Abe. Hen see kay cheeografees g’shtudied sella zeit?
Ike. Und kay Mental?
Hoffman. Nix fun der ort. Und es hut shmartery menner und weiver gevva os es olla wile dute.
Sallie. Yaw, ovver sella mole het der kay telagraph und kay rigglewake kot und—
Abe. Und kay may machine.
Yokle. Abe, holt dy moul ( Granny coughs. )
Hoffman. All sellie dinga het mer aw allewile besser net. Wy dee ferdifelda cars hen mer dee woch widder en kolp dode g’fawra!
Abe. ( Aside. ) Sis shaud os es net der alt ux selwert war!
Yokle.—Yaw, es mawg sei. Dee lite hen aw glaibt sell zeit. ( Works at mat. )
Hoffman. Besser os allewile. Sella zeit hot mer der drom greega kenna for en levvy dee quart oder dry cent der drunk. Now wella see aim en gons week shtimma das der orm mon ken may drinka darf. Sell is dee fryhite g’numma.