si wânden, daß eß vuorte ein sunder starker wint:
nein, eß vuorte Sîvrit, der schœnen Siglinde kint.
Bî des tages zîte und bî der einen naht A.453
kom er zeime lande mit michelre maht,
hundert langer raste und dannoch lîhte baß;
daß hieß Niblunge, dâ er den grôßen hort besaß.
Der helt vuor aleine ûf einen wert breit: A.454
daß schif gebant vil balde der rîter vil gemeit.
er gie zuo eime berge, dar ûfe ein burc stuont,
und suohte herberge, sô die wegemüede tuont.