Prünhilt und Uote   und swaß man vrouwen vant, 680

die enbuten ir dienest   in Sîvrides lant

den minneclîchen vrouwen   und manegem küenen man.

mit des küneges râte   die boten huoben sich dan.

Si vuoren reislîche;   ir phert und ir gewant 681

daß was in komen allen:   dô rûmten si daß lant.

in zogte wol ir verte,   dar si dâ wolden varn.

der künic mit geleite   bat die boten wol bewarn.

Inre tagen zwelven   si kômen in daß lant, 682

ze Niblunges bürge:   dar wâren si gesant.