Âventiure
wie Sîvrit ze Wormeß gesant wart.
Dô si gevarn wâren volle niun tage, 496
dô sprach von Troneje Hagene: ‚nu hœret, waß ich sage.
wir sûmen uns mit den mæren ze Wormeß an den Rîn:
iuwer boten solden nu ze Burgunden sîn.‘
Dô sprach künic Gunther: ‚ir habet wâr geseit. 497
uns wære ze der verte niemen sô bereit
als ir, vriunt Hagene: nu rîtet in mîn lant.
unser hovereise tuot in nieman baß bekant.‘
‚Nu wißßet, lieber hêrre, ich bin niht bote guot: B.