damages inreparables. Pour
quoi, nous, considerans et pensans les maulz dessus
dis et que vraisamblable estoit que plus grant s’en
poroient venir ou temps à venir, et aians grant pité
25et grant compassion de nostre peuple qui, en le
[prosecucion[381]] de nos guerres, ont exposé leurs corps et
leurs biens à tous perilz, sans eskiewer despens et
mises, dont nous devons bien avoir perpetuèle memore,
avons pour ce soustenu par pluiseurs fois
[36] trettié de pais, premierement par le moiien de honnourables
pères en Dieu pluiseurs cardinaulz et messages
de nostre Saint Père le pape, qui à grant diligense
[et instance[382]] y travillièrent pour le temps de
5lors, et depuis ce y ait eu pluiseurs trettiés pourparlés
et pluiseurs voies touchies entre nous et nostre
dit frère de France. Finablement, ou mois de may
darrainnement passet, vinrent en France messages
10de par nostre Saint Père le pape, nostre très chier et
feal l’abbet de Clugni, frères Symons de Lengres,
mestre en divinité, mestre de l’ordene des Frères
Preeceurs, et Hughe de Genève, chevalier, signeur
d’Antun, où nous estions lors en nostre host. Et tant
alèrent et vinrent li dit message devers nous et
15devers nostre très chier neveu Charle duc de Normendie,
dalphin de Viane et regent pour le temps
dou royalme de France, que en pluiseurs lieus se
assamblèrent trettieurs d’une partie et d’aultre, pour
parler et trettiier de pais entre nous et nostre dit frère
20de France et les royaumes de l’un et de l’autre. Et
au darrainnier se assamblèrent li dit trettieur et procureur
de par nous et de par nostre ainsné fil le
prince de Galles, as coses dessus escriptes par especial
deputés, et li procureur et trettieur de nostre dit
25frère et son ainsné fil, aiant à ce pooir et auctorité
de l’un et de l’autre, à Bretegni priès de Chartres, ouquel
lieu fu parlé, trettié et acordé des trettieurs et
procureurs de l’une partie et l’autre, sus tous les
discors, dissentions et guerres que nous et nostre dit
30frère avions l’un contre l’autre: lequel trettié et pais
[37] li procureur d’une partie et d’autre, pour l’une partie
et pour l’autre, jurèrent sus saintes Ewangiles tenir
et garder; et apriès le jurèrent nostres dis filz
[solempnelment[383]] pour nous et pour lui, et le dit nostre
5neveu le duch de Normendie, aiant à ce pooir, pour
son dit père nostre frère et pour lui. Apriès ces coses
ensi faites et à nous raportées et exposées, consideret
que nostre dit frère de France s’acordoit et consentoit
au dit trettiet et voloit ycelui et la pais tenir,
10garder et acomplir de sa partie, yceulz trettiés et
pais, dou conseil et consentement de pluiseurs de
nostre sanch et linage, dus, contes, chevaliers et
gens d’eglise, de [barons[384]] et aultres nobles, bourgois
et aultres sages de nostre royaulme, pour apaisier
15les guerres, les maulz et les doleurs dessus
dis dont le peuple estoit si malement mené, si com
dessus est dit et escript, à l’onneur et la glore dou
roy des roys, et pour reverense de Sainte Eglise,
de nostre Saint Père le pape et de ses messages,
20avons consenti et consentons, et le rattefions, greons
et approuvons, comme, par le teneur dou dit trettié
et pais, nostre dit frère de France doit delivrer et
delaissier, et a baillié, delivré et delaissié, si comme
il est contenu en ses lettres sur ce faites plus plainnement,
25à perpetuité à nous, pour nous et pour nos
hoirs et successeurs, à tenir perpetuelment [et] à
tous jours toutes les coses qui s’ensievent, par le manière
que nostre dit frère et ses filz et leurs ancisseurs
rois de France les ont tenu dou temps passé,
[38] c’est à savoir, ce qui est en souverainneté, à tenir en
souverainneté [et ce qui est en demaine, tenir en
demaine[385], et ce qui est en fief, à tenir en fief,
et sans rappiel à tous jours mès pour lui ne pour ses
5hoirs, quelzconques qu’il soient, presens et à venir:
c’est à savoir la cité et le chastiel et toute [la conté
de Poitiers, et toute[386] la terre et le pays de Poito,
ensamble le fief de Towart et la terre de Belleville,
la cité et le chastiel de Saintes et toute la terre et le
10pays de Saintonge par deçà et par delà le Charente,
la cité et le chastiel d’Agen, la terre et le pays d’Aghinois,
la chité, le chastiel et toute la conté de
Pieregorch et la terre et le pays de Piereguis, le cité
et le chastiel de Limoges et toute la terre et le pays
15de Limozin, la chité et le chastiel de Chaours et toute
la terre et le pays de Quersin, le ville, le chastiel et
[tout] le pays de Tarbe, et la terre, pays et conté de
Bigorre, la conté, la terre et le pays de Gauvre, le
cité et le chastiel d’Angouloisme et toute la terre
20et le pays d’Angoulesmois, la cité et le chastiel
de Rodais et toute la terre et le pais de Roerge,
et ce que nous ou aultres rois d’Engleterre anciennement
tindrent en le ville de Moustruel sus mer
et ès apertenances. Item, la conté de Pontieu tout
25entierement, sauf et excepté et selonch la teneur
de l’article contenu ou dit trettié qui de la ditte
conté fait mention. Item, le chastiel et le ville
[de Calais, le chastiel et ville[387] et la signourie de
Merk, les villes, chastiaus et signouries de Sangattes,
[39] Coulongne, Hames, Walle et Oye, avoec les terres,
bois, marès, rivières, rentes, signouries et aultres
[choses[388] contenues en l’article dou trettiet faisant de
ce mention. Item, le chastiel, le ville et tout entierement
5la conté de Ghines, avoech toutes les terres,
villes, chastiaus, forterèces, lieus, hommes, hommages,
signouries, bois, foriès et droitures, selonc la
teneur de l’article faisant de ce mention plus plainnement
ou dit trettié, et avoech les isles et adjacens
10tierres, pays et lieus avant nommés, ensamble avoech
tous les aultres isles et adjacens tierres, pays et
lieus avant nommés, ensamble avoech tous les autres
isles, lesquels nous tenions à present et tenons,
c’est à entendre ou temps dou dit trettié. [Et
15comme par la forme et manière du dit traictié[389]] et
de le pais, nous et nostre dit frère le roy de France
devons et avons prommis, par foy et par sierement,
l’un à l’autre, yceulz trettiés et pais tenir et garder et
acomplir et non venir encontre, et soions tenu, nous
20et nostre dit frère et nos fils ainsnés dessus dis,
par obligation et prommesse, par fois et par sieremens
fais d’une partie et d’aultre, certainnes renunciations
l’un pour l’autre, selonch la fourme et teneur
dou dit article entre les aultres ou dit trettié de le
25pais, dont la fourme est tèle: Item, est acordé que le
roy de France et son ainsnet fil le regent, pour eulz
et pour leurs hoirs et pour tous les rois de France et
leurs successeurs à tous jours, et au plus tost qu’il se
pora faire, sans mal engin, et au plus tart dedens le
[40] Saint Michiel prochain venant en un an, renderont
et bailleront au dit roy d’Engleterre et à tous ses
hoirs et successeurs, et transporteront en eulz tous
les honneurs et regalités, obedienses, hommages,
5ligeautés, vassaus, fiés, services, recognissances, sieremens,
droitures, mère et mixte impare, toutes manières
de juriditions, hautes et basses, ressors, sauvegardes,
signouries et souverainnetés qui apertenoient,
apertiennent et poront en aucune manière apertenir
10as rois et [à] la couronne de France ou à aucune aultre
personne, pour cause dou roy et de la couronne
de France, hoirs ne successeurs, tant de signeurs
comme de subgès nobles ou non nobles, en quelque
temps que ce soit, ès cités, contés, chastiaus, terres,
15pays, isles et lieus avant nommés, ou en aucun
d’iceulz, et à leur apertenances et apendances quelconques,
ou ès personnes, vassaus et subgès quelconques
d’iceulz, soient prince, duc, conte, visconte,
arcevesque, evesque et aultres prelas d’eglise, barons,
20nobles et aultres quelconques, sans riens à eulz,
leurs hoirs et successeurs, la couronne de France ou
aultre que ce soit, retenir ne reserver en yceulz, pour
quoi il ne leurs hoirs ou successeurs ou aucuns rois
de France, ou aultres que ce soit, à cause dou roy et
25de la couronne de France, aucune cose y poront calengier
ou demander ou temps à venir sus le roy
d’Engleterre, ses hoirs et ses successeurs, ou sus aucuns
des vassaus et subgès avant dis pour cause des
pays et lieus avant nommés, ensi que toutes les avant
30nommées personnes et leurs hoirs et successeurs
[perpetuelment seront hommes lieges et subgiz du
roi d’Engleterre et à touz ses heirs et successours[390],
[41] et que le dit roy d’Engleterre, ses hoirs et ses
successeurs, toutes les personnes, cités, contés, terres,
pays, isles, chastiaus et lieus avant nommés et toutes
leurs apertenances et leur appendances aront et tenront,
5et à eulz demorront plainnement, perpetuelment
et franchement en leur signourie, souverainneté,
obeissance, ligeauté et subjection, comme les
rois de France les avoient et tenoient ens ou temps
passé, et que li dis rois d’Engleterre, ses hoirs et ses
10successeurs, aront et tendront perpetuelment et paisieulement
tous les pays avant nommés, avoech leurs
apertenances et appendances et les aultres coses
avant nommées, en toute francise et liberté perpetuèle,
comme signeur souverain et lige et voisin au
15roy de France et au dit royaume de France, sans y
recognoistre souverainneté ou faire obeissance, hommage,
ressort, subjection et sans faire ou temps à
venir aucun service et recognissance au roy ne à le
couronne de France, des contés, cités, chastiaus,
20terres, pays, isles, lieus et personnes avant nommées
ou pour aucune d’icelles. Item, est acordé que li
rois de France et ses ainsnés filz renonceront expressement
as dis ressors et souverainnetés et à tout le
droit qu’il ont ou poront avoir à toutes les coses
25qui par ce present trettié doient appertenir au roy
d’Engleterre. Et samblablement li rois d’Engleterre
et ses ainsnés filz renonceront expressement à toutes
les coses qui par ce present trettié ne doient estre baillies
ne données au roy d’Engleterre, et à toutes les
30demandes qu’il faisoit au roy de France, et par especial
[42] au nom, au droit, as armes et au calenge de la
couronne de France et dou royaume, à l’ommage et
souverainneté et demainne de la ducé de Normendie,
de la ducé de Tourainne, des contés d’Ango et
5du Mainne, et à la souverainneté et hommage de la
ducé de Bretagne, et à la souverainneté et hommage
de la conté et dou pays de Flandres, et à toutes aultres
demandes que li rois d’Engleterre faisoit en devant
ou temps dou dit calenge ou faire poroit ou
10temps à venir au dit royaume de France, par quelconque
cause que ce soit, oultre et excepté ce qui
par ce present trettié doit demorer ou estre bailliés
[au roy d’Engleterre et à ses hoirs. Et transporteront,
cesseront et delaisseront li un roy à l’autre, perpetuelement
15tout le droit que chascuns d’eulx a ou peut
avoir en toutes les choses qui par ce present trettiet
doivent demourer ou estre baillies[391]] à çascun d’eulz;
et dou temps et lieu où et quant les dittes renonciations
se feront, [parleront et ordeneront les deus
20rois à Calays ensemble[392]]. Et pour ce que nostre dit
frère de France et son ainsnet fil, pour tenir et
acomplir les articles de la pais et accors dessus dis,
ont renonciet expressement as ressors et souverainnetés
compris ès dis articles, et à tout le droit qu’il
25avoient ou avoir pooient en toutes les coses dessus
dittes que nostre dit frère nous a à baillier, delivrer
et delaissier et ès aultres qui d’or en avant nous doient
demorer ou apertenir par les dis trettiés et pais:
[nous, parmi les dittes choses, renonchons expressement
[43] à toutes les choses qui par les dis traitteurs et
pais] ne doivent estres baillies ne demorer à nous,
pour nous ne pour nos hoirs, et à toutes les demandes
que nous faisions ou porions faire envers nostre
5dit frère de France, et par especial, au nom et au
droit de la couronne et dou royaume de France, à
l’ommage, souverainneté et demainne de la ducé de
Normendie, dou ducé de Tourainne, des contés
d’Ango et du Mainne, et à la souverainneté et hommage
10dou pays et de la conté de Flandres, et à la
souverainneté et hommage de la ducé de Bretagne,
et à toutes aultres demandes que nous faisions ou
faire porions à nostre dit frère, pour quelque cause
que ce fust, oultre et excepté ce que par ce present
15trettié doit demorer à nous et à nos hoirs. Et en lui
transportons, cessons et delaissons, et il en nous, et
li uns en l’autre, au mieulz que nous poons, tout le
droit que cescuns de nous poroit ou poet avoir en
toutes les coses qui par le dit trettiet et pais doient
20demorer ou estre baillies à çascun de nous, sauf et
reservé as eglises et gens d’eglises ce qui à eulz apertient
ou poet apertenir, et que tout ce qui a esté
occuppé et est detenu dou leur pour ocquison des
guerres leur soit [recompensé, restitué[393] et] rendu et
25delivré, et que les villes et forterèces et tous les habitans
en ycelles seront et demorront en tèles libertés
et francises comme elles estoient par devant en
nostre main et signourie, et leur seront confremés
par nostre dit frère de France, se il en est requis, se
30contraires ne sont as coses devant dittes. Et soumetons,
[44] quant à toutes ces coses, nous et nos hoirs et
successeurs à le juridition et cohertion de l’eglise de
Romme. Et volons et consentons que nostre Saint
Père le pape conferme toutes ces coses, en donnant
5monitions et mandemens generauls sus l’acomplissement
d’icelles contre nous, nos hoirs et successeurs,
et contre tous nos subgès, soient communes, collèges,
universités ou personnes singulères quelconques,
en donnant sentenses generauls d’escumeniement,
10de suspention et d’entredit, pour estre encheut
par nous ou par eulz par ce fait et si tost que nous ou
eulz ferons ou attempterons, en occuppant ville ou
chastiel, cité ou forterèce, ou aultre quelconque cose
faisant, ratefiant ou [aggreant[394]], en donnant conseil,
15confort, faveur ne ayde, celeement ou en appert,
contre la ditte pais: desquèles sentenses il ne puissent
estre absols jusques qu’il aient fait plenière satisfacion
à tous ceulz qui par celui fait aront soustenu
ou soustendront damage. Et avoech ce volons et
20consentons que nostre Saint Père le pape, pour ce
que plus fermement soit tenue et gardée la ditte pais
à perpetuité, toutes pactions, confederations, alliances
et couvenances, comment que elles puissent estre
nommées, qui poront estre prejudiciales ou obviier
25par quelque voie à la ditte pais ou temps present ou
à venir, supposé que elles fuissent fermes ou vallées
par painnes et par sieremens ou confremées de nostre
Saint Père le pape ou d’autres, soient quassées,
irritées et mises au noient, comme contraire au bien
[45] commun et au bien de [paix commune[395]] et pourfitable
à toute crestienté, et desplaisans à Dieu, et
tous sieremens [fais en tel cas soient relaciés, et
diserné par le dit nostre Saint Père le pape, que
5nuls ne soit tenus à tels seremens[396]], alliances et
couvenances tenir ou garder, et deffendre que ou temps
à venir ne soient [faites[397]] tèles ou samblables; et, se
de fait aucuns attemptoit et faisoit le contraire, que
dès maintenant les casse et irrite, et rende nulles et
10de nulle vertu, et nientmains nous les en punirons,
comme violateurs de pais, par painne de corps et de
biens, si comme li cas le requerra et que raisons le
vodra. Et, se nous faisions, procurions ou souffrions
estre fait le contraire, que Diex ne voeille! nous
15volons estre tenu et reputé pour desloyal et mençongier,
et volons encourir en tel blasme et diffame
comme rois sacrés doit encourir en tel cas. Et jurons
sus le corps Jhesu Cris sacré les coses dessus dittes
tenir, garder et acomplir et encontre non venir par
20nous ou par aultre, par quelque cause ou manière
que ce soit. Et pour ce que les dittes coses et çascune
d’icelles soient, de point en point et par le fourme
et manière dessus ditte, tenues et acomplies, nous
obligons nous, nos hoirs et tous les biens de nous et
25de nos hoirs, à nostre dit frère le roy de France et
à ses hoirs, et jurons sus saintes Ewangiles, par
nous corporelment touchies, que nous parlerons,
attenderons et acomplirons, ou cas dessus dit, toutes
[46] les devant dittes coses par nous prommises et
acordées, comme devant est dit. Et volons que, ou
cas que nostre dit frère et nostre dit neveu aroient
faites les renonciations et envoiies et baillies, comme
5dit est, et les dittes lettres ne fuissent baillies à nostre
dit frère ou à ses deputés, au lieu, au terme et
par le [fourme et[398] manière que dessus est dit, dès
lors ou cas dessus dit, nos presentes lettres et quanques
compris est dedens, aient tant de vigheur, d’effect
10et fermeté comme aroient nos aultres lettres par
nous prommises et baillies, comme dessus est dit,
sauf toutesvoies et reservé pour nous, nos hoirs et
successeurs, que les dittes lettres dessus encorporées
n’aient aucun effect, ne ne nous puissent porter aucun
15prejudisse ou damage jusques à ce que nostre
dit frère et nostre dit neveu aront faites, envoiies et
baillies les dittes renunciations par le manière dessus
ditte, et si souffissamment baillies et delivrées en
temps et en liu que il souffisse à nous et à nostre
20especial conseil, et ossi qu’il ne s’en puissent aidier
contre tous nous, nos hoirs et successeurs, en aucune
manière, se non ou cas dessus dit. En tiesmoing
de laquel cose, nous avons fait mettre nostre seel à
ces presentes lettres, données à Calais, le vingt quatrime
25jour dou mois de octembre, l’an de grasce
Nostre Signeur mil trois cens et soissante.»
§ 483. Quant ceste arrière chartre, qui s’appelle
lettre des renonciations tant d’un roy comme de
l’autre, fu escripte, grossée et seelée, on le lisi et
[47] publia generaument en le cambre dou Conseil, presens
les deux rois dessus nommés et leurs consauls: si
sambla à çascun à estre belle et bonne, bien dittée et
bien ordenée. Et là de rechief jurèrent li doy roy et
5leur doy ainsnet fil, sus les saintes ewangiles corporelment
touchies et sus le corps Jhesu Cris sacré, à
tenir, garder et acomplir et non enfraindre tous les
coses dessus dittes. Depuis encores, par l’avis et regard
dou roy de France et de son estroit conseil et
10sus le fin de leur parlement, fu requis li rois d’Engleterre
que il volsist donner et acorder une commission
general qui s’estendesist sus tous ciaulz qui
pour le temps tenoient en l’ombre de se guerre
villes, chastiaus ou forterèces ou royaume de France,
15par quoi il euissent cause, commandement et cognissance
de vuidier et partir.
Li rois d’Engleterre, qui ne voloit que tout bien
et bonne pais nourir entre lui et son frère le roy de
France, ensi que juré et prommis l’avoit, descendi à
20ceste requeste legierement, et li sambla de raison.
Et commanda à ses gens que elle fust faite sus le
milleur fourme que on poroit, à l’entente et discretion
dou roy de France son frère et de son conseil.
Adonc de rechief se remisent li plus especial dou
25conseil des deux rois dessus nommés ensamble, et
fu là jettée, escripte et puis grossée, par l’avis de
l’un et de l’autre, une commission dont la teneur
s’ensieut ensi.
§ 484. «Edouwars, par le grasce de Dieu roy d’Engleterre,
30signeur d’Irlande et d’Acquitainnes, à tous
nos chapitainnes, gardes de villes et de chastiaus,
[48] adherens et alliiés estans ès parties de France, tant
en Pikardie, en Bourgongne, en Ango, en Berri, en
Normendie, en Bretagne, en Auvergne, en Campagne,
en [Mainne[399]] et en Tourainne et en toutes les
5mètes et limitations dou demainne et de le tenure
de France, salut. Comme paix et acord soient fait
entre nous, nos alliiés, aidans et adherens, d’une
part, et nostre très chier frère le roy de France, ses
alliiés et adherens, d’autre part, sus tous les debas
10et descors que nous avons eu dou temps passet ou
porions avoir ensamble, et aions juré sus le corps
Jhesu Cris la ditte pais, et ossi nostre très chier fil et
ainsné et aultres enfans, et cil de nostre sanch avoec
pluiseurs prelas, barons, chevaliers et des plus notables
15de nostre royaume; et ossi ont juré nostre dit
frère et nostre dit neveu le duch de Normendie et
nos aultres neveus ses enfans et pluiseur de leur
sanch avoech pluiseurs prelas, barons, chevaliers dou
dit royaume de France; comme ensi soit ou aviegne
20que aucun guerrieur de nostre royaume et de nos
subgès se poront efforcier de faire ou d’entreprendre
aucune cose contre la ditte pais, en prenant ou detenant
forterèces, villes, cités ou chastiaus, ou faisant
pillage ou prenant gens ou arrestant leurs corps,
25leurs biens ou marchandises, ou aultres coses faisant
contre la ditte pais, de quoi il nous desplairoit très
grandement et ne le porions nullement ne vorrions
passer sus l’ombre de dissimulation en aucune manière,
nous volons obviier de tout nostre pooir ès
30coses dessus dittes. Si volons, desirons et ordonnons
[49] par deliberation de notre conseil, de certainne sieute,
que, se nulz de nos subgès, de quelconques estat ne
condition qu’il soit, face ou efforce de faire contre
le pais, en faisant pillages, prenant ou detenant forterèces,
5personne ou biens quelconques dou royaume
de France ou aultres de nostre dit frère, de ses subgès,
alliiés et adherens ou aultres quelconques facent
contre la ditte pais, et il n’est delaissié, cessé et deporté
de ce faire et rendre les damages que fais ara
10dedens un mois apriès ce que il ara esté sur ce requis
par aucuns de nos officiiers, sergans, persones
publiques, [que[400]] par tel fait seulement et sans aultres
procès, condempnation ou declaration il soient dès
lors tous reputés pour banis de nostre royaume et
15de tout nostre pooir et ossi dou royaume et terre de
nostre dit frère, et tous leurs biens confisqués et
obligiés à nous et à nostre demainne. Et se il pooient
estre trouvé en nostre royaulme, nous commandons
et volons expressement que punitions en soit faite
20comme de traittes et rebelles à nous, par le manière
qu’il est acoustumé à faire en crime de l’estat majestal,
sans faire sur ce grace, remission, souffrance ne
pardon. Et samblablement le volons faire de nos
subgès, de quelconque estat qu’il soient, qui en
25nostre royaume deçà et delà la mer prenderont, occuperont
et detenront forterèces quelconques contre
le volenté à ceulz de qui elles seront, ou qui bouteront
feus, ranceneront villes ou personnes, en facent
pillages ou roberies, ou feront ou esmouveront
[50] guerre en nostre pooir et sous nos subgès. Si mandons,
commandons et enjoindons destroitement et
expressement à tous nos seneschaus, baillieus, prevos,
chastellains ou aultres nos officiiers, sur quanque
5il se poeent fourfaire envers nous, et sus painne
de perdre leurs offisses, qu’il publient et facent publiier
ces presentes par tous les lieus notables de
leurs senescaudies, baillietés, prevostés et chastelleries,
et que nulz, ce mandement oy et veu, ne demeure
10en forterèce qu’il tiegne ou dit royaume de
France hors de l’ordenance et dou trettiet de le
pais, sus à estre ennemis à nous et à nostre dit frère
le roy de France, et toutes les coses dessus dittes
gardent et facent garder enterinement et acomplir
15de point en point. Et sacent tout que, se il en sont
negligent ou defallant, avoech le painne dessus ditte,
nous leur ferons rendre les damages à tous ceulz qui
par leur deffaute ou negligense aront esté grevés ou
damagiés. Et avoech ce les en punirons par tel manière
20qu’il sera exemples à tous aultres. En tesmoing desquèles
coses, nous avons fait faire cestes nos lettres
patentes, données à Calais le vingtquatrime jour dou
mois d’octembre, l’an de grasce Nostre Signeur mil
trois cens et soissante.»
25§ 485. Apriès toutes ces coses faites et devisées et
ces lettres et commissions baillies et delivrées, et si
bien tout ordonné par l’avis adonc de l’un et de l’autre
que les parties se tenoient pour content, voirs est
qu’il fu parlé de monsigneur Charle de Blois et de
30monsigneur Jehan de Montfort sus l’estat de Bretagne,
car cescuns reclamoit avoir grant droit à l’iretage
[51] de Bretagne. Et quoique là en fust parlementé
et regardé comment on poroit couchier les coses et
yaus apaisier, riens n’en fu diffiniement fait; car, si
com je fui depuis enfourmés, li rois d’Engleterre et
5li sien n’i avoient mies trop grant affection. Car il
presumoient le temps à venir, pour ce que il couvenoit
toutes manières de gens d’armes de leur costé
partir et vuidier des garnisons et forterèces qu’il tenoient
à present et avoient tenu ou royaume de
10France, et retraire quel part que fust; et mieulz valoit
et plus pourfitable estoit que cil guerrieur et
pilleur se retraisissent en la ducé de Bretagne, qui est
uns des cras pays dou monde et bons pour tenir
gens d’armes, que donc qu’il revenissent en Engleterre,
15car leur pays en poroit estre perdus et robés.
Ceste imagination fist assés briefment passer les Englès
le parlement et l’article de Bretagne, dont ce fu
pechiés et mal fait que on n’en esploita aultrement;
car, se li doy roy volsissent bien acertes par l’avis
20de leurs consaulz, pais euist là esté entre les parties
dessus dittes, et se fust cescuns tenus à ce que on li
euist donné et departi, et si euist messires Charles de
Blois reus ses enfans qui gisoient prisonnier en Engleterre,
et si euist plus longement vescu qu’il ne
25fist. Et pour ce qu’il n’en fu riens fait, onques les
guerres ne furent si grandes en la ducé de Bretagne,
en devant l’ordenance de la pais des deux rois dont
nous parlons maintenant, que elles ont estet depuis,
si com vous orés avant en l’ystore et par les signeurs,
30barons et chevaliers dou pays de Bretagne qui ont
soustenu l’une opinion et l’autre: siques li dus
Henris de Lancastre, qui fil vaillans sires, sages et
[52] imaginatis, et qui trop durement amoit le conte de
Montfort et son avancement, dist au roy Jehan de
France, present le roy d’Engleterre et le plus grant
partie de leurs consaulz: «Sire, encores ont les
5triewes de Bretagne, qui furent prises et données
devant Rennes, à durer jusques au premier jour de
may qui vient. Là en dedens envoiera li rois nos
sires, par le regard de son conseil, gens de par lui
et de par son fil le jone duch monsigneur Jehan de
10Montfort, en France devers vous, et cil aront pooir
et auctorité d’entendre et de prendre tel droit que li
dis messires Jehans poet avoir de le succession son
signeur de [père] à la ducé de Bretagne, et que vous
et vos consaulz et li nostres mis ensamble en ordonneront.
15Et pour plus grant seurté, c’est bon que les
triewes soient ralongies jusques à le Saint Jehan
Baptiste ensievant.» Ensi fu il fait comme li dessus
dis dus de Lancastre le parlementa, et puis parlèrent
li signeur d’aultre cose.
20§ [486]. Li rois Jehans de France, qui avoit grant
desir de retourner en son royaume, et c’estoit raisons,
moustroit au roy d’Engleterre de bon corage
tous les signes d’amour qu’il pooit et ossi à son neveu
le prince de Galles, et li rois d’Engleterre otant bien
25à lui. Et par plus grant conjonction d’amour, li doi
roy, quoique il s’appelassent par l’ordenance de le
pais frère, donnèrent à quatre chevaliers, cescuns de
son costé, le somme de huit mil frans françois de
revenue par an, c’est à entendre cescun deux mil.
30Et pour ce que la terre de Saint Salveur le Visconte
en Constentin, qui venoit au roy d’Engleterre dou
[53] costé monsigneur Godefroy de Harcourt, par don et
par vendage que li dis messires Godefrois en avoit
fait au dit roy d’Engleterre, si com il est contenu ci
dessus en ce livre, et que la ditte terre estoit hors
5de l’ordenance dou trettié de le pais, et couvenoit
que, quiconques tenist la terre, qu’il en fust homs de
fief et d’ommage au roy de France, et pour celi cause
li rois d’Engleterre l’avoit donné et reservé à monsigneur
Jehan Chandos, qui pluiseurs biaus services li
10avoit fais et à ses enfans. De quoi li rois de France,
par grant deliberation de corage et d’amour, le conferma
et seela, à le priière dou roy d’Engleterre, au
dit monsigneur Jehan Chandos, à tenir et possesser
ensi comme son bon hyretage. Si es ce une moult
15belle terre et rendable, car elle vault bien une fois
l’an seize mil frans. Encores avoech toutes ces coses
furent pluiseurs aultres lettres faites et alliances,
desquèlez je ne puis mies dou tout faire mention; car
quinze jours ou environ que li doy roy et leur enfant
20et leurs consaulz furent en le ville de Calais, tous les
jours y avoit parlemens et nouvelles ordenances, en
reconfermant et alloiant le paix. Et d’abundant
renouvelloient lettres, sans brisier ne corrompre les
premières, et les faisoient toutes sus une datte pour
25estre mieulz seures et plus approuvées, desquèles je
euch depuis le copie par les registres de le cancelerie
de l’un roy et l’autre.
§ 487. Quant toutes ces coses furent si bien devisées
et ordonnées que nulz n’i savoit ne pooit par raison
30riens amender ne corrigier, et que on ne cuidoit
mies, par les grandes alliances et obligations où li doy
[54] roy et leur enfant estoient loiiet et avoient juret, que
ceste pais se deuist brisier, mais si fist, si com vous
orés avant ens ou livre, et que tout cil qui devoient
estre ostagiier pour le redemption dou roy de France
5furent venu à Calais, et que li rois d’Engleterre
leur eut juré à tenir et garder paisieulement en son
royaume, et que li sis cens mil florin furent paiiet
as deputés le roy d’Engleterre, li dis rois d’Engleterre
donna au roy de France en son chastiel de Calais un
10moult grant souper et bien ordonné. Et servirent si
enfant et li dus de Lancastre et li plus grant baron
d’Engleterre à nus chiés. Apriès ce souper, prisent finablement
li doy roy congiet li un à l’autre moult amiablement,
et retourna li rois de France à son hostel.
15A l’endemain, qu’il fu la vigile Saint Symon et Saint
Jude, se parti li rois de France de Calais, et tout cil de
son costet qui partir se devoient. Et se mist li rois de
France tout à piet en istance que pour venir en pelerinage
à Nostre Dame de Boulongne, et li princes
20de Galles et si doi frère en se compagnie, monsigneur
Leonniel et monsigneur Aymon. Et ensi vinrent il
tout de piet et devant disner jusques à Boulongne,
où il furent receu à grant joie. Et là estoit li dus de
Normendie, qui les attendoit. Si vinrent li dessus dit
25signeur tout à piet en l’eglise Nostre Dame de Boulongne,
et fisent leurs offrandes moult deuement, et
puis tournèrent en l’abbeye de laiens, qui estoit appareillie
pour le roy recevoir et les enfans dou roy
d’Engleterre. Si furent là ce jour et la nuit ensievant
30dalés le roy en grant revel; et l’endemain bien
matin il retournèrent à Calais devers le roy leur père,
qui les attendoit. Si repassèrent tout cil signeur
[55] ensamble le mer et li ostagiier de France: ce fu la
vigile de Toussains l’an mil trois cens et soissante.
§ [488]. Or est raisons que je vous nomme tous les
nobles dou royaume de France qui entrèrent en Engleterre
5pour le roy de France: premierement monsigneur
Phelippe duc d’Orliiens jadis filz dou roy
Phelippe de France, en apriès ses deux neveus, le
duch d’Ango et le duch de Berri, et puis le duch de
Bourbon, le conte d’Alençon, monsigneur Jehan
10d’Estampes, Gui de Blois pour le conte Loeis de
Blois son frère, le conte de Saint Pol, le conte de
Harcourt, le conte daufin d’Auvergne, monsigneur
Engherant signeur de Couci, monsigneur Jehan de
Lini, le conte de Porsiien, le conte de Brainne, le
15signeur de Montmorensi, le signeur de Roie, le
signeur de Praiiaus, le signeur d’Estouteville, le signeur
de Clères, le signeur de Saint Venant, le
signeur de la Tour d’Auvergne, le signeur d’Englure,
le signeur de Trainiel, le signeur de Maulevrier,
20le signeur de Bouberk et le signeur d’Andresel
et encores des aultres que je ne puis ou sai
tous nommer. Ossi de la bonne cité de Paris, de
Thoulouse, de Roem, de Rains, de Bourges en Berri,
de Tours en Touraine, de Lyons sus le Rosne, de
25Sens en Bourgongne, d’Orliiens, de Troies, de Chaalons
en Champagne, d’Amiens, de Biauvais, d’Arras,
de Tournay, de Kem en Normendie, de Saint Omer,
de Lille et de Douay, de çascune deux ou quatre
bourgois. Si passèrent finablement tout le mer et
30s’en vinrent amanagier en le bonne cité de Londres.
Là les recarga li rois d’Engleterre au maieur de Londres
[56] et à ses officiiers, et leur commanda et enjoindi,
sur quanqu’il se pooient meffaire envers lui, que il
fuissent à ces signeurs et à ces gens courtois, et les
fesissent yaus et leurs gens tenir en pais, car il estoient
5en se garde. Li commandemens dou roy fu
tenus et bien gardés en toutes manières. Et aloient
cil hostagier jeuer sans peril et sans rihote aval le
cité de Londres et environ. Et li signeur aloient cachier
et voler à leur volenté et yaus esbatre et deduire
10sus le pays et veoir les dames et les signeurs
ensi comme il leur plaisoit; ne onques ne furent
constraint, mais trouvèrent le roy d’Engleterre moult
amiable et moult courtois. Or parlerons un petit dou
roy de France qui estoit venus à Boulongne.
15§ [489]. Li rois de France ne sejourna gaires à Boulongne
sus mer, mès s’en parti tantost apriès le fieste
de le Toussains, et vint à Moustruel et puis à Hedin,
et fist tant que il entra en le bonne cité d’Amiens, et
partout estoit il receus grandement et noblement.
20Quant il eut esté à Amiens, où il se tint priès jusques
au Noel, il s’en parti et vint à Paris. Là fu il solennelment
et reveramment receus, et à grans pourcessions
de tout le clergié de Paris amenés et aconvoiiés
jusques au palais là où il descendi, et messires Phelippes
25ses filz ossi, et tout li signeur qui avoecques
le roy estoient. Et là fu li disners grans et nobles et
bien estoffés. Je ne vous aroie jamais devisé com
poissamment li rois de France fu recueilliés, à ce retour
en son royaume, de toutes manières de gens,
30car il y estoit moult desirés. Se li donna on des biaus
dons et fist on des riches presens, et le vinrent veoir
[57] et viseter li prelat et li baron de son royaume, et le
festioient et conjoissoient ensi comme il apertenoit,
et li rois les recevoit doucement et bellement, car
moult bien le savoit faire.
5§ [490]. Assés tost apriès ce que li rois Jehans fu
retournés en France, passèrent le mer li commis et
establi de par le roy d’Engleterre pour prendre le
possession de terres, des pays, des contés, des
seneschaudies, des cités, des villes, des chastiaus et des
10forterèces qui li devoient estre baillies et delivrées
par le trettiet de le pais. Si ne fu mies si tost fait,
car pluiseurs signeurs en le Langue d’och ne veurent
mies de premiers obeir ne yaus rendre au roy d’Engleterre,
quoique li rois de France les quittast de foy
15et d’ommage, et leur venoit à trop grant contraire et
diversité ce que estre englès les couvenoit, et especialment
ens ès lontainnes marces, le conte de Pieregorch,
le conte de Comminges, le visconte de
Chastielbon, le visconte de Quarmain, le signeur de
20Taride, le signeur de Pincornet et pluiseur aultre.
Et s’esmervilloient trop dou ressort dont li rois de
France les quittoit. Et disoient li aucun que il n’apertenoit
mies à lui à quitter et que par droit il ne le
pooit faire, car il estoient en le Gascongne trop anciiennement
25chartret et privilegiiet dou grant Charlemainne,
qui fu rois de France et d’Alemagne et emperères
de Romme, que nuls rois de France ne pooit
mettre le ressort en aultre court qu’en le sienne, et
pour ce ne veurent mies cil signeur de premiers legierement
30obeir. Mais li rois de France, qui voloit
tenir et à son pooir acomplir ce qu’il avoit juret et
[58] seelet, y envoia monsigneur Jakemon de Bourbon,
son chier cousin, liquelz apaisa le plus grant partie
de ces signeurs. Et devinrent homme cil qui devenir
le devoient au roy d’Engleterre, li contes d’Ermignach,
5li sires de Labreth et moult d’aultres qui à le
priière dou roy de France et de monsigneur Jakemon
de Bourbon obeirent, com envis que ce fust.
A l’autre costé, ossi sus le marine, en Poito et en
Rocellois et tout en Saintonge, vint il à trop grant
10desplaisir as barons, as chevaliers et as bonnes villes
dou pays, quant il les couvint estre englès. Et par
especial cil de le ville de le Rocelle ne s’i voloient
acorder et s’escusèrent par trop de fois, et detriièrent
plus d’un an que onques il ne veurent laissier entrer
15Englès en leur ville. Et se poroit on esmervillier des
douces, amiables et piteuses parolles qu’il escrisoient
et rescrisoient au roy de France, en suppliant pour
Dieu que il ne les volsist mies quitter de leurs fois
ne eslongier de son demainne ne mettre en mains
20estragnes, et que il avoient plus chier à estre tailliet
tous les ans de le moitiet de leur chavance que donc
que il fuissent ens ès mains des Englès. Sachiés que
li rois de France, qui veoit leur bonne volenté et
loyauté et ooit leurs escusances moult souvent, avoit
25grant pité d’yaus; mais il leur mandoit et rescrisoit
affectueusement et songneusement que il les couvenoit
obeir: aultrement la pais seroit enfrainte et brisie,
par lequel coupe ce seroit trop grant prejudisse
au royaume de France. Siques quant cil de le Rocelle
30veirent le destroit, et que escusances ne moustrances
ne priières que il fesissent ne valloient riens,
il obeirent, mès ce fu à trop grant dur. Et disent bien
[59] li plus notable de le ville de le Rocelle: «Nous aourrous
les Englès des lèvres, mais li coers ne s’en mouvera
ja.»
Ensi eut li rois d’Engleterre le saisine et possession
5de la ducé d’Aquitainnes, de la conté de Pontieu et de
Ghines et de toutes les terres que il devoit avoir par
deçà la mer, c’est à entendre ou royaume de France,
qui li estoient données et acordées par l’ordenance
dou trettié. Et proprement en ceste anée passa messires
10Jehans Chandos, comme regens et lieutenans de
par le roy d’Engleterre, et vint prendre le possession
de toutes les terres dessus dittes, les fois et les hommages
des contes, des viscontes, des barons et des
chevaliers, des cités, des villes et des forterèces, et
15mist et institua partout seneschaus, baillieus, officiiers
à sen ordenance, et vint demorer à Niorth. Si
tenoit li dis mesires Jehans Chandos grant estat et
noble, et bien avoit de quoi, quant li rois d’Engleterre
qui moult l’amoit le voloit, et certes il en estoit
20bien merites, car il fu doulz chevaliers, courtois et
amiables, larges, preus; sages et loyaus en tous estas
et qui vaillamment se savoit estre et avoir entre tous
signeurs et toutes dames, onques chevaliers de son
temps mieus de li.
25§ [491]. Entrues que li commis et deputé de par le
roy d’Engleterre prendoient les saisines et possessions
des terres dessus dittes, si com ordenance de
trettié et de pais se portoit, estoient aultre commis et
establi ossi de par le roy d’Engleterre ens ès mètes
30et limitations de France avoecques les gens dou roy
de France, qui faisoient vuidier et partir toutes
[60] manières de gens d’armes des fors et des garnisons qu’il
tenoient. Et leur commandoient et enjoindoient
estroitement, sus à perdre corps et avoir et estre
ennemi au roy d’Engleterre, que il baillassent et delivrassent
5les forterèces qu’il tenoient as gens dou
roy de France. Là avoit aucuns chapitainnes, chevaliers
et escuiers de le nation et dou ressort d’Engleterre
qui obeissoient et qui rendoient ou faisoient rendre
par leurs compagnons les dis fors qu’il tenoient.
10Et s’en y avoit ossi de telz qui ne voloient obeir;
et disoient qu’il faisoient guerre en l’ombre et nom
dou roy de Navarre. Et encores en y avoit assés d’estragnes
nations qui estoient grant chapitainne et
grant pilleur qui ne s’en voloient mies partir si legierement
15telz que Alemans, Braibençons, Flamens,
Haynuiers, Bretons, Gascons, mauvais François qui
estoient apovri des guerres: se voloient recouvrer au
guerriier le dit royaume de France. De quoi telz manières
de gens perseverèrent en leur mauvaisté et
20fisent depuis moult de mauls ou dit royaume, oultre
tous chiaus qui grever les voloient. Et quant les
chapitainnes des dis fors estoient parti courtoisement
et avoient rendu ce qu’il tenoient et il se trouvoient
sus les camps, il donnoient leurs gens congiet. Cil
25qui avoient apris à pillier et qui bien savoient que
de retourner en leur pays ne lor estoit point pourfitable,
ou espoir n’i osoient il retourner pour les villains
fais dont il estoient acusé, se cueilloient ensamble
et faisoient nouviaus chapitainnes et prendoient
30par droite election tout le pieur des leurs, et
puis chevauçoient oultre en sievant l’un l’autre. Si
se recueillièrent premierement en Champagne et en
[61] Bourgongne, et fisent là grandes routes et grandes
compagnies qui s’appelloient les Tart Venus, pour
tant que il avoient encores peu pilliet ens ou
royaume de France. Si vinrent et prisent soudainnement
5en Campagne le fort chastiel de Genville et très
grant avoir dedens que on y avoit assamblé de tout
le pays d’environ sus le fiance dou fort lieu. Et quant
ces Compagnes eurent trouvé ce grant avoir, qui bien
estoit prisiés à cent mil frans, il le departirent entre
10yaus tant qu’il peut durer. Et tinrent le chastiel un
temps; et coururent et gastèrent tout le pays de
Champagne, l’evesqué de Vredun, de Toul et de
Lengres. Et quant il eurent assés pilliet, il passèrent
oultre, mès il vendirent ançois le chastiel de Genville
15à chiaus dou pays et en eurent vingt mil
frans.
Et puis entrèrent en Bourgongne et là s’en vinrent
esbatre et reposer et rafreschir, en attendant l’un
l’autre; et y fisent moult de mauls et de villains fais,
20car il avoient de leur acord aucuns chevaliers et escuiers
dou pays qui les menoient et conduisoient. Si
se tinrent un grant temps entours Besençon, Digon
et Biaune et robèrent tout celi pays, car nulz n’aloit
au devant. Et prisent le bonne ville de Givri en
25Biaunois et le robèrent et pillièrent toute, et se tinrent
là un temps et entours Vregi pour le cause dou
cras pays. Et toutdis accroissoit leurs nombres, car
cil qui se partoient des forterèces et lesquels leur
mestre donnoient congiet, se traioient tous celle part.
30Si furent bien dedens le quaresme quinze mil combatans.
Quant il se trouvèrent si grant nombre, il ordonnèrent
et establirent entre yaus pluiseurs chapitainnes
[62] à qui il obeirent dou tout. Si vous en
nommerai aucuns. Li plus grans mestres entre yaus
estoit uns chevaliers de Gascongne, qui s’appelloit
messires Segins de Batefol: cilz avoit de se route
5bien deux mil combatans. Encores y estoient Talbart
Talbardon, Guios dou Pin, Espiote, le Petit Meschin,
Batillier, Hanekin François, le Bourch Camus,
le Bourc de Lespare, Naudon de Bagherant, le
Bourch de Bretueil, Lamit, Hagre l’Escot, Albrest,
10Ourri l’Alemant, Bourduelle, Bernart de la Sale, Robert
Briket, Carsuelle, Ainmenion d’Ortige, Garsiot
dou Chastiel, Guionet de Paus, Hortingo de la Salle
et pluiseurs aultres.
Si se avisèrent ces Compagnes, environ le mi quaresme,
15qu’il se trairoient vers Avignon et iroient
veoir le pape et les cardinaulz. Si passèrent oultre et
entrèrent en le conté de Mascons et s’adrecièrent
pour venir en le conté de Forès, ce bon cras pays,
et vers Lyons sus le Rosne.
20§ [492]. Li rois de France entendi ces nouvelles
que ces Compagnes monteplioient ensi, qui gastoient
et essilloient son royaume: si en fu durement courouciés;
car il li fu dit et remoustré par grant especialité
de conseil que ces Compagnes poroient si
25montepliier que ilz feroient plus de mauls et de villains
fais ou royaume de France, ensi que ja faisoient,
que li guerre des Englès n’euist fait. Si eut avis et
conseil li dis rois que d’envoiier contre yaus et combatre.
Si en escrisi li rois de France especiaument et
30souverainnement devers son cousin, monsigneur
Jakemon de Bourbon, qui se tenoit adonc en le ville
[63] de Montpellier; et avoit mis nouvellement monsigneur
Jehan Chandos en le saisine et possession de
pluiseurs terres, cités, villes et chastiaus de la ducé
de Ghiane, si comme ci dessus est contenu. Et li
5mandoit li dis rois que il se fesist chiés contre ces
Compagnes et presist tant de gens d’armes de tous
costés que il fust fors assés pour yaus combatre.
Quant messires Jakemes de Bourbon entendi ces
nouvelles, il s’avala incontinent vers Avignon sans
10faire nulle part point d’arrest. Et envoioit partout
lettres et messages en priant et commandant les nobles,
chevaliers et escuiers, ou nom dou roy de
France, que il traisissent avant devers Lyons sus le
Rosne, car il voloit ces males gens combatre. Li dis
15messires Jakemes de Bourbon estoit tant amés des
gentilz hommes parmi le royaume de France que
cescuns obeissoit à lui très volentiers. Si le sievoient
chevalier et escuier de tous costés, d’Auvergne, de
Limozin, de Prouvence, de Savoie et de le daufiné
20de Viane. Et d’autre part ossi revenoient grant fuison
de chevaliers et d’escuiers de la ducé et de la conté
de Bourgongne, que li jones dus de Bourgongne y
envoioit. Si se traioient toutes ces gens d’armes et
passoient oultre, ensi qu’il venoient, devers Lyons sus
25le Rosne et en le conté de Mascons. Si s’en vint messires
Jakemes de Bourbon en le conté de Forès dont
la contesse de Forès sa suer estoit dame de par ses
enfans, car li contes de Forès ses maris estoit nouvellement
trespassés. Et gouvrenoit pour le temps
30d’adonc messires Renaulz de Forès, frères au dit
conte, la conté de Forès, liquelz recueilla le dit
monsigneur Jakemon et ses gens moult liement. Et
[64] là estoient si doi neveu, et neveu ossi à monsigneur
Jakemon, à qui il les representa moult doucement.
Li dis messires Jakemes les reçut moult bellement et
les mist dalés lui pour chevaucier et yaus armer et
5pour aidier à deffendre leur pays, car les Compagnes
tiroient à venir celle part.
§ [493]. Quant ces routes et ces Compagnes, qui se
tenoient vers Chalon sus la Sone et environ Tournus
et tout là en ce bon pays et cras, entendirent que li
10François se recueilloient et assambloient pour yaus
combatre, si se traisent les chapitainnes tout ensamble
pour avoir avis et conseil comment il se maintenroient.
Si nombrèrent entre yaus leurs gens et
leurs routes et trouvèrent qu’il estoient environ seize
15mil combatans, uns c’autres. Si disent ensi entre
yaus: «Nous irons contre ces François qui nous desirent
à trouver et les combaterons à nostre avantage,
se nous poons, ne mies aultrement. S’aventure donne
que li fortune soit pour nous, nous serons tout riche
20et recouvré pour un grant temps, tant en bons prisonniers
que nous prenderons que en ce que nous
serons si redoubté où nous irons que nus ne se mettera
contre nous; et se nous perdons, nous serons
paiiet de nos gages.»
25Cilz pourpos fu entre yaus tenus et arrestés. Si se
deslogièrent et montèrent contremont par devers les
montagnes pour entrer en le conté de Forès et venir
sus le rivière de Loire. Et trouvèrent en leur chemin
une bonne ville qui s’appelle Chierleu, dou bailliage
30de Mascons; si l’environnèrent et assallirent fortement
et se misent en grant painne dou prendre. Et
[65] y furent à l’assaut un jour tout entier, mès riens n’i
fisent, car elle fu bien gardée et bien deffendue des
gentilz hommes dou pays qui s’i estoient retrait:
aultrement elle euist esté prise. Il passèrent oultre et
5s’espardirent parmi la terre le signeur de Biaugeu
qui marcist illuech, et y fisent moult de maulz. Et
puis tantost entrèrent en l’arcevesquié de Lyons; et
ensi qu’il aloient et cheminoient, il prendoient petis
fors où il se logoient et fisent moult de destourbiers
10partout où il conversèrent. Et prisent un chastiel, et
le signeur et la dame dedens, qui s’appelle Brinay, à
trois liewes de Lyons sus le Rosne. Là se logièrent il
et arrestèrent, car il entendirent que li François estoient
tout trait sus les camps et apparillié pour yaus
15combatre.
§ [494]. Ces gens d’armes, assamblés avoech monsigneur
Jakemon de Bourbon qui se tenoit à Lyons
sus le Rosne et là environ, entendirent que les Compagnes
approçoient durement et avoient pris le ville
20de Brinay et encores des aultres fors, et gastoient et
exilloient tout le pays. Si despleurent moult ces nouvelles
à monsigneur Jakemon de Bourbon, pour tant
que il avoit en gouvrenance le conté de Forès, la
terre à ses neveus, et ossi fist il à tous les aultres. Si
25se misent as camps, et se trouvèrent grant fuison de
bonnes gens d’armes, chevaliers et escuiers, et
chevaucièrent par devers les ennemis et envoiièrent
leurs coureurs devant pour savoir quels gens il trouveroient.
30Or vous dirai le grant malisse des Compagnes: il
estoient logiet sus une montagne et avoient envoiiet
[66] desous, [en lieu[401]] où on ne les pooit aviser ne approcier,
la droite moitié de leurs gens et les mieus à
harnas, et laissièrent ces coureurs françois, tout de
fait aviset, approcier si priès d’yaus que il les euissent
5bien, se il volsissent. Et retournèrent cil sans
damage devers monsigneur Jakemon de Bourbon et
le viconte d’Usès et messire Renault de Forès et les
signeurs qui là les avoient envoiiés. Si en recordèrent
au plus priès qu’il peurent de ce que il avoient
10veu et disent ensi: «Nous avons veu les Compagnes
rengies et ordenées sus un tertre, et bien avisé à
nostre loyal pooir; mais, tout consideré, il ne sont
non plus de cinq ou de six mil hommes là environ,
et encores sont il si mal armé que merveilles.»
15Quant messires Jakemes de Bourbon oy ce raport,
si dist à l’Arceprestre qui estoit assés priès de lui:
«Archeprestre, vous m’aviés dit qu’il estoient bien
quinze mil combatans, et vous oés tout le contraire.»
—«Sire, respondi li Arceprestres, encores n’en y
20cuide jou mies mains; et se il n’i sont, Diex y ait
part! C’est tout pour nous, si regardés que vous
volés faire.»—«En nom Dieu, respondi messires
Jakemes de Bourbon, nous les irons combatre ou
nom de Dieu et de saint Jorge.»
25Là fist li dis messires Jakemes arrester sus les
camps toutes ses banières et ses pennons et ordonna
ses batailles et mist en très bon arroy ensi que pour
tantost combatre, car il veoient leurs ennemis devant
yaus. Et fist là pluiseurs nouviaus chevaliers: premierement
30son ainsné fil messire Pière, et leva banière,
[67] et son neveu le jone conte de Forès, et leva
banière ossi, et le signeur de Villars et de Rousseillon,
et leva banière, et li sires de Tournon, et li sires
de Montelimar et li sires de Groulée, de le Daufiné.
5Là estoient messires Robers et messires Loeis de
Biaugeu, [messires Loys[402]] de Chalon, messires Huges
de Viane, li vicontes d’Uzès et pluiseurs bons chevaliers
et escuiers de là environ, qui tout se desiroient
à avancier pour honneur, et ruer ces Compagnes
10jus qui vivoient sans nul title de raison. Si fu
ordonnés li Arceprestres, qui s’appelloit messires Renaulz
de Cervole, à gouvrener la première bataille et
l’entreprist volentiers, car il fu hardis et appers chevaliers
durement et avoit en se route plus de quinze
15cens combatans.
Ces gens de Compagnes, qui estoient en une montagne,
veoient trop bien l’ordenance et le couvenant
des François, mès on ne pooit veoir le leur ne yaus
approcier, fors à meschief et à dangier. Et estoient sus
20une montagne où il avoit plus de mil charetées de
rons cailliaus: ce leur fist trop d’avantage et de pourfit,
je vous dirai par quel manière. Ces gens d’armes de
France, qui les desiroient et voloient combatre, comment
qu’il fust, ne pooient venir à yaus ne approcier,
25s’il ne costioient celle montagne où il estoient tout
aresté. Siques, quant il vinrent par desous yaus, cil
d’amont qui estoient tout avisé de leur fait et pourveu
cescuns de grant fuison de cailliaus, car il ne les
couvenoit que baissier et prendre, commencièrent à
30jetter si fort et si ouniement et si roit sus ciaus qui
[68] les approçoient, qu’il effondroient bacinès, com fors
qu’il [fussent, et navroient et mehaignoient telement
gens d’armes que nuls ne pooit ne osoit aler ne
passer avant, com bien que targiés il[403] fust. Et fu ceste
5première bataille si foulée que onques depuis ne se
peut bonnement aidier. Adonc au secours approcièrent
les aultres batailles, messires Jakemes de Bourbon,
ses filz et ses neveus, et leurs banières et grant
fuison de bonnes gens qui tout s’aloient perdre, dont
10ce fu damages et pités que il n’ouvrèrent par plus
grant avis et milleur conseil.
Bien avoient dit li Arceprestres et aucun chevalier
anciien qui là estoient que on aloit combatre
les Compagnes en trop grant peril ou parti où il
15se tenoient et que on se souffresist tant que on les
euist eslongiés de ce fort où il estoient mis, si les
aroit on plus aise; mais il n’en peurent onques
estre oy. Ensi que messires Jakemes de Bourbon et
li aultre signeur, banières et pennons devant yaus,
20approçoient et costioient celle montagne, li plus
nice et li pis armé des Compagnes les afoloient, car
il jettoient si roit et si ouniement ces pières et ces
cailliaus sus ces gens d’armes qu’il n’i avoit si
hardi ne si bien armé qui ne les ressongnast. Et
25quant il les eurent tenus en tel estat et bien batus
une grande espasse, leur grosse bataille fresce et
nouvelle vinrent autour de celle montagne et trouvèrent
une aultre voie, et estoient ossi drut et ossi
serré comme une brousse. Et avoient leurs lances
30toutes recopées à le mesure de six piés ou environ,
[69] et puis s’en vinrent en cel estat de grant volenté,
en escriant d’une vois: «Saint George!» ferir en
ces François. Si en reversèrent à celle première
empainte pluiseurs par terre. Là eut grant riflic et
5grant touellis des uns et des aultres. Et se abandonnoient
et combatoient ces Compagnes si très hardiement
que merveilles seroit à penser, et reculèrent les
François. Et là fu li Arceprestres bien bons chevaliers
et vaillamment se combati, mès il fu si entrepris
10et si menés par force d’armes que durement fu
navrés et bleciés et retenus à prisonnier, et pluiseur
chevalier et escuier de se route.
Que vous feroi je lonch parlement de celle besongne?
Li François en eurent le pieur, et y fu durement
15navrés messires Jakemes de Bourbon, et ossi
fu messires Pières ses filz. Et y fu mors li jones
contes de Forès et pris messires Renaulz de Forès
ses oncles, li vicontes d’Usès, messires Robers de Biaugeu,
messires Loeis de Chalon et plus de cent chevaliers.
20Encores à grant dur furent raporté en le
cité de Lyons sus le Rosne messires Jakemes de
Bourbon et messires Pières ses filz. Ceste bataille de
Brinay fu l’an de grasce Nostre Signeur mil trois
cens soissante et un, le venredi apriès les Grandes
25Paskes.
§ [495]. Trop furent cil des marces où ces Compagnes
se tenoient esbahi, quant il oïrent recorder que
leurs gens estoient desconfi. Et n’i eut si hardi, ne
tant euist bon chastiel et fort, qui ne fremesist; car
30li sage supposèrent et imaginèrent tantost que grans
meschiés en nesteroit et mouteplieroit, se Diex
[70] proprement n’i metoit remède. Cil de Lyons furent
moult effraé quant il entendirent que la journée estoit
pour les Compagnes; toutes fois, il recueillièrent
moult doucement toutes manières de gens qui de le
5bataille retournoient. Et furent par especial moult
couroucié et destourbé de le navrure monsigneur
Jakemon de Bourbon et de monsigneur Pière son fil;
et les vinrent moult bellement viseter, et les dames
et les damoiselles de le ville, dont il estoit bien amés.
10Messires Jakemes de Bourbon trespassa de ce siècle
trois jours apriès ce que la bataille eut esté, et messires
Pières ses filz ne vesqui nient longhement puissedi.
Si furent de tout plaint et regreté. De la mort
dou dit monsigneur Jakemon fu li rois de France ses
15cousins moult courouciés, mais amender ne le peut,
se li couvint passer.
Or vous parlerons de ces Compagnes comment il
perseverèrent ensi que gens tout resjoy et reconforté
de leurs besongnes, pour le belle journée qu’il avoient
20eu, dont il eurent grant pourfit tant ou grant gaaing
qu’il eurent sus le place comme en bons prisonniers.
Ces dittes Compagnes menèrent bien le temps à leur
volenté en celui pays, car nulz n’aloit à l’encontre.
Tantost apriès le desconfiture de Brinay, il entrèrent
25et s’espardirent parmi le conté de Forès et le gastèrent
et pillièrent toute, excepté les forterèces. Et pour
ce que il estoient si grans routes que uns petis pays
ne leur tenoit nient, il se partirent en deux pars. Et
retint messires Seguis de Batefol le mendre part;
30toutes fois, il avoit bien en se part trois mil combatans.
Si s’en vint sejourner et demorer en Anse,
une ville sus le Sone à une liewe de Lyons, et le fist
[71] fortement remparer et fortefiier. Et se tenoient ses
gens environ celle marce, où il y a un des cras pays
dou monde. Si couroient et rançonnoient à leur aise
et volenté tout le pays par deçà et par delà le Sonne,
5le conté de Mascons, l’arcevesquié de Lyons, le tière
le signeur de Biaugeu et tout le pays jusques à Marcelli
les Nonnains et le conté de Nevers. Li aultre
partie des Compagnes, Naudon de Bagherant, Espiote,
Carsuelle, Robert Briket, Ortingho et Bernardet
10de la Salle, Lamit, le bourch Camus, le bourch
de Bretuel, le bourch de Lespare et pluiseur, tout
d’une sorte et alliance, s’avalèrent devers Avignon et
disent que il iroient veoir le pape et les cardinaus
et aroient de leur argent, ou il seroient heriiet de
15grant manière; et se tenroient là en ce contour et
tout l’esté, tant pour attendre les raençons de leurs
prisonniers que pour veoir comment la paix des
deux rois se tenroit. En alant ce chemin d’Avignon,
il prendoient villes et fors, ne riens ne se tenoit
20devant yaus, car li pays estoit durement effraés, et
là en celle marce il n’avoient onques eu point de
guerre: si ne se savoient li homme des petis fors
tenir ne garder contre telz gens d’armes.
Si entendirent ces Compagnes que au Pont Saint
25Esperit, à sept liewes priès d’Avignon, il y avoit grant
avoir et grant tresor dou pays d’environ, qui là
estoit recueilliés et rassamblés et mis sus le fiance
de le forterèce. Si avisèrent entre yaus li compagnon,
se il pooient prendre le Pont Saint Esperit,
30il lor vaurroit trop, car il seroient mestre et signeur
dou Rosne et de chiaus d’Avignon. Si estudiièrent
tant et jettèrent leur avis que, à ce que j’ai depuis
[72] oy recorder, Batillier, Guiot dou Pin, Lamit et Petit
Meschin chevaucièrent et leurs routes une nuit toute
nuit bien quinze liewes et vinrent sus le point dou
jour à le ditte ville dou Pont Saint Esperit, et
5l’eschiellèrent et le prisent et tous chiaus et toutes celles
qui dedens estoient, dont ce fu pités et damages, car
il y occirent tamaint preudomme, et violèrent tamainte
dame et damoiselle. Et y conquisent si grant
avoir que sans nombre, et grandes pourveances pour
10vivre un an tout entier. Et pooient par celi pont
courir à leur aise et sans dangier, une heure ou
royaume de France et l’autre en l’Empire. Si se ravalèrent
et rassamblèrent là tout li compagnon, et
couroient tous les jours jusques ens ès portes d’Avignon.
15De quoi li papes et tout li cardinal estoient
en grant angousse et en grant paour. Et avoient ces
Compagnes dou Pont Saint Esperit fait un chapitainne
souverain entre yaus, qui se faisoit adonc
communement appeller amis à Dieu et anemis à
20tout le monde.
§ [496]. Encores avoit adonc en France grant fuison
de pilleurs englès, gascons et alemans, qui voloient,
ce disoient, vivre, et y tenoient des forterèces et des
garnisons. Quoique li commis de par le roy d’Engleterre
25leur euissent commandé à vuidier et partir, il
n’avoient pas tout obei, dont moult desplaisoit au
roy de France et à son conseil. Mais quant li pluiseur
de ces pillars, qui se tenoient en divers lieus ou
royaume de France, entendirent que leur compagnon
30avoient ruet jus monsigneur Jakemon de Bourbon
et bien deux mil chevaliers et escuiers et pris
[73] tamaint bon et riche prisonnier, et de rechief pris et
conquis le ville dou Pont Saint Esperit et si grant
avoir dedens que sans nombre, et esperoient encores
que il conquerroient Avignon où il metteroient à
5merci le pape et les cardinaulz et tout le pays de
Prouvence, cescuns eut en pourpos d’aler celle part
en convoitise de pluiseurs maulz faire et plus gaegnier.
Ce fu la cause pour quoi pluiseur pilleur et
guerrieur laissièrent leurs fors et s’en alèrent devers
10leurs compagnons, en esperance de plus pillier.
§ [497]. Quant li papes Innocens VIe et li collèges
de Romme se veirent ensi vexé et guerriiet par ces
maleoites gens, si en furent durement esbahi et ordonnèrent
une croiserie sus ces mauvais crestiiens
15qui se mettoient en painne de destruire crestienneté,
ensi comme les Wandeles fisent jadis, sans title de
nulle raison, et gastoient tous les pays où il conversoient
sans cause, et roboient sans deport quanqu’il
pooient trouver, et violoient femmes vielles et jones
20sans pité, et tuoient hommes et femmes et enfans
sans merci qui riens ne leur avoient mefait. Et qui
plus de villains fais y faisoit, c’estoit li plus preus et
li mieulz parés. Si fisent li papes et li cardinal sermonner
de le crois partout publikement, et absoloient
25de painne et de coupe tous chiaus qui prendoient le
crois et qui s’abandonnoient de corps et de volenté
pour destruire celle mauvaise gent et leur compagnie.
Et eslisirent li dit cardinal monsigneur Pière
dou Moustier cardinal d’Arras, dit d’Ostie, à estre
30chapitainne de celle ditte croiserie, liquelz se traist
tantost hors d’Avignon et s’en vint demorer et
[74] sejourner à Carpentras, à quatre liewes d’Avignon, et
retenoit toutes manières de gens et de saudoiiers qui
venoient devers li et qui voloient sauver leurs ames
et acquerre les pardons de le croiserie. Pluiseur s’en
5alèrent celle part, chevaliers et escuiers et aultres,
qui cuidoient avoir grans bienfais dou pape, avoech
les pardons deseure dis; mès on ne leur voloit riens
donner. Si s’en partoient et aloient li aucun en Lombardie.
Li aultre retournoient en leurs pays, et li
10aultre se mettoient en le mauvaise compagnie qui
toutdis accroissoit de jour en jour. Si se departirent
en pluiseurs lieus et pluiseurs compagnies, et fisent
otant de chapitainnes comme de compagnies.
§ [498]. Ensi herriièrent il le pape et les cardinaulz
15et les marces d’environ Avignon et y fisent moult de
maulz jusques bien avant en l’esté l’an mil trois cens
soissante et un. Or avint que li papes et li cardinal
s’avisèrent d’un moult gentil chevalier et bon guerrieur,
le markis de Montferrat, qui avoit grant temps
20tenu guerre contre les signeurs de Melans et encores
faisoit. Si le mandèrent, et il vint en Avignon. Si fu
moult festiiés et honnourés dou pape et de tous les
cardinaus. Là fu trettié devers lui que, parmi une
grande somme de florins qu’il devoit avoir, il metteroit
25hors de le terre dou pape et de là environ les
Compagnes et les menroit en Lombardie. Si trettia li
dis markis de Montferrat devers les chapitainnes des
Compagnes et les amena à ce que, parmi soissante
mil florins qu’il eurent pour departir entre yaus, et
30ossi grans gages que li dis markis leur ordonna, il
s’acordèrent à ce qu’il iroient en Lombardie, et
[75] avoecques tout ce il seroient absols de painne et de
coupe. Tout ce fait, acompli et acordé et les florins
paiiés, il rendirent le ville dou Pont Saint Esperit et
laissièrent le marce d’Avignon et passèrent oultre
5avoecques le dit markis, dont li rois Jehans et tous
ses royaumes furent grandement resjoy quant il se
veirent quitte de telz gens; mès encores en retournèrent
assés en Bourgongne. Et ne se parti mies
adonc messires Seghins de Batefol qui tenoit Anse,
10pour trettié ne cose que on li seuist prommettre.
Mais li dis royaumes, en pluiseurs lieus, fu plus à pais
que devant, quant les plus grans routes des Compagnes
en furent parties et passées oultre avoecques le
dit markis en le tière de Pieumont. Liquelz markis
15en fist trop bien se besongne sus les signeurs de Melans,
et conquist villes, chastiaus et forterèces et pays
sus yaus. Et eut pluiseurs rencontres et escarmuces sus
yaus à sen honneur et pourfit. Et le misent les Compagnes
dedens un an ou environ tout au dessus de
20sa guerre, et li fisent en partie avoir sen entente des
deux signeurs de Melans, monsigneur Galeas et monsigneur
Bernabo, qui depuis regnèrent en grant prosperité.
Et quant pais fu entre yaus et le markis, li
aucun de ces compagnons, qui avoient assés gaagniet
25et qui estoient tanet de guerriier, retournèrent
en leurs nations; mais li plus grant partie se misent
encores au malfaire et retournèrent en France.
Dont il avint que messires Seghins de Batefol, qui
s’estoit tenus tout le temps en le garnison de Anse sus
30le rivière de Sone, prist, embla et esciella une bonne
cité en Auvergne, c’on dist Brude, et siet sus le rivière
d’Aillier. Si se tint là dedens plus d’un an et le
[76] fortefia telement qu’il ne doubtoit nul homme. Et
couroit tout le pays d’environ jusques au Pui, jusques
à la Casse Dieu, jusques à Clermont, jusques à
Tillath, jusques à Montferr[a]nt, à Rion, à le Nonnète,
5à Ysoire, à Oudable, à Saint Bonnet l’Arsis et toute
la terre le conte daufin qui estoit pour le temps ostagiers
en Engleterre, et y fist trop durement de
grans damages. Et quant il eut honni et apovri le
pays de là environ, il s’en parti par acord et par trettié
10et enmena tout son pillage et son grant tresor, et
se retraist en Gascongne dont il estoit issus. Dou dit
monsigneur Seghin ne sçai je plus avant, fors tant
que j’ay oy depuis compter qu’il morut assés mervilleusement.
Diex li pardoinst tous ses meffais!
15§ [499]. En ce temps trespassa de ce siècle en Engleterre
li gentilz dus Henris de Lancastre, de quoi
li rois et tout li hault baron dou pays furent durement
courouciet, se amender le peuissent. De lui
demorèrent deux filles, madame Mehaut et madame
20Blance. Li ainsnée eut le conte Guillaume de Haynau,
filz à monsigneur Loeis de Baivière et à madame
Margherite de Haynau, et la mainsnée eut monsigneur
Jehan, conte de Ricemont, fil au roy d’Engleterre,
qui fu depuis dus de Lancastre de par madame
25sa femme. Par le mort dou duc Henri de Lancastre
et monsigneur Jakemon de Bourbon demora
li trettiés à poursievir de monsigneur Jehan de Montfort
qui s’appelloit dus de Bretagne et de monsigneur
Charle de Blois, qui avoient esté pourparlé
30en le ville de Calais, si com ci dessus est dit, dont
grans maulz et grans guerres avinrent depuis ens
[77] ou pays de Bretagne, si com vous orés avant en
l’ystore.
Auques en celle saison ossi trespassa de ce siècle
li jones dus de Bourgongne qui s’appelloit messires
5Phelippes, par laquèle mort vaghièrent pluiseur pays,
car il estoit grans sires durement: premierement
dus de Bourgongne, contes de Bourgongne, contes
d’Artois, [d’Auvergne[404]] et de Boulongne, palatins [et
seigneur de Salins[405]]. Et avoit à femme une jone
10damoiselle, fille au conte Loeis de Flandres de l’une
des filles le duch Jehan de Braibant. Dont il avint
que par proismeté madame Margherite, mère au dit
conte de Flandres, se traist à le conté d’Artois et à
le conté de Bourgongne et en fist foy et hommage
15au roy de France. Ossi messires Jehans de Boulongne
[fut conte d’Auvergne, et lui vint par droite
succession[406]] la conté de Boulongne et en devint homs
au roy de France. Avoech tout ce, li rois Jehans de
France par proismeté retint et prist la ducé de Bourgongne
20et tous les drois de Campagne, dont il desplaisi
grandement au roy de Navare, se amender le
peuist, car il s’en disoit hoirs et successères de la
ditte conté de Campagne. Mais ses demandes ne li
vallirent onques nulle cose; car li rois Jehans le
25haioit durement: se dist bien que ja il ne tenroit
piet de terre en Brie ne en Champagne.
§ [500]. En ce temps vint en pourpos et en devotion
[78] au roy de France qu’il iroit en Avignon veoir le
pape et les cardinaus, tout jeuant et esbatant et visetant
la ducé de Bourgongne qui nouvellement li
estoit escheue. Si fist li dis rois faire ses pourveances
5et se parti de le cité de Paris entours le Saint Jehan
Baptiste l’an mil trois cens soissante et deux, et laissa
monsigneur Charle, son ainsnet fil le duch de Normendie,
regent et gouvreneur dou royaume de France.
Si enmena li dis rois avoecques li monsigneur Jehan
10d’Artois, comte d’Eu, son cousin germain, que moult
amoit, le conte de Tankarville et le conte de Dammartin,
monsigneur Boucicau, mareschal de France,
et monsigneur Ernoul d’Audrehen, monsigneur Tristran
de Maignelers, le grant prieur de France et
15pluiseurs aultres. Et chemina tant li dis rois à petites
journées et à grans despens, et en sejournant de
ville en ville et de cité en cité en le ducé de Bourgongne,
que il vint environ [la feste de Noel] à Villenove
dehors Avignon. Là estoit ses hostelz appareilliés
20pour lui et pour ses gens et toutes ses grosses
pourveances faites. Si fu très grandement conjoïs et
festiiés dou pape et de tout le collège d’Avignon. Et
visetoient souvent l’un l’autre, li rois de France le
pape, et li cardinal le dit roy. Si se tint à Villenove
25tout le temps et toute le saison ensievant.
Environ le Noel, trespassa de ce siècle li papes
Innocens. Si furent li cardinal en grant discort de
faire pape, car çascuns le voloit estre, et par especial
li cardinaulz de Boulongne et li cardinaulz de Pieregorch,
30qui estoient li plus grant de tout le collège.
De quoy, par leur dissension, et qu’il furent grant
temps en conclave, li collèges se misent et arrestèrent
[79] dou tout en l’ordenance et disposition des deux cardinaulz
dessus nommés. De quoi, quant il veirent
que il avoient falli à le papalité et qu’il ne le pooient
estre, il disent ensamble que nulz des aultres ossi ne
5le seroit. Si eslisirent l’abbé de Saint Victor de Marselle,
qui estoit moult sains homs et de belle vie,
grans clers et qui moult avoit travilliet pour l’eglise
en Lombardie et ailleurs. Si le mandèrent li doi cardinal
que il venist en Avignon. Il vint au plus tost
10qu’il peut: si reçut ce don en bon gré, et fu creés
papes et appellés Urbains Ve. Si regna depuis en
grant prosperité et augmenta moult l’eglise et y fist
pluiseurs biens à Romme et ailleurs. Assés tost apriès
sa creation, entendi li rois de France que messires
15Pières de Lusegnon, rois de Cippre et de Jherusalem,
devoit venir en Avignon et avoit apassé mer.
Si dist li rois de France qu’il attenderoit sa venue,
car moult grant desir avoit de lui veoir, pour les
biens qu’il en avoit oy recorder et le guerre qu’il
20avoit fait as Sarrasins, car voirement avoit li rois de
Cippre pris nouvellement le forte cité de Sathalie sus
les ennemis de Dieu et occis tous chiaus et celles
qui y furent trouvé.
§ [501]. En ce meisme temps et en cel yvier eut
25grans parlemens en Engleterre sus les ordenances dou
pays et especialment sus les enfans dou roy d’Engleterre.
Car on regarda et considera que li princes
de Galles tenoit grant estat et noble, et bien le pooit
faire, car il estoit vaillans homs durement; mais il
30laioit ce biel et grant hyretage d’Aquitainne, où tous
biens et toutes habondances estoient. Se li fu
[80] remoustré et dit dou roy son père que il se volsist
traire de celle part, car il y avoit bien terre en la
ducé pour tenir si grant estat comme il vorroit. Ossi
li baron et li chevalier dou pays d’Aquitainne le voloient
5avoir dalés yaus et en avoient priiet le roy son
père, quoique messires Jehans Chandos leur fust doulz,
amiables et bien courtois et compains en tous estas,
mais encores avoient il plus chier leur naturel signeur
que nul autre. Li princes descendi legierement
10à ceste ordenance et se apparilla grandement et estoffeement,
ensi comme il apertenoit à lui, à son estat
et à madame sa femme. Et quant tout fu pourveu,
il prisent congiet au roy et à la royne et à leurs frères
et se partirent d’Engleterre et nagièrent tant par mer,
15yaus et leurs gens, qu’il arrivèrent à le Rocelle.
Nous soufferons un petit à parler dou prince et
parlerons encores d’aucunes ordenances qui furent
en celle saison faites et instituées en Engleterre. Il
fu fait et ordonné, par l’avis dou roy premierement
20et de son conseil, que messires Lyonniaus, secons
filz dou roy d’Engleterre, qui s’appelloit contes de
Dulnestre, fust en avant nommés et escris dus de Clarense;
secondement, [que] messires Jehans, filz dou
dit roy puisnés, qui s’appelloit contes de Ricemont,
25fust en avant nommés et pourveus de la ducé de Lancastre,
laquèle terre li venoit de par madame Blance
sa femme, pour la succession dou bon duc Henri de
Lancastre. Encores fu adonc avisé et consideré entre
le roy d’Engleterre et son conseil que, se messires
30Aymons, qui s’appelloit contes de Cantbruge, pooit
venir par voie de mariage à le fille dou conte de
Flandres qui estoit veve, on ne le poroit miex mettre
[81] ne assener. Et quoiqu’il en fust adonc proposé, il
n’en fu pas sitost trettié, car il couvenoit ceste cose
faire par moiiens, et si estoit la dame encores assés
jone.
5En ce temps trespassa la mère dou roy d’Engleterre,
madame Ysabiel de France, fille jadis au biau
roy Phelippe de France. Se li fist li rois d’Engleterre
ses filz faire son obsèque as Frères Meneurs à Londres
noblement et grandement et très reveramment. Et y
10furent tout li prelat et li baron d’Engleterre et li signeur
de France qui ostagier estoient. Et fu ce fait
ains le departement dou prince et de le princesse.
Et tantost apriès, si comme ci dessus [est] dit, il se
partirent d’Engleterre et nagièrent tant par mer qu’il
15arrivèrent en le Rocelle, où il furent receu à grant
joie, et là reposèrent par quatre jours.
§ [502]. Sitost que messires Jehans Chandos, qui
grant temps avoit gouvrené la ducé d’Aquitainne,
entendi ces nouvelles et la venue dou prince et de
20la princesse, il se parti de Niorth où il se tenoit et
s’en vint à belle compagnie de chevaliers et d’escuiers
en le ville de le Rocelle. Si se conjoïrent et
festiièrent grandement li princes et ilz et madame la
princesse et tout li compagnon qui se cognissoient.
25Si fu li princes amenés à grant joie à Poitiers, et là
le vinrent veoir tout li baron et li chevalier de Poito
et de Saintonge qui pour le temps s’i tenoient, et li
fisent feaulté et hommage. Puis chevauça li princes
de cité en cité et de ville en ville et prist partout les
30fois et les hommages, ensi comme il apertenoit dou
faire, et vint à Bourdiaus et là se tint un grant temps,
[82] et toutdis la princesse dalés lui. Si le vinrent là veoir
li conte, li visconte, li baron et li chevalier de Gascongne;
et li princes les reçut tous liement et s’acointa
si bellement d’yaus que tout s’en contentèrent.
5Et meismement li contes de Fois le vint veoir auquel
li princes fist grant feste. Et fu adonc la pais faite de
lui et dou conte d’Ermignach, qui un grant temps
s’estoient heriiet et guerriiet. Assés tost après fu fais
connestables de tout le pays d’Aquitainne messires
10Jehans Chandos, et mareschaus messires Guiçars
d’Angle. Si pourvei li princes les chevaliers de son
hostel et chiaus qu’il amoit de ces biaus et grans
offisces parmi la ducé d’Aquitainne; et raempli ces
seneschaudies et ces bailliages de chevaliers d’Engleterre
15qui tantost tinrent grant estat et poissant, espoir
plus grant que cil dou pays ne volsissent, mais
point n’en aloit par leur ordenance. Nous lairons à
parler dou prince d’Aquitainnes et de Galles et de la
princesse et parlerons dou roy Jehan de France qui
20se tenoit à Villenove dehors Avignon.
§ [503]. Environ le Candeler l’an de grasce mil trois
cens soissante et deux, descendi li rois Pierres de Cipre
en Avignon, de laquèle venue la cours fu moult resjoïe.
Et alèrent pluiseur cardinal contre lui et l’amenèrent
25au palais devers le pape Urbain qui liement
et doucement le reçut, et ossi fist li rois de France
qui là estoit presens. Et quant il eurent là esté une
espasse et pris vin et espisses, li doi roy se partirent
dou pape, et se retraist çascuns à son hostel. Ce
30terme pendant, se fist uns gages de bataille devant le
roy de France, à Villenove dehors Avignon, de deux
[83] moult apers chevaliers de Gascongne, monsigneur Aymeniou
de Pumiers et monsigneur Fouque d’Arciac.
Quant il se furent combatu bien et chevalereusement
assés ensamble, li dis rois de France fist trettier de
5le pais et les acorda de leur rihote. Ensi se tinrent
cil doi roy tout ce temps et le quaresme en Avignon
ou priès de là: si visetoient souvent le pape qui les
recueilloit doucement.
Or avint pluiseurs fois en ces visitations que li
10rois de Cippre remoustra au pape, present le roy
de France et les cardinaulz, comment pour sainte
crestiennetet ce seroit noble cose et digne qu’i[l] ouveroit
le saint voiage d’oultre mer et qu’i[l] iroit sus
les ennemis de Dieu. A ces parolles entendoit li
15rois de France volentiers et bien proposoit en soi
meismes qu’il iroit, se il pooit vivre trois ans tant
seulement, pour deux raisons. Li une estoit que
li rois Phelippes ses pères l’avoit jadis voé et prommis;
la seconde, pour traire hors dou royaume de
20France toutes manières de gens d’armes, nommés
Compagnes, qui pilloient et destruisoient sans nul
title de raison son royaume et pour sauver leurs
ames. Ce pourpos garda et reserva li rois de France
en soi meismes, sans parler à nullui, jusques au jour
25dou saint venredi que papes Urbains preeça en sa
chapelle en Avignon, present les deux rois de France
et de Cipre et le saint collège.
Apriès la predicacion faite qui fu moult humle et
moult devote, li rois Jehans de France par grant devotion
30emprist la crois et le voa et pria doucement au
pape que il li volsist acorder et confremer. Li papes li
acorda volentiers et benignement. Là presentement
[84] l’emprisent et encargièrent messires Tallerans, cardinal
de Pieregorch, messires Jehans d’Artois, contes
d’Eu, li contes de Dammartin, li contes de Tankarville,
messire Ernoulz d’Audrehen, li grans prieur
5de France, messires Boucicaus et pluiseur aultre chevalier
qui là estoient present et dedens le cité d’Avignon
pour le jour. De ceste emprise fu durement
liés li rois de Cipre et en regratia grandement Nostre
Signeur et le tint à grant vertu et mistère.
10§ [504]. Tout ensi que vous poés oïr, emprisent et
enchargièrent, dessus leur deseurain vestement, la vermelle
crois, li rois Jehans de France et li dessus nommet.
Avoech tout ce, nos sains pères li papes le confrema
et l’envoia preecier en pluiseurs lieus, et non pas par
15universe monde: je vous dirai cause pour quoi. Li
rois de Cipre, qui là estoit venus en istance de ce
esmouvoir et qui avoit empris et en plaisance de
venir veoir l’empereour de Romme et tous les haus
signeurs de l’Empire, le roi d’Engleterre ossi et en
20sievant tous les chiés des signeurs crestiens, ensi
comme il fist, si com vous orés avant en l’ystore, offri
au Saint Père et au roi de France corps, chevance et
parole pour dire et remoustrer, là partout où il venroit
et s’embateroit, le grasce et le devotion de leur
25voiage, pour faire y encliner et descendre tous signeurs
qui de ce aroient mention. Si estoit cilz dis
rois tant creus et honnourés et de raison que on
disoit que, parmi son travel et le certainneté qu’il
remousteroit à tous signeurs de ce voiage, avanceroit
30plus tous coers que aultres predicacions. Si s’en
souffri on à preecier hors dou royaume de France,
[85] et sus ce pourpos s’arrestèrent. Tantost apriès Paskes
qui furent l’an mil trois cens soissante trois, li rois
de Cipre parti d’Avignon et dist qu’il voloit aler
veoir l’Empereur et les signeurs de l’Empire, et puis
5revenroit par Braibant, par Flandres et par Haynau,
ou dit royaume de France. Si prist congiet au pape
et au roy de France qui en tous cas s’acquittèrent
trop bien devers lui en dons et en jeuiaus et en
grasces que li papes li fist et à ses gens. Assés tost
10apriès le departement dou roy de Cipre, li rois de
France prist congiet et s’en ala devers le ville de
Montpellier pour viseter la Langue d’och où il n’avoit
en grant temps esté.
Or parlerons dou roy de Cipre et dou voiage qu’il
15fist. Il chemina tant par ses journées qu’il vint en Alemagne,
en une cité que on appelle Prage, et là trouva
il l’empereur, monseigneur Charle de Behaigne, qui
le reçut liement et grandement, et tout li signeur de
l’Empire qui dalés lui estoient. Si fu li rois de Cipre à
20Praghe et là environ bien trois sepmainnes et enhorta
grandement en l’Empire ce saint voiage. Et partout,
ensi comme il ala et passa parmi Alemagne, li Emperères
le fist deffretiier. Puis vint li dis rois de Cipre en
le ducé de Jullers, où li dus li fist grant feste. Et de là
25s’avala il en Braibant, où li dus ossi et la duçoise le
reçurent grandement et liement en le bonne ville de
Brouxelles en disners, en soupers, en joustes, en reviaus
et en esbatemens, car bien faire le savoient;
et li donnèrent au departement grans dons et biaus
30jeuiaus. Puis s’en parti li dis rois de Cipre et s’en ala
en Flandres veoir le conte Loeis, qui ossi le reçut
et festia grandement. Et trouva à ce donc li rois de
[86] Cipre le roy de Danemarke en le bonne ville de
Bruges; et disoit on là communement que cilz rois
avoit passet mer pour venir veoir le roy de Cipre. Si
se conjoïrent et festiièrent assés. Et par especial li
5contes Loeis de Flandres conjoy et festia très
honnourablement en le ville de Bruges le dit roy de
Cipre, et fist tant que li dis rois se contenta grandement
de lui et des barons et des chevaliers de sa
terre. Si se tint tout cel estet li dis rois de Cipre, en
10faisant son voiage depuis le departement d’Avignon,
en l’Empire et sus ces frontières pour enhorter ce
saint voiage empris: de quoi pluiseur signeur avoient
grant joie et desiroient bien que il se fesist.
§ [505]. En ce temps avoit li rois d’Engleterre fait
15grasce à quatre dus qui estoient hostagier en Engleterre
pour le roy de France, c’est à savoir le duch
d’Orliens, le duch d’Ango, le duch de Berri et le
duch de Bourbon, et se tenoient cil quatre signeur à
Calais. Et pooient chevaucier quel part qu’il voloient
20trois jours hors de Calais, et au quatrime dedens
soleil esconsant revenir. Et l’avoit fait li rois d’Engleterre
en istance de bien, et pour ce qu’il fuissent
plus proçain de leur pourcach de France et que il
songnassent de leur delivrance ensi qu’il faisoient.
25Les quatre signeurs dessus dis estans à Calais, il envoiièrent
pluiseurs fois grans messages de par yaus
au roy de France et au duch de Normendie son
ainsné fil qui là les avoient mis, en yaus remoustrant
et priant qu’il entendesissent à leur delivrance,
30ensi que juré et prommis leur avoient, quant il entrèrent
en Engleterre; ou aultrement il y entenderoient
[87] eulz meismes et ne se tenroient point pour
prisonnier. Quoique cil signeur, ensi que vous savés,
fuissent très proçain dou roy, leur messagier et
promoteur n’estoient mies oy ne delivré à leur aise,
5dont grandement en desplaisoit as signeurs dessus
dis et par especial au duch d’Ango, et disoit bien
qu’il y pourveroit de remède, comment qu’il s’en
presist. Or estoit adonc li royaumes et li consaulz
dou roy et dou duch de Normendie durement chargiés
10et ensonniiés, tant pour le crois que li rois de
France avoit adonc encargiet que pour le guerre dou
roy de Navarre, qui guerrioit et herioit fortement le
royaume de France et avoit remandé aucuns des
chapitainnes des Compagnes en Lombardie pour
15mieulz faire sa guerre. Ce estoit la principal cause
pour quoi on ne pooit legierement entendre as quatre
dus dessus nommés ne leurs messagiers delivrer,
quant il estoient venu en France.
§ [506]. Quant li rois de Cipre eut visetés et veus
20les signeurs et les pays dessus nommés, il retourna
en France et trouva à Paris le roy Jehan et le duc de
Normendie et grant fuison de signeurs, barons et
chevaliers de France que li rois y avoit mandés pour
le roy de Cipre mieulz festier. Si y eut une espasse
25de temps grans reviaus et grans esbatemens et ossi
grans parlemens et grans consaulz comment ceste
croiserie, à savoir estoit, se poroit parfurnir à honnour
tant dou roy de France comme de son royaume. Et
pour ce en parloient et proposoient li aucun leur avis
30que il veoient le dit royaume grevé et occupé de
guerres, de Compagnes, de pilleurs et de reubeurs
[88] qui y descendoient et venoient de tous pays. Si ne
sambloit pas bon as pluiseurs que cilz voiages se
fesist jusques à tant que li royaumes fust en milleur
estat ou à tout le mains on euist pais au roy de Navare.
5Non obstant ce et toutes guerres, nulz ne pooit
abrisier ne oster le devotion dou roy de France que
il ne fesist le pelerinage; et l’acorda et jura au roy
de Cipre à estre à Marselle dou march qui venoit en
un an que on compteroit l’an mil trois cens soissante
10quatre, et que sans faute adonc il passeroit et liveroit
passage et pourveances à tous chiaus qui passer
vorroient.
Sus cel estat, se parti li rois de Cipre dou roy
de France et vei que il avoit bon terme encores
15de retraire en son pays et de faire ses pourveances.
Si dist et considera en soi meismes que il voloit aler
veoir le roy Charle de Navare son cousin et trettiier
bonne pais et acord entre lui et le roy de France. Si
se mist à voie en grant arroy et issi de Paris et prist
20le chemin à Roem et fist tant qu’il y parvint. Là le
reçut li arcevesques de Roem, messires Jehans
d’Alençon ses cousins, moult grandement et le tint
dalés li moult aisiement trois jours. Au quatrime, il
s’en parti et prist le chemin de Kem et esploita tant
25qu’il passa les gués Saint Clement et vint en la forte
ville de Chierebourc. Là trouva il le roy de Navare
et monsigneur Loeis son frère à bien petit de gens.
Cil doi signeur de Navare recuellièrent le roy de
Cipre liement et grandement et le festiièrent selonc
30leur aisement moult honnourablement, car bien le
pooient et savoient faire.
En ce termine que li rois de Cipre se tenoit dalés
[89] yaus, il s’avança de trettiier pour pais, se trouver le
peuist, entre ces signeurs, d’une part, et le roy de
France, d’autre; et en parla par pluiseurs fois moult
ordonneement, car il fu sires de grant avis et bien
5enlangagiés. A toutes ses parolles respondirent cil doi
signeur de Navare ossi moult gracieusement et se excusèrent
en ce que point n’estoit leur coupe que il n’estoient
bon ami au roy de France et au royaume, car
grant desir avoient de l’estre, mès que on leur rendesist
10leur hiretage que on leur tenoit et empeeçoit à
tort. Li rois de Cipre euist volentiers amoienet ces
besongnes, se il peuist, et veu que li enfant de Navare
se fuissent mis sus lui, mès leurs trettiés ne s’estendirent
mies si avant. Quant li rois de Cipre eut esté à
15Chierebourc environ quinze jours, et que li dessus
dit signeur l’eurent festiiet selonch leur pooir moult
grandement, il prist congiet d’yaus et dist qu’il ne
cesseroit jamais si aroit esté en Engleterre et là preecié
et enhorté au dit roy d’Engleterre et à ses enfans
20le crois à prendre. Si se parti de Cierebourch et fist
tant par ses journées qu’il vint à Kem et passa outre
et vint au Pont de l’Arce et là passa le Sainne. Et
puis chevauça tant par ses journées qu’il entra en
Pontieu et passa le rivière de Somme à Abbeville et
25puis vint à Rue et à Moustruel et puis à Calais où il
trouva trois dus, le duch d’Orliens, le duch de Berri
et le duch de Bourbon, car li dus d’Ango estoit retournés
en France, je ne sçai mies sus quel estat.
§ [507]. Cil troi duch dessus nommet reçurent, ensi
30comme prisonnier en la ditte ville de Calais, le roy
de Cipre moult liement, et li rois ossi s’acointa
[90] d’yaus moult doucement. Si furent là ensamble plus
de douze jours. Finablement, quant li rois de Cipre
eut vent à volenté, il passa le mer et arriva à Douvres.
Si se tint là et rafreschi par deus jours, entrues
5que on descarga ses vaissiaus et mist hors ses chevaus.
Puis chevauça li dis rois de Cipre à petites
journées à sen aise et s’en vint devers le bonne cité
de Londres. Quant il y parvint, il y fu grandement
bien festiiés et conjoïs des barons de France qui là
10se tenoient et ossi de chiaus d’Engleterre qui chevaucièrent
contre lui, car li rois d’Engleterre y envoia
ses chevaliers, le conte de Herfort, monsigneur
Gautier de Mauni, le signeur Despensier, monsigneur
Raoul de Ferrières, monsigneur Richart de Pennebruge,
15monsigneur Alain de Boukeselle et monsigneur
Richart Sturi, qui l’acompagnièrent et amenèrent
jusques à son hostel parmi la cité de Londres.
Je ne vous poroie mies dire ne compter en un jour
les nobles disners, les soupers, les festiemens et les
20conjoïssemens, les dons, les presens, les jouiaus c’on
fist, donna et presenta, especialment li rois d’Engleterre
et la royne Phelippe, sa femme, au gentil roy
Pière de Cipre. Et, au voir dire, bien y estoient tenu
dou faire, car il les estoit venus veoir de loing et à
25grant fret, et tout pour enhorter et enditter le roy
que il volsist prendre la vermeille crois et aidier à
ouvrir ce passage sus les ennemis de Dieu. Mais li
rois d’Engleterre s’escusa bellement et sagement et
dist ensi: «Certes, biaus cousins, j’ay bien bonne
30volenté d’aler en ce voiage, mais je sui en avant trop
vieulz, si en lairai convenir mes enfans. Et je croi que,
quant li voiages sera ouvers, que vous ne le ferés pas
[91] seulz; ains arés des chevaliers et des escuiers de ce
pays qui vous y serviront volentiers.»—«Sire, dist li
rois de Cipre, vous parlés assés, et croy bien que
voirement y venront il pour Dieu servir et yaus avancier,
5mès que vous leur acordés, car li chevalier et li
escuier de ceste terre traveillent volentiers.»—«Oil,
dist li rois d’Engleterre, je ne leur debateroie
jamès, se aultres besongnes ne me sourdent et à mon
royaume, dont je ne me donne de garde.»
10Onques li rois de Cipre ne peut aultre cose impetrer
au roy d’Engleterre ne plus grant clarté de
son voiage, fors tant que toutdis fu il liement et
honourablement festiiés en disners et en grans soupers.
Et avint ensi en ce termine que li rois David
15d’Escoce avoit à besongnier en Engleterre devers le
roy, siques, quant il entendi sus son chemin que li
rois de Cipre estoit à Londres, il se hasta durement
et se prist moult priès de lui trouver. Et vint li dis
rois d’Escoce si à point à Londres que encores n’estoit
20il point partis. Si se recueillièrent et conjoïrent
grandement cil doi roy ensamble, et leur donna de
recief li rois d’Engleterre deux fois à souper ou palais
de Wesmoustier. Et prist là li rois de Cipre congiet
au roy d’Engleterre et à le royne, qui li donnèrent
25à son departement grans dons et biaus jeuiaus. Et
donna li rois d’Engleterre au roy de Cipre une nef
qui s’appelloit Katherine trop belle et trop grande
malement. Et l’avoit li rois d’Engleterre meismement
fait faire et edefiier ou nom de lui pour passer oultre
30en Jherusalem, et prisoit on ceste nef nommée Katherine
douze mil frans, et gisoit adonc ou havene
de Zanduich. De ce don remercia li rois de Cipre le
[92] roy d’Engleterre moult grandement, et l’en sceut
grant gret. Depuis ne sejourna il gaires ens ou pays,
mès eut volenté de retourner en France. Encores
avoech toutes ces coses li rois d’Engleterre deffretia
5le roy de Cipre de tout ce qu’il et ses gens despendirent,
alant et venant, en son royaume. Mais je ne sçai
que ce fu, car il laissa le vaissiel dessus nommé à
Zanduic, ne point ne l’enmena avoecques lui, car
depuis deux ans apriès je le vi là arester à l’ancre.
10§ [508]. Or se parti li rois de Cipre d’Engleterre et
rapassa le mer à Boulongne. Si oy dire sus son chemin
que li rois de France, li dus de Normendie, li
dus d’Ango et messires Phelippes ses mainsnés frères
et li grans consaulz de France devoient estre en le
15bonne cité d’Amiens. Si tira li rois de Cipre celle part
et y trouva le roy de France voirement nouvellement
venu et une partie de son conseil. Si fu d’yaus grandement
festiiés et conjoïs, et leur recorda la grigneur
partie de ses voiages, liquel l’oïrent et l’entendirent
20volentiers. Quant il eut là esté une espasse, il dist
que il n’avoit riens fait jusques à tant que il aroit veu
le prince de Galles son cousin et dist, se il plaisoit à
Dieu, que il l’iroit veoir ains son retour et les barons
de Poito et d’Aquitainne. Tout ce li acorda li rois de
25France assés bien. Mais il li pria chierement à son
departement que il ne presist nul aultre voiage à son
retour, fors parmi France. Li rois de Cipre li eut en
couvent.
Si se parti li rois de Cipre d’Amiens et chevauça
30vers Biauvais et passa le Sainne à Pontoise et fist
tant par ses journées que il vint à Poitiers. A ce donc
[93] estoient li princes et la princesse en Angouloime. Et
là devoit avoir moult proçainnement une très grant
feste de quarante chevaliers et de quarante escuiers,
attendans dedens que madame la princesse devoit
5bouter hors de ses cambres à sa relevée, car elle
estoit acoucie d’un biau fil qui s’appelloit Edouwars
ensi com son père. Sitost que li princes sceut la
venue dou roy de Cipre, il envoia devers lui par especial
monsigneur Jehan Chandos et grant fuison
10des chevaliers de son hostel, qui l’amenèrent en grant
reviel et moult honnourablement devers le prince,
qui le reçut ossi humlement et grandement en tous
estas que il avoit esté nulle part receus sus tout son
voiage.
15Nous lairons un petit à parler dou roy de Cipre et
parlerons dou roy de France et vous compterons en
quel istance ilz et ses consaulz estoient venu à Amiens.
Je fui adonc enfourmés, et voirs estoit, que li rois
Jehans avoit pourpos et affection d’aler en Engleterre
20veoir le roy Edouwart son frère et la royne
d’Engleterre sa suer. Et pour ce avoit il là assamblé
une partie de son conseil, et ne li pooit nulz brisier
ne oster ce pourpos. Si estoit il fort consilliés dou
contraire. Et li disoient pluiseur prelat et baron de
25France que il entreprendoit une grant folie, quant il
se voloit mettre encores ou dangier dou roy d’Engleterre.
Il respondoit à ce et disoit que il avoit trouvé
ou roy d’Engleterre son frère, en le royne et en ses
neveus leurs enfans, tant de loyauté, d’onneur, d’amour
30et de courtoisie que il ne s’en pooit trop loer
et que en riens il ne se doubtoit d’yaus qu’il ne li
fuissent courtois, loyal et ami en tous cas. Et ossi il
[94] voloit excuser son fil le duch d’Ango qui estoit retournés
en France.
A ceste parolle n’osa nulz parler dou contraire,
puisque il l’avoit ensi arresté et affremé en lui. Si
5ordonna là de recief son fil le duch de Normendie
à estre regens et gouvrenères dou royaume de
France jusques à son retour. Et prommist bien à
son mainsné fil, monsigneur Phelippe, que, lui revenu
de ce voiage où il aloit, il le feroit duch de
10Bourgongne et le ahireteroit de le ducé. Quant
toutes ces coses furent bien faites et ordonnées à sen
entente et ses pourveances en le ville de Boulongne,
il se parti de le cité d’Amiens et se mist à voie et
chevauça tant qu’il vint à Hedin. Là s’arresta il et
15tint son Noel. Et là le vint veoir li contes Loeis de
Flandres qui moult l’amoit, et li rois lui, et furent
ensamble ne sai trois jours ou quatre. Le jour des
Innocens, se parti li dis rois de Hedin et prist le chemin
de Moustruel sus Mer. Et li contes de Flandres
20retourna arrière en son pays.
§ [509]. Tant esploita li rois Jehans qu’il vint à
Boulongne, et se loga en l’abbeye, et tant i sejourna
qu’il eut vent à volenté. Si estoient avoecques
li et de son royaume pour passer le mer, messires
25Jehans d’Artois, contes d’Eu, li contes de Dammartin,
li grans prieur de France, messires Boucicaus,
mareschaus de France, messires Tristrans de
Maignelers, messires Pierres de Villers, messires Jehans
de Ainville, messires Nicolas Brake et pluiseur
30aultre. Quant leurs nefs furent toutes chargies et li
maronnier eurent bon vent, il le segnefiièrent au roy.
[95] Si entra li rois en son vaissiel environ mienuit, et
toutes ses gens ens ès aultres, et furent à l’ancre celle
première marée jusques au jour devant Boulongne.
Quant il se desancrèrent, il eurent vent à volenté:
5si tournèrent devers Engleterre. Si arrivèrent à Douvres
environ heure de vespres; ce fu l’avant vigile
de l’Apparition des trois Rois.
Ces nouvelles vinrent au roy d’Engleterre et à
la royne qui se tenoient adonc à Eltem, un moult
10bel manoir dou roy à sept liewes de Londres, que
li rois de France estoit arivés et descendus à Douvres.
Si envoia tantost des chevaliers de son hostel
celle part, monsigneur Bietremiu de Bruwes, monsigneur
Alain de Boukeselle et monsigneur Richart
15de Pennebruge. Chil se partirent dou roy et chevaucièrent
devers Douvres, et trouvèrent là encores
le roy de France; si le conjoïrent et bienvegnièrent
grandement et li disent que li rois leurs sires
estoit moult liés de sa venue. Li rois de France les
20en crut legierement. L’endemain au matin monta
li dis rois à cheval, et montèrent tout cil qui avoecques
lui estoient, et chevaucièrent devers Cantorbie,
et vinrent là au disner. A entrer en l’eglise de
Saint Thumas, fist li rois de France grant reverense
25et donna au corps saint un moult riche jeuiel
et de grant valeur. Si se tint là li dis rois deux
jours: au tierch jour il s’en parti et chevauça le chemin
de Londres, et fist tant par ses journées qui
estoient petites, qu’il vint à Eltem où li rois d’Engleterre
30et la royne et grant fuison de signeurs,
de dames, de damoiselles estoient tout appareilliet
pour lui recevoir. Ce fu un dimence à heure de
[96] relevée qu’il vint là: si i eut entre celle heure et le
souper grans danses et grans caroles, et là estoit li
jones sires de Couci, qui s’efforçoit de bien danser et
de canter quant son tour venoit. Et volentiers estoit
5veus des François et des Englès; car trop bien li
affreoit à faire quanqu’il faisoit.
Je ne vous puis mies de tout parler ne recorder
com honourablement li rois d’Engleterre et la
royne reçurent le roy de France; et quant il se
10parti de Eltem, il vint à Londres. Si vuidièrent
toutes manières de gens par connestablies contre lui
et le recueillièrent en grant reverense. Et ensi fu
amenés, en grant fuison de menestraudies, jusques
en l’ostel de Savoie qui estoit ordenés et appareilliés
15pour lui. Ens ou dit hostel avoecques le roy
estoient herbergiet cil de son sanch, li ostagier de
France: premierement, ses frères li dus d’Orliens,
ses filz li dus de Berri; si cousin, li dus de Bourbon,
li contes d’Alençon, Guis de Blois, li contes
20de Saint Pol et moult d’aultres. Si se tint là li
rois de France une partie de l’ivier entre ses gens
liement et amoureusement, et le visetoient souvent
li rois d’Engleterre et si enfant, li dus de Clarense, li
dus de Lancastre et messires Aymons. Et furent par
25pluiseurs fois en grans reviaus et recreations ensamble,
en diners et en soupers et aultres manières en
cel hostel de Savoie et ou palais de Wesmoustier, qui
siet priès de là, où li rois de France aloit secretement,
quant il voloit, par le rivière de le Tamise. Si regretèrent
30pluiseurs fois cil doy roy monsigneur Jakemon
de Bourbon, et disoient bien que ce fu grans damages
de lui, car trop bien li affreoit à estre entre signeurs.
[97] § [510]. Nous lairons un petit à parler dou roy
Jehan de France, et parlerons dou roy de Cipre qui
vint en Angouloime devers le prince de Galles, son
cousin, qui le reçut liement. Ossi fisent tout li baron
5et li chevalier de Poito et de Saintonge qui dalés le
prince estoient, li viscontes de Touwars, li jones
sires de Pons, li sires de Partenai, messires Loeis de
Harcourt, messires Guiçars d’Angle; et des Englès,
messires Jehans Chandos, messires Thumas de Felleton,
10messires Neel Lorinch, messires Richars de Pontchardon,
messires Symons de Burlé, messires Bauduins
de Fraiville, messires d’Aghorisses et li aultre.
Si fu li rois de Cipre moult festiés et bien honnourés
dou prince, de la princesse, des barons et des chevaliers
15dessus dis, et se tint illuech plus d’un mois.
Et puis le mena messires Jehans Chandos jewer et
esbatre parmi Saintonge et parmi Poito, et veoir le
bonne ville de le Rocelle, où on li fist grant feste. Et
quant il eut partout esté, il retourna en Angouloime
20et fu à celle grosse feste que li princes y tint, où il
eut grant fuison de chevaliers et d’escuiers.
Assés tost apriès la feste, li rois de Cipre prist
congiet dou prince et des chevaliers dou pays; mès
ançois leur eut il remoustré pourquoi il estoit là
25venus, et pourquoi especialment il portoit la crois
vermeille, et comment [li papes li avoit confirmé,
et la dignité du voiaige, et comment[407]] li rois de
France, par devotion, et pluiseur grant signeur
l’avoient empris et juré. Li princes et li chevalier
30li respondirent moult courtoisement que c’estoit
[98] voirement uns voiages où toutes gens d’onneur et
de bien par raison devoient bien entendre, et que,
s’il plaisoit à Dieu que li passages fust ouvers, il
ne le feroit mies seuls, mès en aroit de chiaus qui
5se desirent à avancier. De ces responses se tint
li rois de Cipre tous contens, et se parti dou dit
prince et de la princesse et des barons dou pays.
Mès messires Jehans Chandos le veult acompagnier,
ensi qu’il fist, et li tint toutdis compagnie tant qu’il
10fu hors de le prinçauté.
Si me samble que li rois de Cipre retourna arrière
par devers France pour revenir à Paris, en istance de
ce que pour trouver le roy revenu: mais non fera,
car li rois de France estoit, en l’ostel de Savoie, en
15Engleterre, acouciés malades; et aggrevoit tous les
jours, dont trop grandement desplaisoit au roy d’Engleterre
et à le royne, car li plus sage medecin dou
pays le jugoient en grant peril. Et de ce estoit tout
enfourmés li dus de Normendie, qui se tenoit à Paris
20et qui avoit le gouvrenement de France, comment
li rois de France ses pères estoit fort grevés de maladie;
car messires Boucicaus estoit rapassés le mer
et en avoit enfourmé le dit duch.
Se ceste nouvelle estoit sceue en France, li rois de
25Navare, qui se tenoit en Chierebourch, en savoit ossi
toute la certainneté, dont il n’estoit mies courouciés;
car il esperoit que, se li rois de France moroit,
sa guerre en seroit plus belle. Si escrisi secretement
devers monsigneur le captal de Beus son cousin, qui
30se tenoit adonc dalés le conte de Fois, son serourge,
en lui priant chierement que il volsist venir parler à
lui en Normendie, et il le feroit signeur et souverain
[99] par dessus tous ses chevaliers. Li captaus, qui desiroit
les armes et qui estoit par linage tenus de servir son
cousin monsigneur de Navare, obei et se parti dou
conte de Fois, et s’en vint par le prinçauté, et pria
5aucuns chevaliers et escuiers sus son chemin. Mès
petit en eut, car point ne se voloient adonc armer li
Englès, ne li Gascon, ne li Poitevin, pour le fait dou
roy de Navare, contre le couronne de France; car il
sentoient les alliances, jurées à Calais entre le roy
10d’Engleterre leur signeur et le roy de France, si grandes et
si fortes qu’il ne les voloient mies blecier ne brisier.
Siques, ce terme pendant et le captal de Beus
venant en Normendie devers le roy de Navare, li rois
Jehans de France trespassa de ce siècle, en Engleterre,
15en l’ostel de Savoie, dont li rois d’Engleterre
et la royne et tout leur enfant et pluiseur baron
d’Engleterre furent moult courouciet, pour l’onneur
et la grant amour que li rois de France, depuis la
pais faite, leur avoit moustré. Li dus d’Orliens, ses
20frères, et li dus de Berri, ses filz, qui de le mort le
roy de France leur signeur estoient moult courouciet,
envoiièrent ces nouvelles en grant haste devers
le duch de Normendie, qui se tenoit à Paris. Quant li
dis dus en sceut la verité de la mort le roy son père,
25fu il moult courouciés, ce fu raisons; mès ilz, comme
cilz qui se sentoit successères de l’iretage de France
et de la couronne, et qui estoit enfourmés aucunement
dou roy de Navare, comment il avoit pourveu
et pourveoit encores tous les jours ses garnisons en
30le conté d’Evrues, et qu’il metoit sus gens d’armes
pour lui guerriier, s’avisa que il y pourveroit de remède
et de conseil, se il pooit.
[100] En ce temps s’armoit et estoit toutdis armés françois
uns chevaliers de Bretagne qui s’appelloit messires
Bertrans de Claiekin. Li biens de lui, et la
proèce n’estoit mies encores grandement renommée
5ne cogneue, fors entre les chevaliers et escuiers qui
l’antoient et ens ou pays de Bretagne, où il avoit
demoré et toutdis tenu la guerre pour monsigneur
Charle de Blois contre le conte de Montfort. Cilz
messires Bertrans estoit et fu toutdis durement ewireus
10chevaliers et bien amés de toutes gens d’armes,
et ja estoit il grandement en le grasce dou duc de
Normendie, pour les vertus qu’il en ooit recorder.
Dont il avint que, sitos que li dus de Normendie seut
le trespas dou roy son père, ensi que cilz qui se
15doubtoit grandement dou roy de Navare, il dist à
monsigneur Boucicau, mareschal de France: «Messire
Boucicau, partés de ci, avoech ce que vous avés
de gens, et chevauciés vers Normendie. Vous i trouverés
messire Bertran de Claiekin; si vous prendés
20priès, je vous pri, vous et lui, de reprendre sus le
roy de Navare la ville de Mantes, par quoi nous
soions signeur de la rivière de Sainne.» Messires
Boucicaus respondi: «Sire, volentiers.» Adonc se
parti il, et emmena avoecques lui grant fuison de
25bons compagnons, chevaliers et escuiers, et prist le
chemin de Normendie par devers Saint Germain en
Laie, et donna à entendre à tous chiaus qui avoecques
lui estoient, qu’il aloit devant le chastiel de Roleboise,
que manière de gens nommés Compagnes
30tenoient.
§ [511]. Roleboise est un chastiaus biaus et fors
[101] durement, seans sus le rivière de Sainne, à une liewe
priès de Mantes, et estoit à ce temps garnis et raemplis
de compagnons gens d’armes qui faisoient
guerre d’yaus meismes, et couroient otant bien sus
5le terre le roy de Navare que sus le royaume de
France. Et avoient un chapitainne à qui il obeissoient
dou tout, et qui les retenoit et paioit parmi
certains gages qu’il leur donnoit. Et estoit cilz nés de
le ville de Brouxelles, et s’appelloit Wautre Obstrate,
10apert homme d’armes et outrageus durement. Cilz et
ses gens avoient le pays de là environ tout pilliet et
robet, et n’osoit nulz aler de Paris à Mantes, ne de
Mantes à Roem ne à Pontoise, pour chiaus de le
garnison de Roleboise. Et n’avoient cure à qui: otant
15bien les gens le roy de Navare ruoient il jus, quant
il les trouvoient, que les François; et par especial il
constraindoient si chiaus de Mantes, qu’il n’osoient
issir hors de leurs portes, et se doubtoient plus
d’yaus que des François.
20Quant messires Boucicaus se parti de Paris, quoiqu’il
donnast à entendre que il alast celle part, il
se faindi de prendre le droit chemin de Roleboise,
et attendi monsigneur Bertran de Claiekin et se route,
qui avoit en devant chevauciet devant le cité d’Evrues
25et parlementé à chiaus de dedens; mès on ne li
avoit volu ouvrir les portes: ançois avoient cil d’Evrues
fait samblant que de lui servir de pierres et
de mangonniaus, et de traire à lui et à ses gens, se
il ne se fust si legierement partis des barrières où il
30estoit arrestés. Et estoit messires Bertrans de Claiekin
retrais arrière devers le mareschal Boucicau, qui l’attendoit
sus un certain lieu assés priès de Roleboise.
[102] Quant il se furent trouvé, il estoient bien cinq cens
hommes d’armes.
Si eurent li doi chapitainne, messires Bertrans et
messires Bouchicaus, sus les camps là, moult grant
5parlement ensamble, à savoir comment il se maintenroient,
ne par quel manière il poroient avoir le ville
de Mantes, où il tiroient. Si consillièrent entre yaus que
messires Boucicaus, lui centime de chevaus tant seulement,
chevauceroit devant et venroit à Mantes, et
10feroit l’effraé, et diroit à chiaus de le ville que cil de
Roleboise le cacent et que il le laissent [entrer] ens. Se
il y entre, tantost il se saisira de le porte, et messires
Bertrans et se grosse route tantost venront ferant batant,
et enteront en le ville et en feront leur volenté:
15se il ne l’ont par celle voie, il ne poeent mies veoir
comment il l’aient. Toutesfois pour le milleur cilz
consaulz fu tenus, et le tinrent entre yaus li signeur en
secré, et se parti messires Boucicaus et le route qu’il
devoit mener, et chevaucièrent à le couverte par devers
20Mantes, et messires Bertrans d’autre part, et
se misent il et li sien en embusche assés priès de
Mantes.
Quant messires Boucicaus et se route deurent
approcier la ville de Mantes, il se desroutèrent ensi
25comme gens desconfis et mis en cace. Et s’en vint li
dis mareschaus, espoir lui dixime, et li aultre petit à
petit le sievoient. Si s’arresta devant la barrière, car
toutdis y avoit gens qui le gardoient, et dist: «Harou,
bonnes gens de Mantes, ouvrés vos [portes et
30nous laissez entrer dedens[408]] et nous recueilliés; car
[103] veci ces mourdreours et pillars de Roleboise qui nous
encaucent et nous ont desconfis par grant mesaventure.»
—«Qui estes vous, sire?» dient cil qui là estoient
et qui la barrière et le porte gardoient.—«Signeur,
5je sui Boucicaus, mareschaus de France, que li
dus de Normendie envoioit devant Roleboise, mais
il m’en est trop mal pris; car li larron de dedens
m’ont ja desconfi, et me couvient fuir, voelle ou non,
et me prenderont à mains et ce que j’ai de remanant
10de gens, se vous ne nous ouvrés le porte bien
tost.» Cil de Mantes respondirent, qui cuidièrent
bien que il leur desist verité: «Sire, nous savons
bien voirement que cil de Roleboise sont nostre ennemi
et li vostre ossi, et n’ont cure à qui il aient la
15guerre, et d’autre part que li dus de Normendie vos
sires nous het pour le cause dou roy de Navare
nostre signeur: si sommes en grant doubte que nous
ne soions deceu par vous qui estes mareschaus de
France.»—«Par ma foy, signeur, dist il, nennil;
20je ne sui ci venus en aultre entente que pour grever,
comment qu’il m’en soit mal pris, la garnison de
Roleboise.»
A ces parolles, ouvrirent cil de Mantes leur barrière
et leur porte, et laissièrent ens passer monsigneur
25Boucicau et se route, et toutdis venoient
gens petit à petit. Entre les darrainiers des gens
monsigneur Boucicau et les gens monsigneur Bertran,
n’eurent cil de Mantes nul loisir de refremer
leur porte; car quoique messires Boucicaus et li plus
30grant partie de ses gens se traissent tantost à hostel
et se desarmèrent pour mieuls apaisier chiaus de le
ville, li darrainnier qui estoient Breton, se saisirent
[104] des barrières et de le porte. Et n’en furent mies mestre
cil de le ville, car tantos messires Bertrans et se
route vinrent les grans galos, qui estoient mis en
embusche, et entrèrent en le ville, et escriièrent:
5«Saint Yve! Claiekin! A le mort, à le mort tous Navarois!»
Dont entrèrent cil Breton par ces hostels;
si pillièrent et robèrent tout ce qu’il trouvèrent, et
prisent des bourgois desquels qu’il veurent pour leurs
prisonniers, et en tuèrent ossi assés.
10Et tantos incontinent qu’il furent entré en Mantes,
ensi com vous oés recorder, une route de Bretons se
partirent et ferirent chevaus des esporons et ne cessèrent
si vinrent à Meulent une liewe par delà et entrèrent
en le ville assés soubtievement; car il disent que
15c’estoient gens d’armes que messires Guillaumes de
Gauville, chapitainne d’Evrues, envoioit là, et que
otant ou plus en estoient demoret à Mantes. Cil de
Meulent cuidièrent proprement que il deissent verité,
pour tant qu’il estoient venu le chemin de Mantes et
20ne pooient venir aultre voie que par là ne avoir
passé le Sainne fors au pont à Mantes. Si les crurent
legierement et ouvrirent leurs barrières et leurs portes
et misent en leur ville ces Bretons qui tantost se
saisirent des portes et escriièrent: «Saint Yve! Claikin!»
25Et commencièrent à occire et à decoper ces
gens qui furent tout esperdu et prisent à fuir et à
yaus sauver, cescuns qui mieuls mieulz, quant il se
veirent ensi deceu et trahi et n’eurent nul pooir
d’yaus recouvrer ne sauver.
30Ensi furent Mantes et Meulent prises, dont li dus
de Normendie fu moult joians, quant il en sceut les
nouvelles, et li rois de Navare moult courouciés,
[105] quant il en sceut la verité. Si mist tantost gardes et
chapitainnes especiaulz partout ses villes et ses chastiaus,
et tint à trop grant damage le perte de Mantes
et Meulent, car ce li estoit par là une trop belle
5entrée en France.
§ [512]. En celle propre sepmainne arriva li captaus
de Beus ou havene de Chierebourch, à bien quatre
cens hommes d’armes. Se li fist li rois de Navare
grant feste, et le recueilla moult doucement, et li
10remoustra, en lui complaindant dou duch de Normendie,
comment on li avoit pris et emblé ses villes,
Mantes et Meulent, et se mettoient encores en painne
tous les jours li François de tollir le demorant. Li
captaus li dist: «Monsigneur, se il plaist à Dieu,
15nous irons au devant et esploiterons telement que
vous les rarés, et encores des aultres. On dist que li
rois de France est mors en Engleterre: si verra on
pluiseurs nouvelletés avenir en France temprement,
parmi ce que nous y renderons painne.» De la venue
20du captal de Beus fu li rois de Navare tous reconfortés,
et dist que il le feroit temprement chevaucier
en France. Si manda li dis rois gens de toutes pars,
là où il les pooit avoir. Adonc estoit en Normendie,
sus le marine, uns chevaliers d’Engleterre qui autrefois
25se estoit armés pour le roy de Navare, et estoit
apers homs d’armes durement, et l’appelloit on monsigneur
Jehan Jeuiel: cils avoit toutdis de se route
deux cens ou trois cens combatans. Li rois de Navare
escrisi devers lui et le pria que il le volsist venir servir
30à ce que il avoit de gens, et il li remeriroit grandement.
Messires Jehans Jeuiaus descendi à le priière
[106] dou roy de Navare et vint devers lui tost et apertement,
et se mist dou tout en son service.
Bien savoit et estoit enfourmés li dus de Normendie
que li rois de Navare faisoit son amas de gens
5d’armes et que li captaus de Beus en seroit chiés et
gouvrenères. Si se pourvei selonc ce et escrisi devers
monsigneur Bertran de Claiekin qui se tenoit à
Mantes, et li manda que il et si Breton fesissent frontière
contre les Navarois et se mesissent as camps,
10et il li envoieroit gens assés pour combatre le poissance
dou roy de Navare. Et ordonna encores li dis
dus de Normendie à demorer monsigneur Boucicau
en le ville de Mantes, et de garder là le frontière et
Mantes et Meulent, pour les Navarois. Tout ensi fu
15fait comme li dus ordonna. Si se parti messires Bertrans
à tout ses Bretons et se mist sus les camps par
devers Vernon. En briefs jours, envoia li dus de Normendie
devers lui grans gens d’armes en pluiseurs
routes, le conte d’Auçoirre, le visconte de Byaumont,
20le signeur de Biaugeu, monsigneur Loeis de Chalon,
monsigneur l’Arceprestre, le mestre des arbalestriers
et pluiseurs bons chevaliers et escuiers. Encores estoient
en ce temps issu de Gascongne et venu en
France, pour servir le duch de Normendie, li sires
25de Labreth, messires Aymenions de Pumiers, messires
Petitons de Courton, messires li soudis de Lestrade
et pluiseur aultre appert chevalier et escuier:
de quoi li dis dus de Normendie leur savoit grant
gret, et leur donna tantos grans gages et grans pourfis,
30et leur pria que il volsissent aler et chevaucier
en Normendie contre ses ennemis. Li dessus nommet,
qui ne desiroient ne demandoient aultre cose
[107] que les armes, obeirent volentiers et se misent en
arroi et en ordenance et vuidièrent de Paris, et
chevaucièrent devers Normendie, excepté le corps dou
signeur de Labreth. Cilz demora à Paris dalés le
5duch, mès ses gens alèrent en celle chevaucie.
En ce temps, issi des frontières de Bretagne, des
basses marces devers Alençon, uns chevaliers bretons
françois qui s’appelloit messires Braimons de Laval,
et vint sus une ajournée courir devant le cité d’Evrues;
10si avoit en se compagnie bien quarante lances,
tous Bretons. A ce donc estoit dedens Evrues uns
jones chevaliers qui s’appelloit messires Guis de
Gauville. Sitost qu’il entendi l’effroi de chiaus d’Evrues,
il se courut armer et fist armer tous les compagnons
15saudoiiers qui laiens ou chastiel estoient, et
puis montèrent sus leurs chevaus et vuidièrent par
une porte desous le chastiel et se misent as camps.
Messires Braimons avoit ja fait se emprise et se
moustre et s’en retournoit tout le pas. Evous venu
20monsigneur Gui de Gauville, monté sus fleur de
coursier, le targe au col et le glave ou poing, et escrie
tout en hault: «Braimon, Braimon, vous n’en
irés pas ensi, il vous fault parler à chiaus d’Evrues:
vous les estes venus veoir de si priès qu’il vous voelent
25aprendre à cognoistre.»
Quant messires Braimons se oy escrier, si retourna
son coursier et abaissa son glave, et s’adreça droitement
dessus monsigneur Gui. Cil doi chevalier se consievirent
de grant ravine telement sus les targes, que
30les glaves volèrent en tronçons; mès il se tinrent si
francement que onques ne se partirent des arçons, et
passèrent oultre. Au retour qu’il fisent, il sacièrent leurs
[108] espées, et tantost s’entremellèrent leurs gens. De premières
venues, il en y eut tamaint reversé, d’une part
et d’aultre. Là eut bon puigneis, et se acquittèrent
li Breton moult loyaument, et se combattirent vassaument;
5mès finablement il ne peurent obtenir le
place, ançois les couvint demorer, car gens croissoient
toutdis sus yaus. Et furent tout mort ou pris;
onques nuls n’en escapa, et prist messires Guis de
Gauville monsigneur Braimon de Laval, et l’enmena
10comme son prisonnier dedens le chastiel d’Evrues,
[et ossi y furent menés tous les aultres qui pris estoient.
Ensi eschei de ceste aventure, dont messires
Guis fu durement prisiés et amés dou roy de Navare
et de tous ceux de la ville d’Evrues[409].]
15§ [513]. Auques en ce temps, retourna en France li
rois de Cipre qui revenoit d’Aquitainne, et s’en vint
droitement à Paris et se traist devers le regent le duc
de Normendie. A ce donc estoient dalés lui si doi
frère, li dus d’Ango et messires Phelippes, qui puis fu
20dus de Bourgongne, et attendoient le corps dou roy
leur père, que on raportoit d’Engleterre. Si leur aida
à complaindre li dis rois de Cipre leur duel, et il
meismes prist en grant desplaisance ceste mort dou
roy de France, pour le cause de ce que ses voiages
25en estoit arrierés, et s’en vesti de noir. Or vint li
jours que li corps dou dit roy de France, qui estoit
embausumés et mis en un sarcu, approça Paris, lequel
corps messires Jehans d’Artois, li contes de
Dammartin et li grans prieus de France raconduisoient.
[109] Si vuidièrent de Paris li dus de Normendie et
si frère et li rois de Cipre et la grigneur partie dou
clergiet de Paris, et alèrent tout à piet oultre Saint
Denis en France; et là fu il aportés et ensepelis en
5grant solennité. Et canta li arcevesques de Sens la
messe le jour de son obsèque.
Apriès le service fait et le disner qui fu moult grans
et moult nobles, li signeur et li prelat retournèrent
tout à Paris. Si eurent parlement et conseil ensamble
10à savoir comment il se maintenroient, car li royaumes
ne pooit longement estre sans roy. Si fu consilliet
par l’avis des prelas et des nobles que on se trairoit
devers le cité de Rains, pour couronner à roy
monsigneur Charle, duch de Normendie. Lors fist
15on appareillier moult grandes pourveances par tout
ensi que li nouviaus rois devoit aler, passer et demorer,
et par especial en le cité de Rains. Si en escrisi
cilz qui s’appelloit encores dus de Normendie
à son oncle, monsigneur Wincelart, duc de Braibant
20et de Lussembourc, et ossi au conte de Flandres,
en priant que il volsissent estre à son couronnement.
Et estoit li jours assignés au jour de le Trinité
proçain venant.
Entrues que ces besongnes, ces pourveances et cil
25signeur s’ordonnoient, s’approçoient ossi li François et
li Navarois en Normendie. Et ja estoit venus en le cité
de Evrues li captaus de Beus, qui là faisoit son amas
et sen assamblée de gens d’armes et de compagnons
tout partout où il les pooit avoir. Si parlerons de lui
30et de monsigneur Bertran de Claiekin, et d’une belle
journée de bataille qu’il eurent le joedi devant le
Trinité, que li dus de Normendie devoit estre couronnés
[110] et consacrés à roy de France, ensi qu’il fu en
l’eglise cathedral de Rains.
§ [514]. Quant messires Jehans de Graili, dis et
nommés captaus de Beus, eut fait son amas et sen
5assamblée, en le cité de Evrues, de gens d’armes,
d’arciers et de brigans, il ordonna ses besongnes et
laissa en le ditte cité chapitainne, un chevalier qui
s’appelloit messires Legiers d’Orgesi, et envoia à Konces
monsigneur Gui de Gauville, pour faire frontière
10sus le pays, et puis se parti de Evrues à tout ses gens
d’armes et ses arciers, car il entendi que li François
chevauçoient, mais il ne savoit quel part. Si se mist
as camps, en grant desir que d’yaus combatre; si
nombra ses gens et se trouva sept cens lances, trois
15cens arciers et bien cinq cens aultres hommes aidables.
Là estoient dalés lui pluiseur bon chevalier et
escuier, et par especial uns banerès dou royaume de
Navare, qui s’appelloit li sires de Saus; et li plus
grans après et li plus apers et qui tenoit le plus
20grande route de gens d’armes et d’arciers, c’estoit uns
chevaliers d’Engleterre, qui s’appelloit messires Jehans
Jeuiel. Si y estoient messires Pierres de Sakenville,
messires Guillaumes de Gauville, messires
Bertrans dou Franc, le bascle de Maruel et pluiseur
25aultre, tout en grant volenté d’encontrer monsigneur
Bertran et ses gens et de combatre. Si tiroient à venir
devers Pasci et le Pont de l’Arce; car bien pensoient
que li François passeraient là le rivière de Sainne,
voires se il ne l’avoient ja passé.
30Or avint que, droitement le merkedi de le Pentecouste,
si com li captaus et se route chevauçoient au
[111] dehors d’un bois, il encontrèrent d’aventure un hiraut
qui s’appelloit le Roy Faucon, et estoit cilz au
matin partis de l’ost des François. Si tretost que li
captaus de Beus le vei, bien le recongneut et li fist
5grant cière, car il estoit hiraus au roy d’Engleterre,
et li demanda dont il venoit et se il savoit nulles nouvelles
des François. «En nom Dieu, monsigneur,
dist il, oïl: je me parti hui matin d’yaus et de leur
route, et vous quièrent ossi et ont grant desir de
10vous trouver.»—«Et quel part sont il? ce dist li
captaus; sont il deçà le Pont de l’Arce ou delà?»—«En
nom Dieu, dist Faucons, sire, il ont passé le
Pont de l’Arce et Vrenon, et sont maintenant, je
croi, assés priès de Pasci.»—«Et quelz gens sont
15il, dist li captaus, et quelz capitainnes ont il? Di le
moi, je t’en pri, doulz Faucon.»—«En nom Dieu,
sire, il sont bien mil et cinq cens combatans et toutes
bonnes gens d’armes. Si y sont messires Betran
de Claiekin, qui a le plus grant route de Bretons, li
20contes d’Auçoirre, li viscontes de Byaumont, messires
Loeis de Chalon, li sires de Biaugeu, monsigneur
le mestre des arbalestriers, monsigneur l’Arceprestre,
messires Oudars de Renti. Et si y sont
de Gascongne, vostre pays, les gens le signeur de
25Labreth, messires Petiton de Courton et messires
Perducas de Labreth; si y est messires Aymenions de
Pumiers et messires li soudis de Lestrade.»
Quant li captaus oy nommer les Gascons, si fu durement
esmervilliés, et rougia tous de felonnie, et
30replika sa parolle en disant: «Faucon, Faucon, es[t]
ce à bonne verité ce que tu dis que cil chevalier de
Gascongne, que tu nommes, sont là, et les gens le
[112] signeur de Labreth?»—«Sire, dist li hiraus, par
ma foi, oïl.»—«Et où est li sires de Labreth? dist li
captaus.»—«En nom Dieu, sire, respondi Faucons,
il est à Paris dalés le regent le duch de Normendie,
5qui s’appareille fort pour aler à Rains, car
on dist ensi partout communement que dimence qui
vient, il s’i fera sacrer et couronner.» Adonc mist li
captaus sa main à sa tieste, et dist ensi que par mautalent:
«Par le cap saint Antone, Gascon contre
10Gascon s’esprouveront.»
Adonc parla li Rois Faucons pour Prie, un hiraut
que li Arceprestres envoioit là, et dist au captal:
«Monsigneur, assés priès de ci m’attent uns hiraus
françois que li Arceprestres envoie devers vous, liquels
15Arceprestres, à ce que j’entens par le hiraut,
parleroit à vous volentiers.» Dont respondi li captaus
et dist à Faucon: «Faucon, dittes à ce hiraut
françois qu’il n’a que faire plus avant, et qu’il die à
l’Arceprestre que je ne voeil nul parlement à lui.»
20Adonc s’avança messires Jehans Jeuiel, et dist: «Sire,
pourquoi? Espoir est ce pour nostre proufit.» Dont
dist li captaus: «Jehan, Jehan, non est; mès est li
Arceprestres si grans baretères, que, se il venoit jusques
à nous, en nous comptant gengles et bourdes,
25il aviseroit et imaginerait nostre force et nos gens:
si nous poroit tourner à grant contraire. Si n’ai cure
de ses parlemens.» Adonc retourna li Rois Faucons
devers Prie son compagnon qui l’attendoit au coron
d’une haie, et escusa monsigneur le captal bien et
30sagement, tant que li hiraus en fu tous contens, et
raporta arrière à l’Arceprestre tout ce que Faucons li
avoit dit.
[113] § [515]. Ensi eurent li François et li Navarois cognissance
li uns de l’autre, par le raport des deux
hiraus; si se consillièrent et avisèrent sur ce et se
radrecièrent ensi que pour trouver l’un l’autre. Quant
5li captaus eut oy dire à Faucon quel nombre de gens
d’armes li François estoient et qu’il estoient bien
quinze cens, il envoia tantost certains messages en le
cité d’Evrues, devers le chapitainne, en lui segnefiant
que il fesist vuidier et partir toutes manières de jones
10compagnons armerés dont on se pooit aidier, et
traire devers Cocheriel; car il pensoit bien que là en
cel endroit trouveroit il les François, et sans faute,
quel part qu’il les trouvast, il les combateroit. Quant
ces nouvelles vinrent en le cité d’Evrues à monsigneur
15Legier d’Orgesi, il le fist criier et publiier, et
commanda estroitement que tout cil qui à ceval
estoient, incontinent se traissent devers le captal. Si
en partirent de recief plus de six vingt, tous jones
compagnons, de le nation de le ville.
20Ce merkedi, se loga à heure de nonne li captaus sus
une montagne, et ses gens tout environ; et li François
qui les desiroient à trouver, chevaucièrent avant
et tant qu’il vinrent sus une rivière que on claime ou
pays Yton, et keurt autour devers Evrues et nest de
25bien priès de Konces; si se logièrent ce merkedi tout
aisiement, à heure de relevée, ens uns biaus prés tout
dou lonch ceste rivière.
Le joedi au matin, se deslogièrent li Navarois, et
envoiièrent leurs coureurs devant, pour savoir se il
30oroient nulles nouvelles des François; et li François
envoiièrent ossi les leurs, pour savoir se il oroient
nulles telles nouvelles des Navarois. Si en raportèrent
[114] cescuns à se partie, en mains d’espasse que de deux
liewes, certainnes nouvelles; et chevauçoient li Navarois,
ensi que Faucons les menoit, droit à l’adrèce,
le chemin qu’il estoit venus. Si vinrent environ heure
5de prime sus les plains de Coceriel, et veirent les
François devant yaus, qui ja ordonnoient leurs batailles,
et y avoit grant fuison de banières et de pennons,
et estoient par samblant plus tant et demi qu’il
ne fuissent.
10Si se arrestèrent li dit Navarois tout quoi au dehors
d’un petit bos qui là siet, et puis se traisent avant les
chapitainnes et se misent en ordenance. Premierement,
il fisent trois batailles bien et faiticement tout
à piet, et envoiièrent leurs chevaus, leurs males et
15leurs garçons en ce petit bois qui estoit dalés yaus, et
establirent monsigneur Jehan Jeuiel en le première
bataille, et li ordonnèrent tous les Englès, hommes
d’armes et arciers. La seconde eut li captaus, et
pooient estre en se bataille environ quatre cens
20combatans, uns c’autres. Si estoient dalés le captal li
sires de Saus en Navare, uns jones chevaliers, et se
banière, et messires Guillaumes de Gauville et messires
Pierres de Sakenville. La tierce eurent troi
aultre chevalier, messires li bascles de Marueil, messires
25Bertrans dou Franc et messires Sanses Lopins,
et estoient ossi environ quatre cens armeures de fier.
Quant il eurent ordonné leurs batailles, il ne s’eslongièrent
point trop lonch l’un de l’autre, et prisent
l’avantage d’une montagne qui estoit à le droite
30main entre le bois et yaus, et se rengièrent tout de
front sus celle montagne par devant leurs ennemis.
Et misent encores, par grant avis, le pennon dou
[115] captal en un fort buisson espinerés, et ordonnèrent
là autour soissante armeures de fier pour le garder
et deffendre. Et le fisent par manière d’estandart
pour yaus ralloiier, se par force d’armes il estoient
5espars; et ordonnèrent encores que point ne se devoient
partir ne descendre de le montagne pour cose
qui avenist, mès, se on les voloit combatre, on les
alast là querre.
§ [516]. Tout ensi ordonné et rengié se tenoient
10Navarois et Englès, d’un costé, sus le montagne que
je vous di. Entrues ordonnoient li François leurs batailles,
et en fisent trois et une arrière garde. La
première eut messires Bertrans de Claiekin à tout les
Bretons, et fu ordonnés pour assambler à le bataille
15dou captal. La seconde [eut li contes d’Auçoirre: si
estoient avecques lui gouverneurs de celle bataille[410]] li
viscontes de Byaumont et messires Bauduins d’Anekins,
mestres des arbalestriers, et eurent avoech yaus
les François, les Normans et les Pikars, monsigneur
20Oudart de Renti, monsigneur Engherant d’Uedin,
monsigneur Loeis de Haveskierkes et pluiseurs aultres
bons chevaliers et escuiers. La tierce eut li Arceprestres
et les Bourghegnons avoech lui, monsigneur
Loeis de Chalon, le signeur de Biaugeu, monsigneur
25Jehan de Viane, monsigneur Gui de Frelai, monsigneur
Hughe de Viane et pluiseurs aultres; et devoit
assambler ceste bataille au bascle de Marueil et à se
route. Et l’autre bataille qui estoit pour arrière garde,
[116] estoit toute purainne de Gascons, desquelz messires
Aymenions de Pumiers, messires li soudis de Lestrade,
messires Perducas de Labreth et messires Petiton
de Courton furent souverain et meneur.
5Or eurent là cil chevalier gascon un grant avis; il
imaginèrent tantost l’ordenance dou captal et comment
cil de son lés avoient mis et assis son pennon sus
un buisson, et le gardoient aucun des leurs, car il en
voloient faire leur estandart. Si disent ensi: «Il est de
10necessité que, quant nos batailles seront assamblées,
nous nos traions de fait et adreçons de grant volenté
droit au pennon le captal, et nous mettons en painne
dou conquerre; se nous le poons avoir, nostre ennemi
en perderont moult de leur force et seront en
15peril de estre desconfi.» Encores avisèrent cil dit
Gascon une aultre ordenance qui leur fu moult pourfitable
et qui leur parfist leur journée.
§ [517]. Assés tost apriès que li François eurent ordonnées
leurs batailles, li chief des signeurs se misent
20ensamble et consillièrent [un grant temps[411]] comment il
se maintenroient; car il veoient leurs ennemis grandement
sus leur avantage. Là disent li Gascon dessus
nommet une parolle qui fu volentiers oye: «Signeur,
nous savons bien que ou captal a un ossi preu et seur
25chevalier et conforté de ses besongnes que on trouveroit
aujourd’ui en toutes terres, et tant comme il
sera sus le place et pora entendre au combatre, il
nous portera trop grant damage; si ordonnons que
nous mettons as chevaux trente des nostres, tous
[117] des plus appers et plus hardis par avis, et cil trente
n’entendent à aultre cose fors yaus adrecier devers
le captal. Et entrues que nous entenderons à conquerre
son pennon, il se metteront en painne, par
5le force de leurs coursiers et de leurs bras, à desrompre
le priesse et de venir jusques au dit captal; et de
fait [il prenderont le captal[412]] et tourseront et
l’emporteront entre yaus, et [menront[413]] à sauveté où que
soit, et ja n’i attenderont fin de bataille. Nous disons
10ensi que, se il [puet[414]] estre pris ne retenus par celle
voie, la journée sera nostre, tant fort seront ses gens
esbahi de sa prise.»
Li chevalier de France et de Bretagne, qui là estoient,
acordèrent ce conseil legierement et disent
15que c’estoit uns bons avis et que ensi seroit fait. Si
triièrent et eslisirent tantost, entre leurs batailles,
trente hommes d’armes des plus hardis et plus entreprendans
par avis, qui fuissent en leurs routes,
et furent monté cil trente cescun sus bons coursiers,
20les plus legiers et plus rades qui fuissent sus le place,
et se traisent d’un lés sus les camps, avisé et enfourmé
quel cose il devoient faire, et li aultre demorèrent
tout à piet sus les camps en [leur[415]] ordenance, ensi
qu’il [devoient[416]] estre.
25§ [518]. Quant cil signeur de France eurent ordonné
à leur avis leurs batailles, et que cescuns savoit quel
[118] cose il devoit faire, il regardèrent entre yaus et
pourparlèrent longement quel cri pour le journée il crieroient,
et à laquèle banière [ou pennon[417]] il se retrairoient.
Si furent grant temps sus un estat que de
5criier: «Nostre Dame! Auçoirre!» et de faire pour
ce jour leur souverain dou conte d’Auçoirre. Mais li
dis contes ne s’i volt onques acorder, ançois s’escusa
moult bellement, en disant: «Signeur, grant mercis
de l’onneur que vous me portés et volés faire; mais
10tant comme à present je ne voeil pas ceste, car je
sui encores trop jones pour encargier si grant fais et
tèle honneur, et s’est la première journée arrestée où
je fui onques: pour quoi vous prenderés un aultre de
moi. Ci sont pluiseur bon chevalier, monsigneur
15Bertran [de Claquin[418]], monsigneur l’Arceprestre,
monsigneur le Mestre[419], monsigneur Loeis de Chalon
monsigneur Aymenion de Pumiers, monsigneur Oudart
de Renti, qui ont esté en pluiseurs grosses besongnes
et journées arrestées, et scèvent mieulz comment
20telz besongnes se doivent gouvrener que je ne
face: si m’en deportés, et je vous en pri.»
Adonc regardèrent tout li chevalier qui là estoient
l’un l’autre, et li disent: «Contes d’Auçoirre, vous
estes li plus grans de mise, de terre et de linage qui
25ci soit; si poés bien et de droit estre nos chiés.»—«Certes,
signeur, respondi il, vous dittes vostre
courtoisie: je serai aujourd’ui vos compains, et
morrai et viverai et attenderai l’aventure dalés vous;
[119] mès de souverainneté n’i voeil je point avoir.» Adonc
regardèrent il l’un par l’autre lequel donc il ordonneroient.
Si y fu avisés et regardés pour le milleur
chevalier de toute le place, et qui plus s’estoit combatus
5de le main et qui mieulz savoit ossi comment
telz coses se devoient maintenir, messires Bertrans
de Claiekin. Si fu ordonné de commun acord que
on crieroit: «Nostre Dame! Claiekin!» et que on
s’ordonneroit celle journée dou tout par le dit monsigneur
10Bertran.
Toutes ces coses faites et establies, et cescuns
sires desous se banière ou sen pennon, il regardoient
leurs ennemis qui estoient sus le tierne, et point ne
partoient de leur fort, car il ne l’avoient mies en
15conseil ne en volenté: dont moult anoioit as François,
pour tant que [il les veoient grandement en
leur avantage, et aussi que[420]] li solaus commençoit
hault à monter, qui leur estoit uns grans contraires;
car il faisoit malement chaut. Si le ressongnoient
20tout li plus seur; car encor estoient il tout enjun et
n’avoient toursé ne porté vin ne vitaille avoech
yaus, qui riens leur vausist, fors aucuns signeurs qui
avoient petis flaconciaus plains de vin, qui tantost
furent vuidiet. Et point ne s’estoient de ce pourveu ne
25avisé dou matin, pour ce que il se cuidoient tantost
combatre que il seroient là venu et sans arrest. Et
non fisent, ensi que il apparu; mès les detriièrent li
Englès et li Navarois par soutilleté ce qu’il peurent,
et fu plus de remontière ançois que il se mesissent
30ensamble pour combatre.
[120] Quant li signeur de France en veirent le couvenant,
il se remisent ensamble par manière de conseil,
à savoir comment il se maintenroient et se on
les iroit combatre ou non. A ce conseil n’estoient il
5mies bien d’acort, car li aucun voloient que on les
alast requerre et combatre, comment qu’il fust, et
que c’estoit grans blasmes pour yaus, quant tant y
mettoient. Là debatoient li aucun mieulz avisé ce
conseil, et disoient que, se on les aloit combatre
10ens ou parti où il estoient et ensi aresté sus leur
avantage, on se metteroit en très grant peril; car
des cinq il aroient les trois. Finablement, il ne pooient
estre d’acort que [de[421]] yaus aler combatre. Bien
veoient et consideroient li Navarois le manière d’yaus,
15et disoient: «V[e]és les ci: il venront tantost à nous
pour nous combatre; il en sont en grant frefel et
grant volenté.»
Là avoit aucuns chevaliers et escuiers normans, prisonniers
entre les Englès et Navarois, qui estoient recrus
20sus leurs fois; et les laissoient paisieulement lor
mestre aler et chevaucier, pour tant qu’il ne se pooient
armer, deviers les François. Se disoient cil as signeurs
de France: «Signeur, avisés vous, car, se la journée
d’ui se depart sans bataille, nostre ennemi seront demain
25trop grandement reconforté; car on dist entre
yaus que messires Loeis de Navare y doit venir à bien
trois cens lances.» Siques ces parolles enclinoient
grandement les chevaliers et les escuiers de France à
combatre, comment qu’il fust, les Navarois. Et en
30furent tout appareillié et ahati par trois ou par quatre
[121] fois; mès toutdis vaincoient li plus sage et disoient:
«Signeur, attendons encores un petit et veons comment
il se maintenront; car il sont bien si grant et
si presumptueus que il nous desirent otant à combatre,
5que nous faisons eulz.»
Là en y avoit pluiseur durement foulés et malmenés,
pour le grant caleur que il faisoit, car il estoit
sus l’eure de nonne; si avoient juné toute la matinée,
et estoient armé et feru dou soleil parmi leurs
10armeures qui estoient escaufées. Si disoient bien cil:
«Se nous nos alons combatre ne lasser contre celle
montagne, ou parti où nous sommes, nous serons
perdu d’avantage; mès retreons nous meshui en
nostres logeis, et de matin arons nous aultre conseil.»
15Ensi estoient il en diverses opinions.
§ [519]. Quant li chevalier de France, qui ces gens
avoient sus leur honneur à conduire et à gouvrener,
veirent que li Navarois et li Englès d’une sorte ne
partiroient point de leur fort, et que il estoit [ja[422]] haute
20nonne, et si ooient les parolles que li prisonnier
françois qui venoient de l’ost des Navarois, leur disoient,
et si veoient le grigneur partie de leurs gens
durement foulé et travilliet pour le chaut, si leur
tournoit à grant desplaisance. Si se remisent ensamble
25et eurent aultre conseil, par l’avis de monsigneur
Bertran de Claiekin, qui estoit leurs chiés et à qui il
obeissoient. «Signeur, dist il, nous veons que nostre
ennemi nous detrient à combatre, et si en sont en
grant volenté, si com je l’espoir; mès point ne
[122] descenderont de leur fort, se ce ne n’est par un parti
que je vous dirai. Nous ferons samblant de nous retraire
et de non combatre meshui, ossi sont nos gens
durement foulé et travilliet pour le chaut; et ferons
5tous nos varlès, nos harnois et nos chevaus passer
tout bellement et ordonneement outre ce pont et
l’aigue et retraire à nos logeis, et toutdis nous tenrons
sus èle et entre nos batailles en agait, pour veoir
comment il se maintenront. Se il nous desirent à
10combatre, il descenderont de leur montagne et nous
venront requerre tout au plain. Tantost que nous
verons leur couvenant, se il le font ensi, nous serons
tout appareillié de retourner sus yaus, et ensi les
arons nous mieulz à nostre aise.» Cilz consaulz fu
15arestés de tous, et le tinrent pour le milleur entre yaus.
Adonc se retraist cescuns sires entre ses gens et dessous
se banière ou son pennon, ensi comme il devoit
estre, et puis sonnèrent leurs trompètes et fisent
grant samblant d’yaulz retraire; et commandèrent
20tout chevalier et escuier et gens d’armes, leurs varlès
et garçons à passer le pont et mettre oultre le rivière
leur harnas. Si en passèrent pluiseur en cel estat et
priès ensi que tout, et depuis aucunes gens d’armes
faintement.
25Quant messires Jehans Jeuiel, qui estoit appers
chevaliers et vighereus durement et qui avoit grant
desir des François combatre, perçut le manière comment
il se retraioient, si dist au captal: «Sire, sire,
descendons apertement; ne veés vous le manière
30comment li François s’enfuient?» Dont respondi li
captaus et dist: «Messire Jehan, messire Jehan, ne
creés ja que si vaillant homme qu’il sont là, s’enfuient
[123] ensi; il ne le font fors par malisse et pour nous
attraire.» Adonc s’avança messires Jehans Jeuiaus,
qui moult engrans estoit de combatre, et dist à ceulz
de sa route, et en escriant: «Saint Jorge! Passés
5avant! Qui m’aime, se me siewe: je m’en vois combatre.»
Dont se hasta il, son glave en son poing, par
devant toutes les batailles, et estoit ja avalés jus
de le montagne et une partie de ses gens, ançois
que li captaus se meuist. Quant messires li captaus
10veit que c’estoit acertes et que Jehans Jeuiel
s’en aloit combatre sans lui, se le tint à grant
presumption, et dist à chiaus qui dalés lui estoient:
«Alons, alons, descendons la montagne apertement;
messires Jehans Jeuiaus ne se combatera point sans
15mi.» Dont s’avancièrent toutes les gens dou captal,
et ils premierement, son glave en son poing.
Quant li François qui estoient en agait, les veirent
descendus et venus ou plain, si furent tout resjoy et
disent entre yaus: «Veci che que nous demandions
20hui tout le jour.» Adonc retournèrent il tout à un fais,
en grant volenté de recueillier leurs ennemis, et
escriièrent d’une vois: «Nostre Dame! Claiekin!» Si
drecièrent leurs banières devers les Navarois, et
commencièrent les batailles à assambler de toutes pars,
25et tout à piet. Evous monsigneur Jehan Jeuiel tout
devant, le glave ou poing, qui corageusement vint
assambler à le bataille des Bretons, desquels messires
Bertrans estoit chiés, et là fist tamainte grant apertise
d’armes, car il fu hardis chevaliers malement. Dont
30s’espardirent ces batailles, cil chevalier et cil escuier
sus ces plains, et commencièrent à lancier, à ferir et à
fraper de toutes armeures, ensi que il les avoient à
[124] main, et à entrer en l’un l’autre par vasselage, et yaus
combatre de grant volenté. Là crioient li Englès et li
Navarois d’un lés: «Saint Jorge! Navare!» et li
François: «Nostre Dame! Claiekin!» Là furent moult
5bon chevalier, dou costet des François: premierement
messires Bertrans de Claiekin, li jones contes d’Auçoirre,
li viscontes de Byaumont, messires Bauduins
d’Anekins, messires Loeis de Chalon, li jones sires de
Biaugeu messires Anthones, qui là leva banière, messires
10Loeis de Haveskierke, messires Oudars de Renti,
messires Engherans d’Uedins; et d’autre part, li Gascon,
qui avoient leur bataille et qui se combatoient à
par yaus: premierement messires Aymenions de Pumiers,
messires Perducas de Labreth, messires li soudis
15de Lestrade, messires Petiton de Courton et pluiseur
aultre, tout d’une sorte. Et s’adrecièrent cil
Gascon à le bataille dou captal et des Gascons: ossi
il avoient grant volenté d’yaus trouver. Là eut grant
hustin et dur puigneis, et fait tamainte grant apertise
20d’armes.
Et pour ce que en armes on ne doit point mentir
à son loyal pooir, on me poroit demander que li
Arceprestres, qui là estoit uns grans chapitains et
qui tenoit grant route, estoit devenus, pour ce que
25je n’en fai nulle mention. Je vous en dirai le verité.
Si tretost que li Arceprestres vei l’assamblement
de le bataille et que on se combateroit, il se
bouta hors des routes; mais il dist à ses gens et à
celui qui portoit se banière: «Je vous ordonne et
30commande, sur quanques vous poés fourfaire envers
moy, que vous demorés et attendés fin de journée.
Je me pars sans retourner, car je ne me puis hui
[125] combatre ne estre armés contre aucuns chevaliers
qui sont par delà; et, se on vous demande de mi, si
en respondés ensi à chiaus qui en parleront.» Adonc
se parti il, et uns siens escuiers tant seulement, et rapassa
5le rivière et laissa les aultres couvenir. Onques
François ne Breton ne s’en donnèrent garde, pour
tant que il veoient ses gens et se banière jusques en
le fin de le besongne, et le cuidoient dalés yaus. Or
vous parlerons de le bataille, comment elle fu perseverée,
10et des grans apertises d’armes qui y furent faites
celle journée, ensi que vous orés.
§ [520]. Au commencement de le bataille, quant
messires Jehans Jeuiel fu descendus, et toutes gens le
sievirent dou plus priès qu’il peurent, et meismement
15li captaus et se route, et cuidièrent avoir le journée
pour yaus; mès il en fu tout aultrement. Quant li
Navarois veirent que li François estoient retournet
par bonne ordenance, il conçurent tantost qu’il s’estoient
fourfet. Nonpourquant, comme gens de grant
20emprise, il ne s’esbahirent de riens, mès eurent bien
intention de tout recouvrer par bien combatre. Si
reculèrent un petit et se remisent ensamble, et puis
se ouvrirent et fisent voie à leurs arciers qui estoient
derrière yaus, pour traire. Quant li arcier furent devant,
25si s’eslargirent et commencièrent à traire de
grant manière; mès li François estoient si fort armé
et si bien paveschié contre le tret, que onques il n’en
furent grevé, se petit non, ne pour ce n’en laissièrent
il point à combatre, mès entrèrent, et tout à piet, ens ès
30Navarois et Englès, et cil entre eulz de grant volenté.
Là eut grant bouteis et lanceis des uns as aultres, et
[126] tolloient à l’un l’autre, par force de bras et de luitier,
leurs lances et leurs haces et les armeures dont
il se combatoient; et se prendoient et fiançoient prisonniers
li un l’autre, et se approçoient de si priès
5que il se combatoient main à main si vaillamment
que nulles gens mieulz. Si poés bien croire que en
tel presse et en tel peril il en y avoit des mors et des
reversés grant fuison; car nulz ne s’espargnoit, d’un
costet ne d’aultre. Et vous di que li François n’avoient
10que faire de dormir ne de reposer sus leur
bride, car il avoient gens de grant fait et de hardie
emprise à le main: si couvenoit çascun acquitter
loyaument à son pooir et deffendre son corps, et
garder son pas et prendre son avantage, quant il venoit
15à point; aultrement il euissent esté tout desconfi.
Si vous di pour verité que li Breton et li
Gascon y furent là très bonnes gens, et y fisent pluiseurs
belles apertises d’armes.
Or vous voeil je compter des trente qui estoient
20esleu pour yaus adrecier au captal, et [estoient[423]] trop
bien monté sus fleurs de coursiers. Chil qui n’entendoient
à aultre cose que à leur emprise, si com cargié
en estoient, s’en vinrent tout serré là où li captaus se
combatoit moult vaillamment d’une hace et donnoit
25les cops si grans que nulz ne l’osoit approcier, et
rompirent le priesse par force de chevaus, et ossi
[parmi[424]] l’ayde des Gascons qui leur fisent voie. Cil
trente qui estoient trop bien monté, ensi que vous
savés, et qui savoient quel cose il devoient faire, ne
[127] veurent mies ressongnier le painne ne le peril; mès
vinrent jusques au captal et l’environnèrent, et s’arrestèrent
dou tout sur lui, et le prisent et embracièrent
de fait entre yaus par force, et puis vuidièrent
5le place et l’emportèrent en cel estat. Et en ce lieu
eut adonc grant abateis et dur puigneis, et se commencièrent
toutes les batailles à converser de celle
part, car les gens dou captal, qui sambloient bien
foursené, crioient: «Rescousse au captal! Rescousse!»
10Nientmains, ce ne leur peut valoir ne aidier: li captaus
en fu portés et ravis en le manière que je
vous di, et mis à sauveté; de quoi, en l’eure que ce
avint, on ne savoit encores de verité liquel en aroient
le milleur.
15§ [521]. En ce toueil et en ce grant hustin et froisseis,
et que Navarois et Englès entendoient à sievir le
trace dou captal qu’il en veoient mener [et porter[425]]
devant yaus, dont il sambloient tout foursené, messires
Aymenions de Pumiers, messires Petiton de
20Courton, messires li soudis de Lestrade et les gens le
signeur de Labreth, d’une sorte, entendirent de grant
volenté à yaus adrecier au pennon le captal qui estoit
en un buisson et dont li Navarois faisoient leur estandart.
Là eut grant hustin et dur et forte bataille,
25car il estoit bien gardés et de bonnes gens, et par
especial messires li bascles de Marueil et messires
Joffrois de Rousseillon y estoient. Là eut fait tamainte
grant apertise d’armes, mainte prise et mainte rescousse,
et maint homme blecié et navré et reversé
[128] par terre, qui onques depuis ne se relevèrent. Toutesfois,
li Navarois, qui là estoient dalés ce buisson et
le pennon dou captal, furent ouvert et reculé par
force d’armes, et mors li bascles de Marueil et pluiseur
5aultre, et pris messires Joffrois de Rousseillon et
fianchiés prisons de monsigneur Aymenion de Pumiers,
et tout li aultre qui là estoient, mort ou pris
ou reculé si avant qu’il n’en estoit là nulle nouvelle
entours le buisson, quant li pennons dou dit captal
10fu pris et conquis et deschirés et rués par terre.
Entrues que li Gascon entendoient à ce faire, li Pikart,
li François, li Normant, li Breton et li Bourghegnon
se combatoient d’autre part moult vaillamment. Et
bien leur besongnoit, car li Navarois les avoient reculés,
15et [estoit demourez[426]] mort entre yaus, dou costé
des François, li viscontes de Byaumont, dont ce fu
damages; car il estoit à ce jour jones chevaliers et
bien tailliés de valloir encores grant cose. Si l’avoient
ses gens à grant meschief porté hors de le priesse
20ensus de le bataille, et là le gardoient. Je vous di,
si com je oy depuis recorder ceulz qui y furent d’un
costé et d’autre, que on n’avoit point veu la pareille
bataille de celle, de otèle quantité de gens, estre ossi
bien combatue comme celle fu; car il estoient tout à
25piet et main à main. Si s’entrelaçoient li un dedens
l’autre, et s’esprouvoient au bien combatre de telz
armeures qu’il portoient; et par especial de ces haces
donnoient il si grans horions que tout s’estonnoient.
Là furent navré et durement blecié messires Petitons
30de Courton et messires li soudis de Lestrade, et telement
[129] que depuis, pour le journée, ne se peurent aidier.
Messires Jehans Jeuiel, par qui la bataille commença
et qui de premiers moult vassaument avoit
assaillis et envaïs les François, y fist ce jour tamainte
5grant apertise d’armes, et ne daigna onques reculer, et
se embati si avant qu’il fu durement bleciés et navrés
en pluiseurs lieus ou corps et ou cief, et fu pris et
fianciés prisons d’un escuier de Bretagne desous le
banière monsigneur Bertran de Claiekin: adonc fu il
10portés hors de la presse. Li sires de Biaugeu, messires
Loeis de Chalon, les gens de l’Arceprestre, avoech
grant fuison de bons chevaliers et escuiers de Bourgongne,
se combatoient d’autre part moult vaillamment
et bien savoient à qui respondre; car une route
15de Navarois et les gens à monsigneur Jehan Jeuiel
leur estoient au devant. Et vous di que li François
ne l’avoient point d’avantage, car il trouvoient dures
gens merveilleusement contre yaus. Messires Bertrans
et si Breton se acquittèrent loyaument bien et
20se tinrent tousjours ensamble, en aidant l’un l’autre.
Et ce qui desconfi les Navarois et Englès, ce
fu la prise du captal, qui fu pris très le commencement,
et le conquès de son pennon, où ses gens
ne se peurent ralloiier. Li François obtinrent le
25place, mès il leur cousta grandement des leurs; et y
furent mort, de leur costé, li viscontes de Byaumont,
si com vous avés oy, messires Bauduins d’Anekins,
mestres des arbalestriers, messires Loeis de Haveskierke
et pluiseur aultre. Et des Navarois, mors uns
30banerès de Navare qui s’appelloit li sires de Saus, et
grant fuison de ses gens dalés lui, et mors messires
li bascles de Marueil, uns apers chevaliers durement,
[130] si com dessus est dit, et ossi morut ce jour prisonniers
messires Jehans Jeuiel. Si y furent pris messires
Guillaumes de Gauville, messire Pierres de Sakenville,
messires Joffrois de Roussellon, messires
5Bertrans dou Franch et pluiseur aultre: petit s’en
sauvèrent que tout ne fuissent ou mort ou pris
sus le place. Ceste bataille fu en Normendie assés
priès de Coceriel, par un joedi, le [seizième[427]] jour
de may, l’an de grasce mil trois cens soissante
10quatre.
§ [522]. Apriès ceste desconfiture, et que tout li
mort estoient ja desvesti, et que cescuns entendoit à
ses prisonniers, qui les avoit, ou à lui mettre à point,
qui bleciés estoit, et que ja la grignour partie des
15François avoient rapasset le pont et le rivière et se
retraioient à leurs logeis, tout foulé et tout lassé, furent
il en aventure d’avoir aucun meschief, dont il
ne se donnoient garde. Je vous dirai comment.
Messires Guis de Gauville, filz à monsigneur Guillaume
20de Gauville, qui pris estoit sus le place, estoit
partis de Konces, une garnison navaroise; car
il avoit entendu que leurs gens se devoient combatre,
ensi qu’il fisent; et durement s’estoit hastés pour
estre à celle journée, ou à tout le mains il esperoit
25que à l’endemain on se combateroit. Si voloit estre
dalés le captal, comment qu’il fust, et avoit en se
route environ cinquante lances de bons compagnons
et tous bien montés. Li dis messires Guis et se route
s’en vinrent tout, à brochant les grans eslais, jusques
[131] en le place où la bataille avoit esté. Li François, qui
estoient derrière et qui nulle garde ne s’en donnoient
de celle sourvenue, sentirent la friente; si se reboutèrent
tantost tous ensamble et s’en vinrent
5contre les Navarois, en escriant: «Retournés! Retournés!
Veci les ennemis!» De cel effroi furent
li pluiseur moult effraé, et là fist messires Aymenions
de Pumiers à leurs gens un grant confort: encores
estoit il, et toute se route, sus le place. Sitos comme
10il vei ces Navarois approcier, il se retrest sus dextre
et fist desvoleper son pennon, et lever et mettre tout
hault sus un buisson, par manière d’estandart, pour
ralloiier leurs gens.
Quant messires Guis de Gauville, qui en haste
15estoit adreciés sus le place, en vei le manière et recognut
le pennon monsigneur Aymenion de Pumiers,
et oy escrier: «Nostre Dame! Claiekin!» et ne perçut
nullui de chiaus qu’il demandoit, mès en veoit
grant fuison tous mors gesir par terre, si cogneut
20tantost que leurs gens avoient estet desconfi, et li
François obtenu le place. Si fist tant seulement un
puigneis, sans faire nul samblant de combatre, et
passa oultre assés priès de monsigneur Aymenion de
Pumiers qui estoit tous appareilliés de lui recueillier,
25se il fust traist avant, et s’en rala son chemin ensi
comme il estoit venus: je croi bien que ce fu devers
le garnison de Conces.
Or parlerons nous des François comment il perseverèrent.
La journée, ensi que vous avés entendu,
30fu pour yaus, et rapassèrent le soir oultre le rivière,
et se traisent à leurs logeis, et se aisièrent de ce qu’il
eurent. Si fu li Arceprestres durement demandés et
[132] deparlés, quant on se perçut qu’il n’avoit point estet
a le bataille et qu’il s’en estoit partis sans parler. Si
l’escusèrent ses gens au mieulz qu’il peurent. Et sachiés
que li trente, qui le captal ravirent et emportèrent,
5ensi que vous avés oy, ne cessèrent onques de chevaucier,
si l’eurent amené ou chastiel de Vrenon et
là dedens mis à sauveté. Quant ce vint à l’endemain,
il se deslogièrent et toursèrent tout, et chevaucièrent
par devers Vrenon, pour venir en le cité de
10Roem, et tant fisent qu’il y parvinrent. En le cité et
ou chastiel de Roem laissièrent il une partie de
leurs prisonniers, et s’en retournèrent li pluiseur à
Paris, tout liet et tout joiant, c’estoit raisons; car il
avoient eu une moult belle journée pour yaus, et
15moult pourfitable pour le royaume de France. Car,
se li contraires fust avenus as François, messires li
captaus de Beus euist fait un grant escars en France;
car il avoit empris et en pourpos que de chevaucier
jusques à Rains, au devant dou duch de Normendie,
20qui ja y estoit venus pour lui faire couronner et
consacrer, et la duçoise sa femme o lui; mès Diex ne
le veult mies consentir: ce doit on moult bien
esperer.
§ [523]. Ces nouvelles s’espardirent en pluiseurs
25lieus, que li captaus estoit pris et toutes ses gens rués
jus. Si en acquist messires Bertrans de Claiekin grant
grasce et grant renommée de toutes manières de
gens ou royaume de France, et en fu ses noms moult
eslevés. Si vinrent les nouvelles jusques au duch de
30Normendie qui estoit à Rains; si s’en resjoy grandement
et en loa Dieu pluiseurs fois. Si en fu sa cours
[133] et toutes les cours des signeurs qui là estoient venu
à son couronnement, plus liet et plus joiant.
Ce fu le jour de le Trinité l’an de grasce Nostre
Signeur mil trois cens soissante quatre que li rois
5Charles, ainsnés filz dou roy Jehan de France, fu
couronnés et consacrés à roy en le grant eglise Nostre
Dame de Rains, et ensi madame la royne sa femme,
fille au duch Pière de Bourbon, de reverent père en
Dieu monsigneur Jehan de Cran, arcevesque de
10Rains. Là furent li rois Pières de Cippre, li dus
d’Ango, li dus de Bourgongne, messires Wincélaus
de Behagne, dus de Lussembourch et de Braibant,
oncles au dit roy, li contes d’Eu, li contes de Dammartin,
li contes de Tankarville, li contes de Wedimont,
15messires Robers d’Alençon, li arcevesques de
Sens, li arcevesques de Roem et tant de prelas et de
signeurs que je ne les aroie jamais tous nommés: si
m’en passerai briefment. Si y furent adonc les festes
et les solennités grandes. Et demorèrent li rois de
20France et la royne en le cité de Rains cinq jours. Si
y eut grans dons et grans presens donnés et presentés
as signeurs estragniers, dont la plus grant
partie prisent là congiet au dit roy et retournèrent
en leurs lieus.
25Si retourna li rois de France devers Paris à petites
journées et à grans esbatemens, et grant fuison
de prelas et de signeurs avoecques lui, et toutdis li
fist li rois de Cippre compagnie. On ne vous poroit
mies dire ne recorder, en un jour d’esté, les solennités
30ne les grans reviaus que on li fist en le cité de
Paris, quant il y entra. Si estoient ja revenu à Paris
la grigneur partie des signeurs et chevaliers qui
[134] avoient esté à le besongne de Koceriel. Si leur fist
li rois grant fieste et les vei moult volentiers, et par
especial monsigneur Bertran de Claiekin et les chevaliers
de Gascongne, monsigneur Aymenion de Pumiers
5et les autres, car li sires de Labreth avoit esté
à son couronnement.
§ [524]. A le revenue dou roy de France à Paris, fu
pourveus et ravestis dou duçainné de Bourgongne
messires Phelippes ses mainsnés frères. Et se parti de
10Paris à grant gent et en ala prendre le saisine et possession
et l’ommage des barons, chevaliers, cités,
chastiaus et bonnes villes de la ditte ducé. Quant li
dus de Bourgongne eut viseté tout son pays, il retourna
en France en grant solas, et ramena avoecques
15lui son compère monsigneur l’Arceprestre, et le rapaisa
au roy parmi bonnes escusances que li Arceprestres
moustra au dit roy de ce que adonc, à le journée
de Coceriel, il ne se pooit armer contre le captal. Et
meismement li captaus, qui estoit adonc amenés à
20Paris dalés le roy et qui avoit juret à là tenir prison,
et à le priière le signeur de Labreth et des Gascons li
avoit li dis rois eslargi celle grasce, aida le dit Arceprestre
à escuser devers le roy et les chevaliers de
France qui parloient villainnement sus se partie. Et
25ossi il avoit fait de nouviel aucuns biaus services au
roy de France et au duch de Bourgongne, car il
avoit en la ditte ducé de Bourgongne ruet jus, au
dehors de Digon, bien quatre cens pillars, des quelz
Guios dou Pin, Tallebart Tallebardon, Jehan de Caufour
30et Thiebaut de Caufour estoient meneur et chapitainne:
pour quoi li rois descendi plus legierement
[135] à lui faire grasce et de pardonner son mautalent.
Si fist li dis rois en ce temps coper le chief à
monsigneur Pière de Sakenville, en le cité de Roem,
5pour tant qu’il avoit esté navarois; et messires Guillaumes
de Gauville n’en euist eu mies mains, se
n’euist esté messires Guis ses filz, qui segnefia au roy
de France que, se on faisoit son père nulle griefté,
il le feroit samblablement à monsigneur Braimont de
10Laval, un grant signeur de Bretagne, qu’il tenoit son
prisonnier ens ou chastiel d’Evrues. De quoi li linages
dou chevalier, qui sentoient leur cousin en ce
peril, en parlèrent au roy et fisent tant que par escange
il reurent monsigneur Braimont, et messires
15Guillaumes de Gauville fu delivrés: ensi se portèrent
les pareçons. Si fu envoiiés li captaus, de Paris à
Miaus en Brie, et là tenoit prison, entrues que li dus
de Bourgongne fist une chevaucie en Biausse dont je
vous parlerai. Mais ançois racquitta messires Bertrans
20de Claiekin le chastiel de Roleboise, dont Wautre
Obstrate estoit chapitains; mais ançois qu’il le volsist
rendre, il en eut une grande somme de florins, ne
sçai cinq ou six mil frans, et puis s’en retourna arrière
en Braibant dont il estoit.
25Encores se tenoient pluiseurs forterèces en Kaus,
en Normendie, ou Pierce, en Biausse et ailleurs qui
trop fort herioient le royaume de France, li aucun
en l’ombre dou roy de Navare, et li aultre d’eulz
meismes, pour pillier et pour rober sus le royaume
30à nul title de raison. Si en desplaisoit grandement
au roy de France, car les complaintes en venoient
tous les jours à lui: si y veult pourveir de remède.
[136] Et y envoia son frère le duc de Bourgongne, et grant
fuison de bons chevaliers et escuiers en se compagnie.
Et fist li dis dus son mandement et son amas
de gens d’armes en le cité de Chartres. Si se partirent
5de là, quant tout furent assamblé, et se traisent par
devers Macheranville, un moult fort chastiel que li
Navarois tenoient. Et pour constraindre mieulz à
leur aise le dit chastiel, il en fisent mener et achariier
avoech eulz pluiseurs engiens de la cité de Chartres.
10Si estoient en le compagnie dou duch de Bourgongne
messires Bertrans de Claiekin, messires Boucicaus,
mareschaus de France, li contes d’Auçoirre, messires
Loeis de Chalon, li sires de Biaugeu, messires Aymenions
de Pumiers, li sires de Rainneval, li Beghes de
15Vellainnes, messires Nicoles de Ligne, mestre des
arbalestriers pour le temps, messires Oudars de
Renti, messires Engherans du Edins et pluiseur aultre
bon chevalier et escuier.
Si s’arroutèrent ces gens d’armes par devers Marcerainville,
20et estoient bien cinq mil combatans.
Quant il se veirent si grant fuison sus les camps,
si eurent conseil que il se departiroient en trois
pars, pour plus tost constraindre leurs ennemis:
desquèles pars messires Bertrans de Claiekin en prenderoit
25jusques à mil combatans et s’en iroit par deviers
Constentin et sus les marces de Chierebourch,
pour garder là les frontières que li Navarois ne
fesissent nul damage au pays de Normendie. Si se
departi li dis messires Bertrans de le route dou
30duch et enmena avoecques lui monsigneur Loeis de
Sanssoirre, le conte de Joni, monsigneur Ernoul
d’Audrehen et grant fuison de chevaliers et d’escuiers
[137] de Bretagne et de Normendie. L’autre charge
eut desous lui messires Jehans de le Rivière et se
departi ossi de le route dou duch, et en se compagnie
grant fuison de chevaliers et d’escuiers de
5France et de Pikardie. Et entrèrent cil en le conté
d’Evrues et s’en vinrent seoir devant un chastiel que
on dist d’Akegni. Et li dus de Bourgongne et la plus
grosse route s’en vinrent devant Macerenville; si le
assegièrent et environnèrent de tous poins. Et fisent
10tantost drecier et ass[eo]ir les engiens par devant,
qui jettoient nuit et jour à le forterèce et durement le
constraindoient.
§ [525]. Entrues que ces gens d’armes estoient ensi
en Biausse et en Normendie et que il guerrioient asprement
15et fortement les Navarois et les ennemis
dou royaume, estoit [sur les marches d’Auviergne, à
tout bien trois mille combatans[428]], messires Loeis de
Navare, frères mainnés au roy de Navare et ossi à
monsigneur Phelippe qui fu, car ja estoit il trespassés
20de ce siècle, liquels messires Loeis avoit encargiet
le fais de le guerre pour le roy son frère, et avoit
deffiiet le roy de France, pour tant que ceste guerre
touchoit au calenge de lor hiretage, si com enfourmés
estoit, et avoit rassamblés depuis le bataille de
25Koceriel, et rassambloit encores tous les jours, gens
d’armes, là où il les pooit avoir. Si avoit tant fait
par moiiens et par chapitains de Compagnes, dont
encores avoit grant fuison ens ou royaume de
France, que il avoit bien douze cens combatans en
[138] se route. Et estoient dalés lui messires Robers Canolles,
messires Robers Ceni, messires Robers Brikés
et Carsuelle. Et estoient ces gens d’armes, qui
tous les jours croissoient, logiet entre le rivière de
5Loire et le rivière d’Allier, et avoient courut une
grant partie dou pays de Bourbonnois environ Moulins
en Auvergne et Saint Pierre le Moustier et Saint
Poursain.
De ces gens d’armes que messires Loeis de Navare
10menoit, se parti une route de compagnons, environs
quatre cens, desquels Bernars de la Salle et
Hortingo estoient conduiseur, et passèrent le Loire
au dehors de Marcelli les Nonnains, et puis chevaucièrent
tant par nuit, car les jours il se tenoient ens
15ès bois sans yaus amoustrer, que sus un ajournement
il vinrent à la Charité sus Loire, une grosse
ville et bien fremée: si l’eschiellèrent sans nul estri
et se boutèrent dedens. Or aida adonc Diex trop
bien chiaus de le ville; car, se cil compagnon se
20fuissent hasté, il euissent pris et eu hommes et femmes
et moult grant pillage en la Charité; mès riens n’en
fisent: je vous dirai pourquoi. A ce lés par où il
entrèrent en le ville de le Charité, a une grande
place entre le porte et le ville, où nuls ne demeure.
25Si cuidièrent adonc li compagnon que les gens euissent
fait embusce en le ville et qu’il les attendesissent:
si n’osèrent aler avant jusques atant qu’il fu
grans jours. En ce terme se sauvèrent cil de la ville;
car, si tretos comme il sentirent leurs ennemis ensi
30venus, il enportèrent à effort leurs milleurs coses ens
ès batiaus qui estoient sus le rivière de Loire, et misent
femmes et enfans tout à loisir, et puis nagièrent
[139] à sauveté devers la cité de Nevers, qui siet à cinq
liewes de là. Quant il fu grans jours, li Navarois et
Englès et Gascon qui avoient eschiellé le ville, se
traisent avant et trouvèrent les maisons toutes vuides.
5Si eurent conseil que celle ville il tenroient et le
fortefieroient, car elle lor seroit trop bien seans pour
courir deçà et delà le Loire. Si envoiièrent tantost
noncier tout leur fait à monsigneur Loeis de Navare
qui se tenoit en le marce d’Auvergne, comment il
10avoient esploitié et qu’il tenoient le Charité sus Loire.
De ces nouvelles fu li dis messires Loeis tous joians,
et y envoia incontinent monsigneur Robert Briket
et Carsuelle, à bien trois cens armeures de fier. Cil
passèrent parmi le pays sans contredit, et entrèrent
15par le pont sus Loire en la Charité. Quant il se trouvèrent
ensamble, si furent plus fort, et commencièrent
à guerriier fortement et destroitement le dit
royaume, et couroient à leur aise et volenté par deçà
et delà le Loire, ne nulz ne leur aloit au devant, et
20toutdis leur croissoient gens. Or vous parlerons dou
duch de Bourgongne et dou siège de Macerenville.
§ [526]. Tant sist li dis dus devant Macerainville et
le constraindi et apressa, par assaus et par les engiens
qui jettoient nuit et jour, que cil qui dedens estoient
25se rendirent, salve leurs corps et leurs biens; si s’en
partirent, et tantost li dus en envoia prendre le saisine
et le possession par ses mareschaus, monsigneur
Boucicau et monsigneur Jehan de Viane, mareschal
de Bourgongne. Et delivra li dus le chastiel à un escuier
30de Biausse qui s’appelloit Phelippos de Chartres.
Cilz le prist en garde et quarante compagnons avoech
[140] li. Puis s’en parti li dus et toute li hos, et s’en vinrent
devant un aultre chastiel que on dist Chameroles.
Si le assegièrent ces gens d’armes tout environ,
car il siet en plain pays; et y fist on asseoir et drecier
5les engiens qui estoient amené de Chartres. Cil
engien estoient grant durement, et en y avoit quatre
qui moult constraindirent et travillièrent chiaus de
le forterèce.
Or vous parlerons ossi un petit de monsigneur
10Jehan de le Rivière qui tenoit siège devant Akegni,
assés priès de Passi, en le conté d’Evrues, et avoit en
se route bien deux mil combatans, car il estoit si
bien dou roy qu’il voloit: se li faisoit on ses finances
et ses delivrances à sa volenté. Ens ou chastiel
15d’Akegni avoit Englès, Normans, François et Navarois,
qui là estoient retrait puis la bataille de Coceriel. Et
se tinrent et deffendirent cil le chastiel moult bien,
et ne les pooit on mies bien avoir à sen aise, car il
estoient bien pourveu d’artillerie et de vivres: pour
20quoi il se tinrent plus longuement. Toutes fois finablement
il furent si mené et si apressé qu’il se rendirent,
salves leurs vies et leurs biens, et se partirent et se
retraisent dedens Cherebourch. Si prist messires Jehans
de la Rivière la saisine dou dit chastiel d’Akegni
25et le rafreschi de nouvelles gens, et puis se desloga et
parti et toutes ses hos, et se traisent par devant la
ville et la cité d’Evrues. Si estoient avoecques lui et
de se carge messires Hues de Chasteillon, li sires de
Kauni, messires Mahieus de Roie, li sires de Montsaut,
30li sires de Helli, li sires de Cresekes, li sires de Saintpi,
messires Oudars de Renti, messires Engherans du
Edins et pluiseur bon chevalier et escuier de France.
[141] Par dedens la cité d’Evrues estoient, pour le garder,
messires Guillaumes de Gauville et messires Legiers
d’Orgesi qui trop bien en songnièrent. Si avoient il
souvent l’assaut, mès il estoient si bien sus leur garde
5qu’il n’en faisoient compte.
§ [527]. Entrues que messires Jehans de le Rivière
et li dessus dit baron et chevalier de France seoient
devant la cité d’Evrues, li dus de Bourgongne apressa
si chiaus de Chamerolles qu’il ne peurent plus durer
10et se rendirent simplement en le volenté dou duch.
Si furent pris à merci tout li saudoiier estragnier,
mès aucun pillars de le nation de France qui là s’estoient
bouté furent tout mort. Là vinrent en l’ost li
bourgois de Chartres et priièrent au duch de Bourgongne
15qu’il leur volsist donner, pour le salaire de
leurs engiens, le chastiel de Chamerolles qui moult
les avoit heriiés et cuvriiés dou temps passé. Li dus
leur acorda et donna en don à faire ent leur volenté.
Tantost cil de Chartres misent ouvriers en oevre, et
20abatirent et rasèrent tout par terre le dit chastiel: onques
n’i laissièrent pierre sur aultre.
Adonc se desloga li dis dus et passa oultre, et s’en
vint devant un autre chastiel que on dist Drue, qui
siet ou plain de le Biausse, et le tenoient pillart. Si
25le conquisent li François par force, et furent tout
mort cil qui dedens estoient. Puis passèrent oultre et
s’en alèrent devant un aultre fort que on dist Preus:
si le assegièrent et environnèrent de tous costés, et y
livrèrent tamaint assaut, ançois que le peuissent
30avoir. Finablement, cil de Preus se rendirent, salve
leurs corps, mais aultre cose il n’en portèrent:
[142] encores couvint il demorer en le prison dou dit duch,
en sa volenté, tous chiaus qui François estoient. Si
fist li dus de Bourgongne par ses mareschaus prendre
le saisine dou chastiel de Preus, et puis le donna à
5un chevalier de Biausse que on appelloit messire
Pierre dou Bois Ruffin. Cilz le fist remparer et ordener
bien et à point, et le garda toutdis depuis bien et
souffissamment.
Apriès ces coses faites, li dus de Bourgongne et
10une partie de ses gens s’en vinrent rafrescir en le cité
de Chartres. Quant il eurent là esté cinq jours, il
s’en partirent et se traisent par devant le chastiel de
Couvai, et le assegièrent de tous poins. Ceste garnison
de Couvai avoit fait moult de destourbiers ens
15ou pays d’environ: pour tant se prendoit li dus de
Bourgongne plus priès comment il le peuist avoir, et
bien disoit qu’il ne s’en partiroit, si les aroit à sa
volenté, et avoit fait drecier par devant jusques à six
grans engiens qui jettoient ouniement à le forterèce
20et moult le travilloient. Quant cil de Couvai veirent
que il estoient si apressé, si commencièrent à trettier,
et se fuissent volentiers rendu, salve leurs corps et
leurs biens; mais li dus n’i voloit entendre, se il ne
se rendoient simplement: ce que il n’euissent jamais
25fait, car il savoient bien qu’il estoient tout mort
d’avantage.
Entrues que cil siège, ces prises, cil assaut et ces
chevaucies se faisoient en Biausse et en Normendie,
couroient d’autre part messires Loeis de Navare et
30ses gens en le Basse Auvergne et en Berri, et y tenoient
les camps, et y honnissoient et apovrissoient
durement le pays, ne nulz n’aloit au devant. Et ossi
[143] chil de le Charité faisoient autour d’yaus che qu’il
voloient; dont les complaintes en venoient tous
les jours au roy de France. D’autre part, li contes
de Montbliar avoecques aucuns alliiés d’Alemagne
5estoient entré en la ducé de Bourgongne par devers
Besençon, et y honnissoient ossi tout le pays: pour
quoi li rois de France eut conseil qu’il briseroit tous
ces sièges de Biausse et de Normendie, et envoieroit
le duch de Bourgongne son frère en son pays; car
10bien y besongnoit. Si le manda incontinent qu’il desfesist
son siège et se retraisist devers Paris, car il le
couvenoit aler d’autre part, et se li segnefia clerement
l’afaire ensi qu’il aloit.
Quant li dus oy ces nouvelles, si fu tous pensieus,
15tant pour son pays que on li ardoit, que
pour ce qu’il avoit parlé si avant dou siège de Couvai,
qu’il ne s’en partiroit si les aroit à sa volenté.
Si remoustra ce à son conseil, et trouva que, ou cas
que li rois le remandoit, qui là l’avoit envoiiet, il
20s’en pooit bien partir sans fourfet, mais on n’en
fist nul samblant à chiaus de Couvai. Si leur fu demandé
des mareschaus se il se voloient rendre simplement.
Ils respondirent que nennil, mès volentiers
se renderoient, salve leurs corps et leurs biens.
25Finablement, li dus vei que partir le couvenoit: si
les laissa passer parmi ce trettié, et rendirent le chastiel
de Couvai au dit duch, et s’en partirent, si com
chi dessus est dit. Si en prist li dus de Bourgongne
le saisine et le possession et puis le delivra à un escuier
30de Biausse qui s’appelloit Phelippes d’Arcies.
Chilz le rempara bien et biel et le repourvei et rafreschi
de tous bons compagnons.
[144] Ce fait, li dus de Bourgongne et ses gens d’armes
s’en revinrent à Chartres. Si recarga li dus le plus grant
partie de ses gens au conte d’Auçoirre et au mareschal
Boucicau et à monsigneur Loeis de Sansoirre. Si se
5parti et en mena avoecques lui monsigneur Loeis de
Chalon, le signeur de Biaugeu, monsigneur Jehan de
Viane et tous les Bourghignons. Et chevaucièrent
tant qu’il revinrent à Paris. Si passèrent oultre les
gens d’armes, sans point d’arrest, en alant devers
10Bourgongne. Mès li dus s’en vint devers le roy son
frère, qui se tenoit à Vaus la Contesse en Brie, et là
fu il un jour tant seulement dalés lui et puis s’en
parti. Si esploita tant qu’il vint à Troies en Campagne,
et puis passa oultre et prist le chemin de Lengres,
15et partout mandoit gens efforciement.
Et ja s’estoient cueilliet et pourveu li Bourghegnon
grandement et mis en frontière contre les ennemis.
Et là estoit li Archeprestres, sires de Chastielvillain, li
sires de Vregi, li sires de Grantsi, li sires de Sombrenon,
20li sires de Rougemont, et uns moult riches et haulz
genlilz homs qui s’appelloit Jehans de Bourgongne,
li sires d’Epoises, messires Hughes de Viane, li sires
de Trichastiel et proprement li evesques de Lengres.
Si furent encores li baron et li chevalier de Bourgongne
25moult resjoï, quant leurs sires fu venus. Si chevaucièrent
contre leurs ennemis, de quoi on disoit
bien que il estoient quinze cens lances, mais il n’osèrent
attendre, sitost que il sentirent la venue dou dit
duch et de ses gens. Si se retraisent arrière oultre le
30Rin; mais li Bourghegnon ne se faindirent mies d’entrer
en le conté de Montbliar et en ardirent une
grant partie.
[145] § [528]. Entrues que ceste chevaucie se fist en
Bourgongne, envoia li rois de France monsigneur
Moriel de Fiennes son connestable et ses deux mareschaus,
monsigneur Boucicau et monsigneur Mouton
5de Blainville, et grant fuison de chevaliers et escuiers,
par devant la Charité sus Loire, liquel y misent
le siège, si tost comme il y furent venu, et le assegièrent
d’un costé bien et fortement. Si aloient li
compagnon, pour leurs corps avancier, priès que tous
10les jours escarmucier à chiaus de dedens. Là y avoit
des apertises d’armes faites pluiseurs. Et y tinrent le
siège li dis connestables et li doi mareschal de France,
sans point partir jusques adonc que li dus de Bourgongne
et la plus grant partie de ses gens, qui avoient
15chevaucié avoecques lui en le conté de Montbliar,
furent tout revenu en France devers le roy et le trouvèrent
à Paris.
Sitost que li dus de Bourgongne fu là revenus, li
dis rois l’envoia à plus de mil lances devant la
20Charité. Ensi fu li sièges renforciés. Et se fist chiés
de toutes ces gens d’armes li dus de Bourgongne.
Et estoient bien li François à siège par devant la
Charité plus de trois mil lances, chevaliers et escuiers.
De quoi li pluiseur se aloient souvent enventurer
25et escarmucier à chiaus de le garnison. Si
en y avoit des navrés des uns et des aultres. Et là
furent fait chevalier et levèrent banière, à une sallie
que chil de le Charité fisent hors, messires Robers
d’Alençon, filz au conte d’Alençon qui demora à
30Creci, et messires Loeis d’Auçoirre, filz au conte
d’Auçoirre et frères au conte d’Auçoirre qui là estoit
presens. Si furent durement li compagnon de le
[146] Charité apressé, et se fuissent volentiers parti par
composition se il peuissent; mès li dus de Bourgongne
n’i voloit entendre, se il ne se rendoient simplement.
5En ce temps, estoit sus le marce d’Auvergne,
messires Loeis de Navare qui destruisoit et ardoit
ossi là à ce lés tout le pays, et assambloit et prioit
gens de tous costés pour venir secourir ses gens de
le Charité; car volentiers ewist levé le siège, et avoit
10bien deux mil combatans. Et avoit li dis messires
Loeis de Navare envoiiet en Bretagne devers monsigneur
Robert Canolle et monsigneur Gautier Huet
et monsigneur Mahieu de Gournay et aucuns chevaliers
et escuiers qui là estoient dalés le conte de
15Montfort, en priant que il se volsissent prendre priès
de lui venir servir, et que sans faute il iroit combatre
les François qui gisoient assés esparsement devant
la Charité. Chil chevalier d’Engleterre i desiroient
moult à aler; mès, en ce temps, seoit li dis
20contes de Montfort devant le fort chastiel d’Auroy
en Bretagne, que li rois Artus fist jadis fonder, et
avoit juré qu’il ne s’en partiroit si l’aroit pris et conquis
à sa volenté. Avoech tout ce, il entendoit que
messires Charles de Blois estoit en France et pourcachoit
25devers le roi de France à avoir gens d’armes
pour venir lever le siège et yaus combatre. Si ne
laissoit mies volentiers ces chevaliers et escuiers
d’Engleterre partir de lui, car il ne savoit quel besongne
il en aroit; mès en mandoit et en prioit tous les
30jours là où il en pensoit à avoir et à recouvrer, tant
en Engleterre comme en la ducé d’Aquitainne.
[147] § [529]. On voet bien dire et maintenir que cil qui
estoient en garnison en le Charité sus Loire, euissent
eu fort temps; car li dus de Bourgongne, qui tenoit
par devant toute la fleur de le chevalerie de France,
5les avoit ja durement apressés et tolut le rivière, que
nulles pourveances ne leur pooient venir. Si en estoient
li compagnon durement esbahi; car messires
Loeis de Navare, où leur esperance de reconfort
gisoit, estoit retrès et s’en raloit en Normendie devers
10Chierebourch, par l’ordenance et avis dou roy son
frère. Mès che que messires Charles de Blois estoit
pour le temps dalés le roy de Franche son cousin, et
li remoustroit pluiseurs voies de raison où li rois se
sentoit grandement tenus de lui aidier contre le conte
15de Montfort, et faire le voloit, si en chei trop bien à
chiaus de le Charité sus Loire; car, ensi que je vous
ay dit comment il estoient apressé, li rois de France,
pour deffaire ce siège, afin que messires Charles de
Blois euist plus de gens d’armes, manda au duch de
20Bourgongne son frère, que il presist chiaus de le
Charité en trettié et les laiast passer, parmi tant qu’il
rendesissent le forterèce et qu’il jurassent ossi solennelment
que, dedens trois ans, pour le fait dou roy
de Navare ne s’armeroient.
25Quant li dus vei le mandement dou roy son frère,
si fist remoustrer par ses mareschaus as chapitainnes
de le Charité, le trettié par où il pooient venir et
descendre à acord. Cil de le Charité, qui se veoient
en bien perilleus parti, y entendirent volentiers, et
30jurèrent solennelment à yaus non armer contre le
royaume de France, le terme de trois ans, pour le
fait dou roy de Navare. Parmi tant, on les laissa
[148] paisieulement partir; mais il n’enportèrent riens dou
leur, et s’en alèrent la plus grant partie tout à piet,
et passèrent parmi le royaume de France, sus le
conduit dou duc de Bourgongne. Ensi reconquisent
5li François le ville de la Charité sus Loire, et y revinrent
cil [et celles[429]] de le nation qui vuidié en estoient
et ailleurs alé demorer; et se deffist li sièges,
et retourna li dus de Bourgongne arrière en France,
et en remena tous ses Bourghegnons, dont il avoit
10grant plenté.
Or vous parlerons de monsigneur Charlon de
Blois, comment il persevera, et d’une grant assamblée
de gens d’armes qu’il mist sus et amena en Bretagne,
et de monsigneur Jehan de Montfort, comment
15il se pourvei ossi à l’encontre.
§ [530]. Li rois de France acorda à son cousin, monsigneur
Charle de Blois, que il euist de son royaume
jusques à mil lances, et escrisi à monsigneur Bertran
de Claiekin, qui estoit en Normendie, que il s’en
20alast en Bretagne pour aidier et conforter monsigneur
Charle de Blois contre monsigneur Jehan de Montfort.
De ces nouvelles fu li dis messires Bertrans
moult resjoïs, car il avoit toutdis tenu le dit monsigneur
Charle pour son naturel signeur. Si se parti
25de Normendie à tout che que il avoit de Bretons et
chevauça devers Tours en Tourainne pour aler en
Bretagne. Et messires Boucicaus, mareschaus de
France, s’en vint en Normendie en son lieu tenir le
frontière. Tant esploita li dis messires Bertrans et
[149] se route que il vint à Nantes en Bretagne, et là
trouva le dit monsigneur Charle et madame sa fame
qui le rechurent liement et doucement, et li sceurent
très grant gré de ce qu’il estoit ensi venus. Et
5eurent là parlement ensamble, comment il se maintenroient;
car ossi y estoient li grigneur partie des
barons de Bretagne, et avoient tout pourpos et affection
de aidier monsigneur Charle, et le tenoient
tout à duc et à signeur. Et pour venir lever le siège
10de devant Auroy et combatre monsigneur Jehan de
Montfort, ne demorèrent lons jours que grant baronnie
et chevalerie de France et de Normendie vinrent,
li contes d’Auçoirre, li contes de Joni, li sires de
Friauville, li sires de Prie, li Bèghes de Vellainnes et
15pluiseur bon chevalier et escuier, tout d’une sorte
et droite gens d’armes.
Ces nouvelles vinrent à monsigneur Jehan de Montfort
qui tenoit son siège devant Auroy, que messires
Charles de Blois faisoit grant amas de gens d’armes, et
20que grant fuison de signeurs de France li estoient venu
et venoient encores tous les jours, avoecques l’ayde
et confort qu’il avoit encores des barons, chevaliers et
escuiers de la ducé de Bretagne. Sitost que messires
Jehans de Montfort entendi ces nouvelles, il le segnefia
25fiablement en la ducé d’Aquitainne as chevaliers
et escuiers d’Engleterre qui là se tenoient, et
especialment à monsigneur Jehan Chandos, en lui
priant chierement que à che grant besoing il le volsist
venir conforter et consillier, et que il apparoit
30en Bretagne uns biaus fais d’armes, auquel tout signeur,
chevalier et escuier, pour leur honneur avanchier,
devoient volentiers entendre. Quant messires
[150] Jehans Chandos se vei priiés si affectueusement dou
conte de Montfort, si en parla à son signeur le prince
de Galles, à savoir que bon en estoit à faire. Li princes
li respondi qu’il y pooit bien aler sans nul fourfet;
5car ja faisoient li François partie contre le dit conte
en l’ocquison de monsigneur Charle de Blois, et qu’il
l’en donnoit bon congiet.
De ces nouvelles fu li dis messires Jehans Chandos
moult liés, et se pourvei bien et grandement et pria
10pluiseurs chevaliers et escuiers de la ducé d’Acquitainnes;
mès trop petit en alèrent avoecques lui, se il
n’estoient Englès. Toutesfois il enmena bien deux
cens lances et otant d’arciers, et chevauça tant parmi
Poito et Saintonge, qu’il entra en Bretagne et vint au
15siège devant Auroy. Et là trouva il le conte de Montfort
qui le recheut liement et grandement, et fu moult
resjoïs de sa venue: ossi furent proprement messires
Oliviers de Cliçon, messires Robers Canolles et li aultre
compagnon; et leur sambloit proprement et generaument
20que nulz maulz ne leur pooit avenir, puisqu’il
avoient monsigneur Jehan Chandos en leur compagnie.
Si passèrent le mer [hastivement[430]] d’Engleterre
en Bretagne pluiseur chevalier et escuier qui desiroient
leurs corps à avancier et yaus combattre as
25François, et vinrent par devant Auroy, en l’ayde dou
conte de Montfort, qui tout les rechut à grant joie.
Si estoient bien Englès et Breton, quant il furent
tout assamblé, seize cens combatans, chevaliers et
escuiers et gens d’armes, et environ huit cens ou
30neuf cens arciers.
[151] § [531]. Nous revenrons à monsigneur Charle de
Blois qui se tenoit en la bonne cité de Nantes et là
faisoit son amas et son mandement de chevaliers et
escuiers de toutes pars, là où il en pensoit à recouvrer
5par priière, car bien estoit enfourmés que li
contes de Montfort estoit durement fors et bien reconfortés
d’Englès. Si prioit les barons, les chevaliers
et les escuiers de Bretagne, dont il avoit
eus et recheus les hommages, que il li vosissent aidier
10à garder et à deffendre son hyretage contre ses
ennemis. Si vinrent des barons de Bretagne, pour lui
servir et à son mandement, li viscontes de Rohem, li
sires de Lyon, messires Charles de Dignant, li sires
de Rays, li sires de Rieus, li sires de Tournemine, li
15sires d’Ansenis, li sires de Malatrait, li sires de Kintin,
li sires d’Avaugor, li sires de Rocefort, li sires de
Gargoulé, li sires de Lohiac, li sires dou Pont et
moult d’aultres que je ne puis mies tous nommer. Si
se logièrent cil signeur et leurs gens en le cité de
20Nantes et ens ès villages d’environ. Quant il furent
tout assamblé, on les esma à vingt cinq cens lances
parmi chiaus qui estoient venu de France. Si ne veurent
point ces gens d’armes là faire trop lontain sejour,
mais consillièrent à monsigneur Charle de Blois
25de chevaucier par devers les ennemis.
Au departement et au congiet prendre, madame la
femme à monsigneur Charle de Blois dist à son mari,
present monsigneur Bertran de Claiekin et aucuns
barons de Bretagne: «Monsigneur, vous en alés deffendre
30et garder mon hiretage et le vostre, car ce qui
est mien est vostre, lequel messires Jehans de Montfort
nous empeece et a empeechiet un grant temps à
[152] tort et sans cause: ce set Dieus et li baron de Bretagne
qui chi sont comment j’en sui droite hiretière.
Si vous pri chierement que, sus nulle ordenance ne
composition ne trettié d’acort ne voeilliés descendre
5que li corps de la ducé ne nous demeure.» Et ses maris
li eut en couvent. Adonc se parti, et se partirent
tout li baron et li signeur qui là estoient, et prisent
congiet à leur dame qu’il tenoient pour duçoise. Si
se aroutèrent et acheminèrent ces gens d’armes et
10ces hos par devers Rennes et tant esploitièrent qu’il
y parvinrent. Si se logièrent dedens la cité de Rennes
et environ et s’i reposèrent et rafreschirent, pour
aprendre et mieulz entendre dou couvenant de leurs
ennemis.
15§ [532]. Entre Rennes et Auroy, là où messires Jehans
de Montfort seoit, à huit liewes de pays. Si
vinrent ces nouvelles au dit siège que messires Charles
de Blois approçoit durement et avoit la plus belle
gent d’armes, les mieulz ordenés et armés que on
20euist onques mès veus issir de France. De ces nouvelles
furent li plus des Englès qui là estoient, qui
desiroient à combatre, tout joiant. Si commencièrent
cil compagnon à mettre leurs armeures à point et à
refourbir leurs lances, leurs daghes, leurs haces, leurs
25plates, haubregons, hyaumes, bachinés, visières, espées
et toutes manières de harnas, car bien pensoient
qu’il en aroient mestier et qu’il se combateroient.
Adonc se traisent en conseil les chapitainnes
de l’host, li contes de Montfort premierement, messires
30Jehans Chandos, par lequel conseil en partie il
voloit user, messires Robers Canolles, messires
[153] Ustasses d’Aubrecicourt, messires Hues de Cavrelée,
messires Gautiers Hués, messires Mahieus de Gournay
et li aultre. Si regardèrent et considerèrent cil
baron et cil chevalier, par le conseil de l’un et de
5l’autre et par grant avis, qu’il se retrairoient au matin
hors de leurs logeis, et prenderoient terre et place
sus les camps, et là aviseroient de tous assens, pour
mieus avoir ent le cognissance. Si fu ensi nonciet et
segnefiiet parmi leur host que cescuns fust à l’endemain
10appareilliés et mis en arroi et en ordenance de
bataille, ensi que pour tantost combatre. Ceste nuit
passa: l’endemain vint, qui fu par un samedi, que li
Englès et Breton d’une sorte issirent hors de leurs
logeis et s’en vinrent moult faiticement et ordeneement
15ensus dou dit chastiel d’Auroy, et prisent place
et terre et distrent et affremèrent entre yaus que là
attenderoient il leurs ennemis.
Droitement ensi que entours heure de prime,
messires Charles de Blois et toute sen host vinrent,
20qui s’estoient parti le venredi apriès boire de la cité
de Rennes, et avoient celle nuit jëu à trois petites
liewes priès d’[Auroy]. Et estoient les gens à monsigneur
Charlon de Blois le mieus ordené et le plus
faiticement et mis en milleur couvenant que on
25peuist veoir ne deviser. Et chevauçoient si serré que
on ne peuist jetter un estuef que il ne cheist sus
pointe de glave, tant les portoient il proprement roides
et contremont. De yaus veoir et regarder proprement,
li Englès gens d’onneur y prendoient grant
30plaisance. Si se arrestèrent li François, sans yaus desroyer,
devant leurs ennemis, et prisent terre entre
grans bruières; et fu commandé de par leur mareschal
[154] que nulz n’alast avant sans commandement ne
fesist course, jouste ne empainte. Si se arrestèrent
toutes gens d’armes, et se misent en arroi et en bon
couvenant ensi que pour tantos combatre, car il
5n’esperoient aultre cose et en avoient grant desir.
§ [533]. Messires Charles de Blois, par le conseil
de monsigneur Bertran de Claiekin, qui estoit là uns
grans chiés et moult creus et alosés des barons de
Bretagne, ordonna ses batailles, et en fist trois et
10une arrière garde. Et me samble que messires Bertrans
eut le première, avoecques grant fuison de bons
chevaliers et escuiers de Bretagne. La seconde eurent
li contes d’Auçoirre et li contes de Joni, avoecques
grant fuison de bons chevaliers et escuiers de France.
15Et la tierce eut et la grigneur partie messires Charles
de Blois, et en sa compagnie pluiseurs haus barons de
Bretagne. Et estoient dalés lui li viscontes de Rohem,
li sires de Lyon, li sires d’Avaugor, messires Charles
de Dignant, li sires d’Ansenis, li sires de Malatrait et
20pluiseur aultre. En l’arrière garde estoient li sires de
Rais, li sires de Rieus, li sires de Tournemine, li sires
dou Pont et moult d’aultres bons chevaliers et escuiers,
et avoit en çascune de ces batailles bien mil
combatans. Là aloit messires Charles de Blois de bataille
25en bataille amonester et priier çascun moult
bellement et doucement, qu’il volsissent estre loyal
et preudomme et bon combatant; et retenoit sus
s’ame et sa part de paradys, que ce seroit sus son
bon et juste droit que on se combateroit. Là li
30avoient tout en couvent li un par l’autre que si bien
s’en acquitteroient qu’il leur en saroit gré. Or vous
[155] parlerons dou couvenant des Englès et des Bretons
de l’autre costé, et comment il ordonnèrent leurs
batailles.
§ [534]. Messires Jehans Chandos, qui estoit chapitains
5et souverains regars dessus yaus tous, quoique
li contes de Montfort en fust chiés, car li rois d’Engleterre
li avoit ensi escript et ossi mandé que souverainnement
et especialment il entendesist as besongnes
de son fil, que bien tenoit pour fil, car il
10avoit eu sa fille par cause de mariage, estoit devant
aucuns barons et chevaliers de Bretagne qui se tenoient
dalés monsigneur Jehan de Montfort, et avoit
bien imaginé et consideré le couvenant des François,
lequel en soi meismes il prisoit durement et ne s’en
15peut taire. Si dist: «Se Diex m’ayt, il appert hui
que toute fleur d’onneur et de chevalerie est par
delà, avoecques grant sens et bonne ordenance.» Et
puis dist tout en haut as chevaliers qui oïr le peurent:
«Signeur, il est heure que nous ordenons
20nos batailles, car nostre ennemi nous en donnent
exemple.» Cil qui l’oïrent, respondirent: «Sire,
vous dittes verité, et vos estes chi nos mestres
et nos consilliers: si en ordenés à vostre entente,
car dessus vous n’i ara point de regart, et si savés
25mieuls tous seuls comment tel cose se doit maintenir
que nous ne faisons entre nous aultres.»
Là fist li dis messires Jehans Chandos trois batailles
et une arrière garde, et mist en la première monsigneur
Robert Canolle, monsigneur Gautier Huet et monsigneur
30Richart Burlé; en la seconde, monsigneur
Olivier de Cliçon, monsigneur Eustasse de Aubrecicourt
[156] et monsigneur Mahieu de Gournay. La tierce
il ordonna au conte de Montfort, et demora dalés
lui; et avoit en çascune bataille cinq cens hommes
d’armes et trois cens arciers. Quant ce vint sus le
5arrière garde, il appella monsigneur Hue de Cavrelée
et li dist ensi: «Messire Hue, vous ferés l’arrière
garde et arés cinq cens combatans desous vous en
vo route, et vous tenrés sus èle, et ne vous mouverés
de vostre pas, pour cose qui aviegne, se vous ne veés
10le besongne que nos batailles branlent ou ouvrent par
aucune aventure; et là où vous les verés branler ou
ouvrir, vous vos trairés et les reconforterés et rafreschirés:
vous ne poés faire aujourd’ui milleur esploit.»
Quant messires Hues de Cavrelée entendi monsigneur
15Jehan Chandos, si fu tous honteus et moult courouciés.
Si dist: «Sire, sire, bailliés vostre arrière garde
à un aultre qu’à moy, car je ne m’en quier ja ensonniier.»
Et puis dist encores ensi: «Chiers sires, en
quel manière ne estat m’avés vous desveu que je ne
20soie ossi bien tailliés de moy combatre tout devant
et des premiers c’uns aultres?» Dont respondi messires
Jehans Chandos moult aviseement et dist ensi:
«Messire Hue, messire Hue, je ne vous establis mies
en l’arrière garde pour cose que vous ne soiiés uns
25des bons chevaliers de nostre compagnie. Et sçai
bien et de verité que très volentiers vous combateriés
des premiers; mais je vous y ordonne pour tant
que vous estes uns sages et avisés chevaliers, et se
couvient que li uns y soit et le face. Si vous pri chierement
30que vous le voelliés faire. Et je vous ai en
couvent que, se vous le faites, nous en vaurrons
mieulz, et vous meismes y acquerrés haulte honneur.
[157] Et plus avant je vous prommeth que toute la première
requeste dont vous me prierés je le feray et y
descenderai.»
Nientmains, pour toutes ces parolles, li dis messires
5Hues ne s’i voloit acorder et tenoit et affremoit
ce pour son grant blasme, et prioit pour Dieu et à
jointes mains que on y mesist un aultre, car briefment
il se voloit combatre tous des premiers. De ces
parolles et responses estoit messires Jehans Chandos
10si courouciés que priès sur le point de larmiier; si
dist encores moult doucement: «Messire Hue, ou il
fault que vous le faciés ou je le face. Or regardés lequel
il vault mieulz.» Adonc s’avisa li dis messires
Hues et fu à ceste darrainne parolle tous confus, si
15dist: «Certes, sire, je sçai bien que vous ne me
requeriés de nulle cose qui tournast à men deshonneur,
et je le ferai volentiers puisqu’ensi est.» Adonc
prist messires Hues de Cavrelée ceste bataille qui
s’appelloit arrière garde, et se trest sus les camps arrière
20des autres sus èle, et se mist en bonne ordenance.
§ [535]. Ensi, ce samedi, au matin, qui fu le huitime
jour dou mois de octembre l’an mil trois cens soissante
quatre, furent ces batailles ordenées les unes
25devant les aultres ens uns biaus plains, assés priès
d’Auroi en Bretagne. Si vous di que c’estoit moult
belle cose à veoir et à considerer, car on y veoit banières,
pennons parés et armoiiés de tous costés
moult richement. Et par especial li François estoient
30si souffissamment et si faiticement que c’estoit uns
grans deduis dou regarder.
[158] Or vous di que, entrues qu’il ordonnoient et avisoient
leurs batailles et leurs besongnes, li sires de
Biaumanoir, uns grans barons et riches de Bretagne,
aloit de l’un à l’autre, traittiant et pourparlant de la
5pais; car volentiers l’i euist veu, pour les perils eskiewer,
et s’en ensonnioit de bonne manière, et le
laissoient li Englès et li Breton de Montfort aler et
venir et parlementer à monsigneur Jehan Chandos
et au conte de Montfort, pour tant qu’il estoit, par
10foy fiancie, prisonniers par devers yaus, et ne se
pooit armer. Si mist ce dit samedi maint pourpos et
tamainte pareçon [avant[431]], pour venir à pais; mais nulle
ne s’en fist, et detria la besongne, toutdis alant de
l’un à l’autre, jusques à nonne; et par son sens il impetra
15des deux parties un certain respit pour le jour et
le nuit ensievant jusques à l’endemain à soleil levant.
Si se retraist çascuns en son logeis ce samedi, et se
aisièrent de ce qu’il eurent: il avoient assés de quoi.
Ce samedi au soir, issi li chastelains d’Auroi de sa
20garnison, pour tant que li respis couroit de toutes parties,
et s’en vint paisieulement en l’ost de monsigneur
Charle de Blois, son mestre, qui le rechut liement. [Si
appelloit on le dit escuier Henry de Sauternelle, appert
homme d’armes durement, et enmena[432]] en se compagnie
25quarante lanches de bons compagnons, tous
armés et bien montés, qui li avoient aidiet à garder
la forterèce. Quant messires Charles de Blois vei son
chastelain, se li demanda tout en riant de l’estat dou
chastiel. «En nom Dieu, dist li dis chastelains,
[159] monsigneur, Dieu merci, si sommes encores bien pourveu
pour le tenir deux mois ou trois, se il se besongne.»
—«Henri, Henri, respondi messires Charles, demain
dou jour serés vous delivrés de tous poins, ou par
5acort de pais ou par bataille.»—«Sire, ce dist li escuiers,
Diex y ait part!»—«Par ma foy, Henri, dist
messires Charles, qui reprist encores la parolle, par
la grasce de Dieu, j’ai en ma compagnie jusques à
vingt cinq cens hommes d’armes, de ossi bonne estoffe
10et [ossi[433]] appareilliés d’yaus acquitter, qu’il en
y ait nulz ou royaume de France.»—«Monsigneur,
respondi li escuiers, c’est uns grans avantages: si en
devés loer Dieu et regraciier grandement, et ossi
monsigneur Bertran de Claiekin et les barons de
15France et de Bretagne, qui vous sont venu servir si
courtoisement.»
Ensi se esbatoit de parolles li dis messires Charles
de Blois à ce Henri, et dont à l’un et puis à l’autre,
et passèrent ses gens celle nuitie moult aisiement.
20Ce soir fu priiés moult affectueusement messires
Jehans Chandos d’aucuns Englès, chevaliers et escuiers,
qu’il ne se vosist mies assentir à la pais de
leur signeur et de monsigneur Charle de Blois, car il
avoient tout aleuet et despendu: si estoient povre. Si
25voloient par bataille ou tout parperdre ou recouvrer.
Et messires Jehans Chandos leur eut en couvent.
§ [536]. Quant ce vint le dimence au matin, cescuns
en son host se apparilla, vesti et arma. Si dist on
pluiseurs messes en l’ost monsigneur Charle de Blois,
[160] et se acumenia qui acumeniier se veult. Et ossi fisent
il en tel manière en l’ost dou conte de Montfort. Un
petit apriès soleil levant, se retraist cescuns en se
bataille et en son arroi, ensi qu’il avoient esté le jour
5devant.
Assés tost apriès, revint li sires de Biaumanoir,
qui portoit les trettiés et qui volentiers les euist
acordés, se il peuist. Et s’en vint premiers, à chevauçant,
devers monsigneur Jehan Chandos, qui issi
10de se bataille si tretost comme il le vei, et laissa le
conte de Montfort dalés qui il estoit, et s’en vint sus
les camps parler à lui. Quant li sires de Biaumanoir
le vei, si le salua moult haultement et li dist: «Messire
Jehan, messire Jehan, je vous pri, pour Dieu,
15que nous mettons ces deux signeurs à acord; car ce
seroit trop grans pités, se tant de bonnes gens comme
il y a ci, se combatoient pour leurs oppinions aidier
à soustenir.»
Adonc respondi messires Jehans Chandos tout au
20contraire des parolles qu’il avoit mis avant le nuit
devant, et dist: «Sire de Biaumanoir, je vous pri,
ne chevauciés meshui plus avant; car nos gens dient
que, se il vous poeent enclore entre yaus, il vous
occiront. Avoech tout ce, dites à monsigneur Charle
25de Blois, que, [comment qu’il en aviengne[434]], messires
Jehans de Montfort se voet combatre et issir de
tous trettiés de pais et d’acort, et dist [ensi que
aujourd’ui[435]] il demorra dus de Bretagne par bataille, ou
il morra en le painne.» Quant li sires de Biaumanoir
[161] entendi monsigneur Jehan Chandos ensi parler, si
s’enfelleni et fu moult courouciés, et dist: «Chandos,
Chandos, ce n’est mies li intention de monsigneur
qu’il n’ait plus grant desir de combatre que messires
5Jehans de Montfort, et ossi ont toutes nos gens.» A
ces parolles il se parti, sans plus riens dire, et retourna
devers monsigneur Charle de Blois et les barons
de Bretagne qui l’attendoient.
D’autre part, messires Jehans Chandos se retraist
10devers le conte de Montfort qui li demanda: «Comment
va la besongne? que dist nostre adversaire?»—«Qu’il
dist? respondi messires Jehans Chandos.
Il vous mande par le signeur de Biaumanoir, qui
tantost se part de ci, qu’il se voet combatre, comment
15qu’il soit, et demorra dus de Bretagne,
ou il mourra en le painne.» Et tèle response fist
adonc messires Jehans Chandos pour encoragier,
plus encores qu’il ne fust, son dit signeur le conte
de Montfort. Et fu la fins de la parolle monsigneur
20Jehan Chandos qu’il dist: «Or regardés que vous en
volés faire, se vous vos volés combatre ou non.»—«Par
monsigneur saint Jorge, dist messires Jehans
de Montfort, oïl; et Diex voeille aidier le droit:
faites avant passer nos banières et nos arciers.» Et
25il si fisent.
Or vous dirai dou signeur de Biaumanoir qui
dist à monsigneur Charle de Blois: «Sire, sire, par
monsigneur saint Yve, je ay oy la plus grosse parolle
de monsigneur Jehan Chandos, que je oïsse,
30grant temps a; car il dist que li contes de Montfort
demorra dus de Bretagne et vous moustera aujourd’ui
que vous n’i avés nul droit.» De ceste parolle
[162] mua couleur messires Charles de Blois, et respondi:
«Dou droit soit hui en Dieu qui le scet, et ossi font
li baron de Bretagne.» Adonc fist il avant passer
banières et gens d’armes, ou nom de Dieu et de
5saint Yve.
§ [537]. Un petit devant heure de prime, se approcièrent
les batailles, de quoi ce fu très belle cose à
regarder, si com je l’oy dire chiaus qui y furent et qui
veu les avoient, car li François estoient ossi serré et
10ossi joint que on ne peuist mies jetter une pomme
que elle ne cheist sus un bachinet ou sus une lance.
Et portoit cescuns homs d’armes son glave droit devant
lui, retaillé à le mesure de cinq piés, et une hace
forte, dure et bien acerée, à courtes mances, à son
15costé ou sus son col. Et s’en venoient ensi tout bellement
le pas, cescuns sires en son arroi et entre ses
gens, et sa banière ou son pennon devant lui, avisés
de ce qu’il devoit faire. Et d’autre part ossi, li Englès
estoient très faiticement et très bien ordonné.
20Si se assamblèrent premierement la bataille monsigneur
Bertran de Claiekin et li Breton de son lés, à le
bataille monsigneur Robert Canolle et monsigneur
Gautier Huet. Et misent li signeur de Bretagne, cil
qui estoient d’un lés et de l’autre, les banières des
25deux signeurs qui s’appelloient dus, l’un contre l’autre,
et les aultres batailles se assamblèrent ensi par
grant ordenance l’un contre l’autre. Là eut de premiers
encontres grans bouteis et esteceis de lances et
fort estour et dur. Bien est verités que li arcier traiirent
30de commencement; mès leurs très ne greva
noient as François, car il estoient trop bien armet et
[163] fort, et ossi bien paveschiet contre le tret. Si jettèrent
cil arcier leurs ars jus, qui estoient fort compagnon,
able et legier, et se boutèrent entre les gens d’armes
de leur costé, [et puis s’en vinrent à ces Franchois qui
5portoient ces haces. Si se aherdirent à iaulx de grant
volenté[436]], et tollirent de commencement as pluiseurs
leurs haces, de quoi il se combatirent depuis bien et
faiticement. Là eut fait tamaintes grans apertises
d’armes, mainte luitte, mainte prise et mainte rescousse;
10et sachiés qui estoit cheus à terre, c’estoit
fort dou relever, se il n’estoit trop bien secourus.
La bataille monsigneur Charle de Blois s’adreça droitement
à le bataille monsigneur Jehan de Montfort,
qui estoit forte et espesse. En se compagnie et en se
15bataille estoient li viscontes de Rohem, li sires de
Lyon, messires Charles de Dignant, li sires de Kintin,
li sires d’Ansenis et li sires de Rocefort, et cescuns
sires se banière devant lui. Là eut, je vous di,
dure bataille, et grosse et bien combatue, et furent
20cil de Montfort de commencement durement rebouté.
Mès messires Hues de Cavrelée, qui estoit sus èle et
qui avoit une belle bataille et de bonnes gens, venoit
à cel endroit où il veoit ses gens branler, ouvrir ou
desclore, et les reboutoit et mettoit sus par force
25d’armes. Et ceste ordenance leur valli trop grandement;
car sitos qu’il avoit les foulés remis sus, et il
veoit une aultre bataille ouvrir ou branler, il se
traioit celle part et les reconfortoit par tèle manière
comme il est dit devant.
[164] § [538]. D’autre part, se combatoient messires Oliviers
de Cliçon, messires Eustasses d’Aubrecicourt,
messires Richars Burlé, messires Jehans Boursiers,
messires Mahieus de Gournay et pluiseur aultre bon
5chevalier et escuier, à le bataille dou conte d’Auçoirre
et dou conte de Joni, qui estoit moult grande
et moult grosse et moult bien estoffée de bonnes
gens d’armes. Là eut fait ossi mainte belle apertise
d’armes, mainte prise et mainte rescousse. Là se
10combatoient François et Bretons, d’un lés, moult vaillamment
et très hardiement des haces qu’il portoient
et qu’il tenoient.
Là fu messires Charles de Blois durement bons
chevaliers et qui vaillamment et hardiement se combati
15et assambla à ses ennemis de grant volenté.
Et ossi y fu bons chevaliers ses aversaires li contes
de Montfort: cescuns y entendoit ensi que pour li.
Là estoit li dessus dis messires Jehans Chandos, qui
y faisoit trop grant fuison d’armes; car il fu à son
20temps fors chevaliers et hardis durement et ressongniés
de ses ennemis, et en bataille sages et avisés et
plains de grant ordenance. Si consilloit le conte de
Montfort ce qu’il pooit et le adreçoit à entendre, à
reconforter ses gens et li disoit: «Faites ensi et ensi,
25et traiiés vous de ceste part et d’autre.» Li jones
contes de Montfort le creoit et ouvroit volentiers
par son conseil.
D’autre part, messires Bertrans de Claiekin, li sires
de Tournemine, li sires d’Avaugor, li sires de Rais,
30li sires de Rieus, li sires de Lohiac, li sires de Gargoulé,
li sires de Malatrait, li sires dou Pont et li
sires de Prie et tamaint bon chevalier et escuier de
[165] Bretagne et de Normendie, qui là estoient dou costé
monsigneur Charlon de Blois, se combatoient moult
vaillamment, et y fisent mainte belle apertise d’armes,
et tant se combatirent que toutes ces batailles
5se recueillièrent ensamble, excepté li arrière garde
des Englès, dont messires Hues de Cavrelée estoit
chiés et souverains. Ceste bataille se tenoit toutdis
sus èle, et ne s’ensonnioit d’autre cose fors de radrecier
et mettre en conroy les leurs qui branloient
10ou qui se desconfisoient.
Entre les autres chevaliers englès et bretons, messires
Oliviers de Cliçon y fu bien veus et avisés qu’il
y fist merveilles d’armes de son corps, et tenoit une
hace dont il ouvroit et rompoit ces presses, et ne
15l’osoit nuls approcier. Et se embati, tèle fois fu, si
avant qu’il fu en grant peril, et y eut moult à faire de
son corps en le bataille dou conte d’Auçoirre et dou
conte de Joni. Et trouva durement fort encontre sur
lui, tant que d’un cop d’une hace il fu ferus en travers,
20qui li abati le visière de son bacinet, et li entra
li pointe de le hace en l’ueil, et l’en eut depuis
crevet; mais pour ce ne demora mies que il ne fust
encores très bons chevaliers. Là se recouvroient batailles
et banières, qui une heure estoient tout au
25bas, et tantost par bien combatre se remettoient sus,
tant d’un lés comme de l’autre.
Entre les aultres chevaliers, fu messires Jehans Chandos
très bons chevaliers, et vaillamment s’i combati,
et tenoit une hace dont il donnoit les horions si grans
30que nulz ne l’osoit approcier; car il estoit grans chevaliers
et fors et bien fourmés de tous membres. Si
s’en vint combatre à le bataille le conte d’Auçoirre et
[166] des François, et là eut fait mainte belle apertise d’armes.
Et par force de bien combatre il rompirent et
reboutèrent ceste bataille bien avant, et le misent à
tel meschief que briefment elle fu desconfite, et toutes
5les banières et li pennon de ceste bataille jettés par
terre, rompus et deschirés, et li signeur mis et contourné
en grant meschief; car il n’estoient aidié ne
conforté de nul costé, mais estoient leurs gens tous
ensonniiés d’yaus deffendre et entendre au combatre.
10Au voir dire, quant une desconfiture vient, li desconfi
se desconfisent et esbahissent de trop peu, et
sus un cheu, il en chiet trois, et sus trois, dix, et sus
dix, trente, et pour dix, se il s’enfuient, il s’enfuient
cent. Ensi fu de ceste bataille d’Auroy. Là crioient et
15escrioient cil signeur et leurs gens qui estoient dalés
yaus, leurs ensengnes et leurs cris: de quoi li aucun
estoient oy et reconforté, et li aucun non, qui estoient
en trop grant presse ou trop en sus de leurs
gens. Toutesfois li contes d’Auçoirre, par force d’armes,
20fu durement navrés et pris desous le pennon
de monsigneur Jehan Chandos et fianciés prisons, et
li contes de Joni ossi, et occis li sires de [T]rie, uns
grans banerès de Normendie, et pluiseur bon chevalier
et escuier de Normendie.
25§ [539]. Encores se combatoient les aultres batailles
moult vaillamment, et se tenoient li Breton en bon
couvenant. Et toutesfois, à parler loyaument d’armes,
il ne tinrent mies si bien leur pas ne leur arroi, ensi
qu’il apparu, que fisent li Englès et li Breton dou
30costé le conte de Montfort, et trop grandement leur
valli ce jour celle bataille sus èle de monsigneur Hue
[167] de Cavrelée. Quant li Englès et li Breton de Montfort
veirent ouvrir et branler les François, si se confortèrent
entre yaus moult grandement, et eurent
tantost li pluiseur leur chevaus appareilliés; si montèrent
5et commencièrent à cacier fort et vistement.
Adonc se parti messires Jehans Chandos et une
grant route des siens, et s’en vinrent adrecier sus
le bataille monsigneur Bertran de Claiekin, où on
faisoit merveilles d’armes, mais elle estoit ja ouverte,
10et pluiseur chevalier et escuier mis en grant meschief.
Et encores le furent il plus, quant une grosse
route d’Englès et messires Jehans Chandos y sourvinrent.
Là eut donné tamaint pesant horion de ces
haces, et fendu et effondré tamaint bachinet, et maint
15homme navré et mort. Et ne peurent, au voir dire,
messires Bertrans ne li sien porter ce fais. Si fu là
pris li dis messires Bertrans de Claiekin d’un escuier
englès desous le pennon à monsigneur Jehan Chandos.
En celle presse, prist et fiança pour prisonnier li
20dis messires Jehans Chandos un baron de Bretagne
qui s’appelloit le signeur de Rays, hardi chevalier
durement.
Apriès ceste grosse bataille des Bretons rompue,
la ditte bataille fu ensi que desconfite. Et perdirent
25li aultre tout leur arroy, et se misent en fuite,
cescuns au mieulz qu’il peut, pour lui sauver,
excepté aucun bon chevalier et escuier de Bretagne,
qui ne voloient mies laissier leur signeur monsigneur
Charlon de Blois, mès avoient plus chier à morir que
30reprocie lor fust fuite. Si se recueillièrent et ralliièrent
autour de lui et se combatirent desous se banière
depuis moult vaillamment et très asprement, et
[168] là eut fait tamainte grant apertise d’armes. Et se tinrent
messires Charles de Blois et chil qui dalés lui
estoient, une espasse de temps, en yaus deffendant
et combatant; mès finablement il ne se peurent tant
5tenir qu’il ne fuissent ouvert et desroutet par force
d’armes, car la plus grant partie des Englès conversoient
celle part.
Là fu la banière à monsigneur Charle de Blois
conquise et jettée par terre, et cils ochis qui le
10portoit. Là fu occis en bon couvenant li dis messires
Charles de Blois, le viaire sus ses ennemis, et uns
siens filz bastars qui s’appelloit messires Jehans de
Blois, et pluiseur aultre chevalier et escuier de Bretagne.
Et me samble que il avoit ensi esté ordené
15et pourparlé en l’ost des Englès, au matin, que,
se on venoit au dessus de le bataille et que messires
Charles de Blois fust trouvés en le place, on ne le devoit
prendre à nulle raençon, mès occire. Et ensi, en
cas samblable, li François et li Breton avoient ordonné
20de monsigneur Jehan de Montfort, car en ce
jour il voloient avoir fin de guerre. Là eut, quant
ce vint à le cache et à le fuite, grant mortalité, grant
occision et grant desconfiture, et tamaint bon chevalier
et escuier pris et mis en grant meschief.
25Là fu toute la fleur de la bonne chevalerie de Bretagne
pour le temps et pour le journée morte ou prise,
car moult petit de gens d’onneur escapèrent, qui ne
fuissent mort ou pris. Et par especial des banerès de
Bretagne y demorèrent mort messires Charles de Dignant,
30li sires de Lyon, li sires d’Ansenis, li sires
d’Avaugor, li sires de Lohiac, li sires de Gargoulé, li
sires de Malatrait, li sires dou Pont et pluiseur aultre
[169] chevalier et escuier que je ne puis mies tous nommer;
et pris li viscontes de Rohem, messires Guis de
Lyon, li sires de Rocefort, li sires de Rays, li sires de
Rieus, li sires de Tournemine, messires Henris de
5Malatrait, messires Oliviers de Mauni, li sires de Riville,
li sires de Friauville, li sires d’Ainneval et pluiseur
aultre de Normendie, et pluiseur bon chevalier
et escuier de France avoecques le conte d’Auçoirre
et le conte de Joni.
10Briefment à parler, ceste desconfiture fu moult
grande et moult grosse, et grant fuison de bonnes
gens y eut mors, tant sus les camps comme en le
cache, car elle dura huit liewes dou pays, d’Auroy
jusques moult priès de Rennes. Si avinrent là en
15dedens tamaintes aventures, qui toutes ne vinrent
mies à congnissance. Et y eut aussi maint homme
mort et pris et recreu sus les camps, ensi que li aucun
escheoient en bonnes mains, et qu’il trouvoient
leurs mestres courtois. Ceste bataille fu assés priès
20d’Auroy en Bretagne, l’an de grasce Nostre Signeur
mil trois cens soissante quatre, le neuvime jour dou
mois de octembre.
§ [540]. Apriès la grande desconfiture, si com vous
avés oy, et la place toute delivrée, li chief des signeurs,
25Englès et Breton d’un lés, retournèrent et
n’entendirent plus au cachier, mès en laissièrent couvenir
leurs gens. Si se traisent d’un lés li contes de
Montfort, messires Jehans Chandos, messires Robers
Canolles, messires Eustasses d’Aubrecicourt, messires
30Mahieus de Gournay, messires Jehans Boursiers,
messires Gautiers Hués, messires Hues de Cavrelée,
[170] messires Richars Burlé, messires Richars Tanton et
pluiseur aultre. Et s’en vinrent ombriier dou lonch
d’une haie, et se commencièrent à desarmer, car il
veirent bien que la journée estoit pour yaus. Si misent
5li aucun leurs banières et leurs pennons à celle haie,
et les armes de Bretagne tout hault sus un buisson,
pour ralloiier leurs gens. Adonc se traisent messires
Jehans Chandos, messires Robers Canolles, messires
Hues de Cavrelée et aucun chevalier devers monsigneur
10Jehan de Montfort, et li disent tout en riant:
«Sires, loés Dieu et si faites bonne chière, car vous
avés hui conquis l’iretage de Bretagne.» Il les enclina
moult doucement, et puis parla que tout l’oïrent:
«Messire Jehan Chandos, ceste bonne aventure m’est
15hui avenue par le grant sens et proèce de vous, et
se le sçai je de verité, ossi le scèvent tout chil qui
chi sont: si vous pri, buvés à mon hanap.» Adonc
li tendi un flascon [plain[437]] de vin où il avoit beu, pour
lui rafreschir, et dist encores en lui donnant: «Avoecques
20Dieu, je vous en doi savoir plus de gré que à
tout le monde.» En ces parolles revint li sires de
Cliçon, tous escaufés et enflamés, et avoit moult longement
poursievis ses ennemis: à painnes s’en estoit
il peus partir, et ramenoient ses gens grant fuison de
25prisonniers. Si se retraist tantost par devers le conte
de Montfort et les chevaliers qui là estoient, et descendi
de son coursier; si s’en vint esventer et rafreschir
dalés yaus.
Entrues que li contes de Montfort et li chevalier
30estoient en cel estat, revinrent doi chevalier et doi
[171] hiraut qui avoient chercié les mors, pour savoir que
messires Charles de Blois estoit devenus, car il n’estoient
point certain se il estoit mors ou non. Si
disent ensi tout en hault: «Monsigneur, faites bonne
5chière, car nous avons veu vostre adversaire, messire
Charle de Blois, mort.» A ces parolles se leva li
contes de Montfort, et dist qu’il le voloit aler veoir
et que il avoit desir de le veoir otant bien mort que
vif. Si s’en alèrent avoecques lui li chevalier qui là
10estoient. Quant il furent venu jusques au liu où il gisoit,
tournés d’une part et acouvers d’une targe, il le fist
descouvrir, et puis le regarda moult piteusement, et
pensa une espasse, et puis dist: «Ha! monsigneur
Charle, monsigneur Charle, biaus cousins, com par
15vostre oppinion maintenir sont advenu en Bretagne
maint grant meschief! Se Diex m’ayt, il me desplaist
quant je vous trueve ensi, se estre peuist aultrement.»
Et lors commença à larmiier. Adonc le tira arrière
messires Jehans Chandos et li dist: «Sire, sire,
20partons de ci et regracions Dieu de le belle aventure
que vous avés, car sans le mort de cesti ne poiés
vous venir à l’iretage de Bretagne.» Adonc ordonna
li contes que messires Charles de Blois fust portés à
Ghingant, et il le fu incontinent, et là ensepelis
25moult reveramment, liquels corps de li saintefia par
le grasce de Dieu, et le appelle on saint Charle, et
le approuva et canonnisa papes Urbains Ves, qui regnoit
pour le temps, car il faisoit et fait encor en
Bretagne tous les jours maint grant et biel miracle.
30§ [541]. Apriès ceste ordenance, et que li mort furent
desvesti et que leurs gens furent retourné de le
[172] cache, il se retraisent devers leurs logeis dont au
matin il s’estoient parti. Si se desarmèrent et puis se
aisièrent de ce qu’il eurent, il avoient assés de quoi,
et entendirent à leurs prisonniers. Et fisent remuer
5et apparillier les navrés et les blechiés, et leurs gens
meismes qui estoient navret et blechiet fisent il
rappareillier et remettre à point.
Quant ce vint le lundi au matin, li contes de
Montfort fist à savoir, sus le pays, à chiaus de la cité
10de Rennes et des villes environ, qu’il donnoit et
acordoit triewes trois jours pour recueillier les mors
dessus les camps et ensepelir et mettre tous en sainte
terre: laquèle ordenance on tint à moult bonne. Si
se tint li contes de Montfort par devant le chastiel
15d’Auroy à siège et dist que point ne s’en partiroit si
l’aroit à sa volenté.
Ces nouvelles s’espardirent en pluiseurs lieus et en
pluiseurs pays, comment messires Jehans de Montfort,
par le conseil et confort des Englès, avoit obtenu
20le place contre monsigneur Charle de Blois, et
lui mort et desconfi, et mort et pris toute la fleur de
Bretagne qui faisoient partie contre lui. Si en avoit
messires Jehans Chandos grandement le grasce et le
renommée. Et disoient toutes manières de gens, chevaliers
25et escuiers, qui à le besongne avoient esté,
que par lui et par son sens et sa grant proèce avoient
li Englès et li Breton obtenu [la place[438]].
De ces nouvelles furent tout li amit et li confortant
à monsigneur Charle de Blois couroucié, ce fu
30bien raisons, et par especial li rois de France, car
[173] ceste desconfiture li touchoit grandement, pour tant
que pluiseur bon chevalier de son royaume avoient
là esté mort et pris, messires Bertrans de Claiekin
que moult amoit, li contes d’Auçoirre, li contes de
5Joni et tout li baron de Bretagne, sans nullui excepter.
Si envoia li dis rois Charles de France son frère
monsigneur Loeis, duc d’Angho, sus les marces de
Bretagne, pour reconforter le pays qui estoit moult
desolés pour l’amour de leur signeur monsigneur
10Charle de Blois que perdu avoient, et pour reconforter
ossi madame de Bretagne, femme au dit monsigneur
Charle de Blois, qui estoit si desolée et desconfortée
de la mort de son mari que riens n’i falloit.
A ce estoit li dis dus d’Ango bien tenus dou faire,
15quoique volentiers le fesist, car il avoit à espeuse la
fille dou dit monsigneur Charle et de la ditte dame.
Si prommetoit de grant volenté as bonnes villes,
chités et chastiaus de Bretagne et au demorant dou
pays, conseil, confort et ayde, en tous cas. En quoi
20la dame, que il clamoit mère, et li pays eurent une
espasse de temps grant fiance jusques adonc que li
rois de France et ses consaulz, pour tous perilz oster
et eschiewer, y misent attemprance, si com vous orés
recorder assés temprement.
25Si vinrent ossi ces nouvelles au dit roy d’Engleterre,
car li contes de Montfort l’en escrisi, au cinquime
jour que la bataille avoit esté devant Auroi,
en le ville de Douvres. Et en aporta lettres de creance
uns varlés poursievans armes qui avoit esté à le bataille,
30et lequel li rois d’Engleterre fist tantost hiraut,
par lequel hiraut et aucuns chevaliers d’un lés et de
l’autre qui furent à le bataille je fui enfourmés. Et
[174] la cause pour quoi li rois d’Engleterre estoit adonc
à Douvres, je le vous dirai.
§ [542]. Il est bien voirs que uns mariages entre
monsigneur Aymon, conte de Cantbruge, fil au dit
5roy d’Engleterre, et la fille dou conte Loeis de Flandres,
avoit esté trettiiés et pourparlés trois ans en
devant. Auquel mariage li contes de Flandres estoit
nouvellement assentis et acordés, mès que papes
Urbains Ves les vosist dispenser, car il estoient moult
10proçain de linage. Et en avoient esté li dus de Lancastre
et messires Aymenions ses frères et grant fuison
de barons et de chevaliers, en Flandres, devers le
dit conte Loeis qui les avoit recheus moult honourablement.
Et par plus grant conjonction de pais
15et d’amour, li dis contes de Flandres estoit venus
avoecques eulz à Calais et passa le mer et vint à
Douvres, où li dis rois et une partie de son conseil
l’avoit recheu. Et encores estoient il là, quant li dessus
dis varlés et messages en ce cas aporta les nouvelles
20de la besongne d’Auroy, ensi comme elle avoit
alé.
De laquèle avenue li rois d’Engleterre et tout li
baron qui là estoient furent moult resjoy, et ossi fu
li contes de Flandres, pour l’amour et honneur et
25avancement de son cousin germain le conte de Montfort.
Et donna li dis rois au dit varlet, qu’il fist hiraut,
si com dessus est dit, le nom de Windesore et moult
grant pourfit. Si furent li rois d’Engleterre, li contes
de Flandres et li signeur dessus nommé environ
30trois jours à Douvres, en festes et en esbatemens. Et
quant il eurent revelé et jeué et fait ce pour quoi il
[175] estoient là assamblé, li dis contes de Flandres prist
congiet au roy d’Engleterre et se parti. Si me samble
que li dus de Lancastre et messires Aymons rapassèrent
le mer à Calais avoecques le dit conte de Flandres
5et li tinrent toutdis compagnie jusques à tant
qu’il fu revenus à Bruges. Nous nos soufferons à parler
de ceste matère et parlerons dou conte de Montfort
et dirons comment il persevera en Bretagne.
§ [543]. Li contes de Montfort, si com ci dessus est
10dit, tint et mist le siège devant Auroy, et dist qu’il
ne s’en partiroit si l’aroit à se volenté. Cil dou
chastiel n’estoient bien aise, car il avoient perdu
leur chapitainne Henri de le Sauternèle, qui estoit
demorés à le besongne, et toute le fleur de leurs
15compagnons. Et ne se trouvoient laiens que un bien
petit de gens, et se ne leur apparoit nulz secours de
nul costé: si eurent conseil de yaus rendre et le
forterèce, salve leurs corps et leurs biens. Si trettiièrent
devers le dit conte de Montfort et son conseil
20sus l’estat dessus dit. Li dis contes, qui avoit en
pluiseurs lieus à entendre et point ne savoit encores
comment li pays se vorroit maintenir, les prist à
merci et laissa paisieulement partir chiaus qui partir
vorrent, et prist le saisine et possession de le forterèce
25et y mist gens de par lui.
Et puis chevauça oultre, et toute son host qui tous
les jours croissoit, car gens d’armes et arcier li venoient
d’Engleterre à effort; et ossi se tournoient
pluiseur chevalier et escuier de Bretagne devers lui,
30et par especial cil Breton bretonnant. Si s’en vinrent
devant le bonne ville de Jugon, qui se cloy contre lui
[176] et se tint trois jours, et le fist li dis contes de Montfort
assallir par deux assaus, et en y eut moult de
blechiés dedens et dehors. Cil de Jugon, qui se
veoient assalli et point de recouvrier ens ou pays ne
5savoient, n’eurent mies conseil d’yaus tenir trop longement
ne de faire herriier, et recogneurent le comte
de Montfort à signeur, et li ouvrirent leurs portes, et
li jurèrent foy et loyauté à tenir et à garder à tousjours
mès. Si remua li dis contes tous officiiers en
10le ville et mist nouviaus.
Et puis chemina devers le [bonne[439]] ville de Dignant.
Là mist il grant siège, et qui dura bien avant
en l’ivier; car la ville estoit bien garnie de grans
pourveances et de bonnes gens d’armes. Et ossi li
15dus d’Ango leur mandoit que il se tenissent ensi
que bonnes gens devoient faire, car il les conforteroit.
Ceste oppinion les fist tenir et endurer tamaint
grant assaut. Quant il veirent que leurs pourveances
amenrissoient et que nulz secours ne leur
20apparoit, il trettièrent de le pais devers le conte de
Montfort, liquelz y entendi volentiers et ne desiroit
aultre cose, mès que il le volsissent recognoistre à
signeur, ensi qu’il fisent. Et entra en la ditte ville de
Dignant à grant solennité, et li fisent tout feaulté et
25hommage.
Puis chevauça oultre et s’en vint à toutes ses
hoos devant le bonne cité de Camper Correntin: si
le assega de tous poins, et y fist amener et achariier
les grans engiens de Vennes et de Dignant, et dist et
30prommist qu’il ne s’en partiroit si l’aroit. Et vous di
[177] ensi que li Englès et li Breton de Montfort, messires
Jehans Chandos et li aultre, qui avoient en le bataille
d’Auroi pris grant fuison de bons prisonniers, chevaliers
et escuiers, n’en rançonnoient nesun ne ne
5mettoient à finance, pour tant qu’il ne voloient mies
qu’il se recueillassent ensamble et en fuissent de rechief
combatu; mais les envoioient en Poito et en
Saintonge, à Bourdiaus ou en le Rocelle, tenir prison,
et entrues conqueroient li dit Breton et Englès d’un
10costé le pays de Bretagne.
§ [544]. Entrues que li contes de Montfort seoit
devant le cité de Camper Correntin, et moult le abstraint
par assaus d’engiens qui nuit et jour y jettoient,
couroient ses gens tout le pays d’environ, et
15ne laissoient riens à prendre, se il n’estoit trop chaut
ou trop pesant. De ces avenues estoit li rois de France
bien enfourmés. Si eut sur ce pluiseurs consaulz,
pourpos et imaginations par pluiseurs fois à savoir
comment il poroit user des besongnes de Bretagne,
25car elles estoient en moult dur parti, et se n’i pooit
bonnement remediier, se il n’esmouvoit son royaume
et fesist de rechief guerre as Englès, pour le fait de
Bretagne, ce que on ne li consilloit mies à faire.
Et li fu dit en grant especialité et deliberation de
25conseil: «Très chiers sires, vous avés soustenu le
oppinion monsigneur Charle de Blois vostre cousin,
et ossi fist vostre signeur de père et li rois Phelippes
vostres taions qui li donna en mariage l’iretière [et la
duché[440]] de Bretagne, par lequel fait moult de grans
[178] maulz sont avenu en Bretagne et ens ès pays voisins.
Or est tant alé que messires Charles de Blois, vostres
cousins, en l’iretage gardant et deffendant, est mors;
et n’est nulz de son costet qui ceste guerre ne le
5droit de son calenge reliève, car ja sont en Engleterre
prisonnier, à qui moult il en touche et apertient,
si doi ainné fil, Jehans et Guis. Et si veons et oons
recorder tous les jours que messires Jehans de Montfort
prent et conquiert cités, villes et chastiaus, et
10les attribue dou tout à lui, ensi comme son lige hiretage.
Par ensi, poriés vous perdre vos drois et le
hommage de Bretagne qui est une moult grosse et
notable cose en vostre royaume et que vous devés
bien doubter à perdre; car, se li contes de Montfort
15le relevoit de vostre frère le roy d’Engleterre,
ensi que fist jadis ses pères, vous ne le porriés ravoir
sans grant guerre et hayne entre vous et le
roy d’Engleterre, où bonne pais est maintenant, que
nous ne vous consillons pas à brisier. Si vous consillons,
20et nous samble, tout consideré et imaginé,
chiers sires, que ce seroit bon que de envoiier certains
moiiens et sages trettieurs devers monsigneur
Jehan de Montfort, pour savoir comment il se voelt
maintenir, et de entamer matère de pais entre lui et
25le pays et la ditte dame qui s’en est appellée duçoise;
et sur ce que cil trettieur trouveront en lui et en son
conseil, vous arés avis. Au fort, mieulz vaurroit que
il demorast dus de Bretagne, afin que il le volsist
recognoistre de vous et vous en fesist toutes droitures,
30ensi que uns sires feaulz doit faire à son signeur,
que la cose fust en plus grant peril ne
variement.»
[179] A ces parolles entendi li dis rois de France volentiers,
et furent adonc avisé et ordonné en France
messires Jehans de Craan, archevesques de Rains, et
li sires de Craan ses cousins, et messires Bouchicaus,
5mareschaus de France, d’aler en ce voiage devant
Camper Correntin [parler et trettier au conte de Montfort
et à son conseil, sur l’estat que vous avés oy. Si
se partirent ces trois seigneurs dessus nommés du
roy de France, quant il furent avisé et informé de ce
10que il devoient faire et dire, et exploitièrent tant par
leurs journées qu’il vinrent au siège des Bretons et des
Englès devant Camper Corentin[441]], et se nommèrent
messagier au roy de France. Li contes de Montfort,
messires Jehans Chandos et cil de son conseil les
15reçurent liement. Si remoustrèrent chil signeur bien
et sagement ce pour quoi il estoient là envoiiet. A
ce premier trettié respondi li contes de Montfort
que il s’en consilleroit, et y assigna journée. Ce terme
pendant, vinrent cil troi signeur de France sejourner
20en le cité de Rennes.
Si envoya li contes de Montfort en Engleterre le
signeur Latimier, pour remoustrer au roy ces trettiés
et quel cose à faire il l’en consilleroit. Li rois
d’Engleterre, quant il en fu enfourmés, respondi tantos
25que il consilloit bien le conte de Montfort à faire
pais, mais que la ducé de Bretagne li demorast, et
ossi que il recompensast la ditte dame, qui duçoise
s’en estoit appellée, d’aucune cose, pour tenir son
estat bien et honnestement, et li assignast sa rente
30et revenue en certain lieu où elle le peuist avoir sans
[180] dangier. Li sires Latimiers raporta arrière, par escript,
tout le conseil et la response dou roy d’Engleterre
au conte de Montfort, qui se tenoit devant
Camper Correntin.
5Depuis ces lettres et ces responses veues et oyes,
messires Jehans de Montfort et ses consaulz envoiièrent
devers les messages dou roy de France, qui se
tenoient à Rennes. Cil vinrent en l’ost. Là leur fu la
response faite bien et courtoisement, et leur fu dit
10que ja messires Jehans de Montfort ne se partiroit
dou calenge de Bretagne, pour cose qui avenist, se il
ne demoroit dus, ensi qu’il s’en tenoit et appelloit;
mais là où li rois de France li feroit ouvrir paisieulement
cités, villes et chastiaus, et rendre fiés et
15hommages et toutes droitures, ensi que li duch de
Bretagne anciennement l’avoient tenu, il le recognisteroit
volentiers à signeur naturel et l’en feroit hommages
et tous services, present et oant les pers de
France, et encores, par cause de proïsmeté et de
20ayde, il aideroit et conforteroit de aucune recompensation
sa cousine, la femme à monsigneur Charlon
de Blois, et aideroit à delivrer ossi moult volentiers
ses cousins qui estoient prisonnier en Engleterre,
Jehan et Gui.
25Ces responses plaisirent bien à ces signeurs de
France qui là avoient estet envoiiet[442]; si prisent
jour et terme de le accepter ou non: on lor acorda
legierement. Tantost il envoiièrent devers le duch
d’Ango, qui estoit retrais à Angiers, et auquel li rois
30avoit remis toutes les ordenances dou faire ou dou
[181] laiier. Quant li dus d’Ango vei les trettiés, il se
consilia sus une grant espasse: lui bien consiliiet,
finablement il les accepta, et revinrent arrière doi
chevalier qui envoiiet avoient esté devers lui, et raportèrent
5la response dou dit duc d’Ango, par escript
et seelé. Si se departirent de le cité de Rennes li
dessus dit messagier au roy de France, et vinrent
devant Camper Correntin.
Là fu finablement la pais faite et acordée et
10seelée de monsigneur Jehan de Montfort. Et demora
adonc dus de Bretagne, parmi tant que, se il
n’avoit enfans de sa char par loyauté de mariage, la
terre apriès son dechiés devoit retourner as enfans
monsigneur Charle de Blois. Et demorroit la dame,
15femme qui fu à monsigneur Charle de Blois, contesse
de Pentèvre, laquèle terre pooit valoir par an
environ vingt mil frans, et tant li devoit on faire
valoir. Et devoit li dis messires Jehans de Montfort
venir en France, quant mandés y seroit, et faire
20hommage au roy de France et recognoistre la ducé
de lui. De tout ce prist on chartres et instrumens
[publiques[443]] et lettres grossées et seelées de l’une
partie et de l’autre. Et par ensi entra li contes de
Montfort en l’iretage de Bretagne, et en demora dus
25un temps, jusques adonc que aultres renouvelemens
de guerres revinrent, si com vous orés recorder
avant en l’istore.
§ [545]. Avoech toutes ces coses, parmi l’ordenance
de le pais, reut li sires de Cliçon toute sa terre
[182] entierement que li rois Phelippes jadis li avoit tolue et
ostée, et li rendi li rois Charles de France et encores
de l’autre assés. Cilz sires de Cliçon depuis s’acointa
dou roi de France que c’estoit fait en France tout
5ce qu’il voloit, et sans lui n’estoit riens fait. Si fu
tous li pays de Bretagne moult joieus, quant il se
trouvèrent en pais. Et prist li dis dus les fois et les
hommages des cités, des villes, des chastiaus et de
tous les prelas et les gentilz hommes. Assés tost apriès,
10se maria cilz dis dus à la fille de madame la princesse
de Galles que elle avoit eu de monsigneur Thumas
de Hollandes. Et en furent les noces faites en le
bonne cité de Nantes moult grandes et moult nobles.
Encores avint, en cest yvier, que la royne Jehane,
15ante dou dit roy de Navare, et la royne Blance, sa suer
germaine, pourcacièrent et esploitièrent tant que pais
fu faite et acordée entre le roy de France et le roy
de Navare, parmi l’ayde et le grant sens de monsigneur
le captal de Beus, qui y rendi grant cure et
20grant diligense, et parmi tant fu il quittes et delivrés
de sa prison. Et li moustra et fist de fait li rois de
France grant signe d’amour, et li donna le biel chastiel
de Nemouses et toutes les appendances de la chastelerie,
où bien apertiennent troi mil frans par an de
25revenue. Et en devint homs li dis captaus au roy de
France: douquel hommage li dis rois fu moult resjoïs,
car il amoit grandement le service d’un tel chevalier
comme li captaus estoit pour ce temps, mès il
ne le fu mies trop longement.
30Car quant il revint en le prinçauté devers le prince
de Galles, li princes, qui savoit et estoit enfourmés
de ceste ordenance, l’en blasma durement et dist qu’il
[183] ne se pooit acquitter loyaument à servir deus signeurs,
et qu’il estoit trop convoiteus, quant il avoit pris terre
en France où il n’estoit ne prisiés ne honnourés. Quant
li captaus se vei en ce parti et si dur recheus et appellés
5dou prince de Galles son naturel signeur, il se
virgonda et dist, en lui escusant, qu’il n’estoit mies
trop avant loiiés au roy de France et que bien pooit
deffaire tout ce que fait estoit. Si renvoia par un
sien chevalier son hommage au roy de France, et renonça
10à tout ce que donné li avoit. Et demora depuis
li dis captaus dalés le prince. Parmi le composition
et ordenance de le pais qui se fist entre le roy de
France et le roy de Navare, demorèrent au dit roy
de France Mantes et Meulent, et li rois li rendi aultres
15chastiaus en Normendie.
En ce temps, se parti de France messires Loeis de
Navare et passa oultre en Lombardie pour espouser
la royne de Naples. Mais à son departement il emprunta
au roy de France, sus aucuns chastiaus que il
20tenoit en Normendie, soissante mil florins, liquelz
messires Loeis, depuis qu’i[l] eut espousé la ditte
dame, ne vesqui point longement. Diex li pardoinst
tous ses pechiés, car il fu moult courtois chevaliers!
§ [546]. En ce temps, estoient les Compagnes si
25grandes en France que on n’en savoit que faire, car
les guerres du roy de Navare et de Bretagne estoient
fallies. Si avoient apris cil compagnon, qui poursievoient
les armes, à pillier et à vivre davantage sus le
plat pays. Si ne s’en pooient ne ossi ne voloient detenir
30ne astenir, et tous leurs recours estoit en
France. Et appelloient ces Compagnes le royaume
[184] de France leur cambre. Toutes fois, il n’osoient converser
en Acquitainnes, la terre dou prince, ne on
ne les y ewist mies souffers. Et ossi, au voir dire,
la plus grant partie des chapitainnes estoient gascon
5et englès et homme dou roy d’Engleterre ou dou
prinche. Aucuns Bretons y pooit bien avoir, mais
c’estoit petit. De quoi moult de gens ou royaume de
France murmuroient et parloient sus le partie dou
roy d’Engleterre et dou prince, et disoient couvertement
10qu’il ne se acquittoient mies bien envers le
roy de France, quant il n’aidoient à bouter hors ces
males gens dou dit royaume. Nequedent, il les avoient
plus chier ensus de eulz que dalés yaus. Si considerèrent
li sage homme dou royaume de France que,
15se on n’i mettoit remède et conseil, ou que on les
combatesist ou que on les envoiast hors par grant
mise d’argent, il destruiroient le noble royaume de
France et sainte crestienneté.
A ce donc avoit un roy en Hongherie qui les volsist
20bien avoir eus dalés lui, et les euist trop bien ensonniiés
contre les Turs à qui il guerioit et qui li portoeint
moult de damages. Si en escripsi devers le pape
Urbain cinquime, qui estoit pour le temps en Avignon,
qui volentiers en euist veu le delivrance dou royaume
25de France, et ossi devers le roy de France et devers
le prince de Galles. Si traitta on devers les chapitainnes,
et leur offri on grant argent et vivres et passage;
mès onques ne s’i veurent assentir. Et respondirent
que ja il n’iroient si lonch guerriier, car il fu
30là dit entre yaus d’aucuns compagnons qui cognissoient
le pays de Hongrie que il y avoit telz destrois
que, se il y estoient embatu, jamais n’en isteroient,
[185] et les y feroit on morir de male mort. Ceste cose les
effrea si que il n’i eurent talent d’aler.
§ [547]. Quant li papes [Urbains[444]] et li rois de France
veirent que il ne venroient point à leur entente de
5ces maleoites gens qui ne se voloient vuidier ne
partir dou royaume de France, mès y mouteplioient
tous les jours, si regardèrent et avisèrent une aultre
voie.
En ce temps, y avoit un roy en Castille qui s’appelloit
10dan Pières, de mervilleuses opinions plains,
et estoit durement rebelles à tous commandemens
et ordenances de l’Eglise, et voloit sousmettre tous
ses voisins crestiiens, especialment le roy d’Arragon
qui s’appelloit Pierre, liquelz estoit bons et [vrais[445]]
15catholikes, et li avoit tolut une grant partie de sa
terre, et encores se mettoit il en painne dou tollir
le demorant. Avoech tout ce, cilz rois dans Piètres
avoit trois frères bastars, enfans dou bon roy Alphons
son père et d’une dame qui s’appella la Riche Done.
20Li ainnés avoit à nom Henris, li secons dan Tille, et
li tiers Sanses. Cilz rois dans Piètres les haoit durement
et ne les pooit veoir dalés lui, et volentiers
par pluiseurs fois les euist mis à fin et decolés, se il
les euist tenus. Nekedent, il avoient esté moult amé
25dou roy leur père. Et avoit très son vivant donné li
rois Alphons à Henri l’ainnet le conté d’Esturges;
mès li rois dans Pières li avoit retolut, et tous jours
guerrioient ensamble. Cilz bastars Henris estoit et
[186] fu moult hardis et preus chevaliers, et avoit grant
temps conversé en France et poursievi les guerres et
servi le roy de France et le amoit durement. Cilz
rois dans Pières, si com famés couroit, avoit fait
5morir la mère de ces enfans moult diversement: de
quoi il lor en desplaisoit, c’estoit bien raisons. Avoech
tout ce, ossi [avoit[446]] fait morir et exilliet pluiseurs
haus barons dou royaume de Castille, et estoit si crueulz
et si plains d’erreur et de austerité que tout si homme
10le cremoient et ressongnoient et le haoient, se
moustrer li osaissent. Et avoit fait morir une très
bonne et sainte dame que il avoit eu à femme, madame
Blance de Bourbon, fille au duch Pière de
Bourbon et suer germainne à la royne de France et
15à la contesse de Savoie. De laquèle mort il desplaisoit
grandement à son linage, qui est uns des nobles
dou monde.
Encores couroit fames des gens ce roy dan Piètre
meismement que il s’estoit amiablement composés
20au roy de Grenade et au roy de Bellemarine et au
roy de Tramesainnes, qui estoient ennemi de Dieu et
incredule. Et se doubtoient ses gens que il ne fesist
aucuns griés et molestés à son pays et ne violast les
eglises, car ja leur tolloit il lor rentes et revenues et
25tenoit les prelas de son royaume en prison et les
constraindoit par manière de tirannisie. Dont les
plaintes grandes et grosses venoient tous les jours à
nostre saint père le pape, en suppliant que il y volsist
pourveir de remède: asquelz complaintes et
30priières papes Urbains descendi et envoia tantost ses
[187] messages en Castille devers ce roy dan Piètre, en lui
mandant et commandant qu’il venist tantost et sans
delay, en propre personne, en court de Romme,
pour lui laver et purgier des villains mesfais dont il
5estoit amis. Cilz rois dans Piètres, comme orguilleus
et presumptueus, ne daigna obeir, mès villena encores
grandement les messages dou Saint Père, dont
il enchei grandement en l’indignation de l’Eglise et
dou chief de l’Eglise nostre Saint Père le pape. Si
10persevera toutdis cils rois dans Piètres en son pechié.
Adonc fu regardé et avisé comment ne par quel
voie on le poroit batre ne corrigier, et fu dit qu’il
n’estoit mies dignes de porter nom de roy et de tenir
royaume. Et fu en plain concitore, en Avignon et en
15le cambre dou pape, escumeniiés publikement et reputés
pour bougre et incredule, et fu adonc avisé et
regardé que on le constrainderoit par ces Compagnes
qui se tenoient ou royaume de France. Si furent
mandé en Avignon li rois d’Arragon, qui durement
20haoit ce roi dan Piètre, et Henris li bastars d’Espagne.
Là fu de nostre Saint Père le pape legitimés
Henris à obtenir royaume, et maudis et condempnés
de bouche de pape li rois dan Piètres. Là
dist li rois d’Arragon que il ouveroit son royaume
25et liveroit passage, et aministeroit vivres et pourveances
pour toutes gens d’armes et leurs poursievans,
qui en Castille vorroient aler et entrer pour
confondre ce roy dan Pière et bouter hors de son
royaume.
30De ceste ordenance fu moult resjoïs li rois de
France, et mist painne et conseil à ce que messires
Bertrans de Claiekin, que messires Jehans Chandos
[188] tenoit [prisonnier[447]], fust mis à finance; il le fu
parmi cent mil frans qu’il paia: si en paiièrent une
partie li papes, li rois de France et Henris li Bastars.
Tantos apriès sa delivrance, on traitta devers les
5chapitainnes des Compagnes, et leur prommist on grant
pourfit à faire, mais que il volsissent aler en Castille.
Il s’i acordèrent legierement parmi grant argent qu’il
eurent pour departir entre yaus. Et fu adonc cilz
voiages segnefiiés, en le prinçauté, as chevaliers et as
10escuiers dou prince. Et par especial messires Jehans
Chandos en fu priiés que il volsist estre uns des chiés
avoech messire Be[r]tran de Claiekin; mès il s’escusa
et dist que point n’iroit. Pour ce, ne se demora mies
li voiages à faire; si y alèrent de le prinçauté et des
15chevaliers dou prince, messires Eustasses d’Aubrecicourt,
messires Hues de Cavrelée, messires Gautiers
Huet, messires Mahieus de Gournay, messires Perducas
de Labreth et pluiseur aultre. Si se fist tous
souverains chiés de ceste emprise messires Jehans de
20Bourbon, contes de le Marce, pour contrevengier la
mort de sa cousine germainne la royne d’Espagne, et
devoit user et ouvrer, ensi qu’il fist, par le conseil
de monsigneur Bertran de Claeikin; car li dis contes
de le Marce estoit adonc uns moult jones chevaliers.
25En ce voiage se mist ossi, en grant route, li sires de
Biaugeu qui s’appelloit Antones, et pluiseur aultre
bon chevalier, telz que messires Ernoulz d’Audrehen,
mareschaus de [France[448]], messires li Bèghes de
Vellainnes, messires li Bèghes de Villers, li sires
[189] d’Antoing en Haynau, messires Alars de Brifueil, messires
Jehans de Nuefville, messires Gauwains de Bailluel,
messires [Jehans[449]] de Bergettes, li Alemans de Saint
Venant et moult d’autres que je ne puis mies tous
5nommer. Et se approcièrent toutes ces gens d’armes
et avancièrent leur voiage, et se misent au chemin,
et fisent leur assamblée en le Languedok et à Montpellier
et là environ, et passèrent tout à Nerbonne
pour aler devers Parpegnant et pour entrer ens ou
10royaume d’Arragon. Si pooient ces gens d’armes
estre environ trente mil. Là estoient tout li chief des
Compagnes, c’est à savoir messires Robers Briket,
Jehan Carsuelle, Naudon de Bagherant, Lamit, le
Petit Meschin, le bourch Camus, le bourch de Lespare,
15le bourch de Bretueil, Batillier, Espiote, Aymenion
d’Ortige, Perrot de Savoie et moult d’autres,
tout d’un acort et d’une alliance, et en grant volenté
de bouter hors ce roy dan Piètre dou royaume de
Castille et mettre [y[450]] le conte d’Esturge son frère le
20bastart Henri. Et envoiièrent ces gens d’armes, quant
il deurent entrer en Arragon pour coulourer et embellir
leur fait, certains messages de par yaus devers
le roy dan Piètre, qui ja estoit enfourmés de ces gens
d’armes qui voloient venir sus lui ens ou royaume
25de Castille. Mais il n’en faisoit nul compte; ançois
assambloit ses gens pour resister contre yaus et combatre
bien et hardiement à l’entrée de son pays. Et
li mandèrent que il volsist ouvrir les pas et les destrois
de son royaume et aministrer vivres et pourveances
[190] as pelerins de Dieu qui avoient empris, et
par devotion, d’entrer et aler ens ou royaume de Grenade,
pour vengier la souffrance Nostre Signeur et
destruire les incredules et exaucier no foy. Li rois
5dan Piètres de ces nouvelles ne fist que rire, et respondi
qu’il n’en feroit riens ne que il n’obeiroit ja
à tel truandaille.
Quant ces gens d’armes et ces Compagnes seurent
sa response, si tinrent ce roy dan Piètre à moult orguilleus
10et presumptueus, et se hastèrent et avanchièrent
tantost de lui faire dou pis qu’il peurent.
Si passèrent tout parmi le royaume d’Arragon et le
trouvèrent ouvert et appareilliet et partout vivres et
pourveances à bon marchiet bien et largement; car
15li rois d’Arragon avoit grant joie de leur venue, pour
tant que ces gens d’armes li raquisent et reconquisent
tantost sus le roy de Castille toute la terre entierement
que li rois dans Piètres avoit de jadis conquis
et le tenoit sur lui de force. Et passèrent ces gens
20d’armes le grant rivière qui depart Castille et Arragon,
et entrèrent ou dit royaume d’Espagne. Quant
il eurent tout reconquis, villes, cités, destrois, chastiaus,
pors et passages que li rois dans Piètres avoit
attribués à lui dou royaume d’Arragon, le rendirent
25messires Bertrans et ses routes au roy d’Arragon,
parmi tant que il jura que de ce jour en avant il
aideroit et conforteroit en toutes manières Henri le
Bastart contre le roy dan Piètre.
Ces nouvelles vinrent au dit roy de Castille que
30François, Breton, Normant, Englès, Pikart et Bourghegnon
estoient entré ens son royaume et avoient
passé le grosse rivière qui depart Castille et Arragon,
[191] et avoient tout reconquis ce qui estoit par de delà
l’aigue où tant de painne avoit eu au conquerre. Si
fu durement courouciés, et dist que la cose ne demorroit
pas ensi. Si fist un très especial mandement
5et commandement par tout son royaume, en disant
et en segnefiant à tous ceulz asquelz ses lettres et si
message se adreçoient que il voloit tantost et sans
delay aler combatre ces gens d’armes qui estoient
entré en son pays et royaume de Castille. Trop peu
10de gens obeirent à ses commandemens; et quant il
cuida avoir une grant assamblée de ses hommes, il
n’eut nullui, mès le relenquirent et refusèrent tout li
baron et li chevalier d’Espagne, et se tournèrent
devers son frère le bastart Henri, et le couvint fuir:
15autrement il euist esté pris à mains, tant estoit il fort
hays de ses hommes; ne nulz ne demora en ce temps
dalés lui, fors uns loyaus chevaliers qui s’appelloit
Ferrans de Chastres. Cilz ne le volt onques relenquir,
pour cose qui avenist. Et s’en vint li rois dans Piètres
20en Seville, la milleur cité d’Espagne. Quant il y fu
venus, il ne se senti mies trop à segur, mès fist tourser
et mettre en nef et en grans calant son tresor,
sa femme et ses enfans, et se parti de Seville, Ferrant
de Castres avoecques lui. Si arriva li rois dan
25Piètres, à privée mesnie et comme uns homs desbaretés
et desconfis, en Galisse, à un port c’on dist le
Calongne, où il y a un fort chastiel durement. Si
se boutèrent là dedens li rois dans Piètres, sa
femme et deus filles qu’il avoit, jones damoiselles,
30Constanses et Ysabiel. Et n’avoit de tous ses hommes
ne de tout son conseil, fors seulement le dessus
dit chevalier dan Ferrant de Castres. Or vous
[192] dirons de Henri le Bastart, son frère, comment il
persevera.
§ [548]. Ensi que j’ai ja dit devant, cilz rois dan
Piètres estoit si hays de ses hommes par tout le
5royaume de Castille, de chief en cor, pour les grandes
et mervilleuses justices qu’il avoit faites et le occision
et destruction des nobles de son royaume qu’il avoit
mis à fin et occis de sa main que, si tretos que conte,
baron, chevalier et noble dou dit royaume veirent
10Henri, son frère le bastart, entrer en Castille à si grant
poissance, il se traisent tout par devers lui, et le rechurent
à signeur. Et chevaucièrent partout avoecques
lui, et fisent ouvrir cités, bours, villes et chastiauz,
et toutes manières de gens faire hommage. Et
15crioient d’une vois li Espagnol une heure: «Vive
Henris, et muire dans Piètres qui nous a esté si
crueulz et si hausters!» Ensi menèrent tout parmi
le royaume de Castille, c’est à savoir messires Gommès
Garilz, li grans mestres de Calletrave et li mestres
20de Saint Jakeme, le dit Bastart, et fisent toutes
gens obeir à lui, et le couronnèrent à roy en le cité
d’Esturges. Et li fisent tout prelat, conte, baron et
chevalier, reverense comme à roy, et li jurèrent
qu’il le tenroient à tous jours mès, serviroient et
25obeiroient pour leur signeur et leur roy, et en cel
estat, [se besoings estoit[451],] il morroient.
Si chevauça li dis Henris de cité en cité et de ville
en ville, et partout li fist on reverense et recueilloite
de roy. Si donna li dis rois Henris as chevaliers
[193] estragniers, qui remis ens ou royaume de Castille l’avoient,
grans [dons[452]] et riches jeuiaus, tant et si largement
que tout le recommandoient pour large et
honnourable signeur. Et [disoient communement
5Franchois, Normans et Bretons, que en lui avoit noble
et vaillant signeur[453]], et qu’il estoit dignes de vivre et
de tenir terre et regneroit encores poissamment et
en grant prosperité. Ensi se vei li Bastars d’Espagne
en le signourie dou royaume de Castille, et fist ses
10deus frères, dan Tille et Sanse, cescun conte, et leur
donna grant revenue et grant pourfit. Si demora rois
de Castille, de Galisse et de Seville, de Toulette et
de Luzebonne jusques adonc que li poissance dou
prince de Galles et d’Aquitainnes l’en mist hors et
15remist le roy dan Piètre, son frère, de rechief en le
possession et signourie des royaumes dessus dis, si
com vous orés recorder avant en l’istore.
§ [549]. Quant li rois Henris se vei en cel estat et
ensi au dessus de toutes ses besongnes et que toutes
20gens, frans et villains, en Castille obeissoient à lui et
le tenoient et appelloient leur signeur et leur roy, et
encor n’estoit apparant de nul contraire que on li
volsist debatre, si ymagina et jetta son avis, pour son
25nom exaucier et pour emploiier ces gens de Compagnes
voiage sus le roy de Grenade. Si en parla à pluiseurs
chevaliers qui là estoient et en furent bien d’acort.
Encores retenoit toutdis dalés lui li dis rois Henris
[194] les chevaliers dou prince, messires Eustasses d’Aubrecicourt,
messires Hues de Cavrelée et les autres, et
[leur[454]] faisoit et moustroit grant samblant d’amour,
en istance de ce qu’il en voloit estre aidiés et servis
5ens ou voiage de Grenade où il esperoit à aler. Assés
tost apriès son couronnement, se departirent de lui
et prisent congiet li plus grant partie des chevaliers
de France, et lor fist grant pourfit au partir. Et
retournèrent li contes de le Marce, messires Ernoulz
10d’Audrehen, li sires de Biaugeu et pluiseur aultre.
Et encores demorèrent en Castille, dalés le dit roy
Henri, messires Bertrans de Claiekin, messires Oliviers
de Mauni et li Breton et ossi les Compagnes,
jusques adonc que aultres nouvelles lor vinrent. Et
15fu messires Bertrans de Claiekin connestables de tout
le royaume de Castille, par l’acort dou roy Henri
premierement et de tous les barons dou pays. Or vous
parlerons dou roy dan Piètre comment il s’estoit
maintenus.
20Vous avés bien oy recorder comment il s’estoit
boutés ens ou chastiel de le Calongne sus mer, sa
femme o lui et ses deus filles et dan Ferrant de Castres
tant seulement, siques, entrues que li Bastars ses
frères par le poissance des gens d’armes qu’il avoit
25attrais hors de France, conqueroit Castille, et que
tous li pays se rendoit à lui, si com chi dessus est
dit, il avoit esté durement effraés, et ne s’estoit mies
dou tout assegurés ou dit chastiel de le Calongne,
car il doubtoit trop malement son frère le Bastart, et
30bien sentoit que là où on le saroit, on le venroit
[195] querre de force et assegier. Si n’avoit mies attendu
ce peril, mès estoit partis de nuit et mis ens une nef,
sa femme o lui et ses deux filles et dan Ferrant de
Castres et tout ce qu’il avoit d’or et d’argent et de
5jeuiaus. Mès il eurent le vent si contraire que onques
il ne peurent adonc eslongier le Calongne; et les y
couvint retourner et rentrer de rechief en le forterèce.
Adonc demanda conseil li rois dans Piètres à
dant Ferrant de Castres, son chevalier, comment il se
10maintenroit, et en lui complaindant de fortune qui
li estoit si contraire. «Monsigneur, dist li chevaliers,
ançois que vous partés de chi, ce seroit bon que
vous envoiissiés deviers vostre cousin le prince de
Galles à savoir se il vous vorroit recueillier, et que,
15pour Dieu et par pité, il volsist entendre à vous; car
en aucunes manières il y est tenus pour grans alliances
que li rois ses pères et li vostres eurent de jadis
ensamble. Li princes de Galles est bien si nobles et
si gentilz de sanch et de corage que, quant il sera
20enfourmés de vos anois et tribulations, il y prendera
grant compation. Et se il vous voloit aidier et remettre
en vostre royaume, il n’est aujourd’ui sires qui le
peuist faire avant lui, tant est cremus et redoubtés
par tout le monde et amés de toutes gens d’armes.
25Et vous estes encores chi bien et en bonne forterèce
pour vous tenir un temps, tant que nouvelles vous
seront retournées d’Aquitainnes.»
A ce conseil s’acorda legierement li rois dans Piètres,
et furent lettres escriptes moult piteuses et
30moult amiables, et uns chevaliers et doi escuier priiet
de faire ce voiage. Cil l’emprisent volentiers et se
boutèrent en un lin en mer et arrivèrent à Baione,
[196] une cité qui se tient dou roy d’Engleterre. Si demandèrent
dou prince. On leur dist qu’il estoit à Bourdiaus.
Il montèrent as chevaus et fisent tant par leur
esploit qu’il vinrent en le cité de Bourdiaus et descendirent
5à hostel, et puis assés tost il se traisent
par devers l’abbeye de Saint Andrieu où li princes se
tenoit. Si disent as chevaliers qu’il trouvèrent en le
place, qu’il estoient Espagnol et messagier au roy
dan Piètre de Castille.
10Ces nouvelles vinrent tantost au prince; si les veult
veoir et savoir quel cose il demandoient. Cil s’en
vinrent par devant lui, et se jettèrent en genoulz et
le saluèrent à leur usage, et recommendèrent le roy
leur signeur son cousin à lui, et li baillièrent leurs
15lettres. Li princes fist lever les dis messages, et prist
les lettres et les ouvri, et puis les lisi par deus fois à
grant loisir, et regarda comment piteusement li rois
dans Piètres avoit escript à lui et li segnefioit ses
durtés et ses povretés, et comment ses frères li Bastars,
20par le poissance des grans alliances qu’il avoit
faites au pape premierement, au roy de France, au
roy d’Arragon et as Compagnes, l’avoit bouté hors
de son hiretage, le royaume de Castille. Se li prioit,
pour Dieu et par pité, que il i volsist entendre et
25pourveir de conseil et de remède: si feroit bien et
aumosne, et en acquerroit grasce à Dieu et loenge à
tout le monde; car ce n’est mies drois d’un roy
crestiien deshireter et ahireter par poissance et tyrannidie
un bastart. Li princes, qui estoit vaillans chevaliers
30et sages durement, cloy les lettres en ses
mains, et puis dist as messages qui là estoient en
present: «Vous nous estes li bien venus de par
[197] nostre cousin le roy de Castille: vous demorrés ci
dalés nous, et ne vous partirés point sans response.»
Adonc furent tantost apparilliet li chevalier dou
prince, qui trop bien savoient quel cose il devoient
5faire, et emmenèrent le chevalier espagnol et les
deus escuiers, et les tinrent tout aise.
Li princes, qui estoit demorés en sa cambre et
qui busioit grandement sus ces nouvelles et sus
les lettres que li rois dans Piètres li avoit envoiies,
10manda tantost monsigneur Jehan Chandos
et monsigneur Thumas de Felleton, les deus plus especiaulz
de son conseil, car li uns estoit grans seneschaus
d’Aquitainnes et li aultres connestables. Quant
il furent venu par devant lui, si leur dist tout en riant:
15«Signeur, veci grans nouvelles qui nous viennent
d’Espagne: li rois dans Pières nos cousins se complaint
grandement dou bastart Henri son frère, qui
li tolt de fait son hiretage et l’en a bouté hors et
escaciet, ensi que vous avés bien oy recorder par ceulz
20qui en sont revenu. Si nous prie moult doucement
sur ce de confort et d’ayde, ensi comme il appert par
ses lettres.» Adonc de rechief leur lisi li dis princes
les dittes lettres par deus fois de mot à mot, et li chevalier
volentiers y entendirent. Quant il lor eut leu,
25si dist ensi: «Vous, messire Jehan, et vous, messire
Thumas, vous estes li plus especial de mon conseil
et cil où le plus je m’affie et arreste: si vous pri que
vous m’en voeilliés consillier quel cose en est bonne
à faire.» Adonc regardèrent li doi chevalier l’un
30l’autre, sans riens parler. Et li princes de rechief les
appella et dist: «Dittes, dittes hardiement ce qu’il
vous en samble.»
[198] Là fu li dis princes de Galles consilliés de ces
deus chevaliers, si com je fui depuis enfourmés,
que il volsist envoiier, devers ce roy dan Piètre de
Castille, gens d’armes jusques à le Calongne où il
5se tenoit, si com ses lettres et si message disoient,
et fust amenés avant jusques à Bourdiaus, pour
savoir plus plainnement quel cose il voloit dire,
et adonc sus ses parolles il aroient avis et seroit si
bien consilliés que par raison il li deveroit souffire.
10Ceste response plaisi bien au prince. Si en furent
priiet et ordonné de par le prince, d’aler en ce voiage
et querre à le Calongne en Galisse le roy dan Piètre
et son remanant: premierement messires Thumas
de Felleton souverain et chief de [ceste emprise[455]] et
15armée, messires Richars de Pontchardon, messires
Neelz Lorinch, messires Symons Burlé et messires
Guillaumes Toursiaus; et devoit avoir en ceste armée
douze nés cargies d’arciers et de gens d’armes. Si
fisent cil chevalier dessus nommé leur pourveance
20et leur ordenance, tout ensi que pour aler en Galisse,
et se partirent de Bourdiaus et dou prince, les messagiers
dou roy dan Piètre en [leur[456]] compagnie, et
chevaucièrent devers Bayone, et tant fisent qu’il y
parvinrent. Si sejournèrent là quatre jours, en attendant
25vent, et cargant leurs vaissiaus et ordonnant
leurs besongnes.
Au cinquime jour, ensi comme il devoient partir,
li rois dans Piètres de Castille arriva à Bayone, et
estoit partis de le Calongne en grant cremeur, et
[199] n’i avoit osé [plus[457]] demorer, son remanant avoecques
lui, qui n’estoit mie grans, et une partie de
son tresor, ce qu’il en avoit pout amener. Si furent
les nouvelles de sa venue moult grandes entre les
5Englès. Et se traisent tantost messires Thumas de
Felleton et li chevalier devers lui, et le recueillièrent
moult doucement, et li comptèrent et moustrèrent
comment il estoient apparilliet et esmeu, par le commandement
de leur signeur le prince, de lui aler
10querre jusques à le Calongne ou ailleurs, se il besongnoit.
De ces nouvelles fu li rois dans Piètres
moult joieus, et en remerchia grandement monsigneur
le prince et les chevaliers qui là estoient.
§ [550]. La venue dou roy dan Piètre qui estoit
15arrivés à Bayone segnefiièrent messires Thumas de
Felleton et li aultre au prince qui en fu tous resjoïs.
Depuis ne sejournèrent gaires de temps li dessus dit
chevalier dou prince en le cité de Bayone, et amenèrent
le roy dan Piètre de Castille par devers le cité
20de Bourdiaus, et esploitièrent tant qu’il y vinrent.
Mais li princes, qui moult desiroit à veoir ce roy dan
Piètre son cousin, et pour lui plus honnourer et
mieulz festiier, vuida hors de Bourdiaus, bien acompagniés
de chevaliers et d’escuiers, et vint contre le
25dit roy, et li fist grant reverense. Quant il l’encontra,
[il[458]] l’onnera de fait et de parolles moult grandement,
car bien le savoit faire, nulz princes à son
temps mieulz de lui. Et quant il se furent recueilliet
[200] et conjoy, ensi comme il apertenoit, il chevaucièrent
vers Bourdiaus. Et mist li dis princes le roy dan
Piètre au dessus de lui, ne onques ne le volt faire
ne consentir aultrement.
5Là, en chevauçant, remoustroit li rois dans Piètres
au prince, envers qui moult il se humilioit, ses povretés,
et comment ses frères li Bastars l’avoit boutet
et escachiet hors de son royaume de Castille, et se
complaindoit ossi grandement de le desloyauté de
10ses hommes, car tout l’avoient relenqui, excepté
uns chevaliers qui là estoit, qu’il li ensignoit, qui
s’appelloit dan Ferrant de Castres. Li princes moult
sagement et courtoisement le reconfortoit, et li prioit
que il ne se volsist mies trop esbahir ne desconforter;
15car, se il avoit perdu, il estoit bien en le poissance
de Dieu de lui rendre toute sa perte et plus avant,
et avoir vengance de ses ennemis.
Ensi en parlant pluiseurs parolles unes et aultres,
chevaucièrent il jusques à Bourdiaus, et descendirent
20en l’abbeye de Saint Andrieu, l’ostel dou
prince et de la princesse. Et fu li rois dans Piètres
menés en une cambre qui estoit ordonnée pour lui.
Et quant il fu appareilliés, ensi que à lui apertenoit, il
vint devers la princesse et les dames qui le rechurent
25bellement et courtoisement, ensi que bien le savoient
faire. Je vous poroie ceste matère trop demener de
leurs festes et leurs conjoïssemens; si m’en passerai
briefment, et vous compterai comment cils rois
dans Piètres esploita devers le prince, son cousin,
30lequel il trouva grandement courtois et amiable et
descendant à ses priières et volentés, quoi que aucun
de son conseil li euissent remoustré et dit, ensi que
[201] je vous dirai, ançois que cilz rois dans Piètres fust
venus à Bourdiaus.
Aucun sage signeur et imaginatif, tant de Gascongne
comme d’Engleterre, qui estoient dou conseil
5le dit prince, et qui loyaument à leur avis le
devoient et voloient consillier, li avoient dit fiablement,
quant il en avoit rusé et parlé à yaus, ançois
que onques l’euist veu: «Monsigneur, vous avés oy
dire et recorder par pluiseurs fois: Qui trop embrace,
10mal estraint. Il est verités que vous estes li uns des
princes dou monde li plus prisiés, li plus doubtés et
li plus honnourés, et tenés par de deçà le mer grant
terre et belle signourie, Dieu merci, bien et en
pais; ne il n’est nulz rois, tant soit proçains, poissans
15ne lontains, qui au temps present vous osast
couroucier, tant estes vous renommés de bonne chevalerie,
de grasce et de fortune: si vous deveroit
par raison souffire ce que vous avés, et non acquerre
nul anemi. Nous le vous disons pour tant que cilz
20rois dans Piètres de Castille, qui maintenant est
boutés hors de son royaume, est uns homs et a
estet tousjours moult austères et cruelz et plains de
mervilleuses semilles; et par li ont esté fait et eslevé
tamaint mal ens ou royaume de Castille, et tamains
25[vaillans[459]] homs decolés et mis à fin sans raison; et par
lesquelz villains fais, que il a fais et consentis à faire,
il s’en trueve ores decheus et boutés hors de son
royaume. Avoech tout ce, il est ennemis à l’Eglise et
escumeniiés dou Saint Père, et est reputés et a esté
30un grant temps comme uns tirans, et sans nul title
[202] de raison il a tousjours grevé et guerroiiet ses voisins,
le roy d’Arragon et le roy de Navare, et yaus
par poissance volu deshireter, et fist, si comme fame
et renommée keurt parmi son royaume de ses gens
5meismes, morir sa moullier, une jone dame vostre
cousine, fille au duch de Bourbon: pour quoi vous
y deveriés bien penser et regarder; car tout ce qu’il
a à souffrir maintenant, ce sont verghes de Dieu, envoiies
sur lui pour lui castiier et pour donner as
10autres rois crestiiens et princes de terres exemple que
il ne facent mies ensi.»
De telz parolles et samblables avoit esté avisés et
consilliés li princes en devant ce que li rois dans
Piètres fust arivés à Bayone; mais à ces parolles et
15consaulz il avoit respondu trop vaillamment et dist
ensi: «Signeur, je croi et tieng certainnement que
à vostre loyal pooir vous me consilliés. Je vous di
que je sui tous enfourmés de le vie et l’estat ce roy
dan Piètre, et sçai bien que sans nombre il a fait
20des maulz assés, dont maintenant il s’en trueve derrière;
et ce qui en present nous muet et encorage
de lui voloir aidier, la cause est tèle que je le vous
dirai. Ce n’est pas cose [afferant[460]], deue ne raisonnable,
d’un bastart tenir royaume et hiretage, et
25bouter hors de son royaume et hiretage un sien
frère, roy et hoir de la terre par loyal mariage; et
tout roy et enfant de roy ne le doient nullement
voloir ne consentir, car c’est uns grans prejudisces
contre l’estat royal. Avoech tout ce, monsigneur mon
30père et cilz rois dans Piètres de Castille ont eu de
[203] grant temps, ce sai je de verité, alliances et confederations
ensamble, par lesquèles nous sommes tenu
de lui aidier, ou cas que nous en sommes de li
meismes priiet et requis.»
5Ensi li dis princes, meus et encoragiés de voloir
aidier et conforter ce roy dan Piètre en son grant
besoing, avoit respondu à chiaus de son conseil,
quant aparlés et avisés en avoit estet; ne onques
on ne li pot oster ne brisier son dit pourpos que
10toutdis il ne fust en un, et encores plus fermes et
plus entiers, quant li dis rois dans Piètres de Castille
fu venus dalés lui en le cité de Bourdiaus. Car li
dis rois s’umelioit moult envers lui, et li offroit et
prommetoit grans dons et grans pourfis à faire, et
15disoit que il feroit Edowart, son jone fil, roy de Galisse,
et departiroit à lui et à ses hommes très grant
avoir qu’il avoit laissiet derrière li ens ou royaume
de Castille, lequel il n’avoit pout amener avoecques
lui, et estoit si bien repus et enfermés que nulz ne
20le savoit, fors il tant seulement. A ces parolles entendoient
li chevalier dou prince volentiers, car Englès
et Gascon de leur nature sont grandement convoiteus.
Si fu consilliet au prince que il assamblast
tous les barons de la ducé d’Aquitainne et son especial
25conseil, et euist à Bourdiaus un general parlement,
et là remoustrast li rois dans Piètres à tous
comment il se voloit maintenir et de quoi il les satefieroit,
se il estoit ensi que li princes l’empresist à ramener
en son pays et fesist sa poissance dou remettre.
30Dont furent lettres escriptes, et messagier
emploiié, et signeur mandé de toutes pars: premierement,
li contes d’Ermignach, li contes de Pieregorth,
[204] li contes de Comminges, li sires de Labreth,
li viscontes de Carmaing, li captaus de Beus, li sires
de Taride, li viscontes de Chastielbon, li sires de
Lescut, li sires de Rosem, li sires de Lespare, li sires
5de Caumont, li sires de Mouchident, li sires de Courton,
li sires de Pincornet et tout li [autre[461]] baron de
Gascongne et de Berne. Et en fu priiés li contes de
Fois, mais il n’i vint mies, ançois s’escusa pour tant
que il avoit adonc mal en une jambe, si ne pooit
10cevauchier; mès il y envoia son conseil.
§ [551]. A ce parlement qui fu assignés en le bonne
cité de Bourdiaus, vinrent tout li conte, li visconte,
li baron et li sage homme d’Aquitainne, tant de
Poito, de Saintonge, de Roerge, de Quersin, de Limosin,
15comme de Gascongne. Quant il furent tout
venu, il entrèrent en parlement, et parlementèrent
par trois jours sus l’estat et ordenance de ce roy dan
Piètre d’Espagne qui estoit [et se tenoit[462]] toutdis presens
en mi le parlement, dalés le dit prince, son cousin,
20qui parloit et langagoit pour lui, en coulourant
ses besongnes. Finablement, il fu dit et conseilliet au
prince que il envoiast souffissans messages devers le
roy son père en Engleterre, pour savoir quel cose il
en diroit et conseilleroit à faire, ançois que de lui il
25empresist ce voiage [à faire[463]]. Et quant on aroit eu la
response dou dit roy d’Engleterre, li baron se remetteroient
ensamble et consilleroient si bien le dit
[205] prince, que par raison il li deveroit souffire. Adonc
furent nommé et ordonné quatre chevalier dou
prince, qui devoient aler en Engleterre: li sires de
le Ware, messires Neel Lorinch, messires Jehans et
5messires Helyes de Pumiers. Si se departi adonc cilz
parlemens ensi, et s’en rala cescuns en son lieu, et
demora li rois dans Piètres à Bourdiaus dalés le
prince et le princesse qui moult l’onneroient.
Assés tost se departirent de Bourdiaus li dessus dit
10[quatre[464]] chevalier qui estoient ordonné pour aler en
Engleterre, et entrèrent en deus nefs ordonnées et
appareillies pour yaus. Et esploitièrent tant par mer,
à l’ayde de Dieu et dou vent, qu’il arrivèrent à Hantonne,
et reposèrent là un jour pour yaus rafreschir
15et traire hors des vaissiaus leurs chevaus et leurs harnois.
Et puis montèrent le secont jour et chevaucièrent
tant par leurs journées qu’il vinrent en le cité
de Londres; si demandèrent dou roy où il estoit. On
lor dist qu’il se tenoit à Windesore. Si alèrent celle
20part, et furent grandement bien venu et recueillié
dou roy et de le royne, tant pour l’amour dou prince
[leur fil[465]] qui là les envoioit, que pour ce que il
estoient signeur et chevalier de grant recommendation.
Si moustrèrent cil dit signeur et chevalier leurs lettres
25au roy qui les ouvri et fist lire, et en respondi quant
il y eut un petit pensé et visé, et dist: «Signeur,
vous vos trairés à Londres, et je manderai aucuns
barons et sages de mon conseil; si vous en responderons
et expedierons temprement.» Ceste response
[206] pleut adonc assés bien à ces chevaliers, et se retraisent
à l’endemain à Londres. Ne demora [gaires de
temps[466]] depuis, que li rois d’Engleterre vint à
Wesmoustier, et là furent à ce jour une partie des plus
5grans de son conseil, son fil le duc de Lancastre, le
conte d’Arondiel, le conte de Saslebrin, li sires de
Mauni, messires Renaus de Gobehem, li sires de Persi,
li sires de Nuefville et moult d’autres, et ossi des prelas,
li evesques de Wincestre, li evesques de Lincolle et li
10evesques de Londres. Si consillièrent grandement et
longement sus les lettres dou prince et le priière que
il faisoit au roy son père. Finablement, il sambla au
roy et à son conseil cose deue et raisonnable dou
prince de Galles emprendre ce voiage de remettre et
15mener le roy d’Espagne arrière en son [royaume[467]] et
hiretage; et le acordèrent tout notorement, et sur ce
il rescrisirent lettres notables et autentikes, de par
le roy et le conseil d’Engleterre, au dit prince et à
tous les barons d’Aquitainnes. Et les raportèrent arrière
20chil qui aporté les avoient, et revinrent en le
cité de Bourdiaus, où il trouvèrent le prince et le
roy dan Piètre, asquelz il baillièrent aucunes lettres
que li rois d’Engleterre leur envoioit. Si fu de recief
uns parlemens nommés et assignés en le cité de
25Bourdiaus, et y vinrent tout cil qui mandé y furent.
Si furent là leutes generalment les lettres dou roy
d’Engleterre, qui parloient et devisoient plainnement
comment il voloit que li princes ses fiulz, ou
nom de Dieu et de saint Jorge, empresist le roy dan
[207] Piètre son cousin à remettre en son hyretage, dont
on l’avoit à tort et sans raison fraudeleusement, si com
apparant estoit, bouté hors. Et faisoient encores les
lettres dou roy d’Engleterre mention que moult il
5estoit tenus par certainnes alliances faites de jadis,
obligies et acouvenencies entre lui et le roy de Castille
son cousin, de lui aidier ou cas que li besoins
touchoit et que priiés et requis en estoit. Et commandoit
li rois d’Engleterre à tous ses feaulz et prioit
10à tous ses amis que li princes de Galles ses filz fust
aidiés, confortés et consilliés en toutes ses besongnes,
si comme il seroit d’yaus, se il y estoit
presens.
Quant tout li baron d’Aquitainne oïrent lire ces
15lettres et veirent le mandement dou roy et le grande
volenté dou prince lor signeur, si en respondirent
liement et disent: «Monsigneur, nous obeirons au
commandement le roy nostre signeur et vostre père,
c’est bien raisons, et serons tout appareilliet toutes
20fois qu’il vous plaira, et vous servirons en ce voiage
et le roy dan Piètre ossi; mès nous volons savoir
qui nous paiera et delivera de nos gages, car on ne
met mies gens d’armes hors de leurs hosteulz, ensi
que pour aler guerriier en estragne pays, sans estre
25paiiet et delivret. Et, se ce fust pour les besongnes
de nostre chier signeur vostre père ou pour les vostres
ou pour vostre honneur ou de nostre pays, nous
n’en parlissions pas si avant que nous faisons.» Adonc
regarda li princes sus le roy dan Piètre et dist: «Sire
30rois, vous oés que nos gens dient, si en respondés:
à vous en tient à respondre qui les devés et volés
ensonniier.» Adonc respondi li rois dans Piètres au
[208] prince et dist: «Mon [chier[468]] cousin, si avant que
mon or, mon argent et tout mon tresor que j’ai
amené par de deçà, qui n’est pas si grans de trente
fois comme cilz de par de delà est, se pora estendre,
5je le voeil donner et departir à vos gens.» Dont dist
li princes: «Vous dittes bien, et dou sourplus j’en
ferai ma debte devers yaus et delivrance, et vous
presterai tout ce que il vous besongnera jusques à ce
temps que nous serons en Castille.»—«Par mon
10chief, respondi li rois dans Piètres, si me ferés grant
grasce et grant courtoisie.»
Encores en ce parlement regardèrent aucun sage,
li contes d’Ermignach, li sires de Pumiers, messires
Jehans Chandos, li captaus de Beus et li aultre que
15li princes de Galles ne pooit nullement faire ce voiage
sans l’acort et confort dou roy Charle de Navare; ne
il ne pooient entrer ne aler en Espagne fors par son
pays et les destrois de Raincevaus, douquel passage il
n’estoient mies bien asseguré de l’avoir, car li dis
20rois de Navare et li rois Henris avoient de nouviel
faites grans alliances ensamble. Et là fu longement
parlementé comment on s’en poroit chevir. Si fu dit
et consideré des sages que uns parlemens se feroit et
assigneroit en le cité de Baione de toutes ces parties,
25et là en dedens envoieroit li princes souffissans hommes
et trettieurs par devers le roy de Navare, qui li
prieroient ou nom dou prince que il volsist estre à
ce parlement en le cité de Baione. Cilz consaulz fu
tenus et arrestés, et sur ce se parti li dis parlemens;
30et eurent en couvent cescuns de estre à Baione au
[209] jour que mis et ordonnés y fu. En ce terme, envoia
li princes monsigneur Jehan Chandos et monsigneur
Thumas de Felleton devers le roy de Navare qui se
tenoit en le cité de Pampelune. Cil doy chevalier,
5comme sage et bien enlangagiet, esploitièrent si bien
par devers le roy de Navare que il leur eut en couvent
et seella pour estre à ce parlement, et sur ce il
retournèrent devers le prince à qui il recordèrent
ces nouvelles.
10§ [552]. Au jour que cilz parlemens fu assignés en
le cité de Baione, vinrent li princes, li rois d’Espagne,
li contes d’Ermignach, li sires de Labreth et
tout li baron de Gascongne, de Poito, de Quersin,
de Saintonge, de Roerge et de Limozin. Et là fu li
15rois de Navare personelment, auquel li princes et li
rois dans Piètres fisent moult d’onneur et de reverense,
pour tant que il en pensoient mieulz à valoir.
Là eut, en le cité de Baione, de rechief grans parlemens
et lons, et durèrent cinq jours. Et eurent li dis
20princes et ses consaulz moult de painne et de traveil
ançois que il peuissent avoir le roy de Navare de leur
acort, car il n’estoit mies legiers à entamer là où il
veoit que on avoit besoing de lui. Toutes fois, li grans
sens dou prince l’amena à ce que il jura, prommist
25et seella au roy dan Piètre pais, amour, alliances et
confederation, et li rois dans Piètres ossi à lui sur
certainnes compositions qui furent là ordonnées, desquèles
li princes de Galles fu moiiens, trettiières et
devisères: c’est à savoir que li rois dans Piètres,
30comme rois de toute Castille, donna, seella et acorda
au roy de Navare et à ses hoirs, pour tenir
[210] hiretablement, toute la terre dou Groing, ensi comme elle
s’estent par deça et dela la rivière, et toute la terre
et la contrée [de Sauveterre[469]], le ville, le chastiel et
toutes les appendances, et le ville de Saint Jehan dou
5piet des Pors et le marce de là environ: lesquèles
terres, villes et chastiaus et signouries il li avoit tolut
de jadis et tenu de force. Avoech tout ce, li dis rois
de Navare devoit avoir six vingt mil frans, pour ouvrir
son pays et lassier passer paisieulement toutes gens
10d’armes et yaus faire aministrer vivres et pourveances,
leurs deniers paians. De laquèle somme de florins
li princes fist sa debte envers le roy de Navare. Quant
li baron [de la prinçauté[470]] d’Aquitainnes seurent
que parlemens et trettiés se portoient ensi que on
15estoit d’acort au roy de Navare, il veurent savoir qui
les paieroit de leurs gages. Et là li princes, qui grant
affection avoit en ce voiage, en fist sa debte envers
yaus, et li rois dans Piètres au prince. Quant toutes
ces coses furent ordonnées et confremées, et que
20cescuns sceut quel cose il devoit faire et avoir, et il
eurent sejourné en le cité de Baione plus de douze
jours et jeué et revelé ensamble moult amiablement,
li rois de Navare prist congiet et se retraist ens ou
royaume de Navare dont il s’estoit partis, et s’i tint
25depuis un temps pour mieulz garder son pays. Et si
se departirent tout cil signeur li un de l’autre, et se
retraist cescuns en son lieu. Meismement li princes
s’en revint à Bourdiaus et li rois dans Piètres demora
à Baione.
[211] Si envoia tantost li dis princes ses hiraus en Espagne
par devers ses chevaliers et aucunes chapitainnes
des Compagnes, qui estoient Englès et Gascon
favourable et obeissant à lui, yaus dire et segnefiier
5que il se retraisissent tout bellement et presissent
congiet dou dit bastart Henri, car il avoit mestier
d’yaus et les emploieroit ailleurs. Quant li hiraut, qui
ces lettres et ces nouvelles aportèrent en Castille
devers les chevaliers dou prince furent venu devers
10yaus, il veirent et cogneurent tantost que il les
remandoit: si prisent congiet au dit roy Henry, au
plus tost qu’il peurent et au plus courtoisement, sans
yaus descouvrir ne l’intention dou prince. Li rois
Henris, qui estoit larges, courtois et honnourables,
15leur donna [congié[471]] moult doucement, et les remercia
grandement de leur bon service et leur departi
au partir de ses biens tant que tout s’en contentèrent.
Si vuidièrent d’Espagne messires Eustasses
d’Aubrecicourt, messires Hues de Cavrelée, messires
20Gautiers Hués, messires Mahieus dis de Gournay,
messires Jehans d’Evrues et leurs routes et pluiseur
aultre chevalier et escuier que je ne puis mies tous
nommer, de l’ostel dou prince, et revinrent au plus
tost et plus hasteement qu’il peurent.
25Encores estoient toutes les Compagnes et les chapitainnes
des Compagnes esparses parmi le pays; si
ne sceurent mies sitost ces nouvelles que li dessus
nommet chevalier fisent. Toutes fois, quant il les
seurent, il se recueillièrent ensamble et se misent au
30retour, loist à savoir: messires Robers Brikés, Jehans
[212] Cressuelle, messires Robers Ceni, messires Perducas
de Labreth, messires Garsis dou Chastiel, Naudon
de Bagerant, le bourch de Lespare, le bourch Camus,
le bourch de Bretueil et li aultre. Et ne seut mies
5sitost li rois Henris les nouvelles ne le volenté dou
prince, que il voloit ramener son frère le roy dan
Piètre en Espagne, que fisent li dessus dit. Et bien
lor besongna, car, se il l’euist sceu, il ne fuissent
mies parti si legierement qu’il fisent, car bien estoit
10en se poissance d’yaus porter contraire et destourbier.
Toutes fois, quant il en sceut le certainneté,
par samblant il n’en fist mies trop grant compte, et
en parla à monsigneur Bertran de Claiekin qui estoit
encores dalés lui et dist: «Dan Bertran, regardés
15dou prince [de Galles[472]]. On nous a dit qu’il nous vorra
guerriier et remettre ce Juis, qui s’appelle rois de
Castille, par force, en nostre royaume. Et vous, qu’en
dittes?»—«Monsigneur, respondi messires Bertrans,
il est bien si vaillans chevaliers, puisqu’il l’a
20entrepris, il en fera son pooir. Si vous di que vous
faciés bien garder vos destrois et vos passages de
tous lés, par quoi nulz ne puist entrer ne issir de
vostre royaume, fors par vostre congiet, et tenés à
amour toutes vos gens. Je sçai de verité que vous
25arés en France grant aye de chevaliers et d’escuiers
qui volentiers vos serviront: je m’en retournerai,
par vostre congiet, par de delà, et vous y acquerrai
tous les amis que je porai.»—«Par ma foy, dist li
rois, dans Bertran, vous dittes bien, et dou sourplus
30je me ordonnerai par vous et par vostre conseil.»
[213] Depuis ne demora gaires de temps que messires
Bertrans de Claiekin se parti dou roy Henri, et
s’en vint en Arragon où li rois le recueilla liement,
et fu bien quinze jours dalés lui. Et puis s’en parti
5et fist tant par ses journées qu’il vint à Montpellier,
et là trouva il le duc d’Ango qui le reçut ossi moult
liement, car moult l’amoit. Quant il eut là esté un
terme dalés lui, il s’en parti et s’en revint en France
devers le roy qui le rechut à grant joie.
10§ [553]. Quant les certainnes nouvelles s’espardirent
en Espagne et en Arragon et ossi ou royaume
de France, que li princes de Galles voloit remettre le
roy dan Piètre arrière ens ou royaume de Castille,
si en furent pluiseur gens esmervilliet et en parlèrent
15en tamainte manière. Li aucun disoient que li princes
emprendoit ce voiage par orgueil et presumption, et
estoit courouciés de l’onneur que messires Bertrans
de Claiekin avoit eu de conquerre tout le royaume
de Castille ou nom dou roy Henri et de li faire roy.
20Li autre disoient que pités et raisons le mouvoient à
ce que de voloir aidier le roy dan Piètre à remettre
en son hiretage; car ce n’estoit mies cose deue ne
raisonable d’un bastart tenir royaume et porter
nom de roy. Ensi estoient par le monde pluiseur
25chevalier et escuier en diverses opinions. Toutesfois,
li rois Henris escripsi tantos devers le roy d’Arragon,
et envoia grans messages, en priant que il ne se vosist
nullement acorder ne composer par devers le prince
[d’Acquitaine[473]] ne ses allyés; car il estoit et voloit
[214] estre ses bons amis. Li rois d’Arragon, qui moult l’amoit à
avoir à voisin, car il avoit trouvé dou temps passé le
roy dan Piètre moult cruel et auster, l’en assegura
et dist que nullement, pour à perdre grant partie
5de son royaume, il ne se allieroit ne acorderoit au
dit prince, ne à ce roy dan Piètre, mais ouveroit
son pays pour laissier passer toutes manières de
gens d’armes qui en Espagne vorroient aler, tant de
France comme d’ailleurs, en son confort, et
10empeceroit tous chiaus qui grever et contrariier le
vorroient.
Cilz rois d’Arragon tint bien tout ce qu’il promist
à ce roy Henri; car, si tretost comme il sceut
de verité que li princes de Galles voloit aidier le roy
15dan Piètre, et que les Compagnes tendoient à retraire
celle part et en le prinçauté, il fist clore tous les pas
d’Arragon et garder bien destroitement, et mist
gens d’armes et geniteurs sus les montagnes et ès
destrois de Catellongne, sique nulz ne pooit passer
20fors en grant peril. Mais les Compagnes trouvèrent un
aultre chemin, et eurent trop de maulz et de povretés,
ançois que il peuissent issir hors des dangiers
d’Arragon. Toutesfois, il vinrent sus les marces de le
conté de Fois, et trouvèrent le pays de Fois clos
25contre yaus; car li dis contes ne voloit nullement
que telz gens entrassent en sa terre.
Ces nouvelles vinrent au prince de Galles, qui pour
le temps se tenoit à Bourdiaus, et pensoit et imaginoit
nuit et jour comment à sen honneur il poroit
30parfurnir ce voiage, que ces Compagnes ne pooient
passer ne retourner en Aquitainne, et que li pas et
destroit d’Arragon et de Catellongne leur estoient
[215] deveé et clos, et estoient à l’entrée de le conté de
Fois, et non pas trop à leur aise. Si se doubta li dis
princes que li rois Henris et li rois d’Arragon par
constrainte ne menassent telement ces gens d’armes
5qui estoient bien douze mil, desquels il esperoit à
avoir le confort, et ossi par grans dons et prommesses,
que il ne fuissent contre lui. Si se avisa li
dis princes que il envoieroit devers yaus monsigneur
Jehan Chandos pour trettier à yaus et retenir, et ossi
10par devers le conte de Fois, que par amours il ne leur
vosist faire nul contraire, et tout le damage que il
feroient sus lui ne en sa terre, il leur renderoit au
double.
Ce message à faire, pour l’amour de son signeur
15le prince, emprist messires Jehans Chandos, et se
parti de Bourdiaus et chevauça devers le cité de
Dax en Gascongne, et esploita tant par ses journées
qu’il vint en le conté de Fois où il trouva le dit
conte. Si parla à lui si aviseement et si couvignablement
20que il eut le conte de Fois d’acort, et le laissa
passer oultre parmi son pays paisieulement. Si trouva
les Compagnes en un pays que on dist Bascle. Là
tretta il à yaus, et esploita si bien que il eurent tout
en couvent de servir et de aidier le prince en ce
25voiage, parmi grant argent qu’il devoient avoir de
prest. Et tout ce leur jura messires Jehans Chandos
[qu’il n’y trouveroient point de deffaute. Si se parti
d’iaulx li dis messires Jehans Chandos][474], et vint de
recief devers le conte de Fois et li pria doucement
30que ces gens, qui estoient au prince, il volsist souffrir
[216] et laissier passer parmi un des corons de sa
terre.
Li contes de Fois, qui voloit estre agreables au prince
et qui estoit ses homs en aucune manière, pour lui
5complaire, li acorda, parmi tant que ces Compagnes
ne devoient porter nul damage à lui ne à se terre.
Messires Jehans Chandos li eut en couvent, et envoia
arrière un sien chevalier et un hiraut devers les Compagnes,
et tout le trettiet qui estoit entre lui et le
10conte de Fois, et puis s’en retourna arrière en le
prinçauté. Si trouva le dit prince à Bourdiaus, à qui
il recorda tout son voiage et comment il avoit esploitié.
Li princes, qui le creoit et amoit, se tint bien
à contens de son esploit et de ce voiage.
15§ [554]. En ce temps, estoit li princes de Galles en
la droite fleur de la jonèce, et ne fu onques soelés
ne lassés, depuis qu’il se commença premierement à
armer, de guerriier et de tendre à tous haus et nobles
fais d’armes. Et encores, à ceste emprise dou dit
20voiage d’Espagne et de remettre ce roy escachiet par
force d’armes en son royaume, honneurs et pités l’en
esmeurent. Si en parloit souvent à monsigneur Jehan
Chandos et à monsigneur Thumas de Felleton, qui
estoient li plus especial de son conseil, en demandant
25qu’il leur en sambloit.
Chil doi chevalier li disoient bien: «Monsigneur,
certes c’est une haute emprise et grande,
sans comparison plus forte et plus hautainne que
ceste ne fu de bouter hors le roy dan Piètre de son
30pays, car il estoit hays de tous ses hommes, et
tout le relenquirent, quant il en cuida estre aidiés.
[217] Or joist et possesse à present cilz rois bastars de
tout le royaume entierement de Castille et a l’amour
des nobles et des prelas et de tout le demorant,
et l’ont fait roy: si le vorront tenir en cel estat,
5comment qu’il prende. Si avés bien mestier que
vous aiiés en vostre compagnie grant fuison de
bonnes gens d’armes et d’arciers, car vous trouverés
bien à qui combatre, quant vous venrés en Espagne.
Si vous loons et consillons que vous rompés la grignour
10partie de vo vaisselle d’argent et de vostre
tresor, dont vous estes bien aisiés maintenant, et en
faites faire monnoie pour donner et departir largement
as compagnons, desquelz vous serés servis en
ce voiage et qui pour l’amour de vous iront, car
15pour le roy dan Piètre n’en feroient il riens. Et si
envoiiés devers le roy vostre père, en priant que vous
soiiés aidiés de cent mil frans, que li rois de France
doit envoiier en Engleterre dedens brief terme.
Prendés finance tout partout là où vous le poés avoir,
20car bien vous besongnera, sans taillier vos hommes
ne vostre pays: si en serés mieulz amés et servis de
tous.»
A ce conseil et à pluiseurs aultres bons, que li doi
dessus dit chevalier li donnèrent, se tint li princes
25de Galles; et fist rompre et brisier les deus pars de
toute se vaisselle d’or et d’argent, et en fist faire et
forgier monnoie pour donner as compagnons. Avoech
tout ce, il envoia en Engleterre devers le roy son
père, pour impetrer ces cent mil frans dont je parloie
30maintenant. Li rois d’Engleterre, qui sentoit assés
les besongnes dou prince son fil, li acorda legierement
et en escrisi devers le roy de France et l’en
[218] envoia lettres de quittancez. Si furent li cent mil
frans en celle saison delivré as gens dou prince et
departi à toutes manières de gens d’armes.
§ [555]. Une fois, estoit en recreation li princes de
5Galles en sa cambre, en le cité d’Angouloime, avoech
pluiseurs chevaliers de Gascongne, de Poito et d’Engleterre;
et bourdoit à yaus et yaus à lui de ce voiage
d’Espagne, et fu dou temps que messires Jehans
Chandos estoit oultre apriès les Compagnes. Si tourna
10son chief devers le signeur de Labreth et li dist:
«Sires de Labreth, à quèle quantité de gens d’armes
me porés vous servir en ce voiage?» Li sires de
Labret fu tous apparilliés de respondre, et moult liement
li dist ensi: «Monsigneur, se je voloie priier
15tous mes amis, c’est à entendre mes feaulz, j’en
aroie bien mil lances, et toute ma terre gardée.»—«Par
mon chief, sire de Labreth, dist li princes,
c’est belle cose.» Lors regarda sus le signeur de Felleton
et sus aucuns chevaliers d’Engleterre, et leur
20dist en englès: «Par ma foy, on doit bien amer la
terre où on a un tel baron qui poet servir son signeur
à mil lances.» Apriès, il s’en retourna devers
le signeur de Labreth et dist de grant volenté: «Sires
de Labreth, je les retieng tous.»—«Che soit, ou
25nom de Dieu, monsigneur,» ce respondi li sires de
Labreth. De ceste retenue deubt depuis estre avenus
grans maulz, si com vous orés avant en l’ystore.
Or retournons nous as Compagnes qui s’estoient
acordé et ahers avoech le prince. Si vous di que il
30eurent moult de maulz, ançois que il fuissent revenu
et rentré en le prinçauté, tant de geniteurs comme
[219] de chiaus de Katellongne et d’Arragon, et se departirent
en trois routes. Li une des compagnies et plus
grande s’en alèrent costiant Fois et Berne; li aultre,
Castellongne et Hermignach; et la tierce s’avalèrent
5entre Arragon et Fois, par l’acort dou conte d’Ermignach,
dou signeur de Labreth et dou conte de Fois.
En celle route, avoit le plus grant partie de Gascons.
Et s’en venoient cil compagnon, qui pooient estre
environ troi mil, par routes et par Compagnes, en
10l’une troi cens, en l’autre quatre cens, devers
l’arcevesquiet de Thoulouse, et devoient passer entre
Thoulouse et Montalben.
A ce donc, avoit un bon chevalier de France à senechal
à Thoulouse, qui s’appelloit messires Guis
15d’Azai. Quant il entendi que ces Compagnes approçoient
et qu’il chevauçoient en routes et ne pooient
estre en somme non plus de trois mil combatans qui
encores estoient foulé, lassé et mal armé, mal monté
et pis cauchié, si dist qu’il ne voloit mies que telz
20gens approçassent Tholouse ne le royaume de France,
pour yaus recouvrer, et qu’il leur iroit au devant et
les combateroit, s’il plaisoit à Dieu. Si segnefia tantost
se intention au conte de Nerbonne et au senescal
de Carcassonne et à celui de Biaukaire et à tous
25les officiiers et chevaliers et escuiers de là environ,
en yaus mandant et requerant ayde pour aidier à garder
le frontière contre ces males gens nommés Compagnes.
Tout cil, qui mandé et priiet furent, obeirent
et se hastèrent et vinrent, au plus tost qu’il peurent,
30en le cité de Toulouse. Et se trouvèrent grans gens,
bien cinq cens lances, chevaliers et escuiers, et quatre
mille bidaus, et se misent tout sus les camps par devers
[220] Montalben, à sept liewes de Thoulouse où ces
gens se tenoient, li premier qui venu estoient; et,
tout compté, il ne se trouvoient non plus de deux
cens lances, mais il attendoient les routes de leurs
5compagnons qui devoient passer par là.
§ [556]. Quant li contes de Nerbonne et messires
Guis d’Azai, qui se faisoient souverain et meneur de
toutes ces gens d’armes, furent parti de le cité de
Thoulouse, il s’en vinrent logier assés priès de Montalben,
10qui adonc se tenoit dou prince, et en estoit
chapitains à ce jour uns chevaliers englès qui s’appeloit
messires Jehans Trivés. Si envoiièrent cil signeur
de France leurs coureurs par devant Montalben,
pour attraire hors ces Compagnes qui s’i tenoient.
15Quant le chapitainne de Montalben entendi que li
François estoient venu à main armée et à host devant
sa forterèce, si en fu durement esmervilliés, pour tant
que la terre estoit dou prince. Si vint as barrières
de la ditte ville, et fist tant que sus assegurances il
20parla as dis coureurs et leur demanda qui là les envoioit
et pourquoi il s’avançoient de courir sus le
terre dou prince, qui estoit voisine et devoit estre
amie avoec le corps dou signeur au royaume et au
roy de France. Cil respondirent et disent: «Nous ne
25sommes mies de nos signeurs, qui chi nous ont envoiiet,
dou rendre raison si avant cargiet; mès pour
vous apaisier, se vous volés venir ou envoiier par devers
nos signeurs, vous en arés bien response.»
—«Oil, dist la chapitainne de Montalben, je vous pri
30que vous vos retraiiés par devers yaus, et leur dittes
qu’il m’envoient un saufconduit par quoi je puisse
[221] aler parler à yaus et retourner arrière, ou il m’envoient
dire plainnement pourquoi ne à quel title il
me font guerre; car se je cuidoie que ce fust [tout[475]] à
certes, je le segnefieroie à monsigneur le prince qui
5y pourveroit tantost de remède.» Chil respondirent
qu’il le feroient volentiers. Il retournèrent et recordèrent
à leurs mestres toutes ces parolles.
Li saufconduis [fu[476]] impetrés ou nom dou dit messire
Jehan Trivet et aportés à Montalben. Adonc se
10parti il, lui cinquime tant seulement, et vint ou logeis
des dessus dis François, et trouva les signeurs qui estoient
tout appareilliet de lui recevoir et avisé de respondre.
Il les salua, il li rendirent sen salut, et puis leur
demanda à quel cause il avoient envoiiet courir à main
15armée par devant sa forterèce qui se tenoit de monsigneur
li prince. Cil respondirent: «Messire Jehan,
sachiés que, à vous ne à monsigneur le prince, nous
ne volons nulle ahatie ne point de guerre; mès nous
volons nos ennemis cachier, où que nous les savons.»
20—«Et qui sont vostre ennemi ne où sont il?» ce
respondi li chevaliers.—«En nom Dieu, dist li
contes de Nerbonne, il sont dedens Montalben et
sont robeur et pilleur, qui ont robet et pilliet et pris
et couru mal deuement sus le royaume de France:
25ce ne fait mies à souffrir. Et ossi, messire Jehan, se
vous estiés bien courtois ne amis à vos voisins, vous
ne les deveriés mies soustenir, qui pillent et robent
les bonnes gens sans nul title de guerre, car par telz
oevres s’esmuevent les haynes entre les signeurs. Si
[222] les metés hors de vostre forterèce, ou aultrement
vous n’estes mies amit au roy ne au royaume de
France.»—«Signeur, dist la capitainne de Montalben,
il est bien voirs que il a gens d’armes dedens
5ma garnison, que monsigneur le prince a mandés, et
les tient à lui et pour ses gens. Si ne sui mies consilliés
que d’yaus [faire partir si soubdainement[477]] ne
faire vuidier; et, se cil vous ont fais aucun desplaisir,
je ne puis mies veoir qui droit vous en face, car ce
10sont gens d’armes: si les couvient vivre ensi qu’il
ont acoustumé et sus le royaume de France et sus la
prinçauté.»
Dont respondirent li contes de Nerbonne et messires
Guis d’Azai et disent: «Ce sont gens d’armes,
15voirement telz et quels, qui ne sèvent vivre fors de
pillage et de roberie, et qui mal courtoisement ont
chevauciet sus nos mètes: si le comparront, se nous
les poons tenir as camps. Car il ont ars, pris et
pilliet et fait moult de mauls en le senescaudie de
20Thoulouse, dont les plaintes en sont venues à nous;
et, se nous leur souffrions à faire, nous serions
traitte et parjure envers le roy nostre signeur qui
ci nous a establi pour garder sa terre. Si lor dittes
hardiement de par nous ensi, car puisque nous savons
25où il logent et herbergent, nous ne retournerons,
si l’arons amendé, ou il nous coustera encores
plus.»
Aultre response n’en peut adonc avoir li capitainne
de Montalben: si se parti mal contens d’yaus
30et dist que, pour leurs manaces, il ne briseroit ja
[223] sen entente, et retourna en Montalben et recorda
as compagnons toutes les parolles que vous avés
oyes.
§ [557]. Quant li compagnon entendirent ces nouvelles,
5si ne furent mies bien asseguret, car il n’estoient
pas à jeu parti contre les François: si se tinrent
sus leur garde dou mieulz qu’il peurent. Or
avint que, droit au cinquime jour que ces parolles
eurent esté, messires Perducas de Labreth à tout une
10grant route de compagnons deubt passer parmi
Montalben, car li passages estoit par là pour entrer
en le prinçauté: si le fist à savoir à chiaus de le ville.
Quant messires Robers Ceni et li aultre compagnon,
qui là se tenoient pour enclos, entendirent ces nouvelles,
15si en furent moult resjoy, et segnefiièrent tout
secretement le couvenant des François au dit monsigneur
Perducas et comment il les avoient là assegiés
et les maneçoient durement, [et ossi quels gens il
estoient[478]] et quels chapitainnes il avoient.
20Quant messires Perducas de Labreth entendi ce, si
n’en fu de noient effraés, mès recueilla ses compagnons
de tous lés et s’en vint bouter par dedens
Montalben où il fu recheus à grant joie. Quant il fu
là venus, il eurent parlement ensamble comment il
25se poroient maintenir, et eurent d’acort que à l’endemain
il s’armeroient et monteroient tout à cheval,
et se metteroient hors de le ville et se adreceroient
vers les François, et leur prieroient que paisieulement
il les laissassent passer, et, se il ne voloient
[224] à ce descendre et que combattre les couvenist, il
s’enventurroient et se venderoient à leur loyal pooir.
Tout ensi comme il l’ordonnèrent, il le fisent.
A l’endemain, il s’armèrent et sonnèrent leurs
5trompètes, et montèrent tout à cheval et vuidièrent
hors de Montalben. Ja estoient armé li François
pour l’effroi qu’il avoient oy et veu, et tout rengiet
et mis devant le ville, et ne pooient passer les Compagnes
fors que parmi yaus. Adonc se misent tout
10devant messires Perducas de Labreth et messires Robers
Ceni et veurent parlementer as François et priier
que on les laissast passer paisieulement; mès li François
leur envoiièrent dire que il n’avoient cure de
leur parlement et qu’il ne passeroient, fors parmi les
15pointes de leurs glaves et de leurs espées. Et escriièrent
tantost leurs cris et disent: «Avant! Avant! A
ces pilleurs, qui pillent et robent le monde et vivent
sans raison!»
Quant les Compagnes veirent que c’estoit à certes
20et que combattre les couvenoit ou morir à honte,
si descendirent tantost jus de leurs chevaus, et se
rengièrent et ordonnèrent tout à piet moult faiticement,
et attendirent les François qui vinrent sus yaus
moult hardiement, et se misent ossi par devant yaus,
25tout à piet. Là commencièrent à traire, à lanchier et à
estechier li un à l’autre grans cops et apers, et en y
eut pluiseurs abatus des uns et des aultres, de premières
venues. Là eut grant bataille forte et dure et bien
combatue, et tamainte apertise d’armes faite, tamaint
30chevalier et tamaint escuier reversé et jetté par terre.
Toutesfois, li François estoient trop plus sans comparison
que les Compagnes, bien troi contre un:
[225] si n’en avoient mies la pieur pareçon et reboutèrent
à ce commenchement les Compagnes, [par bien combatre[479],]
bien avant jusques dedens les barrières. Là ot
au rentrer maint homme mis à meschief, et euissent
5eu, ce qu’il y avoit de Compagnes, trop fort temps,
se n’euist esté la chapitainne de la ditte ville qui fist
armer toutes gens et commanda estroitement que
cescuns à son loyal pooir aidast les Compagnes qui
estoient homme au prince.
10Lors s’armèrent tout cil de le ville et se misent
en conroy avoec les Compagnes, et se boutèrent
en l’escarmuce. Et meismement les femmes de le
ville montèrent en leurs loges et en leurs soliers,
pourveues de pierres et de cailliaus, et commenchièrent
15à jetter sus ces François si fort et si roit
qu’il estoient tout ensonniet d’iaus targier, pour le
jet des pierres, et en blecièrent pluiseurs et reculèrent
par force. Dont se resvigurèrent li compagnon,
qui furent un grant temps en grant peril, et
20envaïrent fierement les François. Et vous di que il
y eut là fait otant de grans apertises d’armes, de
prises et de rescousses, que on avoit veu en grant
temps faire, car les Compagnes n’estoient que un
petit ens ou regart des François. Si se prendoient
25priès de bien faire le besongne, et reboutèrent leurs
ennemis par force d’armes tous hors de le ville.
Et avint ensi, entrues que on se combatoit, que une
route de Compagnes, que li bours de Bretuel et Naudon
de Bagherant menoient, en laquèle route estoient
30bien quatre cens combatans, se boutèrent par derrière
[226] en le ville, et avoient chevauciet toute le nuit en
grant haste pour là estre, car on leur avoit donnet à
sentir que li François avoient assegiet leurs compagnons
dedens Montalben: si vinrent tout à point à
5le bataille. Là eut de rechief grant hustin et dur. Et
furent li François par ces nouvelles gens fierement
assalli et combatu, et dura cilz puigneis et cilz estours
de l’eure de tierce jusques à basse nonne.
Finablement, li François furent desconfi et mis en
10cace, et chil tout ewireus, qui peurent partir, monter
à cheval et aler leur voie. Là furent pris li contes de
Nerbonne, messires Guis d’Azai, li vicontes d’Uzès, li
sires de Montmorillon, li seneschaus de Carcassonne,
li seneschaus de Biaukaire et plus de cent chevaliers,
15que de France, que de Prouvence, que des marces
de là environ, et tamains bons escuiers et mains
riches homs de Thoulouse et de Montpellier. Et encore
en euissent il plus pris, se il euissent cachiet,
mais il n’estoient c’un peu de gens, et mal monté:
20si ne s’osèrent enventurer plus avant, et se tinrent à
ce qu’il eurent. Ceste escarmuce fu à Montalben, le
vigile Nostre Dame, en le mi aoust, l’an de grasce
mil trois cens sissante et sis.
§ [558]. Apriès [la desconfiture[480]] et le prise des dessus
25dis, messires Perducas de Labreth, messires Robers
Ceni, messires Jehans Trivés, messires Robers
d’Aubeterre, li bours de Bretuel, Naudon de Bagherant
et leurs routes departirent leur butin et tout leur
gaaing, dont il eurent grant fuison. Et tout cil qui
[227] prisonnier avoient, il leur demoroient, et en pooient
faire leur pourfit, rançonner ou quitter, se il voloient,
dont il leur fisent très bonne compagnie. Et
les rançonnèrent courtoisement, cescun selonch son
5estat et son afaire, et encores plus doucement, pour
tant que ceste avenue leur estoit fortuneusement venue
et par biau fait d’armes; et les recrurent tous,
petit s’en fallirent, et leur donnèrent terme de raporter
leurs raencons à Bourdiaus ou ailleurs où bon leur
10sambla. Si se parti cescuns et revint en son lieu et en
son pays. Et les Compagnes s’en alèrent devers monsigneur
le prince qui les rechut liement et les vei
très volentiers et les envoia logier en une marce que
on appelle Bascle, entre les montagnes.
15Or vous dirai qu’il avint de ceste besongne, et
comment li contes de Nerbonne, li seneschaus de
Thoulouse et li aultre prisonnier, qui avoient esté
rançonné et recreu sus leurs fois, finèrent et paiièrent.
En ce temps, regnoit papes Urbains Ves, qui
20tant haoit ces manières de gens nommés Compagnes
que plus ne pooit, et les avoit de grant temps escumeniiés
et sentenciiés, pour les villains fais qu’il faisoient:
siques, quant il fu enfourmés de ceste journée
et comment, en bien faisant à sen entente, li
25contes de Nerbonne et li aultre avoient esté ruet jus,
si en fu durement courouchiés. Et se souffri tant
qu’il se furent tous mis à finance et revenu en leurs
maisons. Si lor manda par mos exprès et deffendi
estroitement que de leurs raencons il ne paiassent
30nulles, et les dispensa et absolst de leurs fois.
Ensi furent quitte chil signeur chevalier et escuier
qui avoient estet pris à Montalben, et n’osèrent
[228] brisier le commandement dou pape. Si vint as aucuns
bien à point et as Compagnes moult mal qui
s’estoient attendu à avoir argent, et le cuidoient avoir
pour faire leur besongne, yaus armer, monter et
5appareillier, ensi que compagnon de guerre s’abillent,
quant il ont largement de quoi, et il n’eurent riens.
Si leur vint à grant contraire ceste ordenance dou
pape, et se complaindirent par pluiseurs fois à monsigneur
Jehan Chandos, qui estoit connestables d’Aquitainnes
10et regars par droit d’armes sus telz besongnes,
mais il s’en dissimuloit envers yaus au
mieulz qu’il pooit, pour tant que il savoit voirement
que li papes les escumenioit, et que leur fais et estas
touchoit à pillerie, siques il me samble qu’il n’en
15eurent onques depuis aultre cose.
§ [559]. Nous parlerons dou prince de Galles et
approcerons son voiage, et vous compterons comment
il persevera. Premierement, si com ci dessus est dit,
il fist tant qu’il eut toutes les Compagnes de son acort
20où il avoit douze mil bons combatans, et moult li
coustèrent au retenir. Et encores, quant il les eut, il
les soustint à ses frès et à ses gages, ançois que il
partesissent de le prinçauté, de l’issue d’aoust jusques
à l’entrée de fevrier. Avoech tout ce, li princes,
25d’autre part, retenoit toutes manières de gens d’armes
là où il les pooit avoir. Dou royaume de France n’en
avoit il nul, car tout se traioient devers le roy Henri,
pour l’amour et les alliances qui estoient entre le roy
leur signeur et le roy Henri. Et encores eut li dis
30rois Henris aucunes des Compagnes qui estoient
Breton, favourable à monsigneur Bertran de Claiekin,
[229] desquelz Selevestre Bude, Alains de Saint Pol, Guillaume
dou Bruel et Alains de Lakonet estoient capitainne.
Si euist bien eu li dis princes de Galles encores
5plus de gens d’armes estragniers, Alemans, Flamens
et Braibençons, se il volsist; mais il en renvoia
assés, et eut plus chier à prendre ses feaulz de
le princeté que les estragniers. Ossi il li vint uns
grans confors d’Engleterre, car quant li rois d’Engleterre
10ses pères vei que cils voiages se feroit, il
donna congiet à son fil monsigneur Jehan, duch de
Lancastre, de venir veoir son frère le prince de Galles
à une quantité de gens d’armes, quatre cens hommes
d’armes et quatre cens arciers. Dont, quant les nouvelles
15en vinrent au dit prince que ses frères devoit
venir, il en eut grant joie et se ordonna sur ce.
En ce temps, vint devers le dit prince en le cité de
Bourdiaus messires James, rois de Maiogres. Ensi se
faisoit il appeller, quoique il n’i euist riens; car li
20rois d’Arragon le tenoit sus lui de force, et avoit le
père ce dit roy de Maiogres fait morir en prison en
une cité, en Arragon, que on dist Barselone. Pour
quoi cilz dis rois James, pour contrevengier le mort
de son père et recouvrer son hiretage, estoit trais
25hors de son pays, car il avoit pour ce temps à moullier
la royne de Naples. Auquel roy de Maiogres li
princes fist grant feste et le conjoy doucement et le
reconforta grandement, quant il li eut oy recorder
toutes les raisons pour quoi il estoit là venus et à
30quel cause li rois d’Arragon li faisoit tort et li tenoit
son hiretage et avoit son père mort. Se li dist li dis
princes: «Sire rois, je vous proumeth en loyauté
[230] que nous, revenu d’Espagne, nous n’entenderons à
aultre cose nulle, si vous arons recouvré vostre hiretage
de Mayogres, ou par trettiés d’amour ou de force.»
Ces prommesses plaisirent grandement bien au dit
5roy. Si se tint en le cité de Bourdiaus dalés le prince,
attendans le departement ensi que li aultre. Et li
faisoit li dis princes, par honneur, le plus grant partie
de ses delivrances, pour tant qu’il estoit lontains et
estragniers, et n’avoit mies ses finances à sen aise.
10Tous les jours venoient les plaintes au dit prince
de ces Compagnes qui faisoient tous les maulz dou
monde as hommes et as femmes, ens ou pays où il
conversoient. Et veissent volentiers cil des marces,
où ces gens se tenoient, que li princes avançast son
15voiage. Il en estoit en grant volenté, mès on li consilloit
que il laissast passer le Noel, par quoi il euissent
l’ivier au dos, car encores n’en saroient il si peu
prendre que li passages de Raincevaus ne leur fust
destrois, frois et lontains. A ce conseil s’enclinoit
20assés li princes, pour tant que madame la princesse
sa femme estoit durement enchainte et ossi moult
tenre et esplorée dou departement son mari. Si euist
volentiers veu li dis princes que elle se fust acoucie
ançois son departement. En ce detriement, se faisoient
25et ordonnoient grandes pourveances et grosses
et trop fort besongnoient, car il devoient errer en
un pays où il en trouveroient tout petit.
Entrues que cilz sejours se faisoit à Bourdiaus, et
que tous li pays d’environ estoit plains de gens d’armes,
30eurent li princes et ses consauls pluiseurs consultations
ensamble. Et m’est avis que li sires de
Labreth fu contremandés de ses mil lances, et li
[231] escripsi li dis princes par le conseil de ses hommes
ensi: «Sires de Labreth, comme ensi fu que de
nostre volenté liberal, en ce dit voiage où nous tendons
par le grasce de Dieu temprement à proceder,
5consideré nos besongnes, les frès et despens que nous
avons, tant par les estragniers qui se sont bouté en
nostre service comme par les gens des Compagnes
desquels li nombres est grans, et ne les volons pas
laissier derrière pour les perilz qui s’en poroient ensievir,
10et couvient que nostre terre soit gardée, car
tout ne s’en poeent pas venir ne tout demorer, pour
quoi il est ordonné par nostre especial conseil que
en cesti voiage vous nous servirés et estes escris à
deus cens lances: si les voelliés triier et mettre hors
15des aultres, et le remanant laissiés leur faire leur
pourfit. Et Diex soit garde de vous! Escript à Bourdiaus
le septime jour de decembre.»
Ces lettres, seelées dou grant seel le prince de
Galles, furent envoiies au signeur de Labreth qui se
20tenoit en son pays et entendoit fort à faire toutes ses
pourveances et à apparillier ses gens, car on disoit de
jour en jour que li princes devoit partir. Quant il
vei ces lettres que li princes li envoioit, il les ouvrit
et les lisi deus fois pour mieus entendre, car il en fu
25de ce qu’il trouva dedens durement esmervilliés et
ne s’en pooit ravoir, tant fort estoit il courouciés et
disoit ensi: «Comment! messires li princes, je croi,
se gabe et trufe de mi, quant il voet que je donne
congiet maintenant huit cens lances, chevaliers et
30escuiers, lesquels à son commandement et ordenance
j’ai tous retenus. Et leur ay brisiet leurs pourfis à
faire en pluiseurs manières.»
[232] Adonc, en son aïr, li sires de Labreth demanda
tantost un clerch. Il vint. Quant il fu venus, il li
dist: «Escrips,» et li clers escrisi ensi que li sires
de Labreth le devisoit: «Chiers sires, je sui trop
5grandement esmervilliés de unes lettres que vous
m’avés envoiies. Et ne sai mies bonnement ne ne
trueve en mon conseil comment sur ce je vous en
sace ne doie respondre, car il me tourne à grant prejudisce
et à blasme et à tous mes hommes, lesquelz
10à vostre ordenance et commandement je avoie retenus,
et sont tout appareilliet de vous servir. Et
leur ay destournet leur pourfit à faire en pluiseurs
manières, car li aucun estoient meu et ordonné
d’aler oultre mer en Prusce, en Constantinoble ou
15en Jherusalem, ensi que tout chevalier et escuier, qui
se desirent à avancier, font. Si leur vient à grant
merveille et desplaisance de ce qu’il sont bouté derrière.
Et sont tout esmervilliet, et ossi sui je, en quel
manière je le puis envers vous avoir desservi. Chiers
20sires, plaise vous à savoir que je ne saroie les uns
sevrer des aultres. Je sui li pires et li menres de tous.
Et se li aucun y vont, tout iront: ce sace Diex qui
vous ait en sa sainte garde. Escript, etc.»
Quant li princes de Galles eut oy ceste response,
25si le tint à moult presumptueuse, et ossi fisent aucun
de son conseil d’Engleterre, chevalier qui là estoient.
Si crolla li dis princes la teste et dist en englès,
si com je fui adonc enfourmés, car j’estoie
lors pour le temps à Bourdiaus: «Li sires de Labreth
30est uns grans mestres en mon pays, quant il
voelt brisier l’ordenance de mon conseil. Par Dieu,
il n’ira pas ensi qu’il pense. Or demeure, se il voelt,
[233] car sans lui ne ses mil lances ferons nous bien le
voiage.»
Adonc parlèrent aucun chevalier d’Engleterre qui
là estoient et disent: «Monsigneur, vous cognissiés
5encores petitement le ponée des Gascons et comment
il s’outrecuident. Il nous amirent peu et ont amiré
dou temps passé. Ne vous souvient il pas com grandement
il se veurent jadis porter encontre vous en
ceste cité de Bourdiaus, quant li rois Jehans de France
10y fu premierement amenés? Il disoient et maintenoient
tout notorement que par yaus et leur emprise
vous aviés fait le voiage et pris le roy de France. Et
bien fu apparant qu’il voloient ce porter oultre, car
vous fustes en grant trettiés contre yaus plus de
15quatre mois, ançois que il volsissent consentir que li
dis rois de France alast en Engleterre, et leur couvint
plainnement satisfaire leur volenté, pour yaus
tenir à amour.»
Sus ces parolles se teut li princes, mès pour ce ne
20pensa il mies mains. Veci auques le première fondation
de le hayne qui fu entre le prince de Galles et
le signeur de Labreth. Et en fu adonc li sires de
Labreth en grant peril, car li princes estoit durement
grans et haus de corage et crueulz en son aïr, et
25voloit, fust à tort, fust à droit, que tout signeur
asquelz il pooit commander tenissent de lui. Mès li
contes d’Ermignach, qui oncles estoit au dit signeur
de Labreth, fu enfourmés de ces avenues et des grignes
qui estoient entre le prince, son signeur, et son
30neveu le signeur de Labreth. Si vint à Bourdiaus devers
le prince et monsigneur Jehan Chandos et monsigneur
Thumas de Felleton par quel conseil li princes
[234] faisoit et ouvroit tout. Et amoiena si bien ces
parties que li princes se teut et apaisa. Mès toutes fois
li sires de Labreth ne fu escrips que à deus cens lances
dont il n’estoit mies plus liés, ossi n’estoient ses gens;
5ne onques depuis ne chierirent tant le prince comme
il faisoient devant. Si leur couvint porter et passer
leur anoi au mieulz qu’il peurent, car il n’en eurent
adonc aultre cose.
FIN DU TEXTE DU TOME SIXIÈME.