Dô die hêrren sâhen ‖ daz der helt was tôt,
si leiten in ûf einen schilt ‖ (der was von golde rôt), 10
und wurden des ze râte, ‖ wie daz solde ergân
daz man ez verhæle ‖ daz ez Hagne hete getân.
Dô sprâchen ir genuoge ‖ ‘uns ist übel geschehen.
ir sult ez heln alle, ‖ und sult gelîche jehen,
da er jagen rite aleine, ‖ Kriemhilde man,
in slüegen schâchære, ‖ dâ er füere durch den tan.’
Dô sprach von Troneje Hagne ‖ ‘ich bring in in daz lant.