Hoffman. O! wee haiser, wee besser. ( Granny coughs. )
Granny. ( Drinks. ) Ich denk ich gay awe in’s bet, und won der Henner mol fort is, ken deer aw gay. Hen der don dee deera all g’shlussa?
Yokle. Yaw, mir tenda zu sellem.
Granny. ( Coughs. ) Ich wot dee nocht war witter rum.
( Exits, assisted by Frany who also exits. )
Sallie. ( Aside. ) Ich wunner won der old Hoffman fort will! Ich expect der Gust noch den ovet. Er hut g’saut er kaimt won see der shtore zu hetta. Ich will uf der shpeicher, gucka ep noch licht im shtore is. ( Exits. )
Hoffman. Now, wile mer lay sin mus ich der sawga ferwas ich rivver komma bin. Ich mus sell gelt hovva bis free yore.
Yokle. Yaw, und ich hop kens. Es kosht mich feel und du waisht dee frucht holt bol nix. Alles was ich uf macha kon mus ich in dee inshurance cumpany bezawla. Du waisht ich hob en policy uf dem olda Yark Heverling. Won seller mol nivver ginkt, kent ich dich gonz bezawla, und het noch iverich.
Hoffman. Yaw, dar löbt so long os du. Uf sellem sy leicht kon ich net worta. Du gebsht meer en judgment note oder mortgage uf en yore und no well mer’s so lossa.
Yokle. Sell doon ich net garn.