sîn phlâgen ouch die wîsen, den êre was bekant:
des mohte er wol gewinnen beidiu liute unde lant.
Nu was er in der sterke, daß er wol wâfen truoc: A.27
swes er dar zuo bedorfte, des lag an im genuoc.
dô begunde er sinnen werben schœniu wîp:
die trûten wol mit êren den sînen wætlîchen lîp.
Dô hieß sîn vater Sigemunt künden sînen man, A.28
er wolde hôhgezîte mit lieben vriunden hân.
diu mære man dô vuorte in ander künege lant.
den vremden und den kunden gab er ros unt gewant.