‘Erwindet edel Rüedegêr,’ ‖ sprach dô Gêrnôt.
‘wan ez wirt deheiner ‖ gesten nie erbôt
sô rehte minneclîchen ‖ als ir uns hapt getân,
des sult ir wol geniezen, ‖ ob wir bî lebene bestân.’
‘Daz wolde got,’ sprach Rüedegêr, ‖ ‘vil edel Gêrnôt,
daz ir ze Rîne wæret ‖ und ich wære tôt
mit etlîchen êren, ‖ sîd ich iuch sol bestân!
ez wart an ellenden ‖ von friunden noh nie wirs getân.’
‘Nu lône iu got, hêr Rüedegêr,’ ‖ sprach dô Gêrnôt,