komen zuo dem lande, daß wir si hie gesehen:
sone kunde mir ze wâre nimmer lieber geschehen.
‚Dîner swester zühte, ir wol gezogen muot, 673
sô ich dar an gedenke, wie sanfte mir daß tuot;
wie wir ensament sâßen, dô ich wart dîn wîp!
si mac mit êren minnen des küenen Sîvrides lîp.‘
Si gertes alsô lange, unz der künic sprach: 674
‚nu wißßet, daß ich geste sô gerne nie gesach.
ir muget mich sanfte vlêgen: ich wil die boten mîn
nâch in beiden senden, daß si her komen an den Rîn.‘