daß mir bluot zen nagelen allenthalben dranc.
ich hete ze mîme lebene harte kleinen gedanc.‘
Dô sprach der hêrre Sîvrit: ‚du maht wol genesen, B.
ich wæne, uns ungelîche hînaht sî gewesen.
mir ist dîn swester Kriemhilt lieber danne der lîp.
eß muoß diu vrouwe Prünhilt noch hînte werden dîn wîp.‘
Er sprach: ‚ich kume noch hînte zer kemenâten dîn 602
alsô tougenlîche in der tarnkappe mîn,
daß sich mîner liste niemen mac verstên.
sô lâ die kamerære zuo den herbergen gên.