Frany. Yaw, den nu’midag.
Yokle. Wie feel hen die oyer und der butter g’macht?
Frany. Der butter is yusht 14 and die oyer yusht 16. Und du waisht das dee hinkle net orrig layia by dem kolta wedder. Alles tsomma hut yusht $1.92 g’macht, und des mus ich hovva. Dee Sallie mus en Polenay und en hat hovva und—
Abe. O yaw, sell is der wake. Dee Sallie mus alles hovva und ich mus worta. Der shool-maishter hot hite weeder g’saut ich set en neyee cheeografee greega.
Ike. Yaw, dad, und ich mus en mental hovva.
Yokle. Hob ich net neyee bicher grickt letsht winter?
Abe. Yaw, ovver sie missa widder all neyee greega den winter.
Yokle. Well, boova, ich kan eich ken neyee bicher kaufa shun widder. ( Granny coughs. )
Frany. Horich! ’skomt ebber. Wos net alles drunner und drivver. ( Bustles about and dusts chairs. )
( Enter Henner Hoffman. Granny coughs. )