Mit ûf geworfen swerten ‖ begunden si dô gân
Hartmuot der küene ‖ unde ouch sîne man. 10
do bestuont er Waten den grimmen: ‖ daz was dem helde ein êre.
dô hôrte man swert erklingen. ‖ dô starp guoter ritter dester mêre.
Schiere kam Ortrûn ‖ von Ormanîelant
diu junge küniginne ‖ mit windender hant
ze vroun Kûdrûnen. ‖ diu junge maget hêre
viel ir vür die vüeze. ‖ si klagete ir vater Ludewîgen sêre.
Si sprach ‘lâ dich erbarmen, ‖ edelez vürsten kint,