vier unde zweinzec ruore ‖ die jeger hêten verlân.
Dô muosen vil der tiere ‖ verliesen dâ daz leben.
dô wânden sie füegen ‖ daz man solde geben
in den prîs des jeides: ‖ des kunde niht geschehen,
dô der starke Sîfrit ‖ wart zer viwerstat gesehen.
Daz jeit was ergangen, ‖ unde doch niht gar.
die zer viwerstat wolden, ‖ die brâhten mit in dar
vil maneger tiere hiute ‖ und wildes genuoc.
hei waz man ze kuchen ‖ für daz ingesinde truoc!