‚Diu immer in den stürmen   kunde sîn geschehen: A.231

man muoß der wârheite   dem ûß derwelten jehen.

die stolzen Burgunden   habent sô gevarn,

daß si vor allen schanden   ir êre kunden bewarn.

‚Man sach dâ von ir handen   vil manegen satel blôß, A.232

dâ von liehten swerten   daß velt sô lûte erdôß.

die recken von dem Rîne   die habent sô geriten,

daß eß ir vîenden   wære beßßer vermiten.

‚Die küenen Tronejære   die vrumten grôßiu leit, A.233

dô mit volkes kreften   daß her ze samne reit.