und spranc dâ hin widere ‖ da er den gêre vant.
er sach nâch einem bilde ‖ an des küenen gewant.
Dô der hêrre Sîfrit ‖ ob dem brunnen tranc,
er schôz in durch daz criuze, ‖ daz von der wunden spranc 10
daz bluot von dem herzen ‖ vaste an Hagnen wât.
solher missewende ‖ ein helt nu nimmer begât.
Der hêrre tobelîchen ‖ von dem brunnen spranc:
im ragete von den herten ‖ ein gêrstange lanc.
der fürste wânde vinden ‖ bogen oder swert:
sô müeste wesen Hagne ‖ nâch sîme dienste gewert.