VILANCENTE DO NADAL
1.º Pastor:—Toquen us gallegos,
E canten os cregus;
Toca galleguiño,
Que nace o deusiño,
2.º Pastor:—Eia, pues, tocae.
3.º Pastor:—Nun queru.
2.º Pastor:— Queru eu,
Que Deus pode bir
Por bispo de Tuy.
1.º Pastor:—Toquen as gaitas
Godois e Xan Ruy.
2.º Pastor:—Ao neno cantáe
A Deus festexae,
Folgae e folgae!
3.º Pastor:—Nun queru.
2.º Pastor:— Queru eu
Que Deus é gallego
Que nace entre bois.
1.º Pastor:—Toquen as gaitas
Xan Ruy e Godois.
Festexae en pas
U rei garridiño
Que viste d'armiño
2.º Pastor:—Nun cayas a dar
Voltas galleguiño,
Que chora o deusiño.
Todos:—Toquemos, bailemos
Xunto adoremos
O neno que vemos.
App.º 5 das Trovas e Cantares.