ir mœre heim ze lande: er was ein rîcher man.
ir starken soumære treip man vrœlîchen dan.
Ir volk kleidete Sîvrit und ouch Sigemunt. 708
Eckewart der grâve der hieß an der stunt
vrouwen kleider suochen, diu besten, die man vant
oder inder kunde erwerben über Sîvrides lant.
Die setel zuo den schilden bereiten man began. 709
rîtern und vrouwen, die mit im solden dan,
den gap man, swaß si wolden, daß in niht gebrast.
er brâhte sînen vriunden manegen hêrlîchen gast.