‚Du ziuhest dich ze hôhe,‘ sprach dô des küneges wîp. 769
‚nu wil ich sehen gerne, ob man dînen lîp
habe ze solhen êren, sô man den mînen tuot.‘
die vrouwen wurden beide vil sêre zornec gemuot.
Dô sprach diu vrouwe Kriemhilt: ‚daß muoß et nu geschehen: 770
sît du mînes mannes vür eigen hâst gejehen,
sô müeßen hiute kiesen der beider künege man,
ob ich vor küneges wîbe ze kirche türre gegân.
‚Du muost daß hiute schouwen, daß ich bin edelvrî, A.771
und daß mîn man ist tiuwerer, danne der dîn sî.