‚wir sîn iuwer helfe billîchen vrô‘.
er sprach: ‚ich kume widere in vil kurzen tagen.
daß ir mich habet gesendet, sult ir der küneginne sagen.‘
Âventiure
wie Sîvrit nâch den Nibelungen vuor.
‚Dannen gie dô Sîvrit zer porten ûf den sant A.451
in sîner tarnkappen, dâ er ein schiffel vant.
dar an sô stuont vil tougen daß Sigmundes kint:
er vuorte eß balde dannen, als ob eß wæte der wint.
Den schifmeister niemen sach; daß schiffel sêre vlôß A.452
von Sîvrides kreften: die wâren alsô grôß.