The German Classics from the Fourth to the Nineteenth Century, Vol. 1 (of 2)

by F. Max Müller

suîðo gornundie ‖ giungaron Kristes

biforan theru dereƀeon dâdi ‖ endi te iro drohtine sprâkun:

‘uuâri it nu thîn uuillio’ quâðun sie, ‖ ‘uualdand frô mîn,

that sie ûs hêr an speres ordun ‖ spildien môstin 10

uuâpnun uunde, ‖ than ni uuâri ûs uuiht sô gôd,

sô that uui hêr for ûsumu drohtine ‖ dôan môstin

binidiun blêka.’ ‖ Thô gibolgan uuarð

snel suerdthegan, ‖ Simon Petrus,

uuel imu innan hugi, ‖ that he ni mahte ênig uuord sprekan:

sô harm uuarð imu an is hertan, ‖ that man is hêrron thar