Dô sprach von dem hûse ‖ Volkêr der spileman:
‘sît mîn geselle Hagene ‖ den vride hât getân,
den sult ir alsô stæte ‖ haben von mîner hant.
daz hapt ir wol verdienet, ‖ dô wir kômen in daz lant.
Vil edel marcgrâve, ‖ ir sult mîn bote sîn.
dise rôte bouge ‖ gab mir diu margrâvîn,
daz ich si tragen solde ‖ hie zer hôchgezît:
die mugt ir selbe schouwen, ‖ daz ir des mîn geziuge sît.’
‘Daz wolde got der rîche,’ ‖ sprach dô Rüedegêr,
‘daz iu diu margrâvinne ‖ noch solte geben mêr! 10