Certe oculis ludus non placet ille meis.
Forte tamen jacuit truncum sine nomine corpus;
Irruit: Hispanum nam cutis esse docet.
Saevit atrox, et qua caedendo, qua laniando,
Absecuit miles strenuus ense femur.
Facturusque fidem, magni argumenta duelli,
Et femur, et ferrum sanguinolenta gerit.
Inde memor moniti, nam pugna cruenta peracta est,
Arma celer properat salva referre domum.
Hoc, ait, Hispanum mulctavi verbere mater,