Adam krafft confitetur, das Jm Sebolt Schreyer vnd Mathias Landawer angedingt haben, die figur des gemels, bey Iren Begrebnussen zu Sandt Sebolt, hindten am kor In stainwerck zubringen Nemlich das er erstlich auff das furderlichst guten gantzen und vnwettereſsigen stain zu Fach oder an andern enden, darzu bestellen vnd brechen lassen soll, Doch was derselb zu brechen cost, Das Schreyer und Landawer dasselb betzaln, vnd Im den mit furn herein bestellen sollen, an das ende da er den Arbeiten will, Er soll und wol auch darnach solich arbait auff das fürderlichst anfahen, Auch darob beleyben vnd die auff Ir angeben auſsmachen nach dem besten, Vnd die sosy auſsberait sey alsdann auff seins selbs wagknuſs und costen an dem gemelten ende auffmachen Vnd so die also an die statt gantz auſsberait. vnd auffgesatzt sey Soll und woll er sein vorderung für soliche arbeit tun, Doch das die vber hundert vnd lx fl.. So er yeczo geuordert hab nit treffe. Dagegen sollen Im Schreyer und Landawer auch ain Erber zimlich gebott tun, Vnd wo sy sich darauff der belonung nicht verainen möchten. Das dann er der krafft ainen oder zwen darzu solte nemen. Deſsgleichen Schreyer und Landawer auch tun sollen. Vnd was dieselben zwischen Inen würden auſssprechen Dabey solt es beleyben, Wo sy sich aber nit verainen und gespalten sein würden, So solten die zwen den dritten, oder die vier den fünfften zu Inen nemen, Vnd was also durch die Drey oder die fünff gesprochen würd des solten sy sich zu allen tailen benügen laſsen, Wer auch sach das er der krafft In mittler zeitdieweyl er an solicher arbait machet, gelts zu zerung In seinem hawse nottürfftig sein würd. Solten Im Schreyer und landawer die zimlicher weyse vnd bey aintzing geben Darvmb das er dester baſs ob solicher arbait beleyben möcht, Doch das die selb gab des zergelts vber l oder lx fl. Rh. nit träfe. Die vorgenanten Schreyer und Landawer haben auch alsbald bekant Das sy allem dem. So Ine, wie vorlawt zugepüre, Auch volg vnd volziehung tun wollen, Alles getrewlich und vngeuerlich. Testes Rogati, Martin haller vnd Endres von watt, Actum Sabato post Natiuitatis Marie. 90 (11. Sept. 1490).
Darunter in anderer Schrift:
Adam krafft hett Sebolden schreyer und Mathias Landawer. vnd hinwiderum haben sie bede In auch quitt ledig vnd lose gesagt. In lawt diſs vertrags Auch vmb die besserung vnd alle annder sache das werck antreffende nichtzit auſsgenomen noch hindangesetzt vt in forma meliori Testes Rogati Enndres Harsdorffer vnd Hans Haller Jorgen hallers seligen Sune actum 2 a post Johannis ante portam latinam lxxxxii (7. Mai 1492).
Daſs die beiden Namen Matthäus und Matthias von den Schreibern oft verwechselt worden sind, sieht man auch hier. Landauer hieſs Matthäus.
Nürnberg.
Lochner.
(Mit einer Beilage.)
Verantwortliche Redaction: Dr. G. K. Frommann. Dr. A. v. Eye.
Verlag der literarisch-artistischen Anstalt des germanischen Museums in Nürnberg.
U. E. Sebald’sche Buchdruckerei.