dâ vrumte manegen tôten des küenen Hagnen hant,
des vil ze sagene wære her in Burgunden lant.
‚Sindolt und Hûnolt, die Gêrnôtes man, A.234
und Rûmolt der küene die hânt sô vil getân,
daß eß Liudgêre mag immer wesen leit,
daß er den mînen hêrren het ze Rîne widerseit.
‚Strît den aller hœhsten, der inder dâ geschach 235
ze jungest und zem êrsten, den iemen dâ gesach,
den tet vil degenlîchen diu Sîvrides hant.
er bringet rîche gîsele her in Guntheres lant.