Me plegt friilick wual to seggen: De sick anbaut, des Laun was nich graut; man'n ault Jeddewaart[11] segt auck: De'r dööt wat he kann, is werth dat he liewet ...
Miin leewe Muus!
Bist du to Huus,
Dann si sau nett
Un doo'n Trett,
Wann't ichtens[12] geht
Un di ansteht,
Na miinen Huuse.
Den Dokter Kruse
Un Westermann,
De auck dat Platt
Sau wat verstaa't,
De dreppst Du dann
Hier auck wual an;
Dann Du bist klööker
As ick; un Bööker,
De in de Welt
Uutdraawen[13] schiöl't,
De mot me rieken[14]
Vorhier besprieken;
Süß[15] gift 't all'nhand
'N Misverstand
Un dat is wiss'[16]
Herneigest miss[17]. —
Et gaa' Di wual!
Ick sitt' in'n Stall
Un kann nich kruupen,
Dann 'k heww'n Huupen
Van Seer[18] un Piine.
Ick bin de Diine.
[1] Finnenkiikers: (Finnen, eine Krankheit der Schweine) Finnensucher, fig: Recensenten.
[2] met Leiwe: in Ruhe.
[3] butt: unhöflich, unsanft, grob.
[4] balstüürig: ungeschlacht, unbändig.
[5] Bedriif: Betrieb, Hergang.
[6] nowwe: genau.
[7] bedierwe: sacht, sanftmüthig.
[8] flispern: flüstern.