Min Hart was as en Sommerbeet,
Un di, di blöht dit Flach.
Giv mi noch mol din warme Hand,
Un du versteist mi sach.

Lütt Ursel

Lütt Ursel,
Lütt Snursel,
Wat snökerst du 'rum?
Di steit din lütt Näs wull
Na Appel un Plumm'.

Lütt Ursel,
Lütt Snursel,
Din Näs is man'n Spann,
Doch is dat'n Näs all
För Pött un för Pann.

Lütt Ursel,
Lütt Snursel,
Dar hest'n Rosin,
Dar sünd dre lütt Steen in,
Un all' dre sünd din.

De Snurkers

De Klock sleit acht,
Nu Kinners, go' Nacht.
Man gau un man fixen
Herut ut de Büxen,
Man flink ut de Schoh
Un rinne in't Stroh.

De Klock sleit negen,
De Oellsten, de sägen,
De Lütt, mit sin Snuten,
Kann ok all wat tuten.
Dat is'n Konzert,
Is wirkli wat wert.

De Klock sleit tein,
Nu, Olsch, ward dat fein,
Nu legg di man slapen,
Du hast dat schön drapen,
Nu klingt dat erst recht,
Ik snurk as'n Knecht.

De lütt' Boom