Dô sprach der hêrre Sîvrit: ‚nu rûme wir den tan!‘ 887
sîn ros truoc in ebene: si îlten mit im dan.
si ersprancten mit ir schalle ein tier gremelich,
einen bern wilden. dô sprach der degen hinder sich:
‚Ich wil uns hergesellen kurzwîle wern. 888
ir solt den bracken lâßen: ich sihe einen bern;
der sol mit uns hinnen zen herbergen varn.
ern vliehe danne sêre, ern kan sichs nimmer bewarn.‘
Der bracke wart verlâßen, der ber spranc von dan. 889
dô wolde in errîten Kriemhilde man.