then wég, ther unsih wénte ‖ zị éiginemo lánte.
Thes selben pádes suazi ‖ suachit réine fuazi;
si thérer situ in mánne, ‖ ther tharána gange:
Thu scalt haben gúati ‖ joh mihilọ ótmuati,
in hérzen io zi nóti ‖ waro káritati;
Dua thir zi giwúrti ‖ scono fúriburti.
wis hórsam io zi gúate, ‖ ni hóri themo muate;
Ínnan thines hérzen kust ‖ ni láz thir thesa wóroltlust,
fliuh thia géginwerti: ‖ so quimit thir frúma in henti.
Húgi, wio ih tharfóra quad, ‖ thiz ist ther ánder pad;