der wirt gên sînen gesten vil vrœlîchen reit:
mit vreuden was verendet sîn vil grœßlîcheß leit.
Do enphie er wol die sîne, die vremden tet er sam, 244
wan dem rîchen künege anders niht enzam
wan danken güetlîche den, die im wâren komen,
daß si den sic nâch êren in sturme hêten genomen.
Gunther bat im mære von sînen vriunden sagen, 245
wer im an der reise ze tôde wær erslagen:
dô het er vlorn niemen niuwan sehzec man.
verklagen man die muose, sô sît vil helde sint getân.