der uns mit dem degene dienstlîch ist undertân?‘
Kriemhilt diu vil schœne daß sêre zürnen began.
‚Du muost in verkiesen, daß er dir immer bî 767
wone deheiner dienste. erst tiurer, danne sî
Gunther mîn bruoder, der vil edel man.
du solt mich des erlâßen, daß ich von dir vernomen hân.
‚Und nimt mich immer wunder, sît er dîn eigen ist 768
und du über uns beidiu sô gewaltec bist,
daß er dir sô lange den zins verseßßen hât.
dîner übermüete solde ich von rehte haben rât.‘