daz er wol kunde bringen ‖ nâch maneger grôzer êre
ze schaden sînen vînden. ‖ des dranc er nâch Hartmuoten sêre.
Hartmuot bî im hôrte ‖ ungevüegen schal.
er sach daz bluot rîlîchen ‖ vliezen hin ze tal
vil manegen ûz den wunden ‖ nider zuo den vüezen.
dô sprach der degen küene ‖ ‘den schaden sol ich mînen helden büezen.’
Dô kêrte er sich hin umbe ‖ da er Hôranden sach.
von ir beider ellen ‖ balde daz geschach,
daz viur von den ringen ‖ in drâte vür die ougen.