Swâ man vant deheinen, der rîter solde sîn A.29
von arte der sînen mâge, diu edelen kindelîn
ladet man zuo dem lande durch die hôhgezît:
mit dem jungen künege swert genâmen si sît.
Von der hôhzîte man wunder möhte sagen. A.30
Sigmunt unde Sigelint die mohten wol bejagen
mit guote michel êre: des teilte vil ir hant.
des sach man vil der vremden zuo in rîten in daß lant.
Vier hundert swertdegene die solten tragen kleit A.31
mit dem jungen künege; vil manec schœniu meit