von werke was unmüeßec,   wan si im wâren holt.

vil der edelen steine   die vrouwen leiten in daß golt,

Die si mit borten wolden   wurken ûf ir wât A.32

den jungen stolzen recken;   des enwas niht rât.

der wirt der hieß dô sidelen   vil manegem küenen man

zeinen sunewenden,   dâ Sîvrit rîters namen gewan.

Dô gie zeime münster   vil manec rîcher kneht A.33

und vil der edelen rîter;   die wîsen heten reht,

daß si den tumben dienden,   als in was ê getân.

si heten kurzwîle   und ouch vil maneger vreuden wân.