Dô sprach diu küneginne: ‚sô sult ir mir sagen, A.675
wenne ir si welt besenden, oder in welhen tagen
unser liebe vriunde suln komen in daß lant.
die ir dar welt senden, die lât mir werden bekant.‘
‚Daß tuon ich,‘ sprach der fürste: ‚drîßec mîner man 676
wil ich dar lân rîten.‘ die hieß er vür sich gân:
bî den enbôt er mære in Sîvrides lant.
ze liebe gab in Prünhilt vil harte hêrlîch gewant.
Dô sprach der künec: ‚ir recken sult von mir sagen, 677
daß ich dar enbiete, des sult ir niht verdagen,