daß ich die küneginne und iuwer swester sehe.
die sol ich lâßen hœren, waß iu enboten hât
Gunther und Prünhilt: ir dinc in beiden hôhe stât.‘
Dô sprach der junge Gîselher: ‚dâ sult ir zuo ir gân; 512
dâ habet ir mîner swester liebe an getân.
si treit michel sorge umbe den bruoder mîn:
diu meit sihet iuch gerne: des wil ich iuwer bürge sîn.‘
Dô sprach der hêrre Sîvrit: ‚swâ ich ir dienen kan, 513
daß sol willeclîchen mit triuwen sîn getân.
wer seit nu den vrouwen, daß ich wil dar gân?‘