ze Norweg in der marke vunden si den degen.
ros und liute wâren müede von den langen wegen.
Sîvride und Kriemhilde wart beiden dô geseit, 683
daß rîter komen wæren, die trüegen solhiu kleit,
sam man zen Burgunden dâ der site phlac.
si spranc von eime bette dâ si ruowende lac.
Dô bat si zeime venster eine maget gân. 684
diu sach den küenen Gêren an dem hove stân,
in und die gesellen, die wâren dar gesant.
gegen ir herzeleide wie liebiu mære si bevant!