tharf te githolonne, ‖ thiodarƀedies,
te uuinnanne sulic uuiti, ‖ ac he it thurh thit uuerod deda,
huand he liudio barn ‖ lôsien uuelda,
halon fan helliu ‖ an himilrîki,
an thene uuîdon uuelon: ‖ bethiu he thes uuiht ne bisprak,
thes sie imu thurh inuuidnîð ‖ ôgean uueldun.
Thô uurðun thes sô malsce ‖ môdag folc Judeono,
thiu heri uuarð thes sô hrômeg, ‖ thes sie thena hêlagon Krist
an liðobendion ‖ lêdian môstun,
fôrian an fitereun. ‖ Thie fiund eft geuuitun